ساخر سبيل : توتو ماسورة .... (لم ينشر)

مرحبا Guest
اخر زيارك لك: 03-28-2024, 12:49 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثاني للعام 2010م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
05-05-2010, 10:19 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ساخر سبيل : توتو ماسورة .... (لم ينشر)

    عندما قرأت بداية عن (سوق المواسير) بالفاشر ظننت – وليس كل الظن إثم- أنه سوق (للحنفيات) وأن المسألة ليها علاقة (بالموية وكده) لكن سرعان ما تيقنت أنى زول (طيره ومبارى السيره) وكما يقول أولادنا (ما ناقش حاجة) ، فقد إتضح لى أن سوق المواسير ما هو إلا سوق للمرابين (ربا عديل كده) !

    حيث يقوم فيه (العميل) بتسليم (أصحاب السوق) فلنقل (5 ألأف جنيه) ليتم تسليمه المبلغ مضاعفاً (10 ألف جنيه) بشيك آجل (بعد شهرين مثلاً) !!! وفى الغالب يرتد الشيك عند محاولة الصرف !! كما يتعامل السوق بشراء السلع التي تتراوح ما بين المنازل والسيارات والتلفزيونات والأجهزة والمعدات والأثاثات المنزلية ، حيث يقدم السوق للبائع أضعاف سعر السلعة شرط الدفع الآجل.

    قلت فى نفسى لابد أن يكون هذا السوق سوقاً سرياً يعمل فى الخفاء فلا يمكن (لحكومة) تداهم المنازل الى يتم فيها لعب (الكونكان والحريق) أن تسمح بوجود هذا النوع من (القمار) !

    لكن لدهشتى علمت أن هذا السوق يمارس عمله ونشاطه في العلن لعدة أشهر خلت تحت أعين وسمع السلطات الحكومية وقد توسعت أنشطتة وافتتحت له عشرات المكاتب الفرعية بالمدينة وكانت الحكاية ماشة عال العال لولا أن (رائحته النتنة) قد فاحت بعد أن تعثر أصحابه (وهم نفرين بس) في سداد الالتزامات المالية أثناء الصرف حلى حملتهما الإنتخابية (مرشحين وكده!) ، ومن ثم ساورت المتعاملين في السوق الشكوك حول مصير أموالهم إلا أن الطمأنينة أتتهم من (والي المسلمين بالولاية) الذي قام بتزكية مديري السوق بقوله أمام الأشهاد بأن (الناس المسؤولين من سوق الرحمة - وهو الاسم الحقيقي للسوق - هم من أبناء حزب (المؤتمر الوطني) الخلص الأتقياء، وأن السوق سيستمر بعد الانتخابات) كما أوضح فى حشد جماهيرى تعهده بإسترداد الأموال وإعطاء كل ذى حق حقه !

    بالطبع كانت دهشتى عظيمة بالطبع ليس لأن (المرابيين) أبناء المؤتمر الوطنى فهذه لا تستوجب الدهشة مطلقاً , وليس لأنهما (فازا فى الإنتخابات) فهذه أيضاً لا تستوجب الدهشة ولكن إندهشت لنعت (الوالى) ووصفه لهما (بالتقى والورع) !!

    هذه الدهشة التى سرعان ما زالت وحلت بدلاً عنها (دهشة أكبر) بعد أن أوضح نفس الوالى تبرؤه من الناس (الخلص الأتقياء) بعد أن إنتهت الإنتخابات ووصفه لهما بأنهما من المرابين وأنهما قاما بأكل أموال الناس ! مؤكداً حرمة تلك الأموال لأنها جاءت نتاجاً لثراء حرام ومشبوه موضحاً ان ممارسة هذا النوع من التجارة ربا وقام بالقبض عليهما ليودعا السجن وسط ذهول المواطنين (العملاء) الذين سلموا كل ما يمتلكون لهذين (المرابيين) وقعدوا على (الحديده) مما جعل المواطنون (حوالى 20 ألف مواطن) يخرجون فى مسيرة سلمية لتسليم مذكرة للوالى للمطالبة بحقوقهم التى بلغت عشرات المليارات إلا أن الشرطة والأمن تصدت للجماهير بإطلاق الرصاص فمات من مات وعاش من عاش بعد أن دخل الإنعاش !

