|
|
 لا عاش من يفصلنا البشير 75%سلفا95% نسبة الفوز وتحمل المسؤوليه
|
قراءة قبل نتائج الانتخابات والاستفتاء
الترتيبات جاهزه للمسيرات العفويه وهيئة العلماء تفتي ان صلاة الشكر فرض عين
الذبائح يستخرج بها شهاده ميلاد مزورة باسم الحزب المنتخب شرعا
وعلي صعيد ذي صله كما اعلن تلفزيون المؤتمر القومي ان اتحاد الهتيفه
مجتمع اليوم لمناقشة كيفية الاحتفال بالريس
الفرقه الماسيه تعزف لرقيص الريس الراب - اقلب الصفحه دون ان تمزقها
سلفا كير يرتل اناشايد الاستقلال فرحا بالفوز الكاسح ويعد مواطنيه بانها بداية التحرر من العبوديه
يرفعون ايديهم الى السماء ويدقون بارجلهم هذه الارض التي سيعيشون فيها مواطنين من الدرجه الاولي
فالتنكمش الاسلاموعروبيه شمالا وناتى بزبر الحديد لنقيم بيننا سدود
اتفقنا على ترسيمها او لم نتفق قرابين الاله تلهمنا اسم جديد لهذ الوطن - اعدالصفحه كما كانت
الاحزاب علي وهن مخالبها تنهش في جدار الشموليه الحمقاء وتعيد رسم جغرافيه الوطن
ابناء الفور والنوبه والامبررو يحسدون الحركه بالله عليكم لا تفعلون
الامريكان وعرابو الاتفاق يرفعون التمام بان الامور تسير علي مايرمون
الجنوبيون في الشمال اما ان يرتضوا ان يعيشوا عبيد تصادر ادواتهم لصناعه المريسه او يرحلون
الجلابه يحملون ما خف وزنه ويعودون
|
|
 
|
|
|
|
|
|
|
 Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد علي شقدي)
|
| Quote: الجنوبيون في الشمال اما ان يرتضوا ان يعيشوا عبيد تصادر ادواتهم لصناعه المريسه او يرحلون |
أولاً مرحب بيك يا محمد على شقدى فى المنبر العام.
ثانياً: الجنوبيين ديل ما عندهم فى الشمال غير أدوات المريسة التى ستصادر؟! مافى واحد ساى عندو خزنة فى البيت ممكن يتصادر أو مكتبة كتب فى بيته أو ... أو ...؟ بس إلا المريسة والمشق
___________________
كان داير تعرف المشق ممكن تسأل عادي ومرحب بيك تانى فى المنبر.
| |
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد عبد الماجد الصايم)
|
يا شباب نحنا سقينا جذور ازمه الانفصال النفسي باستعلاء زائف
وعدم مقدرة علي استيعاب التنوع وانا معاك يا شول انو العبارات مقيته
لكن هذا واقع شاركنا جميعا في استمراريته
وجاء من يجعل من العلاج مستحيل ياودالصايم بفصل الارض
وقد احتاج لتاشيرة لزيارة جون ريتشارداوكيلو صديقي ورفيقاء غرفه واحده طيله سنوات الجامعة
قلت لك يا شول ان للجنوبين اكثر مما تتخيل في الشمال ولنااحباب في الجنوب
اكرر لا عاش يفصلنا
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: وليد محمد المبارك)
|
يا شقدي :-
Quote: شول - الصايم سلامات
بالتاكيد للجنوبين في الشمال اكثر مما ذكرت يا شول بكثير
الرمزيه تحمل فقط جزء يوضح مفارقه الاستعلاء الثقافي كما كنا نردد ادت الي ان( يرحلون) ويرحلون هي الازمه وليت المريسه
اماالمشك يا شول (شناو في ضهرنا )
لكم التحيه |
ود الصايم وشول ومن لف لفهم ديل انت ماسمعته كلام ابو الريش عنهم والا شنو ؟؟!
ياخ فكفك ليهم المصطلحات ورقد ليهم النضمي ستا وفنطو ليهم عشان يفهموك أوعه
تشبكهم الثقافة الاسلامو عربية والاستعلاء والتراتبية الاجتماعية وحاة الله يلحقوك
الغُتس وما تشبكهم المرمزية ودلالة التعارف مابين الماورائيات اوعك.
تحت تحت كده :-
مشتاقين يا فرده
والله يام يا زمان
وسلامي للعيال وامهم .
