نسأل الله تعالى أن يتغمد برحمته و مغفرته والدة زميلنا د. / عمر محمد البشير و أن يدخلها قسيح جناته و يلهم أسرتها و ذويها الصبر الجميل .. و لزميلنا د. عمر أحر التعازي في هذا الفقد الجلل و المصاب العظيم و نسأل الله أن يحفظهم جميعاً من كل سوء ..
08-30-2007, 11:06 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
فتني أن أرحب بإنضمام زملائنا الأعزاء ( عبد السميع .. د. صفية ) لكوكبة الزقازيقاب من أعضاء هذا المنبر .. فأهلاً حللتم و سهلاً نزلتم .. و أمنياتنا أن يزدان ههذا البوست دوماً بوجودكم و مشاركاتكم ..
....
يا زهير و اللجنة ..
نحن في إنتظار أخباركم و جديد إنجازاتكم ..
08-30-2007, 12:12 PM
salah elamin salah elamin
تاريخ التسجيل: 04-07-2005
مجموع المشاركات: 1423
أحر التعازي لدكتور عمر والأسرة في هذا لفقد الكبير .. نسأل الله لها الرحمة وأن يجعلها في معية المصطفين الأخيار وأن يلهم أبنائها وأحبابها الصبر الجميل ...
لم يكون لى الشرف الدراسه هنالك ولكن احب مصر لدرجه(استغفر الله العظيم) اذهب الى الزقازيق لمصنع او بصوره اصح مسبك اصنع جلاب الظهر ولكن حينها اكون فى فى اجمل احساس المدينه جميله جدا سكنها لطفين الرجل الذى اتعامل معه لطيف لدرجه
ودى
08-31-2007, 07:29 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
تفضل بالاطلاع والمراسلة اذا كنت تعرف هذا الاخ الكريم ............... الاستاذ حيدر تحية طيبة
أولا اود ان الاعتذار لارسالى هذه الرسالة وازعاج سيادتكم. انا من محبى سودانيزاون لاين بل قل من المدمنين لهذا الموقع ولكنى لست عضوا به وكم اعجبنى هذا الارتباط العائلى بين افراده مما شجعنى لكتابة هذه الرسالة. وانا اتصفح الموقع اليوم مررت على بوست كاتبه د. الصادق عبد الله (خريجى مدرسة حلويات سعد بالصحافة) وكم كنت ابحث عن هذا الرائع الصادق منذ فترة طويلة ولكن لم اجد فى بروفايله اى عنوان الكترونى حتى اتصل به وعلمت ايضا انك من خريجى الزقازيق يمكن ان تكون لك معرفة به سوف اكون شاكراً لو سمحت لك ظروفك بارسال رسالة له اذا كان هو الصادق عبدالله وكان يسكن اركويت بان ترسل له عنوانى الالكترونى بالمسانجر الداخلى واكون شاكراً جدا لك فقد مرت العشر سنوات لم اعرف اخباره فيها. لك كل الشكر واتاسف كثيرا لهذا الازعاج ولكن لقد عودتمونا يا اعضاء سودانيزاونلاين بجمع الاصدقاء والاقرباء فلكم جميعا الشكر.
رسالة اخرى ( رسالة تأكيد) من زميلتنا الرائعة دوما" نجاة حوفى ، مقرونة ( برسالة اعتراف ) علنى وصريح من ياسمين حاج الطاهر :
Quote: قول لناس الزقازيق انه ياسمين نفسها م متاكدة انها دى صورتها انا اتكلمت معاها الصورة
الجماعة الفيها نحن م لاقيناهم انا وياسمين وزينب التجانى دفعة واحدة وم فى زول فى الصورة بنعرفه غير الزقاازيقية الرائعة الراقية الكندية منى عباس وهى الان منورانا فى ابوظبى وتبلغكم تحياتها الحارة جدا
الظاهر كلكم عايزين نظارات كبر
تحياتى لكل الزقازيقيين
الرأى متروك ليكم ويبدو نحن سايرين فى الاتجاه الصحيح وفرضية الزهايمر تتلاشى شيئا" فشيئا" ، يمكن محتاجين شوية انعاش
بس كلام صلاح الامين صراحة بخوف
Quote: ده جمال فارح
الله يستر
09-01-2007, 07:39 AM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
عصام دهب الجاتك فى مالك سامحتك ومش معقول تتبرلم بعد السنين دى كلها واحكى للجماعة حكاية الصور مشت وين ؟ وكان اخير ليك مشيت لعم جودة
حاتم وصلاح الامين ، الصور الرائعة ذكرتنى بالاغنية دى وانا اسأل هل نحن اوانــا فــات
فـات الأوان كلمات : محمد يوسف موسي غناء : صلاح ابن البادية
فات الأوان والانكتب علي جبيننا الليله بان أصبحنا أغراب نحن القراب لا رعشه لا لمسة حنان
فات الأوان وما قادر أصدق انو نحن أواننا فات كيفن سنين الحب تفوت يا داب ظلال أفراحها جات وكيف نفترق نقطع صلاتنا يوم ما بدت بينا الصلات فات الأوان شيع غرامنا الاتولد ساعتو اللي مات فات الأوان هات الدموع عبر صدي الماضي اللي كان وفات الأوان والانكتب علي جبيننا الليله بان
أنا عشت من قبلك غريب ما عرفت تقدير الزمن أحبابي من قبلك دموع وأصحابي من قبلك شجن كان عمر حفلات من ضياع ما ليهو قيمه ولا تمن ويوم ما عرفتك كان سنين العمر ولن وانتهن فضلت أتحسر وأقول ليه ما عرفتك من زمان
الله ..الله ..الله .. لحبي الاندثر يوم ما ظهر ما ضاق شباب الله ..الله ..الله .. لقلبي الاحترق يوم انفتح للجنة باب الله ..الله ..الله .. لشمعاتي الطفن يوم الظلام بالفرحة داب الله ..الله ..الله .. لعمري الانتهي يوم ابتديت أحسب حساب وقول الوداع فات الأوان يا ريتو فات قبل الأوان
09-04-2007, 10:01 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: عصام دهب الجاتك فى مالك سامحتك ومش معقول تتبرلم بعد السنين دى كلها واحكى للجماعة حكاية الصور مشت وين ؟ وكان اخير ليك مشيت لعم جودة
و الله يا عبد الدائم من المغسة ما قادر أكتب .. و صدقني لم أتحسر على ما نهب مني غيلة .. بقدر ما تحسرت و تأثرت على ما ضاع من صور لم أكن أحلم بها .. حرصت على الذهاب للزقازيق حرصاً .. و أصطحبت معي كاميرا بذاكرة إحتياطية ( 2 ) غيغا .. وصورت كل ما يخطر على بالكم و حتى ما لا يخطر على بالكم .. من تمثال أحمد عرابي المتصورين جمبو د. صلاح و د. حاتم .. مروراً بمحطة مصر و شارع البوستة و مولد النبي و شارع الجلاء و كشري محمود .. و حتى كشك الأمن الغذائي في شارع الشهيد و الفرن البلدي في شارع المصالح و يتاعت الخضار الفي الكورنر .. و مصطبة الجاويش و دار الإتحاد الذي تحول جزء منه إلى كافتيريا إسمها ( هذا المساء ) و جميع كليات الجامعة و ممراتهاوشوارع الزقازيق و حواريها و أزقتها و حتى سويقة الخضار و كفر الفوالين .. بإختصار أي حاجة في الزقازيق صورتها صوراً فوتغرافية و تصوير فيديو .. أمضيت أربعة