|
|
 تذكر يا البشير .. أننا تسعة ملايين سوداني لم نصوت لك!
|
حسب إحصاءاتكم
مستحقوا التصويت 16 مليونا
تدعي أنك نلت منهم تأييد 7 ملايين
فيقول الحساب أن تسعة ملايين لم يصوتوا لك
إمتناعا
أو منعا
أو رفضا صريحا
ونحن التسعة مليون أغلبية
نعرف أنك ومؤيدوك تستهينون بنا
لأن بأيدكم السلطة
والمال
وأجهزة التضليل (الإعلام)
ولكننا نحن أهل حق
مهما قال الأصم أو قرتشن
ونحن نعلم أن كان هنالك 70% من السودانيين الذين نعيش بينهم
من مؤيديك
أم لا..
وستعلم _ إن كنت ومن معك لا تعلمون _
أن الشعب السوداني
لا يحكم بالخداع
ولا بالتخويف
ولا بالإفساد
مهما طال الزمن
الباقر موسى
|
|
  
|
|
|
|
|
|
|
|
Re: تذكر يا البشير .. أننا تسعة ملايين سوداني لم نصوت لك! (Re: Amani Al Ajab)
|
كيفك يا الباقر
من منحك الصلاحية للتحدث باسم هؤلاء ال9 ملايين يا الباقر؟
انا لا ادعي ان هؤلاء ال9 ملايين يدعمون المؤتمر
ولكن على يقين ان جلهم تكاسل عن التصويت له بعد الانسحابات
حتى هؤلاء ال7 ملايين لا اقول انهم كلهم مؤتمر
ولكن المؤتمر استطاع اقناعهم وحشدهم للتصويت له
كم تستطيع المعارضة اقناع وحشد من هؤلاء ال9 ملايين يا الباقر؟
كم عدد من لم يصوت لرئيس اكبر دولة ديمقراطية؟
كم عدد من لم يصوت لاوباما وبوش وكلنتون؟
| |
|
|
|
|
|
|
|
|
 Re: تذكر يا البشير .. أننا تسعة ملايين سوداني لم نصوت لك! (Re: Elbagir Osman)
|
| Quote: تذكر يا البشير .. أننا تسعة ملايين سوداني لم نصوت لك! |
...
انكــم ..؟
أنكم منو يا طويل العمــر ....؟
إنت فاضي لي لكن من الونسة مع البنات ..؟
تحدث باسمك فقط .. أنا بعرف ناس قرايبي واصحابي ما صوطو للبشير وقالو لي قول لي الباقر المحلل السياسي ما تتكلم بي اسمنا..
يعني التسعة ملايين إلا واحد ديل ومعاهم الجماعة القلتهم ليك فوق ديل .. ما عندك معاهم شغله ولا بيعرفوك زاتو ..
إنت بتكتب في المنبر العام بسودانيزاونلاين قايل نفسك يعني الفنان الكبير محمود عبد العزيز ..؟
| |
|
|
|
|
|
|
|
|
|
Re: تذكر يا البشير .. أننا تسعة ملايين سوداني لم نصوت لك! (Re: tmbis)
|
| Quote: أنكم منو يا طويل العمــر ....؟ |
يا علاء
تحياتى
نحنا برضو ما صوتنا لا لبشير ولا غيره
لانه اساسا ما ادونا فرصة عشان نسجل
خاتين اماكن التسجيل فى ولايات دايرة ليها الف دولار عشان تصلها
وحتى العندهم مقدرة ما قدرو يمشو يصوتو
لذات الاسباب
فى امريكا وكندا ما لايقل عن مليون مواطن لا سجل ولا صوتو بالتالى
يبقى عمليادى كم صوت ضاعت ؟
الى كل ذلك يا صديقى انت بتتكلم عن الفى السودان
طيب رايك شنو اننا تلاته اخوان من بيت واحد ما قاعدين فى السودان واسماءنا مكتوبة وصوتنا كمان ؟
فعليك الله يا اخوى ما تشكر لى الراكوبة فى الخريف
| |
|
|
|
|
|
|
|
|
|
Re: تذكر يا البشير .. أننا تسعة ملايين سوداني لم نصوت لك! (Re: سلمى الشيخ سلامة)
|
Quote: كانت تخرج لنميري
ولهتلر
ولصدام
جماهير أكثر من ما في الصورة |
تحدث
تحدث
اخ الباقر
فانك تمثل الغالبية العظمى من الشعب السودانى الابى الذى لا يرضى بالذل والهوان
فلا تلتفت لمنتفعية النظام
فانهم قد فتحوا بيوتا وادخلوا ابناءهم المدارس الخاصة المكلفة
وتعودوا على حياة رغدة ساهلة باموال النظام
فتوقع ان يدافعوا عن اكل عيشهم بقوة حياتهم اولادهم وبيوتهم يازول
| |
|
|
|
|
|
|
|
|
|
Re: تذكر يا البشير .. أننا تسعة ملايين سوداني لم نصوت لك! (Re: محمد النيل)
|
قُلْ إِن
كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ
وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ
تَرْضَوْنَهَا أَحَبَّ إِلَيْكُم مِّنَ اللّهِ وَرَسُولِهِ وَجِهَادٍ
فِي سَبِيلِهِ فَتَرَبَّصُواْ حَتَّى يَأْتِيَ اللّهُ بِأَمْرِهِ وَاللّهُ لاَ يَهْدِي
الْقَوْمَ الْفَاسِقِينَ {24}.... التوبة
| |
|
|
|
|
|
|
|
|
|
Re: تذكر يا البشير .. أننا تسعة ملايين سوداني لم نصوت لك! (Re: الشفيع وراق عبد الرحمن)
|
الشفيع قلت لي
Quote:
كم تستطيع المعارضة اقناع وحشد من هؤلاء ال9 ملايين يا الباقر؟
|
أعطيها عُشر فقط (10%) من المال العام والسلطة المستغلة والآلة الإعلامية حقت الدولة المسخرة، وتعففوا عن التزوير والغش والخداع وخج الصناديق،، وبعدين تعال نحتكم لصناديق الإنتخابات، ولو جاب 10% من الأصوات بنتنازل ليه ونخليه يحكم ...
يا شفيع يا أخوي المؤتمر الوطني سخر كل إمكانيات الدولة والدعم الخارجي مادياً ومعنوياً وإعلامياً،،، وبعد داك لم يكتفي بل سعى للتزوير منذ البداية وحتى النهاية حتى النتيجة أدوها جردل،، وبعد ده وبلا حياء يقولوا أكتسح؟؟؟
يا حبيب الفوز ده لا هو قانوني بقوانين الدنيا ولا هو شرعي بشرائع السماء ولا هي لله بل للسلطة وللجاه...
لا أنتظر رداً وأملي أن يكون ردك سراً مع نفسك وإن سألت فسأل ضميرك وعقلك هل أنت مقتنع بما تقول
بالمناسبة: أثناء كتابة هذه المداخلة التلفزيون يعرض الإحتفال المهزلة بالفوز وكله على حسابنا وحساب الغلابة ومن دقنه وأفتله...
أسأل الله أن يحرقهم بكل مليم سرقوه وبددوه في الرقص الفارغ إحتفالاً بظلمنا إنه على ذلك لقدير،،، ليس بيدنا ما نفعله غير أن نرفع شكوانا للذي لا يظلم عنده أحد من العباد...
http://www.sudaneseonline.com/cgi-bin/sdb/2bb.cgi?seq=m...d=260&msg=1265962834
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
| |
Elbagir Osman
Nasr
Tragie Mustafa
Amani Al Ajab
الشفيع وراق عبد الرحمن
tmbis
سلمى الشيخ سلامة
محمد النيل
د.محمد بابكر
Al-Shaygi
فيس بوك
تويتر
انستقرام
يوتيوب
بنتيريست