في الدفاع عن أدروب وتحية وحيدة إلى ود شاموق

Quote: : يا زول أنا ما مثقف.. ما تتعقد مني ساكت! لا مثقف ما تتواضع ساي !! و قبل كدا قفلت بابا و رميت المفتاح في البحر كمان . . . من بين كل البوستات - الوردن هنا - انا غايتو شاركت في بتاع الفنان الما فنان في وجهة نظرك داك مع اني ما متذكر اني قلت كلام فيهو شبهة عنصرة . . لكن للضمان كامل احترامي لكل قوميات السودان و مللو و نحلو و إعتذار مفتوح عن كل الاخطأء الارتكبتها هنا او في أي مكان او حتى في سري ذاتو في حق أي زول . . و الله يغفر لينا كلنا --------- يا استاذ محمد عثمانهم ما شايف نفسك نصبت نفسك اكتر من بشري شوية في البوست دا ، و طفقت توزع صكوك الغفران و البراءة ؟! يا زول ما تتواضع كمان مرة . . و تخت الكورة واطا ياخ و الله في ناس بفهمو تاني غيرك هنا . . آي فهمم على قدرهم . . لكن و الله بفهموا *** امين يا حبة و الله الشوق بحر اسمع خزعبلات المسغفين ديك ما بتقسم معاي و لا بتخش ذمتي بنكلة يا أمين و الله ما مختلف معاك و لا في حرف من الفوق دا . . و ابصم على كلامك و انا مغمّد هو كان ما قلة ادب مننا ساي في زول بعقب على كلام خالو ؟ . . . الشعب العظيم دا و الله ادبنا و احسن تأديبنا . . لكن السختة ساي !! . . يكون دا من الخوفت ؟ . . او كما قال قاسم ابوزيدنا حكاية العصرة . . لو قلت ليك ما شايل من محمد عثمانكم بكون كضاب و الله . . و الله شايل جنس شيل !! طلعت قلبي اسود خلاس . . و الله كنت عارف لكن ما كنت قايل قدر دا اسمح لي بآخر قلة ادب - خليني أخالفك - في الحتة الاخيرة دي ، الغضب مشروع ما قلنا حاجة ، لكن إدارة الغضب مطلوب اكتر . . و المتوقع من ( المثقفين ) معالجة الازمات دي بحكمة و روية . . طيب فرقهم مننا نحن الشماشة شنو ؟ رافعين القزاز و مغلين السعر فوق كم ؟! لو دايرني اعتذر لمحمد عثمانكم . . و الله بعتذر . . كمان كان داير تخليني اتفشى انت كريم و نحن بنستاهل قلت شنو ؟ المحبة البتعرفا براك ديك . . و اكتر *** الخفوت *** بعدين يا أمين ياخ فكرة اختزال قبيلة في شخص زول دي فكرة بيض جداً ، و محمد عثمانكم كـ " مثقف " وقع في الشرك مرتين ، مرة انو استبطن نفس فكرة من ينتقدهم ، و قام سداري بدون تفويض ، و التانية قصة المشروعية - الجننت الانقاذ و خلتا تزور ، و ما شمتا قدحة بعد دا دي ! - اها مشروعية الغضب الاديتوها ليهو نستوا دوروا كـ " مثقف " . . دي فتنة كانت نايمة يا أمة . . و في الاخر يا محمد عثمانهم اتريث ياخ ، على الاقل دي قراية فردية آحادية . . ابدأ بحسن الظن ياخ ! مالكم كيف تحكمون . رايكم شنو بعض الزملاء الادروبات شاركو زيهم زي غيرم . . و برا حساسية برضو ؟ الداير نماذج يفتش بأمانة و ضمير ، و يفرغ نفسو ما دام اتصدر لأمر بالخطورة دي . . فتكم بعافية و يا محمد عثماننا ، لا شئ شخصي لك ان تقبل او ترفض رأي . . تأكد من احترامي ليك . . و اهو غزينا عودنا في نا الجماعة *** أمين يا هدى الناس الحيارى اتمنيت لو بقر غيمات الريد ما كان رضعن او لو كنت سويت صريم حلمي البكر من أول كان حلبت ليك رزار مطر الحزن و نسجتو بامبرز عشان ما يتبلل عشب الفال لقيتني كيف ؟ اما بعد خلال شوك ان شاء الله قول آمين يا أمين ياسمين بعدين في ي ي ي ذمتك دي اسغر ليك انا و لا حمور ؟ ياخ كلامك ما فيهو اي حساسية ، عشان كدا الرد عليك ح يكون دون حساسية و لا عزاء لحمور و اتحاد الصلع الدولي ياخ حمور دا بي صلعتو المجهجهة مفتي الديار و مدخلاهو في حرج شرعي مع الوضوء . . ما معروف حدود المسح من الغسل دي ! اكبر مني اقل شئ بعشرة سنة غير الجمع و العطلات الرسمية اها دا كان تكتيك لتحييدك . . تخلو الزول يضرب تكيكاتو و يقعد ليكم في السهلة ساي كمان جا سيدي الحسن هاشم تم الناقصة . . و الله مع الشوق - و حات سيدي الحسن الكبير الما بحلف بيهو كاذب - الشوق كان صااااااااادق لكن صراحة ما اتوقعتك تظهر . . دي بركات و كرامات ما كنت قايلا عندي ---------- غايتو البتدوروهو تجوزوا ليهو طبق الشقيقة على شقيقتا . . و البتابوهوا تسمو " الهميم " و تنهروهو يا ( محمد ) سليقة ساااااااي كدي !! اها دا درب المرقة من هنا و صافية لبن يا سيدي ما شايل اي شي خلاس فرغت تب هآزول و الله بركة في شوفتك ات دا في روحك . . و الله المكان دا مسيخ براكم شوفتك شفاء و زعلك يشفق اقعد عافية . . و تحياتنا للمعاك إن لقيت فرقة بجي اوضح بعض النقاط . . و كان لا يا زول عفيتا لي الله لكن كمان كلموا لينا ناس محمد عثماننا يخلو فرقة للسماحة برضو . . تقسيم الناس لـ ( ضالين / مغضوب عليهم / غير المغضوب عليهم و لا الضالين ) دي ما حلوة بين الاخوان ياخ . . و لا انا غلطان ؟ التعديل لتعديلات جوهرية في ( النص ) اقتضاها السياق الزمكاني . . ياخ تاني السياق اقتضى برضو !! . . دي باكورة كمان يا مين برضو لازم الشغل يكون مسبوك و مسهوك تمام و مكرب التوقيع : قيقا راعي