|
|
 الضحكـ شرطنا ...!
|
وأنا أستمع لمداخلة السفير اللبناني بالخرطوم إذ طلب من الحضور للاستماع لبيانه الذي سيقرأه للمتظاهرين فقرأ حاجة عجيبة كده يقول فيها :
السودان خمسة ولبنان خمسة
لبنان اصغر بلد والسودان اكبر بلد
السودان من خمسة
ولبنان من خمسة
عبدالعظيم صاحبي ماعندوا علاقة بي سودانيز غير انه متابع جيد ما ان سمح بالتحرك حتي اتصل بي وترافقنا الي حيث المتظاهرين ـ المهم اثناء ما السفير بيقرأ في القصيدة العجيبة دي التفت ناحية عبد العظيم فوجدته حائراً مثلي ـ طوالي جاتني ضحكة ماعندها علاقة بالمراسم الدبلوماسية واتذكرت زول كده ثقيل كان معذبنا عذاب وعامل فيها شاعر .
اها السفير ده بكون عذاب اولاد حلتهم في لبنان بكل تأكيد
والله بي صراحة كده دي بلد ميؤوس منها وعلي ما أظن حتي السفراء بيختاروهم لينا اختيار يعني زول ما تحفة ما بجي البلد دي .
|
|
  
|
|
|
|
|
|
|
|
Re: الضحكـ شرطنا ...! (Re: خضر حسين خليل)
|
جاتني خاطرة اول ما بدأ يقرا في قصيدتو العجيبة دي انو اول ما ينتهي اخش ليهو في
دجاجي يلقط الحب
ويجري وهو فرحان
ـ
جاني احساس كده انو الناس ديل ياما بستخفوا بالناس القدامهم يا بستخفوا بيهم
| |
|
|
|
|
|
|
|
|
|
Re: الضحكـ شرطنا ...! (Re: خضر حسين خليل)
|
يا خضـر ديل لا يستخفون بالســودانيين ولا شئ.. هـذا ما قسمـه لهم الله يوم تقســيم المنطق على الخلائق.
أسألهم بس عن الأسعأر والبورصـة والعملات، أى سـؤال تانى يعتبر محرج ليهم وللسائل أيضاً
| Quote: وقال كمان فخامة الرئيس البشير بحب لبنان |
أعذر سعـادة السفيـر، فهو يقيس الســودانيين بمقاييسه التى لا يعرف سـواها، يعنى زى بعض (أشقائنا)
ما دام الرئيس يحب لبنان نحن لازم نتغاضى عن مخالفات رجال أمنهم.. فى الدول العربيـة لما الرئيس
يخرج فى موكب، يوقفوا الطيور فى السمـاء.. لكن شوف رئيسنـا رغم الحروب والمعارضة فى كل كورنر، تلقاه
راكب عربيـة مكشوفة فى شوارع الأحياء وهو يرقص أمام الجموع التى تتجمع عفوية..
شوف النميرى القتل من كل الأحزاب والافراد وخمسمية واحد عندة تار معاه، فى النهاية خاتى عنقريبو
واللا كرسيو بره فى الشارع يقضى العصريات، ولا واحد هببو لهو واللا عبرو لحد ما إنتقل.
بالرغم من ذلك تجدنى ضـد مقاطعـة أعمال اللبنانيين فى الســودان كما قلت من أول يوم هنا، لأن الشعوب
لا تقاطع وهى لا ذنب لها.. ولا يؤخذ بريئ بجريرة مذنب، فما داموا يحترمون قوانيننا فعلينا حمايتهم
والتعامل معهم بصـورة حضارية كما تقاليدنا وإرثنا.. وأكيد أن من عاش منهم هنا لن يعامل أى سـودانى
حين يعود لبلده بهـذه الصورة.
| |
|
|
|
|
|
|
|
|
|
Re: الضحكـ شرطنا ...! (Re: Abureesh)
|
ابوالريش ازيك يازول
أنا والله كلام الزول ده من قولة تيت لو كنت عايز اصفق ليهو واخستك بالموضوع كلو
لانو بي صراحة حركتو دي ما ظريفة ولا عندها علاقة بالدبلوماسية .