قال مشق قال قم لف كده والا كده
او ركز مع الكلمة دي زي ما قاله
السيد السنتور وليد الشفت.
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: شول اشوانق دينق)
|
| Quote: وشايف الشقبندي دا عمل ليك فرش متاع .. |
اها شفته يا شقدي جاءك تمبس ذاتو وتمبس ده عندي اقتناع
شخصي بان السيد ابو الريش كان قاصدو هو تحديدا بالكلام داك.
عليك الله يا شقدي بسط في الكلام قدر الله ما يديك نعمنو الناس
دي لو ما فهمت انت امرك ببقي ضيييييق معاهم وبتبقي في تولا .
يا تمبس يا شقدي شقدي ، شقبندي شنو كمان
هسي لو جاء واحد قال ليك تِنفش دي اصلاً ما
موجودة في الموردة ولا الساته ولا الفتيحاب
بتجي تخرخر هنا ده .
ـــــــــــــــــ
زي ما قال ليك شول
يا شقدي ما تشتغل بينا
واصل ساااكت .
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: اسامه خليفه)
|
شقدي .. سلامات ..وياهلا بيك ..
نورت منبر العوام والمثقفين ...
والله ياسفيان داير اكتب ردي قلت اقرأ كلامك لقيتك كاتب عني ...
ياشقدي حاول استخدم الدرجة العاشرة من اللغة عشان الناس الفوق ديل يفهموا .. شول ده زول ماعربي ومكتسب الدارجي من العوض المسلمي بتاع كواهنه .. واخونا ود الصايم ده احسن منه شول باكتر من 76 مرة - شهادة عربية - .. واخونا تمبس بيعمل ليك فيها ابوريش وهو اقرب الى الريش من ود الصايم .. وانا ومحمد E سليمان وابوالريش قلة في المنبر ده عشان كده وطي صوت اللغة شوية ...
ومرة تانية مرحب بيك ..
فايز من صفوة مثقفي هذا المنبر ...(بس ما ظاهر على للتواضع ) ..
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: عصام محمد احمد)
|
فايز اها في نفس النشيد سيدالاسم
كنا بنقول في القولد التقيت بالصديقي
اها القولد دي برضو ست الاسم الجاء منها جدنا شقدي
حافظ - ده كلام كبار اكتر من حقنا
عبدالله - تسلم ياخي كتر خيرك
الشفيع- قنا نستبق النتائج لكن المفوضيه ما خيبت ظننا فيها
احمد - الخجه دي ما هي الساقتنا للدرب الاعوج ده
الماجد صديقي عصام البرلوم لك كل الود
حباب القوم الجاين ديل اهلنا البي عزهم رطنا
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: عصام محمد احمد)
|
الأخ/ أبوعلي
حيّا الله مقدمك ومرحبا بالهلّه ومسهلا في الحلّه.
Quote: الفرقه الماسيه تعزف لرقيص الريس الراب - اقلب الصفحه دون ان تمزقها
سلفا كير يرتل اناشايد الاستقلال فرحا بالفوز الكاسح ويعد مواطنيه بانها بداية التحرر من العبوديه
يرفعون ايديهم الى السماء ويدقون بارجلهم هذه الارض التي سيعيشون فيها مواطنين من الدرجه الاولي
فالتنكمش الاسلاموعروبيه شمالا وناتى بزبر الحديد لنقيم بيننا سدود
اتفقنا على ترسيمها او لم نتفق قرابين الاله تلهمنا اسم جديد لهذ الوطن - اعدالصفحه كما كانت
الاحزاب علي وهن مخالبها تنهش في جدار الشموليه الحمقاء وتعيد رسم جغرافيه الوطن
ابناء الفور والنوبه والامبررو يحسدون الحركه بالله عليكم لا تفعلون
الامريكان وعرابو الاتفاق يرفعون التمام بان الامور تسير علي مايرمون |
هذه ياأخي محمد أول صفحة من الإصحاح الأول من سفر التكوين لأمة العبرانيين الجدد التي يقودها نبي
الله عمروش في بلاد السودان بعد أن وضع لبناتها الأولي فكر كهنتهم المتطرف الإقصائي الذين يتقربون
لله بقتل السامريين من أمثال ياسر عرمان والأميين من أمثال باقان أموم وقد إستعانوا على ذلك بدولة
الروم والفرس .
أبو حمــــــــــــــــــد
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: عثمان عبدالقادر)
|
منبر العنصريه يطلق اشارات النصر فرحا بتحقيق ما خلق من اجله
بجعل خيار الانفصال جاذب في مجتمع اللاوعي
خال الريس كام العروس يجهز للحزن القادم بنصب الصيوانات
موزعا بطاقات الدعوه بتاريخ يناير 2011 من ميلاد المسيح
كنائس الشمال ستصبح خاويه الا من قله من سياخذ مفاتيحهاغير عمر
نفس المنبر يدير بوصلته باتجاه دار الفور بحجة انتشار السرطان
لن نزور جبل مره يا خليل
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: الطيب رحمه قريمان)
|
كل ما اتألم لشئ في هذا الوطن اذكر ابيات عاطف خيري
ركعت على الموج الجنود
من كل جندى تفوح ضحية
ودم مشتت فى الأبد
دسيت جبهتى من السجود
بكى فى مخاض الخوف ولد
إشتبهوا فينى ورا الجبل
شافونى دسيت الهداهد بالزبد
صفا !
إنتباه !
وقعت من الهدهد بلد
نهبوها وإتقسموا الحدود
ويتابع 00فى السرد التاريخي الحقيقي
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر عبيد
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: الطيب رحمه قريمان)
|
نطقت المفوضيه بعد عناء كفرا
10 مليون سوداني صوتوا (في الانتخابات المهزله )
6 مليون سوداني صوتو للبشير بنسبه 68% (يشمل التزويرواللاوعي )
2 مليون سوداني صوتوا لسلفا بنسبة 92% (وكذلك لعرمان المنسحب )
تحليل
6 مليون سوداني من المسجلين لم يصوتوا (مقاطعه )
4 مليون سوداني لم يسجل (قنع )
بهذا التفويض الضعيف سيحكم البشير وسلفا
اتنمني الا يتحقق الجزء التالي من قراءتي للكابوس القادم
و ينفصــــــــــــــــــــل الجـــــــــــــــــنوب
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد علي شقدي)
|
Quote: ركعت على الموج الجنود
من كل جندى تفوح ضحية
ودم مشتت فى الأبد
دسيت جبهتى من السجود
بكى فى مخاض الخوف ولد
إشتبهوا فينى ورا الجبل
شافونى دسيت الهداهد بالزبد
صفا !
إنتباه !
وقعت من الهدهد بلد
نهبوها وإتقسموا الحدود
ويتابع 00فى السرد التاريخي الحقيقي
نحن البلاد الشاكية جرحها للصديد
جاتنا القوافل بالضجيج
جرتنا من حلبة رقيص
ورتنا كيف صلبوا المسيح
ورتنا كيف كتلوا الحسين
وبكينا أكتر منها
ساقتنا فى الآخر عبيد |
بلاي مش كان يكون مصطفي فينا عشان يسلمنا مناديل للجعير
والنخجي...(وتنفس النزلاء)
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد علي شقدي)
|
لاعاش من يفصلنا
اسوء ما يكمن ان تستمع اليه من بعض السودانيين الشماليين مدعي العروبه الخالصه وملاك النسخة الاورجنال من الاسلام
هذا الحديث وامثاله ( فاليذهب الجنوبيين في ستين داهيه ديل لا بشبهونا ولا نحنا بنشبهم )
ولهذا الحديث المقيت جذور وساق وفروع لتكتمل شجرة سوئ تنتج هواء سام يخرج زفيره عبر منابر العنصريه الظالمه
بعد ان ذهبت نشوه الجهاد وانتقل القتلا الذين بايعوا الحاكم بامرا الله تحت ذات الشجره الي الجنه
وقتلا الجنوبين واعوانهم يزدادون سوادا او يتفحمون في الجحيم
ليتلاقى كل هذا مع الترسبات التاريخيه التي تنبعث رائحة تخمرها في اللاوعي السوداني الذي يقسم مواطنيه الي عرقيات
حسب درجات السواد وعلي الرغم من انه لايحتفي بالبياض البائن فينعته بالحلبي ويتخذ الفاتح والقمحي اللون الرسمي
ويحاول اصطحاب الاسمر ويكرة الاسود وداكن السوادالكحلي يدعم هذا التاريخ بقشور الثقافه العربيه ذات الواقع المرير (ان العبيد لانجاس مناكيدو )
والذي جاء الاسلام ليغيره فتمسكنا بالمراحل الاولي للتغير (احكام السبي والأمه )
فانتجت محيط من الثقافه ليس بالكبير جدا ولكنه بلا شك ليس بالقليل تدحرج من لدن بيع الرقيق الي السريه واولاد السريه وعب الجناين
ويتم التوثيق له عبر اعلام لا يحمل من القوميه الا الاسم والذي يسعى من غير وعي لجعل السودان قالب واحد ومن ثقافة الغير الحياتيه مجرد فلكلور 0
والان سودانيون شماليون يحلمون بتمام العافيه وعالم سعيد بعد فصل العبيد
هكذا جعلنا من تنوعنا مقياس لخارطة الانفصال
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد علي شقدي)
|
كتب اخونا عبد المنعم محمد - منبر السوداني الحر - الرد التالي
يظلم هذا الشمالي دوماً (الغاضب الذي مل دفع دمه رخيصاً ) ويوضع في خانة الإتهام وأنه المتسبب الوحيد في إنفراط عقد الوحدة الوشيك .