أيام كاملة و أنا متفرغ لتصوير الزقازيق بما فيها و من فيها .. و كنت ممنياً نفسي بأن أقدم لكم ما يسعدكم حقاً .. لكني دقست دقسة السنين .. حيث كنت أحتفظ بالكاميرا في الشنطة الخاصة بحفظ كاميرة و أشرطة الفيديو .. و كنت أحملها معي أينما ذهبت .. و في ذاك اليوم المشئوم أستقلينا تاكسياً من وسط البلد شارع 26 يوليو لكورنيش المعادي حيث أقيم .. كان الساعة تقترب من الثانية صباحاً .. و لأني كنت أجلس جوار السائق أصرت ( يارا ) أن تجلس معي حتى نامت في حجري .. و كنت قبلها قد خلعت الشنطة من كتفي و وضعتها في المساحة ما بيني و السائق .. و حين وصلنا أمام السكن الذي كنا ، نقيم فيه نزلت و أنا أحمل يارا لتسليمها لوالدتها ـ التي سبقتني هي و رحيمة و تالة في النزول ـ و من ثم العودة لأخذ الشنطة و دفع الحساب للسائق .. و ما أن نزلت حتى فوجئت بالسائق و قبل أن يستلم حسابه و هو يهرب بصورة مفاجئة و بسرعة إنطلاق جنونية و مذهلة شلت تفكيري و أنستني حتى إلتقاط رقم التاكسي الذي أنحرف في أول مدخل يمين و غاب في شوارع المعادي الكثيرة المتفرعة .. و على الرغم من أنني أستقليت سيارة إسعاف توقفت لي بالصدفة في ذاك الوقت المتأخر و ذهبنا في أثره إلا أنه كان ( فص ملح و داب ) و عدنا من المطاردة اليائسة بوريقة مكتوب عليها رقم المحضر ( 5470/ 2007 ) قسم شرطة المعادي بتاريخ 15 / 8 / 2007م . عدت فوجدت يارا و تالة و أمهما و رحيمة ـ الدادة ـ و كلهم وجوماً و حسرة .. لم نكترث إطلاقاً لقيمة ما فقدناه مادياً .. بل تأثرناحقيقة و لا زلنا على الميموري كارد و أشرطة الفيديو التي وثقنا بها للزقازيق و لتفاصيل إجازتنا في مصر .. و حتى اللحظة أنا على إستعداد للتنازل طوعاً عن جميع ما فقدته فقط آمل إستعادة الميموري كارد و الأشرطة و التي تعني لنا الكثير .. الكثير .. هذا ما حدث و أحزننا فعلاً .. و جعلني غير قادر حتى على الكتابة .. لكن بإذن الله تعالى خيرها في غيرها .. و نسال الله أن تكون الجايات أكتر .. فلكم العتبى يا من وعدتهم .. و البركة في صور د. صلاح و د. حاتم .. و تحياتي ..
تحياتى لمن عبروا د. حاتم جبارة ود.صلاح الامين د. احمد امين
عبدالدائم (بالمناسبة الصورة دى اعنى البروفايل غيرها لأنك هنا كتكوت -صورك فى جدة حلوة وابهة
العزيز سمؤال ابوسن واين انت يا سامى عبدالوهاب صاحب الاطلالة الحلوة
وتحياتى لبقية الكوكبة المداومة على التواصل ( حيدر - د.صفية - الزناتى - د.طارق جبريل وكذا ناصر جبريل والرائع دوماً عصام دهـب . واعتقد يا ابوسن ان عبدالدائم يقصد السبق الصحفى الذى فاز به حاتم جبارة عن صور الزقازيق
لأن عصام دهب كان يعلن دوماً عن ترقب الصور للزقازيق ولكن عله لاسباب فنية واخرى عملية واجتماعية تأخر عن ادراج الصور فكان حاتم جبارة الذى احسن استخدام التسيهلات التكنولوجية الموجودة فى اليو اس اا فلكما التحية
والحب ايضاً لكل الكوكبة ..
09-04-2007, 10:17 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
يا ريت .. يا ريت .. يا سمؤل لو اتنشلت و ما حصل اللي حصل ..
ياخي أنا أتعوقت عويقة حارررة خلاس ...
و بتاع التاكسي دا بس خليتو لي الله !!
Quote: عصام دهب كان يعلن دوماً عن ترقب الصور للزقازيق ولكن عله لاسباب فنية واخرى عملية واجتماعية تأخر عن ادراج الصور فكان حاتم جبارة الذى احسن استخدام التسيهلات التكنولوجية الموجودة فى اليو اس اا فلكما التحية
حينما كنت أعلن يا عبد السميع عن ترقب الصور لم يكن قد حدث ما حدث و كنت أريد شحتفتكم و حندكتكم ـ يا قول سمؤل ـ ثم عرض الصور .. و حينما حدث ما حدث أشرت لذلك بقولي ـ إن تذكروا ـ ( و أنتظروا مني صوراً لن تروها ) كنت أكتب و لا أدري كيف أحكي لكم ما حل بي من مصاب جلل .. الحمد لله على كل حال .. و إن شاء الله الصور اللي ضاعت نشوفها في زياراتكم ..
09-04-2007, 10:35 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
أما البرلمة التي حدث عنها عبد الدائم فتلك قصة أخرى .. في أول يوم قررت الذهاب للزقازيق ـ في رحلتي الأخيرة ـ كنت وحدي تحركت بتاكسي من المعادي و نزلت في محطة رمسيس للعبور إلى محطة أحمد حلمي ـ لأني لا أعرف لها طريقاً إلا عبر رمسيس ـ في الحديث مع سائق التاكسي علمت أن محطة البيجو تم نقلها من أحمد حلمي إلى محطة إسمها ( عبود ) على إتجاه شبرا .. أنزلني بتاع التاكسي في رمسيس و نصحني بأن أستقل مترو الأنفاق في إتجاه شبرا و أنزل عند محطة كلية الزراعة أو شبرا المظلات و من هناك إلى موقف عبود .. بعد نزولي في محطة الزراعة أستقليت تاكسياً آخرا لمحطة عبود .. وجدت بها موقف عربات البيجو و الميكروباص لجميع المحافظات .. لاحظت لوحة مكتوب عليها ( الزقازيق ) و جميع العربات الموجودة ( أجرة شرقية ) .. أقرب عربية كانت تنقص راكبين في المقعد الأمامي ركبت و طلبت من السائق التحرك على أن أدفع قيمة المقعد الخالي إلى جواري تحركت العربية حتى نهاية شبرا و بداية القليوبية ثم أنحرفت يميناً حتى الطريق الصحراوي ـ الذي أصبح هو الآخر زراعياً ـ تذكرت جميع الأماكن التي كنا نمر بها عبر هذا الطريق حتى وصلنا لمدينة بلبيس و بعد ذلك رأيت قرى و نجوعاً و أسماء لم أذكر أنني شاهدتها من قبل فقلت ربما هي فترة غيابي التي طالت حتى ظهرت هذه القرى و النجوع .. لكن حينما طالت الرحلة و المسافة سألت السائق ( الزقازيق بقت بعيدة كدة ليه ) .. رد على السائق بنبرة خشنة ( زازيء أيه ياعم دا أحنا من الصبح عمالين نعيط أبو حماد .. أبو حماد .. إنت لا ماخذة ما بتسمعش ؟؟ ) حينها أسقط في حناني ـ دي حلوة ـ و لم يكن من حل أمامي سوى أن أدفع للسائق أجرته حيث تكرم مشكوراً بالتوقف لي حتى مر بنا ميكروباص متجهاً إلى بلبيس حيث أستقليته و من بلبيس ركبت ميكروباص آخر للزقازيق .. فيا لي من برلوم عامل تفتيحة و بيركب من غير يسأل .. آل أبو حماد آل ..
ياااا عصام كفارة يا اخى والله فداك والبركة فى العافية والصحة والجات فى المال والصور سامحتك لكن والله قصتك احزنتنا جداً خاصة وان مثل تلك الحوادث بتمسخ السفر والاجازات . بس رقم التاكسى اخ اخ .... على العموم القصة فيها عبرة ودرس لنا جميعا
09-04-2007, 11:36 AM
Samau'al Abusin Samau'al Abusin
تاريخ التسجيل: 04-08-2003
مجموع المشاركات: 527
Quote: و حينما حدث ما حدث أشرت لذلك بقولي ـ إن تذكروا ـ ( و أنتظروا مني صوراً لن تروها ) كنت أكتب و لا أدري كيف أحكي لكم ما حل بي من مصاب جلل
عصام العزيز
يا أخي فدايتك، و فدايـة تالا و يارا و أمهم و رحيمة كمان(لم تخبرني عنها من قبل)(وجه مستنكر). و الجاتك في مالك سامحتك رغم فداحة الإحساس بضياع المجهود، و متعة مشاركتناإياك الصيد الثمين من الصور الثابتة و المتحركة.لا عليك يا عزيزي فهو المقدر. عاودتني الآن حكاية الذاكرة الـ(صورية) المسروقة فقد عشتهاأيضا إذ تلاحظ أنني لم أشارك بأي من الصور القديمةعن الزقازيق رغم أني كنت أقتني العشرات منها، و السبب هو أنني منيت بسرقة نهارية في السوق الشعبي الخرطوم و كان ضمن ما سرق ألبومي الذي حوى ذاكرتي الزقازيقية كلها، و تركني للأسى. ولك أن تعلم أن السارق قد قام بفعل جعلني أفكر بصورة أكثر تعاطفا معه، إذ جمع كل أوراقي التي رأى أنها لا تفيده ، مثل الجواز، و تذاكر الطيران، الكرت الأصفر، و كل الأوراق الخاصة بالسفر في مظروف أبيض و تركه في أحدى حافلات المواصلات و سلمه صاحبها بعد ذاك للإذاعة. فقط تساءلت، لمً لم يترك لي الألبوم ضمن تلك الأوراق؟! وليته فعل. لا عليك يا صديقي، و إن كنا نعول على عدسات كاميرتك في رؤية الزقازيق، فنحن الآن أكثر تعويلا على قلمك الذي لا شك عندي أنه بليغ، و صورته ناجزة لتنقل لنا بعض مشاهداتك، هناك. عما حلَ بمسطبة الجاويش و عن مصرية بلازا و عن الزقازيق التي بدت تتخذ بعض الملامح القاهرية، و بين هذا و ذاك عن ملامح الزقازيق و صورتها التي في الخاطر أحكي، فنحن في إنتظار ألبومك الحكائي.. و دمت
Quote: يا أخي فدايتك، و فدايـة تالا و يارا و أمهم و رحيمة كمان(لم تخبرني عنها من قبل)(وجه مستنكر) .
بارك الله فيك و في صورك الجديدة الشفناها أول يا سمؤل .. بعدين ياخي اللي ما أخبرتك عنها من قبل بس عشان ما جات مناسبة أخبرك عنها و هي بإختصار أختنا الأندونيسية ( رحيمة ) ( وجه ما مستنكر )
Quote: و الجاتك في مالك سامحتك
أريتها يا سمؤل كان جاتني في مالي .. عشان كان الحرامي ذاتو ندم.. دي جاتني في حناني عدييل كدا .. الكاميرات إن شاء الله تطير لكن أحي أنا من الصور و التصاوير
Quote: لا عليك يا عزيزي فهو المقدر
و دا لا بد يكون .. الحمد لله و سميناها رضينا ..
Quote: و إن كنا نعول على عدسات كاميرتك في رؤية الزقازيق، فنحن الآن أكثر تعويلا على قلمك الذي لا شك عندي أنه بليغ، صورته ناجزة
( وجه في راس كبير جداً زي عايز يقول ما تخلي يا عم )
Quote: لتنقل لنا بعض مشاهداتك، هناك. و عما حلَ بمسطبة الجاويش و عن مصرية بلازا و عن الزقازيق التي بدت تتخذ بعض الملامح القاهرية، و بين هذا و ذاك عن ملامح الزقازيق و صورتها التي في الخاطر أحكي، فنحن في إنتظار ألبومك الحكائي..
المشكلة كل ما أجيئ أحكي أتذكر الصور أقوم أبكي .. لكن برضو حأحكي .. بس صبرك .. يلا شدوا أوتار الصور .. قصدي أوتار القلوب .. تحياتي و دمت ..
09-04-2007, 01:23 PM
Safia Mohamed Safia Mohamed
تاريخ التسجيل: 07-21-2007
مجموع المشاركات: 2365
عموم ناس الزقازيق سلام ناس لكوز وناس المساكن وناس الكفر ناس بيطرة سلام خاص ناس زراعة سلام خاص نص نص ناس طب ازيكم (ديل ما بنقدر ما نخصصهم) هيه اقومو ناس علوم وتربية وتجارة وهم كثر يخربوا علينا ازيكم كلكم بلا تخصيص.
