شكرا حمور زيادة فقد أثبت أنك كنت تستخف بعقول قرائك

Quote: خلاص تركت الاختباء خلف إصدارة روزمين وجئت تحتمي خلف محسن خالد؟ يبدو أن الذي رشحك للقيام بذلك الدور في تمثيلية روزمين محنة الحرف والحياة الخاصة قد اختار ضحيته بعناية !! بين شكك في كونها شخصية وهمية يعبث بها هشام آدم وبين اطلاعك على خصوصياتها في أقل من أشهر يبدو استغفال حمور زيادة جليا في مهزلة الرجال الذين وصفهم سعيد المزيف!

يا ابو الحبوش انا من يوم 25 مايو حارسك ترد عليّ في موضوع احكامك الأدبية او في الخارم بارم الانت كاتبو هنا عني ..
رديت عليّ ؟
قعدت تتزاوغ يمين و شمال و تحتمي خلف اللولوة و تختبئ خلف غبار الجن و الجنبو.
هسه كان ما غبار الجن المغتي عليك كلامك الانت كاتبو ده ما عوارة عليك النبي ؟
يعني حافرض معاك كدي ده انو انا كنت شاكي فعلا انو روزمين دي هشام ادم ساي كدي ده .. حافرض معاك رغم انو الكلام الانت اقتبستو في اول البوست ما داير شرح و واضح لاي زول و جا كمال عباس كتر خيرو شرحو ليك تاني لكن نقول شنو بس في البوامة .. أها فلنفرض اني مش شاكي .. لأ كنت متاكد انو روزمين عثمان دي ياها هشام ادم و انها تكتب من ايرلندا ببروكسي في الشرقية ..
في ذمتك الخربانة دي يا الحبشي أقل من أشهر الانت قلتها دي ما يموتو فيها ناس و يحيو ناس تخليني اتأكد انو روزمين عثمان شخصيةحقيقية و نبقى اصحاب و اعرف المشكلة الاتعرضت ليها ؟
هسه انت كان زول نصيح كده و راسك ده فيك ده كلام تكتبو ؟

Quote: بين شكك في كونها شخصية وهمية يعبث بها هشام آدم وبين اطلاعك على خصوصياتها في أقل من أشهر

كدي نخليك انت و نعرض كلامك ده للقارئ الغبي الانت شايل حسو ..
بالله يا عزيزي القارئ الأنوك شوف زي المحن المفروض نواجها في الحياة الدنيا دي ..
هسه كلام الحبشي ده مش ياهو البيقولو عليو لا تمحنا لا تبلينا ؟
الحبشي زعلان و هايج و نفسو قايم و حتجيهو جلطة و منتفخ الأوداج أشعث أغبر يرى عليه أثر السفر من كترة اللولوة عشان في فهمو اني كنت شاكي في حقيقة شخصية روزمين و في اقل من أشهر بعدها بقيت مطلع على خصوصيتا.
اضحك عزيزي القارئ الغبي فهذه المتعة تقدمها لك سودانيز أون لاين وحدها و لا مكان اخر غيرها.