|
|
|
 Re: كل (نص) سنه وانت طيب يا زميـل البورض ! (Re: عزام حسن فرح)
|
أسي يا عزام .. مداخلتك دي ارد عليها كيف؟؟
كان قلتا ليك جيب ليها (كرسـي جابر) الرجال يقوموا فوقي ويقولو لي دي برجوازيه !!
وكان قلتا ليك اكتفي بي بوست رقيق (زي دا) ولا ورده حمراء ولا كلمتين حلوات , النسوان يقولوا انا عبيطه !!
في نسوان يا عزام يا اخوي بيقولو : الراجل اهم شي توريهو انك ما بتحبي الا الحاجه الغاليه ,
عشان يدفع قروشو ويخلصها اول بي اول عشان ما يعرس !!
تسمع كلام اختك دلوش يا عزام ..
أنا في الدنيا دي كلها , عشره ونسه ظريييفه مع زميل البورض دا تسوى عندي مليون كرسي جابر !!
ربنا يديهو العافيه .. هو ما بقصر وانا ما متطلبه .. البيجي منو كلو سمح .. وكان ما جاب .. كفايه (نفسو) في الدنيا..
هوووي خلاس ما تخلينا نصرح اكتر من كدا (اكتر من كدا تاني شنو زاتوو)
تسلم وتتبارك يارب .. وتحياتي للمدام , وما تكتر من الكمونيه !!
| |
  
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: jini)
|
Quote: "بيت القرنفل قاع منزله البهار وسقفه الغيم الحنون"
لداليا وتمبس |
جني .. (الاصدقاء نعناعه الروح) صـح ؟؟
وبعدين (استثنائيه) كلماتك اللطيفه دي ..
عاين زميل البورض دا لو ما ضرب ليك في خلال تلانه يوم كلمني,
باتخذ ضدو اجراءات تعسفيه
| |
|
|
|
|
|
|
|
|
 Re: كل (نص) سنه وانت طيب يا زميـل البورض ! (Re: داليا الكباشى)
|
| Quote: جني .. (الاصدقاء نعناعه الروح) صـح ؟؟ |
بلحيل
العرب قالوا متعة الدنيا فى ثلاث
خليل تنادمه وحليلة تلاعبها وامانى تقطع بها ايامك
| Quote: وبعدين (استثنائيه) كلماتك اللطيفه دي .. |
ستة شهور وتلاتة شهور يا داليا ربع سنوية ونصف سنوية الا فى المجلات الفصلية!
دايما الرواد هم استثنائيون مابقدروا يلوكوا الصبر لمن يحول الحول!
Quote:
عاين زميل البورض دا لو ما ضرب ليك في خلال تلانه يوم كلمني,
باتخذ ضدو اجراءات تعسفيه |
والليلة عليك الله موية ونور!
غايتو تمبس الا ترسلي ليهو رصيد!
انا عاذروا قروشوا كلها 00249 لوكال نهى!
جنى
| |
|
|
|
|
|
|
|
|
 Re: كل (نص) سنه وانت طيب يا زميـل البورض ! (Re: khaleel)
|
طبعا ياخلي ,
انا طلبتا منك الاغنيه دي لي حاجه معينه ..
لو الناس بتتذكر .. طارق جبريل كان منزل الاغنيه دي في بوست ,
يلا اليوم دا كان يوم خطوبتنا (انا وزميل البورض دا) ..
من شده ما كان فرحان (زميل البورض),
بعد ما خطبني ورجع , كان بيغني في نفس الاغنيه دي ,
وكل ما يضرب لي , اول ما ارفع التلفون القاهو بيدندن بي صوتو الشين داك !!
مرسي بوكو يا خلي ..
-----------
يازميل البورض انا بهزر ساي .. ياخ انت صوتك احلى من طارق ابو عبيده زاتوو!!
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: jini)
|
داليا
Quote: أنا في الدنيا دي كلها , عشره ونسه ظريييفه مع زميل البورض دا تسوى عندي مليون كرسي جابر !!
