|
|
 طعرصة مرة يقلب اخر الضحك بكي!!
|
اذكر وأتذكر جيداً كل الاماكن التي خطتها قدماي
من شوارع وازقة ومصانع وشركات.
اتذكر بعض الوجوه والمواقف المحزنة منها والطريفة
وبعض التي تجعلني احب السودان والسودانيين حتي
وان بدر من احد من حماقة وعنصرية.
ولكن يبقي اسماء البعض معلقة في كعبة وجداني
واذكر منهم عبد الفتاح منصور العاليابي وعصام الدين
يحي ذلك النوبي الاصيل أصالة الشعب السوداني القامة
وحسن الصومالي احد ابناء الصومال الذي تربي في
كسلا.
جمعنا الأقدار في مصنع مأمون البرير للصناعات الغذائية
بالخرطوم بحري. اي بالتحديد المنطقة الصناعية.
وبجيكم راجع لاعرفكم بأكبر (.........) عرفته
في حياتي.
|
|
  
|
|
|
|
|
|
|
 Re: طعرصة مرة يقلب اخر الضحك بكي!! (Re: محمد عبد الماجد الصايم)
|
النقاطوالنقاط الجوة يا عمك من عمايل بكري
عشان كدا أنا فصلت حروف الكلمة في التانية
وبين مفردة الكلمة والمعني اللي أنا قاصدو لانو
ظهر انو الكلمة دي محظورة رغم أني ما عارف ليها
معني غير اللي أنا عرفته والتانية هي من يفشي الأسرار
او النمام.
وشكراً علي مداخلتك
| |
|
|
|
|
|
|
|
|
 Re: طعرصة مرة يقلب اخر الضحك بكي!! (Re: Albino Akoon Ibrahim Akoon)
|
مع احترامي للجميع فان مصطلح الطعرصة او المع ر ص
في قاموس المنطقة الصناعية بعيدة تماماً عن اي معني قد
يطرأ علي البال فالكلمة تستهدف ذلك الشخص اللبق الذي لا
يفوت عليه اي خطأ شفهي او اي كلمة وتأويلها لنكتة قد تكون
قاسية او خفيفة الوقع بل كل ما يهم هو الطرافة والفكاهة.
في القسم الهندسي كان المسئول عن ذلك القسم هو الباشمهندس
يحي حسن المصري'مصري الجنسية' وهو شخص محترم ، وعصام
الدين يحي اللحام ( وهو معلمي بحكم أني كنت تحت اشرافه كطالب
من مركز التدريب المهني ) اما حسن الصومالي فهو خراط.
بينما عبد الفتاح منصور ما نطلق عليه براد صيانة اي الشخص
الذي يجمع ما بين كل المهن من خراطة لحام وكهرباء وميكانيكا.
وأظن ان هذا ما جعل من طعرصته طعرصة ممتهنة بكل درجات المهنية.
| |
|
|
|
|
|
|
|
|
 Re: طعرصة مرة يقلب اخر الضحك بكي!! (Re: وليد محمد المبارك)
|
وانا كنت بسال نفسي
ليه الكلمة اللي أنا كتبتها بقت نقاط بين قوسين؟!
والمحنة زادها ود الصائم بضحكتو المرحة وسؤاله
الدخلني بين ضفريني.
غايتو يا ود الصائم لقيتك عجيب ( خائف لو كتبت الكلمة
يقوموا الجماعة ينقطوها)
ويا وليد أنا ما قاصد ألفي بالك عشان ما عايز ود الصائم
يزعل مني!
لس خلوني في عبدالفتاح منصور!!
وعشان نتم الريونيون!
اطلب من صاحب البوست القال:
الراح ليهو صاحب بجيهو بهناك وهو بيلقاهو ليه عشان
بالمرة يجيب لينا عبدالفتاح منصور بي جاي.
ومشكورين
| |
|
|
|
|
|
|
|
|
 Re: طعرصة مرة يقلب اخر الضحك بكي!! (Re: 7abib_alkul)
|
حبيب الكل.
شكراً لحسن ظنك. انت من بيئتك الجامعي ليك
راي وتعاريف اخر لكلمة(......) وانا من بيئة المنطقة
الصناعية لي تعريف تاني وعشان كدا جبت الكلمة بدون
لف ودوران لأني وبمحدودية ثقافتي ما عارف لي تعريف تاني
غير الاوردته.
علي كل حال بشكرك مع اعتذاري للجميع. وياريت بكري نقطتها
في العنوان عشان نتفادي الأحراج دا كلوا.
وعليك الله يا بكري احذف لي الموضوع دا وعفي الله عما سلف.
ما اعتذاري للجميع لعدم توفيقي في هذا البوست .
