|
Re: سكتش بوك ( + ) (Re: Ahmed Elmardi)
|
السوق المشار إليه سوق عادي .. وهو سوق (للكسر) وهو موجود في كل مدن السودان ومنذ ان كنت تلميذا في المدرسة الاولية كنا نشاهد عمال الصحة والتعليم وهم يشترون (جوز الزراق) – يستخدم كثوب للنساء حتى الآن في بعض مناطق السودان ويطلق عليه ثوب الزراق – من المحرر -. ?{? ويضيف الوالي : كنا نشاهدهم يشترون الجوز بـ(27) ويبيعونه بـ(23) وعندما يقبضوا مرتباتهم الضئيلة يومها يدفع الـ(27)
| |
|
|
|
|
|
|
Re: سكتش بوك ( + ) (Re: Ahmed Elmardi)
|
تحايا وأشواق يا أبو الفن
ومتابعين معاكم
تعرف يا مرضي رسومات الانميشن بتاعتك دي مُكسارني عديييييييل كدا (طبعاً مُكسراني دي ما نوع سوق الكسر دا لوول دا إعجاب وكسر ضلعة)
وأخوك في صباه كان مهوووس جداً بشغل الميديا دا والإخراج السينمائي في جامعة نورث كارولاينا آت شارلوت، وكسحت فيها الأمريكان، وكانوا يعجبون جداً بي البريزنتيشتنز بتاعاتي وبعد التخرج والمعايش، تركت هذه الموهبة، ولكني أعود إليها في اوقات فراغي للتسلية والترويح عن النفس، والغريبة قبل يومين إتذكرتك وحاولت أحاكيك في شغل الانميشنز(طبعاً أنا ما برسم باليد، ولكن بالكمبيوتر)، وفيها وقفتُ كوقوف حمار الشيخ فى العقبة لوول. وعارف زمنك ضيقك يابوحميد لتعليم الناس والدروس، وحتى فكرة هذا البوست ليس فيها مجال لتعليم الآخرين، وإنما للشغل السياسي، وما عايز احرف ليك مجال البوست، بس يا بوحميد عايز أعرف الفكرة كيف؟ (ودا المجنن بوبي) وماعايز أشيل من زمنك كتير بس نقطة الإنطلاق كيف؟ هل هي إنك تقوم برسم كل حركة مثل حركات العيون أو اليدين أو الرجلين منذ بدايتها وحتى نهايتها؟! أي لكل كسر (رجعنا تاني للكسر لوول) من الثانية لكل حركة عشرات الصور؟! وكمثال الفيديو الآخير كم من عدد الرسومات قد أخذها منك؟!
تقبل فائق شكري، وكل تقديري لك ولأعمالك ونضالك ضد هذا النظام الدموي القذر
| |
|
|
|
|
|
|
Re: سكتش بوك ( + ) (Re: Kostawi)
|
أوو.. القصة شكلها حتحلو..
***
النذير حجازي
تحياتي
سعدت بتوقفك والانفتاح على شي من ولعك بالآناميش، لا بآس من استخدام القلم الديجيتال في الرسم، فالمستقبل له ( كل رسمي هنا منفذ بهذه الطريقة)، لم أعد استعمل الورق.. فالقلم الديجيتال أسرع وأكفأ في عملية الأنمشة ويحافظ على البيئة كمان.
(فلاش) برنامج عملي لمن يريد أن يؤنمش لبعض الوقت، فمصادر تعلمه كثيرة جدا على الانترنيت. ويتيح بعض المزايا لاضافة الصوت، ولكن لاغنى عن استخدام برنامج مثل (فيجاس) لمعالجة الصوت والأنميشن معا. أو (أدوبي افتر إفكتس) ولكن به بعض التعقيد نسبيا.
معظم أعمال الأنميشن المنشورة لي تبقى في حيز التجريب، أو حتى (الكليب آرت) الذي نفذ على عجل لخدمة وظائف محدودة جدا.. ولكنه يمكن أن يشير الى ما هو قادم، إذا ما تيسر لنا الحال..
خذ مثلا العمل الخاص بـ (ذات الخجة) (منشور بالصفحة الأولى لهذا البوست) ، كان أن نفذ من خلال ٦ أو سبعة فريمات على الأكثر. ولكنه انتشر كما تنتشر النار في الهشيم، (شكرا لمدحت عثمان). على امتداد قارات الدنيا، أخذه الناس وتناقلوه على الموبايلات فيما علمت. مع انه من الناحية الفنية الفورمال على الأقل، لا اعتبره من الأعمال التي أقف عندها كثيرا. بل حدث أن سحبته بعد دقائق من نشره على الفيس بوك، فطالبتني محتجة صديقة باعادته دون تردد، ففعلت بذريعة تغليب الوظيفي السياسي على أي ضرورة تشكيلية أخرى. فإذا به ينجح في لمس وتر سياسي عبر عن ما يحسه الناس تجاه المهزلة. ولم تكن هشاشة طرائق تنفيذه هما كبيرا من هموم المشاهدين في ظني.
للأسف في الأنميشن ليس هناك روتين اختصارات ( شورت كتس) كثيرة، فلابد من جلسة للرسم والرسم ثم الرسم.. ثم الرسم (أقين). ١٢-٢٤ رسم لكل ثانية.. في أغلب الأحوال.
بالطبع الخلفيات يمكن أن تثبت إذا دعت الضرورة بحيث لاتحتاج لاعادة رسمها كل مرة. القاعدة المختصرة: كلما تحرك الجسم ببطء كلما تطلب رسما أكثر، وكلما كانت الحركة أسرع نفذت بإطارات أقل.. إي رسم أقل.
رسم الشخص أبوعمة أعلاه هو رسم في الأصل كان بفريم واحد ( ستيل ) وهو من البورتريهات التي أحب، لأنه نفَذ بشكل ما الى الشخصية دون الحاجة الى الولوغ إلا بقدر الحاجة في المظهر الخارجي باسلوب واقعي تمثيلي بالشكل التدقيقي المعروف.
ودا شعرا ما عندك لي فاخورة ياسحس..هههة.
أضفت اليه حركة العيون في ٥ فريمات فقط تقريبا، فجا مارق برا الشاشة كدا() و(باذن الله) قعد معاي شربنا كباية شاي. وأكلنا لقمة، وكدا.. كلام زي "السيخ" الفي أصل النكتة مش!..
طبعا الوضع الأمثل أنمتة ملامح الوجه الأخرى أيضا لتصبح المسألة (بليفابل).. بس في الأنميشن برضو في مفاجآت سعيدة وكدا.. أهو! . . .
كتبتني كتير يا نذير. أصلك طالبني الكلام دا من هناك.
ولايهمك.
| |
|
|
|
|
|
|
Re: سكتش بوك ( + ) (Re: Ahmed Elmardi)
|
Quote: وكسحت فيها الأمريكان، وكانوا يعجبون جداً بي البريزنتيشتنز بتاعاتي النذير حجازي |
Quote: ولكنه انتشر كما تنتشر النار في الهشيم، (شكرا لمدحت عثمان). على امتداد قارات الدنيا، أخذه الناس وتناقلوه على الموبايلات فيما علمت Ahmed Elmardi |
| |
|
|
|
|
|
|
Re: سكتش بوك ( + ) (Re: Ahmed Elmardi)
|
مشكور ستة شهور يا مرضي على الشرح الوافي، وما عدمناك ياخي، والله ما قصرت مع أخوك تب. وإن شاء الله نقدر نردها ليك فى الأفراح والليالي الملاح.
بس يا ريت يا مرضي لو أديتني إذن أعمل واحد من ضيوف بوستك دا فأر تجارب وأطبق في صورتو الشغل دا، وأنا من زمان كايس لي لي فأر تجارب، أهو جانا مُدردق براهو، ورزقاً تكوسو ورزقاً يكوسك زي ما بقولوا أهلنا.
تحياتي ليك يا ملك
وشكراً يا كوستاوي على الكاركتير الظريف دا، وكتر لينا من النوعية دي، وياريت برضو يا كوستاوي لو تزعف أخوك الفنان أحمد المرضي بصور من الارشيف للود سحس دا، لو مرضي ما وراهو ضبح الكديسة من هسا، بكرة ح يقوم يجيب فردتو الطامة الكبرى محمد إي سليمان برضو
| |
|
|
|
|
|
|
Re: سكتش بوك ( + ) (Re: النذير حجازي)
|
Salam
تشكر كوستاوي ومبروك (السيارة الذكية).
تشكر النذير مرة أخرى. هو " ضبح الكديسة " دا ما ضاقو يضوقو كم مرة! الشي (عصير رانجو)!
هههة
**
ستعود " كلاسيكيات " سحس القديمة للـ "سكتش بوك القديم"، فصبرا.
ليس بيني وبين الأخ محمد سوى مسافة مقدرة من الإحترام.
| |
|
|
|
|
|
|
Re: سكتش بوك ( + ) (Re: آدم صيام)
|
علمت من الأخ آدم صيام أن هناك خلط من جانبه في الأسماء بيني وبين شخص اخر. يا آدم ياخي خليتني أفتش لستتي من المعارف والأدرس بوكس من زمن السيد المسيح. وأقرا مداخلاتك كان لقيت لي (هينت)...
هههة
| |
|
|
|
|
|
|
Re: سكتش بوك ( + ) (Re: Ahmed Elmardi)
|
كتب المواطن سحس (بوستا ساخرا) بعنوان: متى ستضرب د. ناهد عن الطعام؟
فاقد للحساسية وجارح للشعور العام
ولكن
تم سحبه لسبب ما، أو هكذا حسبت ! مع أن الرد المرسوم عليه جاهز
رد من جنس العمل.
والله المستعان
| |
|
|
|
|
|
|
Re: سكتش بوك ( + ) (Re: Hussein Mallasi)
|
Quote: و البوست التاني " أبو الزفت ..فعلاً جيب السبع ما يخلاش!!" برضو اتحذف .. تصدق!!
عشان تعرف ناسك ايديهم لاحقة كيف. |
أها يا سحس
أقول ليك: عسى أن تكرهو شيئا...
بس لوصح إفتراضك بتاع "ناسي" دا.. ياخي ناسي ديل ناس ظراف، يعني القصة أقصاها كان بالغت بوست.. والجاتك في بوستك إيه....
وين لناسك المدججين باللؤم بتاعين السحل والضرب للشبان والشابات العزل (رسل الرحمة)، أوشغلتهم بتاعة مصادرة الصحف من قعرها والتنكيل بالصحفيين .. الخ ..الخ
شن جاب لي جاب!
وطبعا أنا ما حأنزل رسم في الرد علي بوست مافي، شفت (الإثكس) دي كيف؟ إلا لو سمحت لينا وكدا!
ظني انو بكري كرهت نفسو فكرة السخرية من موقف وقيل مواقف طبيبة إنسانة صامدة ومطاردة من قبل أجهزة ناسك يا سحس، بموجب السلطة المخولة ليه في (محل حقو) في نهاية التخليل. في اللحظة/ اللحظات الإنت بتكتب تسخر من حاجاتها.
إنت دحين مش البشير بسوي في سواتو دي كلها بموجب السلطة الخولها لنفسو الما مخولة ليهو في الدستور!!.. كتل الناس العزل وجدعهم في الكوشة وباقي الحاجات الشايفنها في المنبر دا وغيره!
أو تيب!..
أخير ليك تتضامن مع (العيانين) زي الباقين وتخلي سواتك المهببة دي..
--
أبقى زورنا. أوكي، (بدون أنجيرا) بس!..
| |
|
|
|
|
|
|
Re: سكتش بوك ( + ) (Re: Ahmed Elmardi)
|
Quote: وين لناسك المدججين باللؤم بتاعين السحل والضرب للشبان والشابات العزل (رسل الرحمة)، أوشغلتهم بتاعة مصادرة الصحف من قعرها والتنكيل بالصحفيين .. الخ ..الخ |
سيم سيم صديق.
| |
|
|
|
|
|
|
Re: سكتش بوك ( + ) (Re: Ahmed Elmardi)
|
يا مرضي انتباهك لما كتبه عبد الماجد بوب يثبت انك فنان. كلمات بوب صادقة و عفوية ، لا اظن أن يتحدث احد عن الراحل و ينجح في الكشف عن الروح الجميلة التي كان يمتلئ بها كما نجح بوب. انا شخصيا لا اعرف عن الراحل الكثير و لكن ما كتبه عبد الماجد جعلني احس بأن فقد منوت بول هو فقد شخصي لي.
| |
|
|
|
|
|
|
Re: سكتش بوك ( + ) (Re: سيف النصر محي الدين محمد أحمد)
|
سلام يا سيف
فعلا الصديق بوب عبر عن خبرة عرفناها جميعا عن الراحل منوت منوت لعب مع فريقنا هنا الـ (سفنتي سيكسرس)
وهو بالتاكيد من اكثر السودانيين شهرة بهذه البلاد مرة اقيمت حفلة سودانية بنادي صغير بفلادلفيا حضر منوت الى مكان الحفل فجأة فرايت صاحب النادي يتصل بجنون بكل من يعرف بان منوت شرف عنده فهو شخص صريح وبسيط في تعامله مع السودانيين خاصة
لدي حوار معه آمل في الحصول عليه
| |
|
|
|
|
|
|
|