    ما يستفاد من الحكاية :

    • ما كان يمارسه هذا السوق حلال وليس ربا لأنه كان يتم تحت بصر وموافقة الحكومة لمدة أحد عشر
    شهراً .

    • ما كان يمارسه هذا السوق حرام وربا لأن الحكومة أوقفته بعد 11 شهر وقبضت على الشخصين
    وأودعتهما السجن .

    • الشخصان مرشحان وقد فازا لأنهما خلص وأتقياء وأقوياء وأمناء.

    • وعد الوالى المواطنين قبل الإنتخابات بإستمرار السوق ورد أموال المواطنين ، وفاز الوالى
    لكنه قام (بعد الإنتخابات) بإغلاق السوق و(فك المواطنين عكس الهواء) !

    • أى والى ممكن (يلحس كلامو) مفيش أى مشكله أيه يعنى لمن يكون قوى وأمين وكمان (لحاس) !

    • أى مواطن قروشو الدفعا دى تانى لو شافا بى عينو يجى يقابلنى !

    كسرة :

    حرام لى حرام وبدل المواطن يخسر الملايين دى .. أحسن (توتو كورة) بدل (التوتو ماسورة) دى ، كووولها جنيه جنيهين (الزول) يملأ بيهم كم (عمود) .. يثبت هلال كادوقلى .. والمرغنية كسلا .. والأمل عطبره يلعبهم (راس) ويعوم الباقين وهو وحظو !!

    (عدل بواسطة الفاتح يوسف جبرا on 05-05-2010, 10:37 AM)

                  

05-05-2010, 10:28 AM

عمر الفاروق عبد الله الشيخ
<aعمر الفاروق عبد الله الشيخ
تاريخ التسجيل: 04-19-2011
مجموع المشاركات: 3478

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    اخ الفاتح تحياتي

    ياخي السودان ده كله معوم بس ما عارفين اللاعبينه راس منو؟
                  

05-05-2010, 11:00 AM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عمر الفاروق عبد الله الشيخ)

    Quote: أحسن (توتو كورة) بدل (التوتو ماسورة)

    ** البروف ابو ناجى..
    ** مساءك خير..

    ** نديك النجيضه :-(على قولة ود الصايم)

    **أصلو الناس فهمت موضوع السوق غلط ,, وهو كان محاوله لإمتصاص السيوله الزائده عند الشعب الفضل لدعم الإقتصادى العالمى المُنهار ..

    ## وبعد ما الجماعه فازوا بالإستفتاء بتاع إبريل حيعملو ليكم نظام أحسن من توتو كوره وهو :-
    ### اليانصيب الاسلامى للشعب المُتسامى ###

    ** ودا نظامو السهم بعشره جنيه (10جنيه) واقل مُشاركه للمُضاربه والمُرابحه والمُشاطنه (10) أسهم ,, ورسوم إصدار السهم الواحد /7,77/ جنيه (سبعه جنيه وسبعه وسبعين قرشاً)
    *(نظام تيمن بالرقم سبعه"7")
    ** والسحب كل (7) سبعه يوم ,, بس تاريخ بداية السحب ماتسأل منو ..
    ** وبعد كده بتدور البليه يالقيت قروشك كسحت ماليزيا أو دبى أو الصين .
    ## وبذلك يكون الشعب الفضل عرف معنى كلمة مأسوره ومواسير ,, وينتهى العزاء بإنتهاء مراسم الدفن.
    (ودام الود بيننا)
    (ابو محمد فؤاد) - الماكيكى..
                  

05-05-2010, 12:48 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عبدالكريم أحمد الامين)

    عزيزى أبومحمد فؤاد
    تحيااتى

    على قولك هسه قروش الجماعة ديل كان قريبه تكون فى كوالا... لامبور !!
                  

05-05-2010, 11:18 AM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عمر الفاروق عبد الله الشيخ)

    Quote: ياخي السودان ده كله معوم بس ما عارفين اللاعبينه راس منو؟


    والله يا عمر لو عارفين نقول ع طول .. !
                  

05-05-2010, 11:00 AM

عادل سمير
<aعادل سمير
تاريخ التسجيل: 08-08-2009
مجموع المشاركات: 434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    Quote: • أى مواطن قروشو الدفعا دى تانى لو شافا بى عينو يجى يقابلنى !


    لاااااا حولاااااا
                  

05-05-2010, 11:29 AM

شكرى سليمان ماطوس
<aشكرى سليمان ماطوس
تاريخ التسجيل: 11-07-2006
مجموع المشاركات: 2621

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عادل سمير)

    كان من أهم الأدعية التى أتضرع فيها و بها و منها للخالق الجبار

    "اللهم حسن الخاتمة"

    لكن تتابع فنون و أحداث المؤتمر الوطنى تجعلنى أن أغير إستراتيجيتى مع خالقى
    و سوف اتضرع من الآن بــ:

    "اللهم ثبتنى على دينى و أحفظ لى عقلى "


    إنتهت سيناريوهات الإنتخابات و ما زلنا مشدوهين من الصدمات فى:
    البراعة
    الحبكة
    بيع الزمة
    نقض العهود
    خيانة الأمانة
    سلطان الدنيا
    و سلطان السلطة


    و ما يحمله قطار المؤتمر الوطنى و زبانيته
    (بالداخل/الخارج) (محلين /أجانب)
    للإستفتاء تملؤه ما هو أعظم و أفظع و أمكر مما رايت عين و سمعت أذن و شاهدت عين



    اللهم لا نسألك رد القضاء و لكننا نسألك اللطف فيه





    --------
    لك التحية الفاتح جبرا و لضيوفكم









    ش
                  

05-05-2010, 12:37 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: شكرى سليمان ماطوس)

    لا احسن ينشر يا ابوناجي...


    تكتبو علي بياض وعايزو ينشر؟؟؟
                  

05-05-2010, 01:04 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: nazar hussien)

    الحبيب نزار
    سلاااام

    والله أنا ما شايف فيهو حاجه .. والموضوع واااااضح وظااااهر وما داسينو!!
                  

05-05-2010, 12:40 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: شكرى سليمان ماطوس)

    تحياتي صاحب السبيل الساخر .. الفاتح جبرا

    Quote: كسرة :

    حرام لى حرام وبدل المواطن يخسر الملايين دى .. أحسن (توتو كورة) بدل (التوتو ماسورة) دى ، كووولها جنيه جنيهين (الزول) يملأ بيهم كم (عمود) .. يثبت هلال كادوقلى .. والمرغنية كسلا .. والأمل عطبره يلعبهم (راس) ويعوم الباقين وهو وحظو !!


    عصيدة ..
    حرام لي حرام ... وبدل ما الوالي يسجن (جماعتوا) ويفك المواطنين عكس الهواء ...
    أكان أخير ليه يفك (الجماعة ) للمواطنين عشان (يعوسوا) عواستهم لحدي ما يسددوا
    ديونهم الفوق ضهرهم ديك ، وبعدين يدخلهم ان شاء الله (ماسورة ) ..
    ويادار الوالي ما دخلك شر ...
                  

05-05-2010, 12:56 PM

Dr.Saeed Zakarya Saeed
<aDr.Saeed Zakarya Saeed
تاريخ التسجيل: 12-09-2005
مجموع المشاركات: 1706

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عمر التاج)

    الاستاذ الصحفي الساخر جبرة....
    Quote: عندما قرأت بداية عن (سوق المواسير) بالفاشر ظننت – وليس كل الظن إثم- أنه سوق (للحنفيات) وأن المسألة ليها علاقة (بالموية وكده).....
    عندي شك كبير أن بينهما علاقة ....ها ها.....
                  

05-05-2010, 01:10 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: Dr.Saeed Zakarya Saeed)

    عزيزى دكتور زكريا

    تحياتى

    أنا فى الأول كنتا قايل مافى علاقه لكن هسه وقعت ليا ... ها ها ها !
                  

05-05-2010, 01:07 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عمر التاج)

    عزيزى الرجل المهذب عمر التاج

    والل كلامك فى محلو .. أصلو وكت المسعلة باظت يخلو (الحريق) مدور !!
                  

05-05-2010, 12:57 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: شكرى سليمان ماطوس)

    عزيزى شكرى ..
    التحايا والود

    لكن هى جنس فنون .. حاجه والله تحير الما بيتحير .. هسه جنس ده فى زول سمع بيهو؟ الناس العملو السوق ده لو ما كانو فى الحزب الحاكم والله أنا شخصياً ما عندى معاهم أى شغلة وممكن نقول ديل مواطنين نصابين .. لكن يكونو فازو فى الإنتخابات وح يدخلو المجلس التشريعى ؟ عشان يشرعرعوا لينا شنو؟ والله مفيش مسخرة أكتر من كده !!
                  

05-05-2010, 12:50 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عادل سمير)

    لااااا حولاااا


    لكن يا مولانا (عادل) يجيبوها ليهم من وين دى هسه لو قريبه تكون فى حتت ما قال أخونا أبوفؤاد !!
                  

05-05-2010, 12:54 PM

محمد عبد الماجد الصايم
<aمحمد عبد الماجد الصايم
تاريخ التسجيل: 10-16-2005
مجموع المشاركات: 35312

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    لكن يا عمكـ .. الماسورة زاتا نفتشا بالتوتو!
                  

05-05-2010, 01:01 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: محمد عبد الماجد الصايم)

    أمانة فى ذمتك دى يا ودالصائم ما أخير توتو كورة .. أقل حاجه الواحد عندو إحتمال إن شاء الله واحد فى الدشليون يكسب ؟ مع جماعت المواسير ديل ما بتطلع بى حاجه لو ناجيت !!
                  

05-05-2010, 01:08 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6072

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    Quote: االناس المسؤولين من سوق الرحمة - وهو الاسم الحقيقي للسوق - هم من أبناء حزب (المؤتمر الوطني) الخلص الأتقياء، وأن السوق سيستمر بعد الانتخابات)

    لعنة الله عليهم جميعا
                  

05-05-2010, 01:14 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: فتحي الصديق)

    أخونا فتحى الصديق

    إتخيل إنو الوالى كلامو ده كوووولو لحسو .. وقال ده مال حرام والقصة دى ربا !! (بعد ما فاز طبعننن)!


    إستدراك :

    سقطت كلمة المنتخب التى تسبق الوالى هذه الأيام !!
                  

05-05-2010, 01:19 PM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: فتحي الصديق)

    Quote: والله أنا ما شايف فيهو حاجه .. والموضوع واااااضح وظااااهر وما داسينو!!



    الوالي زاتو كان شايف سوق الرحمة ما فيه حاجة...
    حتي اصر الناس علي تسميته سوق المواسير...
    وماسورة فوق ماسورة...وشيك علي بياض...
    وبيت بي حصانين وشيك...
    والوالي يتفرج...

    هسي الفرجة فيها حاجة؟؟؟
                  

05-05-2010, 06:20 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: nazar hussien)

    Quote: الوالي زاتو كان شايف سوق الرحمة ما فيه حاجة...
    حتي اصر الناس علي تسميته سوق المواسير...
    وماسورة فوق ماسورة...وشيك علي بياض...
    وبيت بي حصانين وشيك...
    والوالي يتفرج...


    شايف شنو يا نزار؟ قالو ليكا المعاملات كانت قاعدة تتم فى أقسام البوليس .. يعنى البوليس خلى شغلو ومكاتبو حولوها الجماعة لى صرافات وبيع وشراء وده عشان المواطن طبعن يطمئن وكده .. ده غير إنو الزول بتاع السوق ده إتبرع للدورة المدرسية بى كم مليار وكم عربية هايلوكس .. ياخى خليك من كده : قالوا إمام الجامع ذاااتو وهو نقيب شرطه (إتخيل.. يعنى دين وقانون) قال ليهم فى واحده من خطبو إنو الموضوع حلاااال وما فيهو حاجه !!

    كسرة :
    أجمل حاجه إنوالوالى سألوهو بعد القضية ما هاصت قالو ليهو (الحكومة ليه كانت عارفه وما إتدخلت؟)
    إتخيل ردوا كان شنو ؟ : قال ليهم ديل مواطنين مع بعض وإتراضو على كده !! يعنى يا نزار كل خمسة ممكن يشيلو ليهم (جوز كشاتين) ويمشو يلعبو قمار قدام حديقة (القصر) ... مش متراضين؟
                  

05-05-2010, 01:20 PM

Abd-Elrhman sorkati
<aAbd-Elrhman sorkati
تاريخ التسجيل: 02-21-2003
مجموع المشاركات: 1576

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: فتحي الصديق)

    عزيزي أبو ناجي

    والله باين نحن الطلعنا ماسير في أكبر خور في العالم
    علي الطلاق نحن لو ما مواسير ذاتنا ما كنا خلينا التاس ديل قاعدين لغاية هسة


    كسرة :
    بنفكر أنا ومجموعة من الاصدقاء نعمل لينا ماسورة ضخمة جدا وندخل بيها السودان موسوعة جنيس
    يعني ماسورة كدة يكون قطرها خمسة كيلو متر وما فوق
                  

05-05-2010, 05:37 PM

الفاضل يسن عثمان
<aالفاضل يسن عثمان
تاريخ التسجيل: 04-17-2008
مجموع المشاركات: 3279

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: Abd-Elrhman sorkati)



    استاذنا الفاتح جبرا:

    اللورد اشكروفت،زول كسيب،عنده بيزنيس داخل وخارج مملكة اليزابيث
    تم اكتشاف بانه زائغ من ناس الضرائب،تبجح وذكر،بان هنالك بعض
    الاموال كسبها خارج حدودالمملكة،ولا يحق ان يدفع عليها ضرائب.
    تم تجريده من القابه،واخذت ضرائب وغرامات علي امواله
    وذكروا له جماعتك،بالذهاب العيش محل،اكتسابه للاموال
    وصار في ركن قصي ويعض اصابعه ندما.
                  

05-05-2010, 06:26 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاضل يسن عثمان)

    Quote: اللورد اشكروفت،زول كسيب،عنده بيزنيس داخل وخارج مملكة اليزابيث
    تم اكتشاف بانه زائغ من ناس الضرائب،تبجح وذكر،بان هنالك بعض
    الاموال كسبها خارج حدودالمملكة،ولا يحق ان يدفع عليها ضرائب.
    تم تجريده من القابه،واخذت ضرائب وغرامات علي امواله
    وذكروا له جماعتك،بالذهاب العيش محل،اكتسابه للاموال
    وصار في ركن قصي ويعض اصابعه ندما.


    يعنى يا الفاضل ما أدوهو (إستراحة محارب) وبعدين رقوهو !!
                  

05-05-2010, 06:23 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: Abd-Elrhman sorkati)

    Quote: علي الطلاق نحن لو ما مواسير ذاتنا ما كنا خلينا التاس ديل قاعدين لغاية هسة


    إذيك يا سوركتى وإذاى الأولاد؟

    والله لو ما مواسير جنس البحصل ده ما كان بيكون موجود .. والله ده فى (أفلام الخيال الربوى) مافى !!
                  

05-05-2010, 06:36 PM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 14611

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)



    والله يا الفاتح أخوي


    الجماعة ديـل يمحّنوا الـ ما بتمحّـن



    أحمد الشايقي
                  

05-05-2010, 06:51 PM

احمد محمد احمد عتيق

تاريخ التسجيل: 11-04-2009
مجموع المشاركات: 1819

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: أحمد الشايقي)

    عارف لقايت قريب ...كنت متخيل كلمة ماسورة دي جابوها ناس الكورة ..

    ولكن اظنو خوازيق البلد زادت مواسير ....

    كدي كلمو والي المريخ ...
                  

05-05-2010, 06:57 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: احمد محمد احمد عتيق)

    Quote: عارف لقايت قريب ...كنت متخيل كلمة ماسورة دي جابوها ناس الكورة ..


    أنا ذاااتى كنا زيك يا عتيق !
                  

05-05-2010, 06:56 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: أحمد الشايقي)

    Quote: والله يا الفاتح أخوي


    الجماعة ديـل يمحّنوا الـ ما بتمحّـن


    والله صدقتا يا الشايقى ياخوى !
                  

05-06-2010, 07:09 AM

nazar hussien
<anazar hussien
تاريخ التسجيل: 09-04-2002
مجموع المشاركات: 10408

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    Quote: أجمل حاجه إنوالوالى سألوهو بعد القضية ما هاصت قالو ليهو (الحكومة ليه كانت عارفه وما إتدخلت؟)
    إتخيل ردوا كان شنو ؟ : قال ليهم ديل مواطنين مع بعض وإتراضو على كده !! يعنى يا نزار كل خمسة ممكن يشيلو ليهم (جوز كشاتين) ويمشو يلعبو قمار قدام حديقة (القصر) ... مش متراضين؟



    ومافي زول قال ليه (أحّا) بتاعة المصريين ديك؟؟؟
                  

05-06-2010, 07:24 AM

ندى عثمان حسن
<aندى عثمان حسن
تاريخ التسجيل: 11-20-2009
مجموع المشاركات: 875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: nazar hussien)

    Quote: ما يستفاد من الحكاية :

    • ما كان يمارسه هذا السوق حلال وليس ربا لأنه كان يتم تحت بصر وموافقة الحكومة لمدة أحد عشر
    شهراً .

    • ما كان يمارسه هذا السوق حرام وربا لأن الحكومة أوقفته بعد 11 شهر وقبضت على الشخصين
    وأودعتهما السجن .

    • الشخصان مرشحان وقد فازا لأنهما خلص وأتقياء وأقوياء وأمناء.

    • وعد الوالى المواطنين قبل الإنتخابات بإستمرار السوق ورد أموال المواطنين ، وفاز الوالى
    لكنه قام (بعد الإنتخابات) بإغلاق السوق و(فك المواطنين عكس الهواء) !

    • أى والى ممكن (يلحس كلامو) مفيش أى مشكله أيه يعنى لمن يكون قوى وأمين وكمان (لحاس) !

    • أى مواطن قروشو الدفعا دى تانى لو شافا بى عينو يجى يقابلنى !


    اها وذنب الحكومة شنو ياخ, اذا نحن ناس مخنا كعب وفهمنا متأخر؟

    خالص الود والتقدير استاذ الفاتح.
                  

05-06-2010, 11:45 AM

osama fadlalla
<aosama fadlalla
تاريخ التسجيل: 04-26-2010
مجموع المشاركات: 857

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: ندى عثمان حسن)

    خالص التحايا والتقدير استاذ الفاتح
    والله السمعناه من وزير العدل اكثر من القلتو انت بكثير.....لكن انت الموديك تتكلم عن الربا والحلال والحرام شنو !!!!
    حسع ضيعت على الوليدات التحلية ساكت..!

    تسلم ايدك
                  

05-07-2010, 11:26 AM

عمران حسن صالح
<aعمران حسن صالح
تاريخ التسجيل: 11-26-2004
مجموع المشاركات: 10159

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: osama fadlalla)

    أستاذ الفاتح
    الله يفش غبينتكـ
    وغبينتنا
    وغبينة كلتوم ست الشاي جارتنا
    وغبينة أم مريم البتبيع الويكة في زقاقات حي الهجرة شمبات
    وغبينة ود عثمان الخير الشغال في بقالة وسط حي فقير بمدينة الرياض بالمملكة وبيصرف ألف ريال وساكن بي خمسمائة ريال في الشهر
    وغبينة تاج السر المعوق وبيغسل سيارات في أم بده ...
    وياااااااااااااااااااااارب
    فرجكـ وغضبكـ
                  

05-07-2010, 12:52 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عمران حسن صالح)

    Quote: عزيزى أبومحمد فؤاد
    تحيااتى
    على قولك هسه قروش الجماعة ديل كان قريبه تكون فى كوالا... لامبور
    !!

    ** البروف ابو ناجى..
    ** جُمعتك مُباركه..

    ## قال ليك رهط من الجماعه اللحسو الشعب الفضل فى سوق المواسير بمُباركة الوالى الهُمام ,, ضربو الطشه ووصلو بالسلامه آمنيين بالتاشاتير (بعد أن تم فتلها للون الاخضر ابو صلعه) الى يوغندا وتركيا.
    ** والوالى الحمد لله إشترى ليهو بيت برياض الخرطوم والاٌسره إستقرت فيهو ,, ومابعيد بعد يومين تلاته تلقى ولدو بيضرع بالهمر فى شوارع الرياض..
    ** هى لله ....هى لله .... لا للسلطه ولا للجاه ....
    ** ودقى يامزيكا .... وهاك ياعــــــــــــرضــــــــــــه.. السبابه فوق والعصايات فوق وسودانا تحت.

    (ودام الود بيننا)
    (ابو محمد فؤاد)
                  

05-07-2010, 01:11 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عبدالكريم أحمد الامين)

    ** كيفية التعامل فى سوق المواسير:-

    ## لو عندك عربيه كورولا .. سعرها السوقى :- 20 مليون .. يشتروها منك بـ 40 مليون ويدوك 10 مليون كاش و30 مليون بشيك مؤجل لمدة 45 يوم..
    ** يبيعو ليك عربيتك ذاتا بـ 10 مليون كاش ,, وشيكك ابو 30 مليون فى يدك ..

    ** الناس الاوائل الحصلو الكيته دى ضربو التربيزه وأخدو كل العشرات تتو وكبوا الزوغه وكسرو بنكهم وإتخارجو ,, الناس الجات بعد كده سفت التُراب وحقهم ماقدرو يطلعو بيهو من تربيزة القمار دى ..
    ** وعلى ذلك مُمكن تقيس كافة المعاملات فى مجال البيوت والسيارات والبضائع..
    ** والله السوق دا لوترى عديل فاتنا وفات الامريكان واليهود كان إغتربوا فى الفاشر..
    ## غايتو قُــمــار زى دا :- فى لاس فيجاس ,, وبادن بادن ماسمعنا بيهو..
    ** وعاش الوالى وعاش توجهنا اللاحضارى ,, وكل مأسوره والمواسير بخير..
    ## ياناس السودان هذا ماسمعناه بالله نورونا وصححو المعلومه لو كان هنالك خطأ..
    (وكل تربيزه جديده للمقامره وأنتم بخير)
    (ابو محمد فؤاد)
                  

05-07-2010, 01:40 PM

محمد علي شقدي
<aمحمد علي شقدي
تاريخ التسجيل: 04-25-2010
مجموع المشاركات: 2730

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    لأن (المرابيين) أبناء المؤتمر الوطنى فهذه لا تستوجب الدهشة مطلقاً


    قايطونا بالدهشه مقابل شيكات ذهبيه من الاحباط فوريه السداد

    استاذ الفاتح لنا الله ولك التحيه
                  

05-07-2010, 02:01 PM

د.السيد قنات
<aد.السيد قنات
تاريخ التسجيل: 07-11-2009
مجموع المشاركات: 425

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: محمد علي شقدي)

    سلامات أستاذ الفاتح جبرا

    واحد من الجماعة الكبارات


    إشتري همر ودفع كاش 40 مليون

    والباقي شيك آجل،

    ولسه صاحب الهمر في الفاشر

    الماسورة طرشقت


    المسعول خاف من التحقيق ،

    طوالي رجّع العربية الهمر لي صاحبا

    وقال عاوز ال40 مليون عشان يسلم ورق العربية



    أها دا يسووا ليهو شنو؟؟

    ال40 مليون طارت من صاحبنا وصرفا في الفاشر،

    وإستلم عربيتو ،

    ولكن ورق العربية عند المسعول الكبير،


    وجهة نظر من فضلكم



    يديكم دوام الصحة والعافية
                  

05-07-2010, 07:31 PM

الفاتح يوسف جبرا
<aالفاتح يوسف جبرا
تاريخ التسجيل: 10-31-2006
مجموع المشاركات: 1617

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: د.السيد قنات)

    الإخوة المتداخلون ... معليش الصحة ما تمام وكده .. لو الصحة تمام كان رديت ليكم واحد واحد .. والله الواحد ما عارف يقول شنو؟ ده شئ قمئ جداً .. حاجه تعمل للزول طمام مزمن .. أليس فى هؤلاء القوم رجل رشيد ؟؟؟؟؟؟؟؟؟؟؟؟؟؟؟؟؟
                  

05-07-2010, 08:46 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 07-02-2008
مجموع المشاركات: 8199

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: الفاتح يوسف جبرا)

    Quote: (لم ينشر)

    يعنى يا استاذ الفاتح ابو ينشروه بيهناك جيت فكيتو ليهن هنا
    غايتو شيل شيلتك ,,
    نحن كان عارفنك حريف كده كان بعتناك مع فريق الأمل عشان تفك لينا الحصار
    الضربوه الجزائريون على الطاهر حماد.
    الجماعة اللى اكلوا قروشن ديل لو السوق ده رجع حايسموه سوق البواسير.
                  

05-07-2010, 10:00 PM

طارق ميرغني

تاريخ التسجيل: 12-25-2006
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: عبدالعزيز الفاضلابى)

    استاذنا الفاتح

    دوما نشتاق الي كتاباتك فلا تنقطع

    لكن ما حدثتنا عن دعوة الرئيس للذهاب والاستثمار في سوق المواسير

    هل كانت دعوة صادقة ولم يكن يعلم

    ام كانت دعوة رسمية من المؤتمر الوطني لدعم السوق
                  

05-08-2010, 04:51 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32520

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ساخر سبيل : توتو ماسورة .... (لم ينشر) (Re: طارق ميرغني)

    فوووق
    من اجل المتعة والدهشة في عمايل المواسير

    وتحياتي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de