|
|
|
 Re: ما هو المزمار ؟ (Re: Kabar)
|
فِي الْصُّبْح الْبَاكِر
رَايْت صَبَايَا فَارِس
يَغْسِلْن النَّهْد بِمَاء الْصُّبْح
فَيَنْتَفِض النَّهْد
كُرّاس الْقِط
مِن الْغَسْل
| |
 
|
|
|
|
|
|
|
|
Re: ما هو المزمار ؟ (Re: Kabar)
|
يا كبر
وجودك هنا مهم ياخي , البوست ده ما شعر ساي
البوست فرع من (ماهو المعيار ) لكن ده بتاع فنون
عاوزين نشوف الرأي شنو ؟
ننكر الكلام ده كلو كو
ولا نسوي شنو ؟
| |
|
|
|
|
|
|
|
|
Re: ما هو المزمار ؟ (Re: خدر)
|
Quote: عاوزين نشوف الرأي شنو ؟
ننكر الكلام ده كلو كو
ولا نسوي شنو ؟ |
لا ياخ كيف تنكروا دا كلام جنس بس جاء في سياق ادبي لابد ان يفهم في غير ما يظهر للعامة , فالجنس عندما ياتي في سياق ادبي يصبح مباشرة مدعاة للاحتفال به والاشادة
اولم يصلك راي ( لجنة المعايير ورقابة نصوص البورد؟)
| |
|
|
|
|
|
|
|
|
|
Re: ما هو المزمار ؟ (Re: خدر)
|
ألا لا ألا إلاَّ لآِلاء لابِــــــــثٍو لا لا ألا إلاَّ لآِلاء مـــن رَحَـــلْ
فكم كم وكم كم ثم كـم كـم وكـم كـمْقطعـتُ الفيافـىِ والمَهامـهِ لـم أمـلّْ
وكـاف وكفكـافُ وكـفّـى بكفّـهـاوكافُ كَفوف الوْدقِ من كفّهـا انْهَمـلْ
فلو لو ولَوْ لْو ثـم لَـوْ لَـوْ ولَـوْ لَـوْدنا دار سلمى كنـتُ أوّلَ مـن وصـلْ
وفى فى وفى فى ثم فى فى وفـى فـى وفى وجْنتَـىْ سلمـى أٌقّبـل لـم أمَـلْ
وسَلْ سل وسَلْ سل ثم سل سل وسل سل وسل دارَ سلمى والربـوعَ فكـم أسـلّْ
وشَصْنلْ وشصْنلْ ثم شصنلْ عَشصنَـلٍعلى حاجَبىْ سلمى يزيـنُ مـع المٌقَـلْ
حجازيـة العينْيـن مكّـيـة الحـشـى عراقيّـة الأطـراف روميّـة الكَـفـلْ
تِهاميّـة الأبــدانِ عبسـيّـة اللَّـمـى خزاعيـةُ الأسنـانِ دٌرَّيــة القُـبَـلْ
فقلـتُ لـهـا أيّ القبـائـل تُنسَـبِـى لعَّلَى بين الناِس في الشَّعـر كَـيْ أسَـلْ
فقـالـت أنــا كنـديّـة عـربـيّـة فقلت لهـا حاشـا وكـلاّ وهـل وبـلْ
فقـالـت أنــا رومـيّـة عجمـيـةُ فقلت لها وَرْخِيزْ بياخُـوش مَـنْ قٌـزَل
ولا عبتُها الشّطْرَنْـج خيلـى تَرادفـتْ وَرُخّـى عليهـا دارَ بالشـاهِ بالعَجَـل
فقالـت ومـا هـذا شَطـارةُ لاعــبٍ ولكنَّ قتل النفـس بالفيـل هُـو الأَجَـلْ
فناصبتُهـا منصـوبَ بالفيـل عاجـلاً من اثنين في تِسْـعٍ بِسِـرعٍ فلـم أمَـلّْ
وقـد كـان لعبـى كـلَّ دَْسـتٍ بقبلـةٍ أقبّـل ثـغـراً كالـهـلال إذا أفَــلْ
فقبّلتـهـا تسـعـاً وتسعـيـن قبـلـةً وواحـدةً أيضـا وكنـت علـى عَجَـلْ
وعانقْتهـا حـتـى تقـطّـع عقـدُهـا وحتى فصوص الطّوْق من جيدها انفصلْ
كأن فصـوصَ الطـوق لمـا تناثـرتْضياءُ مصابيحٍ تطايـرنَ عـن شُعَـلْ
وآخـر قولـى مثـلُ مـا قـلـت أوّلاً لمـن طَلـلُ بيـن الجُدَيّـة والجَـبَـلْ
اظن المزمار لامرئ القيس
تحياتي
زاتوووو
| |
|
|
|
|
|
|
|
|
|
Re: ما هو المزمار ؟ (Re: ALZOLZATOO)
|
دا كلام جنس بس جاء في سياق ادبي لابد ان يفهم في غير ما يظهر للعامة , فالجنس عندما ياتي في سياق ادبي يصبح مباشرة مدعاة للاحتفال به والاشادة
ده رأيك ولا رأي منو يا اساسي ؟
| |
|
|
|
|
|
|
|
|
 Re: ما هو المزمار ؟ (Re: خدر)
|
أخـانا خـدر الشهير بي طارق ابو عبيده .. سلامات ..
خليني اقول كلميتن دارو في ذهني لعده لحظات وانا بقرا البوست بتاعكـ دا..
اعتقد يا طارق انو موضوع البوست دا هو (ماهو المعيار الفني , القصائدي , الشعري ...الخ)..
الموضوع يختلف تمام الاختلاف يا طارق عن فكره بوست (ماهو المعيار) ..
النصوص الادبيه , والشعريه والنثريه يمكن ان تكون قيد الاتفاق او الاختلاف ..
يمكن الشعر البيعجبني انا ما يعجب طارق , والبيعجب طارق ما يعجب اساسـي وهكذا ..
ونقوم نحن التلاته نعمل جلسه بتاعت استماع (اسفيريه) لي غناء طارق ابو عبيده وتجربته كفنان (واعـد ) من فناني المهجـر..
ونقول الاغنيه دي سمحه , والاغنيه دي شينه , واللحن دا اشجانا , واللحن دا ابكانا وهكـذا ..
اعتقد انا جميع من في البوست (قيد الخلاف) قد اتفقوا ان كتابات الزميله منال
لست نصـا ولا عملا ادبيا ولا فنيا حتى نطالب بالنقاش حول ماهيته , ظروفه , ملابساته , عجبنا ولا لا ...الـخ
داك دوووم ... ودا تفــاح يا طارق ..
كن بخيـر يا صديقي ..
| |
|
|
|
|
|
|
|
|
|
Re: ما هو المزمار ؟ (Re: أبو ساندرا)
|
الشاعر إبن بئته يا كبير و انت سيد العارفين
في ذمتك في شاعر الليلة بقدر يقول
موجا مقاصر الميت ؟
ياخي ده تشبيه خطير , الشاعر ختّ فيهو روحو كلها
| |
|
|
|
|
|
|
|
|
|
Re: ما هو المزمار ؟ (Re: داليا الكباشى)
|
اخونا دلوش
الموضوع بالنسبة لي ما منال , الموضوع هو الذهنية النحن بنتعايش معاها في المنبر ده فيما يخص قيمة - معيار الاخلاق .
الحبشي هناك عاوز يقول انو في فراكشنات تثتثني مواليها بقيمة التواطء, البوست ده عاوز يخت المرايا قدام عيون جنود
الطيب مصطفي العاملين بفلسفة جحا الشهيرة و الناشطين قولا و فعلا في صفوف التجهيل , الجهل يا داليا بستمر لانو الخوف
من لسان الجهل الطويل ببقي هو الضابط البحكمنا و الحكمة حِجتها في طرف لسانها انو ديل رعاع و ممكن يوسخوا لي قميصي.
الفنون اعلاة و ادناه فيها ما فيها من اوصاف حسية لشعراء سودانيين بعضها مباشر و واضح في معانيه و بعضها مستتر يعتمد
الاخيلة و المعاني مما تعارفت عليه العرب في شعرها. الجنود الذين يجوبون عرصات المنبر العام ناشرين للارهاب المجتمعي
يا كافي البلا لا واعيين بدلالات القصائد و لا مبالين بما بعتري الشاعر كإنسان, انا هنا عاوزهم يجوا يناقشونا.
_____
تاني ما تسأليني , انا آخر مره كتبت فيها 5 سطور كان قبل 4 سنين.
| |
|
|
|
|
|
|
|
|
|
Re: ما هو المزمار ؟ (Re: خدر)
|
مِنَّ البيت جا طالع بي لطف يتكّل
الطيب المفحّل بالقرنفل عكّل
فوق سدرو وتحت توبو الرهيف ومشكّل
يغتس ومرة يقلَع برتكان البركل!
-----------
عكير الدامر
النجيضة:
مالك يا خـدر ؟
| |
|
|
|
|
|
|
|
|
|
Re: ما هو المزمار ؟ (Re: محمد عبد الماجد الصايم)
|
لحظك دار كؤوسه راح الروح سقالى
كنت سمير هناى وكنت نشيد مقالي
قصدي أتم شرابي لكن ما بقالي
عنب الشام بحبه إلا عصيره غالى
ـــــــــــــــ
عبيد عبد الرحمن
ــــــــــــــــــــــ
المعيار يا مولانا فعلاً عجيب
ولو حسن قول المزمار حسُنت
كل افعاله .
| |
|
|
|
|
|
|
|
|
|
Re: ما هو المزمار ؟ (Re: Kabar)
|
الصدير اعطافك فتّرا
النهيد باع فينا و اشترى
الشعر اقدامك ستّرا
رقيصيبو قلوبنا البعترا
يا بدور القلعة و جوهرا
*****
عالى صدرك لخصرك برا
فيه جوز رمان جلى البرا
الخطيبة و ردفك منبرا
يا بدور القلعة و جوهرا
____________
ابوصـــلاح
| |
|
|
|
|
|
|
|
|
|
Re: ما هو المزمار ؟ (Re: Kabar)
|
في رمضان ضحي رجتني رامية ستارة
تفوق ضوء الشمس في بهجتها وانوارا
ماني جاهل امر لكنو قلبي اختارا
ورضيت نفسي بي حالة القضاوكفارة
________________
الخضر ابريم
| |
|
|
|
|
|
|
|
|
|
Re: ما هو المزمار ؟ (Re: عمر صديق)
|
Quote: ردا علي سؤالك يا خدر في البوست المسمي (المزمار) حول الجنس الذي ياتي في صورة ادبية .
