|
|
 Re: ناس الزقازيق ... أجدع ناس .. (Re: جلال عثمان)
|
حباب الميل 42 ، وبعد شوية يجيلك أخونا البادي
طاشي أو جلا داخل ضفاري ويبدأ المداخلة في الميل
الجديد ويعملوا ليك هم إلي قصوا الشريط .
من أجمل قصائد نزار قباني ، حيث كنت أتابع جميع
أشعار نزار قباني منذ الصغر :
جزاء العطاء من القلب في عصرنا
قالت لهُ...
أتحبني وأنا ضريرة...
وفي الدُّنيا بناتُ كثيرة...
الحلوةُ و الجميلةُ و المثيرة...
ما أنت إلا بمجنون...
أو مشفقٌ على عمياء العيون...
قالَ... بل أنا عاشقٌ يا حلوتي...
ولا أتمنى من دنيتي...
إلا أن تصيري زوجتي...
وقد رزقني الله المال...
وما أظنُّ الشفاء مٌحال...
قالت... إن أعدتّ إليّ بصري...
سأرضى بكَ يا قدري...
وسأقضي معك عمري...
لكن..
من يعطيني عينيه...
وأيُّ ليلِ يبقى لديه...
وفي يومٍ جاءها مُسرِعا... أبشري قد وجدّتُ المُتبرِّعا...
وستبصرين ما خلق اللهُ وأبدعا...
وستوفين بوعدكِ لي...
وتكونين زوجةً لي...
ويوم فتحت أعيُنها...
كان واقفاَ يمسُك يدها...
رأتهُ...
فدوت صرختُها...
أأنت أيضاً أعمى؟!!...
وبكت حظها الشُؤمَ...
لا تحزني يا حبيبتي... ستكونين عيوني ودليلتي...
فمتى تصيرين زوجتي...
قالت...
أأنا أتزوّجُ ضريرا...
وقد أصبحتُ اليومَ بصيرا...
فبكى... وقال سامحيني...
من أنا لتتزوّجيني...
ولكن...
قبل أن تترُكيني...
أريدُ منكِ أن تعديني...
v
v
v
v
v
أن تعتني جيداً بعيوني...
:
:
>>يآبعد هالدنيآ والله يا شباب ، :(:(:(
| |
 
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
خواطر ،،، قديمة من القلب ،،،
تذكروهم بدفء وحميمية..
ولا تحصوا وجوههم كما يحصي البخيل دنانيره ودراهمه..
كي لا تصابوا بالإحباط عند اكتشاف إفلاس قلوبكم من تلك الوجوه..
و"حـــاولوا" أن ترسموا وجوههم في دفاتركم كالحكايات الجميلة..
واسردوها على قلوبكم قبل النوم..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
و الله يا طارق الجقلبة بدت وخصوصا هذه الاجازة بعد أن جمعنا الله باخوة أعزاء و كان هذا التواصل
الحميمي بينننا...لكني ما زلت صامدا حتى هذه اللحظة...ففلفستي في الاجازات أن لا تفسد فيها يوما..
بمعنى أن لا تفكر في السفر حتى يحين وقتة...يعني صباح يوم السفر...بس يوم السفر كان بقيت الملكة
اليزابيث من حيث البرود و الوش المجلد بتجرس... تلقى كل واحد شايل ليهو منديل والعيون حمراء
والحالة حالة...و يستمر الصمود حتى آخر لحظة...و بعدين نجاة حوفي ذاتة ما بتساعد الواحد تقعد
تجرس و تجرسنا معاها...
المرة دي غايتو بحاول لكن كان فشلت فأعذروني...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ومالوا ما تبكوا
كبوا الدموع دى زى ما الله خلقها
عيب ولا حرام يعنى ؟؟اهم شىء الواحد يكون صادق مع نفسه ومع احساسه
لاتحبسن دموعا صادقة , لأنها فى التهاية وفى البداية , شفافية , صدق , يمين
انا ااجز زى اجازتكم دى , واعمل فيها جنس العمائل دى , والهلال يلعب الكورة الشينة دى
والمريخ يتبشتن البشتنة دى , اول حاجة اعملها , اشطب وارغو ده واديهو خروج نهائى
وابدأ فى بناء الطابق الثالث و وبعد داك , اقعد ابكى بمزاااااج
والله بالجد يا رشيد وزهير ومحمد صديق وجلا ومعاوية ونهلة ويا كل الشباب ويبا جميع اسركم
واولادكم وزوجاتكم بنات الشيوخ او (المدامات) كما يحب زهير
والله والله , جبتوا لينا الأجازة لغاية عندنا
يا حلوين , يا غياظين
عليك الله يا زهير , سفسفتك دى , سفسفة زول مرضان
قالوا كنت بتقزقزمعاهم ساكت
اقول ليك , تانى قزقز فى بيتكم , وتعال اتعشى فى نادى الشرطة
ان شاء الله يا رب السموات والأرض
صور الباخرة تتحرق لمن قميص الرشيد اللبنى ده
ما يفرزوهو من قميص محمد المرتضصى الأسود الزمااااان داك
انت ما لبستوا قبل كده يا الرشيد ؟؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
في كل زياراتي للسودان أشعر في اليومين الأخيرين أن الشمس أشد حرارة من الأيام السابقة...رغم ان زياراتي السابقة كانت في الشتاء...هل هي يا ترى مسألة نفسية أم أن شمس بلادي تقول لي شايف كيف أكرمت مقدمكم بتخفيف حرارتي عنكم...و بما انكم مغادرون الآن فسوف أرجع لسابق عهدي...فحرارتي التي تتذمزون منها أنتم الوافدون اليناتشكل مصدر جيدا للحفاظ على صحة البيئة...فتجف مياة الأمطار بسرعة الأمر الذي لا يتسبب في تكوين البرك و بالتالي تكاثر الباعوض...حرارتي تقضي على الكثير من الميكروبات التي تسبب الأمراض..و حرارتي تجفف الشرموط و البصل لرمضان...الخ الخ,,,
من أكثر الايجابيات في هذه الاجازة أن أبنائي أصبحوا يحبون السودان و حين أسألهم هل تفضلون البقاء في السودان أم الرجوع الى أبوظبي...فيقولون نفضل البقاء ولكن ليس for ever فوجدتها نقلة ايجابية...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
لمن ناس امنية ومهند يالرشيد يقولوا اجابتهم العفوية دى
احسن السودان لكن (نوت فور ايفر)
بيلخصوا الجوانا تلخيص عميق
لكن برضوا بنسأل , لى متين , يلازمك فى هواك مر الشجن
ويطول بأيامك سهر ويطول عذاب
يا قلبى لو كانت محبته بالتمن
يكفيك هدرت عمر حرقت عليه شباب
المعادلة صعبة يا رش
نعرف طول حياتنا انو الناس , بيسافروا اجازات من بلدهم
زى مبارك جادين كده
لكن ان نسافر اجازة لى بلدنا , مجرد اجازة
فهذا والله احساس قاتل
تعيش وتأجز يا رش
| |
|
|
|
|
|
|
|
|
|
Re: ناس الزقازيق ... أجدع ناس .. (Re: منصور عبد الرازق)
|
الأعزاء ناس الزقازيق
الشوق بلا حدود
المواضيع أيضاً بلا حدود
أولاً أتمني أن لا ينسي الناس دعوة سامي عبد الوهاب
لتسجيل البيانات وهي مهمة ، كما أنها ستربط عدد من الأشخاص
ببعضهم خاصة الذين لم يلتقوا من فترة طويلة ، ويمكن عبر هذا البوست
عمل نداءات لهم ، فمثلاً منذ فترة طويلة لم أسمع أخبار عن أصدقائي
الصادق قرشي - الولايات المتحدة
عماد عبد القادر (لوفا) السعودية
ويمكن عبر هذا البوست نعيد التواصل
وأيضاً من الذين أبحث عنهم عماد شقلي ود كسلا فقد أختفي من كل الشاشات
المحلية والأجنبية ومن يعثر عليه إبلاغه أشواقنا
سأقوم بإنزال صور نادي الشرطة كآخر محاولة لأن المحاولات السابقة
قد باءت بالفشل آخرها ضياع الفلاش الذي لم أجد منه سواء الغطاء
وبركاتك يا شيخ منصور
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
والله يا عمار الزول يخجل يقول إنت دفعته ، عليك سيدي الحسن شوف ليك طريقة للشيب دا ياخي
ممكن نكلم ليك جمال فارح ، وممكن نعمل ليك شيرنغ عديل كدا تسافر تركيا زي الرشيد تعمل ليك
أي حاجة تبقيك صغير .
في واحدة من إفطارات الزقازيق الجماعية ، شاهدت زوجة جمال فارح عمار رحة الله وهي يرتدي هذا
الشيب ، فمالك علي أذن جمال : عليك الله يا جمال الناس الكبار ديل قروا معاكم .....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
أنا غيرت راي من المكتب السياسي ، الزول رئيس الحزب عديل كده لكن ياتو جناح نسأل عبد الحفيظ
بالمناسبة أرسل لي أحمد إسماعيل ، وعبد الحفيظ فقط من الناس الذي يرغبون في الإنضمام لسودانيز أون لاين المرة دي سوقنا نائم ، محمد عثمان عبد الرحيم عايزين الإيميل بتاعه ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
ابو الزهور ..
ياخ مالك داير تلحقنا أمات طه ..؟
انحنا قلنا خلاص الرشيد مسافر الليله والمغصة كملت ..
تجى تهرد فى فشافيشنا كده ليه ( جمع فشفاش بيكتبوها كده يامنصور ؟؟ )
| Quote: بالمناسبة دعوة العشاء مقدمه من الوجيهين جمال فارح ، مبارك جادين |
وانحنا قبيل قلنا ديل محمد صديق وعمار واستغلوا مناصبهم ..
والجماعة عملوا نايمين ..!! ما اتحسبت يا بواليس ..!!
Quote: يا زول كركم شنو والحاجات البلدي دي ، أديك معاي من الحاجات بتاعات تركيا تدي ربك العجب
بس ما تكلم منصور ومحمد عيد وميسرة |
...
يا رشيد قالوا فى المثل ..
لا يصلح العطار ما أفسده الدهر ..
وانت زمان نهلة قالت ليك لو جيت قايم من النوم بتضيع الجماعة
فانت لوداير تلعب صاح تعال بى جاى ولاعب الريس ميسره ذاتو
لكن جمال السنوسى وعبد الدايم حيكونوا فى الجهاز الفنى ..
**********
زهير وصديق وجلا ..
قطع شك مجهوداتكم فى الفترة الفاتت دى كفاية لتأكيد تصديكم
لأعمال الجمعية .. وبوادر خير لمخططاتكم الجهنمية ..
امنياتى بان تؤدى هذه الطفرة وهذا الترابط للدفع من جديد
فى تحريك برامج الجمعية .. وياهو طرف الخيط اتعرف ..
برامج اجتماعية قوية تؤدى الى التفاف الجميع حولكم ومن ثم
طرح الأفكار والخطط والسعى لتنفيذها ..
ولدينا فكره فى عمل يوم مشترك الاسبوع القادم فى كل من جده والرياض
لجمع الناس كلها وطرح الافكار التى تدعم مجهوداتكم ..
والميكرفون مع الريس لتحريك القواعد قبل سفره
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
يازهير يا زناتي...
اول كنت عمي المصوراتي...
لكن الآن البروف المصوراتي...
والله بريحق الوجد هيجت شجوني...
انشاء الله دائماً مجموعين في الخير...
وهذا هو دوماً طعم ناس الزقازيق...
حلاوة واصالة ووفاء...
ورغم كل هذا املنا في تعميق اواصر العلاقات...
وتوسيع مساحات الترابط...
سؤال ...اين الاخ / معنصم سلمان جعفر...خالص تحياتي ليهو...
لكم مني خالص مودني
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
صباحكم خير ،،، يا وجوه الخير ،،،
Quote: ولدينا فكره فى عمل يوم مشترك الاسبوع القادم
فى كل من جده والرياض
لجمع الناس كلها وطرح الافكار التى تدعم مجهوداتكم ..