ربنا يديهو العافيه .. هو ما بقصر وانا ما متطلبه .. البيجي منو كلو سمح .. وكان ما جاب .. كفايه (نفسو) في الدنيا.. |
يا بِت إبراهيم
يا بِت عبدالرحيم
شكيتكِن على الله ... إنتو النضمي هيل داليا ده ما بِتعرفَنو مالكَن ، الغزالا التغتِس حجر طلباتكِن شهيتوني الإنْتِحار ظاطووو
- ايه رأيك يا بت إبراهيم نمشي خميس وجمعة دبي ونرجع بالسبت
- وبننزل وين بِجهلاتنا ديل ... علو عِند أُختك؟
- لا ... أنا وإنتي بس المُسافرين ... وبننزل في فندق
- والجهلا
- بتجي أُختي تقنِب معاهُم
- سمح النشتري هِديمات لِلجنى ده
- الجنى ده بنخليهو بِقفانا ... ماني سايقو حتو (ده بالذات ما سايقو معاي)
- أجي ... وبِنْهمِلو لِمنو عاد؟
- ما بِنهمِلو يا مره ... ما قُلت ليكي أُختي حارساهُم
- ما أخير الشاليه الحدانا ده تاخدو لينا أنا وإنت والجهلا
- لا ما أخير
- عيبو شنو؟
- عيبو أولادِك عملو لينا زحمة يوم داك ... ماف داعي للحشد ده ... عاوزين نكون برانا
- برانا ... عِندك كلام سري ولا شنو؟
- كلام سري بسافِر ليها بلد يا مره!
- سمح خليني أطبِق حِنتي وأشتري لي توب
- بنشتريهو مِن دبي
- بري يا يِمه ... تقابلني أُختك بِتوبي المبشْتن ده بري
- أُختي ما بنمشي ليها مِن أساسو ... أُختي في أبوظني ونحنا ماشين دبي
- أجي أجي أجي ... كِده ما دخلنا في لوم
- (وهو ينظُر إلى السماء)
- مالك صنيت؟
- لغيت السفر ... خليتو ...
- قُلت كَدي
- أيوه كَدي
- أسوو ليك جبنه
- سوي
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: عزام حسن فرح)
|
ياصديقة البورد
تتصوري احتفالاتكم النصف سنوية دي بتتوافق مع ايجار الشقة هاهاهاي
بس المرة دي ماتحتفلوا بي شعار الجزائر لانو ح تروح شمار في مرقة فاحسن حاجة تشوفوا شعار سولفينيا
والجماعة ما ح يقصروا معاكم ح يدوكم شهر عسل في اروبا
كل سته شهور وانتو بخير
تحياتي كما تعلمين
زاتوووو
| |
|
|
|
|
|
|
|
|
 Re: كل (نص) سنه وانت طيب يا زميـل البورض ! (Re: الامين موسى البشاري)
|
| Quote: هســــي انت مدورة الحفلة دي بجاي وأكون زميل البورد واقف في صف المندي عشان الغدا |
زميل البورض ما بيحب المندي اولا,
وتاني حاجه هو ماشالله بيطبخ اكل تمام ,
متغدي سليقه بي فته وويكه حمرا(رسلناها ليهو من هنا) وشوربه عدس زي الترتيب ..
بالمناسبه زميل البورد دا ما ضوقك يدو .. يعني قصدي في الاكل موش في الدق .. الاسفيـري
تسلم يا بشاري وربنا يديك الصحه والعافيه انشالله ويديم عليك السعاده ..
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: ALZOLZATOO)
|
| Quote: تتصوري احتفالاتكم النصف سنوية دي بتتوافق مع ايجار الشقة هاهاهاي |
يعني يا زاتوو بعد ما كتبتا كلامك دا لقيتو فعلن فعلن (هاهاهاي )سـااااي كدا
Quote: بس المرة دي ماتحتفلوا بي شعار الجزائر لانو ح تروح شمار في مرقة فاحسن حاجة تشوفوا شعار سولفينيا
والجماعة ما ح يقصروا معاكم ح يدوكم شهر عسل في اروبا
|
والله يا زاتوو شكلك لسه ما اتغديت ولا نعستا ,
الجزائر لاعبه مع انجلترا الليله ياخ ,
بعدين داك ما كان شعار الجزائر ياخ .. داك كان اخــدر بس
كل (ايجــار) وانت طيب يا زاتوو ياخ
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: عزام حسن فرح)
|
كل يوم وإنتو طيبين يا زميلي البورض ...
