ناس الزقازيق ... أجدع ناس ..

Quote: بجيلك زي رزاز النور وزي برق المحنه من زمن الالفه وفرحنا بيك يا انسان منتظرينك من زمان يا عروة ياشاعر ياانسان يارقيق يافنان عن جدارة وطيب خاطر ... تستاهل يا "شاعر البوست"

(عدل بواسطة ميسرة سيد أحمد on 04-29-2009, 01:49 PM)

Quote: يا جماعة أعملو حسابكم الناس المهرجلين الرجاء مقابلتي بعد حصة الفطور منصور عبد الرازق محمد آدم النور أسامة أبتر محمد صديق محمد أحمد محمد عيد شنو الحكاية موسى عيسى ده الألفا ولا شنو شايف إسمه ما مذكور ولقد أرسلت ليهو رسالتين عشان جلال يرسلهم لكن و الله أعلم مديره السعودي أداهو هرشة و قال ليهو ما تستغل النت للحاجات الشخصية و الله غايتو في ناس ما يتأدبو إلا من زي ديل اللهم أحفظنا و يا زهير دعوتك لغة تهديد لكن نسوي شنو أها وصلنا ومرسل ليك الرسالتين التي أرسلتهم للأخ موسى أمس و أوع تخنسر بي الرسالة دي

Quote: في كل عام فأنا أشتاق أن أولد في عينك طفلاً من جديد أرتدي اللون البنفسج أعتلي شكل الهوية ضيعتني مريم الأخر سنيناً في انتظار المجدلية آه لو تأتين آه من عميق الموج من صلب المياه كالرحيل و انتظار المستحيل يا موسى دي تنفع في إيجاد password لك أن تسعد بوجودي و طلتي البهية في إيميلك متى كان ذلك ممكناً يا توأم روحي و أعلم تمام العلم أن الأخ النضيف يمتلك من النضافة ما يحير أخواتنا زمان وتذكر كنا نقول لو شاء القدر وكنا نضاف مثله لأصبحنا ممثلين بجوار كمال الشناوي و محمود يسين مع العلم التام أن الفنانة المفضلة للأخ موسى عيسى هي ليلى علوي و مع إنو لا توجد أدنى مقارنة مع نضافة الأخ عبدالدايم كنت أتحاشي الكلام أمامه و كذلك تاج الدين و محمد المبارك وكنا نقول لينا الله و عيشة السوق و يا بختك يا عادل عبدالرحمن و الوجاهة تأخذ منك حتة و يا حليل غبشة الزقازيق المعتوقة و معتقة طبعاً عصام جلي ما عندو قشة مرة لا النضيف و لا غيرو وده طبعاً طبع ناس مدني و في أي حفلة زقازيقية نحن في الخلف و عندما يشتاق موسى للهترشة معانا ويجينا كنا نتغاتت عليهو و نقول ليهو أمشي محل الكلام الناعم و موووووووووت بغيظك

Quote: الأخ موسى الحاجة دي ما بتقدر تعمل فيها أي مداخلة بالله رسلها طوالي عايز أعمل مجموعات للناس الموجودة في النافذة 24 ياسر نجلية + عادل عبدالرحمن = أوبريت زقازيقي يكسر الدنيا (أثق تماماً في مقدراتهم) الرشيد + ميسرة سيد أحمد + د. الصادق + الجنرال عادل فتح الرحمن = قيادة نموذجية في توزيع الموسيقى (بحكم أقدميتهم وقيادتهم الرائعة و طبعاً الماعندو كبير يعمل ليهو كبير) النضيف + عثمان شيخ شريف عفواً شيخ محمد = لحن موسيقي نادر للأوبريت (أوع يالنضيف تقول لي إشمعن عثمان) عصام دهب + شقيقه عروة علي موسى حسب ما هو متدوال بينهما = تنظيم رائع لحفل الأوبريت طارق جبريل + زهير الزناتي + سيف النصر محي الدين + البادي النور = آداء للأوبريت بصوت سبرانو (بعض منهم كانوا مترددي كورالات) عفواً جلال عثمان هو يحمل لافتة مكتوب عليها يسمح الدخول للحفل كل زقازيقي الصغير و الكبير و ناس الكروش و الصلع وأصحاب المضاغات أما الناس الضهب و الجاين ساي و الدهماء هم محمد عيد + موسى عيسى + محمد آدم النور (جلا) + أسامة أبتر (طبعاً يا أسامة أبتر أقدميتك أدتك كدا و إنت راجل حقاني و بتاع قوات نظامية يعني حقنا قلعناهو) سمعتو العلاج بالإبر الصينية دي إبر زقازيقية و الحرامي في راسو ريشة بختكم يا ناس الضهب حسيت كل الناس التانين هبشوا ريسانهم أمك النار ولعت مالي و الهوى أنا أنا

