|
|
|
 Re: وهاكم النجيضة التالتة: غرايشن لم يقل هذا (Re: الشفيع وراق عبد الرحمن)
|
الاخ الشامي سلام عليك
اصلواليومين ديل الهضربة من معسكر الضد ومعسكر المع عامة البورد حمي الفرحة من جانب ورجفة الحسرة فى جانب .
ولكن.
الامريكان لا يهمهم ان السودان يحرق يتشتت يتلغي من وش الدنيا ده كله ما بيهمهم البيهمهم عدم تعارض اي حراك حدث اوسيحدث فى المستقبل مع مصالحهم . وحينما تتهدد مصالح امريكا حتي لو فى اصغر بقعة فى الدنيا دي سنتبين كلنا رد فعل سيدة العالم .
المهم ليس صدق ما نقل عن قريشن او دول الاتحاد الاوربي او الجن ذاته ، المحك الحقيقي هو رأينا نحن السودانيون باختلاف سحناتنا وبكل خلافاتنا الفكرية والعقائدية والعرقية فى المليون ميل مربع دي .هل السودان خرج من دائرة الشد والجذب ووضع اول خطوة على سلم النمو ؟ وهل بعد هذه الانتخابات سنشهد عدل مبني على القانون وهل سنشهد تنمية مبنية على اسس سليمة وأقتصاد معافى ؟ هل ستكون المواطنة هي الاساس وليس القبيلة او الدين او الشكل او اللون او الجهة , هل سيمر بنا واقع يعترف فيه القائمون بالامر ان السودان لكي يهب من ثباته لا بد ان يتم الاعتراف باننا مازلنا فى المربع صفر وان الفوز مهما كان لا يعني انك الغيت الاخرين من حق المشاركة والوجود , وهل سنشهد اعتراف بان الحكم بمبدأ اقصاء الاخر والعمل على تدميره لا يعني الا تراجعنا بوتيرة متسارعة نحو جب سحيق؟
وهل تعي الاحزاب ان العشوائية التي تسم ممارساتها هى سبب اساسي فيما نعانيه؟ وهل تدري الحكومة الفائزة ان العشرين سنة التي مرت لها من السلبيات ما يحيل الراس شيبا؟
فما زلنا عطشي وما زلنا جوعي ومازال تعليمنا متخلفا ومازال اقتصادنا كسيحا ومستشفياتنا حدث ولا حرج
وهذا فى خرطوم كرش الفيل ناهيك عن الاصقاع والاطراف المترامية .
ومع ذلك ما تزال فرحة الفوز من أجل الفوز هي الطاقية ومازالت ردود معسكر الضد قائمة فكيف ينصلح الحال؟
ومع ذلك تلقانا منفوخين بالفارغة ونتشدق بخشوم مليانة نحن والله ناس ما ساهلين ونحن السودانين ناس ايه وناس ايه.... وما قادرين حتي الان ندفن مخلفاتنا البشرية بدون حرج بنظام مجاري فى عاصمتنا الحضارية .
ولسه الناس جوار النيل تشرب من الابار والبعيدين منه الله ليهم.
والحاجات البتمقص كتيرة كتيرة ولكن الله على السودان طالما نحن لسه بنفكر بنفس الطريقة ..
وعشان ما تقول الزول ده شايت وين انا يا اخوى زولا ميت بالغبينة عندما يجول بخاطري حمار فيه خرج وماشة وراه بنية صغيرة تعبي الموية من الترعة او اتذكر شافع ماشي ورا امه لجمع الحطب لطبخ وجبة تم الحصول عليها بمجابدة. او تعرف ان هنالك صغار بيقطعوا ليهم سبعة كيلومترات عشان يلحقوا ليهم مدرسة فى حتة تانية بعيدة وبعد ما يصلوا تلقاهم مفترشين الواطة عشان الحصص والناس تتصارع قريشن قال قريشن ما قال
او تسمع انين مشروع الجزيرة بحواشاته وزراعه وفى كل مرة الحواشة ما بتجيب حق تعبهاوتسمع الناس تتصارع عن امريكا والاتحاد الاوروبي لم يقولا ان الانتخابات مزورة
يا اخ تحرق امريكا واروبا ونحرق نحن زاتنا الما عارفين طظ وعاملين فيها اي حاجة
معليش تاني لاني جيت ناطي من غير احم ولا دستور اصلوا البورد ده الناس بتشارك فيه حسب الصحبة او الانتماء السياسي وبقية التصنيفات والتفريعات والتسميات.
مع التحية
| |
  
|
|
|
|
|
|
|
|
Re: وهاكم النجيضة التالتة: غرايشن لم يقل هذا (Re: إسماعيل حسن)
|
الااخ اسماعيل
مع انو كلامك كلام زول زهجان وطفشان وطالع منك سااااي كده لكن والله مليان حكم
وانا والله قريته تلاتة مرات
وتعليقي عليهو انو ينفع برنامج للحكومة القادمة لانه يخاطب لب المشاكل والمواطن الغلبان المشي مسافات بعيدة عشان يدلي بي صوته هدفه هو تحقيق الحد الادنى وهو ماذكرته انت تحديدا
في اخر زيارة لي للسودان وكانت قبل الانتخابات بي شهرين لم اجد شخصا يتكلم معي في السياسة
العالم دي طلقت وبالتلاتة ساس يسوس وبقى همهم العيشة الكريمة
ندعو الله معك ان تستمع الحكومة المنتخبة وتحقق ما ذكرته وهو والله الحد الادنى المطلوب منها
ودمت اخي
| |
|
|
|
|
|
|
|
|
|
Re: وهاكم النجيضة التالتة: غرايشن لم يقل هذا (Re: الرفاعي عبدالعاطي حجر)
|
Quote: الحكومة تستوضح الخارجية الأميركية حول تصريحات غرايشن
الأربعاء, 28 أبريل 2010 08:46
الخرطوم: واشنطن: الصحافة:
طالبت الحكومة امس الخارجية الامريكية ومكتب المبعوث الامريكي للسودان اسكوت غرايشن، ايضاحات حول ما نسب من تصريحات للاخير، شكك خلالها في نزاهة الانتخابات التي جرت بالبلاد، ونعتها بالتزوير. وقال مندوب السودان لدى الامم المتحدة عبد المحمود عبد الحليم لـ «الصحافة» ان التصريحات التي نسبت امس للمبعوث الامريكي حول نتائج الانتخابات نشرت في مواقع الكترونية ليست ذات مصداقية ومعروفة بمعاداتها للسودان. واوضح «لذا تقدمت بإيضاحات رفعت للخارجية الامريكية ومكتب المبعوث الخاص لتحدد الجهات المسؤولة في السودان على ضوء الرد موقفها من تصريحات غرايشن.» واضاف اذا تأكدنا من صحتها عندها لكل حادث حديث.
|
| |
|
|
|
|
|
|
|
|
|
Re: وهاكم النجيضة التالتة: غرايشن لم يقل هذا (Re: Amani Al Ajab)
|
وده ردنا على نجيضة اختنا اماني:
علي الحلال يا اماني نجايضكم كووولها نيئة
اها انت عايزة تصلي لي شنو؟
هل تؤكدي ان هذا التصريح صدر فعلا من غرايشن؟
قولي الكلام عديييل
قولي انا اماني العجب اؤكد ان هذا الحديث صدر من غرايشن ولدي الدليل
النقلتيهو ده رد المؤتمر الوطني على ما نسب لغرايشن من تصريحات
اما التحتو ده فهو الموقف الرسمي لحكومة جمهورية السودان وهو موجه للحكومة الامريكية ومكتب السيد غرايشن وهو بالطبع موجه في صيغة استيضاح وهو يدل على ان غرايشن لم يصرح به بصفة رسمية على الاقل ده ان كان اصلا قد صرح به
وح تجيك النجيضة يا اختي وما تستعجلي
غرايشن سيصل الخرطوم يوم الاحد القادم
وانا بقول ليك من هسه وكوتتي كلامي ده
اول ما يصل ح تساله الصحافة المحلية عن هذا التصريح
واذا اكد انه صدر منه ف ح يرجع بنفس الطيارة الجابته
| |
|
|
|
|
|
|
|
|
|
Re: وهاكم النجيضة التالتة: غرايشن لم يقل هذا (Re: الشفيع وراق عبد الرحمن)
|
الشفيع سلام:
نحن يهمنا مصلحة المواطن من فوز او تفويز (إن شئت الدقة) المؤتمر الوطني ، وبصراحة انا لا اعول علي اي
موقف دولي اكثر من المواقف الداعم فقط، وبصراحة التعويل علي العامل الدولي في احداث تغير،
كما يلوح بعض المعارضين او في احداث استقرار كما تلوح بعض الدوائر القريبة من السلطة، اعتقد
انه وهم الواهن سواء كانت السلطة او المعارضة .
وامريكا لم تستطيع حماية النميري وعبود والكلام ليك يا.........
كما لم تستطع ازاحة كاسترو ولا شافيز وإن رغبت، نعول علي الشعب السوداني ليس اكثر . ولن نمل ان
نكرر ،كما ان رمي المعارضة بالضعف هو وهم السلطة الذي تصدره لثبيط الهمم ، اذ لم تحدث المعارضةتغيراً
في يوم من الايام ، ولكنها كانت تسهم في تعرية الانظمة وتسهم في تنظيم الجماهير ولكنها لا تحدث
التغير (اعني الاحزاب) . فصانع التغير السياسي في السودان هو الشعب الشعب الشعب ياقوم.
| |
|
|
|
|
|
|
|
|
|
Re: وهاكم النجيضة التالتة: غرايشن لم يقل هذا (Re: ibrahim alnimma)
|
Quote: علي الحلال يا اماني نجايضكم كووولها نيئة
اها انت عايزة تصلي لي شنو؟
هل تؤكدي ان هذا التصريح صدر فعلا من غرايشن؟
قولي الكلام عديييل
قولي انا اماني العجب اؤكد ان هذا الحديث صدر من غرايشن ولدي الدليل
النقلتيهو ده رد المؤتمر الوطني على ما نسب لغرايشن من تصريحات |
الأخ الشفيع أنا لم ولن أتقول علي أحد ..
رد المؤتمر الوطني يوضح بان الخبر صحيح فقد قال المتحدث قطبي المهدي
تصريحات غريشن ولم يقل مانسب اليه علي حد تعبيرك !!
Quote: وقال د. قطبي المهدي، أمين المنظمات بالمؤتمر الوطني لـ (آخر لحظة):
إن تصريحات غرايشون تكشف أن الأمريكان غير معنين بالديمقراطية في السودان، وأن كل ما يرجوه من الممارسة الديمقراطية بالبلاد فصل الجنوب، |
Quote: وح تجيك النجيضة يا اختي وما تستعجلي
غرايشن سيصل الخرطوم يوم الاحد القادم
وانا بقول ليك من هسه وكوتتي كلامي ده
اول ما يصل ح تساله الصحافة المحلية عن هذا التصريح
واذا اكد انه صدر منه ف ح يرجع بنفس الطيارة الجابته |
أما مسألة رجوع غريشن بطيارتة
أرجو أن لا يكون مثل شعار بان أمريكا عذابها قد دنا !!
هناك تصريح أخر من قناة الجزيرة ومسجل بلسان المتحدث الرسمي
لوزارة الخارجية الأمريكية فيليب كراولي هذا التصريح موثق لم نسمع رأيك فيه؟؟
Quote: [شريط مسجل]
فيليب كراولي/ المتحدث باسم الخارجية الأميركية: لم تكن هذه انتخابات حرة ونزيهة ولم تلب المعايير الدولية،
لقد كان هذا جليا في تصريحات مركز كارتر والاتحاد الأوروبي والاتحاد الإفريقي خلال اليومين الماضيين،
على الرغم من ذلك فإن الانتخابات كانت خطوة مهمة من حيث تطبيق اتفاقية السلام الشامل ولكن وبعد أن جرت
الانتخابات يجب أن نركز على الرئاسة وترجيح إعادة انتخاب الرئيس البشير إضافة إلى السباقات الانتخابية على
مستوى حكام ومجالس الولايات فهذه الجهات سيكون لها دور هام في الإشراف على الاستفتاء المقبل والخطوات
التي ستتخذ بشأن أبيي ودرافور حتى نضمن استفتاء يحظى بمصداقية يؤدي إلى ولادة دولة جديدة. |
http://aljazeera.net/NR/exeres/B1D0D756-D1B9-4AD3-AFB5-577F3773CBC3.htm
| |
|
|
|
|
|
|
| |
الشفيع وراق عبد الرحمن
الشامي الحبر عبدالوهاب
إسماعيل حسن
الرفاعي عبدالعاطي حجر
Amani Al Ajab
ibrahim alnimma
محمد عبد الماجد الصايم
فيس بوك
تويتر
انستقرام
يوتيوب
بنتيريست