في الدفاع عن أدروب وتحية وحيدة إلى ود شاموق

Quote: مشروعية غضب محمد عثماننا دي جات لانو في ناس إستهزاؤ باهلو بقصد بدون قصد ما فرقت !!! و الفتنه النايمه دي ما صحاها محمد عثمان ، صحوها الناس الإستهزاؤ باهلو !! محمد عثمان كل العملو إنو إستنكر الإستهزاء باهلو ، لا أكتر لا أقل .

من الليلة تاني ما تناديني الا ( الاستاذ ) . . و بيان رقم واحد من الاستاذ الذي لم يأتكم مثله و لا بجيكم بعده اليهو ( انا ) :
" ابو اللمين اشتر ! . . و مصطفى سيد احمد رحيمو الله كنا بنجاملوا ساي عشان كان عيان ! "
يا أمين لو واصلت بطريقتك دي بتبقى كوز . . . . ياخ العصبة ديك مداخلم كلها زيف . . و تمسّح و تمسحة . . و دعايتم قوييييييية
ذكرتني حسوبة ، و " حسوبة " لمن لا يعلم من البسطاء قليلي الثقافة ، هو - و الكلام ليهو شخصياً - " أحد خبيرين كرويين اتنين في افريقيا كلها ، ( مين كدا ) سالم الوحش في مصر ، وحسوبة في السودان "
خططو مبتكرة جداً ، و مبدعة من جهة التسميات ( الباقة في التلاجة ، الجدادة الحاضة . . . الخ الخ )
مرة بخاطب في التيم قبل المبارة : ( شوفوا يا اخوانا اللعب الجماعي 30 % ، المهارات الفردية 40 ، اللياقة 50 % . . . و عييييييييك سرح و قام شرح و ما اظنو الـ200 % وقفتو . .
الاجمل لما تكاجرو او تناقرو ، يقول ليك : " بالله شوف زي دا !! . . انا عندي اطناشر بنطلون و قميص تتكلم معاي انت ؟!!
و عندو و الله . . صراحة ما عندو في شغلة المدرب دي غير الوجاهة. . هو بالمناسبة ما بدرب ليهو فريق فيهو عمار . . بدرب منتخب مدرسة كوستي القوز الثانوية بس تصدق ! . . .

نلم شتات المداخلة دي . . الداير اقولو . . يا أمين ياخ السودان دا سمح بأهلوا البسطاء ديل كوووووووووولهم و سماحتو في سماحة الناس و طيب خاطرها . . الغلط بقع ، و الزعل بحصل . . لكن تعالوا لو ما عالجنا المشاكل ما نفاقما ، و انتو ما شاء الله عليكم بي محمد عثمانكم قادة و صناع رأي ، يبقى التكل عليكم . . مش يقوم ينفعل و يقول كلام زعل - عارفو ما بقصدو - لكن برضو كلام زعل ( غير مفكر فيه جيداً ) . . خصوصاً مسألة ( الافتراضي ) و ( المنبر دا ) !!



وفاءً وعرفاناً توأمة بين رابطة ابناء كسلا وبورداب سودان... (صور بلا حدود) ...

المنبر دا زمااااااااااان تعدى مسألة الافتراضية ليتحول لواقع حي على الارض . . اي موقف و لا رأي يتبني على افتراض الافتراضية ببقى ذهول عن الحقيقة و يحسب في ( تكلفة الفرصة الضايعة ) . . و اصلنا بنلعب في الزمن الضايع . . و النتيجة ( 68 / صفر ) لحدي اسي . . ارحموا الشعب دا ياشباب . .ما عاد في القلب متسع لفجيعة جديدة . .

--------------------
يا أمين نوتة اعتمدك ضمن جمهوري مع " وعد القاضي " و " محمد نصر الدين " و الزولة التالتة دي ما عرفتها - من كترة المعجبين و كدا ياخ - اها نقول اربعة يا بسيط ؟
عندي ليك ( فكرة ) نظرية بجيك ليها لاحقاً . . او في مكان تاني . . اسي اسمع خالدنا دا و اديني رايك ( مع تنبيه انو الشغل دا كلو منزلي و بتاع اهالي ساي ) . . دا الجزء الاول و ليهو تاني كان قسم معاك قول عشان نرفع ليك التاني ، انا هنا ما بظهر لي ذاتو

(عدل بواسطة قيقراوي on 04-30-2010, 08:53 PM)