Quote: يا عبد الدائم ضروري تعرف إنه مشي معاي عابدين محمد زين في هذه الزيارة .؟

Quote: ا أبو الشباب بوجود الشعراء الذين سيضفؤوا البوست بسحرهم و طالما ياسر نجيلة بجلالة قدره سيتضارى و أعلن ضمنياً ذلك و محمد صديق جاي نازل بي تقلوا الواحد زي الحس إنو حقو ما يطالب بشدة في إيجاد password لكن خلينا نجرب حظنا في مجال تاني يمكن تلفق إنتو البوست دا عامل زي كلية التجارة ذكرت سابقاً أن كلية التجارة كان بها 100 من الأخوان و ثلاثة أخوات صالحات قانتات الآن البوست في صفحة 24 به 100 مشاركة رجالية دون مساهمة أخواتنا الأمهات (طبعاً ما في داعي للحبوبات) و يبدو في الطريق مساهمة أختنا عفاف ميرغني يعني حسيت أنا في كلية التجارة دفعة 88 إنشاءالله المانع خير

Quote: الرشيد بابكر ومحمد عيد تحياتي وأشواقي ... وين الإيميل بتاع معاوية يحيي سريع جيبوا هنا عشان نعرف الحاصل انا عندي نسخة ، ولديكم مهلة 48 ساعة وإلا سأقوم بنشره علي الملأ ...

Quote: يا زناتى سلاام بحبك زى الشمام صاحب الحوش احترامات النضيف صاحب النفاج الفاتح على قلبى اعتزارات ما كنت عاوز يا زناتى اخش من نفاجك لانى اخترت نفاج عبد الدائم علشان نضيف وفايت الناس مسافة وعلشان انت ما تهد فينى وبى فنلتك المتته والحقيقة كلام كيلون خلانى اخش من نفاجك وكمان علشان تعرف الاسمو ده يا كيلون يا لزيز وينك والانتشار العجيب بى مناسبة الانتشار نحن كنا فى البرلم ساكن معانا الوجيه حاتم جبار ومرة جبنا المكرفس وقلنا افضل طريقة لمحاربة الانتشار والمنتشرين نقفل الباب بى المفتاح كان ساكن معانا محمد ادريس موسى ومجذوب حمد لكن الفكرة ما نجحت لان طارق جبريل عمل داير يزور ود عمو محمد ادريس !!!!!!!!!!! التحية لكل المنتشرين من نفاجات الناس الحلوين زى ما زكر محمد ادم النور الحصة بتاعت الفطور قلبت طابور جزاء لك العتبى يا من قلبت قلبى العتبة وخليت الطرماى يمر من فوق الكرش والظلبطة السمؤل يا وجيه لك التحية والتجلة

Quote: سلام مربع للجدعان متابع نسأل الله الرحمة والمغفرة لوالدة د بابكر بخيت و كل من فقدناهم

Quote: معاوية يحيي قال رسل ليكم إيميل إنت ومحمد عيد يدافع فيه عن شبابه الضائع في مواجهة هجمتكم الشرسة ووعدني بإرسال واحد يهاجم فيها الأعداء والخونة ويا ريت معاوية يجي بي جاي تحياتي

