Quote: لم يكن ينوي مطلقا ان يصوت للمواطن البشير ولكنه
يقول اثناء دخوله ( ستارة ) التصويت ومسكه للقلم
ليؤشر على من يريد ان يقترع له فوجيء بقوة خفية تحرك يده
في اتجاه الشجرة ليقوم بوضع علامة صاح داخل الدائرة
نرجو تفسيرا لهذه الظاهرة بالذات ان العديد من اعضاء المنبر
لديهم خلفيات في علم ( اللاهوت )
يا ود الباوقة .. بعيدا عن السياسة .. أما اني و الله أخشى عليك الفتنة .. ليس أول مرة أقرأ لك منبهرا بالرئيس البشير .. تفديه مرة بأبيك و امك ( و ما علمت بشرا يستحق فداء بابي و امي شخصيا الا رسول الله اما من دونه ممن نحب فلهم قدرهم و الوالدين فوقهم في النفوس ) و تلهج بحمده كل ذات بوست و تتنادى بتواضعه و فراسته. و ها انت تلمح لرعاية الهية في التصويت له. يا عمر .. أرفق بنفسك فوالله ما أحب رجل رجلاً هكذا إلا فتن. الله الله في نفسك. و السلام.
04-16-2010, 00:38 AM
الصادق اسماعيل
الصادق اسماعيل
تاريخ التسجيل: 01-14-2005
مجموع المشاركات: 8620
شيخنا عمر جمعة مباركة ، يا زول نحن شغالين ليل انت مالك مساهر لى هسع ، صاحبك ده ذى اخونا كيكى من اسبوع مش قادر يخرج من البيت ، قال ايه خايف الاقدار تسوقو وبرضو كمان يقع فى المحزور ، غايتو صاحبنا ده اكان فى السودان اكيد زود فى الشامبيون ، واكان فى السعوديه فى زول ختى ليهو حاجة فى جيبو.
ود الباوقة استهداء بالله والله القصة دي لو حكتى لي نفسي اخجل ان احكيها لنفسي ناهيك من اجي احكيها هنا وللجميع يا زول امرق من الشخصية دي عندنا في المسرح حاجة اسمها التقمص انك تتقمص شخصية وتصدقا وتعيش فيها بعض الناس يصعب عليهم الخروج منها لذلك يتعرضو لصفعات حتي يخرجوا من ذلك الوهم ... انت تحتاج لذلك اخي ود الباوقه او ربمل تحتاج لجردل ماء بارد حتى تصحو من تلك الوهمة ... الدخلتا فيها ...
والله انا لو رسام كركتير كنت رسمت صراع ذلك المواطن مع القوى الخفيه التي حاولت اجباره علي التصويت للبشير ..... ياخي احترمنا حبا يا ود الباوقه حبه عليك الله
04-16-2010, 00:48 AM
محمد عبدالله مختار
محمد عبدالله مختار
تاريخ التسجيل: 08-20-2009
مجموع المشاركات: 2896
وتعليقاتى وبوستاتى لم تتجاوز ال 800 مداخله حتى الان مقارنه بالالاف المداخلات لاعضاء لم تتجاوز عضويتهم العام الواحد على الرغم من انى ادخل الى هذا الموقع قدس الله سره يوميا طيله فتره عضويتى
المقدمه دى كلها علشان اقول شكلى كدا ماحقدر اتم ال 6 سنوات فيهو بجنس بوستاتك دى
الله يلزمنا الصبر
04-16-2010, 02:07 AM
Frankly
Frankly
تاريخ التسجيل: 02-05-2002
مجموع المشاركات: 35211
الاخ ود الباوقه رغم ولائك الكامل للمؤتمر الوطنى فاذابك تفتح على نفسك وعلى المؤتمر الوطنى جبهة مثل هذه هذا البوست يخالف ابسط مقومات الذكاء حصن كيببورتيك عشان القوى الخفيه ما تخليك تكتب الما بتقال
ـــــــــــ ( أطلُب أن تستعين الدَولة بِالجِن المُسلِم أسوة بِأمريكا التي تستخدِم الجِن الكافِر لِلمُساعدة في تنفيذ أهدافِهم التنمَوِية )
كلِمة الدِكتور / عُمر أحمد دفع الله في مؤتمر الإستراتيجِية الشامِلة ... وكان رد الرئيس البشير هو التوجيه بِإجراء دِراسة جدَوى لِمَوضوع تسخير الجِن في دعم التنمِية في السودان.