هسي شنو الداعي ناس زهجانين وقرفانين وعرقانين يوقفهم في الهجيرة دي ويقعد يقرأ
لينا في قصيدتوا دي ؟ نحنا مشينا عشان نديهو المذكرة عشان نضغط علي حكومتهم موش
نضغطوا هو . أنا الغاظني انو الزول القابلنا ده بمرتبة سفير عديل يا ابوالريش
كلام انو الرئيس بحب لبنان وما الي ذلك اعتقد انه قصد بذلك احراج موقفنا لكن كان ليهو
نحنا قلنا ليهو يازول هوي انحنا بنمثل روحنا ما بنمثل الحكومة السودانية
الرئيس بحب لبنان بحب طهران دي حاة بتخصوا ونحنا مالنا ياخ ؟
| |
|
|
|
|
|
|
|
|
|
Re: الضحكـ شرطنا ...! (Re: خضر حسين خليل)
|
سودان خمسة
لبنان خمسة
سودان خمسة
طهران خمسة
سودان خمسة
ايران خمسة
سودان خمسة
صومال خمسة
سودان خمسة
ليبيا خمسة
سودان خمسة
يونان خمسة
سودان خمسة
رب رب رب لب لب اب لب لب لب
ـــ
اها يعني شنو؟
| |
|
|
|
|
|
|
|
|
|
Re: البروف خضر مشتاغوون ياخ .. والله كنتا شغاله عشان كدا ما قدرت اجي ! (Re: داليا الكباشى)
|
علي اليمين ده حسوني سيدي اشعر منه
لما كان بقول
وحين يخضر الصفصاف في العصاري
يتضرج النيل بدم القماري
حكمة الله حسون سيدي العمل صول بعد جهد جهيد في الجيش السوداني المفروض يكون وزير خارجية لبنان بالطريقة دي .
_
ياخي قدر ما دست بنزين ما قدرت الحقكم قالوا شتتوا قبل تلت ساعة..الشي مسيرة ولا بلنتيات ياخي
انت ما كان في زول لايوق كدة يمسكه العشرة دقايق عشان نجي نضحك معاكم...
| |
|
|
|
|
|
|
|
|
 الضحك شرطنا ! (Re: حسبو عكاشة)
|
ياخ الزول دا فهمتوهو غلط !
يمكن قصدو (ادونا خمسه يا ناس السودان) يعني خمسه دقايق وااعتذار بيكون جاهز
او قصدو (ادونا خمسه) يعني قيف مي فايـف !
| |
|
|
|
|
|
|
|
|
|
الضحكـ شرطنا ...! (Re: مرتضى احمد عبد القادر)
|
| Quote: لتشتبك الخمستين سودان و لبنان |
يا خضر الراجل دا لا بستعبط لا عبيط و لا حاجة
الناس دي نظرتها لينا ما حاتتغير
يعني هو فاكر بي شعره الهذيل دا حايرضيكم
لأنه في قناعة سائدة وسط العرب عموما
أن السوداني سريع الغضب و يمكن ارضائه بكلمة الخ
هو فاكر نشبك (الخمسة بالخمسة) و خلاص نخلص من وجع الراس دا
النظرة الدونية للسودانين من قبل اللبنانيين - سفيرهم اعلاه -
هي ما هو مترسب في الوعي الجمعي لديهم عن السودان و السودانيين
اننا شعب اقرب للحيوانات البكماء منه الى البشر بالتالي
يسهل ارضائنا بشاكلة هذه العبارات
طلب الاعتذار من هذا الشخص غير مجدي و لا قيمة له
فهو يستهزأ بنا و يسترخصنا و يتعامل معنا بمنطق
دق الاضينة و اتعضرلو
أعتقد ان التمسك بتنفيذ المطالب الواردة في المذكرة
وضرورة تنفيذها من الحكومة اللبنانية و ليس السفير اللبناني
وسفارته هي الحل ، فهذا الرجل ممثل لحكومته و ليس لديه
اي سلطات حتى ليعتذر فقط سيغني لكم عن الخمسة
مودتي يا خضر
| |
|
|
|
|
|
|
|
|
|
Re: الضحكـ شرطنا ...! (Re: حاتم علي)
|
حاتم ازيك
والله بي صراحة انا استغربت لي رد فعل السفير ده
يعني مامعقول الناس جاية وعرقانة ورمدانة وكاميرات تلفزيونية
وهو يصر يقرأ لينا قصيدتو العجيبة دي
ده تسميهو شنو بالضبط
هظار بايخ ولا حقارة ولا استعباط ولا (استهماش) (علي قول صاحبنا سالم عثمان)
السفير ده طلع زول ماجادي خالص وواضح انو الجوطة دي كلها ماشغال بيها الشغلة
شكلو كده (وراء مؤمن) شديد
بعدين الزول ده خجل الله والرسول ده ما عندوا هسي دي جرأة شنو زول سفير دولة
يشيل ليهو ورقة بالضعف ده ؟
غايتو الله غالب
| |
|
|
|
|
|
|
|
|
 Re: غزوة زات الخمسات وكدا ! (Re: مرتضى احمد عبد القادر)
|
خضر حسين يا صديقى..Quote: نحنا قلنا ليهو يازول هوي انحنا بنمثل روحنا ما بنمثل الحكومة السودانية
الرئيس بحب لبنان بحب طهران دي حاجة بتخصوا ونحنا مالنا ياخ |
يازول ريس وين دا البحب طهران!!!!
وتيب,,
أبوذر دا قافلنو ورا الشمس ليه!!!
ياخ والله المولد فاتنا وفاتتنا ضحكات خرافية كدا ومعاها حاجاتا المصاحبة!!!
سفير حيركم فى راسكم دا منتظرين خطاب وإعتذار ودبلوماسية عملا ليكم كلها خمسات!!
خمسة وخميسة عليهو وإنشاء الله الخمسين فى عديلو وفى قبولو!!
ياخ مشتاقين والله,,
| |
|
|
|
|
|
|
|
|
 Re: غزوة زات الخمسات وكدا ! (Re: أيمن الطيب)
|
يا خضر يا عمك
الشغلة ده لو ما كانت سلمية الزول ده كان شاف حاجة وحاة الله.
بالله شوف ... فاكرنا ما بنفهم وجايب صور إيدين وشابكنا خمسة ولمسة ولمحة؟؟!!!
بعدين ياخ تعالوا هنا:
نحن دولتنا إسمها سودان ولا السودان؟!
دولتنا ما نكرة يا سعادة السفير ... الالف واللام ديل وديتهم وين؟
السودان... الألف واللام والسين والواو والدال والالف والنون ...السودان الوطن الواحد (تموا الباقي خيال )
___________
بالله شوف الزول ده يا خدر
| |
|
|
|
|
|
|
|
|
|
Re: غزوة زات الخمسات وكدا ! (Re: شول اشوانق دينق)
|
شول العزيز
والله الرب اخذ والرب اعطي عديل بالنسبة للزول القابلناه قبيل داك
ياخ أنا عمري ده كلوا ما اتخيلت انو الناس العذاب ديل
ممكن يبقوا سفراء كمان .
تصدق ماخلي اي حاجة لي زول كده خليهو هسي
أغرب مافي الموضوع انو كان مصر شديد انو يقرأ البيان بتاعوا داك
وشبك ليك الناس يااخواني أرينا بيانكم لو سمحتو اسمعو بيانا
اها خم وصر ياشول
| |
|
|
|
|
|
|
|
|
|
Re: غزوة زات الخمسات وكدا ! (Re: أيمن الطيب)
|
ياخدورى بل تقرأ ليهو جدادى يلقط الحبّ قول ليهو الجماعة ديل ناس المسيرة الجاية وكان شبكتهم خمسات تبقى جنيت على روحك!!
وإنتظروا عشرة دقايق كان ما شفتو المطار صوووووووووف,,
المسيرة الفاتت كانت بتاعة دكاترة ساى لا فيها طوب لا فيها بمبان يا كافى البلا!!!!
حجرين فى الزنكى كانو عملوا شغل نضيف ياخ 
| |
|
|
|
|
|
|
|
|
|
Re: غزوة زات الخمسات وكدا ! (Re: أيمن الطيب)
|
كتب ليكم بالعربي عشان تفهموا يا خضر
فالقصيدة اصلا كاتبها جوتة سيد المعهد
Liban et le Soudan
Semblables verbale
Opposés dans l'espace
Liban, la plus petite nation à moyen
Soudan, le plus grand pays d'Afrique
Liban cinq
Soudan cinq
Si le nombre de doigts
| |
|
|
|
|
|
|
|
|
|
Re: غزوة زات الخمسات وكدا ! (Re: أيمن الطيب)
|
و الله يا خضر انت زول حقار بس ..
الناس ديل استايلهم كدا من خمسة و لفوق ..
يعني معقوول بس سفير لبنان يجي يقول ليك اتنين يعني ..
لمن تكونوا ماشيين حتات ذي دي سوقو معاكم ناس بتفهم الخمسة و هي طايرة ..
علي العموم الزول دا قدم بضاعته .. و الله كان احسن ليكم من تعويضات الامم المتحدة ..
و كانوا شاورتو المتضررين في موضوع خمسة و خميسة دا كان هم زاتم جرو واطـــي ..
..
..
غايتو .. فرصـة و ضيعتوها ..
| |
|
|
|
|
|
|
|
|
|
Re: غزوة زات الخمسات وكدا ! (Re: humida)
|
ياحميدة
الموضضوع ماعندوا علاقة بالفهامات
بقدرما عندو علاقة بالــ
المهم الزول ده طلع ماجادي خالص
وعليه مفروض الناس تغير تكتيكاتها
انشاءالله نعمل تيك وتاك
اي حاجة ياخ
| |
|
|
|
|
|
|
|
|
|
Re: غزوة زات الخمسات وكدا ! (Re: أيمن الطيب)
|
ايمن
وينك ياخ
والله ضحك زي يوم بتاع الليلة ده ماشفناهو
الزول مشينا ليهو بالله افحمنا ليك قصايد
قصيده ورا قصيدة
سودان ولبنان شديد
اول ماتجي اجازة انا عازمك
نمشي نفطر مع الزول ده
ـــــ
الغريبة حاول ينهرنا قال : هيك تعملو في الارز (وكان في اللحظة دي شايل علم لبنان فيهو كروس)
قال ارز قال
| |
|
|
|
|
|
|
|
|
|
Re: البروف خضر مشتاغوون ياخ .. والله كنتا شغاله عشان كدا ما قدرت اجي ! (Re: محمد عبد الماجد الصايم)
|
ياخضر يا اخوي
نعتمد عليكم تمشوا تعملوها تعادل خمسة وخميسة
بعدين الزلمة دي شكلو خايف كده و لبنان كاتبها باللون الاحمر لي شنو لووووووولز
قصدية معبرة والله مفروض تدخل في كتاب جينيس تحت عنوان خماسية الامباسدور ( السفير )
شئ مؤسف لا يجد مايعدده من علاقات بين البلدين حتى وساطة السودان لحل مشاكل لبنان لم يتطرق لها في القصيدة سيئة الذكر بعدين السودان فيهو سبعة حروف مش خمسة لو قاصد بالانجليزي برضو عدد الحروف ح يختلف مع لبنان يعني مافي شئ بلمنا مع بعض لووووووووولز
غايتو شكل القصدية ذكرني لمن واحد يحج من ناس البيت بنضرب كتف الباب جير ونكتب فيهو ياداخل هذا الدار صلي على النبي المختار حجا مبرورا وسعيا مشكورا وتكون ممهورة ( مختومة ) او مبصوم عليها بالخمسة على الجدار من دم الخروف لوووووووووووولز
شر القصيدة مايضحك
زاتوووو
| |
|
|
|
|
|
|
|
|
|
Re: فطائر ومعجنات وخمسات لبنانية (Re: أيمن الطيب)
|
Quote: أخوانا إنتو متأكدين إنو دا السفير زات نفسو!!!!
ما بتاع الفطائر بتاع السفارة!!!!
والله بالغ بالجد معاكم,,
وهسه الخطبة العصماء المليئة بالخمسات دى عايزه ليها ورقة!!! |
يا أيمنوف كدي سؤال
إنت السفير دا رتبتو ( رائد ) ولا شنو بحب الخمسات كدا
| |
|
|
|
|
|
|
|
|
|
Re: البروف خضر مشتاغوون ياخ .. والله كنتا شغاله عشان كدا ما قدرت اجي ! (Re: amir jabir)
|
Quote: Quote: بالله شوف ... فاكرنا ما بنفهم وجايب صور إيدين وشابكنا خمسة ولمسة ولمحة؟؟!!!
لووووووووووووووووووووووووووول
Quote: بعدين ياخ تعالوا هنا:
نحن دولتنا إسمها سودان ولا السودان؟!
دولتنا ما نكرة يا سعادة السفير ... الالف واللام ديل وديتهم وين؟
ينصر دينك يا شول ياخ |
والله يا بت الجنيد بختو سيادة السفير إني من أمبارح بمرن روحي في كلمية "سلمية" دي حتي رسخت في المخ.
الزول ده بالمناسبة انا بفتكر شتمنا وإستفزانا إستفزاز خرافي
بس البركة في كلمة سلمية.
شكراً بت الجنيد
_____________________
والله لما قال هيك تعملو في الارز ... إتخيلتو يبكي قدامنا لما نعتذروا ليهو نحن
| |
|
|
|
|
|
|
|
|
|
Re: البروف خضر مشتاغوون ياخ .. والله كنتا شغاله عشان كدا ما قدرت اجي ! (Re: شول اشوانق دينق)
|
| Quote: سبحان الذي جمع الشيوعيين والكيزان في مسيرة واحده |
نعم يا ا خى وليد هذا هو الشعب السودانى الذى نعرفه , رغم ما حدث من تغيير فى سلوكيات كثيرة فى الاونة الاخيرة والكيزان الذين شاركوا مع الشيوعيين فى المسيرة متفقين ومقتنعين تماما ان ما حدث لاخوتنا فى لبنان اساءة واهانة للشعب السودانى , لكن واحد فيهم ما حيقدر يتجرا يتكلم فى تقصير حكومتهم تجاه هذه القضية , ولا يستطيعون ان يحملوا الحكومة ان ما يحدث من ذل واهانة للشعب السودانى فى الخارج وخاصة فى الدول العربية بسبب تساهل الحكومة فى مثل هذه الامور وعدم اهتمام سفاراتها برعايها خارج الحدود , وكنا نتمنى من الحكومة ان تخطو خطوة جرئية تجاه هذه القضية وترد اعتبار من انتهكت كرامتهم فى لبنان , لعلك تذكر ماذا فعلت دولة نيجيريا مع دولة اليونان فى اواخر التسعينات من القرن الماضى عندما قامت الاخيرة بترحيل كل النيجيرين الموجودين فى الاراضى اليونانية الى نيجريا وعندها لم تسكت نيجيريا وتعاملت بالمثل وقامت بترحيل كل اليونانين الموجودين فى الاراضى النيجرية الى اليونان , الى ان جاء اليونانيون المبعدون من نيجريا والضغط على حكومتهم , بان المتضرر من هذا التصرف هو اليونانى المبعد من نيجريا وليس العكس , وقالوا نحن المستفيدين من بلدهم كتجار ومستثمرين , الى ان رضخت الحكومة لضغوط رعايها المبعدين واعتذرت للحكومة النيجرية وارجاع كل المستبعدين فى الطرفين , وبهذا الفهم اللبنانى الموجود فى السودان هو المستفيد ماديا اكثر من السودانى الموجود فى لبنان بالاضافة لذلك عايش فى وسطنا معزز مكرم من غير ارهاب وعنصرية ومضايقة , بينما السودانى يجد فى لبنان كل انواع العذاب من نفسى وجسدى !
(عدل بواسطة خالد حاكم on 06-23-2010, 09:07 PM)
| |
|
|
|
|
|
|
|
|
|
Re: البروف خضر مشتاغوون ياخ .. والله كنتا شغاله عشان كدا ما قدرت اجي ! (Re: خضر حسين خليل)
|
يا جماعة ارحموا عزيز قوم ذلللللللللللل
أيه رأيكم بكري يقوم يسجل الزول ده معانا هنا
شهر يمسكه الازهري يصلح ليه الاخطاء الاملائية والنحوية
يتدرج شوية يبقي ضحكونجي وما يكتب كلام غلط من حيث الانشاء والاملاء
يمشي شوية يبقي بتاع غلات ما كعب برضو..ياخد درس عصاري في بوست المعيار
نديه سنة كاملة ونخرجه بدبلومة في المواضيع اعلاه
يستلمه عزام يوريه تاريخ تهراقا الحررهم قبل كدة وما احتلاهم
بعد داك نسلمه لمحسن خالد أو محمد الشفيع زين يوفقوا ليه اوضاعه المهببة في موضوع الخطابة
لو كركب في اتجاه تاني فكوه لكيكي فهو كفيل
يا جماعة والله ينولكم ثواب..فهذا سفير لبنان.. لبنااااااان
...
انتو قايلين القبة كان تحتها فكيه؟؟
السفير ده تلقوه شغال بزنس ومافاضي لمسألة السفارة أصلا..والموضوع ده جاه فجأة زي خريف الخرطوم
أأكد ليكم انو عوده راكب في اي بزنس بجي عن طريقهم زي ناس كريم ديانا ولا بنك بيبلوس ولا مطعم الساحة ولا توريد (بروميد الارز القاتل)
ياخوانا الزول ده ما فاضي..الزول جاي يبزنس تشبكوه كلامات غلاد قدر ده؟؟
_
صدقوني لو اعطيتم سعادة السفير اللبناني في الخرطوم ورقة وقلم وقلتم له أكتب كلمة اسمها (لبنان) طلاق تلاتة كان فشل لكتبها (لبان) ..أرز شنو وشعيرية شنو..هو فاضي؟؟
| |
|
|
|
|
|
|
| |
خضر حسين خليل
محمد عبد الماجد الصايم
Abureesh
حسبو عكاشة
انعام حيمورة
داليا الكباشى
GamarBoBa
جعفر محي الدين
اسماء الجنيد
مرتضى احمد عبد القادر
حاتم علي
أيمن الطيب
شول اشوانق دينق
ممدوح أبارو
humida
ALZOLZATOO
Marouf Sanad
عبدالكريم الامين احمد
بدر الدين اسحاق احمد
العوض المسلمي
Ahmed Abdallah
وليد محمد المبارك
نصار
talha alsayed
amir jabir
عبد الله الشيخ
عبد الخالق امن الله
Osman Musa
خالد العبيد
فيس بوك
تويتر
انستقرام
يوتيوب
بنتيريست