Quote: العزيز جدا .. زهير اذا تغاضينا عن استراتيجية حرب النجوم الموضوعة بواسطة الكولونيل / منصور شواريسكوف والتى تستجوب تصويب صواريخ بعيدة المدى من مرامى صواريخ متنوعة تتوزع يمنة ويسرة وتتحدد اتجاهات اطلاقها بواسطة اجهزة التحكم عن بعد . فاننى اجد انه لزاما على ان ازور نافذتك واطل منها تعبيرا وتقديرا لجهودكم المدهشه وانتم تضعون اللبنات الاولى لبيتنا الصغير بوطننا الكبير . حقيقة ما طالعناه عبركم خلال الايام الماضيات جعلنا نشعر بالفخر والزهو وفجـر فى دواخلنا مخزونا كبيرا من ذكريات الايام الحلوة والزمن الجميل وافاح علينا فى منافينا بشذى الوطن الكبير ( السودان ) والوطن الصغير ( زقازيق الخير ) . وعلى قول منصور فانه لا مجال لاحباطاتكم بسبب غيابات منطقية فى مرحلة بدء البناء بديهى انها ستتلاشى بعد ردم الأساس وعند بدء وضع الطوب لقيام حيطان الحوش الخارجى . وبالتأكيد فان الامل يبدو اخضرا عندما نرى اقداح المونة واكياس الرمل تحملها سواعد زهير ومعاوية يحى وعبده مضوى وعابدين ونهلة نجم الدين وفدوى ومبارك جادين ومحمد صديق وبقية كتيبة الابداع المرابطة فى احضان النيلين تبذر وتزرع وترعى زرعنا الباهى وترويه بعرق الامل والحب ، ويقينا فان السواعد سوف تزداد وتشتد قوة ومنعة مع نمو السنابل الذهبية فى حقلنا الجميل وحتما فان عيد الحصاد سوف يكون باذن الله عرسا كبيرا كلنا فيه عرسانا وعرائس دون ان يكون بيننا ام للعروس ( فاضية ومشغولة ) ! . صدقنى فان نظرات الألق التى لمعت فى اعين الحاضرين للندوات والتى تفضلت مشكورا بتوثيقها لنا بالصورة ترجمت لنا – ونحن على البعد - تلك الحماسة والهمة والالتزام التى يقوم بها الفريق العامل معكم وهو ينحت الصخر كى يشكل لنا هذا البناء الرائع والشامخ .. فسيروا وعين الله ترعاكم . وان كان لى ان أدلو بدلوى فاننى اطرح بعض الملاحظات ارى انها ربما تسهم فى دفع مسيرتكم الفتية واسمحوا لى ان الخصها فى نقاط موجزة : 1- تكوين لجان فرعية تمهيدية بالمنافى التى توجد بها تجمعات زقازيقية مثال : جدة والمنطقة الغربية - الرياض والقصيم والمنطقة الشرقية - دبى والشارقة وعجمان – ابوظبى والعين وبقية الامارات - ليبيا والمغرب العربى – اليمن وضياع الزمن - بريطانيا وغرب اوربا – كندا و امريكا وبقية حارات اوباما - استراليا وصلاح جلال واخلاص مهدى . 2- عمل احصائيات لحصر العضوية فى كل منطقة وتجميع بياناتها وبدء الاتصالات بها للتعريف . 3- انشاء موقع مركزى موحد على الانترنت على شاكلة الـ face book لتسجيل العضوية ومناشدة من لم تصله الدعوة . 4- تقوم كل لجنة بتحديد اشتراكات للعضوية . 5- اما فى الداخل فاعتقد ان اهم تحرك لديكم هو الوصول الى ابناء الزقازيق المتنفذون الان فى اجهزة السلطة ومراكز القرار وفى المؤسسات الاقتصادية الكبرى للمساعدة فى انشاء و تمويل مشروعات تشغيلية فى مجالات مختلفة لتدر عائدات تسهم فى تسيير اعمال الجمعية . 6- استنفار قواعد البوست وعضوية الديار فى تقديم افكار واقتراحات لعمل مشروعات استثمارية صغيرة ذات طبيعة سريعة تدر دخلا ثابتا للجمعية وتغنى عن مشقة تجميع الاشتراكات او اللجوء للخيارات الاخرى . 7- وبالطبع هناك عامل مهم وهو خلق علاقات وثيقة مع اجهزة الاعلام المقروءة والمرئية وبالذات القنوات الفضائية لضمان تواجد قوى يسهم دون شك فى ضمان وصول الرسالة لأكبر قطاع من قاعدتنا التى تفرقت بها السبل . ايها الزقازيقيون .. ايها الرائعون .. احبكم ،،، محمد عيد ميرغنى زراعة / 87