كفارة اخ عصام ربنا يعوضك وحزننا كثيرا على الصور التي كنا نمني نفسنا بها والفقد واحد يا خوي ربنا يعوضنا كلنا بواحد مسافر قريب ويصور كل الصور اللي انت اشرت ليها سلام مربع على وزن طبلة ونص صفية
09-04-2007, 02:27 PM
سامي عبد الوهاب إدريس سامي عبد الوهاب إدريس
تاريخ التسجيل: 11-15-2005
مجموع المشاركات: 1509
رسالة موجهة لناس الزقازيق البكتبو هنا في سودانيزأون لاين: والله يا جماعة نحن كلنا مقصرين في حق زقازيقاب دوت كوم ويريت لو نديهو شوية مساحة من وقتنا خصوصا إنو فينا ناس قدام هنا وعندهم خبرة كويسة في الكتابة وكمان أصحاب مواهب في الكتابة.. ويا شباب الموقع عايز مننا (دفرة) بالكتابة وعايز كمان دعم مادي عشان يصل للمستوى الجاذب لكل ناس الزقازيق والكتابة.. الكتابة.. يا: سامي عبد الوهاب عصام دهب عبد الدائم النضيف عبد السميع حيدر حنين طارق جبيرل ناصر جبريل حاتم جبارة د. سيف النصر السموأل د. الصادق صفية صلاح الأمين ياسر نجيلة زهير الزناتي السهيلي عادل عبد الرحمن وكل الجدعان بدون فرز
09-07-2007, 05:00 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الصور تزيد من الحسرة علي أيام لن تعود ولا تشفي الغليل ، النفس طماعة كنا نريد المزيد والمزيد شكرأ حاتم وصلاح علي هذا الجمال عصام دهب والله كفارة وألف كفارة ودي دعوات ناس الزقازيق الذين شحتفتهم وعارف أنه في ناس كتيرين منهم واصلين وفيهم شي كتير . واكيد انا واحد منهم لكم ودي زهير الزناتي وأولاده
يا شباب رمضان كريم وين يا المغتربين ناس الجمعية ديل منتظرين تبرعاتكم لصيانة الدار فتحوا حساب في البنك الزراعي - فرع السوق العربي سنوافيكم برقمه نرجو المساهمة من كل الناس عينية كانت أو مادية
يا جماعة رمضان كريم قبل الأرشفة حاولوا أتكلموا مع بكري وقدموا ليه مناشدة جماعية حتي يظل هذا البوست مفخرة للجميع تحياتي للجميع ، خاصة للعزيز عبد الحميد البرنس ، شايفه يا جماعة ليهو فترة مختفي إنشاء الله المانع يكون خير ... نتمني أن يطمأننا عليه زهير الزناتي
يا ناس الزقازيق رمضان كريم مرة أخري والله اليومين ديل حيرتونا خالص ، إنشاء الله لابدين في راي بحمد الله أكتمل فتح الحساب للجمعية اسم الحساب : الجمعية السودانية لخريجي الزقازيق حساب رقم 3156 - البنك الزراعي السوداني - الفرع الرئيسي - الخرطوم وبه توقيعين من ثلاث توقيعات : بمعني أن يوقع أي إثنين من الثلاث المعتمدين في البنك وهم صلاح عبد المجيد نصر - الرئيس عبد السميع دفع الله - الأمين المالي نهلة نجم الدين - نائب الأمين المالي . علي جميع الأخوة داخل وخارج السودان التبرع وتسديد إشتراكاتهم علي هذا الحساب ،والأشتراك 10 جنيه سوداني أي ما يعادل 5 دولارات في الشهر ويمكن دفع الإشتراك مقدماً لاي عدد من الشهور ، ويمكن أيضاً التبرع بأي مبلغ مهما كان ضئيل ، فالجمعية في أمس الحاجة لكل المساهمات أياً كان مقدارها ، لأن الجميعة لديها الكثير من المهام والمسئوليات والإلتزمات وهي حلماً حلمنا به كثيراً ولا نريده أن يضيع منا كعادة كل أحلامنا الجميلة .... ويمكن للجميع أن يتبرعوا بكل شئ يمكن أن يسهم في عمل الجمعية ، وخاصة الأجهزة الإلكترونية ، حتي ولو كانت مستعملة وأدناه بعض الأشياء التي يمكن أن نحتاجها في عمل الجميعة وفي الدار .. 1) تلفزيونات . 2) كمبيوترات . 3) كاميرات ديجتال وفيديو 4) أجهزة عرض (بروجكترات) . 5) شاشات عرض بلازما . 6) أجهزو فيديو ودي في دي DVD 7)أنظمة صوت (sound sysytem) . ** أي أجهزة أخري ترون أنها مفيدة لعمل الجمعية . ** أي شخص يجد صعوبة في تحويل مسامهمته علي الحساب أعلاه ، يمكن له أن يرسلها لأي من أعضاء المكتب المالي . ** كل المبالغ المستلة سيتم إرسال إيصال استلام بها للجهة التي يحددها العضو . ** لا تنسوا أن تسهمو في أعمال الجمعية مهما كانت ضآلة هذه المساهمة ، فايد علي أيد تجدع بعيد .. ** عضوية الرابطة لا تقل5000 عضو والحد الأدني للمساهمة 5 دولارات ، أذا ساهم كل عضو به ، يكون لدينا 25.000 دولار في الشهر ، ما يعادل 50.000.000 جنيه سوداني قديم ، وإذا دفع 1.000 عضو فقط مساهمتهم فهذه 5.000 دولار أي عشرة مليون ، وهو رقم مهول ، مساهمتك تعني حياة أطول للجمعية ، خدمة لكل الأعضاء .. مع تحياني للجميع زهير الزناتي
Quote: بحمد الله أكتمل فتح الحساب للجمعية اسم الحساب : الجمعية السودانية لخريجي الزقازيق حساب رقم 3156 - البنك الزراعي السوداني - الفرع الرئيسي - الخرطوم وبه توقيعين من ثلاث توقيعات : بمعني أن يوقع أي إثنين من الثلاث المعتمدين في البنك وهم صلاح عبد المجيد نصر - الرئيس عبد السميع دفع الله - الأمين المالي نهلة نجم الدين - نائب الأمين المالي .
رمضان كريم للجميع
الظاهر يازهير رمضان يمثل فترة بيات للشباب الحساب وصل وتشكروا - الباقي على الشباب "يلا اعملوا همه" بس يا زهير "البنك الزراعي السوداني" ده زي البنوك التجارية الاخري ؟؟؟
شكراً ياسر علي الطلة الناس دي انا شايفها عاملة نايمة ليها فترة ناس الداخل اتحملوا من التكاليف الكثير اتمني إنو ناس الخارج كمان يتحملوا جزء ونحن ما عايزين حاجة كثيرة من الناس اي انسان بس قدر البيقدر عليها يرسلها انشاء الله اشتراك شهر واحد نتمني من الناس المساهمة لأنه العمل بالطريقة دي حايقيف عديل والرجعة صعبة مع مودتي للجميع
شكراً ياسر علي الطلة الناس دي انا شايفها عاملة نايمة ليها فترة ناس الداخل اتحملوا من التكاليف الكثير اتمني إنو ناس الخارج كمان يتحملوا جزء ونحن ما عايزين حاجة كثيرة من الناس اي انسان بس قدر البيقدر عليها يرسلها انشاء الله اشتراك شهر واحد نتمني من الناس المساهمة لأنه العمل بالطريقة دي حايقيف عديل والرجعة صعبة مع مودتي للجميع
09-17-2007, 07:51 PM
Mekki M Alhassan Mekki M Alhassan
تاريخ التسجيل: 05-30-2007
مجموع المشاركات: 814
Quote: الناس دي انا شايفها عاملة نايمة ليها فترة ناس الداخل اتحملوا من التكاليف الكثير اتمني إنو ناس الخارج كمان يتحملوا جزء
Quote: الرجعة صعبة
ده المستحيل
الاخ مكى اسيوط رمضان كريم واهلا" بيك فى الزقازيق مرة تانية ومرحب بناس بري ورغم انى لا اذكر الحادثة جيدا" لكين اكيد برلوم الزقازيق ســنير عند الصعايدة مازلت على اتصال بالاخ حسن برى وهو بخير وموجود ببري المحس ويعمل باحدى مدارس الرياض الثانوية للبنات ( طبيعة وكيمياء ) ابقى خلينا نشوفك رغم طول المشوار وركوب القشاش
يا جماعة وين د/ صفية مساعد رمضان كريم
09-18-2007, 10:41 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: يا ناس الزقازيق رمضان كريم مرة أخري والله اليومين ديل حيرتونا خالص ، إنشاء الله لابدين في راي بحمد الله أكتمل فتح الحساب للجمعية اسم الحساب : الجمعية السودانية لخريجي الزقازيق حساب رقم 3156 - البنك الزراعي السوداني - الفرع الرئيسي - الخرطوم وبه توقيعين من ثلاث توقيعات : بمعني أن يوقع أي إثنين من الثلاث المعتمدين في البنك وهم صلاح عبد المجيد نصر - الرئيس عبد السميع دفع الله - الأمين المالي نهلة نجم الدين - نائب الأمين المالي . علي جميع الأخوة داخل وخارج السودان التبرع وتسديد إشتراكاتهم علي هذا الحساب ،والأشتراك 10 جنيه سوداني أي ما يعادل 5 دولارات في الشهر ويمكن دفع الإشتراك مقدماً لاي عدد من الشهور ، ويمكن أيضاً التبرع بأي مبلغ مهما كان ضئيل ، فالجمعية في أمس الحاجة لكل المساهمات أياً كان مقدارها ، لأن الجميعة لديها الكثير من المهام والمسئوليات والإلتزمات وهي حلماً حلمنا به كثيراً ولا نريده أن يضيع منا كعادة كل أحلامنا الجميلة .... ويمكن للجميع أن يتبرعوا بكل شئ يمكن أن يسهم في عمل الجمعية ، وخاصة الأجهزة الإلكترونية ، حتي ولو كانت مستعملة وأدناه بعض الأشياء التي يمكن أن نحتاجها في عمل الجميعة وفي الدار .. 1) تلفزيونات . 2) كمبيوترات . 3) كاميرات ديجتال وفيديو 4) أجهزة عرض (بروجكترات) . 5) شاشات عرض بلازما . 6) أجهزو فيديو ودي في دي DVD 7)أنظمة صوت (sound sysytem) . ** أي أجهزة أخري ترون أنها مفيدة لعمل الجمعية . ** أي شخص يجد صعوبة في تحويل مسامهمته علي الحساب أعلاه ، يمكن له أن يرسلها لأي من أعضاء المكتب المالي . ** كل المبالغ المستلة سيتم إرسال إيصال استلام بها للجهة التي يحددها العضو . ** لا تنسوا أن تسهمو في أعمال الجمعية مهما كانت ضآلة هذه المساهمة ، فايد علي أيد تجدع بعيد .. ** عضوية الرابطة لا تقل5000 عضو والحد الأدني للمساهمة 5 دولارات ، أذا ساهم كل عضو به ، يكون لدينا 25.000 دولار في الشهر ، ما يعادل 50.000.000 جنيه سوداني قديم ، وإذا دفع 1.000 عضو فقط مساهمتهم فهذه 5.000 دولار أي عشرة مليون ، وهو رقم مهول ، مساهمتك تعني حياة أطول للجمعية ، خدمة لكل الأعضاء .. مع تحياني للجميع زهير الزناتي
و حتى نكون عمليين يا زهير .. أنا بشوف الموضوع يكون تكليف عديييل كدا .. كل مجموعة ( ناس جدة مثلاً ) يتكلفو من اللجنة و هم يتكفلوا بإحضار عدد ( ) تلفزيون و ( ) كمبيوتر يعني اللجنة تحدد المطلوب من كل مجموعة .. أما بالصورة بتاعت المناشدات دي ما حنقدر نعمل أي حاجة عشان العمل بيكون تواكلي و كدا .. يلا يا جماعة نشد الحيل و يلا نساهم جميعاً ..
العزيز عصام دهب لا نستطيع أن نكلف أي شخص لأننا لا نعرف ظروف الناس .. ننتظر أن يبادر الناس من أنفسهم ،،، فمثلاً .... يقول أنا متبرع بتلفزيون و ..... يقول أنا متبرع بثلاجة و...... ب.... مثلاً ، حتي لا ندخل الناس في حرج ولا ولنا في أنتظار المبادرات .... يا جماعة برضو ما قلتو لي البرنس مختفي وين ... ويا حيدر برضو ما رسلت لي عنوان أو تلفون الجماعة ... عشان نشوف التاميل بتاعينك ديل ... ما تخاف ما حنجدهم ليك
09-19-2007, 09:48 AM
salah elamin salah elamin
تاريخ التسجيل: 04-07-2005
مجموع المشاركات: 1423
نشاطر زميلنا الدكتور عبدالملك الهدية الاحزان في رحيل والده الشيخ الجليل محمد هاشم الهدية شيخ جماعة انصار السنة . والدكتور عبدالملك الهدية خريج كلية الطب جامعة الزقازيق في منتصف الثمانينات وهو يعمل بالامم المتحدة .
09-19-2007, 12:28 PM
عصام دهب عصام دهب
تاريخ التسجيل: 06-18-2004
مجموع المشاركات: 10401
التعازي الصادقة نتقدم بها إلى زميلنا الزقازيقابي د. / عبدالملك الهدية و نحن نشاطره و أسرته و شعب السودان قاطبة الاحزان في رحيل علم من أعلام بلادنا الشيخ الجليل / محمد هاشم الهدية ( شيخ جماعة انصار السنة المحمدية ) و نسأل الله السميع المجيب أن يتقبل الفقيد العزيز بواسع رحمته و عظيم مغفرته و أن يدخله فسيح جناته مع الصديقين و الشهداء و أن يلهم أسرته و ذويه و تلامذته و محبيه الصبر و حسن العزاء( و بشر الصابرين ) .
09-29-2007, 10:37 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
زميلنا و صديقنا الزقازيقابي الرائع عبد الدائم النضيف رُزق و حرمه المصون بأمورة حلوة و نضيفة جداً.. حمداً لله على السلامة .. و كل التهاني و أطيب الأمنيات للنضيف و حرمه بأن يبارك لهما في ما رزقهما و نسأل الله تعالى أن يجعلها من الصالحات و أن يحفظهم لها و يجعلها ذخراً .. و أكيد الزقازيقاب جميعهم مدعوين للإحتفال بهذه المناسبة الطيبة عبر سماية كاربة ترقبوا إعلانها قريباً ..
09-20-2007, 11:28 AM
سامي عبد الوهاب إدريس سامي عبد الوهاب إدريس
تاريخ التسجيل: 11-15-2005
مجموع المشاركات: 1509
له الرحمة والمغفرة الشيخ الجليل محمد هاشم الهدية رغم الإختلاف في المواقع إلا إنني كنت معجب بهذا الشيخ جدا ، فقد تابعت كل الحلقات التي أجراها معه عمر الجزلي في برنامجه أسماء في حياتنا وقد كان يتحدث باللهجة السودانية المحببة علي عكس ما اعتاد رجال الدين ، ولم يكن متطرفاًُ في آراءه وأفكاره علي العكس تماما من النهج السلفي الذي تسير عليه جماعة أنصار السنة المحمدية وكنت مستغرباً ان يكون رجل مثل هذا التسامح علي رأس جماعة أنصار السنة المحمدية اللهم أرحمه بقدر ما قدم لوطنه ولأسرته ... وتعازينا موصولة لدكتور عبد الملك الهدية في وفاة والده ...
Quote: التعازي الصادقة نتقدم بها إلى زميلنا الزقازيقابي د. / عبدالملك الهدية و نحن نشاطره و أسرته و شعب السودان قاطبة الاحزان في رحيل علم من أعلام بلادنا الشيخ الجليل / محمد هاشم الهدية ( شيخ جماعة انصار السنة المحمدية
تعازينا الحارة ل دعبد الملك يا صلاح لو عارف لينا ليه ايميل ولا تلفون رسلوا لينا. يا عبد الدايم قاعدة لكن زعلانة قلتو صوتي نشاذ البركة في حاتم جبارة رفع من روحي المعدنية شوية تسلموا كان للعشرة الف بندفعها لكن التبرعات دي اعفونا منها. يلا باي
09-20-2007, 11:23 AM
سامي عبد الوهاب إدريس سامي عبد الوهاب إدريس
تاريخ التسجيل: 11-15-2005
مجموع المشاركات: 1509
شكرا" للباشمهندس بكرى ابوبكر ورمضان كريم وتصوم وتفطر على خير
د/ صفية مساعد ما تزعلى قصدى بالصوت ( شبه نشاز ) هو صوتك كان عالى اعلى من الباقيات يعنى ما قصدى شين بعدين ناس بيطرة اصلو ما بعرفو يغنو ولا كان عندكم فنان ذاتو البركة فى كاسات الكوسة
اها جيتك فى موضوع مهم ، بما انك عاصرتى جيلين ( معتقة ) اقصد ايام دار الزهراء والحميراء ثم دار اكتوبر والانتفاضة احكى واكتبى لينا عنها اوعى تقولى لي كنتى ساكنة فى المغتربات سكن الحنكوشات منتظرنك كل الشباب حكوا عن الشقق والفلس والانتشار الخ .. ولكن عاوزين نعرف ما كان يدور ما بداخل الدور
أولا: العزاء موصول للدكتور عبد الملك الهدية بوفاة والده الشيخ الجليل محمد هاشم الهدية نسأل أن يتغمدة بالرحمة وينزلة منزلة الشهداء والصديقين .... آمين
ثانيا : شكرنا بلا حدود للمهندس بكري أبوبكر على جعل تواصلنا ممتد عبر هذه النافذة ... وبتكرمه المستمر بتثبيت البوست على فترات الأرشفة المختلفة ....
ثالثا : بخصوص تحصيل اشتراكات الأعضاء الشهرية وكذلك التبرعات فأنا اختلف مع الزملاء بعدم ترك الأمر للأعضاء بارسال تبرعاتهم كل على حده ... وذلك لصعوبة الأمر خاصة للأعضاء بدول الإغتراب والمهجر ...
فمثلا (عن نفسي) منذ فتره وانا افكر ان ارسل اشتراك عضويتي عن سنه ( 5X12 = 60$) ولكن رسوم تحويل المبلغ من حساب الى حساب بنكي (الإمارات الى السودان) حوالى 25 دولار يعني نصف المبلغ – اما رسوم التحويل عن طريق الصرافات فيكلف حوالي 10 دولارات وهذا يتطلب وجود شخص من طرفي بالسودان لإستلام المبلغ واداعه حساب الرايطة وهذا ايضا مجهود قد لايتوفر لكل الأعضاء بالخارج وخاصة إذا اراد ان يرسل اشتراكه كل شهر فقط (5 دولارات فقط). مما يصيب أغلب الأعضاء بالتكاسل والإهمال (وهنا تكمن المشكلة الحقيقية)....
وعليه اقترح لحل هذه المشكلة أن يحدد مندوب لولايات السودان وكل دولة بدول الإغتراب والمهجر وذلك لسهولة الإتصال والتحويل بين أعضاء الدولة نفسها وعلى المندوب أن يقوم بالمهام التالية:
1- حصر أسماء وعناوين الأعضاء بتك الدولة وارسال كشف بها للرابطة لعمل الدليل الشامل لخرجي جامعة الزقازيق.
2- جمع اشتراكات وتبرعات الأعضاء شهريا وارسالها مرة واحده لحساب الرابطة مع كشف تفصيلي مبينا مبلغ كل فرد و طبيعة المبلغ هل هو اشتراك ام تبرع.
3- متابعة اللجنة التنفيذية للرابطة بالخرطوم حتي يتم استلام المبالغ واصدار سندات قبض لكل مشترك على حده مبينا قيمة وطبيعة المبلغ الذي تم دفعة ، وعليه تسلم تلك السندات للأعضاء بدولهم.
4- على المندوب خصم رسوم التحويل من اجمالي المبلغ المستلم من الأعضاء وارسال مستند رسمي من الجهة المحولة للمبلغ للجنة التنفيذية للرابطة بالخرطوم حيث يتم خصمة من المصاريف العامة للرابطة. (بند رسوم التحويلات من خارج مثلا).
5- اقترح تعيين المناديب حسب الدول والتقسيمات التالية :
- داخل السودان (الخرطوم وام درمان والخرطوم بحري ) لا تحتاج لمندوب - الولايات والأقاليم لكل ولاية مندوب او اكثر حسب كثافة الخريجين ومساحة الولاية (ده شغلكم من الداخل) - * أما بخصوص دول الإغتراب والمهجر اقترح التالي:
- دولة الإمارات العربية المتحدة - السعودية – اقترح عبد الدائم النضيف وعصام دهب لكل مناطق السعودية - دولة قطر - - دولة الكويت - سلطنة عمان – اقترح عادل عبد الرحمن - البحرين - اليمن - دول الشام (الاردن وسوريا ولبنان والعراق) ان وجد هناك - مصر - ليبيا - تونس والجزائر والمغرب – اقترح طارق جبريل - الولايات المتحده – اقترح حاتم جبارة - دول الشرق الأقصي (اليابان والصين والهند وبالكستان وماليزيا والفلبين ... الخ) اقترح حيدر حسن ميرغني - الدول الاوربية تقسم حسب الكثافة مثلا بريطانيا مركز- ألمانيا مركز - وهولندا مركز لهولندا اقترح عمر نملة وهكذا
ولحين البت في هذا الموضوع من قبلكم كأعضاء او رسميا عن طريق اللجنه التنفيذية للرابطة اناشد الأعضاء بدولة الإمارات العربية المتحده الإتصال بي على عنواني التالي
ولذلك لجميع الإشتراكات والتبرعات وارسالها للرابطة مع متابعة تسليم المبلغ وكذلك استلام ايصالات الإستلام من الرابطة وتسليمها لكم وكذلك لتحديد مندوب خاص بنا – وللإجتماع إذا أمكن ذلك وغيرها من المستجدات.
كل ما جاء أعلاه قابل للناقش والتعديل والنقض ....
ودمتم
ياسر نجيلة
09-24-2007, 08:48 AM
Samau'al Abusin Samau'al Abusin
تاريخ التسجيل: 04-08-2003
مجموع المشاركات: 527
Quote: - دولة الإمارات العربية المتحدة- ياسر نجيلة - السعودية – اقترح عبد الدائم النضيف وعصام دهب لكل مناطق السعودية - دولة قطر - - دولة الكويت - سلطنة عمان – اقترح عادل عبد الرحمن - البحرين - اليمن - دول الشام (الاردن وسوريا ولبنان والعراق) ان وجد هناك - مصر - ليبيا - تونس والجزائر والمغرب – اقترح طارق جبريل - الولايات المتحده – اقترح حاتم جبارة - دول الشرق الأقصي (اليابان والصين والهند وبالكستان وماليزيا والفلبين ... الخ) اقترح حيدر حسن ميرغني - الدول الاوربية تقسم حسب الكثافة مثلا بريطانيا مركز- ألمانيا مركز - وهولندا مركز لهولندا اقترح عمر نملة وهكذا
التعازي الصادقة نتقدم بها إلى زميلنا الزقازيقابي د. / عبدالملك الهدية و نحن نشاطره و أسرته و شعب السودان قاطبة الاحزان في رحيل علم من أعلام بلادنا الشيخ الجليل / محمد هاشم الهدية ( شيخ جماعة انصار السنة المحمدية ) و نسأل الله السميع المجيب أن يتقبل الفقيد العزيز بواسع رحمته و عظيم مغفرته و أن يدخله فسيح جناته مع الصديقين و الشهداء و أن يلهم أسرته و ذويه و تلامذته و محبيه الصبر و حسن العزاء( و بشر الصابرين ) .
09-24-2007, 10:55 AM
Tabaldina Tabaldina
تاريخ التسجيل: 02-12-2002
مجموع المشاركات: 11844
زميلنا و صديقنا الزقازيقابي الرائع عبد الدائم النضيف رُزق و حرمه المصون بأمورة حلوة و نضيفة جداً.. حمداً لله على السلامة .. عاطر التهاني و أطيب الأمنيات للنضيف و حرمه بأن يبارك لهما في مولودتهما و نسأل الله تعالى أن يجعلها من الصالحات و أن يحفظهم لها و يجعلها ذخراً ..
أكيد الزقازيقاب جميعهم مدعوين للإحتفال بهذه المناسبة الطيبة عبر سماية كاربة ترقبوا إعلانها قريباً ..
Quote: 1- حصر أسماء وعناوين الأعضاء بتك الدولة وارسال كشف بها للرابطة لعمل الدليل الشامل لخرجي جامعة الزقازيق.
2- جمع اشتراكات وتبرعات الأعضاء شهريا وارسالها مرة واحده لحساب الرابطة مع كشف تفصيلي مبينا مبلغ كل فرد و طبيعة المبلغ هل هو اشتراك ام تبرع.
3- متابعة اللجنة التنفيذية للرابطة بالخرطوم حتي يتم استلام المبالغ واصدار سندات قبض لكل مشترك على حده مبينا قيمة وطبيعة المبلغ الذي تم دفعة ، وعليه تسلم تلك السندات للأعضاء بدولهم.
4- على المندوب خصم رسوم التحويل من اجمالي المبلغ المستلم من الأعضاء وارسال مستند رسمي من الجهة المحولة للمبلغ للجنة التنفيذية للرابطة بالخرطوم حيث يتم خصمة من المصاريف العامة للرابطة. (بند رسوم التحويلات من خارج مثلا).
5- اقترح تعيين المناديب حسب الدول والتقسيمات التالية :
- داخل السودان (الخرطوم وام درمان والخرطوم بحري ) لا تحتاج لمندوب - الولايات والأقاليم لكل ولاية مندوب او اكثر حسب كثافة الخريجين ومساحة الولاية (ده شغلكم من الداخل) - * أما بخصوص دول الإغتراب والمهجر اقترح التالي:
- دولة الإمارات العربية المتحدة - السعودية – اقترح عبد الدائم النضيف وعصام دهب لكل مناطق السعودية - دولة قطر - - دولة الكويت - سلطنة عمان – اقترح عادل عبد الرحمن - البحرين - اليمن - دول الشام (الاردن وسوريا ولبنان والعراق) ان وجد هناك - مصر - ليبيا - تونس والجزائر والمغرب – اقترح طارق جبريل - الولايات المتحده – اقترح حاتم جبارة - دول الشرق الأقصي (اليابان والصين والهند وبالكستان وماليزيا والفلبين ... الخ) اقترح حيدر حسن ميرغني - الدول الاوربية تقسم حسب الكثافة مثلا بريطانيا مركز- ألمانيا مركز - وهولندا مركز لهولندا اقترح عمر نملة وهكذا
دا كلام مليان شديد وفي السعودية بدأنا لكن بكل أسف التجاوب غير مقنع ويكاد يكون معدوم ودا شئ محبط جدا كان الناس إتفقوا على مبلغ (200 ريال) وذكر الكلام دا أكثر من مرة والشخص المسؤل عن إستلامها إرسالها هو عبد الدائم النضيف ولكنه لم يستلم إلا من عدد محدود جدا لدرجة جعلته يشعر بالحرج لإرسال هذا المبلغ ومازال ينتظر لذلك نرجو من كل الأخوان ضرورة الإسراع في إرسال مساهماتهم للأخ عبد الدائم النضيف ولا ننسى أن موقع زقازيقاب يحتاج إلى دعم مادي بسيط أيضا.. حتى لا يتحمل الأخوة القائمين على أمر الجمعية وأمر الموقع المزيد من الأعباء المادية من حساباتهم الخاصة ويكفي ما يقدمونه من جهد
ولكم جميعا التحية
09-29-2007, 02:10 PM
abd alsamie alhussein abd alsamie alhussein
تاريخ التسجيل: 08-04-2007
مجموع المشاركات: 242
مبروك يا النضيف الزقازيقابية العسل وأصلو الناس البخيتين بيبكروا ببت عليك الله الأسم سريع ، وإذا عايز خيارات الناس ممكن تساعدك والسماية حقنا فيها محفوظ وألف مبروك مرة ثانية وتحياتنا للمدام وقول ليها حمد الله علي السلامة
يا ناس الزقازيق ما ناسيكم جاي راجع
09-29-2007, 03:49 PM
حيدر حسن ميرغني حيدر حسن ميرغني
تاريخ التسجيل: 04-19-2005
مجموع المشاركات: 25055
الأعزاء / صالح ، حيدر حنين ، عبد السميع ، سمؤل ، طارق ، صلاح الأمين ، سامي ، زهير .. عصام دهب ذاتو ..
كل يوم و كلكم بخير و صحة و عافية و يا ربي ما تحرمنا من طلتكم .. و كتر خير بنية عبد الدائم الخلتنا نشوفكم بعد الغيبة دي .. و أكيد دي بت زقازيقابية جدعة زي ما قال د. صلاح .. ربنا يحفظها و يجعلها ذخراً لوالديها .. و يحفظ عيالكم جميعاً و يعرس للما عرس .. ابقوا معنا دوماً ..
هي أصلاً إسمها النضيفة .. و عناب دا إسم شهادة الميلاد الرسمي ساكت .. عشان كدا إسم الدلع حيكون ( نودي ) من ( نضيفة ) و كدا .. و لا شنو يا أبو العناب بالبرد.. بالله الربة جيب لينا فيها الفنانة بتاعت العرس ديك..
د. سيف .. سائلين منك و بركة الجيت ..
الزقازيقاب .. وينكم ؟؟
10-07-2007, 10:12 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
إلى الأراضي المقدسة وصل بحمد الله زميلنا الزقازيفابي الفاضل الشقيق الأستاذ / بشير علي العبيد المحامي ، الحاج / بشير جاء معتمراً في شهر رمضان الكريم و آملاً في تعزيز حجته الأولى بحجة ثانية هي عمرة رمضان .. الخليفة / بشير الذي وصل و توجه مباشرة إلى مكة المكرمة لأداء العمرة ـ نسأل الله تعالى القبول ـ أعلن أنه سوف يتوجه فور أداء العمرة إلى المدينة المنورة لزيارة الحبيب المصطفى ، و لتقديم واجب العزاء لمولانا السيد / محمد عثمان الميرغني في وفاة حرمه ، و من ثم قضاء العيد في رحاب المدينة النبوية الطاهرة . الزقازيقاب و الأشقاء من المقيمين بجدة و مكة لا زالت جهودهم متواصلة للعثور على الحاج / بشير و نأمل من الزقازيقابي المبدع الفنان / أحمد عوض الذي زف لنا هذا الخبر السار ـ و أضاع رقم هاتف الخليفةـ أو ممن كل من يعرف له عنواناً أو هاتفاًأن يزودنا به مشكوراً .. و لكل الزقازيقاب المعتمرين نقول مرحباً حللتم و سهلاً نزلتم و مزيداً من التواصل ..
والتهانى بقدوم اصغر عضو (زغبي ) الابنة عناب .. متعها الله بالصحة والعافية والتهانى لوالديها وجميع اعمامها وعماتها..
الشكر الجزيل للاخوة على اتصالاتهم الهاتفية ورسائلهم الالكترونية مطمئنين ومتفدين عن احوالنا الصحية فى الآونة الاخيرة ولهم منى كل الامتنان والتقدير اما عن البعض الذى يتسأل عن من هو تبلدينا !!؟ فله الشكر للسؤال وله الاجابة ..
ناس الخرطوم.. شهرين لم تعقد الجلسة الشهرية .. عشان قاعدين فى البلد ولا شنو ؟؟ افطار رمضان للان لم يقترح ولم يثنى ولم يعتمد ومنذ فترة لم تصلنا اخبار موضوع الدار والمهام ..
نحتاج لبعض الاستشاريين فى مجال الطب والهندسة وتخطيط المشاريع لاجل بناء مستشفي سرطان الاطفال بالسودان 99199 ..فكل من يجد نفسه قادر على مد يد المساعدة فى وضع الخطة لانجاح المشروع او المساهمة فى التصور الطبي ةالهندسي للمشروع او من له علاقات بشركات استشارية وطوعية ومكاتب خبرة فى المجال نرجو ان لا يبخل علينا وعلى نفسه وعلى سوداننا واطفالنا .. اتوقع الرد هنا او فى البوست اللينك ادناه او عبر وسائل الاتصال ادناها ..
شكرا اعمام عـناب د/ سيف النصر د/ أحمد امين نجيلة ، سامى الطاهر ، صالح تبلدينا وعقبال ما نبارك للما عرس وللما عندو بنيات
عصام دهب
Quote: بالله الربة جيب لينا فيها الفنانة بتاعت العرس ديك
سمعنا قالو كشوها ورحولوها السودان لكيييين العمرة دى جابت ليها كم فنانة كده بمشو الحال ولسوء الحظ عمار السنوسى فى السودان ولا الغناء الزى ده بقى ما بينفع الزمن ده
10-07-2007, 10:25 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: الف مبروك اخونا عبد الدائم ومرحبا بعناب وكل عام وانتم بخير
سامى الطاهر
الصديق سامي الطاهر الدي يكتب باسم DABEEB في المنبر هو سامي خريح تحارة الزقازيق ورئيس المجلس العام لاتحاد دورة الانتفاضة الاولى وقد ادار سامي الجمعية العمومية بنادي الشرقية بكفاءة عالية وكان يكثر من عبارة انضبط يا زميل والتي انتشرت فيما بعد بالزقازيق وسط الطلاب وحتى الكيزان اصبحوا يستعملوها . واذكر ان اشهر المطرودين في تلك الجمعية العمومية لسؤ السلوك ابراهيم هباني .
فمرحبا بصديقنا سامي الذي يقيم بامريكاالان وكان مشهور بانه كان زول شاطر جدا في الكلية . والله زمان يا سامي
10-08-2007, 12:46 PM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
إلى الأراضي المقدسة وصل بحمد الله زميلنا الزقازيفابي الفاضل الشقيق الأستاذ / بشير علي العبيد المحامي ، الحاج / بشير جاء معتمراً في شهر رمضان الكريم و آملاً في تعزيز حجته الأولى بحجة ثانية هي عمرة رمضان .. الخليفة / بشير الذي وصل و توجه مباشرة إلى مكة المكرمة لأداء العمرة ـ نسأل الله تعالى القبول ـ أعلن أنه سوف يتوجه فور أداء العمرة إلى المدينة المنورة لزيارة الحبيب المصطفى ، و لتقديم واجب العزاء لمولانا السيد / محمد عثمان الميرغني في وفاة حرمه ، و من ثم قضاء العيد في رحاب المدينة النبوية الطاهرة . الزقازيقاب و الأشقاء من المقيمين بجدة و مكة لا زالت جهودهم متواصلة للعثور على الحاج / بشير و نأمل من الزقازيقابي المبدع الفنان / أحمد عوض الذي زف لنا هذا الخبر السار ـ و أضاع رقم هاتف الخليفةـ أو ممن كل من يعرف له عنواناً أو هاتفاًأن يزودنا به مشكوراً .. و لكل الزقازيقاب المعتمرين نقول مرحباً حللتم و سهلاً نزلتم و مزيداً من التواصل ..
10-08-2007, 04:11 PM
Dr.Elsadig Abdalla Dr.Elsadig Abdalla
تاريخ التسجيل: 12-10-2005
مجموع المشاركات: 2198
ياسلام ... نسمة من عبق الزمن السمح والزكريات سلامات ياصديق والشوق يمتد بنا مسافة ....... متابع والله من اول البوست لكن مرات اللغة بتصبح ضنينة ...ونكتفى بالمرور يوميا على الاعزاء .. وبالامارة اتصلت بيك ايام ماكنت فى سويسرا على ما اظن ولم اوفق .. شكرا جزيلا على البياغرفى لكن حليل سامى وحليل كورتو .. وشكرا ليك والاخ حاتم جبارة وصور الزقازيق الاخيرة ... مبالغة
تقبل منا الود والامنيات وكل عام وانتم بخير
10-09-2007, 08:55 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
عبد الدائم النضيف الف مبروك البنيه وتتربي في عز امها وابوها ان شاء الله وربنا ما يحرم بيت من الاطفال علي فكرة مزمل فزع ولد حلتك الصحافة شرق وزميلنا في اسيوط بسلم عليك
يا عصام دهب بالله شوف لينا الخليفة بشير علي العبيد وبلغوا تحياتنا
مكي محمد الحسن - اسيوط
10-09-2007, 11:02 AM
عصام دهب عصام دهب
تاريخ التسجيل: 06-18-2004
مجموع المشاركات: 10401
Quote: علي فكرة مزمل فزع ولد حلتك الصحافة شرق وزميلنا في اسيوط بسلم عليك
كل سنة و أنت طيب يا مكي .. و تحياتي للشقيق / مزمل و كل الأشقاء و الخلفاء حداكم ..
Quote: يا عصام دهب بالله شوف ليناالخليفة بشير علي العبيد وبلغوا تحياتنا
الخليفة بشير علي العبيد منبهر بالأنوار العظيمة الشعشعانية في رحاب بيت الله الحرام .. و رغم ذلك تحدثت إليهماـ هو و الشقيق عروة على موسى ـ قبل مغرب أمس .. و سوف نلتقي و أبلغه تحياتك بإذن الله .. و إلى ذلك يمكنك مكالمته على هاتفه 00966543535564
تحياتي لك يا رائع و مراحب مليون بإطلالتك ..
10-09-2007, 11:58 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
الاعزاء عصام دهب وعبدالدائم النضيف لكما الشكر وكل التقدير علي التحايا ونقل الوصايا ومن قبلنا ياعبد الدائم انا بكندا ومزمل ببريطانيا ده الايميل للاخ مزمل "[email protected]" اما انا فهو [email protected] وعلي فكرة قريبتي هويدا مصطفي عبد الله خريجة الزقازيق زراعة في السعودية مع زوجها الطبيب وخريج الزقازيق ايضا مامون عبد المنعم الهادي وتحياتنا لكل الزقازيقاب
10-10-2007, 10:22 AM
عبد الدائم سيد أحمد عبد الدائم سيد أحمد
تاريخ التسجيل: 10-28-2006
مجموع المشاركات: 4220
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Samau'al Abusin
عصام دهب
salah elamin
Dr.Elsadig Abdalla
حيدر حسن ميرغني
عبد الدائم سيد أحمد
Hatim Gubara
abd alsamie alhussein
Safia Mohamed
سامي عبد الوهاب إدريس
طارق جبريل
ياسر نجيلة
فيس بوك
تويتر
انستقرام
يوتيوب
بنتيريست