|
|
|
 Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
Quote: تجي داخل ليك بوست تلقى
د. أمجد فريد يقول ليك دي كتابة أيروشنو كدا ليك ما عارف بمعنى إباحية
وإثارة الغرائز والنزوات والكلام بتاع جماعات الوعي التناسلي والهوس الديني داك !!
وهل ممكن تعرض مثل هذه الكتابات الغرائزية على الحريم في خدورهن !! |
هل معني هذا الكلام يا محمد اي سليمان حتي المستنيرين اصبحوا يخافون من الحديث عن الاباحية ؟؟؟
| |
  
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
سلام يا محمد e سليمان
Quote: من قال أن الفرد المستنير أو اليسار ي يعيش حالة قطيعة كاملة مع قيم الاديان وموروث شعبه ? وهل يوجد شخص عاقل يصنف كل ماتطرحه الاديان بأنه رجعي ومتخلف ويجب إجتثاثه وعدم التعامل معه ?
.......... ثم من قال أصلا أن القيم والاخلاق والضمير هي مكونات الاديان وحدها?
ألم يقل الرسول فيما معناه أنما بعثت لأتمم مكارم الأخلاق ? ولم يقل لأعلم الناس الاخلاق أو أبعثها أو أصنعها وأنماقال أتممهافقط !!
الاخلاق والقيم والعادات والتقاليد من أفرازات واقع إجتماعي وثقافي وإقتصادي وتراكمات تاريخية وتفاعلات عميقة غذتها عوامل التأثير والتأثر ومؤثرات الحضارات القديمة والطبائع البشرية ومنظومة من مكونات الوعي الاجتماعي وخصوصية البئية المحلية ..تتضافر كل هذه العوامل وغيرها في تشكيل بناء وجدان الشعوب وبناء نسيجها القيمي ...!! |
الغريبة أنو أنا شائف الحتة تحديدا تتماشي مع موضوع بوستيك وفيها
تعليق علي الإقتباس دا
Quote: تجي داخل ليك بوست تلقى
د. أمجد فريد يقول ليك دي كتابة أيروشنو كدا ليك ما عارف بمعنى إباحية
وإثارة الغرائز والنزوات والكلام بتاع جماعات الوعي التناسلي والهوس الديني داك !! وهل ممكن تعرض مثل هذه الكتابات الغرائزية على الحريم في خدورهن !! |
وعموما لوأنت شائف خلاف كدة إتجاهلها وأنساها ومافي مشكلة يا صاحب ..
تقديري
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: كمال عباس)
|
((الغريبة أنو أنا شائف الحتة تحديدا تتماشي مع موضوع بوستيك وفيها)))
يا كمال أنا قلت ليك لم أكمل قراءة مداخلتك
الجزء الذي جلبت أخيرا وترى صلته بالموضوع جاء بعد السطر التاسع في مداخلتك !!
بعد السطر التاسع يا كمال ؟
أقعد أنا أقرأ مجبرا أسئلتك وخواطرك بالهكتار و القنطار لأصل إلى نقطة لها علاقة بموضوعي ؟
ما هي جريمتي التي أستحق أن أعاقب عليه بقراءة كل ما تجود به قريحتك من كلام
حتى أصل إلى الجزء ذي الصلة بموضوع البوست ؟
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: كمال عباس)
|
Quote: وعضوية المؤتمر الوطني منبريا - مشغولة بالسياسية واليومي ولم تضع الدين من أولوياتها ولم نراهم دعاة يذودون عن حماه ويروجون لقيمه بقدر ما نراهم كوادر سياسية تروج لخطا ب حزبها وتمجد زعيمها البشير ! !
........... إن كان هناك - جدلا - تأثير سلفي أو ديني علي خطاب بعض كوادر اليسار فإن ذلك قد يكون مرده للتيارات السلفية والتنظيمات الدينية المتسقة مع ذاتها لا الي تنظيم إنتهازي كالمؤتمر الوطني !!
|
الاخ كمال عباس
تحياتي
انت تريد محاكمتنا بمفاهيمك العلمانية الي فرق بين الدين والسياسة وهذا حكم لايستقيم لاننا لانري فرقا بينهما والدين عندنا نظام حياة متكامل يستوعب الاقتصاد والسياسة والاجتتماع وكافة مناحي الحياة وليس بيننا وبين التنظيمات السلفية الا فروق صغيرة في تقاصيل المنهج وليس اصول الفكر لذلك تراهم متحالفين معنا في الشأن العام
Quote: ثم من قال أن الفرد المستنير أو اليسار ي يعيش حالة قطيعة كاملة مع قيم الاديان وموروث شعبه ? وهل يوجد شخص عاقل يصنف كل ماتطرحه الاديان بأنه رجعي ومتخلف ويجب إجتثاثه وعدم التعامل معه ?
.......... ثم من قال أصلا أن القيم والاخلاق والضمير هي مكونات الاديان وحدها?
QUOTE]
الا يعني حديثك هذا انه يعيش حالة قطيعة جزئية مع الاديان؟؟؟؟؟؟؟؟ وانه يصنف بعض ماتطرحه الاديان بانه رجعي ومتخلف ويجب إجتثاثه وعدم التعامل معه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والاسلام منظومة متكاملة من القيم لاتتجزأ ولايمكن ان يؤمن شخص ببعضها ويكفر بالبعض الاخر !!!!!!!!!!!!!!
Quote: .......... ثم من قال أصلا أن القيم والاخلاق والضمير هي مكونات الاديان وحدها?
ألم يقل الرسول فيما معناه أنما بعثت لأتمم مكارم الأخلاق ? ولم يقل لأعلم الناس الاخلاق أو أبعثها أو أصنعها وأنماقال أتممهافقط !!
الاخلاق والقيم والعادات والتقاليد من أفرازات واقع إجتماعي وثقافي وإقتصادي وتراكمات تاريخية وتفاعلات عميقة غذتها عوامل التأثير والتأثر ومؤثرات الحضارات القديمة والطبائع البشرية ومنظومة من مكونات الوعي الاجتماعي وخصوصية البئية المحلية ..تتضافر كل هذه العوامل وغيرها في تشكيل بناء وجدان الشعوب وبناء نسيجها القيمي ...!!
|
وهنا حاول ان تجعل القيم والاخلاق موروث انساني وتستدل بصورة خاطئة بالحديث اعلاه وهو يعني ان مكارم الاخلاق تمامها في الاسلام و لذلك لايوجد شخص عاقل يترك التام والكامل الي غيره مما يتصف بالنقص والقصور
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: كمال عباس)
|
أعود لمحمد e سليمان
Quote: أقعد أنا أقرأ مجبرا أسئلتك وخواطرك بالهكتار و القنطار لأصل إلى نقطة لها علاقة بموضوعي ؟
ما هي جريمتي التي أستحق أن أعاقب عليه بقراءة كل ما تجود به قريحتك من كلام حتى أصل إلى الجزء ذي الصلة بموضوع البوست |
ومن الأجبرك تقرأ الكلام دا كلو ? يا أخي أنا مش جبت ليك النقطة الفيها تعليق مباشر علي الاقتباس في المداخلة التالية ? شنو الداعي للرد القطيم دا !! يا أخي ماتفط كل مالا تري أنه مرتبط بموضوعك وعدي أمشي لي غيرو ?
كتير جداأنا بوجه ليك سؤال مباشر واللا نقطة محددة وأنت تقعد تلت وتعجن وتمارس التمطيط والتنطيط والمطاولة والاسهاب والحشو دون أن تلج أو تناقش لب المطروح !! وبقوم عندها بفط الحشو والعويش لأصل للمراد وإن لم أجده أعيد النقطة وأطالبك بالرد المباشر ?
فهل كنت وقتهامحكوما علي بتأبيدة وأشغال شاقةتتمثل في الاطلاع علي تمطيط وحشو الحبشي ?
......... ماأسهل الأستفزاز ياحبشي وماأصعب الالتزام بإحترام الاخر وأحترام النفس.. !!
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: مصعب عبدالله محمود)
|
والاغرب يا مصعب أن ما جاء به الاستاذ كمال عباس هو صميم ما يطرحه محمد الحسن سليمان بالبوست
ولكن ولان كمال عباس قطع عليه الطريــق مبكراً
لم يجد محمد الحسن بد من استخدام لغة الملاسي العاجزة ليروغ عن مصيدة كمال عباس
كنت تتمتع بقدر كبير من الموضوعية يا محمد الحسن ولا اظن انك في حوجة لبضاعة الملاسي الكاسدة
Quote: الأخ كمال
السلام عليكم ورحمة الله
بدأت بقراءة مداخلتك ولم أستطع إكمالها
ولا أعرف لماذا هي في هذا البوست ؟
هل أنت فعلا قصدت التداخل هنا أم جاء كلامها هنا خطأ ؟
عموما تحياتي وشكري |
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: HAIDER ALZAIN)
|
Quote: وكيف أصبح المنبر بالقلبة وما علاقةعضويةالمؤتمر الوطني بهذا ?
والفوق دا كلوعلاقتوا شنو بالجزئية دي
|
على ما اعتقد ان محمد الحسن يريد ان يقول بان عضوية المؤتمر الوطني هم اكثر اعضاء المنبر
وقوفاً ضد المفاهيم التي قد توصف بانها إباحيـة وإنحلال وقول خارج القيــم ..
وبان اهل اليسار والمستنيرين هم اكثر من يدعو لهذه الإباحية والانحلال من غيرهم..
وعندما ياتي امجد فريد اليساري يتكلم عن قيمة كهذه فحسب مفهوم محمد الحسن سليمان فهذا يعود
لتاثير عضوية المؤتمر الوطني بالمنبر التي غيرت مفاهيمه وغيره من المستنيرين
وعندما يرد على العوض المسلمي عن انه المستنيرين اصبحو يخافون من الحديث عن الإباحية يقول محمد الحسن متحيراً :-
Quote: الأخ الكريم العوض المسلمي
السلام عليكم ورحمة الله
موش حاجة تحير بالله |
ــــ
محمد الحسن تربط دائما مابين اليسار والاستنارة والاباحية .. ولو تتبعنا موقفك فسنجد ان لزاماً علينا ان نربط بين موقفك والدين وهذا كلام كمال عباس..
ـــــــــ
أساسي اختشي عامل ركبك المعضلات ديل 
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: HAIDER ALZAIN)
|
Quote: والاغرب يا مصعب أن ما جاء به الاستاذ كمال عباس هو صميم ما يطرحه محمد الحسن سليمان بالبوست
ولكن ولان كمال عباس قطع عليه الطريــق مبكراً
لم يجد محمد الحسن بد من استخدام لغة الملاسي العاجزة ليروغ عن مصيدة كمال عباس
كنت تتمتع بقدر كبير من الموضوعية يا محمد الحسن ولا اظن انك في حوجة لبضاعة الملاسي الكاسدة
|
حيدر الزين مشتاقين ياخ !
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: HAIDER ALZAIN)
|
محمد الحسن سليمان يريد ان يحاكم اي نص بمنظور - او لنقل بمعيار واحد - هو معياره الديني
والاخلاقي الذي يستند على الأرضية السلفية التي يقف عليها ..
ووضح معياره هذا منذ ثالث مداخلة له ببوسته بتاع المعيار ووضح تماماً انه يريد إجترار الارشيف
على الاقل ليقول بعدها بتشابه النصوص وانه لا يفترض ان يكون هناك معيار للحكم على نص دون الآخر سواء معياره الخاص بالدين الواقف عليهو فقال :
Quote: كتبت أخت كريمة في هذا المنبر نصا إباحيا صريحا
فتداخل أحد الأعضا ء مستنكرا بعنف شديد
فرد عليه أحد الأعضاء واصفا المستنكر بأنه قرأ نص الزميلة بأعضائه التناسلية |
إذن يا اساسي محمد الحسن سليمان هنا يوضح بصورة واضحة إنه النصح موضع النقاش إباحي
ودا قياساً لإجتراره للنص الإقتبسو بعد كدة في الصفحة الرابعة..
جدعتو دي فهمتها الاخوات وإنها مجرد محاولة فاشلة منه لتطبيق معيار واحد بين النصين المختلفين وقراءتها بنفس الفهم ..
ودا محور نقاشهم الكان بيدور في البدء قبل تداخلاتك انت في النص وجر النقاش لحتة تانية بتختلف تماماً عن فهم محمد الحسن العاوز يسوق ليهو المجموع .. واعتقد إنه لو إنت او كبر فرزتو عيشة العقليــة السلفية العاوز يقيم بيها محمد الحسن الكلام كان بيكون اجود للنقاش..
فمن المستحيل المقارنة بين النصين البيحاول محمد الحسن غصبا وضع الناس عشان يطابقوا بينهم
كما من المستحيل المطابقة بين معيار سلفي وآخر غيــر سلفي منفتح ..
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: بدر الدين اسحاق احمد)
|
يا بدر الدين .. محمد الحسن قال وإنتهي .. اكتر من كدة يقول شنو ؟!
ـــــــ
وبالمناسبة إنتو قولوا دا مفروض تعرضوا ليهو وتصفقوا عشان عاوز يلبس حزب سياسي توباً
أوسع منو .. في محاولة للإصطفاف .. المزعلني إنه وقت يجي كمال عباس يختها ليهو واااضحة
ما يلقي بوابة يتخارج بيها غيــر بوابة ملاسي البائسة ..
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: HAIDER ALZAIN)
|
يا ود الزين محمد ده لســه فى البوســت ده ما قال حاجــه ...
كل الطلبتو انو انت وكمال تخلوهو يقول حاجتو وبعد داك ( هو و البوست حلال عليكم )
تستبــق زول فى فكرة لــم تخرج بعــد من بيــن قلمــه ( بتصبح شوية غير مهضومة )
عنوان البوســت فيهو ( جملة من الاسئلة والاستفهامات فى راس اى قارئ ) بس خلوهو يسهب
ويطرح فكرتو وبعد داك نشوف اجاب على تساؤلات كل واحد ولا لا ..
الحبيب كمال ( لا تغضــب ...) من الحديث النبوى ..ما منى
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: بدر الدين اسحاق احمد)
|
قراءتك غلط يا حيدر الزين انا كتبت بوضوح هناك الاتي:
اول حاجة احب ان اثبت اني شخصيا لم استسغ الايحاءات الواردة في كتابة الاخت منال ولست هنا لانادي بمثل هذه الكتابة ونشرها وقد خاطبت الاخت منال ان كتابتها هذه غير مقبولة , ولكن اعتراضي ومداخلتي الرئيسي في هذا البوست بنيت علي رد فعل الاخوات الغاضبات علي منال الي درجة وصلت بالاخت تيسير الي طلبها الذهاب من المنبر وهو الامر الرئيسي الذي حركني للكتابة في هذا البوست وكأنها المعنية بتقيم كتابات الاعضاء هنا وتقيم من يحق له الكتابة ومن يذهب , وايضا طريقة توالي الاخوات بالرد علي بوست منال بعد فتح باب ذلك بواسطة الاخت عزاز وفتح النيران عليها , لذا محاولة تجييري ووضعي في خانة اني من دعاة نشر مثل هذه الكتابة نوع من التحايل علي حديثي .
لابد ان نثبت هنا عدة اشياء
ليس هنا احدا قيم علي حد ولا وصي علي احد ما دام لم يتعدي بكتابته علي شيئ شخصي يمس احدا هنا
ليس من حق احد طرد احد في هذا المنبر بناء علي معاييره الخاصة
طريقة تقيمنا للاخر مبنية في الاساس علي مدي قبولنا له وعلي مدي صداقته لنا وليس علي المبدئية
هذا ما اردت ان اناقشه في هذا البوست تحديدا
انتهي الاقتباس
راجع ردي اعلاه وستجد مداخلتك اعلاه مبنية علي افتراض من بنات افكارك الفي راسك*
ـــــ
* بنات الراس تعني القمل
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: اساسي)
|
Quote: راجع ردي اعلاه وستجد مداخلتك اعلاه مبنية علي افتراض من بنات افكارك الفي راسك*
|
Quote: لذا محاولة تجييري ووضعي في خانة اني من دعاة نشر مثل هذه الكتابة نوع من التحايل علي حديثي .
|
يا أساسي بالله انا هسع وين قلت إنك من دعاة نشر مثل هذه الكتابات عشان تشر لي قملي في المنبر
يعني هل إنت فاهم هسع انه محمد الحسن من دعاة نشر هذه الاعمال عشان قلت ليك شايت معاهو؟!
أبداً يا اساسي راجع كلامي عن موقف محمد الحسن وروغانه من كمال عباس تفهم اني بعتقد إنه محمد الحسن ليس مع نشر هذه الأعمال ولا غيرها بدلالة وصفه لكتابة من الأرشيف بالإباحية صراحة وليس إلتفافاً
ومحمد الحسن سوقانو للخط دا لحاجة واحدة بس انه يا ناس عاوزين تدينو كلام منال الآن ادينوهو وادينو كلام صاحبتكم الكتبتو زمان وادينو كلام اي بت تجي تكتب ليها كلام خارج معيار اخلاقنا المستند على الفهم السلفي وعاوز يسوّق لقانون زي دا عشان تاني اي واحدة من العضوات بالمنبر تكتب كلام ويجي زول زي طارد الأرواح يقول كلمة يفرز هو الكيمان بالاقتباسات المالي بيها هارد دسكو .. وغنت زمان قلت هسع ما تقول وإنت ما قلت رايك في كلام فلان شنو وعلان شنو .. ويتساق الكلام كدة ..
فهمي لمحمد الحسن انه عاوز يضع ليهو لائحة منبرية أخلاقية هنا تانية تعتمد على الارشيف وما كتبته انت سنة دو وماكتبه علان سنة اخترعو الويكة ..
Quote: ليس هنا احدا قيم علي حد ولا وصي علي احد ما دام لم يتعدي بكتابته علي شيئ شخصي يمس احدا هنا
ليس من حق احد طرد احد في هذا المنبر بناء علي معاييره الخاصة
طريقة تقيمنا للاخر مبنية في الاساس علي مدي قبولنا له وعلي مدي صداقته لنا وليس علي المبدئية
هذا ما اردت ان اناقشه في هذا البوست تحديدا
|
اها يا أساسي عشان قولك دا وكلام الانا فهمتو من اول يوم إنت اتداخلت قلت يا اساسي فهمك هسع للموضوع ما صاح ولو ما بعيد شوية من النت بجدة كنت وقعت ليك الحكاية لاني فاهمك إنت سايق خط مناقض تماماً لخط محمد الحسن سليمان حسب قرايتي واهو انت بتثبتها .. بس محمد الحسن لانها ما عندو نفس للنقاش الطويل والاخذ والعطاء بقي بيتوكأ في بوستو علي مداخلاتك إنت وخلاك ترهق ليهو الصيد زي ما بيقول عشان بعدين يقتنص بسهولة ..
دي قراية بنات راسي للحكاية كلها
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: HAIDER ALZAIN)
|
والله يا حيدر الزين دي مماحكات ساكت ونقل للحوار الشغال في البوست داك بي جاي , انا يا زول بتكلم عن رقبتي دي ما اتكلمت عن محمد E سليمان شرحت ليك موقفي والان بشوفه ( متماهي في تاغم ) مع موقف المعلم محمد الحسن سليمان ( نكاية في اب كتابة زي الودك) .
محمد الحسن سليمان الانا فهمتو من البوست بتاعه حق المعيار انه اي معيار يخليكم تشجبوا بعض الكتابات الفيها شبهة ابتزال وتتركوا بعض الكتابات الفيها ابتزال صريح ودا نفس المدخل الانا دخلت بيهو البوست , محمد اي سليمان ليهو طريقة خاصة به في ادارة ذلك البوست بينما اتبعت انا طريقة مباشرة مع شخوص المنافحين لمنال قد اكون تفارقت معه في بعض النقاط وتقاطعت ولكن النقطة الارتكزنا عليها واحدة و الظاهرة في المداخلة النقلتها ليك من البوست داك والانت اقتبست منها فقرة لم توجه لك ولكن وجهت للاخريات في ذلك البوست , اقر انني اسرفت في الكتابة في ذلك البوست لدرجة احيانا طغي الامر الشخصي علي مداخلاتي واضعف بعضها الامر الذي مكن بعض الاخوة من التقاط بعض الذي جاء في اسهابي الغير مبرر للرد به علي الا ان الشهد في الامر ان حبل الحرير كما يقول ( رعاه) الله الذي في الشارغة بدأ يلتف رويدا رويدا علي رقاب اؤلئك ( المتثاقفين) في ذلك البوست لدرجة دعت قدس الله سره ود خالد الي التزمر من موقفهم وابداء دههشته وامتعاضه
( النبي فيك كان ترد علي وتجادلني )
قول لي كلامك صاح ووقعت لي وجهت نظرك حسسني يوم واحد انه في المنبر دا ممكن يكون في زول بيقتنع بوجهة نظر غير حقته
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: اساسي)
|
يا اساسي نحن اساساً متفقين واصلن مقتنع بوجهك نظرك شايف كيف ..
ولن اجادلك لأني اساسا ربنا يعلم بزنقتي بس حاولت اوضح ليك قرايتي
وغنكم ما واقفين موقف واحد انت ومحمد اي ..
ــــــــــــ خارج النص للتوضيح
| Quote: محمد الحسن سليمان الانا فهمتو من البوست بتاعه حق المعيار انه اي معيار يخليكم تشجبوا بعض الكتابات الفيها شبهة ابتزال وتتركوا بعض الكتابات الفيها ابتزال صريح ودا نفس المدخل الانا دخلت بيهو البوست |
صاح إنت دخلت بالمدخل دا بدون خلفية كافية ثم في الآخر خرجت بمخرج إنه الكلام مبتزل صريح لدرجة إنك ترفعّت ببعض الاخوات إنهن يكتبن مثله
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: ود محجوب)
|
أخانا ( الأكبر ) الحبيب الدكتور ود محجوب
السلام عليكم ورحمة الله
نصيحتك غالية والله ومقبولة
نعتذر للأخ كمال عن أي شيء أغضبه .
بس سؤال 1:هل من احترام الإنسانية /الحرية/حقوق الإنسان/ الديموقراطية/العدل المساواة أن تقول الإنسان ما لم يقل ؟
بس سؤال 2:هل من احترام الإنسانية /الحرية/حقوق الإنسان/ الديموقراطية/العدل المساواة أن تبتدع من بنيات أفكراك موقفا معينا وتجعله للآخرين ؟
بس سؤال 3:هل من احترام الإنسانية /الحرية/حقوق الإنسان/ الديموقراطية/العدل المساواة أن تنصب محاكم التفتيش للتنقيب عن رأي شخص معين
في قضية محددة ؟ أليس من حقي الصمت متى ما أردت والتصريح ما مارأيت ذلك مناسبا .
بس سؤال 4 :هل من احترام الإنسانية /الحرية/حقوق الإنسان/ الديموقراطية/العدل المساواة أن تشبه أخاك بأنه يلمع مثل الجزمة ؟
بس سؤال 5 :هل من احترام الإنسانية /الحرية/حقوق الإنسان/ الديموقراطية/العدل المساواة أن تفاضل بين السوداني والحبشي على أساس العرق ؟
-------
تحياتي يا كمال وأسفي على ما نالك من كلامي من حدة .
بالنسبة لكلامك حول اختيار أساسي لي ضمن كتابه المفضلين
ربما أتفق معك أن أساسيا هذا غير محق ولم يضع معايير اختياره
لكنها وجهة نظره الشخصية ويمكنك أنت أيضا أن تصنف قائمة بأفضل الكتاب أو أسوأ الكتاب حسب جهة نظرك
| |
|
|
|
|
|
|
|
|
 Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
Mohamed E. Seliaman
سلام من الله عليك
انا جيت البوســت وفقا للدلالات التى يمكن ان يبسطها العنوان ...
وتداخل الاخوة إستباقــا لك فى طرح فكرتك ..
فطلبت منهم التريـث حتى تأتــى وتبســط فكرتــك
( علنى انهل منها / اتفق معها / ارفضها /لا اعلق عليها / ...)
والسؤال هــل طرحــت فكرة البوســت ام لا ؟
طــلـب ( انا عايز استبط الفكرة من البوســت ده لوحده دون إحـالــة الى بوستات اخرى )..
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: بدر الدين اسحاق احمد)
|
كتب الأخ محمد e سليمان
Quote: نعتذر للأخ كمال عن أي شيء أغضبه .
بس سؤال 1:هل من احترام الإنسانية /الحرية/حقوق الإنسان/ الديموقراطية/العدل المساواة أن تقول الإنسان ما لم يقل ؟
بس سؤال 2:هل من احترام الإنسانية /الحرية/حقوق الإنسان/ الديموقراطية/العدل المساواة أن تبتدع من بنيات أفكراك موقفا معينا وتجعله للآخرين ؟
بس سؤال 3:هل من احترام الإنسانية /الحرية/حقوق الإنسان/ الديموقراطية/العدل المساواة أن تنصب محاكم التفتيش للتنقيب عن رأي شخص معين
في قضية محددة ؟ أليس من حقي الصمت متى ما أردت والتصريح ما مارأيت ذلك مناسبا .
بس سؤال 4 :هل من احترام الإنسانية /الحرية/حقوق الإنسان/ الديموقراطية/العدل المساواة أن تشبه أخاك بأنه يلمع مثل الجزمة ؟
بس سؤال 5 :هل من احترام الإنسانية /الحرية/حقوق الإنسان/ الديموقراطية/العدل المساواة أن تفاضل بين السوداني والحبشي على أساس العرق |
؟
أنا طبعا بعتبر أنو أنا غير معني بكلامك وتسآؤلاتك الفوق دي وإن كنت
أنامقصودا بها فهيا أثبت ذلك حتي أتمكن من دفع كلامك وتوضيح رأي وبسط
دفوعاتي !
ولكني أعتقدأن هذه النقطة تهمني
| Quote: هل من احترام الإنسانية /الحرية/حقوق الإنسان/ الديموقراطية/العدل المساواة أن تشبه أخاك بأنه يلمع مثل الجزمة ؟ |
إن كنت تقصد
Quote: ملاسي وأساسي والذين يقودون حملة علاقة عامة لتتويجه نجمالهذا الربع وكل الارباع -وتجري حملات التلميع الأسفيري علي قدم وساق
هذه الايام! |
فهذا تعسف وسوء فهم فلماذا تربط التلميع هنا بالجزمة وسياق الكلام
يتحدث عن نجمة وشتان ما بين الجزمة والنجمة?!!
ليه مايكون التعبيرالمجازي هو تلميعك لتكون نجم أي جعلك لامعا
كالنجم ?
س
| Quote: بس سؤال 1:هل من احترام الإنسانية /الحرية/حقوق الإنسان/ الديموقراطية/العدل المساواة أن تقول الإنسان ما لم يقل ؟ |
لا الا أذا كان الامر مجرد إستنتاج وإستقراء لا تقريروإثبات
س
| Quote: بس سؤال 5 :هل من احترام الإنسانية /الحرية/حقوق الإنسان/ الديموقراطية/العدل المساواة أن تفاضل بين السوداني والحبشي على أساس العرق |
لا والف لا ودا تعالي وعصبيةمرفوضة !
كتبت
Quote: تحياتي يا كمال وأسفي على ما نالك من كلامي من حدة .
بالنسبة لكلامك حول اختيار أساسي لي ضمن كتابه المفضلين
ربما أتفق معك أن أساسيا هذا غير محق ولم يضع معايير اختياره
لكنها وجهة نظره الشخصية ويمكنك أنت أيضا أن تصنف قائمة بأفضل الكتاب أو أسوأ الكتاب حسب جهة نظرك |
...إعتذارك مقبول والحقيقة أنا حاولت إنصافك إبتداء بقولي أن هذا
الأسلوب لا يشبهك .. عندك سلبيات في التعامل مع المختلف ولكن دا ما كان
ضمنها
... يا أخي أنا كلامي ماكان -إعتراض أو إختلاف مع إختيارك نجما للربع
من قبل أساسي ! أنا تحدثت إستنتاجاعن تبعات وتداعيات الاختيار
علي طريقتك وأسلوبك معي !
وتاني حاجة : أساسي دا قام بفتح بوست دعي فيه لتكريمك ولم إتداخل
إعتراضا أوأتفاقا حتي لا أخرب البوست أوإستغله لتصفية حسابات وقلت
أنها فرصة للناس لتتحدث عن الجوانب ا الانسانية فيك وتكشف عن قدراتك
وأمكاناتك والمكامن االطيبة فيك وتعددـإيجابياتك - فالمقام لم يكن
مقام نقدي لشخصك حتي أجي مثلا عارضاصحائف سلبياتك بيساري ودفاتر
إيجابياتك بيميني !
......
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
ياعزيزي محمد الحسن سليمان (ماس)
أفتكر أنت قلت ما يفهم منه رأي في ثلاثة مواضع
أولاً: في عنوان البوست: (كيف استطاعت عضوية المؤتمر الوطني فعل ذلك؟)
وهو سؤال لا يبغي رداً بغير ما يوحي بموقف لك من ورائه.
ثانياً:في مفتتح البوست حيث جملتك القائلة (حتى المنبر بقي بالقلبة).
ثالثاً: في تعليقك على العوض المسلمي بقولك (موش كدة بالله) تاكيداً على رأيه فيما استجد من مواقف المستنيرين من الإباحية.
***
كلمة "مستنيرين" هذه لايجب استخدامها للتهكم وتصنيف فئة من الناس يفهم أنهم اليساريون على وجه التحديد.هي كلمة يجب أن تعم لتشمل كل من يتوسم الاستنارة بمن فيهم صاحب البوست والعوض المسلمي فلو لم يكن صاحب البوست مستنيراً فهذا نقصان بيّن.الاستنارة كلمة مضيئة يجب أن يسعى الكل نحو دروبها.والإباحية من أولى الأدواء التي تنأى بصاحبها فراسخ وفراسخ عن الاستنارة.
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: Bushra Elfadil)
|
أستاذنا الكريم دكتور بشرى
السلام عليكم ورحمة الله
سعيد والله بتداخلك الكريم معي وشاكر لاهتمامك
دعني أبدأ بما رأيته الأهم في مداخلتك الكريمة وهو :
(((كلمة "مستنيرين" هذه لايجب استخدامها للتهكم وتصنيف فئة من الناس يفهم أنهم اليساريون على وجه التحديد.
هي كلمة يجب أن تعم لتشمل كل من يتوسم الاستنارة بمن فيهم صاحب البوست والعوض المسلمي فلو لم يكن صاحب
البوست مستنيراً فهذا نقصان بيّن.)))
يا دكتور بشرى ما تقول به جميل وربما يكون صحيحا خارج سياقات هذا المنبر وأعرافه
واستحقاقاته . المستنير اصطلاحا يراد بها -حسب متابعتي* - في هذا المنبر كل موقف مناهض للإسلام
حتى وإن كان أميا جاهلا يهرف بما لا يعرف مثل كثير من حملة مشاعل التنوير بالمنبر العام.
في المقابل الظلامي يراد بها المسلم من أعضاء البورد حتى وإن كان عالما نوويا .
أنا رددت على الأخ العوض حسب مراده من تعبيره وقد جرى منه ذلك حسب السائد هنا وإلا فإن عادتي
في الغالب أن أقول (المستنير بزعمه ).
----------------------------------------------
*يمكن إقامة برهنة إمبريقية لهذه الدعوى
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: عزاز شامي)
|
السلام عليكم ورحمة الله
--------------------
الأخ الكريم مجاهد عبدالله
شكرا للمرور والتعليق والاتفاق
شنو يا باشمهندس ؟ وينك ؟
------------------------------------------------------
الأخت الكريمة عزاز .
(((هو الرأي إلا يكوتوهو؟
كلامك ده قولو لزول ما عندو هديدة يا مهمد ...
رايك واصلنا و فايت اضانا بهناك ...)))
هنا أيضا أتفق معك وأنت تختلفين مع كمال عباس فيما تخرص علينا هنا علينا وقولنا ما لم نقل .
شكرا أخية .
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: كمال عباس)
|
يعني شنو يا كمال عباس أجيب إثباتاتي ؟تناي أجيب ليك كلامك عشان تنكر
أنا مرة استشهدت بكلام كتبته أنت وجئت أنت أنكرت الكلام وقلت إنك ناقله , وإنه دا ما رأيك .
كتبت لك يا كماتل ((طيب يا كمال ألست صاحب العبارة :((((((وبالمناسبة بعض (((الحركات )) النسوية والجندرية تري أن hook up يهدد المراة ويكون علي حسابها))) ؟)))
فرددت علي قائلا : (((ما نقلته هنا ونسبته لي هو كلام ناشطات الحركة النسوية .!!)))
فاعتذرت لك تجنبا للمماحكة .
من صاحب هذه العبارة يا كمال عباس : ((((((وبالمناسبة بعض (((الحركات )) النسوية والجندرية تري أن hook up يهدد المراة ويكون علي حسابها))) ؟
محنة تبارك (2)
إن لم تكن أنت صاحبها وإنما نقلتها فبين لنا مصدرها ؟
من قال هذه العبارة ؟ المصدر لو سمحت!!
والعبارة التي كتبتها أنت أولا هي :
(((وبالمناسبة الحركات النسوية والجندرية تري أن hook up يهدد المراة ويكون علي حسابها))))
ثم عدلتها وأضفت كلمة (بعض) وفي الحالين يظل سؤالي عن مصدر هذه العبارة مشروعا.
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
سلام يامحمد
Quote: يعني شنو يا كمال عباس أجيب إثباتاتي ؟تناي أجيب ليك كلامك عشان تنكر
أنا مرة استشهدت بكلام كتبته أنت وجئت أنت أنكرت الكلام وقلت إنك ناقله , وإنه دا ما رأيك .
كتبت لك يا كماتل ((طيب يا كمال ألست صاحب العبارة :((((((وبالمناسبة بعض (((الحركات )) النسوية والجندرية تري أن hook up يهدد المراة ويكون علي حسابها))) ؟))) |
يا أخي أنت قلت
| Quote: هنا أيضا أتفق معك وأنت تختلفين مع كمال عباس فيما تخرص علينا هنا علينا وقولنا ما لم نقل . شكرا أخية |
.
أنا قصدي أنو كمال إتداخل معاك هنافي البوست وتداخلت إنت معاه
فلو في تجني عليك هنا أو تحريف لكلامك في البوست دا قولوا !
إي كلام ورد في بوست آخر ورد في سياق وخلال عمليةأخذ ورد وسجال يصعب فهمها إذا أنتزعت من سياقها الحواري ! والحوار ليس دائما
مثالي وأنما فيه الحدة والعنف اللفظ( القانوني) - بس المطلوب هو حد أدني من الأحترام وضبط النفس......
...........
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: كمال عباس)
|
(((المطلوب هو حد أدني من الأحترام وضبط النفس.))))
شكرا يا كمال على هذا الكلام الجميل ومن تمام الاحترام احترام الإسلام ومصادره .
---------------------------------------------------------------------
هل كان أحد يتصور أن يكتب أحد عناصر الحزب الشيوعي أو المحسوبين عليه
مثل هذا الكلام التالي :
((((
كثيرون من اهل هذا المنبر يتعاملون مع منال كشخصية واقعية و ليس على سطح الاسفير فحسب و يسعون جهدهم وراء ما تسايره بهم غرائزهم في البورد و خارجه (و أحسبك تعلم)
لكن القاضي او الحكم ليس له ان يحكم من تلقاء علم نفسه
لهذا فليكن الحكم و (المعيار) ما تكتبه منال نفسها من كتابة ونسة لا تحمل اي معاني اخرى غير ايحاءات ايروسية سافرة يدل على معانيها ما يتلوها من كلام ( زي بوست البصل و بوست الكدايس الابت تنوم بالليل دي و ...الخ)
هنا الموقف يختلف بشدة عن كتابات محسن مثلا
او حتى ما يعرف بالادب الايروسي
فديسفسكي وصف اكثر من موقف جنسي بصورةسافرة في رواياته
لكن لم يتهمه احد بكتابة الجنس من اجل الجنس
هنا منال تستخدم الايحاء الجنسي بصورة سافرة (هل اقول بذيئة) من اجل غرض مستتر
فهل لنا غير افتراض الظاهر (و حتى الشريعة لها بالظاهر)
قول لي انا دا امجد (الراجل عديل ان كان ذلك يلزم لمعايير البعض) لمن زوجتي تفتح المنبر العارفني بقعد فيهو و تلقى موضوع زي البصل حلو و فراقو صعب او ما شابه موقفي حيكون شنو مثلا))))))
---------
كتبه د. أمجد فريد
| |
|
|
|
|
|
|
|
|
|
Re: كيف استطاعت عضوية المؤتمر الوطني فعل ذلك ؟ (Re: Mohamed E. Seliaman)
|
| Quote: فكيف تخمن مرادي قبل أن أصرح به ؟ |
أثبت لي إنو تخمين كمال و حيدر غلط?
و أثبت لي إنو عزاز ما ظلامية?
و لو دايرني أثبت ليك إنو غالبية ناس المؤتمر الوطني إبحايين , قول لي عوق و كمان "توجد صور" و " U توبيات"
يا محمد e سليمان
عليك الله إتكلم معانا سوداني و بالواضح
أنت ما درسوك بلاغة في الخلوة?
ليه داير الناس تخمن إنو إنتا بتعني شنو? ليه ما تصرح من قولة تيت?
و ليه مضيع زمن الناس عشان تخمن إنو إنتا بتقول في شنو?
حالتك بتذكرني صاحبا لينا زمان
لمن نجي نلعب الكورة " الدافوري/كرة الشراب"
مرات لمن يجي يسجل الكرة قون و يكون القون فاضي, يرجع بالكورة صادي عشان يحاور لاعبي الخصم و يقوموا شايلين منو الكورة....و عمك يقع في الواطة و يعمل فيها مضروب.
_إنتهى_
| |
|
|
|
|
|
|
|
| |
Mohamed E. Seliaman
محمد المختار الزيادى
العوض المسلمي
كمال عباس
Hussein Mallasi
عمر صديق
HAIDER ALZAIN
اساسي
البدري عبد الله
بدر الدين اسحاق احمد
ود محجوب
Bushra Elfadil
عمران حسن صالح
Kostawi
فيس بوك
تويتر
انستقرام
يوتيوب
بنتيريست