Quote: يا رشيد مالك فاتح بوابة انتقاد متواصل انت زهير ومنصور ومركزين علي مسالة مظهر الكبر دى نحن على اى حال ما فارقه معانا كبااااار وحصلنا الستين وانتو زى ماقلت لزهير اولادنا الفي اواخر الاربعينات اولاد الخليج زى ما قالت نهله وعبده مضوى بقول ليك الصغره لبتين بعدين اللغة الكتبتا بيها ووريتك المشكله في كي بورد ناسف ما عندنا امكنيات العربي انجليزي ما مفهوم يعنى لدرجة انو ينشر للعامه فى سودانيز

Quote: أنقل لكم تحيات زملائي خريجي جامعة الزقازيق المقيمين بمسقط الصادق الرشيد عبدالرحمن تاج الدين الخليل بلال ياسر خضر

Quote: يا كوتش سلامات خشيت اليوست امس مساء لاتدرى كم اهاج شجونى حديث الذكريات ذلك {كسرة {كما يقول البونى واحد صاحب ما زقازيقى قابلته نهار احد الايام وكان ثعسآ وحزينآ سأ لته عن السبب فكان الفلس ومرض احد ابنائه مساء ارسل الى ابيات شعر تقيض عذوبة وتفاؤلآ اصابتنى الدهشة وقلت لنفسى ماذا هناك ؟ ارسلت اليه استغرابآ: واستغرب شنو الخلاك تضحك كوم شنو البدل مزاجك اربعة وعشرين منو الزرع الفرح جواك بدل احزان اكيد انك رجعت ورا واكيد انك طريت الشوق وناس الشوق وشوق الشوق ونار الشوق تحرق الجوف تطلع منو غنوة ريد تسيل الحان تهدهد لقليب هيمان اكيد انك رجعت ورا واكيد انك مبحلق فى عيون ناسآ من الزمن الحلو ونديان لمن كانت الضحكة بتكفى البيت وتطلع منو بالنفاج على الجيران وللسابع..تصل مبلولة زى زهرات من الوديان عليك الشوق شنو الفضل من الزمن الخلى ومليان؟ تحياتى للجميع يا من تتطببونا بلسعات الذكرى سأعود ان شاء الله ل محمد ادم جلا لى معه كثير حديث

Quote: يا عبدالدائم توضح لي ناس تجارة ديل فيهم كمية من الشعراء وأصحاب الإحساس المرهف ،، ومعظم فناني الزقازيق ،،، نفهم السبب

Quote: آي راجين ال password وأعمل حسابك يعني بدون ذكر أسماء مداخلات عادل عبد الرحمن + عثمان الجيلي شيخ شريف (معليش تاني مرة) شيخ محمد + الرشيد بابكر + ياسر نجيلة + الضهب ناس د. معاوية و محمد عيد يعني بالعربي كده ألبسو بدل إنجليزية زي كلام د. معاوية الإنجليزي و الذي بالتأكيد حير الجماعة و قال ال keyboard جاي من اليابان مخصوص ليهو كدا و حر السودان تخلي الواد يمشي في الشارع و يتكلم إنجليزي ده إنجليزي يا مرسي غايتو ناس الرشيد عندهم غتاتة طبعاً الكلام ده ما عندو أي علاقة بكلا م الأخ زهير بالمداخلات الخجولة طيب يمكن دايرين يعرسوها

Quote: حبيبنا ابو الرشد ... كيفك وكيف احوالك والعيال انشاء الله كلكم سالمين وتامين يارب .... مبروك عليك معاوية بالعربي والله فرحت لما شفتو بعرف عربي غايتو زمان كنت عازره لأنو كان في بلد الخواجات وهناك التكنولوجيا كلها غير ناطقة بالعربي لكن لما رجع السودان كان مفروض يجيب ليهو كيبورد سوداني انشاء الله من سوق الشمس شنو حكايتكم مع العمر خلوها مستورة يا شباب خلونا ننط الأربعينات بسلام ونستمتع بالفترة دي ... بيني وبينك السنين عملت عملتها مع أخونا معاوية صلعة وشيب وعمى أجارك الله ولو ما كنت متأكد أنو الراجل برلومنا كنت قلت عليه من دفعة عوض خير الله لكن وبكل طيب خاطر تقبلت الموضوع وأرجعته للوراثة ... أما أخونا محمد عيد فبيني وبينك أنا مشتاق اشوفو وأشوف ( جر الحبل ) فيهو .... تحياتي لكم جميعا أحبتي"

Quote: الأخ زهير كلم الأخت نعمات الجبل و قول ليها ألف أهلاً أنت ذاكرتك تعبانة أولاً من اليمين إخلاص محمد أحمد المهدي إمام الأنصار ثم هارون الرشيد ثم المتز لدين الله الفاطمي محمد عبد الرحيم البرعي المشهور بجعفر المنصور ثم عمر المختار (ده تاريخ أجدادنا القدماء) و أختنا لها الرحمة و الجلوس الرشيد بدوي عبيد و على يساره الأب فلب قستنطين و الله تحاولي تذكري أكثر من كده شبكتك تتطش

Quote: الأخ زهير إذا كان محمد صديق عندو معاي حديث طويل ينقى وا حد من إثنين يا حديث إيجابي أو سلبي إدا كان إيجابي ما مشكلة أما إذا كان سلبي فيبقى واحد من إثنين يا في السودان يا في الزقازيق إذا كان في السودان ما مشكلة أما إذا كان في الزقازيق فيبقى واحد من إثنين يا حديث في الكورة يا حديث في العلاقات الإجتماعية إذا كان في الكورة ما في مشكلة أما إذا كان في العلاقات الإجتماعية فيبقى واحد من إثنين ياكلام في ناس الزقازيق يا كلام في ناس كسلا كلام في ناس الزقازيق ما مشكلة أما كلام في ناس كسلا فهو شال نوارتنا و ده الفائدة بتاع الجيش

(عدل بواسطة adil rahman on 04-30-2009, 10:23 PM)

Quote: يا جلا ممكن اتعرف عليك !!!!!!!! سعودية اشترت جهاز كمبيوتر وطابعة لما مشت البيت اتصلت ببتاع المحل قالت ليهو عاوز اشغل الطابعة ايش اسوووى قال ليها خلى الجهاز يتعرف على الطابعة ... ختت الجهاز وقصادو الطابعة فى الطربيزة وجها" لوجه وانتظرت 3 ساعات ولما الطابعة ما اشتغلت اتصلت تانى ببتاع المحل قالت ليهو : والله الجهاز مــو راضى يتعرف عليها .... لوووووول

Quote: مبروك لناس الزقازيق الصغار النجاح الأعزاء نوال البلول وعثمان الجيلي (محمد عثمان) نادر فاروق رجاء الطيب (أحمد نادر) زينب التجاني (محمد عمر) عطيات بكري إبنها تبيدي إبنه حامد

Quote: يا جماعة ما تورطونا وده رقم منو سألتكم بالله 00966504609597