مرجع حديث د. عمر أحمد دفع الله : (بِتصرُف) كِتاب < سقوط المشروع الحضاري > لِلدِكتور / حَيدر إبراهيم علي - صفحة 242
04-16-2010, 01:26 PM
سيف اليزل برعي البدوي
سيف اليزل برعي البدوي
تاريخ التسجيل: 04-30-2009
مجموع المشاركات: 18425
Quote: محن سودانية 48 : الإنتخابات ..... بقلم: شوقي بدري الجمعة, 16 أبريل 2010 07:12 حتى الانتخابات التي هي ذروة الديمقراطية تأخذ شكلا بشعا في السودان. في احدى زياراتي للسودان في ايام نميري قال لي الدكتور سلمان بدري رحمة الله عليه. بينما كانوا جلوسا في منزل عمه و صهره الدكتور علي بدري. وبعد الغدا وهم يشربون الشاي, دخل عليهم احد الصبية من طلائع مايو. وكان يحمل ورقة. وبصوت عالي وكانه ناظر في مدرسة صغرى نادى على الدكتور علي بدري. فقال له سلمان بدري ده جدك النايم جوه ده. فنادى على الدكتور يوسف علي بدري. فقال له الدكتور سلمان بدري البقية في حياتك يا ابني, يوسف مات ليه سنين . ثم نادى على الدكتور بابكر علي بدري, فرد عليه بابكر. ثم نادى على الدكتور سلمان بدري فقال سلمان بدري ده انا يا ابني. فقال الصبي انتو ما صوتو, تقوموا تصوتوا. فقال سلمان بدري الذي افنى حياته في كل اركان السودان. وليس هنالك مديرية في السودان لم يعمل فيها سلمان بدري. وكان قد فقد نعمة البصر (طيب يا ابني حا نجي نصوت) فقال الولد لا تقوموا هسي دي!!. فسألت مستنكرا , و عملتو شنو؟. فقال سلمان بدري مشينا زي الاد الغسالة وصوتنا...نقدر نقول لا.. ليس القصد الاستخفاف بالغسالات ولكن هذا تعبير شائع السينما المصرية... سلمان بدري كان رجلا ساخرا و مسالما ومتصالحا مع نفسه. كان رفيع العود..يحب القهقهة والسخرية حتى على نفسه..وحتى بعد ان فقد نظره كان يسخر من نفسه ويضحك ويقهقه عاليا. سلمان بدري كان كان يقول انت بتتعامل مع تور اسمو جعفر نميري وحواليه ناس مستفيدين...ليه تعرض نفسك لي مشاكل ومعركة ما عندها معنى...و الانتخابات نتيجتها معروفة. و الانسان مفروض يصوت ب لا ونعم...وناس مايو بيجيبوا الصناديق وبيشيلوهم.مشكلتم انو مافي زول مشى صوت .بقوا يسوقوا الناس بالقوة..على شان انو في حركة وفي تصويت عبارة عن مسرحية سيئة الاخراج.. شقيقي الشنقيطي بدري كان موظفا في المالية ثم انتقل الى الامانة العامة للإستثمار. وكان معروفا الى العالم بانه شيوعي , اتوا لمكتبه وطلبوا منه ان يصوت. وكان الامر إلزاميا للموظفين. وحسب كلامه انه كان هنالك صندوق نعم. كان موضوعا... وش (في الواجهة)...وصندوق لا مختوت بعيد , في آخر القاعة..وعندما تعدى الشنقيطي صندوق نعم , بدأ بقية الموظفين في الصراخ.. فأدلى الشنقيطي بصوته وعندما رجع تنمر رجال الامن وسأله زملاءه ...ليه؟. فقال الشنقيطي , ليه كيف؟. انا عماتا البتقولوهوا لي ...كلكم بتكوركوا ..لا..لا..ل يا شنقيطي لاا انا صوتا ...لا..حسب كلامكم. و طبعا نميري كان يفوز ككل زعماء العرب في تلك المرحلة . ب 99% . ونحن لا نلوم النميري. ولكن حملة الشهادات العليا و البروفسورات و التلفزيون..و الاعلام والصحفيين و اغنية كيف ما نقولا نعم. هل كانوا مصابين بلوثة عقلية؟.. طيب اذا الانقاذ عاوزه الديمقراطية!!. والديمقراطية هي الحل ..الانقلبوا عليه ده كان حلبه بي لبن!!. لا يمكن ان يلد الفار قطا..والدكتاتورية لن تلد ولن تصنع ابد ديمقراطية. هل كان هذا الامر خافيا على رجال الاحزاب؟. هل كانوا ينقوعون عن صدق ان البشير و الانقاذ سيسلمونهم السلطة اذا فازوا. لكي يسلموا البشير الى لاهاي.. وتأتي لجان من اين لك هذا و التطهير والمحاسبة...ياحدقدق!!.. اول ما ناس الانقاذ ديل جو, للعاوز يسمع و الماعاوز اسمع, قالوا رفعوا بيرق...انحنا نفتخحر بأنوا ما فينا واحد من اولاد العاصمة..يعني كونو الانسان يكون من اولاد العاصمة معناها وصمة صعار..زي مثلا اكل مال اليتيم وا التعامل بالربا او اغتصاب القصر..طيب لمن الناس ديل ربنا فتح عليهم واستلموا السلطة..قبضوا في العاصمة دي بايدينهم ورجلينهم ليه؟. سرقوا ونهبوا وخدعوا واكلوا مال السحت وبنوا العمارات و القصور وشركات الاتصالات و الليموزينات و الفنادق..ليه ما رجعوا وعملوا المشاريع دي في بلادهم؟. مافي زول بنى ليهو هوتيل في ام طرقا عراض وللا عمل ليهو مصنع في ام قحف او مشاريع زراعية في سنبرية جات.. كان في مسلسل امريكي اسمو الجذور. ناس الانقاذ ديل ما دايرين يرجعوا الى جذورهم في الاقاليم. طيب بدل دور الحضانة ورياض الاطفال ما كانوا يودوا اولادهم للخلاوي في الاقاليم الجميلة و الرائعة دي. ما يورونا الرجوع الى الجذور! .لماذا النتخندق في العاصمة لهم و لأبنائهم واحفادهم كذلك. و اذا العاصمة دي كعبة و امدرمان دي شي كريه, يورونا بطاقات الدعوة الانحنا رسلناها ليهم..واذا كانت تنتهي ب لكم جزيل الشكر او العاقبة عندكم في المسرات..طبعا لكم جزيل الشكر معناها مافي خته والعاقبة عندكم في المسرات معناها جيب ختتك معاك..ا بمناسبة وبدون مناسبة, كانوا يسمعوننا, نحن نتشرف بأننا ابناء الفقراء نحن نتشرف بأننا ابناء الكادحين نحن نتشرف بأننا كنا نسكن في بيوت الطين..نحن لم نمتلك اي شيء من قبل..هذا رائع. بمعنى ان الفقر شيء محمود و مشكور. اذا لماذ يهربون منه؟. فبيوت الطين موجودة فليسكنوا فيها . والآن نسمع بأن عمر البشير قد اعطى ووهب و نتذكر قصص, و ضحك الخليفة وامر له ب 10 الف دينار واردفها بأخرى, وكأنه معن بن ذائدة..جننونا ب سيرة الصحابة و كأننا لم نسمع بها. وان عمر كان ينام تحت شجرة..شجر الخرطوم ده اشكال انواع. شي لبخ و شي نيم وشي زونيا وشي برازيليا. يطرشنا ما سمعنا ب باشكاتب نايم ليه تحت شجرة.. البسمع الكلام الاول, يفتكرهم زي بل بوت زعيم الخمير الحمر الذي اخرج كل اهل كمبوديا الى حقول الارز في الاقاليم. ومثل البشير و الانقاذ فهو قد قتل الملايين من شعبه و انا لا اجد اي فرق بين البشير وبول بوت. ومن الممكن ان اعذر البشير لأنه بو . البو بالباء المفتوحة هو العجل الذي يموت في الولادة وحتى تواصل امه في در الحليب..يقومون بملْ جلد العجل بالقش..ويعرضونه عليها فتلحسه وتجود بحليبها. و البشير مسكين... بو... وكل يوم يثبت للناس انه بو او اقل قليلا من البو..وهو مستمتع بالهرشة و النفخة و الرقص و العرضه. و لكن ما عذر المتعلمين و الفاهمين الذين يطبلون له..و بعضهم على استعداد ان يموت من اجله..انها و الله ما هي الا محن سودانية. لم يحدث ابدا ان انهارت سمعة السودانيين وصرنا اضحوكة للعالم مثل هذا اليوم. لقد كان السوداني مدعاة للفخر. وكان السوداني موضع حسد و إعجاب من العرب و الافارقة. فلقد كانوا الاميز و الاحسن و الاكثر معقولية. والاغزر علما و الارجح عقلا..وكانوا يتصدرون كل المحافل و يكونون قدوة للآخرين. والآن نسب وصرنا موضع سخرية وهزل بسبب رئيسنا الذي لا يعرف الفرق بين البامبي و البنجر الذي يصنع منه السكر... احد المسؤولين الكويتيين كان في زيارة للسودان فأوعزوا للطيار بأن يحلق به على علو منخفض فوق مشروع الجزيرة . وعندما شاهد الكويتي الخضرة والقنوات المشقوقة واثنين مليون من الافدنة ثم امتداد المناقل ومناطق قصب السكر و المحالج التي ينبعث دخانها , بكى المسؤول الكويتي وقال هذه نعمة لن نستطع ان نشتريها ببترولنا. والآن يبكي الناس على مشروع الجزيرة. ويسخر اهل الكويت من السودانيين ويحتقر السوداني اينما ذهب.. حتى العرب البسطاء الذين يديرون محلات الشاورمة و الفلافل ودكاكين الاحياء في اوروبا و امريكا. ما ان يشاهدونا حتى يسألونا لماذا رئيسكم هكذا. وما معنى هذا الكلام السخيف الذي يردده. و الشتائم التي يوجهها للدوا..هل هو مجنون؟. فننظر الى الارض خجلا. ونقول لأنفسنا ...لا ...نحن المجانين . إذا كان الرئيس بو فنحن البقر المخدوع الذي يعطي الحليب..وبعضنا يظن ان هنالك ديمقراطية..وان هذه انتخابات..ونحن البقرة التي تحسب ان عجلها لا يزال حيا... جعفر نميري كان شريرا منذ صغره وكان يعاني من عقدة الحرمان. فلقد حرمه الله من الوالدة و الوالد رحمة الله عليهما فلقد توفيا في حادث مؤسف. كما حرم من نعمة الولد. ولذا كان يقول على رؤوس الاشهاد, الشعب السوداني ده شعب تافه وما بتنفع معاهو الا الاهانة..و انا لو كنت عارفو تافه كده كنت حكمتو و انا في الثانوي..وكان يتعمد إهانة الوزراء و المسؤولين..وكان يدعو بعض الوزراء لطعام الغداء في منزله ويجعلهم يسمعون في إذاعة الثالثة خبر إقالتهم من الوزارة. حتى يستمتع برؤية المهم.. و لقد اعطى النميري الزبير رجب صلاحيات مطلقة ووضعه على رأس المؤسسة الاقتصادية العسكرية التي سيطرت على كل شيء في السودان. وكان يقول لأنه كان مثلي فقيرا ومحروما عندما كنا في المدرسة. في الديمقراطية يترقى الانسان في حزبه من خلال المنافسة الحرة. و في الدول الديمقراطية يبدأ الامر في المدرسة ثم المنظمات الشبابية.. و الرؤساء عادة اهل فكر وعلم. و لا يتوقفون من الدراسة و التحصيل و الإطلاع حتى بعد ان يصيروا رؤساءا. لأن العالم يتبدل والمعلومات تتجدد. و قد ابتلانا الله برئيس بو ليس له فكر او علم او عقل....ولهذا يصدق من يقولون له انه قد انتخب من الشعب. من المؤلم ان البشير يظن ان الانتخابات ستعفيه من الملاحقة القضائية..فإذا فاز فبعد الفوز المطبوخ لن تسقط الملاحقة القضائية..ووصمة السفاح لن تختفى وذنوبها لن تغفرها له الديمقراطية او الانتخابات . جرم البشير فادح ولكن جرم من يرقصون حوله افدح..و التزوير هو نوع من الكذب و الغش و التدليس..و هذه خطيئة.. فليفكر البشير في نميري او شاه ايران كلهم ذهبوا و لكن يبقى الشعب السوداني الى الابد...
سحر اسود اكيد .. رفيقكم طلع من الملة العياذ بالله صلاتو ما مقبولة ، سلطة مدججة بالسفلي والدجل والامر مفهوم لدي عشاق السلطة يستعينون بالجن والسحرة ولكن حتما ستنقلب عليهم كما انقلبت علي سحرة فرعون : ( قالوا يا موسى إما أن تلقي وإما أن نكون أول من ألقى قال بل ألقوا فإذا حبالهم وعصيهم يخيل إليه من سحرهم أنها تسعى فأوجس في نفسه خيفة موسى قلنا لا تخف إنك أنت الأعلى وألق ما في يمينك تلقف ما صنعوا إنما صنعوا كيد ساحر ولا يفلح الساحر حيث أتى ... وايضا لن يفلح بشيركم من حيث اتى الله يفك عارضكم وتشوفوا الحقيقة ..
04-17-2010, 12:59 PM
ALZOLZATOO
ALZOLZATOO
تاريخ التسجيل: 03-14-2002
مجموع المشاركات: 4216
Quote: إلى ذلك شهدت منطقة الشقالوة بشندي أمس، حدثاً شغل المدينة كلها، حيث اكتشف صبي يدرس بالصف السابع أساس يدعى حسن عبد القيوم موسى، رسماً للشجرة على (طُحال) خروف بعد ذبحه، وتم أخذ (الطحال) إلى المركز العام للمؤتمر الوطني بالخرطوم بعد أن طافوا به قرى وأحياء شندي، وكان لذلك الحدث أثر كبيرٌ في تحول كثيرين لمصلحة المؤتمر الوطني.
Quote: ابلغ وكيل مرشح مستقل بحلفا الجديدة»الصحافة» بأن عدد الاصوات التي نالها مرشح المؤتمر الوطني بأحد المراكز فاق عدد الناخبين،وقدم شكوى بذلك عبر اورنيك«7». وقال نميري علي حسين، ان مدير المركز أقر بذلك من خلال الاورنيك،مبيناً ان عدد الذين صوتوا في مركز الهداية في الدائرة الجنوبية «12» بحلفا الجديدة بلغ 936 ناخباً، بينما اعلن من خلال الفرز ان مرشح المؤتمر الوطني وحده نال 944 صوتاً بخلاف ماناله باقي المرشحين والتالف من البطاقات.
Quote: ابلغ وكيل مرشح مستقل بحلفا الجديدة»الصحافة» بأن عدد الاصوات التي نالها مرشح المؤتمر الوطني بأحد المراكز فاق عدد الناخبين،وقدم شكوى بذلك عبر اورنيك«7». وقال نميري علي حسين، ان مدير المركز أقر بذلك من خلال الاورنيك،مبيناً ان عدد الذين صوتوا في مركز الهداية في الدائرة الجنوبية «12» بحلفا الجديدة بلغ 936 ناخباً، بينما اعلن من خلال الفرز ان مرشح المؤتمر الوطني وحده نال 944 صوتاً بخلاف ماناله باقي المرشحين والتالف من البطاقات.
ونعم بالله .. البشير سره باتع
04-18-2010, 01:27 PM
ابراهيم محمود الحاج احمد
ابراهيم محمود الحاج احمد
تاريخ التسجيل: 10-25-2005
مجموع المشاركات: 203
Quote: محاولة للتفسير العلمي لهذا الامر... ان الرجل خضع لسطوة العقل الجمعي الذي يقود العقل الفردي في مثل هذه المواقف
سلامات استاذنا كمال ادريس ..
نعم ممكن يكون دا تفسير وعلمي لو الزول دا جاء وقال مقتنع .. لكن اخونا دا لا ايدو لا كراعو قوة خفية سيطرت على ايدو .. وكلامو دا وقت اقراهو بيكون المشهد المتخيل انه الزول دا ماسك القلم وبيوديهو تجاه دائرة مرشحو والقوة الخفية تجر وهو يجر .. لغاية ما في النهاية انتصرت عليهو .. وطبعاً يف ماهو مستغرب لمن جاء كلم ليهو معارض تاني معروف وقال ليهو حصل كدة اها دا كلم ود الباوقة مما اثبت ليهو بما لا يدع مجال للشك كرامات شيخنا عمر البشير الاتنزلت عليهو تحت الشجرة المباركة فجاء يدينا البشارة بالكرامة دي ونحن ما بننسي انه كرامة الشجرة بدأت تتجلي من ما ظهرت في طحال الخروف بشندي وخلت الناس تستبشر .. ولي قدام بنشوف البشير دا كان ما مشي فوق الموية وطار في الهواء وجسمو بقّ نور
04-18-2010, 01:31 PM
محمد إبراهيم علي
محمد إبراهيم علي
تاريخ التسجيل: 08-10-2009
مجموع المشاركات: 10032
نديك التفسير العلمي ده الورق طبعا ممغنط خلقة كدة من مطبعة العملة يعني الورقة مكان اي رمز بكون في قطب مغناطيسي معين وانت وحظك عشان ما نظلم الجماعة ديل اعلم الله داقين المصحف ده قدام العالم ما يغشو ولا يزورو وبتعرف الاقطاب المتشابهة تتنافر اها يا سيدي لما تجي تصوت القلم بديك ليهو موظف المنفضية وبكون قطبو مشابه لاقطاب الجماعة القشيرين ديلاك كلهم اها كلما تجي توديهو على واحد فيهم تلقي القطب المغناطيسي بتاع البشير غطس الله سره يجذب وبشدة لمان تتخلع وتلقى روحك شخت عليهو عشان تتفكا من النصيبة دي كيف معاك التفسير العلمي دا يا ود الباوقة افتكر مريح وببلع ود الزين كلامو ده
04-18-2010, 01:40 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
لما ود الباوقة جا يكلم ناس البورد باليد الخفيةأثبت إنو في هوة سحيقة تفصل بينو وبين غالبية الناس هنا . فارق كبير في العقلانية والهوة دي هي من بالغباش في الوعي وتحتاج لإعلام قوي و محفزات استنارة مركزة لإعادة الوعي له ولكل من صوت للبشير ممن غشيتهم الغشاوة نفسها من أبناء شعبنا وهم بالملايين حيث يكتوون بنيران الأمية السياسيةوجحيم الإنقاذ وغلاء الأسعار والبطالة وشظف العيش لكنهم لايرون كل هذا فآلة الإعلام جبارة وماكينة السلطة هائلة . وحتى ذلك الوقت فإنني اعتبر ودالباوقة ذاتو مغيب مع وقواه الخفية.
04-18-2010, 02:14 PM
عبدالأله زمراوي
عبدالأله زمراوي
تاريخ التسجيل: 05-22-2003
مجموع المشاركات: 744
دي ساهلة يا واد الباوقة، أبوي اللي توفاه الله قبل أكثر من 41 سنة، قام من قبره وصوِّّت للبشير، ثم عاد لقبره مرة اخرى كما يدل على ذلك السجل الإنتخابي لدائرة (كرمة شمال).
بشيركم هذا فاق كل أولياء السودان وصالحيه، من البيطيرو والبروقو اللبن وهكذا سنعيش نمضغ في هذه الخرافات كما بلعنا قبلا خرافات القرود التي تؤذن في أحراش الجنوب والشجرة التي تكبر، وقد بدا لي تماما بأن الجنرال يعيش في آخر متاهاته...
04-18-2010, 02:55 PM
ibrahim alnimma
ibrahim alnimma
تاريخ التسجيل: 03-28-2008
مجموع المشاركات: 5197
والله أنا مشفق عليك؟ أليس سلامة العقل (لا اقصد رجاحته) هي من شروط العضوية في هذا البورد؟؟؟؟؟؟ الله يشفيك ياخي ؟؟ انت عارف يابني علاجك هو ذهاب هذه العصابة وانشاالله بعد كدة بتبدأ تتحسن حالتك؟ وبعد داك انشاالله بتلعب صقرية جد جد00
04-18-2010, 02:22 PM
فايزودالقاضي
فايزودالقاضي
تاريخ التسجيل: 11-27-2007
مجموع المشاركات: 10091
قصة الزول السحبت يدو القوة الخفية وصوت للبشير ,,, ذكرتنى قصة حكاها الصديق عبدالمنعم سيد أحمد عن الحمار والمرفعين ,,, حكى صديقى منعم أن الحمار عندما يرأى المرفعين دون سائر حيوانات الله يصاب بحالة من الهلع لا مثيل لها,,, وبدلا من الهرب فأنه يجرى بقوة نحو المرفعين وعندما يقترب منه يسقط على الارض بين رجليه فينقض عليه المرفعين ,,, البشير مرفعين ما فى ذلك شك ,,,الزول ده ما داير أصفه بالحمار لكن حالته مشابهة لحالة الحمار .
04-18-2010, 05:24 PM
Amani Al Ajab
Amani Al Ajab
تاريخ التسجيل: 12-18-2009
مجموع المشاركات: 14883
الأستاذ ود الباوقة لك التحية .. تكون القوة الخفية أيضاً تملأ صناديق الأقتراع بالهوادة ؟؟؟؟
Quote: مرشح ينال أصواتاً أكثر من عدد الناخبين بحلفا الجديدة حلفا الجديدة:الصحافة: ابلغ وكيل مرشح مستقل بحلفا الجديدة»الصحافة» بأن عدد الاصوات التي نالها مرشح المؤتمر الوطني بأحد المراكز فاق عدد الناخبين،وقدم شكوى بذلك عبر اورنيك«7». وقال نميري علي حسين، ان مدير المركز أقر بذلك من خلال الاورنيك،مبيناً ان عدد الذين صوتوا في مركز الهداية في الدائرة الجنوبية «12» بحلفا الجديدة بلغ 936 ناخباً، بينما اعلن من خلال الفرز ان مرشح المؤتمر الوطني وحده نال 944 صوتاً بخلاف ماناله باقي المرشحين والتالف من البطاقات.
واصبح الماء والغذاء متوفر لجموع المواطنين دون جهد ولا عناء .. بل وفر لهم مشقة الخروج للاسواق بحثاً عنه .. فاصبحت الماء تاتي محملة بخيراتها ..
Quote: فوجئ أحد المواطنين بمدينة عطبرة بخروج سمك حي من ماسورة منزله اليومين الماضيين . وقال مفوض هيئات الشباب والرياضة بولاية نهر النيل عبد المنعم محمد الخضر لصحيفة حكايات انه فوجئ بسمكة صغيرة تتراقص وهي تهبط من فتحة الماسورة مع المياه في منزله عقب عودته من مكان عمله عصراً . وأستعان عبد المنعم بجيرانه وفقاً لروايته للتاكد من ان الكائن المتراقص امامه سمكة مبدياً إستغرابه كونها تجاوزت كل الأكواع والبلوفات الممتدة من النيل الي منزله في ضاحية الحصايا دون ان تموت إختناقاً . ولقيت السمكة العنيدة حتفها أمس بعد ثلاثة ايام من وضعها في حوض صغير . وبحسب صحيفة حكايات تلقى عبد المنعم عشرات المكالمات من رفقاء العمل والأصدقاء يعزونه في فقد سمكته الجلل الذي حزن له أشد او كما قال
الحمد لله على منه وكرمه .. ففي ظل عهد الانقاذ ومن كرامات البشير وتحت ظل الشجرة المباركة اصبحنا نري الملائكة جهاراً نهاراً .. والملائكة الكرام بسداريهم اصبحوا يشرحون للمواطنين من ابناء الشجرة المباركة كيف يقترعون ويصوتون للتحول الديمقراطي بامر السماء ..
