في الدفاع عن أدروب وتحية وحيدة إلى ود شاموق

Quote: و، و الله البركة في تراجي مصطفى الحاولت تذكركم بطريقتها إنو كما المزور بلدياتنا فكذلك المزور ضدهم و الشاب المصور و الشاهد و الصحفي و المرشحون جميعاً و المؤتمرون صحفياً و المبلغ و المبلغ ضده و الشاكي المفترض للمحكمة... كلهم أدروبات أو هم من أهل المنطقة تأدربوا فيها جيلاً بعد جيل. ياخي دي براها بركة من بركات الانتخابات دي و تطمئن الواحد إنو نحنا الأيّدنا انعقادها و خوضها رغماً عن أي و كل شيء (طبعاً لم نتوقع هذا الخذلان الكبير من تالاكم يا شيخنا) و ذلك فيمن أيدها مع محمد عثماننا و ود إبراهيمنا و ود شيخديننا، و كنا عارفين إنو الأوليب و هوشيب و همشكوريب و القرقف و درديب و جميع الجهات السودانية من غيرها و كلها جت من طرف لي طرف دايرالها شغل يبدأ منها و لن ينتهي عن قريب... أها أكربو الصلب عاد للجايات، المرة الفاتت حبالكم جابتلها رخوة يا شيخي، فحتى اللي كانن واقفات عندكم دحين تراهن غادي هنوووك، و قد جفلن فيما جفلتم و أجفلتم!

:

Quote: فقط ارفعواايديكم عن خددددددر نحن بنبلع له الزلظ ونجيز ليهو طبق الشقيقة على شقيقتا

و اهدي مداخلتو عشان ما تزمّنا ساي : Re: دفاعاً عن أدروب
لكن كان بارينا منطقكم - المحقق نصر وهمي مريح ليكم - بأنو طارق ذاتو ما دخل هنا معناها رايكم انتصر او محمد عثماننا ما عمل أي شئ بستحق عليهو قولة آآآآمحمد !!!! . . معقولة يا سيدي ؟! . . افو يا القاضي دشين !
قولوا ليهو غلطت و قولوا لطارق غلطت . . أكيد في طريقة ( مقبولة ) ننبه بيها بعض مش ؟ . . و الاتنين فنانين دي أكيييد . نقطة سطر جديد

كان اتلاقينا عليك الله ذكرني موضوع المثقف الثوري و المثقف ( الساي ) . . لي وكتها هاك الصورة دي



الصورة دي تاريخها 3 يوليو 2008 م . . موضوعها " إجازة قانون الانتخابات في نسختة الانقاذية " القائمة المنفصلة " " " عاش نضال المرأة السودانية ضد قوى الظلام
متذكرين حصل شنو ؟
دا ما موضوعي . . بصراحة بصراحة كدا انا داير اجيب صورة صحبتي " اويتلا " الشايلة الورقة الخدرا ديك ، و بس

دي حفيدة الـ Fuzzy-Wuzzy المستلهمه جدها عثمان دقنة و شايلة شموخها من الجبل الاتسمت بيهو ، دي زميلتكم في المنبر و الهم الوطني " شادية عبد المنعم " . . انا القاعد انمط برضو ؟! . .
دا المثقف الثوري ، و حكمة الله شغالة في " براكتكال آكشن " . اها المثقفين ( الساي ) ممكن يبطلوا حملات اسقاط النجومية المخاتلة البعملوا فيها دي - كلنا ناقشين انها دعوة متلبسة نجومية جديدة ، انتو قايلننا ما ناقشين ؟! - اها الناس ديل ممكن يقنبوا في الواطة دي و يشوفوا لينا براكتكل آنسرس لبلاوينا الثقافية دي ، اقلو قبل ما ينقلوا لينا " الحداثة " بي خبوبا و ربوبا ، يساعدوا في تحديث المجتمع دا في ي ي اللول ؟!
هم ذاتم ( الساي ) ديل كان ختواالرحمن في قلبم الزلابية للجميع . . او كما قال
المافي شنو ؟
محمد عثمانا و تلبنا و حمورنا و سعد دينا و روزمينا . . آآآآي روزمينا . . بدل الاسئلة التعسفية من جنس روز مين ؟! . . اطرحوا الاسئلة الحراقة البتخاطب الازمة ( الثقافية ) الوحلانين فيها من سنة دو ديك . . مسئولين من الخير ، عملتوا لينا شنو في موضوع الهوية ؟

---------

آآسيدي الحسن ات ماك شايف انا في الجافلين ذاتن . . و ما اظن في البقرعني بعد الشفتو دا

مجانية أحلام هذا الشعب حين حملق في سقوف النخل
مجانية أحلامنا..
لو علقت بالنخل ما صمدت أمام الريح
و لو دست بإحكام تهاوت تحت أقدام الطغاة
و نحن الساكتون عن القضية كي نحوز على جواز الانتماء..
عاديون في أعيادنا...
متسامحون مع اللصوص...
نصلي صوب أحزان المساء
و نشرب في ليالي العرس نحلم بالبنات و ندعي مجدا من الأسمنت, أو طقسا من البارود, و الكرم المؤزر بامتلاك الأرض و الثروة
فلو كنا من الغابات حقا ..
لما تركت جموع الناس هذا العسكر المأجور- يرفل في الخضار بإسمنا
و لو كنا من الصحراء حقا ..
لقاتلنا الرعاة على جذوع النخل,ذدنا عن مياه النيل- آخر ما ادخرنا- للبقاء على مسارحنا
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود, أين الشوارع كي نعلق معطيات المرحلة
بل أين المراحل كي نفتش عن طريق لا يضل طريقه نحو السياسة
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا ,يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا, و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت-لكي تبقى دليلا للحياة
المشنقة
نستعير محمد حيدر المشرف في مناداتك يا شيخنا

Quote: اى مشارق تغازل فى شموسها الان ايها التاج .. السر .. جعفر .. الخليفه .. طه .. الريفى , يا لصوفيه هذا الاسم

لو سألوا عن " قيقا" يا سيدي الحسن قول ليهم انه في الجافلين " انصرف " تماما الى " الطين في احتماله الاخير "

كذب هو التأريخ
حين يصعد بالشعوب إلي حواف الاشتعال, ثم لا نجد الحريق
كذب هو التصفيق في ذكرى بطولات الشعوب الزائفة
أكتوبر لم يكن ممهورا بدم
كان ممهورا بصعلكة المثقف و ارتطام الوعي بالإسفلت
و كان ممهورا بجهل الشعب, و امتداد الخصي من أقصى حدود الروح- إلي أقصى حدود البرلمان
و كان ممهورا بفوج من فضائح شيعت بكل سهولة في الليل
الليل ذاكرة الشعوب الخائبة
الليل حقل للتجارب و العساكر و الشراب
الليل و الوجع المرير تلازما فينا فصرنا هكذا
هكذا كنا نصفق للعساكر و العمامات الأنيقة
هكذا كنا نموت على صدر التواريخ البذيئة
هكذا كنا نموت...
الموت أللا يدرك المقتول معنى أن يموت
أو أن تموت على يديه قضية كبرى

هكذا درج الأوائل في ابتداء صراعهم ضد الفشل
كانوا يخافون الحقيقة مثلما يمشون خلف جنائز الموتى
و يرتبكون إذ دخل الشيوخ أو الصغار مجالس خمرهم
و يرتبكون إذ لاقوا فتاة واثقة


سلام و إن جيتكم تاني ابقى ملام
بخلي ليك باب المسنجر متاكأ . . لز تلفونك يا سيدي الحسن