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: وليد محمد المبارك)
|
يا وليد بطل الكلام في السياسة ذي ما قال أخونا
وخلي بكري يحذفها بدل ما قخليها في العنوان وينقطها
في الوضوضوع. واوعدك وعد ما بين القوسين أني حارسلها
ليك في الخاص دا لو بكري ما لحق ينقطها كمان. وأسألك سؤال
بلسان عبدالفتاح منصور( ودا سؤالو المحبذ):
لقيتني كيف؟!
هاهاهالول.
او لسان أمهاتنا في بحر الغزال في التمانينيات:
(...) بيدق أي يويييييو.
---------
والله النقاط مني وما من بكري والكلام بلغة
الدينكا واليشرحوا ليك اخوي سانتو رغم انو
ما عضو في المنبر. واكان لقيتو، بعفيك من
السؤال :(لقيتني كيفك)!!
وتسلم يا ود المبارك باركك الله.
| |
|
|
|
|
|
|
|
|
 Re: طعرصة مرة يقلب اخر الضحك بكي!! (Re: Albino Akoon Ibrahim Akoon)
|
| Quote: عبد الفتاح منصور العاليابي |
.. | Quote: جمعنا الأقدار في مصنع مأمون البرير للصناعات الغذائية بالخرطوم بحري. اي بالتحديد المنطقة الصناعية. |
سلام يا البينو ..
دخلت البوست دا قلت اشوف العنوان دا راشي بي معايير وين ..
لقيتك كاتب عبد الفتاح منصور .. قام قلبي اكلني .. رفعت سماعة التلفون اتصلت على الرجل دا .. لانو عندي معاهو مشاكل كتيرة جدا من أنا صغير .. 
بالله هو صاحبك ..؟
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: tmbis)
|
بطل الكلام في السياسة يا تمبس.
وبي صراحة قربت أسألك من عبدالفتاح
بس خفت تكون انت عبدالفتاح ذاتك.
أنتو عارفين والله ود الباوقة هسع بيجني بي
جاي ويقول لي: ما قلت ليك يا البينو في فرق
بين النخل والتمر، وبين التمر والبلح!!
والويك اند في الخرطوم بيدأ يوم بيع القميص
وفي الغرب بيدأ وما التبيع سبتك(بعربي جوبا)
ولا عزاء للنقاط الثلاثة فوق السين، فسين اهل
جوبا عندالله شاه!!
وعليكم الله خلوا الشاه في حالوا لانو ايران ما
ناقصة اليومين ديل!!
هاي لوو.
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: قلقو)
|
تقول عليه شنو وشنو؟!
ياخي اختشي!!
كلماتك دي كان حقو بكري
ينقطها لينا!!لوول
ياخي انت بقيتني شاعر وانت الملحن.
وعشان بكري خاطر عيون بكري، خليني
اعرف كلمة بقيتني دي:
ما من بقة ويا ناس العربي الحقوني،
جني الواو الفوق الباء بتقولوا عليهو شنو.
غايتو مصائب الدينكا (في العربي) عند
العرب محن.
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: Albino Akoon Ibrahim Akoon)
|
Quote: بطل الكلام في السياسة يا تمبس.
وبي صراحة قربت أسألك من عبدالفتاح
بس خفت تكون انت عبدالفتاح ذاتك.
|
..  .. طبعا يا البينو عبد الفتاح دا زمان لما كان بيلعب في اشبال الموردة .. والكورة في دار الرياضة .. بمشي اقعد ليك بي وراهو .. في الجهة بتاعت المصاطيل .. وديل طبعا اكبر ( ... نقط نقط ) في الدنيا .. مصطايل وفي دار الرياضة .. والله إلا تقول ما عايز ..
هو موردابي وأنا هلالابي .. ياخ لما يجيبو ليك فوقو قون .. الجماعة ديل بدوروهو ليك .. لمن يعرف حاجة .. طبعا كانو عاملين ليهو أغنية ..
انا الكورة من شدة ما بيمتعوني ليك الجماعة ديل ما بفهم فيها اي حاجة .. انا بدخل عشان اقعد وراء فتاح في القون .. بالذات الجمبه بتاعت المصاطيل ..
غايتو الوكت داك لو عرفتك كان اديتك أغنية واحدة بس .. لكن بعداك تشيل شيلتك لانو بيفرج فيك ..
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: Albino Akoon Ibrahim Akoon)
|
| Quote: وياريت بكري نقطتهافي العنوان عشان نتفادي الأحراج دا كلوا. |
يا بوكو نقطا ليو عليييييييييييييييييك الله ,,
البينو كب جرسلين ألف,, نقطا ليهو عليك النبى,,
إنت يا البينو ما كان تكتبا بالرندوك عشان بكرى دا غول بنوم سنو وبصحى سنة,,
أو بى عربى تا جوبا,,,,
ذكرتنى النكتة بتاعة الزول الدفع للبنات فى الحافلة,,
تحياتى ,,
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: طارق جبريل)
|
البينو سلام
وباقي الشباب
كان معانا واحدة في الجامعة قالت لعمك بتاع المشرعة راجل طيب جدا
يا خ بطل التعريض بتاعك دا وقاصدة معني الكلمة ذاتو عمك سمع ليك الكلمة بطل ال(.........) بتاعك دا وقام زعل جدا بقينا في البحلنا من عمك دا لانو كان مشي ووصل الكلام للمسجل وبق (......) واطتنا اصبحت
غايتو الله يديكم العافية كلكم
الواحد جاهو وجع شراشف من ال
البوست ملان اصحاب سوابق الله يخارجنا من الحكاية الموت مع الجماعة عرس
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: الفاتح سليمان)
|
Quote: أنتو عارفين والله ود الباوقة هسع بيجني بي
جاي ويقول لي: ما قلت ليك يا البينو في فرق
بين النخل والتمر، وبين التمر والبلح!! |
فعلا يا البينو
انواع التمر
البركاوي
بت تمودة
ود لقاي
المشرق ودي كلها انواع للاكل فقط
اما الجاو والكرموش فهي متعددة الاستعمالات
وتستاهل الشقى والعذاب
تستاهل اكثر من كدا قليبي دا ...
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: ود الباوقة)
|
Quote: والويك اند في الخرطوم بيدأ يوم بيع القميص
وفي الغرب بيدأ وما التبيع سبتك(بعربي جوبا)
ولا عزاء للنقاط الثلاثة فوق السين، فسين اهل
جوبا عندالله شاه!! |
اكينو
يظهر انو صامولة الويك اند حلجت عندك
بقت كابة على طول ...
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: طارق جبريل)
|
طبعاً أخوكم كجنوبي عاش في الشمال لأكثر من 16 سنة
ودرس بالعربي وكان بيحاول نطق العامية السودانية بسلاسة وفصاحة
ووصل لقناعة انو فصيح وكدا( بشهادة اولاد وبنات الحلة، من الرطانة
من الغرب والجنوب).
كنت بتجدع ومصدق أنو خلاص كاتلا، بس دا كلو راح شمار في مرقة
بعد اسبوع من شغلي مع المعلم عبدالفتاح.
اول ما قلت ليه يا معلم، قال ليه أنا ما(مآلم) أنا معلم.
غايتو اكل الدرس الاول في حنكي، تلاتة ايام او اكثر بردد في نفسي
كلمة معلم ومآلم لحدي ما عرفت الفرق بين الاتنين.
بعد كم اسبوع كدا، صحبي السياسي دا قلب لي لحرف الهاء والحاء
وكلما انطق اي كلمة فيها هاء كان يضحك لمن يغلبوا الوقوف.
غايتو كرهني ليك العربي ولو كان ليعرف يرطن دينكاوي
كان قلبت اي كلام معاه لي رطانة!!
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: Albino Akoon Ibrahim Akoon)
|
رغم (****)، الا انو عبدالفتاح لقني درس وخلاني
عرفت انو نحن الرطانة ديل في باقي حروف الواحد ما بينطقها
صح الا يخنق نفسو!!
-----------
اهل بدل النقط بدلتها ليكم بي نجوم!!
انشاءالله يعجبكم كدا.
أنتو عارفين (ال***ن) ما بيعجبهم العجب وبالمرة
أشكركم لل(***) وحسن المتابعة.
واحا نحن بنتآلم من بعض!!
| |
|
|
|
|
|
|
|
|
|
Re: طعرصة مرة يقلب اخر الضحك بكي!! (Re: Ammir Mohamed)
|
شكرًا. للمرور يا امير.
غايتو قصتي مع العربي فلم هندي بس.
اول ما جينا الخرطوم في سنة 85 جهجنا ليك
ادم الفورواوي سيد الدكان( مع احترامي للفور وأهل دارفور)
مشينا ليه واديناهو طرادة وقلنا ليهو عايزين "مردود"
يا زول صحبك احتار حيرة الجن، بدا يوصف من اعلي الرف
ويسأل دا، الوقت داك كلمة لا ذاتها ما عارفنو فكنا بنهز الريسين
ونتمتم " أؤم اوم" .
صحبك ادم وصف لحدي ما يدو وقع في الدكوة بعد 15 دقيقة
وهزيت راسي بإشارة ايوة دا بس.
يازول صحبك من الزمن لحدي أوخر التسعينيات قاديني بسؤال،
كلما يشوفني يقول لي عايز مردود!!.
| |
|
|
|
|
|
|
| |
Albino Akoon Ibrahim Akoon
محمد عبد الماجد الصايم
وليد محمد المبارك
جلال جبريل
7abib_alkul
قلقو
نور الدين عثمان
معتز تروتسكى
tmbis
أيمن الطيب
طارق جبريل
الفاتح سليمان
يحى الشريف
بكري عباس علي
فيس بوك
تويتر
انستقرام
يوتيوب
بنتيريست