والميكرفون مع الريس لتحريك القواعد قبل سفره |
دعوة كريمة من أخونا محمد عيد قبل بدء الإجازة والتي سوف
تبدأ بنهاية دوام الأربعاء 13/8/2009م نؤيد هذه الدعوة ولنربطها
مع دعوة أخونا عصام دهب ،،، وهيا لنتفاكر جميعاً عن طريق الهاتف
لبحث إمكانية نجاحها .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: عثمان الجيلي شيخ محمد)
|
اها انا قايلو عصام محمد نور
الرشيد بعد ما ترجع شغلك عندى ليك سؤال ... الحتة الانت قاعد فيها هسه ( سمحة )
يعنى بعد ما مشيت بيت ناس منصور لو قطعت زلط الصحافة ما كان بتلقى بيتنا
بس اللوم ما عليك اللوم على ناس كاميرا الشروق جات مارة من هنا والزول البشبه محمد موسى ده
يا زهير عندى اقتراح لو ممكن تطلعوا بره الخرطوم شوية وتعملوا يوم مفتوح يكون احسن
ومـدنـى مثالا" ،،،
بعدين اخبار الجمعية شـــــــــــــنو ؟؟؟؟
وتانى شايف عدد قراء البوست قل شوية ... دماء جديدة ،، صور قديمة وحديثة اكيد
حترجع الناس
ملاحظة : ابتعاد عدد من الاخوة الزملاء الاعزاء من الكتابة ،،،،، ما عارف شكل السؤال يكون كيف
لكن انشاء الله المانع خـير ؟؟؟؟؟؟؟؟؟؟؟
| |
|
|
|
|
|
|
|
|
 Re: ناس الزقازيق ... أجدع ناس .. (Re: عبد الدائم سيد أحمد)
|
..
.
والله ماشاء الله جلسه فى الحرم ..
ربنا يديم الود والتواصل ..
زهير ما تقول ولا كلمة ..
اللوم بجى بمفاجات ظروف العمل لا اكثر ولا اقل ..
والله يسترنا فى الجايات ..
الواحد سعيد يشوف المقدم العجوز عمار
والاخ عوض المفتاح والرشيد ونجاة ود.نورا
بعد طول غياب ..
جلا شايفك لاعب هاف ماشي ..
التعليق مهدى للاخ عبدالدائم النضيف
_____________
انتو بركة دا مشى عمرة
ولا مشى رحلة استجمام على شواطئ البحر الاسود
ماشاء الله عينا باردة
هو كان برلوم عمار مش كدا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
Quote: ملاحظة : ابتعاد عدد من الاخوة الزملاء الاعزاء من الكتابة ،،،،، ما عارف شكل السؤال يكون كيف
لكن انشاء الله المانع خـير ؟؟؟؟؟؟؟؟؟؟؟ |
عبدالدائم .....
إنت من زمان شيخى .... لكن والله بركاتك ياشيخنا الظاهر زادت ....
الجابت صالح دي والله ماهينة ..... مدد يالنضيف
انتو متأكدين ده عمار رحمة الله (ود علوم) ؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
..
.
| Quote: انتو متأكدين ده عمار رحمة الله (ود علوم) ؟ |
قرقر قرقر قرقر
لا طبعاً
دا خضر بشير فى شبابو ..
ازيك يا جلجل ..
والله مشتاقين ومتلومين .. ولوم بيعمل مغص
لانو الواحد الجلسة دى فاتتو ..
والله هير ما قصر .. بلغنا ومرتين ..
بس يوم الجلسة مرقتها فى نيالا ..
المعايش غلابه والله ..
بس تانى بحرس ليكم الحوش الفاضى دا ..
بخور شيخ النضيف وعروقو سرها قووووى ..
________
النضيف سرو باتع ..
مدددد يا شيخنا
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: عبدالدائم .....
إنت من زمان شيخى .... لكن والله بركاتك ياشيخنا الظاهر زادت ....
الجابت صالح دي والله ماهينة ..... مدد يالنضيف
انتو متأكدين ده عمار رحمة الله (ود علوم) ؟ |
صالح تبدلينا والله بركة الجيت ،،، وإنشاء تاني ما تفوت
والرجع يرجع لينا د. سناء و د. صفيه ،،،
يا شيخنا بتاع الببسي والجكسي شوف لينا صور كده لأخونا
عمار رحمة الله ده علشان نتأكد بأن صور زهير ما مزورة.
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
والله اللمة ما عندكم يا زهير
عليكم الله شوفوا النجائل دى مخضرة كيفن
حالتوا نهلة ما فيشة
وشوفوا الصلع دى ترقش كيفن
تتلامع لامن تزغلل ليك عيونك
وشوفوا الجلاليب دى نضيفة كيفن
انعل ابو صابون تايد زاتو
والكلوركس معاهو , برضو انعل ابوهو وامه كمان
وشوفوا الثياب دى
نجاة دى مش قلنا لابسة البرتقال
قلبت طماطم متين ؟؟؟؟
جمال فارح , عليك الله ما مصبغ ؟؟؟
عليك الله كلمنى , يمين تحلف تقول ما مصبغ
الا اصبغ انا , ولا امشى تركيا قبل ما اجيكم
والله العظيم صور روعة لامن بوظت اعصابى تااااانى
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
اهو ده عمار رحمة الله ( تانى واحد من اليمين ) زمن كان بغنو ليهو
بنطلونو مسطر يا هلا ..... والقميص بوليستر يا هلا .. حلاتو ذى السكر يا هلا
يعنى بالعربى كده اذا كان حمدى الفضلى رقم واحد هو رقم 2
يا تبلدينا انت ما شايف جــلا الايام دى مصاحب زهير ومحمد صديق
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
والله يا زهير صور مبالغه ..وما قصرت وافتكر الرشيد عمل حراك اجتماعي رهيب ...
سيف النصر...بطنك كرشت .... فعلا عاوز فحص سكري عاجل ...
عمار رحمة الله ...لاتعليق..بس ممكن أجيب ليك علاج معاي
جمال فارح..أكيد عامل خلطه سريه ...
محمد صديق ...دي فايدة الكوره ..شايف ماعندك كرش ..عارف زمان سيف أب كرش ده كان بيسخر مني لمن أمشي العب كوره ويقول كل كبير كده وماشي (تلعب)...
جاييكم في رمضان ي زهير ...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الله اكبر...الله اكبر ...الله اكبر..
قال ايه قال ...انا ماشي نيالا...
ازيك يا تبلدينا ...والله مشتاقين شديد..
يا اخي ما معقول كده....
ولا عايز تعمل اهميات...
علي العموم نحن بنعمل ليك اكثر من اهميات...
بس ما تغيب عنا...
واليومين دي نحن عندنا مشروع حضاري...
( اسمو العرس الاجباري ...)
شروط الاشتراك كالاتي :
1/ اسمك مكتوب وغصباً عنك...
2 / الترشيح سري للغاية بواسطة الالبوم ...
3/ يتم مارجعة الارشيف للاطلاع علي الصور بواسطة عبدالدائم وزهير الزناتي...
4/ الترشيحات سارية للغاية حتي الريس ميسرة لا يعلم عنها شيْ...
5/ انت في الكشف قبل هاني ونبيل سيد نصر...
6/ تحديد الشخصيةمن طرفنا بعد اجبارك عليها وتحديد موعد الزواج متروك ليك بس في مدة لا تتجاوز الشهرين...
7/ هنالك فرصة للمتزوجين ويرغبوا في الزيادة لاما نع لدينا ينظر في طلباتهم سراً وجهراً حسب الرغبة والشجاعة المتوفر ة للمتقدم...
8/ تقبل طلبات اولاد الشيخ وكذلك ناس ( المدام قالت )..
للاستفسار مراجعة الادارة علي التلفونات ادناهـ
ــــــــــــــــــــــــــــــ
عبد الدائم الصور عندك....
خالص تحياتي ومودتي
عثمان
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
صبحكم الله بالخير
وصلت مساء أول أمس الى الامارات وقضيت معظم يوم أمس من سرير لي سرير... و اليوم في المنطقة الغربية في مكان عملي...
كان في وداعنا في مطار الخرطوم وفد كبير من الأهل لم يسهلوا علينا مسألة السفر...
عند دخولي مطار الخرطوم قابلت عند المدخل جمال عبدالحميد..و عند كاونتر القطرية تواجدت عائشة صلاح الدين (شوش) لتساعدنا في تمرير الأبري و البصل و الدكوة الأمر الذي أدى الى زيادة وزننا عن الحد المسموح به...فكان للزقازيق تواجد حتى في آخر اللحظات...
قدمت البطاقة بتاعت الخدمة الالزامية وقلت لي شوش مداعبا...انتي يا شوش قايلاني كبير ما علي خدمة
ولا شنو...قالت لي أسكت ساكت دافننو سوا...
جمال عبدالحميد كما هو نفس الروح...الا ان بعض الشيب قد علا رأسة...نجاة حوفي علقت أمامه بنسونة
قالت لي ما هو عشان جدد شبابة...فقال لها جمال يا نجاة ما تقولي الكلام عديل أنا بكره بمسك الرشيد
ده بوريهو الطريقة...نسونة نجاة حوفي أكدت لي ان الزقازيقيات يدافعن عن بعضهن البعض...
محمد المرتض كان في وداعي في مطار الخرطوم الأمر الذي أسعدني جدا...
محمد صديق و زهير خشيا أن يكون المشهد الأخير كيوم كربلا فأمتنعا عن الحضور...
و سأعود...ودعتكم الله
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
مبارك جادين بالإنجليزي كل من يحاج ترجمة يمكنه الإتصال بحيدر حسن ميرغني باليابان
Quote: HI ZENATY
THIS E-MAIL FROM COUNTRY WITHOUT ARABIC KEY -BOARD SO IHAVE TO WRITE MY COMMENT IN ENGLISH ( DE MA GRDMA YA WAD GEBREN)
FIRSTLY TO TABLDEEN ISAID THIS IS DUE TO THE VIST TO THE HOLLY PLACES AND THE VIST TO BLACK SEA IS ANOLD FASION WENT WITH GREAT AND YOU TO ASK SALAH ELAMIN
SECONDLY TO ELNADEEF
FROM WHERE YOU BRING THESE REMARKABLE PHOTOS I THINK THE DATE OF THIS PHOTOE IS NEAR 19 YEARS
THIRDLY TO GEBREEL
FOR THE HAKER WHICH ATTACK YOU SONGS IHOPE THAT HE WILL LOSE THE TEST SO THAT HE CANNOT FEEL THE BEAUTY |
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
Quote: SECONDLY TO ELNADEEF
FROM WHERE YOU BRING THESE REMARKABLE PHOTOS I THINK THE DATE OF THIS PHOTOE IS NEAR 19 YEARS |
وانا مالى ومال سفنجاتك اذا راحو فى الحرم
((( جبريلا جيب اضانك جاى الاخاليك مش الترجمة كده صاح )))
على العموم العمرة مبروكة ،،،،، لكييييين البيك اتعرفت ..
جبريلا ... عمار بيقول ليك طيب البشوف د/ نورا بقول دفعتكم بصراحة كده ممكن تقول ليك يا عمو..
| |
|
|
|
|
|
|
|
|
 Re: ناس الزقازيق ... أجدع ناس .. (Re: عثمان الجيلي شيخ محمد)
|
..
.
Quote: واليومين دي نحن عندنا مشروع حضاري...
( اسمو العرس الاجباري ...)
شروط الاشتراك كالاتي :
1/ اسمك مكتوب وغصباً عنك...
2 / الترشيح سري للغاية بواسطة الالبوم ...
3/ يتم مارجعة الارشيف للاطلاع علي الصور بواسطة عبدالدائم وزهير الزناتي...
4/ الترشيحات سارية للغاية حتي الريس ميسرة لا يعلم عنها شيْ...
5/ انت في الكشف قبل هاني ونبيل سيد نصر...
6/ تحديد الشخصيةمن طرفنا بعد اجبارك عليها وتحديد موعد الزواج متروك ليك بس في مدة لا تتجاوز الشهرين...
7/ هنالك فرصة للمتزوجين ويرغبوا في الزيادة لاما نع لدينا ينظر في طلباتهم سراً وجهراً حسب الرغبة والشجاعة المتوفر ة للمتقدم...
8/ تقبل طلبات اولاد الشيخ وكذلك ناس ( المدام قالت )..
للاستفسار مراجعة الادارة علي التلفونات ادناهـ |
يا جماعة انا عايز اقراء ... وهانئ كماااااااااان
قرقر قرقر قرقر ..
( اعصابكـ يا هانئ ما تخسر ريالات )
___________
عثمان الجيلى والريس ميسرة .. د. الصادق
وجلجل والفوق ديل .. لكما الود
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Tabaldina)
|
..
.
Quote: FIRSTLY TO TABLDEEN ISAID THIS IS DUE TO THE VIST TO THE HOLLY PLACES
AND THE VIST TO BLACK SEA IS ANOLD FASION WENT WITH GREAT AND YOU TO ASK SALAH ELAMIN |
غايتويابركوته لو البحر الاسود ولا الكعبة الاتنين بخلن البشرة ناعمة وفيها لمعة ..
تكون قشيت البحر الميت اخت ليك لطخه لطختين من الطين بتاعهم دا ..
غايتو دى ما حجة براها فيها برنامج بتاع جيم ومساجات وسياحة وما خفى كمان :) بالمناسبة :
________
احب الكابيتل ليترز زاتووووووووو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
صالح تبلدينا حبابك عشرة و عودا حميدا لي ديارك...
طارق جبريل...الله يسلمك و باقي لي بعد كده بنرجع لي الشلوخ مرة تانية...
د.الصادق بركة الجيت...الحراك الاجتماعي الذي حدث كنت جزءا منه ولكن كان لمحمد صديق و زهير الزناتي
و محمد آدم النور و د.معاوية يحي القدح المعلى فية...و ان شاء الله تتواصل الزيارات...و بعدين لو ماشي في رمضان تكون مقلبت روحك...الناس ديل ما أظن بيكونو فاضين في رمضان...
عبد الدايم...لك العتبى حتى ترضى...و الله لم تكن هنالك برمجة مسبقة لهذه الزيارات انما هي زيارات تلقائية وجاءت هكذا...ان شاء الله المرة الجاية بنشرب شاي المغربية عندكم أن الله أمد في الآجال..
عثمان الجيلي... شنو حكاية التسجيل المفتوح للزواج ده...و كمان جابت ليها متزوجين...و الله مشروعك حضاري جدا...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: طارق جبريل)
|
سلام يا شباب ،،، البوست ده معاكس شديد
من أمس والدخول صعب جداً ،، يكون ده أبو كباس
عامل لينا زحمة ومضايقنا زي ما ضايق أخونا محمد عيد
المشروع الحضاري المطروح بتاع العرس الإجباري ،، أنا ما
عارف لحدي دلوقتي جلا ما تدخل وحسم الأمر ،، بنات الشيخ بيعملوا
مظاهرة تضامناً من الصحفية لبنى ،، وبعدين بيشوفوا أخونا عثمان الجيلي
رشيد القوم حمد لله على سلامة الوصول والله وجودك في السودان ومعاك د0 سيف
طلعوا لينا ناس الذاكرة عملت ديليت لو لا كركم وصور أخونا زهير كنا نسينا
المشكلة الأشكال الجديده ربما لا تكون مربوطه بالصور القديمة ،، تغير وتعديل
الصور والله دي مشكلة .
ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
| |
|
|
|
|
|
|
|
|
|
Re: ناس الزقازيق ... أجدع ناس .. (Re: ميسرة سيد أحمد)
|
رشيد القوم حمدلله على السلامة ... وشكرا على كل شيئ ...
تسعة شهور ان شاء الله ونتلاقي في السودان ... ربك يمد في الآجال
وستبقي زكريات هذه الإجازة هي الزاد till then
-------------
وما شاء الله ياشباب خليكم كده بالله (عيني باردة) ربنا يديكم العافية
ونتمنى زي ما قال (شيخي) النضيف عودة كل اصحاب الباسويردات والايميلات
------------
ولكم في القلب محبة
-------------
إنتو سيد الحوش وين ؟؟؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سيف النصر محي الدين محمد أحمد)
|
تبلدينا .. مرحب بعودتك للمنبر
واكيد اضافتك تسعدنا وتدفع من جهودنا نحو الميل 70
رشيد الحبيب .. حمدالله على سلامة العودة
ومرحى بســـهّار الليالى .. وياليل جاك بلا ..
/////
جلا وينك ..؟ نرسل مندوب تانى يطلعك من جحرك ؟
دايرين مداخلتك فى موضوع عثمان الجيلى ده ..
/////////
اخترت لكم طرفتين لهذا المساء
***
***
دهاء اليهود وخبثهم
في زمن مضى كان الـبابوات ( جمع بابا ) يبيعون للناس
أراضي في الجنة وكانت أسعارها غالية جداً
ورغم غلائها إلا أن الناس مقبلون عليها بشكل كبير جدا
فـكان الشخص بشرائه أرضاً في الجنة يضمن دخوله الجنة
مهما فعل من معاصي في الدنيا
ويأخذ الشخص صكاً ( عقداً ) مكتوب فيه أسمه وأنه يملك أرضاً في الجنة
كان ربح الكنيسة من هذه المبيعات عالياً جداً جداً
في يوم من الأيام جاء أحد اليهود للبابا وقال له :
أريد شراء النار كاملة !!!
فتعجب البابا من أمر هذا اليهودي واجتمع مسؤولو الكنيسة كاملة
وقرروا بينهم القرار التالي :
أراضي النار أراضٍ كاسدةٌ خاسرة
ولن يأتينا غبي آخر غير هذا الغبي ويشتريها منا
إذا سنبيعها له بثمن عالي ونتخلص منها !!!
وقرر الـبابا أن يبيع له النار
وأشترى اليهودي النار كاملةً من الكنيسة
واخذ عليها صكاً (عقداً ) مكتوب فيه أنه أشترى النار كاملة !!!
وبعدها خرج اليهودي للناس جميعاً وقال لهم أنه اشترى النار كاملةً
ورأى الجميع العقد المكتوب فيه ذلك وقال لهم :
إن كنت قد اشتريت النار كاملة فهي ملكي وقد أغلقتها ولن يدخلها أي أحد
فـما حاجتكم لـشراء أراضي في الجنة
وقد ضمنتم عدم دخول النار لأني أغلقتها ؟
وعندها لم يشتر أي شخص أرضاً في الجنة لأنه ضمن عدم دخول النار
وبدأت الكنيسة تخسر أموال تلك التجارة ولم تعد تدر لها شيئا
فعادت الكنيسة واشترت من اليهودي النار التي كانت قد باعتها له
ولكن بـأضعاف أضعاف أضعاف سعرها الأصلي !!!!
فعلا اليهود يهود !!!
المنطق
طالب جامعي مهمل بعد ما رسب في مادة المنطق راح يراجع الدكتور
الطالب : سيدي البروفيسور هل صحيح إنت تفهم كل شي في المنطق ؟
الدكتور : طبعا أفهم وهذا هو السبب الذي ينادونني على أساسه بروفيسور
الطالب : ممكن أسألك سؤال واحد في المنطق وتجاوبني عليه ؟
بس على شرط أذا ما عرفته اليوم تغير درجتي من رسوب إلى ممتاز ؟
الدكتور : موافق
الطالب :
- ماهو الشيء القانوني لكن غير منطقي
- و ماهو الشيء المنطقي لكن غير قانوني
- و الشيء غير المنطقي وغير القانوني ؟
الدكتور حاول وفكر لكن ماعرف الجواب
وفي اليوم الثاني غيّر درجة الطالب من رسوب إلى ممتاز على حسب الإتفاق
وبعدها بكم يوم مر عليه أحسن طالب متميز عنده في الصف
فجاءت في مخه فكرة إنه يسأله نفس السؤال
قال الطالب المتميز : بسيطة يادكتور أنا أجاوبك :
- حضرتك عمرك 65 سنة ومتزوج وحده عمرها 24 سنه
وهذا قانوني لكن غير منطقي
- وهي تخونك وتحب طالب عمره 25 سنة
وهذا منطقي لكن غير قانوني
- وهذا الطالب أكثر طالب مهمل في الجامعة
وحضرتك عطيته درجة ممتاز
وهذا غير قانوني وغير منطقي
فهمت يا دكتور المنطق ؟؟
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
| Quote: بالأمس وعندما حاولت التسلل نهارا في حوش الأخ عصام دهب وانا في قلب الخرطوم وجدت نفسي تارة محمد عيد - ومرة أخرى منصور - وعبدالدائم - وجلال - وعمر نملوز - والصادق عبدالل - وطارق عوض الكريم - وعثمان الجيلي - وياسر نجيلة - وسامي عبدالوهاب - واحمد غسماعيل - وعادل الشاعر - وصفيه -وعبدالدائم -وحنين - وطارق جبريل - وحاتم جبارة أتدري لماذا لأنني صرت مثلهم وأنا داخل الخرطوم محندكا بجلسة نادي الشرطة فتحسست أكتافي فلم أجد بها دبابيرفقلت عسى ان يكون ذلك هو المانع فتصفحت وجوه الحضور.. فلم تكن هنالك دبابير بإستثناء محمد صديق وزهير الزناتي يمكن يكون دفاع شعبي ... فلم أدري ما السبب ففي تلك اللحظة مر بخاطري الأخ طارق جبريل وما أثاره من حديث فقلت إستغفر الله وقمت صليت وقلت ياولد إنت أحسن حاجة تعملها تحاصر الجماعة ديل بي معلوماتك عشان ما يلقوا ليهم مفر...لكن زهير في التلفون قال لي حا أديك رشوة بس تطنش الموضوع ده... وقال لي بكلم ليك أبوبكر صاحبي عشان تخش معانا بالباب بدل متاوقات الشبابيك والبلكونات دي وطبعا أنا على كلاموا ده حا أقيف لقايت هنا |
شخصان يستحقان إعتذار مني لعدم توصيل الدعوة لهم
عبد الحفيظ عباس صاحب الرسالة أعلاه ومشاعر بدوي
لما لهم من مكانة خاصة ، وسوف نبلغهم الدعوة في المرة
القادمة في أول القائمة
وهنالك قائمة طويلة إستحق أن تعتذر لعدم حضورها الدعوة
وسوف نبدأ في إنزال الأسماء بالترتيب الأبجدي :
1/ البادي النور
وهذا البادي أصبح لا يرد علي التلفونات ، ولا الرسائل ، قلنا
يمكن بره السودان وما عايز يخسر فينا جنيه يقول يا جماعة
انا في الحتة الفلانية ، ولكن الأمر طال ، نخشي من نخشي أن
يكون تم نقله خارج السودان لفرع الشركة بالخارج ، إذا كان
لديها فروع خارج السودان ، نتمني أن يكون بخير ويطمئننا
وغداً نواصل القائمة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
سلامات واحترامات مع الاعتزارات
لكم الود والتقدير
العزاء لكل من فقد عزيز
طبعا انا نزلت من القطب الشمالى الى الحر المجان
تجى الكهربا النت يقطع النت يشتغل المكيف ما يدور الحر يودر الفى الراس
الكهربا تجى.. المكيف يشتغل ..النت يدور.. انا اطش
لمن جانا جلا فى بورتسودان .......... البلد نورت
تابعت كل الاميال ما قدر الحق لكن لحقت شويييييييييييييييييييييييية
اللهط الناقا الشرطة والذى منو
| |
|
|
|
|
|
|
|
|
|
Re: ناس الزقازيق ... أجدع ناس .. (Re: زهير الزناتي)
|
الريس ميسرة...جلال...محمد صديق...الله يسلمكم جميعا...
محمد عيد الحبيب...انقضى اليوم الأول للعمل بعد الاجازة وقضيتة أقلب في الأوراق غير قادر على عمل شئ...ثم أقبل الليل فجلست وحيدا و أطفأت أنوار سكني حتى لا يتطفل علي زملاء العمل...بعضهم من الأردن وبعضهم من مصر و يمنيون و هنود فيفسدون طعم الونسة اللذيذ الذي ما زال في حلقي...فأخذت أردد أين مني مجلس به محمد صديق و زهير الزناتي و نهلة نجم الدين وجلا و معاوية يحي و محمد المرتضى....
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
اسامة ابتر يا منقة
والله ليك وحشة كبيرة يعلم الله
يا الرشيد ما تزعل شديد ياخ
اقعد اتذكر في اللحظات الحلوة دي
وبتبقى ليك زاد للاجازة الجاية
الكلام نحن الما عندنا اجازة ديل
غايتو مع صوركم دي فضل لينا نعوعي بس
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
الاعزاء الغالين...
الحاضرين والغائبين...
والمنقطعين والمطنشين...
والمشغلوين والمتشاغلين والمتشاغلات.... سلامات سلامات...
اخونا الرشيد بابكر ... الف حمدا علي السلامة....انا عارف ومجرب بشدة مابعد العودة من الاجازة محتاج لاكثر من حبوب طمام...
شايف الدعوة بتاعت المشروع الحضاري عجبتك علي إستحياء كده... ( المهم انا باكد سرية المعلومات...حتي لو نجاة الحوفي جندة منصور ومحمد عيد ...مش ح تعرف ) وهنا السرية التامة تفوق سرية البنتاغون ) عرض مغري مش كده... والله بيني وبينك انا خايف كمشة نجاة تجيني
طالعة من الشاشة دي....مرة اخري الف حمدا علي السلامة...
تبلدينا ليك خالص مودتي ....
يااخي بطل القرقرة بتاعتك دي ...
من البداية بدات الموضوع بالقرقرة ...يا اخي الموضوع ده اكثر من جاد...
حيدر حنين ...انت وين اراضيك...
يااخوانا سؤال منطقي ...طبعا مش ذي السوال المنطقي بتاع محمد عيد...
انتو الحوش ده بقي حوش عذابة ولا شنو؟؟؟؟
اين نون النسوة بتعاعت الحوش ده...افيدونا يا ناس العربي...
اين نعمات الجبل ؟؟؟واين سناء الصباغ...واين صفية ..واين مني يونس ...واين واين ...
اسامة ابتر ...لو طلعت القمرة بسئلوك مننا...
ليكم خالص مودتي
عثمان الجيلي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: يا الرشيد ما تزعل شديد ياخ
اقعد اتذكر في اللحظات الحلوة دي
وبتبقى ليك زاد للاجازة الجاية
الكلام نحن الما عندنا اجازة ديل
غايتو مع صوركم دي فضل لينا نعوعي بس |
عليك الله يا طارق جبريل كلم ناس النيل الأزرق ديل يبطلوا الثقالة بتاعتهم دي...ديل من ما جيت من السودان شابكني ليك قلنا ما ممكن تسافر...و غربة و شوق و الطير المهاجر...أنا لي 13 سنة في الامارات و لأول مرة أشعر اني مستهدف من أجهزة الاعلام...ينعل أبو الغربة لأبو الشوق ياخي...
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
ياسلام يا الرشيد ياخ...اركويت مربع 63 واللهي عيوني دمعت لما قريت الكلام ده....كانت أيام ياخ لن تعوض:
كمال عبدالغني ..ياسلام ياخ ..فارس كاس مانديلا ...
حاتم تمساح
كمال السحار
عبود
جامع ود البحر
فريق التقدم ورابطة اركويت ..و..و..و..و ياسلام ياخ ..تصور يا الرشيد أنا في كل أجازه كبرت أو صغرت لازم ازور مربع 63
شكرا لنبش هذه الذكريات الحلوه
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
Quote: سلامات يا أبو السيوف
كيف الأجازه انشاء الله كانت ممتعه ..والله أنت أخر زول كنت متوقع تجيهو كرش..لكن الظاهر الكبسه عامله عمايلها .....وعافي منك يا زناتي .. |
دكاترة .... يا الاتنين
الصادق وسيف .... تحيات واشواق بلا حدود
بالله شوفوا لينا حل للموضوع ده .... (إني أرى كروشاً قد اينعت)
فساهموا معنا ببعض النصائح الطبية التي تساعدنا على (قطافها)
دمتم ،،،
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
| Quote: شايف الدعوة بتاعت المشروع الحضاري عجبتك علي إستحياء كده... |
أبوي ... الحبيب عثمان - الشوق كميات
ياخ الاقربين أولى بالمعروف .... مفروض تكون سجلتني أول واحد في المشروع الحضاري ده
اول شئ ... غير (الاقربون) تنطبق علينا الشروط بدون استحياء
لانو ذلك السبيل الوحيد لتجديد الشباب (او كما قالت نجاة حوفي)
ونحن طبعاً لسان الحال - الا ليت الشباب........
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
Quote: سلامات واحترامات مع الاعتزارات
لكم الود والتقدير
|
والله بالغت ياكمندان .... دي مأمورية للواق الواق ولاشنو
لازم ترسل لي عمار يشوف ليك واسطة بما أنو بقى خبرة كدة
واقدمية اكثر منك بي عشرة سنة
تحياتي وأشواقي
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
سلام يا أجدع ناس
وحمد لله على السلامة يا د. سيف والرشيد
ويا الرشيد والله الإجازة عندك... المرة الجاية ورينا مواعيدك متين علشان الواحد ينزل السودان معاك ويستمتع بجولاتك الرهييييبة دي
يااااا أسامه أبتر البركة الظهرت
وييييييييييين حيدر حنين؟؟؟؟؟؟؟؟؟
وصلاح الأمين
ويا نادر فاروق بالله عليك خليك متابع!!!
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
ونعيد الفكرة مرة ثانية:
| Quote: لذلك أقترح بأن نبدأ مشروع داتا لكل تضم كل الأحبة |
ودا كلام زهير
Quote: أولاً أتمني أن لا ينسي الناس دعوة سامي عبد الوهاب
لتسجيل البيانات وهي مهمة ، كما أنها ستربط عدد من الأشخاص
ببعضهم خاصة الذين لم يلتقوا من فترة طويلة ، ويمكن عبر هذا البوست
عمل نداءات لهم
|
ودائما سبّاق يا محمد صديق
Quote: محمد صديق محمد احمد الحسين
تربية...انجليزى
برالمة 84-85
انا وجلا جينا فى سنة واحدة لكن انا دفعة النضيف
ت-0912162923 (منزل 0122051212)
[email protected]
|
والريّس كمان
Quote: ميسرة سيدأحمد إبراهيم
المملكة العربية السعودية - جدة
هاتف منزل 6754688
جوال 0508606055
[email protected]
|
ويا زهير إنت ثنيت بس ما سجلت
يلا سجّل
ونواصل
| |
|
|
|
|
|
|
|
|
|
Re: ناس الزقازيق ... أجدع ناس .. (Re: جلال عثمان)
|
انتو عارفين يا شباب
باين الشغلة محتاجة ليها لأكثر من كتابة ارقام التلفونات والعناوين
حسب اقتراح سامى عبد الوهاب (غيب وتعال )
لأنو امبارح اتكلمت (واستمتعت) بالكلام مع جنابو محمد صديق
لأول مرة اكتشف امبارح
وانا بتكلم فى التلفون
انى ما حصل قابلت محمد صديق ده (وش تو فيس ) قبل كده
طيب ياجماعة احساس انى بعرفه ده , يا ربى جايينى من وين ؟؟؟
والله العظيم ما عارف
عارفين انو زمان لمن كنا نعمل قعدات التعارف التلقائية ديك
اول ما واحد يقول اسمه وبلدته وساكن وين
طوالى تبدأ الونسات الخاصة بين اقرب اتنين لى بعض قى الجلسة
بتاعت بتعرف فلان , وانتو ساكنين جنب ناس علان
فى النهاية تلقى القاعدين كلهم بيعرفوا بعض
او على الأقل , عندهم معارف او اصدقاء مشتركين
نقلبها تعارف من جديد يا ربى ولا شنو ؟؟!!
عثمان الشيخ , كلامك خترى , وبيقوم الهبوووووب
قول انت بقى
الرشيد بابكر , حمد الله على السلامة , و(بث)
| |
|
|
|
|
|
|
|
|
|
Re: ناس الزقازيق ... أجدع ناس .. (Re: سامي عبد الوهاب إدريس)
|
صباحكم خير يا وجوه الخير ،،،،،
برنامج الداتا المطلوب من الجميع تنفيذه
أعتقد مفيد وممكن نعمل قاعدة بيانات للجميع
ويوم أمس بعد أن أنزلت بعض البيانات الخاص بي
كان هناك تلفون على يرن على هاتف المنزل وردت
على الهاتف / منى يونس - وطلب منها المتصل أن
يكلم أبوها - وضحكت وقالت في واحد عايزك يا بابا
وكان على الخط دكتور الصادق من إيرلندا وتبادلنا الضحكات
والونسات ورجع للأستاذه منى وبدأ التعارف من جديد وشكراً يا دكتور
على سرعة التواصل والإستجابه ،،، وهذا قليل من برنامج قاعدة بيانات
ناس الزقازيق ،،، لنتواصل ،، شباب.
د. سيف النصر حمد لله على سلامة الوصول .
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
الاعزاء ..
محمد صديق .. الرشيد .. جلا ..
وكل أحباب محمود درويش ..
يصادف يوم الاحد القادم 9/8 الذكرى السنوية الاولى لرحيل درويش
فهلا تشاركنا فى الاحتفاء بشاعرنا العظيم بطريقة خاصة ..
فلنبدأ فى تجميع أشعاره وحواراته ومقالاته ..
ونجعل احتفاءنا به يشابه عشقنا لأحرفه ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد عيد)
|
البوست ده ما مفروض يطلع من الصفحه الأولي ...مفهوم والله أنادي ليكم البواليس محمد صديق وعمار وبقية السريه ..(موش اسمها كده يا جنابو في البوليس زي الديش )..الديش دي عشان طارق جبريل وكل اهلنا في ديار الشايقيه والبديريه ،يبتسموا ..
| |
|
|
|
|
|
|
|
|
|
Re: ناس الزقازيق ... أجدع ناس .. (Re: Dr.Elsadig Abdalla)
|
سلامات يا ناس
اصبحنا واصبح الملك لله الواحد القهار
اللهم لك الحمد ولك الشكر عدد خلقك
وعدد ما احطت ولم نحط ...اللهم متعنا
بأسماعنا وابصارنا وقوتنا ما احييتنا
ومتعنا بنعمة الايمان واحشرنا مع الانبياء
والصديقين والشهداء
جمعة مباركة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: محمد صديق)
|
اللهُمَّ إنِّي أُشْهِدُكَ، وَكَفَى بِكَ شَهِيدَاً [7]، وَأُشْهِدُ َحَمَلَةَ عَرْشِكَ وَ مَلائِكَتِكَ وجميع خلقكُ بأنَّكَ أنْتَ اللهُ لا إلهَ إلاّ أنْتَ وَحْدَكَ، لاَ شَرِيكَ لَكَ وَأنَّ مُحَمَّداً صَلَّى اللهُ عَلَيْهِ وَسلمِ عَبْدُكَ وَرَسُولُكَ.
جمعة مباركة
| |
|
|
|
|
|
|
|
|
|
Re: ناس الزقازيق ... أجدع ناس .. (Re: الرشيد بابكر)
|
Quote: ويا الرشيد والله الإجازة عندك... المرة الجاية ورينا مواعيدك متين علشان الواحد ينزل السودان معاك ويستمتع بجولاتك الرهييييبة دي
|
يا سامي والله يشرفني أن نجتمع معا في اجازة بالسودان...و الحقيقة اتصل بي زهير يوم ان كنتم متجمعين بالحدائق في اليوم السابق ليوم سفرك و لكني اعتذرت لأنني كنت قادم في نفس اليوم من تركيا و بعد أن تأخرت الطيارة بتاعتنالأكثر من سبعة ساعات قضيناها جالسون على المقاعد في مطار استانبول...فكنت مرهقا للغاية لذلك اعتذرت...و لكن أهلنا قالو...الحي بيلاقي...
أما اذا نزلت السودان من دوني فعليك بمحمد صديق، زهير الزناتي، محمد آدم النور و معاوية يحي فانهم
يصنعون المستحيل...و ليس الزيارات فقط...و بأي اقتديتم اهتديتم...
| |
|
|
|
|
|
|
| |
ميسرة سيد أحمد
جلال عثمان
طارق جبريل
الرشيد بابكر
منصور عبد الرازق
محمد عيد
زهير الزناتي
عبد الدائم سيد أحمد
محمد صديق
Dr.Elsadig Abdalla
اسامة أبتر
سامي عبد الوهاب إدريس
فيس بوك
تويتر
انستقرام
يوتيوب
بنتيريست