قبل أن نقفز فوق الحقائق وتأتي بالعبارات "المعلبة" الإسلام الاورجنال والعروبة المدعاة
في جوار الجنوب حيث الناس على السجية وبساطة النقاء وهم البقاء كيف يتعايش هؤلاء الناس مع بطش الحركة الشعبية وكل القوات المقاتلة في السابق .
هل آمنون على مالهم وأولادهم وثرواتهم ؟؟؟؟؟
في جبال النوبة كيف يعيش أبناء الجبال كل أبناء الجبال هل سلم مالهم ودمهم وعرضهم من رصاص الثوار ؟؟؟؟
المسألة ليست مسألة عنصرية لو كان الشماليون عنصريون لما رأيت بيت جنوبي واحد في أي قرية في الشمال ياسيدي الجنوبي الذي يدير حربه في الجنوب هو مواطن وضيف عزيز على أناس ليس بينه وبينهم وشائج دم او معتقد فقط عقد إنساني ورحمة أكبر من مستحدث "مواطنة"
من أراد الوحدة عليه أن يتكأ على حقائق وليس كلام فضفاض وعبارات لا تسمن ولا تغني من جوع
نحن عرب ومسلمون مافيها هل عيب هل حرام هل جناية تأريخية كوننا عرب ومسلمون
حرب الجنوب ظهرت مع الإنقاذ ؟؟؟
الحرب الإقتصادية على السودان أتت مع الإنقاذ ؟؟؟
لا أدري أهو تشفي ام جلد ذات أم خوف ودموع رخيصة ويد واجفه تترمرم الوحدة وتسأل الناس حسنة ومنة ووحدة لله أيها الجنوبي الكريم .
مع فائق الإحترام علي محمد شقدي
| |
|
|
|
|
|
|
|
|
|
Re: لا عاش من يفصلنا البشير 75%سلفا95% نسبة الفوز وتحمل المسؤوليه (Re: محمد علي شقدي)
|
احترامنا الشديد لوجهة نظرك فى تحميل المسئولية للشريكين
الاقرنين الاملحين الادعجين
ولكن ماذا نستفيد نحن من تحملهما للمسئولة بعد ان تقع الفاس فى الراس
وما هو دورنا نحن الذين نحملهم هم المسئولية
هل فقط هو مجرد ان نقعد فى كنبة الاحتياطى ورصيف الانتظار لنرى يوم العورة الكبرى
يتبرج امامنا بكل سؤاته . ونردد ونتمتم ونهمهم نحن هم السبب هم السبب .
السؤال كبير والاجابة عليه تحصارنا جميعا
فهل من مجيب
--------------
تخريمة
------------
عجبنى اسلوبك فى طرح الموضوع
| |
|
|
|
|
|
|
| |
محمد علي شقدي
شول اشوانق دينق
محمد عبد الماجد الصايم
وليد محمد المبارك
tmbis
سفيان بشير نابرى
اسامه خليفه
فايزودالقاضي
حافظ حسن ابراهيم
ABDALLAH ABDALLAH
Ahmed musa
الشفيع وراق عبد الرحمن
عصام محمد احمد
Tragie Mustafa
محمد إبراهيم علي
عثمان عبدالقادر
الطيب رحمه قريمان
ابراهيم عدلان
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست