في الدفاع عن أدروب وتحية وحيدة إلى ود شاموق

Quote: مالي أراك عصرت علي محمد عثماننا الذي نحب ؟ البوست ده بوست موفق جدا و في محلو و توقيتو و لو نحن كان فينا فايده يا قيقا كان فتحناه نحنا و ما إستنينا محمد عثمان ( الأدروب ) يجي يفتح البوست ده هو ، و أقسم بالله الذي لا إله هو - و إنه لقسم لو تعلمون عظيم - إنو نفسي الأماره بالخير مرات مرات دي حدثتني أكتر من مره أن أفتح بوست بان أرفعو أياديكم عن اهلنا في الشرق لما رايت من كمية السخريه و الاستهزاء في حق الناس دي !! أنا متواجد هنأ أكتر منك يا قيقا و قريت معظم البوستات عن الموضوع و أقل ما يمكن أن يقال انها بتفتقد الحساسيه المطلوبه ، لمن تكون بتكتب في الهواء الطلق في درجه من الحساسيه مفروض تكون متواجده لانو ممكن تجرح شعور أمم بدون ما تقصد و ده الحصل بالظبط هنا . غضبة محمد عثماننا غضبه مشروعه و لا أري فيها أي تطاول و لا عدم تواضع و لو الناس الاذت محمد عثماننا في أهله فيهم خير ، مفروض يعتذرو ليهم بعد ما طفقو يستهزؤن بهم و منهم طيلة الأيام الماضيه بجريرة تلاته اربعه أنفار !!!

يا أمين و الله ما مختلف معاك و لا في حرف من الفوق دا . . و ابصم على كلامك و انا مغمّد
هو كان ما قلة ادب مننا ساي في زول بعقب على كلام خالو ؟ . . . الشعب العظيم دا و الله ادبنا و احسن تأديبنا . . لكن السختة ساي !! . . يكون دا من الخوفت ؟ . . او كما قال قاسم ابوزيدنا

حكاية العصرة . . لو قلت ليك ما شايل من محمد عثمانكم بكون كضاب و الله . . و الله شايل جنس شيل !!
طلعت قلبي اسود خلاس . . و الله كنت عارف لكن ما كنت قايل قدر دا

اسمح لي بآخر قلة ادب - خليني أخالفك - في الحتة الاخيرة دي ، الغضب مشروع ما قلنا حاجة ، لكن إدارة الغضب مطلوب اكتر . . و المتوقع من ( المثقفين ) معالجة الازمات دي بحكمة و روية . . طيب فرقهم مننا نحن الشماشة شنو ؟
رافعين القزاز و مغلين السعر فوق كم ؟!

لو دايرني اعتذر لمحمد عثمانكم . . و الله بعتذر . . كمان كان داير تخليني اتفشى انت كريم و نحن بنستاهل

قلت شنو ؟

المحبة البتعرفا براك ديك . . و اكتر