وهنا يشرحون للعامة من البسطاء ابناء الشعب كيف تكون القوى الخفية التي تسحب الايادي لتصوت للبشير ..
مدد يا الشجرة مدد يا البشير سيد ود الباوقة
04-20-2010, 08:44 AM
محسية
محسية
تاريخ التسجيل: 09-08-2002
مجموع المشاركات: 305
نقتاتها فى الشارع المغبر .. لا ألماً نحس ولا خطر .. والشعب مغشى البصر
سر ياعمر .. !
5-
ومشايخ فوق المنابر يهتفون .. يأمرون بطاعة الرحمن والرسل الكرام .. وبالعمر .. هذا العمر .. هذا الأمام المنتظر . لاتخرجوا عن طوعه فتطردون وتحشرون لست الأمام مبايعاً لست الخليفة ياعمر والشعب مغشى البصر .. سر ياعمر
عشرون عاماً .. تكذبون .. وترقصون .. وتهتفون (هى لله لا للسلطه ولا للجاه ) .. بل هى للسلطة هى للجاه .. يا الله .. يا الله .. ! الكذب باسم الدين فى الشعب له أمضى أثر .. الكذب باسم الدين فى البسطاء أفيون خطر .. الكذب باسم الدين فى السودان سحر مستمر .. والشعب مغشى البصر .. سر ياعمر .. ! عشرون عاماً من شقيات النساء ترضعون .. من بائعات الشاى .. لاتتورعون .. من سائقى الركشات .. عمال الطبالى تسرقون ..تباً لعصرك ثم تب !
6-
عشرون عاماً يا عمر .. بمواردنا ومكاسبنا .. كنانة والرهد .. بعتم أراضينا ولا ندرى لمن ؟ بعتم أراضينا ولا ندرى الثمن ؟ بيعاً وإيجاراً .. ورهن .. إنه الجرم الذى لا يغتفر ! أين المفر يا عمر .. أين المفر ؟
وبعد عشرين عجافاً .. شجرة الزقوم رمز المؤتمر ..!!
(أنها شجرة تخرج من أصل الجحيم .. طلعها كأنه رؤوس الشياطين ) إبن يا نافع لى صرحاً أغر .. أوماتدرى بأن هذا الشعب مغشى البصر ؟ إلق عليه من فتات الخبز يأتى منهمر .. إلق عليه من فتات العيش يأتى منفجر .. نحو السيادة والشموخ المستقر .. صوب القوى الأمين المنتصر ! أكذا القوى ؟! أكذا القوى مطارد بجرائم الحرب اللعينة فى مطارات الدول؟ أكذا الأمين يا عمر ؟ ألا يا أيها النيل تبارك و انهمر .. ألا يا أيها النهر تدفق وانكسر .. ألا يا أيها الشعب الخطر .. ألا يا أيها الشعب تدافع وانفجر .. ألا يا أيها الشعب انتصر
04-20-2010, 06:27 PM
HAIDER ALZAIN
HAIDER ALZAIN
تاريخ التسجيل: 12-27-2007
مجموع المشاركات: 22434
بس يا ود الباوقة بالله ورينا الملائكة ديل بتاعين الفيديو
البنعرفها زمان الملائكة كانو من ذو الاجنحة مثني ورباع
اها الملائكة ذو السداري ديل انقاذيين والا شنو ؟!؟!
دا صنف جديد من الملائكة والا ذكرهم ابن كثير في واحدة من تفاسيرو علي نمط الحديث :
يظهر في آخر الزمان نساء كاسيات عاريات روؤسهن كانسام البخت المائلةويضيف وقوم لهم سياط كأذناب البقر .. حتي قوله فهؤلاء لا يدخلون الجنة وان ريحها ليوجد على مسيرة كذا وكذا
ــــــــــ ياربي أذكر وقوم لهم سداري يخجون الصناديق خجاً ام لم يذكر .. لست متاكد فقد نسي عكاشة جزء من الحديث وانا نسيت بقيته
04-20-2010, 09:31 PM
Emam Hassan
Emam Hassan
تاريخ التسجيل: 08-04-2003
مجموع المشاركات: 538
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة