في الدفاع عن أدروب وتحية وحيدة إلى ود شاموق

Quote: مثل هذا الذي كتبت جدير بأن يدون في دفتر (التعليمات المستديمة) للكتاب والمتآنسين في المنابر كذلك وكلما عنت لأحدهم خاطرة يريد طرحها للناس في فضاء عام فعليه بالنظر في عبارتك الخالدة هذه وأخذ القياس منها. منذ زمن وكما يشهد بريدك الإلكتروني ظللت منشغلاً بالدفع نحو الإرتقاء بطريقة الكتابة عندنا من حيث رفعها بجسور عالية عن (مجاري) الإسفاف وألا تكون الكتابة عندنا محض تصوير لما مججناه في الشارع والمنزل والمقهى.

؟! بس تلبس لي برنيطة تبقى خواجة ؟ يا زول !! كان انتو المسغفين ما عندكم درجات ؟ . . النحدثك نحن البساطة عندنا درجات . . في بسطاء بتحتاج اكتر من صورة بروفايل عشان تقنعم . . شفت كيف ؟
ليه متهربين من كلام د. الوليد ؟

Quote: للأسف واقعنا المأزوم يزداد تأزما يوما بعد الاخر

تفتكروا ليه ؟ . . امة ما بتطرح الاسئلة ما بتتقدم . . امة ما بتواجه لحظات سقوطها التاريخية ما بتمش لقدام
يا دكتور لأنو النخب ، ساسة و مسغفين و بين بين مدمنين فشل و بعيدوا في انتاج الازمة . . و الدليل آلولو الماثل أمامنا

يا امين و هاشم الحسن وأي مشارك في اضفاء الشرعية ، فرقكم شنو من مفوضية ( الخج ) دي او قول( المقوضية ) راسا عديل ، في اضفاء شرعية زائفة على فعل قبيح زي دا :

Quote: شكراً لمن أرسل لي هذا الرابط. لقد صدق حدسك إذ فاتتني قراءة هذا البوست لعدة أسباب أحدها هو عنوانه والثاني كاتبه الفنان الإفتراضي المعروف في هذا المنبر فقط.

ليه تسمحوا باغتيال المعاني في مذبح حبكم العظيم لمحمد عثمانكم ، او تجاملوهو ، او تتجاهلو قبح الفعل ؟! . . ما الانقاذ برضو مصرّة الكم و عشرين سنة الفاتت دي تنقذنا بفهما هي حتى لو زروت ؟!!!
آآآآآمحمد . . هآزول زامنا في شنو ؟
( الفنان ) طارق ابو عبيدة غلطان . . غلطان . . لكن من وين ليك انت شرعية القبح دا ؟
يا زول !!
طارق فنان عديل . . و انت اكدت انك ما بتفهم في الغناء او ذائقتك شائهة و دي تمش تشوف اخصائي ليها - انا حدي بندول اكسترا بس - بعدين من وين ليك انو الفنان بقيمو ( فنو ) بمكان هو معروف وين او ما معروف كلو كلو ذاتو . . دا الشنو الكلام البيض دا !
بعدين عيب لي المنبر دا ؟ . . ما تراكا بتكتب فيهو زي العجب . . و الله لو رفعت رساك و شفت القامات الفيهو تستحي رسمي من جنس جخك الفوق دا !! . . يا زول حواء والدة .
ما عندك شرعية يا زول لا في غضب و لا الله قال . . ما يزينوا ليك الباطل ساي !!!
بعدين ما تبلط لينا البحر بأنك قايم لاسباب إنسانية . . الانسانية اوسع من لبس و صورة يا اللخو ، و ما بتعترف بقبيلة و لا تنميط فاقد اي شئ مش حساسية بس !! . . يهدي قومة سداري القلتها و الاباها أمين قبيل . .
كان اقلو تزعل ربع زعلتك دي لتزييف ارادة شعب كامل عانى ما عانى تحت نير المزورين ديل .
كان ممكن اصدقك لو ابديت اي حساسية انت بنقد يليق للفعل ذاتو . .
خذ من دمي ملء ما وسعت يداك و لا تكلمني عن شرعيتك دي ، و لا اي اسباب موضوعية لغضبتك ام صورة دي


--------

اسمع لقيتني كيف ؟ انفع مسغف ؟
كمان عندي صورة مع الاستاذ / عالم عباس شخصياً . . اها كيف ما ( كاتب ) ساي ان شاء الله ؟

(عدل بواسطة قيقراوي on 04-28-2010, 07:58 PM)