في اعتقادي الشخصي ( يظل الجنس هو الجنس ذلك الذي يثير الغرائز ويلهب المشاهر ويستفز الحاجة الاساسية لدي الانسان , ان كتب ضمن سياق ادبي او قدم علي الاطلاق, ان تم ابتذاله او تم التحليق به وحفه بالصور الادبية , هناك فرق واضح بين الكتابة التعليمية والكتابة الدرامية الادبية والشعرية , مجئ الصورة الجنسية ضمن اطار ادبي وحبكة درامية او روائية مدعاة لاستفزاز مشاعر القارئ والهاب حاجته خاصة وان الجنس جاء مصورا تم تقديمه في اطار عام وخلق حوله جوا درامية يجعله اقرب الي التصور والتخيل , الجنس الفاضح الذي يكتب بابتذال قد لا يكون مستفزا مثلما يفعل الجنس الدرامي او الادبي , لذا تجدني هنا اقول ان الجنس الذي ياتي في صورة ادبية يجد الاحتفاء به لانه يلامس اشواق المحتفين به فيجدون له العذر والتبرير حتي يصل البعض الي درجة الاحتفاء به بينما الجنس المبتذل الذي لم يجتهد مطلقه في خلق صورة او خلفية درامية له يظهر لنفس المحتفين بالصور الجنسية الادبية يظهر لهم بصورة صادمة يذهبون مباشرة الي انه شيئ خادش للحياء وغير محتمل .) |
قدمك يسعد الساحة الخدارها مشيط
كفلك عالي اردافك تفر و تخيط
دغمة خشمك الضحوي السحابو مبيت
التوب في الصدر موجا مقاصر الميت
___
علي كده يا اساسي لمن نقرأ مربع الجميعابي ادناه مفروض تحصل لينا كـ ذكور تغيرات فيسلوجية لحظية ؟
| |
|
|
|
|
|
|
|
|
 Re: ما هو المزمار ؟ (Re: خدر)
|
ممتع والله!
كبّر .. أخانا الذي نحب ولا يعلم ـ زي
ما قال أمين خال حمور وأخو بدري .. والطلع مرشوش
حبابكـ ألف ياخ!
كلام أبو صلاح دا لمن تبدا تفرتق فيهو
أدينا مس كول ياخ! ماشين على الويكـ إند وكـدا!
| |
|
|
|
|
|
|
|
|
|
Re: ما هو المزمار ؟ (Re: عمر عشاري)
|
ناوين السفر من كرمكول والكمبو
هوزز رأسه فرحان بالسفر يقنبه
أب دومات غرفن عرقه اتنادن به
ضرب الفجة وأصبح ناره تاكل الجنبه
..
الشغلات الفوق دى يا خدر
من مزامير الهمباتة المرتلة .
..
وبعدين تانى بجيك صاد __ سلامات
| |
|
|
|
|
|
|
|
|
|
Re: ما هو المزمار ؟ (Re: ود شاموق)
|
يا ود شاموق
ده بتاع فرع المَحلب الشايل عمارو و خوخو 
___
انت بتبقي لينا ولا شنو يا علاء , ود الفراش ده الحافظين شعرو اهلنا بس
| |
|
|
|
|
|
|
|
|
|
Re: ما هو المزمار ؟ (Re: GamarBoBa)
|
كم نظرنا هلال ... ما شاقنا غير هلالو
ما أظنّو زلال .... يروينا غير زلالوووو...........ووووو............ووووووو.......ووووووووووب على
(مزمار جحا دا بدى يخش فى الغريق يا فردة ....)
... المهم ....
| |
|
|
|
|
|
|
|
|
|
Re: ما هو المزمار ؟ (Re: amir jabir)
|
| Quote: ما الناس شغاله مرة المسمار مرة الفرار مرة جنبى وحاسه بيه ومرة اغلف اها من نملص عديل |
يا امير لو محتاجة مليص ما حنحتاج ليك بنملص برانا
قول لينا رأيك في الشِعر الفوق ده
المليص ساهل آ خوي .. صعب الرأئ
| |
|
|
|
|
|
|
|
|
|
Re: ما هو المزمار ؟ (Re: خدر)
|
سلامات يا خدر ...
Quote: الجنود الذين يجوبون عرصات المنبر العام ناشرين للارهاب المجتمعي
يا كافي البلا لا واعيين بدلالات القصائد و لا مبالين بما بعتري الشاعر كإنسان, انا هنا عاوزهم يجوا يناقشونا. |
الكلام الفوق ده كبير بالحيل ...
يجو بوين وانت ختيتها ليهم تااااخ كده؟
الديموقراطية دي غيروها ولا شنو؟
عندي سؤال مباشر و اتمنى الجواب يكون مباشر، و اؤكد لك اصحاب من قبل و من بعد لاننا جايين نتفاكر:
وريني انا - عزاز شامي - من ضمن الجنود و الارهاب و الكباب ولا لأ؟
لو من ضمنهم -- بجي اناقشك - بس احتمال صيوان قعدة الشعر يتفرتق ...
| |
|
|
|
|
|
|
|
|
|
Re: ما هو المزمار ؟ (Re: سلمى الشيخ سلامة)
|
سلام يا سلوم
الرباعية دي من اجمل مل قاله الحردلو:
قصبة منصح الوادي المخضر برو
قعدت قلبي تطوي وكل ساعة تفرو
ياخالق الوجود انا قلبي كاتم سرو
ما لقيت من يدرك المعنى وبيهو يبرو
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
تتلاصق خدودولا حجاب لا براقع... يفر خيط بسمة يشبة برقا ليله ساجع
اقيس الفم بودعة والقي الودع واسع ..اقيس الليل بشعره والقي الفرق شاسع
اشوف لمسه ونواعسه جل الباري صانع ..برفع ناعساته ويسبل نظره واقع
اشوف في خده شخصي وفي صدره المصارع ..داير اشوفه غافل داير اشوفه جازع..
خدر ازيك ..مزمار شنو يااخي ؟؟امشي اقرأ حفلتك !!مش قلت ممتحن!!!!
يااخي زولك والله ابدع عديييييل كده اشتغل لينا حفلة ازهل الناس غايتو بختك...
لكن يازول زاتو قريتها مره وااااااحده ما 99 قربت اقوم جاري ...قمة الابداع ..
خدوري تحياتي لناس البيت
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
الاخت عزاز شامى ...
| Quote: وريني انا - عزاز شامي - من ضمن الجنود و الارهاب و الكباب ولا لأ؟ |
المثل المصرى بيقول:
إللى على راصو بطحة ... يحسس عليها!
انتن (كنسوة وبمعية بعض الديوكين) بى صراحة حملتن على البنيّة كل محمل يتجاوز الآراء ويدخل فى حيز الأحكام الأخلاقية غير اللائقة ...
إيه يعنى "إيحائية"؟
"إيحائية" بتوحى بى شنو ممكن ينتقص من قيمة مشاركاتها؟ بالجنس؟
وشنو فى الجنس غريب على إنسانيتنا وتعطّشنا المستمر ليهو؟ عشان يتعدّ "ابتذال" أو "انحطاط" أو أى واحدة من نعوت وديباجات الأحكام الأخلاقية الماكرة الجبتنّها من خلف ستار "إيحائية" هذه ...
والله عيب عليكن وعلى البيشاركّن الراى بديوكية مفرطة ... والعن أبو إحتلال ود حطب الله المخملى ... ونوع الرجال البينتجو ...
نحن فى نصصصصصصص تاريخ الإنسانية ..
مرّت سبعة مليون سنة ... وباقى لينا سبعة مليون سنة تانية .... والكلام المحرّض جنسياً لا بدا امبارح ... لا بنتهى بكرة ...
منال تقول الدايراهو ... ونحب كلاما لأنو بيهبش إنسانيتنا فى الصميم ... ونقول ليها You Rock .... You Go Girl .... وبت السرور ... والكلاما سمح و "فهما" سمح ... و "زينة" وعاجبانا ...
والعندو ليها كلام غير دا ... ما يجى يسلّ لينا كارنيه "الأخلاق" هنا .... يمشى يفحص ...
... المهم ....
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
Quote: عندي سؤال مباشر و اتمنى الجواب يكون مباشر، و اؤكد لك اصحاب من قبل و من بعد لاننا جايين نتفاكر:
وريني انا - عزاز شامي - من ضمن الجنود و الارهاب و الكباب ولا لأ؟
لو من ضمنهم -- بجي اناقشك - بس احتمال صيوان قعدة الشعر يتفرتق ... |
يفرتق راسك
انت جنود الطيب مصطفي ؟
____
إتخارجي سريع من البوست ده .. كورتك فكت و بقيتي حساسة
| |
|
|
|
|
|
|
|
|
|
Re: ما هو المزمار ؟ (Re: خدر)
|
ماها بنية عرب سرحت بي غنم بالوادي
وماها بنية مدن كل يوم تصابح القاضي
ايديك حرير مجدول
ونهدك مسك الفوق الرمال متسادي
دغمة خشمك الضحوة المزرقنة غادي
| |
|
|
|
|
|
|
|
|
|
Re: ما هو المزمار ؟ (Re: خدر)
|
الاستاذ تبارك ... سلامات و لعلك طيب
بنفس الحق أو المبدأ اللي استندت عليهو لتقيم الكتابة مثار الجدل بأنها:
| Quote: منال تقول الدايراهو ... ونحب كلاما لأنو بيهبش إنسانيتنا فى الصميم ... ونقول ليها You Rock .... You Go Girl .... وبت السرور ... والكلاما سمح و "فهما" سمح ... و "زينة" وعاجبانا ... |
من حقي اشوفها ايحائية وأكون على الشط التاني من نهر الرؤى ... حجرك على رأي بيضعك انت ذاتك في اشاكلية مع حرية التعبير عن الرأي
ووصفك للمخالفين بأنهم:
| Quote: انتن (كنسوة وبمعية بعض الديوكين) بى صراحة حملتن على البنيّة كل محمل يتجاوز الآراء ويدخل فى حيز الأحكام الأخلاقية غير اللائقة ... |
اقسمو لينا حبة من الحرية دي علشان ما تكون نظريات استهلاكية ساي!
| |
|
|
|
|
|
|
|
|
|
Re: ما هو المزمار ؟ (Re: خدر)
|
Quote: يفرتق راسك
انت جنود الطيب مصطفي ؟
____
إتخارجي سريع من البوست ده .. كورتك فكت و بقيتي حساسة |
سلامات يا خدر و نهارك طيب
"الطيب مصطفى" استخدامو كان مجاز و انا سألت عن كلامك ده بالتحديد:
Quote: الجنود الذين يجوبون عرصات المنبر العام ناشرين للارهاب المجتمعي
يا كافي البلا لا واعيين بدلالات القصائد و لا مبالين بما بعتري الشاعر كإنسان, انا هنا عاوزهم يجوا يناقشونا |
كورتي ما فكت، ولا انا حساسة، من متين انا حساسة يا خدر في المواقف ولا المبادئ؟
سألتك كي لا ابدأ نقاشا بمغبة الظن ... ولك الشكر على الرد
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
دا إنت القلنا عليك عاقل؟
| Quote: والعندو ليها كلام غير دا ... ما يجى يسلّ لينا كارنيه "الأخلاق" هنا .... يمشى يفحص ... |
على حد علمي ..
الزول/ة اللي بكورك بالقصص دي كتير ودايماً يبقى حقو هو اليمشي يفحص
وقيل قديماً:
الماعون الفاضي كركاب ..
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
صباح الخير عزاز
Quote: الموضوع بالنسبة لي ما منال , الموضوع هو الذهنية النحن بنتعايش معاها في المنبر ده فيما يخص قيمة - معيار الاخلاق .
الحبشي هناك عاوز يقول انو في فراكشنات تثتثني مواليها بقيمة التواطء, البوست ده عاوز يخت المرايا قدام عيون جنود
الطيب مصطفي العاملين بفلسفة جحا الشهيرة و الناشطين قولا و فعلا في صفوف التجهيل , الجهل يا داليا بستمر لانو الخوف
من لسان الجهل الطويل ببقي هو الضابط البحكمنا و الحكمة حِجتها في طرف لسانها انو ديل رعاع و ممكن يوسخوا لي قميصي.
الفنون اعلاة و ادناه فيها ما فيها من اوصاف حسية لشعراء سودانيين بعضها مباشر و واضح في معانيه و بعضها مستتر يعتمد
الاخيلة و المعاني مما تعارفت عليه العرب في شعرها. الجنود الذين يجوبون عرصات المنبر العام ناشرين للارهاب المجتمعي
يا كافي البلا لا واعيين بدلالات القصائد و لا مبالين بما بعتري الشاعر كإنسان, انا هنا عاوزهم يجوا يناقشونا. |
رغم اني لحدي اسة شايف الجملة الانت بتسألي عنها خارج سياق كلامي القبلها لكن حا ارجعك لي كلامي في بوست الحبشي يمكن يأكد تماسك موقفي
Quote: يادوب قريت الكلام كلو كامل بدون فططان و ضحكت لمن إتزكرت في مواقف مشابهة كثيرين من البدافعوا عن حق امال في كتابة ما تريد
وقفوا في المنبر ده و ناصحوا الراكزين في تجويد صنعاتِهم (كتاب - شعراء) وقالوا ليهم و بفم بيادق حريصة علي الحياء العام
و المعيار و .. الخ (الكلام ده لو كتبتو اختك حا يكون موقفك شنو ؟) و ذلك ذبدة إفحام الخصم و منتهي الحُجة في عُرفهم.
اها الليلة اختك ذااااتها تجي تقول ده إسفاف , تجي انت ذاتك نفس الزول القليص القبيل داك , تاني تقيف نفس الوقفة الزمان ديك
و بصوت عالّ تهتف ضد الإقصاء.
___
جهجهتوا الملعقة ياخ |
جنود و بيادق الطيب مصطفي يا عزاز بتحركوا وفق تفكير الطيب مصطفي الاداهو الحق في انو يعدم معظم التراث الغنائي الامدرماني بحجة انو كان قلة ادب ساي او صعلكة زي ما سماها اساسي و ده كان إعتداء علي ثراث و محاكمة و اصدار حكم ضد غائب دون حتي توكيل هيئة دفاع لاصدار حكم غيابي , وين الديمقراطية هنا. في ذهنية في المنبر ,قائدها اليومين ديل الحبشي و الباك اب بتاعها من اساسي بتقول انو نحن ما يسمي بالمستنيرين بنتضامن مع بعض في كِلا الاحوال , في كل ما يخص إنتاج قوي الاستنارة و بالمناسبة بوست المعيار متحرك بالفكرة دي و بستعمل كي ويردز زي (الاقصاء) يعني ما تعارفنا علي تسميتهم بالظلاميين بحاربوا في تيار ما تعارفنا علي تسميتهم بالمستنيرين متبنيين نفس مبادئ المستنيرين ( شفتي الشباب ده حريف كيف ؟). مثلا اساسي في نص نقاشو مع تيسير حول إنها إقصائية برمي كلمة زي (العيب) في نص المداخلة ككريديت لرمانة و الحقيقة انو بمرر في افكارو هو مستخدما مداخلة رمانة
| Quote: طيب مثلا الاخت رمانة انا بحترمها جدا وبعرف انها ما بتحب العيب بل وتعجبت هي نفسها مما اقتبسته من غناء منير ولكن يبقي في النهاية شيئا مكتوبا في المنبر لا اعتقد فيه ايحاء ولكن مباشرة اريد ان اسمع رأيكن في مثل هذا النقل او الكلام المنشور في المنبر ليستقيم ميزاني ولاعرف علي اي ارض نقف جميعا |
شفتي كلمة العيب هنا بعدها بقي كبير كيف و تم استخدامها بي براعة كيف ؟ طيب انا حا افترض انو مافي اي براعة في القصة دي , الواقع بكون شكلو كيف ؟ شكلو انو اساسي كبيدق كبير مرر علينا فكرتو هو عن إغنية نعناع الجنينة بإعتبارها قلة ادب من محمد منير .. ده ما تجهيل ؟ علما بأن نعناع الجنينة دُونت فقط قبل ان يولد منير , و هي من اشكال الانتاج الجماعي الشعبي للنوبة في منطة اسوان و القصيدة جزء من طقسها انها بتؤدي في مجمع عام و يتبادل الحضور إرتجال مقاطعها (و الحضور في إحتفالات القري بتكون عادة نساء و رجال) لا يتحرجون من ذكر الوصف اعلاه علي العكس ده جزء من بثهم لاشواقهم و غزلهم الصريح. اساسي حاكمهم بإختصار بكلمة (عيب) يعني حاكم ثقافة اخري بشروط ثقافتو هو او قولي بشروط تفكيرو هو و مرت مرور الكرام و قطع شك إعتنقها اخرون لانو مافي زول قال ليهو الكلام ده ما صاح. و ده غرض البوست ده, توضيح ما التبس و قبول حوار المعيار بشروط جديدة عشان نمرق من فستان منال ببساطة لانو النقاش ده اكبر من ما تكتبو منال. منال مخلب قط الحبشي بستخدمها بي مهارة لتصفية خلافاتو الفكرية مع الجميع بدون فرز لانو عارف كويس جدا حساسية المستنيرين ورفضهم لفكرة إلاقصاء مثلا رغم انو الاقصاء ده نفسو واحد من اداوات الممارسة الديمقراطية وبالمناسبة انا مندهش ليه المستنيرين بتبرو منو ليه ؟. في حالة منال انا شخصيا ما شايف انو سلاح الإقصاء ممكن نستخدمو معاها لانو خطورتها ما كبيرة علي الانتاج المعرفي الهنا, كتابتاتها حا تحفر قبرها براها بدون اي فراكشنات لانو القارئ حصيف و بعرف يميز , لكن الاقصاء زي ما قلت ليك سلاح مهم و فعال يجب انو ما نتبرأ منو ( تعال كوت دي يا الحبشي) لانو من صلب عملية الممارسة الديمقراطية انك تطالب بإقصاء شخص لاسباب معلومة و تترك لللاخرين خيار تعضيد موقفك او رفضو و النتيجة ديمقراطية سواء اتت لصالحك او ضدك . موقفك يا عزاز و أخريات من كتابات منال موقف يحسب لصالح مستوي الحوار الوصل ليهو المنبر خلال كل السنوات الماضية و مؤشر جيد جدا بوري انو منابر الحوار فرخت نماذج لشابات واعيات لي مواقفهم و ما بخافو من سيف التشهير او الابتذال الممكن يمارسوهو جنود الطيب مصطفي او المؤتمر الوطني لارهاب الناس و فرض سياسات التجهيل علي نحو رمي قوي الاستنارة بي قلة الادب او المعترضات من النساء بالنشاز و ديل يا عزاز من عنيتهم في كلامي بي جنود الارهاب المجتمعي اللي هم فصيل رئيس في قوات الطيب مصطفي العندهم رأي في الفنون ناهيك عن سلوك السودانيات او طرائق تفكيرهن. شفتي الناس ديل جهجهو الملعقة كيف ؟ موقف زي موقفك انت و زميلاتك بدلا عن الاحتفاء بيهو بتتم محاربتو تحت عباية حقوق منال في الكتابة , و منال نفسها كدبوس ضغط ممكن يتم الاستغناء عن خدماتو بسهولة حال الفراغ من المعركة معاكم , فهمتيني اسه؟
المودة عزاز
| |
|
|
|
|
|
|
|
|
|
Re: ما هو المزمار ؟ (Re: داليا حافظ)
|
الضمير في الديس شحدي
يلمس الارداف والثدي
الضفاير دي تواسي دي
وردفك يقلع تتوسدي
.. ابوصلاح ..
ياخدر ياخي سؤال
صوت المغني في بوست دكين صوت منو
واحد قال لي دا انت هل هذا صحيح ام خطأ
طبعا الاغنية مجاراة لاغنية (من قليبو الجافي ) و( من جناين الشاطي )
| |
|
|
|
|
|
|
|
|
|
Re: ما هو المزمار ؟ (Re: داليا حافظ)
|
سلامات داليا
اسامة صاحبي في البوست ده إستشهد بي
Quote: وامكن عاشقي من صحن خدي واعطي قبلتي من يشتهيها
شفت قلة الادب دي |
الناظر للبيت وفق ثقافتو حا يتخيل انو قائل البيت إحدي نديمات مجالس الخلافة الاموية او العباسية بالنظر للغة البيت, عادي جدا ممكن يختها في جابتر قلة ادب زمان و يقفل المنبر و يمشي بيتهم و هو مطمئن لي تقديرو و سعيد بي تقييمو. فات عليهو انو ولادة بنت المستكفي لم يعرف عنها الجنوح لاثارة الغرائز في شعرها, ولادة عرفت بعشقها لابن زيدون السارت بسيرتو العرب, طيب من وين جات قصة (و اعطي قبلتي من يشتهيها) و الجواب في غيرة ولادة التي تخلو من ضابط علي ابن زيدون (كعادة النساء حين تحب). بعض الروايات تنسب البيت لابن زيدون في معرض محاولاته المستميتة لاستعادة قلب ولادة بعد ان تعلق بقلب الوزير بن عبدوس فاشاع ابن زيدون بأنها تكتب البيتين علي اطراف ثوبها
أنا والله أصلح للمعالي وأمشي مشيتي وأتيه تيهاً
وأمكن عاشقي من صحن خدي وأعطي قبلتي من يشتهيها
Quote: طيب ممكن تحاكما جواك لكن ما تطلع ده للعلن للأسباب بعينها ؟ الأجابات مفتوحة ..
طيب ممكن تحاكما وتقول حكمك ـ صاح أو غلط ـ طاخ ؟ الأجابات برضو مفتوحة ..
تبقى الاحتمالات كلها مفتوحة في النفوس البشرية الحايمة وكدة .. |
إذن وعينا بدلالات القصائد او الفنون بمرقنا من فخ محاكمتها بي معاييرنا الثقافية و بخلينا نفهمها في سياقها او زي ما قالت داليا حافظ بعد داك تو تيك ات او ليف ات. اسامة مثلا حاكمها بي قلة الادب (سواء كان مازحا او جادا) إن كان مازحا فهو قد حاكم النص دون الرجوع لمصدرو اولا و البسو معيار ثقافي مختلف ثانيا.
| |
|
|
|
|
|
|
|
|
|
Re: ما هو المزمار ؟ (Re: خدر)
|
| Quote: يا وليد البغني في حوش دكين ده انا |
خدر
ياسلام
.
.
ياسلاااااااااااااااااااااااااام
.
.
ياسلام . . ياسلام
ياريت تكون فهمتها بطريقة استاذنا السر قدور لان لكل واحدة معيار ومزمار
وكما يقول دايما وكما رديت انت للاخ اساسي
اللحن مهم والمؤدي اهم لان كل حرف له موسيقى وله ابعاد معينة
واي تغيير يعمل نشاذ في حلاوة الكلمة والوصف
كما يغني الكاشف (اذكر جلوسسسسسسسسنا على الربى )
وكل اغاني الكاشف تجد فيها عبقرية المؤدي
---
ياخد رمتعك الله بالصحة والعافية
كما امتعتنا .. ياخي صوتك من الزمن الجميل
وياريت تغني لينا (من قليبو الجافي ) لانها لم تعجبني عند الفنان ابو اللامين
وتعال فكها لينا هنا ايديك العافية
وهاك الجدعه دي
الضمير قالي خبروني
الصدر والردف بروني
بالتقيل كادوا يبتروني
وديسة حاجبني مابتروني
قلت لي اساسي قال شنو
| |
|
|
|
|
|
|
|
|
 Re: ما هو المزمار ؟ (Re: وليد عبد اللطيف)
|
ضاوي سـناك لي بريقو راسل لاح بـين عـنابتين عـواسـل
صدرك يـرجح وكـتفو خـاتل رنـا طرفـك للسـيف يمـاثل
بـيه يجــنـدل كل بـاسـل ساحـبة دغـس وخدود اسيلة
* * *
| |
|
|
|
|
|
|
|
|
|
Re: ما هو المزمار ؟ (Re: وليد عبد اللطيف)
|
العزيز خدر
احفظ قصائد ولادة منذ ايام المدرسة ولم يفارقني الشعر الاندلسي منذ ذلك الامد....
لم اكن جاداً في وصفي بكل تاكيد......لكني ولا اخفي عليك طبقت §§ المعيار §§
| Quote: إذن وعينا بدلالات القصائد او الفنون بمرقنا من فخ محاكمتها بي معاييرنا الثقافية و بخلينا نفهمها في سياقها |
ده كلام عقل ... اها وبعدين ??
ـــــــــــــــــــــــــــــــــــــــــــ
كلام سر بيني وبينك..انفقت عدة ايام اقرا واتفكر في بوست المعيار ولم تساورني ادنى رغبة لقراءة ماكتبت الاخت منال !!!!
| |
|
|
|
|
|
|
|
|
|
Re: ما هو المزمار ؟ (Re: خدر)
|
Quote: جنود و بيادق الطيب مصطفي يا عزاز بتحركوا وفق تفكير الطيب مصطفي الاداهو الحق في انو يعدم معظم التراث الغنائي الامدرماني بحجة انو كان قلة ادب ساي او صعلكة زي ما سماها اساسي و ده كان إعتداء علي ثراث و محاكمة و اصدار حكم ضد غائب دون حتي توكيل هيئة دفاع لاصدار حكم غيابي , وين الديمقراطية هنا. في ذهنية في المنبر ,قائدها اليومين ديل الحبشي و الباك اب بتاعها من اساسي بتقول انو نحن ما يسمي بالمستنيرين بنتضامن مع بعض في كِلا الاحوال , في كل ما يخص إنتاج قوي الاستنارة و بالمناسبة بوست المعيار متحرك بالفكرة دي و بستعمل كي ويردز زي (الاقصاء) يعني ما تعارفنا علي تسميتهم بالظلاميين بحاربوا في تيار ما تعارفنا علي تسميتهم بالمستنيرين متبنيين نفس مبادئ المستنيرين ( شفتي الشباب ده حريف كيف ؟). مثلا اساسي في نص نقاشو مع تيسير حول إنها إقصائية برمي كلمة زي (العيب) في نص المداخلة ككريديت لرمانة و الحقيقة انو بمرر في افكارو هو مستخدما مداخلة رمانة
Quote: طيب مثلا الاخت رمانة انا بحترمها جدا وبعرف انها ما بتحب العيب بل وتعجبت هي نفسها مما اقتبسته من غناء منير ولكن يبقي في النهاية شيئا مكتوبا في المنبر لا اعتقد فيه ايحاء ولكن مباشرة اريد ان اسمع رأيكن في مثل هذا النقل او الكلام المنشور في المنبر ليستقيم ميزاني ولاعرف علي اي ارض نقف جميعا
شفتي كلمة العيب هنا بعدها بقي كبير كيف و تم استخدامها بي براعة كيف ؟ طيب انا حا افترض انو مافي اي براعة في القصة دي , الواقع بكون شكلو كيف ؟ شكلو انو اساسي كبيدق كبير مرر علينا فكرتو هو عن إغنية نعناع الجنينة بإعتبارها قلة ادب من محمد منير .. ده ما تجهيل ؟ علما بأن نعناع الجنينة دُونت فقط قبل ان يولد منير , و هي من اشكال الانتاج الجماعي الشعبي للنوبة في منطة اسوان و القصيدة جزء من طقسها انها بتؤدي في مجمع عام و يتبادل الحضور إرتجال مقاطعها (و الحضور في إحتفالات القري بتكون عادة نساء و رجال) لا يتحرجون من ذكر الوصف اعلاه علي العكس ده جزء من بثهم لاشواقهم و غزلهم الصريح. اساسي حاكمهم بإختصار بكلمة (عيب) يعني حاكم ثقافة اخري بشروط ثقافتو هو او قولي بشروط تفكيرو هو و مرت مرور الكرام و قطع شك إعتنقها اخرون لانو مافي زول قال ليهو الكلام ده ما صاح. و ده غرض البوست ده, توضيح ما التبس و قبول حوار المعيار بشروط جديدة عشان نمرق من فستان منال ببساطة لانو النقاش ده اكبر من ما تكتبو منال. منال مخلب قط الحبشي بستخدمها بي مهارة لتصفية خلافاتو الفكرية مع الجميع بدون فرز لانو عارف كويس جدا حساسية المستنيرين ورفضهم لفكرة إلاقصاء مثلا رغم انو الاقصاء ده نفسو واحد من اداوات الممارسة الديمقراطية وبالمناسبة انا مندهش ليه المستنيرين بتبرو منو ليه ؟. في حالة منال انا شخصيا ما شايف انو سلاح الإقصاء ممكن نستخدمو معاها لانو خطورتها ما كبيرة علي الانتاج المعرفي الهنا, كتابتاتها حا تحفر قبرها براها بدون اي فراكشنات لانو القارئ حصيف و بعرف يميز , لكن الاقصاء زي ما قلت ليك سلاح مهم و فعال يجب انو ما نتبرأ منو ( تعال كوت دي يا الحبشي) لانو من صلب عملية الممارسة الديمقراطية انك تطالب بإقصاء شخص لاسباب معلومة و تترك لللاخرين خيار تعضيد موقفك او رفضو و النتيجة ديمقراطية سواء اتت لصالحك او ضدك . موقفك يا عزاز و أخريات من كتابات منال موقف يحسب لصالح مستوي الحوار الوصل ليهو المنبر خلال كل السنوات الماضية و مؤشر جيد جدا بوري انو منابر الحوار فرخت نماذج لشابات واعيات لي مواقفهم و ما بخافو من سيف التشهير او الابتذال الممكن يمارسوهو جنود الطيب مصطفي او المؤتمر الوطني لارهاب الناس و فرض سياسات التجهيل علي نحو رمي قوي الاستنارة بي قلة الادب او المعترضات من النساء بالنشاز و ديل يا عزاز من عنيتهم في كلامي بي جنود الارهاب المجتمعي اللي هم فصيل رئيس في قوات الطيب مصطفي العندهم رأي في الفنون ناهيك عن سلوك السودانيات او طرائق تفكيرهن. شفتي الناس ديل جهجهو الملعقة كيف ؟ موقف زي موقفك انت و زميلاتك بدلا عن الاحتفاء بيهو بتتم محاربتو تحت عباية حقوق منال في الكتابة , و منال نفسها كدبوس ضغط ممكن يتم الاستغناء عن خدماتو بسهولة حال الفراغ من المعركة معاكم , فهمتيني اسه؟
المودة عزاز |
ولك اضعاف مودة و احترام يا خدر ...
ومالك حارمنا من التحليل المرتب المقعّد ده؟
أقلاها الطابور الخامس ده يعرف انو واعين ليهم ... الحقيقية يا خدر انو البوست المعني بيفتح أكثر من قضية، وكان ارض خصبة لكل الافكار و الايديلوجيات... قلة قليلة يا خدر عبرت عن رأيها بالرفض أو الاتفاق بحيادية و بعيد عن الاجندات، وده القدر على قلة صبري على مجابدة الحوارات المكرورة، بس الثغرات كبيرة تمّرق جمل و الجيوب المحتقنة أكثر، و بالفهم الضيق التوقف يعني ضعف حجة او قصور تبيان ... بس على مين؟
بعض من مدعي الاستنارة والديموقراطية في البوست المعني رأيهم مهلهل لانو شخصاني، و الضد ضد لمصدر الرأي المخالف ما دفوعاته، و السبب زي ما ذكرت انت و تفضلت انو ايدولوجية بغرض محدد .. اتفرغت الاستنارة من مضمونها، و الاستغربو رأينا و ربطوه بالتعصب الديني أغفلوا نقطة انهم بيطعنوا في ضل الفيل و الفيل قاااااااعد يكبر و يقوى بيهم .... على الشط الثاني، قوى الاستنارة او من توسمنا فيهم خير، اطربهم الإطراء و بذل الشكير و اتقدلو لا يلوون على شيء ... الغريبة انو البوست ماشي عداده و مقروء أكثر من متلفحي الاستنارة و ذوي الاجندات، و اثاره ماشية في المجتمعات الافتراضية الأخرى كـ Facebook وكل على ليلاه يغني، شيء تلميع صورة و شي في جاه الملوك نلوك، اختك تتأمل و خاتة الخمسة فوق الاتنين... و المحكّمين و المعلقين على البوست لا يتورع بعضهم عن تدعيم الايدولوجية اياها يا خدر فانظر ما نحن فاعلون تجاه هذا الدعم المجاني لتيار يحاول لف حبل حول رقبة ما يدافع عنه التيار المستنير و الدّاعين بحق للديموقراطية!
المؤلم جدا يا خدر انو المدردم بقى كلو ليمون بسبب البوست، والكتابة الواعية المسؤولة ضاعت بين الرجلين و ارتقت كبسولات لغوية -- كُبسلت لقصورها لا لثراء المفردة-- لمستوى (نص) !! وهنا مربط الفرس، القفز على الدفوعات و التشبث بتلابيب شعارات فقاعية تختفي بمجرد ملامستها لفضاء الحياة الحقيقية للوصول للغاية اللي انت اتنبهت ليها ... ومازال الدعم المجّاني مستمرا ولكن الرهان على القراءة الدقيقة لا ممارسة الـ scan reading .... و الضغط على رد لوضع طوبة تحفظ لهم موقع قدم في احتفالية (اخصاء) ممارسة الحرية الجد جد... خلال الايام السابقة قلة من حددت رأيها المتجرد في الكتابة مثار الجدل و انبروا لنا في محاضرات و مونولوجات موجعة ..... و فهم الاستنارة و حرية الرأي و التعبير عن النفس ضربت ضرب غرائب الابل و مرقوها لينا بوهيمية و ام فكو ساي!
الانتخاب في ممارسة الديموقراطية قائم على ترجيح كفة ضد أخرى، و الترجيح و الانتقاء ده موش ببساطة معناه انك قربت كفة و ابعدت أخرى؟ اتفق روّاد البوست على تسميته اقصاء، جميل، بس الايدولوجية الذكرتها، اسقطت حسابات الانتخاب و مسببات (مع )و (ضد) في بئر عميق و قبلت على جزئية (الاقصاء) لتفريغها من أي مدلول و لتجيرها لحسابهم و تقعد الاستنارة في دكتها و الكتوف تتلاحق في ممارسة الاقصاء ده، انت موش اقصيت (كتابة) خلاص أقصي الاغاني و الادب زاتو!
ده لف و دوران ليس إلا وقّلة انتبهت يا خدر ...
شكرا على الرد الويان و كفيت ووفيت،
و ممتنة جدا انك شرحت وجهة نظرك، لي و لمن يعنيه الأمر ليكون الصراع الفكري مثمر و يأتي أُكله ....
| |
|
|
|
|
|
|
|
|
|
Re: ما هو المزمار ؟ (Re: كمال عباس)
|
شكرا يا عزاز علي النقد الحار لقوي الاستنارة ذاتها , جميل انك فتحتي الجروح بدون غبائن و طعنت في الفيل ماركة ديمقراط
| Quote: بعض من مدعي الاستنارة والديموقراطية في البوست المعني رأيهم مهلهل لانو شخصاني، و الضد ضد لمصدر الرأي المخالف ما دفوعاته، و السبب زي ما ذكرت انت و تفضلت انو ايدولوجية بغرض محدد .. اتفرغت الاستنارة من مضمونها، و الاستغربو رأينا و ربطوه بالتعصب الديني أغفلوا نقطة انهم بيطعنوا في ضل الفيل و الفيل قاااااااعد يكبر و يقوى بيهم .... على الشط الثاني، قوى الاستنارة او من توسمنا فيهم خير، اطربهم الإطراء و بذل الشكير و اتقدلو لا يلوون على شيء ... الغريبة انو البوست ماشي عداده و مقروء أكثر من متلفحي الاستنارة و ذوي الاجندات، و اثاره ماشية في المجتمعات الافتراضية الأخرى كـ Facebook وكل على ليلاه يغني، شيء تلميع صورة و شي في جاه الملوك نلوك، اختك تتأمل و خاتة الخمسة فوق الاتنين... و المحكّمين و المعلقين على البوست لا يتورع بعضهم عن تدعيم الايدولوجية اياها يا خدر فانظر ما نحن فاعلون تجاه هذا الدعم المجاني لتيار يحاول لف حبل حول رقبة ما يدافع عنه التيار المستنير و الدّاعين بحق للديموقراطية! |
صوت اللوم من عزاز ليكم واضح يا قوي الاستنارة الشاركوا في بوست المعيار او الجالسين علي ابراج المراقبة .. شن قولكم ؟
| |
|
|
|
|
|
|
|
|
|
Re: ما هو المزمار ؟ (Re: كمال عباس)
|
اخيرا البوست اصبح يحتمل النقاش والحوار , ومن الجيد انه سمعنا من الاخ خدر رايه والذي لم يخيب ظننا في ان له رايا متهافت ولكن لم اظن ان التهافت يصل به الي ان يكتب كلاما مخدرا الي هذه الدرجة , الامر الغير غريب ان الاخت عزاز استسلمت لكلمات خدر المخدرة وكانها في امس الحاجة اليها , وبالحديث عن البحث عن الانتصار الذي اشارت اليه الاخت عزاز اكثر من مرة لا اجد مثالا لهذا البوست وهذا التداعي السخين فيه مثالا سوى جلسة ما بعد المباراة للفريق المهزوم ستة / صفر , الكل يخدر في الكل , يتحدثون عن ظلم الحكم يتحدثون عن رداءة الملعب , يتحدثون عن عنف الخصم وارهابه وشراسة جمهوره يخدرون انفسهم ويبررون الهزيمة ليسهل لهم ايجاد الدافع للاستمرار وينسون اهم شيئ وسط كل هذا وهو انه كورتهم تعبانة وبلا روح وان الخصم كان افضل منهم لعبا وتدريبا وتخطيطا وجاهزية بالاضافة لانه كورته قوية .
بالعودة الي الاخ خدر نجده يخندق الحوار و يعيده للمربع التاريخي الذي لا يستطيع الرؤية الا من خلاله وتوافقه عزاز بكل رحابة , يتخيرون للاخرين الموضع الذي يريدون وضعهم فيه ليسهل لهم امران اولا محاكمتهم بجرائر اخرين واقحام اشياء لا علاقة لها بما دار , والثاني تجير الوسط لصالحهم حينما يختارون لهم جناحا مبغوضا ليضعوهم فيه , فلو كان هذا الحوار سياسي لاختاروا شخصية صلاح قوش مثلا ووضع الاخرين جنودا له وهكذا هم دائما ما يجتهدون في ايجاد المربع الذي يناسبهم لا ما هو عليه الراي الاخر , فخدر هذا الذي ( يبيدقني لمحمد سليمان ) يتجاوز نقطة مهمة ذكرتها له في البوست السابق بكل تصالح مع النفس في اني كنت ساكون في قيادة الاخوات المنادين لا باسكات منال فحسب بل وطردها من المنبر نفسه وجلدها حتي لكتابتها ولكن سنوات النقاش في هذا المنبر غيرت نظرتي لكثير من الامور والاشياء ولكنه يصر اصرارا عجيبا علي تفريغ موقفي من معناه وتجييري واحتسابي جنديا للطيب مصطفي واعتباري بيدقا لمحمد سليمان .
يا صاحب البورد خدر الم اسرك من قبل ان الجري والطيران ما بتلمن ( يالنعامة) وها انت تثبت نظريتي فلو اكتفيت بالغناء فان لك صوتا شجيا طروبا ولكنك تصر علي اقحام نفسك لما لا تبرع فيه مثل الغناء فتاتي اراءك متهافتة قصورة وخالية من المضامين بل ومتعدية وفطيرة ايضا واعتقد ان ( الكابلي) لن يتكرر قريبا وقد كان حصيفا بتركيزه علي التثاقف الادبي .
اخوتي المخدرين انفسهم اهل البوست ان حديثكم اعلاه يثبت بما لا يدع مجالا للشك انكم تعيشون ازمة حقيقية مع ذواتكم في البداية ومع ما تؤمنون به ثانيا وفيما بينكم ثالثا ومع الاخر في المحصلة النهائية , هذا المنبر وما فيه والحراك العام وما فيه ان لم يؤثر علي تقيمكم للامور و وعمل ( ابديت) لاذهانكم فانكم لا محالة مُتجاوزون مُخلفِين في بداياتكم , الاشياء كلها حولكم تتحرك ولا ساكن كما هو واضح الا انتم , تحاكمون الاخر بذهنية قرون قد خلت وعصور قد بادت , وهذا يظهر جليا وواضحا كفاية في نفس المثال الذي اقحمه الاخ خدر بان الاخر هم جنود الطيب مصطفي , حينما لا تتحرك المعارضة من مربع البداية الذي بدأوا به مقاومة الحكومة كان الناتج بقاء الحكومة علي السلطة لعشرون والان استخدمتهم في مد شراينها بالدماء لاربع قادمات , وهم يتلاومون ولا يدركون ان المشكلة هي هم انفسهم وضعفهم وتهالكهم .
اشغلتمونا زمانا طويلا ان المبادئي لا تتجزأ وان الحق بين ولكن الان وامتدادا لذلك البوست ( المعيار) نفس اللهجة لا تتغير حينما تبرعون في تجزئة مبادئكم وايجاد المبررات القوية لانفسكم وليس للاخرين وايجاد المخدر اللازم للاستمرار في نفس النهج ( الارعن) فمثقف مثل كمال عباس يقول ((فلنختلف ولكن بقدر من الاحترام لمواقف ورؤي بعضنا ولنبتعد عن التخوين والتجريم والمزائدة علي بعضنا ولنعي جيدا حقيقة أننا - جميعا- لسنا في قفص إتهام ولايملك أصولي أو شمولي حق محاكمتنا !!)) وانظروا حولكم سادتي من الذي يحاكم من ؟ من الذي لا يحترم من من الذي يخون من من الذي يضع الاخر في قفص الاتهام , راجع كلام خدر عن الاحترام في ان الاخرين بيادق في رقعة شطرنج يدريها محمد سليمان وعن قفص الاتهام حينما يجمع الاخرين ويفترضهم جنودا مجندة للطيب مصطفي . للناس عقول يا سادتي فراجعوا مبادئكم وانظروا للاخر بندية لا كقاتل , ولكنكم استمرأتم عيش المأساة وادمنتم حياة المظلوم .
وراجع ان مد الله في الاجل
| |
|
|
|
|
|
|
|
|
|
Re: ما هو المزمار ؟ (Re: اساسي)
|
مرحب كمال عباس
التشنج في في قضية منال حادث من القوي التي تسمي نفسها مجازا قوى الاستنارة ... المبادئ مقدمة على الافكار ومناشقتها .. وعليها يستند اى حوار ونقاش ولا ببقى حوار طرشان وونسة نسوان خته في تُكل كل واحده فاتحة موضوع براها ..
سؤال محمد اي سليمان منطقي جدا
لو كان استفساري او استنكاري او حتى استفزازي .. ومن يسأل يبحث عن جواب .. ان كان للمعرفة او لتاكيد معرفة او حتى لتاكيد خطا وخطل من يساله ..
وبما انكم مقدمين نفسكم كقوى استنارة وتقدمية ... ببقى لزاما عليكم مجارات محمد اي سليمان ممثل الظلامية ... والرد عليه ... لا لشي ولكن للتنوير فقط .. ولا حا تبقوا قوى استنارة كيف ... وانتو عاوزين تنوروا فوق منو ؟
ما الكوم الفي صفك كله منور .. والمحتاج للنور حسب حديثك عاليه ياهو محمد سليمان ده .. فلا بد ان تثابر وتصبر على تهكمه .. وتسوقوا حته حته .. لو فعلا مستنير
و لو فعلا عندكم رد مقنع وشافي غير الهرطقة والتناقض وعدم الاتساق الحاصل ليكم في بوست المعيار داك
محسن رسل ليك اشارة ذكية في البوست بتاعة اتمنى انك تكون لقطها
Quote: كمال يسأل ود النور كبّر عن الإساة العنصرية، حرية تعبير وألا ما حرية تعبير!؟ مبالغة.
طيب ما تسأل عن قطع الطريق، والسرقة والكتل. ياخي دي جرائم، قول بسم الله. |
التقدمية والاستنار ما انشاء وكلام كبار وملكة حرف وعبارة وتعبير ... التقدمية مبدئية وصبر ومثابره .. اولا شرح المواقف بصورة واضحة موش اول ما الناس يغلبها .. نبقى في
هو محمد ما قال رائية ليه ؟
وهو محمد رائية وينو ؟
ومحمد قاصد يضربنا ببعض
طيب ما شي طبيعي تحدث منه الحاجات دي
موش هو قوى الظلام ؟؟؟؟ كما تفضلت
وموش ياه ده فعل قوى الظلام ؟؟؟؟
يعني لو ما سوى كده بكون قوى ظلام كيف ...
لكن الكلام فيكم انتو قوى الاستنارة ... سويتوا شنو في البوست داك من فعايل المستنيرين ؟؟؟
هل كلام وفعل المستنيرين التلاتة مداخلات الفوق دي
ابدا يا كمال .. بكل الصدق اقول ليك سؤال محمد حتى لو كان مغرض .. فهو سوال مستنير اكتر من مرافتك الفوق دي ... هو في دمقراطية اكتر من انو زول يسالك عن معايرك التي تقيم بيها الاشياء
ياخ مفروض قوى الاستنار لو عندها شي تقول لي جيتنا في محلنا ... نحن معايرنا كذا وكذا وكذا .. ومتسقة مع موقفنا في كذا وكذا وكذا .. وقد عبرنا عن هذا يابقا في كذا وكذا وكذا
مفوض بتجاوب عليه بمبدئية وكمان يتحشي الجواب ده باقتباسات ودلائل ...
العنده معيار واضح بمرقوا وبقول ده معياري
والبفتش في اسباب السوال بتكون معايرو عجزت عن اجابته
ودي
| |
|
|
|
|
|
|
|
|
|
Re: ما هو المزمار ؟ (Re: اساسي)
|
| Quote: يا صاحب البورد خدر الم اسرك من قبل ان الجري والطيران ما بتلمن ( يالنعامة) وها انت تثبت نظريتي فلو اكتفيت بالغناء فان لك صوتا شجيا طروبا ولكنك تصر علي اقحام نفسك لما لا تبرع فيه مثل الغناء فتاتي اراءك متهافتة قصورة وخالية من المضامين بل ومتعدية وفطيرة ايضا واعتقد ان ( الكابلي) لن يتكرر قريبا وقد كان حصيفا بتركيزه علي التثاقف الادبي . |
انت قايل العرب قالوا السُم في الدسم ساي ؟
___
إنشاء الله يا وغد تكون إتفشيت ؟
| |
|
|
|
|
|
|
|
|
|
Re: ما هو المزمار ؟ (Re: خدر)
|
Quote: اخيرا البوست اصبح يحتمل النقاش والحوار , ومن الجيد انه سمعنا من الاخ خدر رايه والذي لم يخيب ظننا في ان له رايا متهافت ولكن لم اظن ان التهافت يصل به الي ان يكتب كلاما مخدرا الي هذه الدرجة , الامر الغير غريب ان الاخت عزاز استسلمت لكلمات خدر المخدرة وكانها في امس الحاجة اليها , وبالحديث عن البحث عن الانتصار الذي اشارت اليه الاخت عزاز اكثر من مرة لا اجد مثالا لهذا البوست وهذا التداعي السخين فيه مثالا سوى جلسة ما بعد المباراة للفريق المهزوم ستة / صفر , الكل يخدر في الكل , يتحدثون عن ظلم الحكم يتحدثون عن رداءة الملعب , يتحدثون عن عنف الخصم وارهابه وشراسة جمهوره يخدرون انفسهم ويبررون الهزيمة ليسهل لهم ايجاد الدافع للاستمرار وينسون اهم شيئ وسط كل هذا وهو انه كورتهم تعبانة وبلا روح وان الخصم كان افضل منهم لعبا وتدريبا وتخطيطا وجاهزية بالاضافة لانه كورته قوية .
بالعودة الي الاخ خدر نجده يخندق الحوار و يعيده للمربع التاريخي الذي لا يستطيع الرؤية الا من خلاله وتوافقه عزاز بكل رحابة , يتخيرون للاخرين الموضع الذي يريدون وضعهم فيه ليسهل لهم امران اولا محاكمتهم بجرائر اخرين واقحام اشياء لا علاقة لها بما دار , والثاني تجير الوسط لصالحهم حينما يختارون لهم جناحا مبغوضا ليضعوهم فيه , فلو كان هذا الحوار سياسي لاختاروا شخصية صلاح قوش مثلا ووضع الاخرين جنودا له وهكذا هم دائما ما يجتهدون في ايجاد المربع الذي يناسبهم لا ما هو عليه الراي الاخر , فخدر هذا الذي ( يبيدقني لمحمد سليمان ) يتجاوز نقطة مهمة ذكرتها له في البوست السابق بكل تصالح مع النفس في اني كنت ساكون في قيادة الاخوات المنادين لا باسكات منال فحسب بل وطردها من المنبر نفسه وجلدها حتي لكتابتها ولكن سنوات النقاش في هذا المنبر غيرت نظرتي لكثير من الامور والاشياء ولكنه يصر اصرارا عجيبا علي تفريغ موقفي من معناه وتجييري واحتسابي جنديا للطيب مصطفي واعتباري بيدقا لمحمد سليمان .
يا صاحب البورد خدر الم اسرك من قبل ان الجري والطيران ما بتلمن ( يالنعامة) وها انت تثبت نظريتي فلو اكتفيت بالغناء فان لك صوتا شجيا طروبا ولكنك تصر علي اقحام نفسك لما لا تبرع فيه مثل الغناء فتاتي اراءك متهافتة قصورة وخالية من المضامين بل ومتعدية وفطيرة ايضا واعتقد ان ( الكابلي) لن يتكرر قريبا وقد كان حصيفا بتركيزه علي التثاقف الادبي .
اخوتي المخدرين انفسهم اهل البوست ان حديثكم اعلاه يثبت بما لا يدع مجالا للشك انكم تعيشون ازمة حقيقية مع ذواتكم في البداية ومع ما تؤمنون به ثانيا وفيما بينكم ثالثا ومع الاخر في المحصلة النهائية , هذا المنبر وما فيه والحراك العام وما فيه ان لم يؤثر علي تقيمكم للامور و وعمل ( ابديت) لاذهانكم فانكم لا محالة مُتجاوزون مُخلفِين في بداياتكم , الاشياء كلها حولكم تتحرك ولا ساكن كما هو واضح الا انتم , تحاكمون الاخر بذهنية قرون قد خلت وعصور قد بادت , وهذا يظهر جليا وواضحا كفاية في نفس المثال الذي اقحمه الاخ خدر بان الاخر هم جنود الطيب مصطفي , حينما لا تتحرك المعارضة من مربع البداية الذي بدأوا به مقاومة الحكومة كان الناتج بقاء الحكومة علي السلطة لعشرون والان استخدمتهم في مد شراينها بالدماء لاربع قادمات , وهم يتلاومون ولا يدركون ان المشكلة هي هم انفسهم وضعفهم وتهالكهم .
اشغلتمونا زمانا طويلا ان المبادئي لا تتجزأ وان الحق بين ولكن الان وامتدادا لذلك البوست ( المعيار) نفس اللهجة لا تتغير حينما تبرعون في تجزئة مبادئكم وايجاد المبررات القوية لانفسكم وليس للاخرين وايجاد المخدر اللازم للاستمرار في نفس النهج ( الارعن) فمثقف مثل كمال عباس يقول ((فلنختلف ولكن بقدر من الاحترام لمواقف ورؤي بعضنا ولنبتعد عن التخوين والتجريم والمزائدة علي بعضنا ولنعي جيدا حقيقة أننا - جميعا- لسنا في قفص إتهام ولايملك أصولي أو شمولي حق محاكمتنا !!)) وانظروا حولكم سادتي من الذي يحاكم من ؟ من الذي لا يحترم من من الذي يخون من من الذي يضع الاخر في قفص الاتهام , راجع كلام خدر عن الاحترام في ان الاخرين بيادق في رقعة شطرنج يدريها محمد سليمان وعن قفص الاتهام حينما يجمع الاخرين ويفترضهم جنودا مجندة للطيب مصطفي . للناس عقول يا سادتي فراجعوا مبادئكم وانظروا للاخر بندية لا كقاتل , ولكنكم استمرأتم عيش المأساة وادمنتم حياة المظلوم .
وراجع ان مد الله في الاجل |
حياة المظلوم؟ اجي يا اخواني؟
غايتو ابتسار و تلخيص تهاويم و تامينو موية زي دي ما لاقتني كلو كلو!
يا سيدي كان شايف الجدل و النقاش "متش كورة" (تنطق باللهجة المصرية) الله غالب عاد شن نسوي ليك!
بحسابات فوز و خسارة انا كسبانة،
و اختبرت كل ما تعلمته من (الحياة) و (الكتب) و (التجربة) و المنبر بالنسبة لي وجه من اوجه التفاعل الاجتماعي و ليس نهاية الأملة و المنى ولا هو مصدر معرفتي خليك عارف..
قرأت ما كُتب، تفاعلت، عبرت، ناقشت، وحاججت بالفكرة لا بالمشاعر و الهتافات الرنانة و التصيد...
قريت البيخالفني قبل اللي متفقين معاي في الرأي، لا لشيء سوى للتثبت من صحة الحجة لدي،
ورأي عندك اهو فوق ليك كمستنير برلوم و للمستنيرين السناير وخاتف لونين ...
وابشرك يا اساسي، نوع الكتابة الانتقدناها حتكون تحت الميكروسكوب أبد الآبدين
و تاني لو اتكررت حوادث زي دي، بيمرق صوت يخالف و يعبر ...
عدو العدة لحرية التعبير من هنا و رايح ومرنو عضلات قبول (الآخر)
وكل زول ورا الشاشة وقرأ ما عنيت و انتقدت يعرف في قرارة نفسه الصواب من عكسه
والحريم ما حيتخبوا في الحرملك و يخافوا يناقشو (العيب) وان جا من ناس (العيب)
الخلاصة:
(1) الكلام اللي انتقدتو ما زلت من موقفي منه، كلام مبتذل و فيه رخصة ...
(2) ومجاراتو سقوط
(3) و تبريروا مجرد بهرجة منتديات و جكة في ميدان قطره مترين
(4) وما برضاه في في منبر ولا في مجتمعي ولا في حياتي الخاصة
و لباكر، داير تتناقش حناقشك،
هتهاتر و تتكلم باسلوب (طالعني) فكريا جدا،
اتكرب و ابقى مارق ...
كش ملك تاني ....
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
الاخت عزاز
مساء الخير
من المضحك جدا ( ودا حقيقي حصل لي بعد فراغي من قراءة مداخلتك ) اني اشوفك ( متسربعة) للرد علي وانا حتى الان لم اصل للرد علي مشاركتك , ما كتبته اعلاه هو كان مدخلي للرد او مقدمتي علي مداخلات الاخ خدر وتفكيكها ومداخلاتك ومداخلات ( الاخ كمال التي قراتها مضطرا وعلي مضض للامانة الادبية ) , سرعة ردك علي مدخلي وختمك بالقول ( كش ملك) امر غير جيدا في الاجمال, في البداية انت من اتهم الاخر بانه يبحث عن نصر وانت من ادخل هذه الفكرة الي جملة هذه البوستات وهو امر اظنه في ذهنك فقط وتحاكمين به الاخرين علي ما في ذهنك وهو امر لا تريدين الفكاك منه وتحويل البوست الي نقاش عام قد يفيد احدا او ينور احدا ولو كان من المتداخلين او القراء وهو قيمة مرجوة ومطلوبة ( في تقديري الشخصي علي الاقل ) واتمني ان تكون غاية الجميع من ذلك في هذه الحوارات او حتي في المنبر بصورة عامة , حتي استعارتي التشبيه اعلاه عن ( ماتش الكرة المنطوقة بالمصري علي قولك ) بناء علي حديثك الذي عطفت عليه فيها ووضحت من اين لي بهذا المثال , فياسيدتي لا احد يحاكم احدا ولا احد يزج بالاخر في قفص الاتهام وانما هي وسوسة ظاهرة في كتاباتكم اعلاه وواضحة جليا اختتم بها الاخ كيمو كتابته عن المعركة التي صورها له ذهنه ايضا وهو امر مضحك ايضا ان يتعامل مثل كمال مع الحوار وتفكيك الافكار علي انها معارك ومحاكمات .
تلويحك بهذا الشكل( و لباكر، داير تتناقش حناقشك، هتهاتر و تتكلم باسلوب (طالعني) فكريا جدا، اتكرب و ابقى مارق ... ) لا يبشر بخير كثير مرجو من وراء ما قد اكتبه , وهو تصنيف مسبق في انك ببساطة قد تجييري ما اقوله الي المهاترة او المطالعة او الاستعراض , وهنا اقول لك نحن نتحاور يا عزاز ولا نتقارع وخذي عني هذا ( كتبت سابقا واعيد قولي اني ساكون من اسعد الناس في هذا المنبر اذا وصل اي بوست الي نهايات مقنعة ولاقتناع اي طرف بان حجة الاخر قد تكون اقوي من حجته او انها مقنعة كفاية ) واوعدك اني ما اقتنعت بان وجهة نظرك هي الصواب لا تعوزني الشجاعة قيد لحظة لاعترف لك هنا ان رايك صواب وان راي كان خطأ والي ان نصل الي هذه النهايات آمل ضبط انفعالاتك تجاه الحوار وان لا تكون غايتك هي البحث عن نصر سريع بمثل عبارات علي شاكلة ( كش ملك ) لتوحي للقراء بما توحي .
كما وان مقتنع جدا انه لا يعوزك المنطق ولا الحجة ولا البيان للحظة في اقناعي بسلامة موقفك وبصحته مادمت ترينه صحيحا بعيدا عن النصر , وعطفا علي اشارتك اعلاه هتهاتر و تتكلم باسلوب (طالعني) فكريا جدا، اتكرب و ابقى مارق فلك ان تعلمي انه لا تعوزني الادوات ولا الطريقة ولا المقدرة فيما قد لا يصله ( سؤ ظنك ) ولا الباب الذي قد ادخله به عليك ان اردت التهاتر فانه علي اسهل ما يكون, خذي مثالا بسيط لهذا عبارتك كش ملك تاني .... قد اخذها عنوانا كبيرا لعدم احترامي وانقاصا لانسانيتي واطالبك فيها بالاعتذار المغلظ لاهدارك كرامتي , طبعا لا تدري من اي باب سادخل وانا اجيبك , ويمكن ان اقوول فيها امتداد لحديث خدر عن اني بيدق في رقعة شطرنج يديرها محمد سليمان وقد اقول لك انك توكدين علي اني اداة في يد احدهم بهذه العبارة التي تتداول في (الشطرنج) وحِلك من كمية ما قد اخرج به من مداخلاتك اعلاه فقط مهاترا هذا اذا اردت اصلا التهاتر لذا اقول لك
اني اتيت للحوار ,
اتيت للحوار ,
اتيت للحوار
لا كما يقول صاحبنا الدكتور مصطفي , ولكن سؤالي لك , هل انت هنا للحوار او البحث عن النصر؟
بالنسبة لعودتك للمربع الاول وحديث منال وموقفك منه وهو مربط فرس نوعا ما في كل هذا الامر وان تجاوز الحوار هذا الحدث اقول لك رغم اقتناعك بسلامة موقفك الا اني مثلا وبعد كل هذا الحبر المسكوب اري فيه تناقضا واضحا بين مواقف لك اخري في مواقف مشابه , فان كنت مقتنعة ( كما اشرت كثيرا) في انك ترضين نفسك فقط فهناك كثيرون ليسوا مقتنعين حتي الان بسلامة موقفك ووجود تناقض واضح في هذا الموقف وكما هو الحال انت الان تحاوري في منبر عام ولا تتحاورين مع نفسك , فمن المطلوب مادمت ارتضيتي مشاركة الاخرين بوجهات نظرك ان تقنعيهم بسلامتها وصحتها وهو امر لم يحدث حتي الان , بالنسبة للنقاط التي رقمتيها 2,3 من حديثك اعلاه فان الجميع متفق علي ذلك وهو امر تجاوزه الحوار اصلا ولكن يبقي السؤال الكبير المطروح بدون اجابة حتي الان , ماهو المبتزل ؟ وهل لو جاء مثل حديث منال هذا في شكل ادبي يمكن التعاطي معه بطريقة عادية وقبوله حتي واحتفاء البعض به ؟
لفتت نظري نقطة مضحكة نوعا ما في كل هذا ,فيبدو انك من الذين يحبون ان تكون لهم الكلمة الاخيرة دائما لهذا جاء ردك اعلاه سريعا مختوما بكلمة انتصار .
| |
|
|
|
|
|
|
|
|
|
Re: ما هو المزمار ؟ (Re: خدر)
|
| Quote: بالنسبة لعودتك للمربع الاول وحديث منال وموقفك منه وهو مربط فرس نوعا ما في كل هذا الامر وان تجاوز الحوار هذا الحدث اقول لك رغم اقتناعك بسلامة موقفك الا اني مثلا وبعد كل هذا الحبر المسكوب اري فيه تناقضا واضحا بين مواقف لك اخري في مواقف مشابه |
مراحب بالحوار يا اساسي ... وعلشان نمشي لقدام ماهي المواقف المشابهه؟
ووجه التشابه؟
(1) أين ايدت\ساندت كتابة مبتذلة لا ترتقي لوصف (نص) ؟
و نص بين قوسين وما اعده نصا هو القصة القصيرة-الرواية-الشعر - المقال - البحوث
لغة مسجات الموبايل و الشحتفة و الدردقة ما باعتبرها نص
(2) أين وافقت\دعيت لكتابة ايحائية جنسية غرائزية؟
___
البينة على من ادعى، اورد دليلك على تناقضي خلينا نطلع من مربع الكلام المغتغت ده!
________
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
معيار (1)
Quote: و نص بين قوسين وما اعده نصا هو القصة القصيرة-الرواية-الشعر - المقال - البحوث
لغة مسجات الموبايل و الشحتفة و الدردقة ما باعتبرها نص |
| |
|
|
|
|
|
|
|
|
|
Re: ما هو المزمار ؟ (Re: وليد محمد المبارك)
|
| Quote: كتيارإستناري وديموقراطي بالمنبر فإننا ننطلق من رؤي متبائنة ولنا تقديرات وحسابات مختلفة فنحن لسنا قطيعاتحركه الدوغما وتسوقه العصبية والمجاملات لذا من الطبيعي أن تختلف أساليبنا في التعاطي مع الظواهر والمستجدات 00 من الطبيعي أن يقف من بيننا - كيكي مثلا - من يري أن لمنال الحق في التعبير والكتابة بأي آسلوب فلا سقف ولا حد لحق التعبير ولا سنسرة إوإخراس لأحد وأن إخراس منال سيتحول لأنشوطة ومدخل يغتال حق التعبير ومحاكمة الاعمال الادبيه ووضع ضوابط صارمة سنكون نحن أول من يتضرر منها مستقبلا! |
هلا يا ابوكمال وتحياتي يا خدر سيد البوست والجميع..
ووليد ده قال كلمة مهمة كنت عاوز ابداء بيها كلامي يا ابو كمال لكنو لطشها من خشم كيبوردي وهي (التنوير)
البوست بتاع الحبشي ان كانت له رسالة فهو قد ناقش (حرية التعبير) وان اتت هذه الجزئية في وسط ضباب وسحب ودخان اجندة اي سليمان المرصودة سلفا الا ان جزئية حرية التعبير ونقاشتها سرقت الاضواء وكان تمرين ديمقراطي شاق ومهم في سطح هذا المنبر..
- الاختلاف من صميم الممارسة الديمقراطية كما فهمناها عبر (العنقلة) والاجتهاد كونها غايبة تماما في موسسات بلدنا وفي ازمنةمضت كانت مجرد (صورة الامراءة) في انتخابات جامعة الخرطوم هي خطيئة ونسعد اليوم ونحن في سودانيز نناقش قضية كتابات انسانة سودانية تتكلم عن اشجانها ويقتلع التنوير ويثبت حقها في الكتابة ويجد هذا الحق الحماية من الغالبية من مختلف التيارات الواضحة في سودانيز .. فالامر هنا لا يصب الا في مصلحة (التنوير) بالديمقراطية الذي راس الرمح في العمل فيه هو نكران الذات..!!
- الجوانب السلبية التي يقف ضدهاالبعض تاتي في المرحلة الثانية تماما ومعالجتها مقدور عليها لمن اراد عبر نقد الخطاب المنالي وتفريغه عبر النقد من مكنوناته وتداعياته السلبية التي يعتقد بانها متواجدة ويمكنها ان تضر بشي ما...
- احترام الراي والراي الاخر
2- نكران الذات
3- عدم تخوين الاخر وبسترته لمجرد الخلاف في تهم هلامية غير مسنودة علي ارضية صلبة
الخصال دي في كل منظومة تعني بالديمقراطية
تاني ما بتجينا عوووجة تب في البلد دي..
----------------------------------------------------------
بالنسبة لي الخطورة الاكبر لاتزال هو التيار الذي يحاول ان ينال من حقوق الاخريين علي المستوي السياسي والتعبيري والحقوق الاساسية
وده ما بتغلب الا بالتنوير والتحاور معه من جوووه كرش فيله بصبر ومثابرة... ودي الجزئية الطرشقت لمحمد سليمان القنيصة بتاعتو في راسو
كون الاوت بووت بتاع بوسته كانت هي صرخة عالية تنادي بالحرية لمناااال...
نقاشكاتم التمت كلها ورغم صعوبة متعرجاتها الا انها كانت مفيدة للتنوير...
و نناقش وتتمدد الديمقراطية بنكران ذاات فقد تاتي لينا او للاجيال القادمة..
| |
|
|
|
|
|
|
|
|
|
Re: ما هو المزمار ؟ (Re: عزاز شامي)
|
جميل
طيب قبل ما نمشي لقدام عاوز افهم بعض الحاجات وتفسيرك ليها عشان نمشي وانحنا عارفين بعض بنقول في شنو .
(كما شرحتي ما هو النص) البخلي النص ينجو من الرفض وعدم القبول وفيه ما فيه من تلميحات او تصريحات قد تتجاوز بمراحل كثيرة ما قد يأتي في اشكال اخري مثل التي لا تعتبريها نصا , خذي مثلا , اذا كتبت منال حديث (الكدايس) المشار اليه علي انه قصة قصيرة او بشكل اهزوجة مثل ( التي يغنيها منير ) هل تصبح مقبولة رغم وجود نفس الايحاءت فيها والتلميحات ؟
وهنا ملحوظة مهمة جدا ( البعض ومنهم تبارك علي سبيل المثال يعتبر كتابة منال نصا )
النقطة دي مهمة جدا الاجاة عليها لانه حقيقي مشكلة عندي اشكالية كبيرة في فهم موقفكن .
وبعد الاجابة علي ذلك , فانا قد اوردت لك المثال الذي تطلبيه في البوست السابق ( المعيار) ومقولتك ان المراة انسان تعليقا علي نص اشراقة الذي وصف بانه فاضحا ساعتها وقامت حوله مناقشات معترضة ومقولتك ان المراة انسان تحمل في طياتها تمريرا واضحا بقبول مافي النص وتبريرا للكاتب ان من حقه ان يوحي ويصرح بما جاء في النص من امور راها البعض فاضحة .
| |
|
|
|
|
|
|
|
|
|
Re: ما هو المزمار ؟ (Re: كمال عباس)
|
كمال قلت
| Quote: والمعارك المعنية هي بطبيعةالحال فكرية سلاحها القلم والمداد ليس فيها إنتهاك كرامة إنسان أو إساءةوتجريح وشخصنة وإنما أحترام وتقدير مع الاحتفاظ بحق الاختلاف !! |
انت متأكد من البي اللون احمر ده يا كمال ؟؟
لو كنت متأكد كدي عرف لي الكلام ده هل هو اساءة وتجريح ولا حاجة تانية ...
| Quote: كتابتك (المكتوبة بشغف) يا منال نجحت في رسم خط واضح بيّن يفرّق بين من يحترم نفسه و من يبذلها رخصية بثمن بخس |
المصدر : Re: **** قريب منى وعايش فى شرايينى ..بعيد عنى ومجننى ****
| |
|
|
|
|
|
|
|
|
|
Re: ما هو المزمار ؟ (Re: طارق جبريل)
|
البوست بدا كوييييس...بعد شوية جونا ناس النقة...قوى استنارة و قوى ضلمة!!
كل اتنين إتقبلوا و هاك يا استعراض في التورية و المفردات الملولوة..و قلنا و قالوا!!
بطلوا النقة الفارغة و زيدونا من الشعر الجميل دا
| |
|
|
|
|
|
|
| |
خدر
GamarBoBa
خالد العبيد
Kabar
ASHRAF TAHA
ALZOLZATOO
داليا الكباشى
أبو ساندرا
محمد عبد الماجد الصايم
ود شاموق
محمد يوسف الزين
سفيان بشير نابرى
Balla Musa
عمر صديق
عمر عشاري
Osman Musa
osama fadlalla
تبارك شيخ الدين جبريل
amir jabir
سلمى الشيخ سلامة
عماد شمت
داليا حافظ
وليد عبد اللطيف
كمال عباس
بدر الدين اسحاق احمد
عبدالكريم الامين احمد
طارق جبريل
زياد جعفر عبدالله
فيس بوك
تويتر
انستقرام
يوتيوب
بنتيريست