|
|
 قاعدة السودان الاساسية هي الصوفية وعلى المتأسلمين البحث عن مخابيء لهم
|
قاعدة السودان الاساسية هي الصوفية وعلى المتأسلمين البحث عن مخابيء لهم
او كما اقترح السيد الصادق ان ينشيء مدينة انصارية خاصة اسمها البقعة الجديدة
لا ادري اين وقف مشروعه لكنني قطعا من المؤيدين، وليس للانصار فحسب، على
اي جماعة اسلامية عندها مشكلة مع عادتنا السودانية واعرافنا وتقاليدنا الصوفيه السمحه
مع العلم ان المهدية جزء اصيل مننا كالصوفية تماما، ولكن نحترم رغبتهم في التقوقع
على المتاسلمين ان ينشئوا اي مدينة خاصه بهم، والسودان بلد واسع والحمدلله واصلا ماهي مشكلة ان نجد
لهم مساحة ارض بحجم احدى الدول العربية يسوروها ويقوموا فيها دولتهم الفاضلة
لو جيتكم في مدينتكم دي من الواجب احترام اعرافكم، يعني مثلا لو ولعت سجارة حاكموني كما تريدون
اصلا انا الغلطان الجيتكم في مدينتكم دي، لو وقت الصلاة مثلا لقيتوني بتحاوم في الشوارع ساكت
وما بصلي في مسجد اجلدوني، برضو موافق طالما رضيت التواجد في مدينتكم الفاضلة.
انصار السنة (بشقيه)
الكيزان (بشقيه)
الاخوان المسلمين (بشقيه)
الوهابية
التكفير والهجرة
القاعدة في بلاد النيلين
الشيعة
نواصل
|
|
 
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: أحمد ابن عوف)
|
نجحت بعض البلاد وعلى الرغم من ليبراليتها ان تقبل ان تتقوقع جماعة على نفسها
وفصل نفسها من سلطة الدولة (نوعا ما) وانشاء دولتهم الخاصة بحدود معلومه
زي جماعة المورمون في امريكا وجماعات اخرى، بابا الفاتيكان زاتو بعد المعركة
الدينية الكبيرة في اوروبا ادوهو مكان صغير كدا وقفلوهو عليه. هو مبسوط وهم مبسوطين
فاشلين في السياسة اذا وقفتم بيننا وبين الملك فليس لنا الا سيفنا هذا
فاشلين في الاقتصاد هي لله هي لله
فاشلين في التربية جرائمكم وجرائم منتسبيكم لم نكن نعرفها في السودان
فاشلين في الاجتماع علاقاتكم مع الناس (البشر) وان كانوا مسلمين زي الواطه دي
فاشلين في الاندماج وسط المخالفين لكم في الراي والمذهب
فوق كم ياخي، انتو موش عاوزين الجنة؟؟ شوفوا ليكم اشغال بسيطه زراعة، رعي لا فيهم شبهة ربا ولا يحزنون
وخمس صلوات في المساجد وتطلعوا الزكاة وتصوموا رمضان، لا منكر يدخل عليكم (سجاير وخلافه)
ولا تلفزيون، لا رادي، ولا بنوك ولا مدارس وعلوم حديثة بها كفر بواح ولا انتو تمشوا محل المنكر والمنكرين
نعمل منطقة محايدة في حدود محافظتكم نتبادل فيها السلع والخدمات، زرعتوا بصل، تمر، ملوخية بنشتريه
وبسعر عالي كمان، ونجيب ليكم السكر والشاي ولو عندكم فتوى في الشاي حرام وللا حلال ممكن نبدلها بي قهوة
احنا خلونا في جهلنا دا، باقين على الصوفيه لا بنسالهم لا بسالونا، واشهد يوم من الايام مافي متصوف
قال لي بتسوي في شنو وللا ليه سويت كده، واكان زودتها وسويت السبعة وزمتها قداموا ما بسالك ولا يتدخل
في شئونك
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: أحمد ابن عوف)
|
الاخ ابن عوف
تحياتي
لماذا تقدم نفسك بصورة من يضيق بالآخرين لدرجة الجزر المعزولة والمدن المقفولة
الاسلام يستوعب الجميع بصورة أخوية لان المحصلة دين وتوجه نحو اله واحد
لم تعجبني العبارة التالية
لانو
بمجرد دخول الشخص للاسلام يبقي مسلما كاملا
وفي التاريخ الاسلامي شهداء لم يصلوا فرضا واحدا
فلماذا حكاية القدامي والجدد
اتمني أن نكون مسلمين لله دون أن نضيق ببعضنا او نحتكر الخير لجهة دون اخري
واعتقد ان هذا هو واحد من أهداف الرسالة
ولك مودتي
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: علي الكرار هاشم)
|
الاخ على الكرار
تحياتي
ولك كامل الحق في الانتقاد والاتيان بفكره مخالفة فانا دائما احترم الرأي المخالف
مادام لا يتجاوز اسلوب الحوار
لكن الكلام دا
Quote: اتمني أن نكون مسلمين لله دون أن نضيق ببعضنا او نحتكر الخير لجهة دون اخري
واعتقد ان هذا هو واحد من أهداف الرسالة |
قولوا للوهم الفوق الذكرتهم انا بالاسم ان كانوا يفهمون الرسالة
| Quote: الاسلام يستوعب الجميع بصورة أخوية |
دا الاسلام العرفناهو وقرينا عنه في تاريخ السودان والموجود لمدة 1400 سنة
الآخرين دينهم الاتباع المحض، لا يكتفي بأن يلتزم هو فقط بالطريق الذي يراه صحيحا
بل يريد ان يجبرك بقوة القانون وبقوة السوط وقوة البندقية والمشنقة ان لزم الامر لتتبع
هداه هو فقط
النوع الخطير بقترح نشوف ليهم واحدة من الجزائر الكتيرة في النيل، يبقى بينا وبينهم البحر
زاتو
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: أحمد ابن عوف)
|
شتتو ياااااااااااااااااااااا
آميش
الآمش برضو جماعة اثرت الانعزال في امريكا ويعيشون (حضاريا) في القرن الاول الميلادي او قبل كده
انتو بس قولوا دايرين وين وياتو جو بنفع معاكم، والحمدلله السودان دا بلد الله حباه باجواء مختلفة
وارض متنوعه
صحراوي
نيلي
جبلي
سافانا
استوائي
ساحلي
زراعي
رعوي
كلو في، شيلوا الدايرنو وخلو الباقي للسودانيين المتحابين والمتسامحين والمتفاهمين
ولكم في الامام الصادق اسوة حسنة
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: أحمد ابن عوف)
|
الكيزان ديل بقترح ليهم محلية فرتبانو في شمال غرب دارفور
بالذات لانو ناس المحلية دي قالوا انهم قلبا وقالبا معاكم
يا ناس مدني بالله شوفنا لينا حتة لانصار السنة ديل نسكنهم جمبكم، اصلهم بحبوا
الزراعة وتجارة الخضروات، خاصة وانني اذكر ان متحدث الجبهة الديموقراطية
في الجامعة كان يتندر عليهم بأن الناس في مارس/ابريل تموت في الشوارع وهم في ركنهم
كانوا يناقشون قضية ملحة "هل بالجنة جرير ام لا؟؟"
جنوب كرفان ... عليكم ما تقصروا مع الاخوان المسلمين، بحبوا الخدار
ناس مروي عليكم بالوهابية اصلهم ناس صحرراويين والرمله الكتيرة بتنفع معاهم
بس ما تخلوهم يمشوا على الآثار.... بخربوها
القاعدة في بلاد النيلين عليكم بجبال البحر الاحمر طوالي (نظام تورا بورا وكده)
وللا اقول ليكم ... حلايب
تكفير وهجرة .... نمولي نفر
وما تفكروا في خرطومنا
نهااااااااااااااائي
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: أحمد ابن عوف)
|
Quote: واشهد يوم من الايام مافي متصوف
قال لي بتسوي في شنو وللا ليه سويت كده، واكان زودتها وسويت السبعة وزمتها قداموا ما بسالك ولا يتدخل
في شئونك |
الاخ ابونعوف تحياتي:
التدين امر شخصي يتعلق بالانسان وربه وضميره....لذلك فهم الصوفية الراقي للتدين اثر بشكل كبير
في تهذيب المجتمع ومعافاته من الامراض الاجتماعية الشائعة اليوم بيننا ...فهو مجتمع(الصوفي) يخلو
تقريباً من النفاق ...والاسلام نفسه يري في المنافق اكبر واعظم خطراً من الكفر الصريح...ولكن فتوي
القوم المتاسلمين هي دائماً تحرص علي دعائية المتاسلم فهو يحرص علي اداء الصلاة في امام الناس
ويطول في قراءة السور الكبيرة ...ثم بمناسبة وبدون مناسبة يذكر انه قد صلى المغرب مع فلان والعشاء
مع علان ....ثم كثيراً ماتجده يدخل في ثنايا حكاياته بانه عند اذن المغرب توجه هو صحبه الي ...
فهو تدين ريائي ودعائي صريح...لذلك انتشرت بين اوساط السودانين الرياء والتلملق والكذب والنفاق
الديني ثم انسحب الكثير منه علي اوجه الحياة الاخري فهناك من يدعي التذاكي ومن يدعي النعمة وكثرة
المال وانه علي استعداد ان يعمل ويعمل كذا او يستخرج لك شهادة خلو طرف من الخدمة الالزامية وربما
شهادة دكتوراة في اي مجال ترغبه.
وهذه الظواهر هي نتاج لما فرضته الدولة من سياسة تؤسس للنفاق ، فعليك ان تؤدي القسم لتثبت انك
لم تقم بكذا او تقسم بانك غير قادر علي دفع الضرائب او ان دخلك كذا وكذا...وهناك قسم الولاء الذي
اصبحت الدولة او الحزب الحاكم يقوم به بالجملة....فهذه الاساليب جعلت الكثيرين (وربما بفتوي اجتماعية) يبرر التزلف والتملق للحكام وزدراء عامة الشعب....
لك ودي وتقديري
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: ibrahim alnimma)
|
الاخ حسبو عكاشة
تحياتي
وتشكر على الاطراء
Quote: الاستاذ/ احمد ابن عوف
شايفك مختفي ليك فترة كدا, يعلم الله اشتقنا لكتاباتك و تحليلاتك
---
تحياتي |
معايش يا حبيب معايش
لكن مع الزنقة الا موضوع مجمع النور دا ضرب ليك في راسي زي 15 فيوز
ياخي في السودان عادي، الواحد يقول ليك دا جامع انصار سنة، ياخي دا جامع كله كيزان انا بصلي فوقو
ودا ما بعرف شنو من ما تدخل الناس كلهم يحمروا ليك
الكلام دا في السودان ما كان في، الجامع ياهو الجامع بتاع الناس كلها، عشان كده والاختساس
ما يتلخبت علينا
يمشوا هم بجوامعهم دي وفي مدنهم الخاصه ومحلياتهم المقفولة، ينقبوا نسوانهم، يقصروا جلاليبهم
يحرموا المعجون ويكتفوا بالمسواك بس ... على راحتهم والبجيهم ويدوهو في راسو يكون هو الغلطان
وما يلوم الا نفسه والبجينا حبابو عشرة بس ما عليه بالناس بتسوي في شنو
تحياتي
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: ibrahim alnimma)
|
الاخ ابراهيم النعمة
تحياتي واشكرك على مداخلتك
Quote: الاخ ابونعوف تحياتي:
التدين امر شخصي يتعلق بالانسان وربه وضميره....لذلك فهم الصوفية الراقي للتدين اثر بشكل كبير
في تهذيب المجتمع ومعافاته من الامراض الاجتماعية الشائعة اليوم بيننا ...فهو مجتمع(الصوفي) يخلو
تقريباً من النفاق ...والاسلام نفسه يري في المنافق اكبر واعظم خطراً من الكفر الصريح...ولكن فتوي
القوم المتاسلمين هي دائماً تحرص علي دعائية المتاسلم فهو يحرص علي اداء الصلاة في امام الناس
ويطول في قراءة السور الكبيرة ...ثم بمناسبة وبدون مناسبة يذكر انه قد صلى المغرب مع فلان والعشاء
مع علان ....ثم كثيراً ماتجده يدخل في ثنايا حكاياته بانه عند اذن المغرب توجه هو صحبه الي ...
فهو تدين ريائي ودعائي صريح...لذلك انتشرت بين اوساط السودانين الرياء والتلملق والكذب والنفاق
الديني ثم انسحب الكثير منه علي اوجه الحياة الاخري فهناك من يدعي التذاكي ومن يدعي النعمة وكثرة
المال وانه علي استعداد ان يعمل ويعمل كذا او يستخرج لك شهادة خلو طرف من الخدمة الالزامية وربما
شهادة دكتوراة في اي مجال ترغبه.
وهذه الظواهر هي نتاج لما فرضته الدولة من سياسة تؤسس للنفاق ، فعليك ان تؤدي القسم لتثبت انك
لم تقم بكذا او تقسم بانك غير قادر علي دفع الضرائب او ان دخلك كذا وكذا...وهناك قسم الولاء الذي
اصبحت الدولة او الحزب الحاكم يقوم به بالجملة....فهذه الاساليب جعلت الكثيرين (وربما بفتوي اجتماعية) يبرر التزلف والتملق للحكام وزدراء عامة الشعب....
لك ودي وتقديري |
لن يتناطح اثنان بان الجماعة الاسلامويين ديل تجار دين بدرجة امتياز
اخي ابراهيم وانا وان كنت انتمي لاسرة ختمية لكن تربية خرطوم وزي ما كان
بردد والدي رحمة الله عليه عند التعليق لاصدقائه واقربائه الاولاد ديل مشكلتهم ما اكلوا
الفتة في جنينة سيدي" ويضحكون، لا ادري ان كانت الفتة ستعمل مفعول السحر لتمردنا على الطائفية
والصوفية، لكن مافي زول كفرنا ولا في زول اخرجنا من المله ويبتسموا في وجهك وفي النهاية
يقول ليك كلام لطيف على شاكلة "ياهو في النهاية ولدنا" "شباب والدنيا مفتوحة قدامهم"
وحاجات لطيفة لو ما حببتك فيهم لا يمكن ان تكرههم
السودان قاعدتة الاساسية صوفية، عشان كده بنقول للكيزان الماسكين بتلابيب السلطة دي، ياخي
اسرقو، املوا بنوكم وحساباتكم بالقروش، احكموا زي ما دايرين،
خربوا التعليم والصحة والنظام المدني ... دا كله هين، خطة عشرية وللا خمسية بترجع الامور الى نصابها
لكن اياكم وضرب القاعدة، عندما تهز قاعدة اي بنيان سينهار عليك البنيان المرصوص كله، بنيان
بناه اجدادنا في السودان وعبر قرون طويلة.
سينهار البناء بكل اعمدتة واحدا بعد الآخر
عمود الاخلاق
عمود التسامح
عمود الاعراف
عمود الاقتصاد
عمود النظام السياسي والنسيج الاجتماعي
الآن انظر لحال السودان بعد ضرب القاعدة الصوفية فيه وادخال التكفيريين
والسلفيين والارهابيين وكمان جاي دور الوهابية
كيف حال اخلاقنا العامة
كيف حال اقتصادنا
كيف حال نسيجنا الاجتماعي
كيف حال نظام الاساسي
كيف حال انساننا
تخريب كامل ودمار شامل
ياخي عمود الدين زاتو ضربوه
الاشكال الكبير في الصوفية نفسها، نتيجة لتسامحها مع الآخر، جعل منها غير قادرة
وضعيفة في مواجهته ويعفوا هم (الصوفيه الجد جد) عن استعمال الاساليب والوسائل
الشيطانية من كذب ودهنسه وتملق وكل البلاوي التي ذكرتها عنهم.
والمؤسف له ايضا ان الصوفيه نفسها تم استغلالها لتمرير افكارهم المتطرفه للمريدين
الضعفاء المساكين، وذلك باستغلال بعض الشيوخ من المتصوفة الذين يحبون الدنيا
وكيف شفنا في الانتخابات الاخيرة الملافح والقفاطين تتطاقش للبشير وتقش ليهو الدرب
لكن سنظل نقاوم، الى ان يعود سوداننا كما تركه اجدادنا، بلد متسامح وماعون يكفي اي زول
| |
|
|
|
|
|
|
|
|
|
Re: قاعدة السودان الاساسية هي الصوفية وعلى المتأسلمين البحث عن مخابيء لهم (Re: سلمى الشيخ سلامة)
|
الاستاذة سلمى الشيخ
Quote: احمد زيك مليح
اكتر حاجة جايبة لى التهاب القولون العصبى
انهم يشتمو "الغرب الكافر"
ولمن يمرضو اول طيارة على امريكااواوربا
اولادهم يرسلوهم للدراسة هناك
التقنية بكل تفاعلاتها احسن من يستخدمها
يقولون الغرب كافر ولا يتركوا شاردة ولا واردة الا واستغلوها
انظر الى حالهم وحال من تبقى من البشر
هؤلاء كائنات سرطانية
لاينفع الا اجتثاثهم من حياتنا والى الابد |
وشابكننا ليك طول المسواك وطول الجلابية
وجودهم خطر ليس على اخلاقنا وعاداتنا السودانية فقط بل خطر على وجودنا كبني آدمين
انظري للمهالك التي وقع فيها الانسان السوداني، الجنوب ودارفور والشرق والشمال
حربهم معنا وحربنا معهم حي حرب وجود وليس خلاف فقهي
تحياتي
| |
|
|
|
|
|
|
| |
أحمد ابن عوف
علي الكرار هاشم
حسبو عكاشة
ibrahim alnimma
سلمى الشيخ سلامة
فيس بوك
تويتر
انستقرام
يوتيوب
بنتيريست