شكرا حمور زيادة فقد أثبت أنك كنت تستخف بعقول قرائك

Quote: الأخ قيقراوي وعليكم السلام ورحمة الله وبركاته. شكرا لعنايتك بالبوست . الآن عرفت يا قيقراوي أن ولغ لا علاقة لها باللغو كما حاول حمور أن يزين لكم سابقا .

بطل اشاعات ياخ
انا و الله . . و ركز لي على ( و الله ) دي . . ما حصل سمعت - تقرأ قريت بالاضان - حمور بقول انو ولغ من اللغو ، و الله على ما اقول شهيد ، بل فهمتها كما شرحها بنفسه في البوستن دا ذاتو . . .
اها قصرت معاك ؟

سوم سانين - و كان في نقطتو الاولى الجا ليها : منو القال ليك انا معتني بالوست دا عشان حضرتك ؟ . . يا زول !؟ انت كدا ما لغيت عقول قراءك ( الاذكياء ) ديل تماماً . . هم ما بعرفوا يقروا عربي ساي يا كافي البلاء !!؟ . . حالة اخير منها العرس . . ( مسيرين للشفقة )
تعرف غبارك الكثيف الجاي تنثروا هنا دا ذكرني قصة الزول البطنو كعبة و راكب حافلة سفرية - تقرأ بالاضنين اسفيرية - اضطر يوقفا في نص الطريق :
الركاب ناقشين و عاملين رايحين . . زولنا لحظّو الكعب الدنيا صحراء ساااااي
المهم خلّص في اقرب محل لقاهو ( المثل السري بقول البتلفّت كتير ما بعملا قريب ) . . و الركاب عارفين و عاملين ما عارفين
صاحبنا جا راكب و الركاب يع عاملين ما عارفين . .
ما عارف ليه - سؤال من الراوي ببراءة شديد - صاحبنا حس انو مطالب بتبرير ! قام كدا فاجع ليكم الركاب بـ : و الله استفرغت لي جنس استفراغ !!!!!!!!!
زننننننننننننن . . .
يشكك بعود مرة تانية . . المافي شنو !؟ . . هو الموضوع ولغ و لغى و قراء و جرجير بيني و بينك ؟ . . شفئ يا راااااااااقل !؟ . . يا زول الاستفراغ عافيك فيهو . . الهراء شن قولك فيهو ؟
يا زول قضيتي * واااااضحة لكل ذي ضمير حي . . ان شئت فنظف نفسك من اثمها و ان شئت بوء باثمها الى يوم الدين و انتصر لذاتك الموهومة .

اها يا الركاب . . شن قولكم انتو - و رهاني عليكم سعيد - افتونا في أمرنا و قبلان حكمكم . . محمد الحسن دا انا قنعت من خيراً اتوسمتو فيهو تب !! . . و حسبي الله و نعم الوكيل . .
اما انت يا محمد بن الحسن فموعدنا يوم التغابن . . و ما ادراك ما يوم التغابن !؟
و ما تقول لي عارف . . المعرفة قالوا عنها ( العارفين )

Quote: واليقين كما يقول القوم هو نهاية الـمعـرفة، و"من عمـل بما يعلـم أورثه الله علم ما لم يعلـم" تجربتى: البحث عن أمن اليقين....!! .

-----------

* القضية يا قول سيدي و حبيبي و شيخي د. تاج السر جعفر الخليفة
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة - أينما اتجهت - لكي تبقى دليلا للحياة

و الله يا محمد ليس رداً لها بـ ( أحسن ) منها . . لكن بالجد عندي حياة خارج البورد دا تلزمني بألا اخوض في مثل هذا
عليه . . على الموعد طالما استمرأت ( اللولوة ) . . و بالجد كنت عشمان فيك . . و لو غيرت رايك بسحب كلامي دا
غير كدا موعدنا هو موعدنا
الآن - لو ما كنت بتمثل انك رايح - عرفت اني رفعت البوست دا لشنو ؟!
فتك بعافية
و نتلاقى في زمن جاي افيد لي و ليك
و السلام عليكم و رحمة الله و بركاته

(عدل بواسطة قيقراوي on 06-13-2010, 09:30 AM)