حرية الاعتقاد وحرية الإلحاد ....

Quote: يا أخ عادل دي قناعاتك التي لن تستطيع الزام الاخرين بها, عني ضد الايذاء الجسدي لأي شخص عن قناعاته, لكن رايي ده ما بقدر ألزم بيهو الجماعات المتشدده اللي المعتقد عندها لا ينفصل عن الفعل, وبتتبع وبتستدل بنصوص معينه ومستعده تموت فدا معتقداتها دي, أفضل المجموعات دي وأكثرها اعتدالا هو البيقول ليك نلجأ للقضاء, ده رايهم ودي قناعتهم ومعتقداتهم, وانت ما بتقدر تغيرها ليهم, ولا بتقدر تحجر عليها, مهاجمتهم وسبهم ما حيغير معتقداتهم دي, زي ما اراء هشام ادم أنا ما بقدر أحجر عليها, عليه شخص راشد عاقل زي هشام ادم قرر بكامل قواهو العقليه مناقشة أمور تمس معتقدات الاخرين, عليه تحمل تبعات قراره هذا, الموضوع ما لعب, وهو موضوع كبييييير ومعقد للغايه, أما من ناحية هشام أساء فأساء, ممكن أجيب ليك اقتباسات لنقاشات هشام ادم في المواقع الالحاديه, هشام للأسف ملحد متصدي للدين الاسلامي علي وجه الخصوص, وخائض في نصوصه ومقدساته بالباطل, دعوي انه ناقشوهو وما تأذوهو, دعوي لاتستطيع الزام أحد بها, وعليه تبقي حماية هشام ادم مسئوليته الفرديه, وعلي تحمل مسئولية ما خاض فيه, ده واقع المجتمع النحن عايشين فيهو, بدون مثاليه, وبدون افتراض تطبيق قناعات شخص علي شخص اخر, سودانيز أون لايد مجتمع فيه المتشددين زي شيخ الطقي وعماد موسي, وفيهو الملحدين, ولكل قناعات مؤمن بيها حد التزمت, سب عماد وشيخ الطقي ما حيثنيهم عن معتقداتهم, اللي اتعهدوا انه يدعموها بفعل, والبادئ كان هشام ادم لما مس معتقدات الغير, وهم ماطلبوا غير انه هشام يكف عن العبث بالمعتقدات في هذا الموقع, وادعاء حسن النيه لايفيد هشام فكتاباته في غير هذا الموقع تشهد, وكتاباته هنا مفهومه لكل ذي عقل, يبقي في المعركه اللي أنا ما بقدر أغير قناعات أي طرف فيها دي, بحمّل هشام مسئولية ما يدعو اليه .. ده طريق شائك هو دخّل نفسه فيهو وعليه تحمل تبعاته ,,