|
|
 Re: ناس الزقازيق ... اجدع ناس .. (Re: محمد آدم النور)
|
Quote: الرشيد حديث الحبوبات جميل ودى اشياء بقت مفقودة واصل عليك الله
لاننا جميعآسنتذكر حبوباتنا يرحمهن الله فى حبوبتك وجميعنا يختزن
مؤونة حكاوى لاؤلئك الحبوبات تحمل معانى كبيرة.......
|
محمد صديق...اجتاحتني حالة من المحنة و طريت جبوبتي...فاذا بزحمة العمل تحول بيني
و بين تكملة الحكاية لكني عائد الى ذلك حتما ان شاء الله.
بس يا جلا حاسب من المشمش...أكيد عارف المشمش..وهو العودة لامتحانات الملاحق...
جلال عثمان...انت يا أخوي عامل الموسم كلو قترة اعداد ولا شنو...ما شايفنك في المباريات...
| |
 
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
| Quote: جلال عثمان...انت يا أخوي عامل الموسم كلو قترة اعداد ولا شنو...ما شايفنك في المباريات... |
الميل 30 والعودة لزمن المذاكرة "عنوان هذه الصفحة"
تعرف يالرشيد كتبت الكلام ده اتذكرت رحلة العودة للإجازة بي تحت
يكون الميل 30 ده ياربي عند الوصول للنمر ولا شنو ....
----------------
بعدين عارف فترة الاعداد اهم حاجة، لانو كان الترتيب انو بت الشيخ (ادبيات جلا) وعيالها ماشين الاجازة في السودان
وانا سوف الحق بهم آخر يوليو ... أها فجاءة كدة المعسكر الاعدادي الداخلي ده كلوا (طرشق) قول لي ليه .....؟
لأنو ياسيدي المدرب الأجنبي (الوالد) ومساعده (الوالدة) طلعت في راسهم انو لابد من معسكر خارجي وقرروا انو يكون هنا .... في الحر ده
اها ياسيدي تجري الاستعدادات الآن لاستقبال كامبوس ده ومساعده.
والله قال بي قولكم في دوري المجموعات ...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
وجدنا سانحة للإطلالة بعد العاشرة مساء وعلي عجل
لذلك التحية لكل الشباب الفوق
سيكون إفتتاح المعرض الساعة السادسة مساء يوم الخميس القادم بحفل بهيج
وكرنفال حي ، علماً بأن عدد كبير من العارضين قد أكدوا إشتراكهم في هذه الفعالية
وكل المؤشرات تدل علي نجاح لا منقطع لهذا المعرض وأمسكوا الخشب
يا عبد الدائم عليك الله شوف الإعلان في قناة النيل الازرق
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
| Quote: لأنو ياسيدي المدرب الأجنبي (الوالد) ومساعده (الوالدة) طلعت في راسهم انو لابد من معسكر خارجي وقرروا انو يكون هنا .... في الحر ده |
ياجلال معليش خليني أصحح ليك المعلومة..ديل خبراء أجانب مش مدربين...و المعسكر ده لي بت
الشيخ ما ليك...حتتعلم ليها نقلة نقلتين من الحاجة..أو قول حلة حلتين...والله بختك يا اخوي..
بس من حسه أعرف درب الكسره بي وين..ما تفوت الفرصة دي ساكت...اذا الاجازة طرشقت...أخد ليك
اجازة من طبيخ البرلومات ديل كمان...
انت يا جلال زهير الزناتي ده من عطبره ولا شنو...طوالي على عجل...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
يا شباب البوست .. يا ناس يا حلوين
سيبونا بالله من المعسكرات وحكاوى المذاكرة والقــراية ام دق !!
انتو ما صدقتوا سعادة الريس بس يلمح بالذكرى المنسية الا والكل فى حالة اندياح وتداعى ..؟!
واحد معسكر فى المنشية والتانى فى لكوظ والثالث مستنى كامبوس بى بخراتو وما عارفو الجايبو
الارباب ولا الكاردينال ..؟ ولا ياها .. زى مسلسل عودة قودوين وفى النهاية تتحقق قاعدة لحس الكوع ..!!
شوفوا يا شباب .. نحن امام تحدى غير عادى .. وصلنا اليوم الميل 30 . وهذا يعنى ارتفاع معدل سرعتنا الى 2ميل / الاسبوع ،
وانا هنا اســتفز همم الجميع بأن نعمل على رفع المعدل الى 5 ميل/ الاسبوع حتى نعتلى قمة سودانيز اون لاين .. تخيلوا بوست الشعبية وصل للصفحة 50 ، وبوست بحرى طراوه وصل الى 40 والمداومين فى الكتابة فيه لايتعدوا الـ 5 اشخاص !!
يصبح من اللازم ان نصحى الجماعة القاعدين ينوموا بدرى ديل .. اتحركوا يا ناس وحركوا الباقين .. قوم يا نجيلة ويا ابتر ودودى وسامى و عروه ويا الرسيد حرك لينا قدورة واستقطبوا من جديد .
بت الجبل الاصيلة نحنا ما صدقنا لقيناك .. بالله ساعدينا محتاجينك وباقى الكتيبة فى الدوحة .. حاج الركز وعفاف تاوقوا بقوة وقللوا شوية من الوقفة الطويلة فى الشرفة الحالمة على ضفاف نهر الراين ..! جمال السنوسى .. الزاد ان ماكفى اهل البيت بيحرم على الجيران ..
فتشوا معى عن الرشيد خواطر وعلى ميرغنى وعاطف القوز ، زهير حرك لينا معاوية يحى وعبده مضوى وعادل عبد المطلب .
ولنبدأ بانفسنا ونتحرك ونشارك بقوة وانا شخصيا مجهز ليكم ملفين يرمونا لا قدام .
يلا يا ريس تبنى المبادرة وحرك لينا كل القواعد الصاحية والنايمة والبترقص لا ورا ...!
وما ننسى نناشد جنود الداخل بانجاح السوق الخيرى وانشاء الله موفقين والخريف اللين من بشايرو بيّـن .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
Quote: ياجلال معليش خليني أصحح ليك المعلومة..ديل خبراء أجانب مش مدربين...و المعسكر ده لي بت
الشيخ ما ليك...حتتعلم ليها نقلة نقلتين من الحاجة..أو قول حلة حلتين...والله بختك يا اخوي.. |
يجازي محنك يالرشيد قلت لي خبراء اجانب أها كان كدي الشغلة دي بقت كورس عالي في الاكاديمية مش مجرد معسكر
وقصة النقلات دي والله وقعت لي في جرح ... أها من بكرة حا افتش لي صاج عديل كده .... كسرة السوق دي مرة ياخ
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
عيد يارائع ... نبصم بالعشرة
وازيدك من الشعر كم بيت كده ....
ناس الحوش حاتم جبارة - سامي الطاهر (الدبيب) - دكتور الصادق - د. صفية - تبلدينا - حيدر حنين - وكثيرون
عودتهم تفرحنا وبهم تعلوا هاماتنا فوق فوق السحاب فهم زملاء اعزاء بل هم اهلنا وعزوتنا
فهل عدتم اخوتي .... نحن في شوق لكم
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
يا جلال الحاجات ديل هم الوضعوا المقاييس (STANDARDS)بتاعة ملاح الرجلة و الشرموط والنعيمية
و غيرهم من الأكلات اللذيذة بتاعتنا نحن السودانيين...و دائما كل ما نجاة حوفي تقول لي عاملة
ليك و الله ملاح رجلة خطير...أقول ليها ان شاء الله يكون حسب الISO ... والمقصود مقاييس الحاجة
رغم ان نجاة أصبحت خبيرة دولية...صحيح زمان في البدايات كانت في شوية خرمجة لكن حسة ما شاء
الله في السلك...
محمد عيد...بعد ده يا أخوي الا نسيب الشغل...وانت تسيب المول ونقعد قصاد الكمبيوتر بس ونعلي
البوست ده...على قدر أهل العزم تأتي العزائم...نحن والله زي ما شايف ما مقصرين...الدور الباقي
على باقي الأخوان...المشكلة عارف حتبدأ بعد ما تبدأ الاجازات...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
زهير الزناتي...ياخي عيونا طششت ونحن بتقرأ في الشريط الاعلاني بتاع قناة النيل الأزرق
مافي غير دهان كابور و كريم كابور...اذا وصل عدد القراء للبوست ده ما يزيد عن ال44 ألف
فكان تدفع لي عصام دهب أحسن..
أمنياتنا بنجاح السوق الخيري وان شاء الله يحقق الأهداف المرجوة ...الى الأمام ومزيد من
المشاريع الناجحة..
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
رشيد القوم ياخ والله ضحكتني فعلا جيل ناس نجاة ديل جيل ISO والحاجات فعلا هن من وضع الاستاندرد
ويا لها من مواصفات ... ورحم الله حبوبتنا حاجة امونة وياريت يالرشيد تواصل في ذكراها
بالمناسبة جدتي من جهة الوالد حاجة عاشة بت سعيد ودبادي لها الرحمة والمغفرة صنو لجدتكم من حيث
الجبنة - والشم - والطرادات - والحكاوي الطاعمة بس ماعارف (المساخة) رايك فيها شنو؟
------------
ياخي والله جف نبع المحنة بفقدهن
| |
|
|
|
|
|
|
|
|
 Re: ناس الزقازيق ... اجدع ناس .. (Re: جلال عثمان)
|
الكورة انتهت وهلال السعودية اتلحس
انا مبسوط بسطة
جنى وجن هلال السعودية ده
هسى كان غيرو اسمه مالو
ما عندهم غير الأسم السمح ده
ام صلال ’باسمهم الشين ده
برضو لحسوا الجماعة
عصام دهب
حمد الله على سلامة المدام
والمعوض الله
وزى ما قلت ليك قبل شوية فى التلفون
انتو لسه صغار
سمان اى نعم
لكن صغار لسه والجايات كثيرة وان شاء الله خير ماليهو حد
شفتوا البوست والتواصل بتاعنا بقى عظيم كيف
جاتنى رسالة من الرشيد فيها رقم عصام دهب
الرقم زاتو مشى للرشيد برسالة من محمد عيد
ده يا اخوانا جمال ماليهو حد
والجمال موجود قالوا فى كل مكان
لكن الجمال الأصلى فى السودان
اريتو معسكركم واجانبكم اجانب السرور يا جلال
ربنا يوصل كامبوس بالسلامة
سيرتو الزاتية بطولات ساااااااى
لمن ناس رادان (كبوا جبل الرجاف )
ربنا يوصلهم بالسلامة
وبينى بينك
(فى اجازة امتع من كده )
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
Quote: والجمال موجود قالوا فى كل مكان
لكن الجمال الأصلى فى السودان
|
منصور انت كنت ساكن مع الرشيد بابكر ولا شنو...شايفك بقيت تساهر...طبعا فرق الساعة البيناتنا
في صالحكم يا حبيب...لكن نشوف البيقفل كمبيوترو أول منو...
لكن أجيك للجمال بتاع السودان...عندي واحد صاحبي أردني..كل ما يجي يدخل علي في البيت هنا
في مكان العمل يلاقي ليك البنات السميحات ديلك بتاعة النيل الأزرق...يقول لي يا زلمي واللة
عندكم بنات سمحات...طبعا أنا بنبسط جدا...لكن لما تكررت الحكاية...قلت ليهو أسمع يا أخوي
شنو حكايتك يا اخوي شابكني عندكم بنات سمحات...انتو والله بناتكم ديل نصورهم أبيض و أسود
الا تقوم جاري...لكن بيني و بينك البركة في كريم كابور....
جلال الحاجه أمونة راجع ليها بي رواقة...و مع السهر ده اتذكرتها ليك لما كانت بتقول لي
يا حبيب سهري الما بترضى زعلي...فحسه يا حبايب سهري أنا خلاص حأستسلم...زمان كان ممكن
تدك محاضرات الصباح...حسه والله تدك ليك خمسة دقايق الا تآمن...و أنا والله تاني ما بقدر على
الحر الحاااااااارة ديك تاني...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
العزيز عصام دهب ...
ألف حمدلله على السلامة
وربنا يعوضكم خير ..
سبحان الله ... تصدق ... والله العظيم
انا وزوجتي مرينا بنفس التجربة خلال الاسبوعين المنصرفين
وكانت عملية كبيرة فقدنا على اثرها الجنين (ثلاث شهور)
وسلمت ام العيال ... والحمد لله ...
الشباب عيد والرشيد ومحمد صديق وجلال وجلا ومنصور لا عدمناكم ...
متعة في المتابعة
طارق جبريل ... زيد الشلوخ لى وراء
الريس ميسرة وزهير متابعين تطورات اللجنة التنفيذية الجديدة
ومعاكم وان شاء الله ... نصينا حيكون في حساب ديدو قريبا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ياسر نجيلة)
|
سلامات ياناس
نجيلة حمدآ لله مرتين على سلامة ام الاولاد وعلى الطلة
وكتر منها لانها مطلوبة
يا عيد لازم نطلق نفرة زى بتاعة استاد الهلال لناس الداخل والخارج
ناس الداخل زهير بيقدر عليهم اتوزعوا انتو ناس الخارج وخلو الشعار
ناس الزقازيق الى الميل 50
الرشيد...حبوبتى لامى فاطنة بت الطالب عليها رحمة الله..كانت شاعرة
ترتجل الشعر فى المواقف المختلفة {قطع اخدر يعنى }كلمتها كانت
مسموعة ...وآراءها كانت تؤخذ فى مجالس الرجال....وكانت سحارة
حكى ....{فى زول ما بعرف السحارة ؟} جاء من يدعوها مرة الى
زواج احد الشباب..فانتهرته..انا كمان بحضر زواج فلان ؟؟؟داك الليلة
الولد الاصغر منو مقبقبو ويكفت فيهو وهو يدارق...دحين ده انا بحضر
عرسو؟؟؟؟لك ان تعلم ان العريس لما قبقبوه وكفتوه كان طفلا!!!
محمد صديق بيسلم عليكم ويدعوكم للحضور والشراء من السوق الخيرى
الاول حق ناس الزقازيق
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ياسر نجيلة)
|
حبيبنا نجيلة
Quote: سبحان الله ... تصدق ... والله العظيم
انا وزوجتي مرينا بنفس التجربة خلال الاسبوعين المنصرفين
وكانت عملية كبيرة فقدنا على اثرها الجنين (ثلاث شهور)
وسلمت ام العيال ... والحمد لله ...
|
الف حمد الله على سلامة رشـا وما تشوف شر ياربى
يا اخونا دى ولادة الكبر ولا شنو ........
| |
|
|
|
|
|
|
|
|
|
Re: ناس الزقازيق ... اجدع ناس .. (Re: عبد الدائم سيد أحمد)
|
نجيلة العزيــز
الف حمدا لله على سلامة المدام ، وربنا يخلف عليكم انشاء الله .
ثوار الداخل ..
اليوم نفرتكم بقصر الشباب مؤازرين و داعمين جهود اللجنة التنفيذية
والحريص ما بيوصوه .. وانشاء الله نفرة نظيفة وصريحة ومباشرة من اصحاب الوجعة ورجال الحارة
وبره .. بره من أسوار الحيكومة !
يا شـــباب لا تنسوا ...
ناس الزقازيق الى الميل 50 ... ناس الزقازيق الى الميل 50 ... ناس الزقازيق الى الميل 50
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
نجيلة الف حمد لله على سلامة المدام وربنا يجعلوا شفيعاً لكم يوم القيامة
وإن شاء الله ربنا يعوض عليكم
كامل الدعم والمؤازرة للجنة التنفيذية في برامجها وامنيات بنجاح السوق الخيري
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
الأخ ياسر نجيلة
ألف حمدلله بالسلامة ولبت الشيخ الصحة و العافية
و الله يكون في عون أمهات العيال
محمد عيد
العيد باكر الخميس الساعة السادسة مساء
ولا تشابهت عليك البقر عفواً الأيام
وذلك حسب ما جاء بأخبار زهير
يا الرشيد ما تتابع الشريط في قناة النيل الأزرق حطشش
بالله تابع الشريط بتاع مداخلات محمد صديق
ثوار الداخل
وعرفناهم
ناس الخارج شنو؟؟
محاربين
مناضلين
مجاهدين
الأخ جلال قلت الخبراء الأجانب عندك؟
والله بختك لكن الظاهر إنت وبت الشيخ زي ما قال منصور
مرق وريتشارد بس
يا جماااااااااعة
فكو عقدة موسى عيسى
عشان البوست يحصل الميل 40 بعد يومين بس
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
ألف حمد لله على السلامة للأخوين عصام دهب وياسر نجيلة
ونسأل الله أن يعوضهما خيرا
Quote: ورقم حسابى اهو يا سامى ولكل الجدعان
البنك الاهلى التجارى 11716164000110
عبدالدائم سيداحمد محمد - جـده |
عُلم وجرى التنفيذ
برجاء مراجعة الحساب
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ياسر نجيلة)
|
يا جماعة ما تخافوا جو الإمتحانات لسه معاكم
إلا ينصرم شهر مايو ده من قدامنا ،، وكمان أنا
بقدم ليكم إمتحانات ناس تجارة ،، وبدون زعل يا شباب
تجارة ومحبين تجارة ناس عبدالدائم وآخرين ،،
الزمن ثلاث ساعات ، علشان أنحنا طشينا ونسيناوما عارفين الكلام
ده أنحنا إمتحنا فيهو ولا كيف وده إمتحان تجارة ولا حقوق
ولا تربية قسم رياضيات ، ونوزع الناس حسب عملهم الحالي :-
العامة نسبة النجاح 10%
مراجعين قانونين نجاهم من 50%
الناس الشاغالين محاسبين 20%
أما الناس التركوا المحاسبة وغيروا تاريخهم نسبة النجاح 1.5% وما تزعلوا
الورقة الثانية :-
يلا يا جلا وياسر نجيلة وزهير الزناتي وممكن زهير يكمل الأمتحان بعد السوق الخيري
وفي إنتظار الآخرين وناس تجارة أجدع ناس ،،،
وأنا مقدماً راسب لأني عامل محاسب دحين وما بنجح بأكثر من 12%
رايكم شنو في الأمتحان ده عمره 22سنة والورقة دي لونها أصفر من ذلك الوقت؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
ياخى ما ممكن تضع اصعب مادة فى اول ايام الامتحانات
ده احباط شديد ،،،، وممكن ناس تقع تدوخ ذى ضحى سراج
وبالنسبة لناس شقتنا والناس البذاكرو معاهم الله بسألنى يوم المادة دى
دخول الحمام بالصف من الصباح ,,, وجع بطن شديد
وانا تلقانى واقف فى باب غرفتى واضحك واراقب الموقف واحيانا" اسعف
واحد فيهم ( بموية كســترد )
بعد الامتحان يجيك الواحد مادى لسانو شبر من الخوف والصيام ومجرجر رجليهو
من الجامعة لحدى المساكن ..
كانت مادة هاجس عديل كده
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
لكن يا الريس ميسرة صعبتها شديد
وعشان ناس تجارة ما يخذلوك ويقولو ليك نحن لينا 22 سنة من الإمتحانات حاولت أجاوب بدلاً منهم
يا جماعة أنا بتاع إقتصاد
غايتو كما الشادي كان إمتحن معاي
والأخت فاطمة.... منو ؟ منو؟ منو؟
ما عارف
والله ياموسى عيسى أنا بعاين في الورقة دورة مايو 88
طوالي إتذكرت جرسة عصام جلي ومحمد المبارك
و الجرسة يا عبد الدايم ما براكم
علي باليمين أهلنا ناس السودان زاتو برجفو ويجرسو
المهم أنا خاشي الإمتحان و بدون برشامة:
السؤال الأول
الإجابات كلها صواب و التدليل كالآتي:
قنوات الإتصال:
في وجود عصام دهب صاحب فكرة الحوش فإن هذه القنوات تتسم بالكفاءة العالية وقلة التكلفة
دالة الهدف:
الهدف من بوست الزقازيق أجدع ناس هو وجود تواصل مع كل الناس أي زمان أي مكان
أسلوب الذاكرة الممتدة:
وهو أسلوب متوفر عند كل من الرشيد وذكرياته مع حبوبتو بالإضافة لذاكرة منصور الخربة
نظام التشغيل:
وهو نظام جيد يسأل منه محمد عيد والفورة بعد 5 أيام الوصول للميل 50
نهايات البيانات:
نجد أن السوق الخيري ليس له نهاية إلا عندما ينتهي المعروض من السلع
السؤال الثاني
وهذا السؤال يعتمد على السؤال الأول حيث أن الإجابة صحيحة مائة بالمائة
السؤال الثالث:
الأرصدة و الأرقام الظاهرة في الورقة يمكن تحويلها قدر المستطاع لحساب عبد الدايم أو زهير
السؤال الرابع:
السياسة المتبعة في هذا البوست هي سياسة الشلوخ اللا ورااا .....أو الرطانة الحلفاوية ...
و في كل الأحوال إنشاءالله نحن تامين و لامييييييييييييين
هس بقية الجماعة تشيلهم الهاشمية ويجيبو ليك إمتحان هندسة وراثية
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
Quote: السياسة المتبعة في هذا البوست هي سياسة الشلوخ اللا ورااا .....أو الرطانة الحلفاوية ...
و في كل الأحوال إنشاءالله نحن تامين و لامييييييييييييين
هس بقية الجماعة تشيلهم الهاشمية ويجيبو ليك إمتحان هندسة وراثية |
والله يا جلا ضحكت لحدي الناس معاي في المكتب سألوني
والسودانين المعاي خليتهم يقروا كلامك ده وبس أنا بقول
ليك خفت دمك دي أنا ما عرفتها إلا في البوست ده ،، والنتيجة
حصولك على 25% وناجح بإمتياز
أنحنا على العموم بنجمع النتيجة كلها وبنقدمها لأخونا صاحب الحوش عصام
دهب عميد الكلية - البوست - علشان يعتمد الدرجات وناخد شهادة البكلاريوس
على العموم إنت طلعت منها البطلع ناس موسى عيسى وجلي شنو .
إنت بتذكر الناس الكانوا معاك كمال الشادي وفاطمة ،، بس نسيت إنسانه مهمه
جداً الأخت العزيزة - جرده كوكو قدوم - وعلى ما أذكر عند حضورها برلومة كانت معي
أختنا شادية الرشيد وقلنا نسجل الزميلة الجديده سألتها عن إسمه ولكني لم افهم وأعدت
السؤال أكثر من 12مره لم أفهم إسمها وقلنا على بركة الله نمشى نسجل ودخلنا على مسجل الكلية
وخليناها تقول إسمها لوحدها وبعد مسافة فهمت المسجله الإسم أختنا جرده كانت دمها خفيف وصحابت نكته وخطاطه جداً تنافس أخونا الهميم فضل المولى .
وأذكر عن أختنا أم بريمة عمنا عبدالعزيز بتاع الخطابات ،، يا أخي ميصاره هي أم بريمه
دي إسمها إيه؟؟؟ إسمها إم بريمه يا عم عبدالعزيز ،، لا أنا عرف ،،، بس إسمها الأول إيه ،، ليه لأنو عندها خطاب بس مكتوب عليه أم بريمه ،، أنا أعرف أم محمد بيكون عندها إبن إسمه محمد ،،، بس هي عندها ولد إسمه بريمه ،،، لا يا عمي عبدالعزيز ،، هو ده إسمها ،، عجيبه !!!!!!!!!!
العم عبدالعزيز توفى بدري الله يرحمه ويرحم جميع موتانا ،،،
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
ياسر نجيلة عوضكم الله بالأصلح و الأبرك...وحمد الله على سلامة المدام..
ناس النهار مساكم الله بالخير...الليله جيناكم بدري عاملين حساب الكورة بتاعة مانشستر
و برشلونة...و يا منصور اسمح لي أقول ليك هاردلك من حسه...قال ليك كريستيانو رونالدو
من الصباح في الحلاق...قال للحلاق أحلق لي حلاقة كان ضربت بيها الكورة من أي حته تدخل قون..
وقال ليك بيول في الميكانيكي من الصباح بيزيت في ركبه...وبيركب ليهو مكنة كلب صيد عشان
يقدر يلحق كريستيانو رونالدو...ميسي أخد ليهو دورة في الدفاع عن النفس عشان يتجنب فيديتش
أما ايتو ليهو أسبوع في حديقة الحيوان...عشان يتسرجع ذاكرته ويتذكر انه فيل...مش دكنور فيل.
الكورة دي حيعلق عليها رجل آلي..ما أظن عدنان حمد و لا عصام الشوالي يقدروا عليها..
Quote: الرشيد...حبوبتى لامى فاطنة بت الطالب عليها رحمة الله..كانت شاعرة
ترتجل الشعر فى المواقف المختلفة {قطع اخدر يعنى }كلمتها كانت
مسموعة ...وآراءها كانت تؤخذ فى مجالس الرجال....وكانت سحارة
حكى ..
|
محمد صديق تعال لي بي جاي...القطع الأخدر لذيذ والله...
Quote: يا الرشيد ما تتابع الشريط في قناة النيل الأزرق حطشش
بالله تابع الشريط بتاع مداخلات محمد صديق
|
جلا متابع شريط محمد صديق لكن النهار ليهو أحكامه...سأواصل حكايتي مع حبوبتي لكن
حبوبتي عزيزة علي ما بضيعه مع موسم الامتحانات بتاعكم ده..
Quote: وانحنا بعد ده بنرمي لاآآآقدام علشان بوستينا الهمام ويكون حاجة تمام وفي الميل رقم خمسين
عنده رأياً تاني ويا طارق جبريل جهز الشلوخ وأنحنا معاكم في قطر كرييييميييي وبنساند ناس
الرشيد ومنصور ومحمد عيد ونتلقى ضربات جلا ومحمد صديق وناس جلال كمان وشاعر البوست وصاحب الدار
|
يا ريس انت بقيت بتاع تكتيكات زي جلال ولا شنو...تغيب و فجأة تطل علينا بذكرياتك الجميلة
الحملة بتاعت محمد عيد دي عايزه ليها تفرغ...أنا والله تعبت من السهر...لكن برضو غيب
و تعال تلقانا نحن يانا نحن..
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
الرشيد بابكر ناجح بتقدير جيد
محمد عيد ناجح بتقدير ممتاز وخليت ناس
تجارة لاآآآورا ،، طبعاً ما كان في حسابنا
إنه تم تعيين عبدالدائم مراقب إمتحانات شايفه
يعاين يمين شمال حتى ناس شقته ما ريحهم.
منتظرين باقي الناس قبل ما نمشي السوق الخيري بتاع
ناس الزقازيق أجدع ناس فوق قصر الشباب والأطفال والكبار
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
هسى بالله عليك الله يا ريس
ده امتحان ده , وناس تجارة ما عارف يقول ليك مزنوقين مزنوقين
زى المتحان ده فى زراعة
كانوا بيدونا ليهو فى البريك
زى ما الدكتور بتاع التشريح داك قال للمرحوم عوض دكام بتاع الأسنان
طب الأسنان ده المفروض يدرسوهو لى ناس الطب البشرى
بعد العصر
رد عليهو عوض دكام
عاجبنى طبكم البجيبوا ليكم الزول
بعد ما يموت
فانتو كمان امتحانكم بتاع النظم المحاسبية ده
نحن بنقزقز بيهو بين سكشن وسكشن
السؤال الرابع
الزاكرة الممتدة virtual memory
ه ما ياهو زاتو الزهايمر البيقولوهو
الريس لابد بالأمتحان ده 22 سنة لمن ورقته بقت صفراء
يعنى لو جينا نقيس زاكرات ناسنا المعانا فى البوست ده
وقلنا بناءا على الأختبارات السابقة
اللى فشل فيها ديدو وجماعته وقعد يغالط المسكين بتاع الأمارات داك ود نجيلة
لمن ود بت الشيخ بتاعتو المستشفى وفقدها الجنين
عشان كده ديدو دور نوفمبر , وياسر نجيلة نديه الدرجة الكاملة (زاكرة 8 قيقا )
محمد عيد عشان بيكشف الأمتحان قبل ما يخش الخيمة مستبعد من الأمتحانات سنتين
الرشيد بابكر , زاكرة قيقا واحدة بس , ودى ادتها ليهو حبوبته حاجة امونة
طارق جبريل زاكرته اتوقفت عند المرحومة الوالدة (ربنا يرحمها ويغفر ليها )
عشان كده زاكرة مليانة حب ووفاء زبر والدين
نجاح بامتياز
ناس جلا ومحمد صديق , زاكرة توافقية بى نص مكنة -مقبول
جلال ومحمد اسماعيل -زاكرة متحولة تكون ماشة الأجازة
يجيهم كامبوس بى عقده الجديد -مقبول
موسى عيسى -راسب بى مرتبة الشرف الأولى (الباسورد بتاعو ما عرف يتزكره )
التصحيح بتاع الورق ده نهائى ولا تقبل اى ملاحظات
والراجل العندو ملاحظة (ما يدخليش محاضرات ولا سكاشن لغاية نهاية السنة )
ويبقى يقابلنى
(يا جماعة فتحت لى بوست بى هناك بعنوان (يوم الخميس الفات الليلة يا حليلو )
فيهو جنس غناء
طالعونى بى هناك
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
يا ريس ميسرة
ارجو ممارسة صلاحياتك الدستورية والتشريعية والبراغماتية والـ ... والـ ... كلها
ومعاقبة المدعو منصور عبد الرازق بأشد وأغلظ العقوبات حتى لو وصلت احالة اوراقه الى
فضيلة مقتى الحوش !!
سوزان تميم ما براها الكتلوها ياناس !!
تخيلوا منصور مشى فتح ليهو نفاج بى غادى وملاهو كلام وكلام وكلام
وانحنا هنا نتجارى لمن نفسنا انقطع عشان نلحق الميل 50 !!
منصور بى طريقتك دى بتقتلنا كلنا ياخى ! انت ما شايف الرشيدده عويناته بقن كيف ؟!
يعنى لابد ليك اسبوع ما تظهر الا زى الحرامى حتة حتة وبعدين تمشى تأجر ليك بيت تانى ؟؟ ..
احسن ليك ترجع بيت العزابة حلو حلاه ..!
لو فوضنى الريس وادانى سلطة حأديك مهلة تنسخ كل الكتيتوا بره وتلصقوا هنا خلينا نوصل ص 32 باكر الصباح
والا انا حأستخدم التحايل واعيد نشرها هنا وبتصـــرف !!
عندك مهلة لغاية نهاية كورة الاتحاد وقبل بداية كورة برشلونة والمـــان ..
وقد أعذر من أنذر !!!!!!!!
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
سنيرنا الجميل .. ياسر شبيكة .. ياخى والله طلتك فى البوست تعطى الصفحة
القا" ورونقا.. فلا تحرمنا من هذا البهــاء
الأعزاء محمد عيد ، محمد آدم لكم الود والتحية والتقدير
ولجميع الزقازيقاب الحلوين
على هذا الاستقبال الحافل والذى أضاف لى زيادة فى رصيدى
" ببنك العلاقات الانسانية الراقية "
ونواصل المشوار معا باذن الله
انا وزوجتي مرينا بنفس التجربة خلال الاسبوعين المنصرفين
وكانت عملية كبيرة فقدنا على اثرها الجنين (ثلاث شهور)
وسلمت ام العيال ... والحمد لله ...
ياسر نجيلة الحمدلله وحمدالله على السلامة
وربنا يعوضكم انشاءالله
شكرا يا ميسرة
امتحانك ذكرنى فترة دراسة و امتحانات ماجستير ادارة الأعمال
وخاصة المحاسبة المالية والمحاسبة الادارية وبحوث العمليات والاقتصاد
وكان أحد أساتذتى العزيز جمال الدين عثمان " جمال دفعة "
وطريقة تدريسه فعلا راقية وجذابة
وكل الدفعة من جميع الجنسيات أشادت به
كانت التجربة ممتعة و فيها تحدى كبير
خاصة بعد هذا العمر
سأقضى الاجازة بالسودان ابتداء من الأسبوع القادم
وكلى شوق وحماس لحضور نشاط الجمعية
وملاقاة كل خرزات العقد الزقازيقى الفريد
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
أيها الثوار الأحرار
نحن
ندين
ونشجب
ونستنكر
ونرفض
ونعارض
ونتصدى
لكل التفلتات خارج الحوش
أنا ما عارف محمد صديق و أسامة أبتر فاعدين يعملو شنو؟؟ مش هم بوليس؟؟؟
معليش محمد عيد
نحن ما عندنا ديمقراطية
ولا صلاحيات دستورية أوتشريعية
نحن في حكومة طوارئ
العقاب المفروض على المتهم منصور
أولا:ً نقل كل المداخلات لبوست الزقازيق أجدع ناس
ثانياً: السهر على البوست والإشراف عليه حتى يصل الميل 50 في مدة لا تتعدى 5 أيام
ثالثاً : يساهم في إيجاد مشاركين جدد ومن ناس الزقازيق و 5 على الأقل و من العنصر النسائي
رابعاً المجال مفتوح لوضع عقوبات أقسى من ذلك
وعلى الريس ميسرة الإشراف و المتابعة و المراقبة على تلك العقوبات
و لا نامت أعين المتفلتين في البوست
الكلام الجاي خارج النص يعني بيني وبين منصور
قلت لي يا منصور فتحت بوست بتاع رقيص في يوم الخميس
والله محن
الفنانين منو يا منصور؟؟
وبعدين فيها مواصلات بعد العرض؟؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
يا محمد عيد يا اخى
فى فرق بين بوست وبوست
بوستينا دا , بوست رايق وعاقل وودناس
نحن ما عايزين نلخبط الكيمان
البهناك ده (كدى جيب لى اضانك قريب )
بوست مجنون جنس جن
لاطى لطة بت كلب
واقف لمبة
لام الف
وحتتكم دى , مليانة (كاكى )
ناس رتب يعنى
محمج صديق ده انت قايلو شنو
ما بوليس سرى
البوست داك فيهو ممنوعات عديل
بينما ده سيده راجل قانونى
والأيام دى قاعد عزابى كمان
عشان كده كملو عقلكم كله بى جاى , وانا معاكم
لما تكونوا عايزين تفتشوا درب الجن
طالعونى بهناك
بهناك يا ميسرة
لا فى امتحانات ولا اسئلة
جبجبة ساكت , شلوخ لا وراء ولا قدام
وبعدين لو عايزين نعملو ملحق , ما عندنا مانع
زمان مش كان عندنا , الجامعة بهناك بى كلياتها
ونحن فى لكوز معانا ناس بيطرة
وناس تربية براهم فى شارع فاروق
وتيب !!!!!
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
بنتي أمنية تحب السمك جدا...وكنت كلما اتصل بهم مساء كما اعتدت يوميا طيلة الاسبوع
عدا الخميس و الجمعة و التي أقضيهما معهم...تقول لي بتاكل في شنو يا بابا...فأرد
بأنني بآكل في سمك حتى لو كنت ما باكل حتى...فتقول لي بتاكل براك يا بابا...أقول ليها
براااااي...فتقول لي يا سلفوش...دلع selfish يعني يا أناني تاكل براك السمك اللذيذ ده.
فحسه أنا عايز أستخدم نفس العبارة بتاعت أمنية و أقول لي منصور يا سلفوش...تدقسنا
و تخلينا نساهر حارسين الحدود و نجي نلقاك خميسك صفقة ورقيص...لكن مشينا و دخلينا
و ما عرفنا الشي بيت عرس و لا بيت ظار...البخور عابق و الدلوكة تصم الآذان...لكن
حالة من الذهول ترتسم على الوجوه...و اللون أحمررررررررر...تعوذنا بالله من الشيطان
الرجيم وقلنا (نجوك) صادين لابسين حجباتنا...بعد داك كان طلع بيت ظار ما مشكلة وكان
طلع بيت عرس يانا الكاتلين معاكم الحفلة للصباح...يطلع الصباح ويجي مارق الشاي الصاموتي
المقنن ومعاهو صواني مليانة باللقيات الحااااااااااره...
أولها سمك و آخره لقيمات...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
اليوم تحدثت عبر التلفون مع الشاعر المرهف الانسان الفنان المسرحي و الكاتب المسرحي
الصديق الدكتور عزالدين هلالي و الذي تحدثت عنه سابقا في صفحات سابقة، الدكتور عزالدين
شقيق الدكتوره فايزه هلالي المتخرجه في كلية الطب جامعة الزقازيق..تعرفت عليه ولحسن حظي
في الشهور الأولى لي بالامارات..ثم توطدت علاقتي به و بأسرته الكريمة...
قلت له لقد كتبت عنك سابقا ببوست ناس الزقازيق و استأذنته في نشر أشعاره عبر البوست.. وكما
توقعت اعطاني الاذن مباشرة...بل ووعدني أن يطالع البوست من أول صفحة و الى آخر صفحة..فوجدتني
اجتذب عملاقا كدكتور عزالدين لهذا البوست..فهلموا بنا نرحب به وأن نمنحة العضويه الشرفية
لهذا البوست..
و كتحية مني للدكتور العظيم اليكم القصيدة التالية من أشعاره الجميلة...
من بعد ما عز اللقاء إلى روح المناضل
الدكتور جون قرنقُ
عجباً
لكيف يعيش من بعد الفناء
ويطولُ، بعد الموت، كائن؟!
ازددت طولاً يا قرنق
وملأت ساحات الرّجاءً
من بعد ما عز اللقاء
قد عانقت كفاك اطراف السماءْ
وتحكمت قدماك اجنحة الفضاءْ
ووثبت من بين الرفات
ولبست اثواب الحياة
وركبت خيل الامنيات
وسبحت فينا يا قرنق
متعتنا بالحلم، حلم الوحدة ا لكبرى،
بحجم التضحيات
شوقتنا للأتيات
علمتنا بالفعل ان الحرب اضحت ذكريات
علمتنا كيف الثبات يكون حتى في المُواتْ
فتطول قامات الرجال
علمتنا كيف الرحيل يكون جزءاً من تراتيب النضال
لكائما، حتى رحيلك يا قرنق
قد كان جزءاً من تفاصيل النضال
وحدتنا حياً وميتاً يا قرنق
ان كان بعض الناس اعماها الرحيل
ومشت تتيه بلا دليل
وتعيث في الارض الخراب
فلانك الحلم الجميل
ولانت ادري كيف موت الحلم ومضاً
يفقد المرءَ الصواب
فيعيث في الارض الخراب
لكنك اداركت هذا حين غافلت الموات
وظهرت في التلفاز قسراً تلهم الناس الثبات
وتعيد سيل الامنيات
وتعلم الناس الحياة
ولانت ادري يا قرنق
من بعد ما علمتنا:
كيف الخصام يكون من اجل القضية
كيف السلام يكون من اجل القضية
كيف الوئام يكون درعاً للهوية
ولا لن تعود البندقية
سنعيش دوماً في سلام
سنظل رمزاً للوئام
سيعانق الابنوس فينا كل هامات النخيل
من اجل سودان اصيل
من اجل غايات عظام
في حضن سودان الكرام
وقد وضع الأخ الصديق الأستاذ حمزه سليمان لحنا راقيا لهذه الكلمات وتغنى بها بصوته
الرائع الدافئ...سأقوم بانزالها لاحقا بعد أن اخذنا الاذن من الشاعر سوف نستأذن الملحن
و المغني أيضا لنشر هذا النوع من الفن الجميل..
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
يعنى يا منصور برضك ما سمعت الكلام واظنك قاعد تتجارى فى الشوارع مع الفرحانين
بفوز الاتى والبرسا .
عموما انا الليلة وراك لغاية الصباح ولازم اقلب بيك الصفحة وسأتخير من كتاباتك
البى هناك اكثرها تأدبا وانقلها هنا .. ويا انا يا انت
منقول بتصرف من شلاقات منصور العامل زى القرع بيمد لى بره على قول المصريين
يوم الخميس دائما يا جماعة , دائما يوم مختلف
والخميس عندنا المختلف ده , ممكن يكون جمعة عند ناس تانين
حتى المنتدى فى اليوم الأخير من الأسبوع , يعنى قبل الويك اند
مباشرة -سواء كان خميس او جمعة -تلقاهو براهو , يا دوبك
زول فى الكنبة القدام , وزول فى الكنبة الوراء , عايز تنوم
عايز تتمدد , تقلع جزمتك , وأذا الشراب نضيف , كمان ممكن تحشروا
جوة الجزمة وتترطع اصابعيك بمزااااج
ليه يا ربى يوم الخميس دائما ايقاع الزول مختلف ؟؟اول شىء (ايقاع ) دى
ذاتها يعنى شنو ؟؟فى زى (تكتكة ) داخلية كده جوة اى بنى آدم
اذا حصل فيها اى اختلال غير معتاد , مزاجك يتعكر وتحس بى توتر
وقرف , بعرف واحد صاحبى ما بيعرف يضوق النوم لو المنبه الجنبو ما كان شغال او بطاريته نزلت , المنبه بتاعو ده من النوع البتسمع تكتكات مؤشر الثوانى بتاعه لو انت نائم
فى الأوضة التانية , التكتكات المزعجة بتاعت المنبه القديم بتاع صاحبى ده , بقت
ليهو الأيقاع المعتاد للنوم , يعنى زولنا ده بينوم بالمنبه عكس خلق الله كلهم
اللى بيصحو بيهو , اها شقتوا الأيقاع ده , وقع ليكم يعنى ؟؟
ولو وقع ليكم ايقاع صاحبى ده , فأى ايقاع تانى انتو ما عنكم مشكلة فيهو ,
يعنى الخلفيات الموسيقية البنلقاها دائما فى الفنادق الفخمة , ايقاعات
حسية معتادة تنشد كسر حدة ايقاع الحياة الحاد والصاخب لنزلاء الفندق , كما ان للمرأة
(ست البيت ) ايقاعها المعتاد داخل المنزل , تلقاها شادة حلتين تلاثة فى
نفس الوقت , والغسالة مدورة فى الحمام , الفرن برضو فيهو صينية , كمان هى
واقفة تغسل فى العدة , وبرضو ممكن تكون بتمسح فى السيراميك , ده كلو
فى رتم متناغم ومنتظم وموزون وعلى ايفاع (القطيعة ) مع واحدة من صاحباتها
فى التلفون (الويرلس) , وبمجرد ما الراجل يجى داخل من الشغل , ويعمل فيها
عاوز يساعدها فى حاجاتها الكثيرة البتعمل فيها فى وكت واحد دى , يقوم يلخبط ليك
ايقاعها ويبشتن ليك الرتم الأعتادت عليهو , المحادثة التلفونية تتقطع , الحلتين تلاتة يتحرقوا
ويروحوا فى حق الله , الغسالة تقيف , ريحة الفرن تطلع , والسيراميك المبلول يبزحلق ليك الراجل
يكسر ليهو ايد ولا كراع
لخبطة الأيقاع جريمة لا تغتفر
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
رشيد الحبيب ..
ياخى والله انت اكثر من رائع
ودايما تجيب الروائع ..
عز الدين وفايزة هلالى حبايبنا وجيراننا فى بحرى
وعز الدين من ايام نحن صغار وانا مشدوه بابداعاته .. خاصة أيام المسرح الجميل الجاد
وكون انك تنجح فى استقطابه للبوست ضربة معلم لا تماثلها الا ضربات جمال الوالى والصاقعة !!
وليك وللحلوين هذه الابيات الرائعة للمبدع عز الدين ظلت ملتصقة فى خاطرى لا تبارحه ابدا
دعاء الخروج من الزنزانة
اهديها الي البشير / الترابي
.......................
يا الهي..
تب علينا
من بيانات العساكر
يا الهي
بلسان لك شاكر
وفؤاد لك ذاكر
نطلب العفو
وندعو
في الصباحات البواكر
يا الهي
تب علينا
من بيانات العساكر
يا الهي
تب علينا
من خرافات الكوادر
يا الهي
تب علينا
من خلافات الجواكر
انت ادري يا الهي
بالسواهي
والدواهي
والتناكر
وابتلاءت العباد
وبانا يا الهي
نحن من دون العباد
قبل ان يشرق صبح
نترك النوم ونصحو
ببيانات العساكر
يا الهي
تب علينا.
*******
مرحى لنا ونحن نتشرف بأن نستظل فى حوشنا بهذا الشاعر القامة
ومرحبا بك دكتور عز .. حللت أهلا ونزلت سهلا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
يا حلوين برضو زيارة علي عجل وقطاركم يتهادي بين النمر وها هو في نمرة
وماشي وحبابه في كل المحطات
تعتذر اللجنة التنفيذية تأجيل الإفتتاح لظروف فنية عديدة
حتي يخرج العرس بصورة تليق بأهل الزقازيق
والإفتتاح سيكون يوم الأحدالساعة السادسة والنصف مساء
وعلي الجميع الحضور
| |
|
|
|
|
|
|
|
|
|
Re: ناس الزقازيق ... اجدع ناس .. (Re: زهير الزناتي)
|
ورقة الاجابة بتاعت احمد اسماعيل
Quote: بعد التحية والسلام لاجدع ناس ، وتحية خاصة للريس ميسرة الذي أعادنا لجو الإمتحانات
بعد ماتكرم الأخ جلا والأخ محمد عيد بحل السؤالين الأول والثاني فإليكم
حل السؤال الثالث
بسم الله الرلاحمن الرحيم
القيمة النقدية للنقود في دول العالم الثالث
القيمة النقدية للنقود يتحكم فيها عاملين هما
* الناتج القــومي
* سعر فائدة الإستثمار
وسعر فائدة الإستثمار يتحدد بالعائد الخالي من المخاطر والعائد عالي المخاطر
اما في دول العالم الثالث والتي غالبا مايسود عندها معدل عالي من التضخم
بناءا على سلوك القائمين عليهامن ممارسة سرقة ورشاوي وأكل المال العام لذلك يركزون كل زكائهم وعلمهم وإجتهادهم لمصالحهم الخاصة ويشغلون الناس باشياء لاتسمن ولاتغني من جوع وبما أن المال هو المطلوب ، دائما يتم النلاعب عنده فمثلا عندما عملنا عملتين الجنية والدينار جعلنا الناس ضايعة بين العملتين وشغلناهم عن الإنهيار النقدي الفظيع إلا إن ذلك كان له
إيجابية واحدة تتمثل في مساعدتنا الرد على سؤال محرج جدا يقابلنا وهو الريال يسوى كم بالجنيه السوداني؟ للإجابة على هذا السؤال يتطر الواحد يكذب لان مافي عملة وصلت مرحلتنا لكن بعد ظهور الدينار بقينا نجاوب بحذف الصفر بدون تمييز ؛؛؛؛؛؛
اما التلاعب الآخر بالعملة القصد منه تسهيل عملية السرقات بالله عليك لو واحد عايز يسرق قيمة عمارة بالفئات النقدية السابقة يكون عايز ليه جرار
لكن الآن صار المليار في حجم المليون بس تخيلوا معاي واحد عنده مليون لحظات ويصير هذا المليون فقط 1000جنيه يعني 999000إتلحست في لحظة ؛
بالله ياجلا دي تجي إزاي؟
مرة في واحد مصري سألني (انت من فين من الجنوب ولا من الشمال قلت من الغرب، قال ودي تجي إزاي ؛؛؛؛؛
بناءاً على ماسبق يكون عجز جمعيتنا بالخرطوم مبرر لأن العملة لاقيمة لها والأسعار على طول في إزدياد
قالوا في واحد ذهب لأقرب دكان ليشتري معجون أسنان قالوا ب7جنيه فوجد
قروشوا مابتكفي قال نجي نشتريه الصباح الباكر وعندما رجع قالوا ليه
المعجون صار ب8جنيه فقال ليهم والله دي بلد عجيبة ، يعني الواحد ماينوم
سؤال لناس الداخل
هل الناس الكبار يقدروا يفرزوا العملات وهل يعرفون يشتروا ويبيعوا بيها؟
________________________________________
|
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
أيها القوم الليلة إنتو وين
فقد تأجل السوق الخيري لناس الزقازيق ليوم الأحد 31 أبريل 2009
ليس لخلل عند اللجنة التنفيذية ولكن نسبة لظروف خاصة بالعارضين في السوق الخيري
شكراً أحمد إسماعيل على إجاباتك لإمتحان الريس ميسرة
طبعاً جاتني إجابات خاصة بإمتحان الريس ميسرة قلت أعرضها
ومن غير ذكر أسماء
| Quote: الكلام المنزلوا الريس دأ عربي و لا لاهوت والله غير السؤال الأول والسؤال الثالث القسم ب المتعلق بالمركز المالي والسؤال الثالث الفقرة 1 المتعلقه بتكلفة المبيعات و الله يطرشنا كلام زي ما أظن قريتو خالص |
وهذه إجابة أخرى ومن غير ذكر أسماء
| Quote: أمس عجبني حلك لإمتحان نظم المعلومات علي النعمة أنا قريت الإمتحان 3 مرات ما فهمت أي حاجة |
يا جماعة ما تاخدو في خاطركم ومن غير ذكر أسماء هذه إجابة أخرى
| Quote: إنت الريس ميسرة دا نصيح كدا ...ما عندو حاجة ولا كدا .....كدي عليك الله أسأل موسى عيسى نحن الكلام دا قريناهو في سنة كم |
ملحوظة البريد بتاعي ممكن يتلقى الإجابات عن الأسئلة في أي وقت جملة وقطاعي
مع الأمنيات بالتوفيق و الباس 1.5% بس علينا جاي
يا ربي الناجحين كم لغاية هس يا عميد الحوش؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
سلامات يا ناس
معآ نحو الميل 50
سلام طاعم بطعم اللقيمات الرامياها نجاة حوفى بصاج الغربة
والتى يتربع عليها الرشيد لوحده....عليكم الله كان ما رفعتوا
ليكم صحن واحد بى فوق الحيطة لى موسى عيسى اصلو غلبان ورايح
منو باسوورد....تخريمة....{ انت يا الرشيد نجاة حوفى دى جبت
ليها خبراء اجانب ؟؟قالوا فى الزقازيق كانت شاى بس ...والعهدة
على الراوى...}
ما انسى ارسل اجدعها سلام للاخ شبيكة ونطمع فى المداومة...شفتو كيف
جداد الخلا بقى يخاطب قدامى البوست.....
يا ريس امتحانك فاتنا كنا نايمين زى نومة اسامة ابتر وعمار رحمة الله
فى واحد من امتحانات علوم...وكوسة كده ادونا مقبول عشان تلتلة الصيف
والمشمش دى ما بنقدر عليها....وبعدين طارق جبريل ده ما ترخوا ليه القيد
حقو تختو ليه دقار لورىقدامو بدل ما تشجعوه على حكاية الشليخ اللى ورا
دى...اصلو عندو حاجات كده لو بدا فيها الا يحلك الجليل الرحيم.....انتو
ما شفتو حكايتو بتاعة البت الحبت طلبة...؟؟
جلا السياسة المتبعة دى لازم تتغير...
عيد.....خطاب الضمان ...مية مية...ونحن ناس الجزيرة حنقول ليك كفر ووتر
وقطن وملاح شرموط ابيض....
يا منصور مقبول احسن من دور مايو...ونص مكنة احسن من ابو من غير مكنة
وشايف جلا تصريحاتو واضحة...والتفلتات حتكون محسومة مش انا سرى؟؟؟؟؟؟؟؟؟
ورسلنا واحد من بصاصيننا رسلنا ليك عشان تكون عارف....
قلبى مع موسى عيسى!!!!!!
كسرة خاصة للرشيد....مبروك للبرشلوناب....بويول ولدنا مسح ركبو بى زيتنا
السودانى صباح...وخت رونالدو فى صاج اللقيمات...
محمد صديق بيسلم عليكم ويدعوكم للحضور والشراء من السوق الخيرى الاول حق
ناس الزقازيق...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: عبد الدائم سيد أحمد)
|
Quote: انا وزوجتي مرينا بنفس التجربة خلال الاسبوعين المنصرفين
وكانت عملية كبيرة فقدنا على اثرها الجنين (ثلاث شهور)
وسلمت ام العيال ... والحمد لله ... |
مراقب الأمتحانات عبدالدائم قال فهم السؤوال نصف الإجابة
ولكن فهم السؤوال طلع هنا كل الإجابة ،، أنحنا رسبنا في
الإمتحان مرتين ،،، بس يا د. ياسر لم نفهم السؤوال نعود مره
أخرى للأستاذ جمال دفعة ،،، وربنا ما يوريكم شر ،،، ومعليش
إقتباسك لكلام ياسر نجيله لم نفهمه وفهما غلط ،، لك ولأم الأولاد
ألف تحيه .
عملنا إتصالات كثيرة للسودان لبعض الأهل والمعارف بأن يزوروا قصر
الشباب والأطفال لشراء أغراض المدارس وباسعار في متناول اليد ، ولكن
تعديل الموعد يبدوا سوف يقلب الترتيب ،،، وسوف تفقدوا شريحه كبيرة من
الزوار والراغبين في شراء مستلزمات المدارس الأحد 31مايو العام الدراسي
الجديد يبدأ يوم كام ،،، ربنا يوفقكم ويسدد خطاكم ويسهل لكم أمركم .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
Quote: فقد تأجل السوق الخيري لناس الزقازيق ليوم الأحد 31 أبريل 2009
ليس لخلل عند اللجنة التنفيذية ولكن نسبة لظروف خاصة بالعارضين في السوق الخيري |
شكراً للمعلومة يا ناس جوه ،،، وجهودكم مقدره وبالتوفيق
بس زودوا الأعلام علشان في ناس متحفزه للذهاب اليوم .
أحمد إسماعيل إجاباتك كلها علميه ومنسقة وحصولكم على نسبة
نجاح عاليه تسرنا وبعدين في حفلة التخرج ح نعمل ليك وشاح خاص
للمتفوقين وبمناسبة المتفوقين دي نذكر الزميل محي الدين أحمد حامد
زروق من أولاد القضارف وقد تحصل على أول الدفعة بتعدير ممتاز .
عارف يا جلا الناس العملوا إجابات عن طريق بريدك قول ليهم ما تخافوا
وما فيش ملاحق لأن سعادة عميد الكلية - الحوش - قال النجاح العام من 1.5%
يعني تكتب إسمك وبسم الله الرحمن الرحيم وتكتب إسم الدكتور وإسم الكلية والفرقة
بتكون تحصلت على 1.25% بس بعد داك الله يعينك على الحصول على 0.25% وبيكون كده
ضمنا النجاح والحمد لله .
يا محمد صديق أعملوا لين كشحة في البوست ده هسع دي بنطلع في الميل 35
تحياتنا للحلوين .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
Quote: يا ريس ميسرة
ارجو ممارسة صلاحياتك الدستورية والتشريعية والبراغماتية والـ ... والـ ... كلها
ومعاقبة المدعو منصور عبد الرازق بأشد وأغلظ العقوبات حتى لو وصلت احالة اوراقه الى
فضيلة مقتى الحوش !! |
تعرف يا عيد جلست فترة طويلة أفكر في موضوع أخونا منصور كيف نحاكمه
وهل يتم تحويل ارواقه لمفتي جمهورية الحوش الزقازيقي وهل سوف تتدخل
اللجنة التنفيذية وهل الريس الجديد معتصم جعفر له إختصاص إلغاء العقوبة
ولكن أجبت أنت بالحل :-
اولاً نقبل بالحل الوسط يفتح منصور بوستاته مثني وثلاث ورباع ومايزيد
ولكن بقدر ما يكتب هناك يردم كلامه الحلو هنا وزي ما إنت إقتبست منه كلام جميل
ونزلته هنا أنحنا ممكن نكسب منصور كاتب قصصي ومزاجي هنا وهناك بيكون رفع راسنا
بره وكسح معانا في بوستنا ده حتى الميل 50 .
ثانياً في حالة الإخلال بالبند الأول نفرض عليه غرامة السهر في البوست حتى
الصباح ويكتب لينا حتى تتعب يداه ونغني ليهو بابا يغسل العده .
الرشيد صاحب اللقطات الجميلة من خلالك نرحب بوجود الشاعر الكبير الوطني
عزالدين هلالي ووصلت أهلاً ونزلت سهلاً والبيت بيتك ولنا الفخر بأن تكون عضو
مميز ببوست ناس الزقازيق أجدع ناس .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
دفعتنا الدخلت زراعة الزقازيق سنة 1982
كنا فيها من الأولاد انا , رفعت نور الدين محمد عايدين
لؤى هاشم عبد الرحيم , عبد الحميد الزول اللعاب الساكن فى الشجرة او العزوزاب على ما ازكر
اخونا محمد ود الهلالية , صمويل صبحى سيفين العطبراوى
زكرى لمعى لبيب , واخونا الطيب رجب
هزا العدد القليل من الأولاد كان وسط كم واربعين من اخواتنا البنات
انا ولؤى هاشم ورفعت نور الدين لم يطب لنا الحال فى لكوز
شفنا المساكن اجسن واكثر حركة
اضافة لأنو لقينا عرض للسكن ( ثلاثتنا ) من سنايرنا وأخوانا
البنتزكرهم بالخير لغاية الليلة
ابراهيم مختار , زلك الهادىء الرصين المقنع
وسيف الدين مبارك كركساوى الزى كان يجهز نفسه للمغادرة وقد تخرج وأكمل دراسته
ومعه كمان طارق حيدر ابوبكر الحلاب البيعمل الآن فى الوزارة على ما اعتقد فى الأرشاد الزراعى
وحبيبنا وأخونا خريج المعهد الصحى محمد الفاتح محمد خير (بربر)
واخونا الكبير , ود سوق الشجرة وبيت المال
الكنت بتكلم معاهو قبل كم يوم
بمبادرة جميلة منه
احمد المعتز حسن محمد على
الموجود ليهو مدة فى واحدة من مشاريع النيل البيض الزراعية
احمد المعتز يالرشيد (طبعا الرشيد التحق بينا فى السكن بعد فترة وجيزة جدا )
احمد المعتز ولده الكبير فى الجامعة الان
ما شاء الله وتبارك الله
انها اسماء من زهب
انها ايام من مودة وحب وجمال والق واخوة صادقة
فليعش بوست الزقازيق الزى يستطيع ان (يلمس فينا تلك الأزمنة )
وانا حا اجيكم لكل اسم على حدة
ونتوقع من الرشيد ومحمد عيداللزات والدفرات اللازمة
| |
|
|
|
|
|
|
|
|
 Re: ناس الزقازيق ... اجدع ناس .. (Re: منصور عبد الرازق)
|
مساكم الله بالخير جميعا
محمد صديق...والله اشاعات مقرضة البتتقال على نجاة حوفي..الراوي ده بالغ والله
و بعدين بيني وبينك حتى لو الكلام كان صاح أنا ماشي أقول ليك صاح...و الله بعدين
يا سعادتك الا ثجيب ليك طوف يفك الشبكة دي...انت عارف أنا كنت ناوي أعمل سلسلة
بتاعة مداخلات أطلق عليها يوم في بيتنا...لكن بعدين قلت مالي ومال القراية أم دق..
المهم يا محمد...لكل مقدمة نتيجة...أنحن علينا بالنتائج مالنا ومال المقدمات البتجيب
الهواء دي...نحن حسة بقينا فين و ما حأقول ليك كنا فين انتو أصلكم بتاعين مشاكل..
لو جيتنا في أبوظبي حتلقي المفروك و المحشي و بالفرن...و الشاي بعملوا ليكم أنا
ده شغل هواة ما شغل محترفين زي نجاة حوفي...أنتو شفتو حاجه..آل الراوي آآآل...
يا منص يعني ما شكرتني على أني الوحيد الزرتك بي هناك...كان رديت ما تكلمني هنا عشان أمشي
اشوف الرد...
أنت عارف يا منص أحمد المعتز ده كان مقرب جدا الي...لم أصادف في حياتي وبدون مبالغة
زول نقي و لطيف وبريئ زي معتز...قابلته بعد التخرج مرة و زارني مرة على ما أذكر عندم
ا بدأ العمل بالدويم...و تواصلنا لفترة ثم انقطعت أخباره و الله له التحية من هنا وللحلاب
طارق الذي تولى الارشاد بوزارة الزراعة بولاية الخرطوم و التقيناه بالوزارة عدة مرات
أما المشير أبراهيم مختار تواصلنا كثيرا الى أن حزمنا حقائبنا و أتينا الى الامارات
لهم التحية جميعا... والتحيو أيضا لمحمد عمر عبدالله ومحمد سيد محمد ناصر و محمد محمد أجمد
كرار وغيرهم من جيل العمالقة لهم التحية وبقول ليهم يا حليلكم دوام بطراكم....
محمد عيد ياخي أنا ما ضربت ليك تلفون قلت ليك أنا راكب عربيتي مسافر...يا أخي ما تضرب
تشوفني وصلت كيف..لا حوله و لا قوة منك يا خي..
زمان...شوفو زمان دي كيف لما كنا بنطل عبر نفاج سيد الحوش...و كان يطل غيرنا أيضا عبر
نفس النفاج و نفاجات أخر...وكان تطل حرمنا المصون أيضا...تقول لي عايزه والله أرسل مداخله
لي عصام دهب...أقول ليها و الله مو غلط بس قللي عليك الله من الرائعون المدهشون الجميلون...الخ
و ما ان نزلت الصور بعد ذلك حتى تبين العكس...المصلعون المكرشون المشيبون...الخ,,,فقمت تأملت
تأمل جنوني زي ما قاعد منصور بي هناك...فقلت ان الصفات الأولى لا شك أنها حقيقية لكن لابد
من الجمع بين الأولى و الثانية..فنقول مثلا أيها المصلعون الجميلون..دي مجموعة حاج الركز
ويا أيها المكرشون المدهشون..دي مجموعتي أنا و آخرون ويا أيها المشيبون المدهشون...ودي
مجموعة...و منصور...أما الذين يجمعون بين عدة صفات فديل مجموعة سيكافا...
مهند ابتدأ الطلبات الما بتخلص...ودعتكم الله و كان الله راد بشوفكم تاني و الا فالسبت لناظره
ٌقريب...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: طارق جبريل)
|
وصلتني عبر الفيس بوك رسالة الأخ الصديق عادل فتح الرحمن له و لأسرته التحيات
العطرات...عادل طبعا مع مجموعة حاج الركز...ده من الصورة النص الناشرة في الفيس بوك
أدينا صورة كاملة يا عادل عشان ما نضمك لمجموعة سيكافا...
Quote: أجدع ناس........ تحياتى للجميع و حسن العزاءلكل من فقد عزيز لديه وللأخ عصام دهب ربنا هو المعوض وحمدالله على سلامة المدام ....
متابعين كل الحكاوى الجميلة خاصة ونسة الرشيد والحبوبات وفنجان القهوة ...
قطرة رحيق انا والبرتقالة انتم ...
وفى هذه الساحة تجمعتم ونور كل كوكب يخامر الذى يليه ولا يذوب فيه أقولها صدقا ولا أزيد فيه |
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
سلامات يا ناس
صباح جميل وجمعة مباركة ان شاء الله
متاوقة سريعة مضادة لمتاوقة جبريل ما تقول ميزكم قادى
ارقام الحسابات دى واضحة رسل مساهمتك
نجيكم تانى ونحكى عن جلا لما زرتو بت الشيخ وهى محمرة
العيون فلم يملك الا ان يقول ...
عيونك فيها شى يحير يغير اتجاه الزول
محمد صديق بيسلم عليكم و..............
الى الميل 50
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد صديق)
|
من الأشياء التى تحير
غير العيون القالها محمد صديق
(ودى قصة حا احكى ليك عنها شوية فى البوست الخمجان بتاع الغناء البهناك )
يوم الخميس الفات الليلة يا حليلو
المحيرنى يا محمد صديق
هو يوم الجمعة فى الزقازيق
شكله كان كيف
انا اليوم ده
زى سقط من زاكرتى عديل
لدرجة انو بتخيل الأسبوع زمان كان ستة يوم بس
صحى الكلام ده
أظننا كنا بنقضيهو نايمين
بعد ما نعصر الخميس عصر
زكرونى يا جماعة
بنعرف الجمعة فى شمبات
وفى غندهار وسوق الناقة
وين الجمعة فى الزقازيق ؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
متعكم الله جميعا بالصحة و العافية....جمعة مباركة...
أنا ما زي زهير الزناتي من عطبرة...لكني المرة دي على عجل..
أصلي سامع لي صوت شوشوة في المطبخ...صحي الريحة ما وصلتني...عشان كده بقول اللهم
أجعلو خير...
منص والله معاك حق أنا زاتي لا أذكرها...لكن عارف السبب شنو...الواحد فينا بينتظر الخميس
والجمعة عشان فيها الراحة و البرامج الخاصة..أما باقي الأسبوع فمقرف وبيشبه بعضه...
أما زمان فالجمعة ركلسة ونوم و الواحد بكون بتين السبت يجي عشان يمشي الكلية...
بس لو متذكر ليك أي رحلة يا منص بتكون اتذكرت ليك جمعة جمعتين..
محمد صديق وين العصيده الليله...مقيلين بره ولا شنو..
| |
|
|
|
|
|
|
|
|
|
|
Re: ناس الزقازيق ... اجدع ناس .. (Re: الطيب عثمان يوسف)
|
سلامات يا ناس
يا منصور يوم الجمعة كان عندى طويل جدآ زى عبد الرحمن شاويش
فيهو نوم ما حصل لانو الناس الكسارين ديك ما بصدقوا انو بكرة
مافى كلالى بياخدوا كوتة الاسيوع كلها مننا نحن المساكين ديل
ناس سهرانين يوماتى.....طارق جبريل ما حأفتن اقول انك حامل لواء
الكسارين.... ختام الجمعة لازم يكون فى دار الاتحاد.....
الرشيد والله الليلة برضو عصيدة بس بى ملاح روب ابيض....ومع امى فى
رفاعة....شفت الهنا دا
يا جلا ىتكلم الناس ديل براك بالحصل امس ولا اقول انا
محمد صديق بيسلم عليكم ويدعوكم للحضور والشراء من السوق الخيرى
الاول حق ناس الزقازيق.....
الى الميل 50
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد صديق)
|
يا اخوانا الصفحة دى مالها عكليتة كده وما دايرة تقلب ؟؟! يا اخونا ما قلنا ليكم ادفروا شديد شوية ، ما تجيبوا لينا الكلام ويقولوا علينا سايقين لورى سفنجة ماشى فى وحل !!
محمد صديق والله جاييك بمفاجأة انا ذاتى ما صدقت لمن لقيتها وامبارح بالليل حكيتها للرشيد ووعدته بانزالها لكن الظروف لم تسمح ليلة الامس .
يبدو ان مسلسل الصدف البديناهو قبل ايام فيهو جزء جديد .. تخيل بالصدفة امبارح لقيت صورة من حفل تخريجنا فى مدرج زراعة وتجمعنى بك وبالأخوات .. قند اليمن ورشا على عمر وكمان صفية مساعد ..!
سبحان الله قبل أيام كنا نتحث عنهما سوية وأفاجأ بهذه الصورة امامى ..!!
عموما هى هدية منى اليك كتحلية بعد ان ملأت بطنك بالعصيدة بتاعت الجمعة الدسيت خبرها من الرشيد .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد عيد)
|
والله ايام يا زمان
ببكى واتحسر عليك
ما بقول العشنا كان
وارمى حبة لوم عليك
مع قند اليمن ورشا على عمر زجمال مصطفى ومحمد صديق
كمان هناك فى عبد الحليم عباس
تصدقوا تمر الأيام وتلف
ويجى اب اخ عبد الحليم عباس
دكتور عمر حافظ لو كان عبد الحليم متابع
يجى ويبقى عديلى
وعرفت انو انتقل للأمارات معاكم يا رشيد ويا ياسر نجيلة
بعد زمن طويل قضاهو فى اليمن
ما اجمل تلك الأيام
دكتور عز الدين هلالى
نتزكره بايام الزقازيق الجميلات
اليس هو الساخر القائل
واحد واحد ستة وخمسين
حتى اسقلالك بالتسنين
الجمعة يالرشيد , ياها الرحلات بس , الغريبة حتى غداء الجمعة ما متزكره
باين علينا كنا يوم الجمعة بننتشر
وطيب انت مش حا تنتشروا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
عزيزي الطيب الشعراء عموما لا يحتكرون و لا يشفرون..يمكنك أن تحتكر قصيدة و لبعض الوقت
فقط..و لكنك لا تحتكر شاعرا...فما بالك بشاعر كدكتور عزالدين
ان العقد الذي بيننا وبينه عقد وجداني لا تفسخه جنائية ولا محاكم العدل كلها...نحن
نعشقه ليس لرباط الدم الذي يربط بينه وبين فائزه هلالي...ولا كان مدخلنا اليه...بل
ذلك ما أدى الى تقوية الرباط بيننافقط...فنحن رددنا قول النصيحة وتغنينا بهاولم
نعرف أنها له حتى التقيتة...و أحببنا الوحيدو سافر و خلى ريدو ثم أحببناها أكثر
عندما سمعت منه قصة ميلادها...وشهدت ميلاد أخريات...و سمعت النغمة الأولى للبعض الآخر
فنحن حين نمنحة العضوية الشرفية هنا...و انت تعرف أن هذا البوست متعدد المواضيع وليس
متخصصا في الأداب والفنون كمنتداكم...فاننا نرد له الجميل..لأنه أمتعنا وساهم في تشكيل
اذواقنا ووجداننا...وكذلك نساهم ولو بالقدر اليسير في نشر الفن الجميل...
فلا يمكن أن يفصل ظله على منتداكم فقط...فهذا حرص ليس هنالك ما يبرره...
وبعدين نحن استأذن ياخي من أوكامبو ذاتو.. الجنائية في شنو...ولو مصر حنقول ليك النشر
النشر الرد الرد...
عموما كنت أتكلم مع دكتور عزالدين قبل قليل...وقال ليك يا منصور هو متذكر جدا ذلك اليوم
الذي قرأ فيه القصيده بالزقازيق...ويذكر أنه في ذلك اليوم و بعد الخروج من دار
تجمعوا خارج الدار في وقت متأخر من الليل...كانو مجموعة كبيره من السودانين متجمعين
و فجاة جاء واحد مصري ماري فقال مختار دفع الله ده الجابو هنا شنو..
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
شكراً للأستاذ/ الطيب عثمان وشكراً على مرورك
على البوست ونرحب بيك والبيت بيتك وحضورك مقبول
في اي زمان حتى لو كان بعد منتصف الليل ، والشاعر
الكبير عزالدين هلالي له روابط وجدانية مع ناس الزقازيق
وذكريات موثقة وضاربة في الأعماق ،، وزي ما قال أخونا الرشيد
نتنسم معكم هذا العبير الفواح ونقتسم معكم هذا الكنز المعتق
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
الصور يا سامى كلها فى عام 86م قول لي ليه
لان الشادى ومحمد على جمعة خريجين 86 وانت جيت 86
طيب حاجاوب ليك الصورة الاولى فقط لان الصورة البغنى حسن طبلة
فيها كليات مختلفة وبالتالى ممكن واحد يجاوب وياخد عليها درجات
اما صورتك الاخيرة فما اظن فى واحد ما مرة على المكان ده
اوووكى الصورة الاولى من اليمين للشمال
النذيـر -- الشادى -- ؟؟؟؟؟ -- ياسر على الامين -- عوض الله جاكسون
هذا الجاكسون مع انو من ( اشــنا) الناس الا انو كان من اكبر المعلقين
فى الاشكال وبالذات البرالمة ... كشاح يباصى ليهو وهو يشوت
تديها بالله كم من عشرة
ودى فرصة نرسل سلامنا لناس كوستى : جاكسون - محمد على جمعة - عمر احمد محمد
انتصار حمد - سوزان محجوب - نعمات البشير - اقبال عبدالخالق - فــش وكل من فاتنى
ذكر اسمه لهم منى خالص الاشواق .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: عبد الدائم سيد أحمد)
|
سامى عبد الوهاب يغيب ويجى
يجيب لينا أمتحاناته الصعبة دى
الناس ديل كلهم ما ادونا ليهم الا كمال الشادى
كمال الشادى زاتو شوفوا كان صغيرونى كيف
انا حولت الأجابات لديدو
لأنو ولد شاطر ومزاكر كويس
وامبارح قضى الليل كله كسر
انحن جيبوا لينا القدرنا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
Quote: اوووكى الصورة الاولى من اليمين للشمال
النذيـر -- الشادى -- ؟؟؟؟؟ -- ياسر على الامين -- عوض الله جاكسون |
والله يا سامي تغييب وترجع لينا بالأمتحانات الصعبة دي والغريبه معظمهم ناس
تجارة بس الأسماء ترجع وتروح وكلهم ديل أولادنا بنعرفهم شديد ،، أنا عدلت ليكم
قائمة عبدالدائم وجبت ليكم إسم الأب بس إنتو كلموا الأسم الأول.
النذيـر -- الشادى -- سيد نصر -- ياسر على الامين -- عوض الله جاكسون
صورة ناس حسن طبلة جالس معاهو الصادق أبو سكين - واضع يده على دقنه - ويستقر
حالياً بالرياض .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
Quote: سامى عبد الوهاب يغيب ويجى
يجيب لينا أمتحاناته الصعبة دى
الناس ديل كلهم ما ادونا ليهم الا كمال الشادى
كمال الشادى زاتو شوفوا كان صغيرونى كيف
انا حولت الأجابات لديدو
لأنو ولد شاطر ومزاكر كويس
وامبارح قضى الليل كله كسر
انحن جيبوا لينا القدرنا |
السينير الفاضل منصور
ياخي إنت ماااااااااااا من ناس المساكن
وديدو دا ما ما مذاكر والإسبوتنج بتاعو دا ماااااااااا ضرب
والوجيه كال الشادي ما شاء الله مازال محافظ... ليهو التحية
حاول جاوب لأنو الزمن ماشي والأسئلة دي حتكون مكررة في دور سبتمبر... يعني مافي مفر
يعني حتاكلو عنب وبرضو مافي فايدة
| |
|
|
|
|
|
|
|
|
|
Re: ناس الزقازيق ... اجدع ناس .. (Re: عبد الدائم سيد أحمد)
|
سلام يا نضيف
Quote: الصور يا سامى كلها فى عام 86م قول لي ليه
لان الشادى ومحمد على جمعة خريجين 86 وانت جيت 86
|
لقيتك من ناس التخمينات وربط الشئ بالشئ...
يعني مذاكرتك ماااااااا على قدر كدا
Quote: طيب حاجاوب ليك الصورة الاولى فقط لان الصورة البغنى حسن طبلة
فيها كليات مختلفة وبالتالى ممكن واحد يجاوب وياخد عليها درجات
|
ودي زوغة...
يا نضيف السؤال دا إجباري
Quote: اوووكى الصورة الاولى من اليمين للشمال
النذيـر -- الشادى -- ؟؟؟؟؟ -- ياسر على الامين -- عوض الله جاكسون
|
ماشي كويس... بس دا ؟؟؟؟؟ لُب السؤال ظاااااااااتو
Quote: ودى فرصة نرسل سلامنا لناس كوستى : جاكسون - محمد على جمعة - عمر احمد محمد
انتصار حمد - سوزان محجوب - نعمات البشير - اقبال عبدالخالق - فــش وكل من فاتنى
ذكر اسمه لهم منى خالص الاشواق . |
التحية لكل من ذكرت
وتحية خاصة لسنيرنا العزيز عبد المجيد عيسى سليمان
وأرجو أن يمدنا أحد الأخوان برقم هاتفه
ومازلنا في الإمتحان
مضى نصف الزمن
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
يا جماعة والله لي كم يوم كده طاري عثمان الجيلي وعروة...وقلت أسأل منهم لكن انشغلت
و لم أفعل...
محمد عيد أنكت عثمان الجيلي ده من أي مكان وحاول تلعبو شوية شوية لحدي ما يرجع حساسية
المباريات...
ويا عروة أين أنت...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: الرشيد بابكر)
|
سلام ياشباب
وطبعا كما هي العادة مابسلم ورقة الاجابة الا مع نهاية زمن الامتحان
المهم .... السؤال الأول / اجابتي زي الكاشف أخوي (عبدالدائم) بما فيها ال ؟؟؟؟
------------
السؤال الثاني: الصادق ابوسكين - محمد علي جمعة - حسن طبلة - وخلفه سامي متاوق بي عين واحدة - ابراهيم فش ملتفت على كشاح وقال ليه تدي اغنية حسن طبلة دي كم؟ - عازف العود مالو زي عماد عثمان كده؟
------------
السؤال الثالث: الوجيه سامي تحت مقام (قبة) ابوالهوى ودي ما بعرفوها الا الناس البسافروا بي تحت قبة ابو الهوي دي ياشباب في اسوان (البرالتاني)
وكمان اقول ليكم حاجة الزول الصور الصورة دي (واحد من ناس الحوش ده) صح ياسامي؟؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: جلال عثمان)
|
سلام يا شباب
معليش عندي كم مشوار كدا
عشان كدا ما ظهرت
وبعدين عدم ظهوري دائماً يرجع لسببين
يا طريح الفراش
أو بت الشيخ زاراني يا محمد صديق
فعشان كدا الإمتحان بتاع سامي جيت بعد مرور نصف الزمن
و المراقب رفض دخولي
وما هو مهم أنا الآن في مدني
قريب من قرية النذير أم سنط
وبعدين النذير دا مصعد من معهد تجاري بنها أظن ذلك
بعدين الإمتحانات دي كلها تجارة مالها؟؟..
إنشاء الله خير
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
طبعاً لقيت لي قصة تنفع مع زقازيقي الشتات و المغتربين في بلاد الله
وسأقسمها على كم مشاركة كدا يا محمد عيد
لسببين
أولاً لأنها طويلة
و الثاني علشان نقلب الصفحة الدمها تقيقيل دي
*******************************************
تقول القصة:
(الطاهر) يعمل موظفاً بأحد بلدان الخليج ، قضى فى الإغتراب سنين عدداً قبل أن يعلن (كفيله يا سامي و جلال) أفلاس الشركة ويقرر الإستغناء عن العاملين فيها بما فيهم (الطاهر) الذى قام بجمع مدخراته التى جمعها خلال هذه السنوات الطوال وحزم حقائبه عائداً إلى البلاد .
ما أن وصل (الطاهر) عائداً حتى تقاطرت صوب منزله جموع المهنئين بسلامة العودة ، ولأن (الطاهر) قد غاب عن السودان طويلا فقد كان جل همه هو كيفية إستثمار المبلغ الذى أحضره معه والذى يمثل بالنسبة له (تحويشة) العمر يا الرشيد :
- هسه يا جماعة الزول لو عاوز يستثمر القريشات الجابا معاهو دى يستثمرا فى شنو ؟
قام الطاهر بطرح هذا السؤال على كل قادم جاء إليه يهنئه بسلامة العوده وقد تفاوتت وتباينت الردود فمنهم من اشار عليه بشراء حافلة ( روزا) 30 راكب ليقوم بتشغيلها (الكلاكلة السوق الشعبى ) غير أن البعض الآخر إنتقد هذه الفكرة واشار عليه بشراء عدد من (الركشات) بدلاً عن الحافلة معللاً ذلك بأن (إسبيرات) الركشات (رخيصة) وكذلك (تعمير مكناتا) لا يتطلب جهدا ومالا كثيرا
- والله عاوز نصيحتى يا الطاهر ؟ تبعد من الحديد ده !!
قالها له (سليمان الترزى) جاره فى الحى والذى جاء لزيارته مهنئا بسلامة العوده
نواصل
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
اللية السهرة حقتي براي
طبعاً كل المغتربين بيكونوا عايزين يعرفو سليمان الترزي قال شنو لي الطاهر
*******************************
وأعمل شنو يا أسطى سليمان يعنى عندك ليا مشاريع؟
- شوف يا أستاذ سيبك من المشاريع القالوها ليك دى ... الناس دى بقت ذى (القرود) تعمل أى حاجه يعملو ذيك ! تجيب ركشة (يجيبو ركشات) تفتح إتصالات (يفتحو إتصالات) تعمل كافتيريا (يعملو كافتيريات) !
- أها طيب الواحد يعمل شنو ؟
- والله عندى ليكا مشروع إبن ستين كلب !
- هسه يكون فى زول عملو
- لا لا والله ده مشروع الشيطان ذاتو ما فكر فيهو – مواصلاً- والله المشروع ده يخليك ملياردير فى أقل من شهر
ويستمع (الطاهر) لجاره (سليمان الترزى) والذى يعرض عليه فكرته والتى تقول بان يقوم (الطاهر) بإستيراد عدد أربعين مليون (إبرة خياطة) على أن يقوم بعد إدخالها ببيعها وتوزيعها للبقالات والمحلات فى الأسواق !
- شوف يا معلم لو بعت الإبرة الواحده بس بى خمسميت جنيه البسيطه دى شوف ح يعملو كم ؟ بعدين هم ذاااتم ما بقروش هسه تلاقيهم فى الهند وإلا الصين الميه بى جنيه واحد !
- والله فكرة !
- وكمان فى حاجه تانى .. إنتا ما تدخلهم عديل عشان ناس الجمارك يجمركوهم ليكا بالشئ الفلانى
- طيب أعمل شنو يعنى
- يعنى ممكن تشترى ليكا كم (كمبروسور) بتاعين بنشر وتروح فاتح كل (كمبريسور) وحاشيهو (إبر) ولاحمو تانى وتديهو بوهيه !!
- لكن باقى ليكا (الإبر) دى بتتباع يا أسطى (سليمان)؟
- إنتا بس حكاية البيع دى سيبا ليا أنا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
طبعاً الفكرة تكون راقت لي ناس تجارة
لأنو حيكون في محاسبة ومراجعة قانونية وكدا
عشان كدا يا ياسر نجيلة تعال شوف الطاهر عمل شنو
********************************
الطاهر يفكر :
قضى (الطاهر) ليله كله يفكر فى مشروع الأسطى (سليمان) من كافة الجوانب حاملا فى يده ورقة وقلم (لزوم التضريب) حتى لاحظن زوجته (بت الشيخ) نعمات ذلك
- إنتا الليله الحاميك النوم شنو؟
- والله بس مشروع كده !
- مشروع شنو إنت (عصام) أخوى ده ما قال ليك عندو ليكا مشروع ختير
- والله مشروع الأسطى (سليمان) ده ده مشروع (خترى) ويقول لى مشروع أخوك عصام العاوز يقترحو ده إنتا شنو؟
- ومشروعو ده حافلة وإلا ركشة وإلا إتصالات
- إبر !
- شنو ؟ كمان عاوز تتاجر فى (الحقن) !
- حقن شنو يا وليه ؟ إبر البخيطو بيها دى
ما لبث (الطاهر) أن (صنقر) فوق السرير وأخذ يشرح لزوجته (نعمات) فكرة الأسطى (سليمان) والتى ما أن إستمعت لها حتى صاحت فى وجهه :
- عليك الله ده مشروع شنو؟ هو هسه منو القالو ليكا قاعد يخيط ليهو حاجه؟ ما كلو جاااهز والله تتابع ليا مشاريع (الترزيه) ديل واطاتك أصبحت - مواصلة فى تهكم – قال شنو أربعين مليون إبره !!
- طيب الحل شنو؟
- الحل تشوف المشروع القال عصام عاوز يقولو ليكا ده وأكيد ح يكون ناجح عشان عصام ده زول تفتيحه ولفا العالم ده كلو ما ذيك !
ـــــــــــــــــــــــــــــــــــــــ
الليلة ما حا أخليكم
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
قالو في المثل يا جماعة المرا شاورا وخالفا
وبعض من بنات الشيخ دائماً مدخلين نخرتهم في أي حاجة
ويهرشو ليك الجماعة
طبعاً الكلام دا من غير ذكر أسماء
و تعالو شوفو مشروع عصام أخو بت الشيخ بتاعت الطاهر
****************************
مشروع عصام :
كان عصام يتمتع بقدر من (الذكاء) لكن (حظه العاثر) لم يساعده كثيرا فعلى الرغم من سفره إلى عدد من الدول الأوربية بغرض الدراسة إلى أنه قد عاد بخفى حنين ومنذ أن إستقر بالبلاد لم تعرف له مهنة محددة فمرة يعمل فى مجال (السمسرة) وأخرى فى مجال (تبديل العملة) يساعده فى ذلك مظهره الذى يعتنى به كثيرا وبعذ اللغات التى يتحدثها نتيجه لوجوده فى الخارج بالسنين.
فى حوش المنزل جلس (الطاهر) مستقبلا عصام شقيق نعمات والذى بدأ فى غاية الهندام وهو يهز بين أصابعه بمفاتيح العربة الكورية التى تعود على إستئجارها من الشركة التى يمتلكها أحد أصدقائه :
- أنا بفنرح إنو أى زول عاوز يستثمر يشوف ظروف البلد دى كيف؟ وبشوف الشئ الناقص الناس شنو؟
- وإنتا تفتكر الناقص الناس شنو؟
- ناقصاهم وظائف؟ ناقصهم شغل الناس دى كووولها طائرة وما لاقيا ليها شغل
- يعنى فكرتك نعمل شنو؟
- دى عاوزة ليها كلااام ؟ فكرتى هى إنو نعمل مكتب توظيف
- قلتا شنو يا عصام ؟
- قلت ليك المشروع الأنا بقترحوا ليك هو إنو تعمل ليك مكتب توظيف؟
- والوظائف نلاقيها وين ؟ إنت مش قلتا إنو البلد دى كووولها طايرة وما لاقيه شغل
- قصت الوظائف دى بس سيبا ليا أنا .. إنتا نسيت إنى كنت قاعد فى (جزر المالديف) كم سنة !
- ويعنى شنو؟ شنو علاقة التوظيف بى قعادك فى المالديف؟
- كييييييف ... أنا علاقتى مع الناس ديل هناك كويسة وما تنسى إنو الجزر دى (البترول) طلع فيها وعاوزين عمالة فى مختلف التخصصات !
- يعنى ممكن براااحة براااحه تورينى فكرة المشروع ده !
- أيوااا أقول ليكا ... نحنا نأجر لينا مكتب فى أى حته محترمة ونمشى نسجل الشركة دى فى مسجل الشركات ونعمل لينا يافطة كبيرة (شركة جزر المالديف للتوظيف) وكمان شوية إعلانات فى الجرائد !
- أها وبعد داك
- بعداك الباقى تسيبو ليا !
- إنت يا عصام متأكد إنو الفكرة دى ح تنجح
- كيف ما تنجح؟ إنت ما شايف عدد العطاله والما لاقيبن شغل فى البلد دى قدر شنو؟
- بس يا عصام أنا ما بفهم فى الموضوع ده زى ما عارف
- لا ...لا بس إنت خلى ليا الشغلانه دى بس إستلم الأرباح
ــــــــــــــــــــــــــــــــــ
لسع القصة ما إنتهت
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
يا شباب أي زول ما عارف جزر المالديف يفتح الأطلس أو يشوف قوقل
وتعالوا شوفو الشغل عند عصام كيف إنتو زاتو لو عايزين شغل يا موسى عيسى
الزول دا بشغلكم
****************
المالديف للتوظيف :
إستلم عصام تحويشة (الطاهر) وقام بتحويلها إلى (سودانى) من أحدى الصرافات حيث قام بعدها بالذهاب إلى أحد مكاتب تأجير العقارات :
- والله يا جماعة بفتش ليا فى مكتب
- عاوزو وين جوه السوق
- لا لا عاوزو فى حى يكون راقى كده !
- المكاتب ازى دى لكن إيجارا غالى
- ما مشكلة وكمان أقول ليك حاجه؟ أنا عاوزو يكون فى (بيت) يعنى يكون فيهو حوش
- إنتا عاوزو لى شركة يعنى
- أيوااا عليك نور
بعد أن قام السمسار (بتفريج ) عصام على عدد من العقارات بالمواصفات التى طلبها رسى الأمر على أحدهن وقام بدفع مقدم 3 أشهر والتوقيع على العقد وبالطبع دفع أتعاب المكتب .
بعد أن قام (عصام) بتأثيث المكتب كانت الخطوة التالية هى تسجيله لدى مسجل الشركات بإسم شركة (المالديف للتوظيف) وتبقت مسألة الإعلانات ! التى غزت (الإذاعات) والتلفزيونات و الصحف التى إمتلأت بالإعلانات التى تؤكد حصول أى عاطل عن العمل على وظيفة إذ توجد وظائف فى كافة التخصصات ولكل حملة التخصصات والشهادات ..ثانوية .. دلوم .. ماجستير .. دكتوراة ..
ـــــــــــــــــــ
مواصلة
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
بعدين الإعلانات عن الوظائف
ما زي إعلان زهير الزناتي في شريط قناة النيل الأزرق
لأنو الرشيد تعب من التركيز وعيونو زغللت مع إعلانات الكريمات
أما إعلان عصام فهي صورة و صوت
*********************
إعلان (1) :
- ما قلتى ليا عريس بتك شغال وين؟
- مغترب يا بت أمى
- فى الخليج ؟
- برى برى خليج شنو الفيهو الناس عايشة بى بطنها ده ؟
- طيب مغترب وين؟
- ده مغترب يا بتى فى (جزر المالدليف)
- جزر منو؟
- الماالدييييف !
(صوت جهورى) : وإنت كمان لازالت الفرصة أمامك لتحقق أحلامك .. إتصل (الآن) وخذ (العنوان) شركة الماندليف للتوظيف ... وظائف فى كل التخصصات ..فقط إتصل بنا على الرقم صفر صفر زيرو إتنين صفر زيرو !!
إعلان (2) :
- مالك يا حسام عندك إكتئاب ؟
- الما بجيب ليا الإكتئاب شنو؟ خمسة سنين مما إتخرجنا وعاطلين لا شغل ولا مشغلة
- طيب أيه رأئك أنا عندى ليكا وظيفه وبالدولار كمان؟
- لا أكيد إنتا بتبالغ يا طلال !
- أبالغ شنو؟ إنتا ما سمعتا بالمالديف للتوظيف؟
- لا ما سمعتا
- ديل عندهم وظايف فى كل النخصصات .. تكون مهندس .. تكون طبيب .. تكون شيف
(صوت جهورى) : قدم (ورقك) للمالديف وخليك حريف !!
إعلان (3) :
- شنو يا (نهلة) مدبرسة جنس الدبرسة دى
- شنو الما بخلينى أدبرس ؟ لا وظيفه ولا عريس ؟
- خلاص أنا لقيت ليكى
- عريييييييس
- عريس شنو العرس يطير لقيت ليك توظيف
- بى صحك ؟وين؟
- فى المالديف !! بس من دربك ده أمشى المالديف التنوظيف
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
ناس كثيرين مسجلين غياب
عشان كده الخيمة بتاعت الأمتحان يا سامى
زول فى الكنبة الوراء
وزول فى الكنبة القدام
وين ناس عصام دهب , ياسر نجيلة ,طارق جبريل ,اضافة لى ناس عثمان الجيلى
عروةو اسامة ابتر .اضافة لأسماء كثيرة انقطعت تماما زى ناس صالح تبلدينا
حتى محمدعيدالأيام دى لابد
بالطريقة دى الميل خمسين عايز ليهو جكة
زهير الزناتى اكيدمشغول مع افتتاح السوق الخيرى بكرة
يا ريس نشط عمليات دفع المساهمات عشان نسندظهر الجماعة ديل
جمال السنوسى عامل علينا تقيل
ويا ريس ميسرة ,هل تتزكر الزول القال للمصريين جيرانا فى اول عمارة سكناها فى المساكن
لمن جو ودقوا الباب وسالوه انو لقوا ليهم بطانية فى بلكونتهم
وسالوه البطانية بتاعتكم ؟؟
قال ليهم ؛ ما بطانيتناش
ويومها متنا من الضحك
الواقعة اكيد حاضرينها ميسرة وجمال السنوسى وكمال الشادى
ويمكن محى الدين محمدحامد وعبد الحى اسحق وخالدنوح
وجمال دفعة اضافة للشخص صاحب العبارة
فمن هو ؟؟
السؤال موجه ليك يا ريس ميسرة انت وجمال السنوسى
اما الرشيدبابكر ,فعندى ليك اسئلة من نفس النوع
بس اولا ورينى ؟؟ انت لسه صاحى ؟؟
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
بعدين يا منصور دق الباب و قول أنا قاعد وما تقطع لي القصة بتاعتي دي
دائماً الإعلان القوي بجيب الشغل النضيف وخلو بالكم دا شغل في جزر المالديف
*****************
وبدأ العمل :
فى أحدى الأحياء الراقية وعلى واجهه إحدى العمارات وضعت لافتة كتب عليها بخط واضح جميل (شركة جزر المالدليف للتوظيف) ، جلس ( عصام) على مكتبه الفاخر أمامه شاشة بلازما يشاهد فيها إحدى القنوات الفضائية وهو يمسك بسماعة التلفون يطلب من سكرتيرته الحضور :
- شنو الدوشه البره دى ؟ معقولة الزحمة دى من اول يوم نفتح التقديم ؟
- والله يا أستاذ الأعمى شايل المكسر !
- مش وريتوهم يعملو شنو؟
- عملنا ليهم لافتات إرشاديه بره .. بس لكن
- لكن بس شنو؟
- بس كولهم عاوزين يعرفو جزر(المالدليف) دى وين ؟
- وما وريتوهم الأطلس أقصد الخرطة ؟
- وريناها ليهم لكن قالو أول مرة يشوفوها !
- يعنى شنو؟ أنا ذاتى ما أول مرة أشوفا
- قلت شنو يا أستاذ
-(متلعثماً) : قلت ليكى يعنى شنو هى (كيمياء) ما توروها ليهم
ـــــــــــــــــــــــــــــــــ
منصور ما تمشي بعيد
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
طبعاً كلكم دايرين تعرفو العائد كم ما خايفين على قروشكم و تحويشة العمر صاح يا النضيف
***************************
الأرباح :
لم تمر عدة أيام حتى دق باب منزل (الطاهر) ليجد عصام الذى بادره التحية ودلف إلى داخل الصالون يحمل فى يده كيسا ورقيا كبيرا ..
- دى (خمسة مليون) أرباحك بتاعت الكم يوم ديل !
- معقول بالسرعة دى ! أوع تكون فى أى ممارسات (غلط) فى المسألة دى !
- غلط شنو يا أستاذ نحنا ناس بنخاف على سمعتنا !
- طيب والشغل ماشى كيف ؟
- تمام ميه المية ... البلد دى أى زول عاوز يخارج نفسو
- طيب مطلوب منى أى حاجه؟
- إنت يا أستاذ ما مطلوب منك غير تمسك القروش البجيبا ليك دى !
ما أن خرج عصام حتى دلفت (نعمات) زوجة (الطاهر) إلى الصالون فى اللحظة التى كان الطاهر يمسك فيها برزم (القروش) محاولا عدها
- (مبتسمة) : أها (نسبتى) وينها ؟
- كدى خليكى هسه من (نسبتك) والله أنا قلبى ده مياكلنى ؟
- ياكلك من شنو؟ المشروع ونجح !
- معقوله خمسة مليون فى أقل من شهر !
- ومالو ما قروشك وربحك حلال بلال أصلك سارقا ؟
- لا أنا بس خايف
- خايف من شنو؟ عصام أخوى ده (ذكى) وبتاع حركات لكن ما بعمل ليهو حاجه غلط
- غايتو الله يكضب الشينة
كان إقبال المواطنين على التقديم للوظائف التى تعلن عنها شركة (المالدليف) يتضاعف يوماً بعد يوم بعد أن قام (عصام) بتكثيف (الإعلانات) على كافة أجهزة الإعلام ، تدفق الجميع يمنون أنفسهم بتغيير الحال البائس الذى يعيشونه وبين أسبوع وآخر كان عصام يقوم بالذهاب إلى (الطاهر) فى منزله لتسليمه (الأرباح) التى أخذت فى الإزدياد مرة بعد أخرى.
ـــــــــــــــــــــــــــ
حا أواصل
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
إذا أصلاً القروش دي بتجي بالدقشة دي معناهو الأمر فيهو إنّ
وأي زول خايف على سمعتو و الجانب القانوني مخيف هس دهب حيقوم يفتي لكن شوفو سر المالديف
و القصة دي إسمها ما دا المشروع ذاااتو!!!!
*************************
سر المالديف :
كان يمكن للأمر أن يسير بصورته الطبيعية لولا أن أحد الصحف قد أفردت مقالأ بعنوان (سر المالديف) تحدث فيه كاتبه عن تلك الشركة (التى قام بتسميتها) والتى تبيع الوهم للمواطنين (كما قال) طالباً من السلطات التدخل لمنع ما تقوم به الشركة من نشاط مشبوه معللا ذلك بأن الشركة لم تقم حتى تلك اللحظة بتسفير شخص واحد وإيجاد عقد عمل له .
- قريتى المقال ده يا نعمات؟
- ياتو مقال
- المقال الكاتبنو عن شركتنا
- وشركتنا مالا ؟ ما قاعدة توظف فى الناس الحكومة ما قدرت توظفهم !
- لكن قالو مافى زول واحد الشركة شافت ليهو عقد عمل وإشتغل مشى المالدليف !
- ما خلاص حظ ما عندهم
فى هذه الأثناء يرن جرس الباب فتفتح نعمات ليدخل (عصام) حاملا (الظرف) فى يده فيناوله (الطاهر) الصحيفة :
- أقرأ المقال ده !
- كدى قبل ما أقرا المقال خلينى اسلمك قريشاتك دى
- شوف يا عصام أنا ما ح أستلم منك أى قروش ألا تجاوب ليا على الأسئلة الح أقولا ليك دى
- إتفضل يا سيدى !
- أول حاجه إنتو بتشيلو من الزول العاوز يقدم للوظائف دى كم؟
- ما قاعدين نشيل منو ولا مليم ! لحدت ما يستلم شغلو والعقد يجيهو
- طيب والقروش البتجيب ليا دى قروش شنو ؟
- دى قروشنا
- (فى زهج) : ياخى ما تجننى قروشنا كيف؟
- بسيطة ... عندك (عشرة مكنات تصوير مستندات) بتصور ليها فى اليوم حوالى خمسة تالاف ورقه ... و(وحداشر) مكنة تصوير فوتوغرافى سريع بتصور ليها ذى تلاتالاف (صورة)
غير (البوفيه) ببيع ليهو ذى (ألف طلب) ده غير الشاى .. والسجائر .. والحاجه البارده والموية و(العصائر) !! – مواصلاً – ما ده المشروع ذاااتو !!
ـــــــــــــــــــــــــــــــ
أي زول عايز يستثمر يشوف أخو بت الشيخ
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
والله يا جلا سليــــت روحنا عديل كده
من قبيل قاعد اغالب فى النوم وابارى فى ناس الطاهر
ونعمات وعصام .. لغاية ما ودونا البحر ورجعونا عطشانين !!
يخرب مطنك - على قول الرشيد -
شكلك كنت نايم ومرتاح ليك يومين وجاى تساهر بينا
غايتو حكاية ام ضبيبينة دى فايدتها واحدة ..
انها احتمال تقلب الصفحة ام صاجورا" قوووى دى !!1
رغم انى كنت داير اكتب شوية عن تغطية قنوات السودان لوفاة النميرى
لكن الصباح رباااح
هوى .. ودعتكم لى الله أقعدوا بالعافية
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
والله يا جلا ما بالغت عديل
طاش ما طاش زاتها لسة ما عملت المسلسل ده
قلت لى المرة شاورها وخالفها
انت بتستغل كون انو بوستنا ده بقى عزابة ساى
وبعدين انت من زمن المغتربين البيستثمروا
هم الكفلاء خلوا فيها حاجة للأستثمار
استمتعنا بالمسلسل
وشاورنا بت الشيخ
وما خالفناها
عندى واحد صاحبى
لمن سألوه حكمته البيمشى بيها فى الدنيا قال
الما بيخاف من (بت شيخه )
ما راجل
مع انه عصام بالغ
لكن ما دام انو اخو بت الشيخ
فالكلام كمل
جلا هوى
الكلام الزى ده , كملوا بى ليلك ده
بكرة الصباح , زول غير الرشيد وعصام دهب
(لأنهم عزابة الأيام دى )
بيوافق عليهو مافى
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
اخونا جلا ياحريف ...
القصة لذيذة ...
انا غايتو مشروع ابر الخياطة حاجزو من هسع ...
واصل ياجلا وشوف ليك ماسورة تانية ... اصلو الميل اربعين مابجي الا كده ...
وبعدين ياشباب انا داكي امتحانات الصفحة 30
وقاعد اذاكر "واكسر" استعدادا لامتحانات الصفحة 31
والشكر الجزيل لكل من واسانا في بت الشيخ
وان شاء الله ماتشوفو شر
يامنصور انا اول العذابة دخولا قبل عصام دهب والرشيد
نسيتني ولا شنو ... صاحي من 4 صباحا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ياسر نجيلة)
|
جلا يا حبيب ما أنا قاعد بعيد من بت الشيخ والعيال لي سنتين ونصف والانترنت متوفر بكثره
و لحدي حسه ما قدرت أكمل قصة حبوبتي...انت تمشي ليك يومين تكتب لينا حق اسبوعين..وبعدين
ياخي نحن لو قعدنا نباريك بالطريقة دي لا حيكون في تحويشة عمر ولا حاجه...كان رفدونا زمان
أنا اتفاجأت لما لقيت الصباح الكتابة الكتيرة دي...قلت جلا ده نوى لينا ولا شنو...حسة تلقى
منصور قهوة وراء قهوة ويفرك في عيونو...محمد عيد ده أصلو بيساهر و ما عندو مشكلة..لكن أنا
و الله عندي عيال بربي فيهم..اقعدو اعملوها لينا الى الميل خمسين الى الميل خمسين لما ترجعونا
الميل صفر...
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ياسر نجيلة)
|
Quote: ويا ريس ميسرة ,هل تتزكر الزول القال للمصريين جيرانا فى اول عمارة سكناها فى المساكن
لمن جو ودقوا الباب وسالوه انو لقوا ليهم بطانية فى بلكونتهم
وسالوه البطانية بتاعتكم ؟؟
قال ليهم ؛ ما بطانيتناش
ويومها متنا من الضحك |
بصراحة يا منصور لا أذكر الشخص ولكن يغيب عن هذه المجموعة
جمال فارح ومحمد شمس الدين ،،يا أخوي أنا جلا ،،، باص ولو إنتطرت
جمال السنوسي ما ح يجيك بسهولة ،، بس قول لينا إنت.
ياجلا الروايه بتنفع وممكن تتعجن في قالب فكاهي وواقعي يمس حال الناس
وبصراحة لو كانت الفكرة من بنات أفكارك يبقى سير في هذا الخط لأنها بصراحة
كدي ظريفه ودمها خفيف وحلوه .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
ايوة والله يا ياسر نجيلة
انت وعصام دهب العزابة فعلا الأيام دى
الرشيد بابكر رغم انو عزابى خمسة يوم فى الأسبوع
لكن بت الشيخ الأنا خالها من زمااااان
مراقباه بالساتالايت
ومراقبة الساتالايت دى الله لا وراك ليها
حارة وبتقبضك بتقبضك , حل مافى يعنى
يقوم يجى جلا انصاص الليالى يقول لينا النساوين شاوروهم وخالفوهم
وكمان فى ابر خياطة
جايبها عصام اخو بت الشيخ من الهند ولا تايوان ما عارف
اذا رضيت بأنك تدخل مخاطرة مخالفة بت الشيخ
على الأقل خليها فى حاجة تستاهل
مش تقوم لينا الهبائب فى ابرة وخيط ومكتب استقدام لى جزر المالديف
غايتو انا والرشيد ومحمد عيد وزهير الزناتى وميسرة وجلال ومحمد صديق واسامة ابتر
مستسلمييييييييييييين
الراجل الفيكم اليمشى ورا جلا
وبعدين تعالوا احكوا لى
يا ميسرة انا حا ادى جمال السنوسى العامل تقيل ده فرصة باقى اليوم
بعد داك حا اوريك الزول بتاع ما بطانيتناش
على فكرة هو من اولاد امدرمان
وبيت المال تحديدا
| |
|
|
|
|
|
|
|
|
|
Re: ناس الزقازيق ... اجدع ناس .. (Re: منصور عبد الرازق)
|
Quote: يا ميسرة انا حا ادى جمال السنوسى العامل تقيل ده فرصة باقى اليوم
بعد داك حا اوريك الزول بتاع ما بطانيتناش |
أستاذ ،،،، استاذ ،،،استاذ
أنا ما بنتظر جمال السنوسي ده
أخونا جمال ده محروق مع ناس الهلال
لمن أنحنا كنا هلالاب قبل الطلاق من الكورة
إلا ناس برشلونه وبس ما في داعي لناس المكرونة
والمغصونه ،، بس يا منصور بت الشيخ العندي دي
يا ها بتكم وإتعودت من زمن الزقازيق على تزويقي
وإجتماع إتحاد ،،، ولجنة سياسية وماشين نحضر لينا
ندوه في سقط لقط - اسيوط - او عند الدروز بتوع طنطا
ومره مره نكون في إسكندرية ،،، عارف يا منصور الزول
بتاع البطانية هو الأخ/ كمال جابر الذي إختفى تماماً ولا
أعرف له طريق جره ،،، عندك يا منصور أخبار ،، ناس كثيرين
لا يذكرونه .
| |
|
|
|
|
|
|
|
|
|
Re: ناس الزقازيق ... اجدع ناس .. (Re: ميسرة سيد أحمد)
|
شكراً إخوتي
ويا محمد عيد الصفحة قربت تنقلب
قلت لي يا منصور إنتو مستسلمين لبنات الشيخ
سبحان الله ياخ ما تقول من غير ذكر أسماء
إستروا أخوانكم
السوترا.... السوترا....السوتراااااااا
Quote: غايتو انا والرشيد ومحمد عيد وزهير الزناتى وميسرة وجلال ومحمد صديق واسامة ابتر
مستسلمييييييييييييين |
أنت وعرفناك
الرشيد وبت الشيخ إنت خالهايعني معروف عندكم
محمد عيد ما معاكم وجريتوهو جر الزول يساهر لغاية صباح اليوم التاني
زهير الزناتي خلوهو.... حمدو في بطنو
ميسرة أيواااا بت الشيخ قاعد تقول ليهو كل خميس أمشي نضف ذنوبك و الله بختك يا ريس
بت الشيخ كدا ولا بلاش
جلال شدة بت الشيخ ما حكماهو
إلا إستعان بالخبراء الأجانب عشان يقلل مصاريف السفر و الإجازة بالسودان
محمد صديق ما في زول يقول حاجة البت بتنا و من كسلا
أسامة أبتر نافعو شغل البوليس
أما أنا
أنا و الزمن طويل
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
محمد عيد رجاءً
خليني أكمل ليك الميل 30 بهذه القصة
يا جماعة هوي دي آخر قصة و ما عندها أي علاقة ببت الشيخ
يا منصور ونحن ماشين على خواتيم الصفحة
********************
قصة الرجل العجوز
كان هناك نجار مسن يعمل على شاطئ النهر
وبينما هو منهمك في العمل سقط منشاره في النهر
فجلس يبكى على ضياعه
وكانت هناك جنيه تراقبه فحضرت إليه وسألته لمْ تبكي؟
فقال: سقط منشاري في النهر
فغطست وخرجت بمنشار من ذهب وسألته أهذا هو؟ فقال لا
فغطست مره اخرى وخرجت بمنشار من فضه وسألته أهذا هو؟ فقال لا
ثم غطست مرة ثالثة وخرجت بمنشار من برونز وسألته أهذا؟ هو فقال لا
فغطست مره أخرى وخرجت بمنشاره الحديدي وسألته أهذا هو؟ فقال نعم وقد ارتسمت السعادة علي و جهه لحصوله على منشاره.
فقامت الجنية بإهدائه المنشار الذهبي والفضي والبرونزي لأمانته وصدقه ...
ـــــــــــــــــــ
طبعاً أهم حاجة يكون في باقي للقصة
| |
|
|
|
|
|
|
|
|
|
Re: ناس الزقازيق ... اجدع ناس .. (Re: محمد آدم النور)
|
طيب التكملة دي ما مهداه لأي زول
وقبل كدا مجمد صديق قال العهدة على الراوي
و ماتقولو محمد آدم
خرخر أو إتجرس
وأي تعليق ما حيكون في الميل 31 و نحن على مشارفو
***********
وذات يوم آخر كان نفس الرجل يتنزه مع زوجته على شاطئ النهر
فإنزلقت قدماها وسقطت فى النهر، فجلس يبكى
فحضرت الجنيه وسألته ما يبكيك فقال زوجتى سقطت فى النهر
فغطست الجنيه وخرجت بهيفاء وهبي وسألته أهذه هي؟ فقال نعم هى زوجتى
فقطبت الجنيه جبينها وقالت لماذا تكذب ايها المخادع
فرد الرجل : انا لم اكذب ولكن خشيت ان اقول لا فتغطسي وتخرجي أليسا
وعندما اقول لا انها ليست زوجتى تغطسى وتخرجى نانسي
وعندما أقول لا انها ليست زوجتي تغطسي وتخرجي زوجتى
فإذا قلت نعم هى زوجتى
ستقومى بإهدائى هيفا واليسا ونانسي لصدقي وانا رجل عجوز لا أقدرعلى أربع فرضيت بهيفا فقط
ــــــــــــــــــــ
طبعاً عبد الدايم زول طماع وأكيد يكون عايز الثلاثة
| |
|
|
|
|
|
|
|
| |
الرشيد بابكر
جلال عثمان
زهير الزناتي
محمد عيد
منصور عبد الرازق
طارق جبريل
ياسر نجيلة
محمد صديق
عبد الدائم سيد أحمد
محمد آدم النور
سامي عبد الوهاب إدريس
ميسرة سيد أحمد
ياسر شبيكة
الطيب عثمان يوسف
فيس بوك
تويتر
انستقرام
يوتيوب
بنتيريست