تمبس ود ناس بيتنا ، وداليا مرة ود ناس بيتنا
البقت بت ناس بيتنا
تمنيات بسعادة دائمة وفرح مقيم .. آمين ..
(أزّام) قريبي الأعجمي ..
Quote: - (وهو ينظُر إلى السماء)
- مالك صنيت؟
- لغيت السفر ... خليتو ...
- قُلت كَدي
- أيوه كَدي
- أسوو ليك جبنه
- سوي |
بت إبراهيم بالغت معاك والله.
غايتو نظرتك للسماء دي (لخّصت) المسرحية كلها..
إن شاء الله إستمتعت بالجبنة؟؟
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: Salah Abdulla)
|
صلاح عبدالله صديـغ الاسـره (:
Quote: تمبس ود ناس بيتنا ، وداليا مرة ود ناس بيتنا
البقت بت ناس بيتنا
تمنيات بسعادة دائمة وفرح مقيم .. آمين ..
|
ياخ الغلوتيه حقتك دي سمحه خلاس ..
بالمناسبه قبل كم يوم بفتش في نمرتك , دايره اقول ليك السنه دي نحن حا نعوس بدري .. داير ابيض ولا احمر ولا الاتنين ..؟؟
بعدين عزام دا شكلو حا يجيب لينا الهبايب مع المدام والله ,
الواحد كان عندو فكره جاده يجي بلدكم دي ,
لكن بعد فتنه عزام دا شكلو كدا بيلاوز
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: اسماء الجنيد)
|
الاستاذة الفاضلة / داليا
كل سنة وانتي طيبة
كل سنة والامل الاخضر بيننا والجميع هنا يمتد بامتداد الكون
كل سنة وانتي تحملي التفاؤل فرحاً
كل سنة وامانيك العراض ضود البنان تتحقق
كل سنة وانتي بيننا نبض يتجدد القاً وفرحاً وجمالاً
كل سنة وزميل البورض اقرب اليك صدقا ومودةً وكرماً
تقبلي خالص ودي واحترامي
ويسرني أن اسجل على هذا البوست أولى
خطوط التعارف والتواصل
تحياتي لزميل البورض
عاطف
| |
|
|
|
|
|
|
|
|
 Re: كل (نص) سنه وانت طيب يا زميـل البورض ! (Re: عاطف رميتي)
|
Quote: ل سنة وانتي طيبة
كل سنة والامل الاخضر بيننا والجميع هنا يمتد بامتداد الكون
كل سنة وانتي تحملي التفاؤل فرحاً
كل سنة وامانيك العراض ضود البنان تتحقق
كل سنة وانتي بيننا نبض يتجدد القاً وفرحاً وجمالاً
كل سنة وزميل البورض اقرب اليك صدقا ومودةً وكرماً |
الاخ عاطف ,
حقيقه اخجلتـني بكلماتك الرقيقه ,
انبسطتا منك بالجد ياخ
تسلم يارب وكل ست شهور وانت طيب ..
تحياتي ..
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: اسماء الجنيد)
|
سـومه الجميـله ازيك ..
| Quote: قبل ما بكرى يكمل الارشفة بتلقى روحك فى السعودية |
كمان ما (للضرجـه) دي
سبحان الله ونستنا ديك بتذكرها زي كأنها امبارح ..
انشالله ربنا يديك العافيه ويسعدك يا سومه على قدر نيتك الحلوه دي..
تحياتي للفاتح والعيال يا عثل..
| |
|
|
|
|
|
|
|
|
|
Re: كل (نص) سنه وانت طيب يا زميـل البورض ! (Re: إسماعيل وراق)
|
| Quote: بالمناسبة دي دعواتكم لأخونا بكري ابو بكر بالصحة والعافية بصفته صاحب (البورض) الذي جمعك بزميل (البورض). |
والله يا اسماعيل ,
سيد البـورض دا بدعي ليهو كل ما اركع ,
واقول انشالله ربنا يديهو الصحه والعافيه ويكتر قروشو عشان يعمل (بورضات) تانيه ويخلي لينا دا
بالجد .. مـا اظن بكري ابو بكر يكون عمل معروف في زول قدر المعروف العملوا لينا (تمبس وأنا) ..
شاكره امنياتك الطيبه .. وكل سته شهور وانت طيب ..
| |
|
|
|
|
|
|
|
|
|
Re: وانت طيب ياخ .. برجعو من المداخله الجايه .. (Re: السيد المسلمي)
|
والله يادكتورة استثنائيه لامن استثنائيه
أشد على يدك واوصى الجميع باتباع نهجك للاحتفال
والتهنئه بالحاجات السمحه اصلها بقت قليله شديد..
وأكرر مع الجميع:
عقبال انصاص المية سنه الجاية كلها (مادام نص قرن مانفع معاك)
تهانينا وكميات دعوات بالتوفيق والحفظ ليك ولتمبس والجميع...
| |
|
|
|
|
|
|
|
|
 Re: وانت طيب ياخ .. برجعو من المداخله الجايه .. (Re: محمد عمر جبريل)
|
ألف مبروك د. داليا وتامبا (زميل البورض) .. مرور نصف سنة على زواجكم الميمون .. غايتو أنا ما عارف لكن زميل البورض ده أكيد أمو داعيلو في ساعة استجابة عشان يلقه إنسانه بكل هذه المشاعر والروح الإنسانية الجميلة دي... بختك ياعم تامبا ..وأكيد إنت تستاهل ...
مع خالص تحياتي وتقديري ؛؛؛
| |
|
|
|
|
|
|
|
|
|
Re: وانت طيب ياخ .. برجعو من المداخله الجايه .. (Re: فتحي الصديق)
|
تمبس وداليا
Quote: وكل الذين هم خارج المساحة وفي نيتهم أن يكونوا معنا..
|
الف مليار مبروك مرة ثانية
وأسأل الله أن يجمع بينكما بالمودة والمحبة والوئام والاتفاق الدائم
وأن يكفيكما شر الحاسدين والحاسدات والراصدين والراصدات.
Quote: وكل الذين هم خارج المساحة وفي نيتهم أن يكونوا معنا..
|
فعلاً يا تمبس كنت في الرياض سنتين قبل ما انتقل إلى الجبيل وكنت اتمنى لقائك ولكن كانت المشاغل صعبة
كلو ما امشي قبيرة (من الدخل المحدود) مطعم العباسية سابقاً اتلفت اقول ممكن الشفت دا حايم بي جاي
ما بتكيف إلا لي العباسية اتخل على الرغم من افتتاح مطعم ريم وغيره.
وكنت ايضاً اتمنى ان اكون في السودان واحضر زواجك - بس كدا انت عاجبني ساكت في الله
الصادق
| |
|
|
|
|
|
|
|
|
|
Re: وانت طيب ياخ .. برجعو من المداخله الجايه .. (Re: فايزودالقاضي)
|
دلوش وتمبس
كل نصف عام وربع وعام كامل وانتو بخير.
غايتو يا تمبس انت اشكر بكري لما تقول بس!
ونحن نشكر داليا لما نقول بس...لانها غيرتك لينا من حكاية الفوره دشليون دي(كااااااك)!!
عارفه يا دلوش....في يوم حفلة البجا والكترابه قايمه
وبعد مرقته بره وهتفته..مان من المروقا معاي عمر منوصر و الخير عضو البورد
ولقينا ياسر طيفور بره...وبقينا نصتور عشان لقاءنا....ويشيل عمر ويقول لهم تراجي
دي تجيبوها جنبي كيه لتمبس ونضحك من جوه فشفاش قلبنا.
غايتو تمبس ما بعرفوا الا بجنونه هنا بعرف قلبه ابيض....
الا كان نسابتك كلهم زي عمر منصور فيا بختك امك داعيه لك
ديل ناس طيبين خلاص.
وضحكتني يا دلوش بت الجنيد دي
Quote: دلوش الحبيبة سلامات ومشتاغون كميات والله
تتذكري يا دلو لما قلت ليك اديها صنة يا بت الايام والشهور بتجري ؟
اها كمان اصبري ربيع السنة دى قبل ما بكرى يكمل
الارشفة بتلقى روحك فى السعودية كل لحظة وانتو طيبين ياخ |
بري يا يمه يبروا داليا وتمبس من صبرا قدر ده....ربنا يلمهم سريع
وتتجازى الاجراءات البتأخر الاحبه عن اللقاء .
| |
|
|
|
|
|
|
|
|
|
Re: وانت طيب ياخ .. برجعو من المداخله الجايه .. (Re: Tragie Mustafa)
|
Quote:
داليا ، تمبس ....من كل قلبي : ربنا يحفظكم ويغطيكم ويديم عليكم نعمة المحبة ويرزقكم بالبنين والبنات ويبعد عنكم العين ...
|
والله شايف دعاء ود القاضي دا أشمل حاجة ويمكن توفر علينا كثير من الحبر !!
والله تستاهلوا كل جميل ، ورائع أن يحتفي المرء بالمحبة جهرةً !!
النصف سنوية دي يادكتورة عطلت بوست المايقوما ، خلاص كفاية أفراح ، هيا للعمل!!
تمبس : مافيها (نص) خروف كدا على الماشي ؟؟
| |
|
|
|
|
|
|
|
|
|
Re: وانت طيب ياخ .. برجعو من المداخله الجايه .. (Re: عبد اللطيف بكري أحمد)
|
| Quote: بِالله يا داليا عليك الله ما تأصِلي لينا أعياد نُص السنة وتثبِتيها لينا لامِن تبقى حقيقة وواقِع ، هسِع بِت إبراهيم ، أولادا يِحدِثوها بِالعيد الظهر جديد ده ونبقى فوق دق لي دهب وإشْتري لي توب ، إنتو ما عِندكُم رحمة كلو كلو ياخ ... عاد نِحنا غُربتنا دي جت نقوم نقضيها فوق عيد ميلاد وعيد فطر وعيد أضحى والكِريسماس وشم النسيم وعيد الحب وعاشوراء ... ده شنو ده ... ده شنو ده |
غايتو يا عزام الله يحلك من المشاكل جابر واخوانو
عالم تمباااااا وداليا كل ستة شهور وانت بالف خير وسعادة وربنا يديم عليكم المودة والرحمة .
اسال الله يجيبك الرياض فى اليومين ديل كان تعرفى تحسبى اسبوع خلى الست الشهور بتاعتكم دى
| |
|
|
|
|
|
|
| |
داليا الكباشى
Ahmed musa
معاوية عبيد الصائم
khaleel
على محمد على بشير
عزام حسن فرح
د.محمد حسن
jini
فتحي الصديق
سلمى الشيخ سلامة
معاوية عوض الكريم
ALZOLZATOO
الامين موسى البشاري
waleed dawash
طارق جبريل
اسماء الجنيد
إسماعيل وراق
محمد البشرى الخضر
haroon diyab
Amani Al Ajab
محمد عبد الماجد الصايم
احمد الأمين على إدريس
ALGARADABI
Abd Alla Elhabib
MOHAMMED ELSHEIKH
Ehab Eltayeb
سيف بخيت موسي
نادر النور آدم
tmbis
Mayada
محمد عمر جبريل
إدريس محمد إبراهيم
خالد العبيد
العوض المسلمي
الشاذلى خيرى عبد الله
الصادق صديق سلمان
فايزودالقاضي
Tragie Mustafa
Yousif A Abusinina
Mohammed Awad
Ahmed Abdallah
فيس بوك
تويتر
انستقرام
يوتيوب
بنتيريست