فضيحة عوض الجاز الذي وضع اسم القبيلة في استمارة التقدم لوظيفة في قطاع البترول

Quote: الشايقي تحية مشلخة يا اخوي حكاية القبيلة قال بيها السيد محمد عبدالله جار النبي جوه البرلمان في جلسة كان فيها عوض الجاز وللتاريخ - جار النبي قال كلام ما بتقال الا في زقاقات ضيقة وتحت التربيزة وكمان سراً حينما نبش كل همس حول ملف البترول - والرجل كان صاحب وجعة كبيرة كما يعرف البعض - لأنو الجماعة جابوه من يوغندا وسجلوا ليه شركة في امريكا ودفعوه ما طلبته شيفرون - يعني زي 25 مليون دولار كدا - وكمان قالوا ليهو جيب لنا مصفاة , تصدق يا مؤمن جابا ليهم تشليح ومرت بي (13) دولة وكل قطعة من المصفاة جاية في سفينة براها وكل سفينة جاية بي طريق براها . وما في سفينتين اتلاقن في الميناء - دا كلو عشان شنو؟ عشان الحصار كان شديد على الجماعة وبعدين زي ما عارف كل شيئ مراقب! أها بعد دا كلو قاموا زحلقوا جار النبي وجابوا ناس من برة كنديين مواليد باكستان - يا لطف الرحمن - الزول ما خان البلد الا المغسة كانت بتشق الواحد كررررررررررررررررررررررر. ولمن شاف الجاز جوه البرلمان قام فتّ بعض المغايس وسكت عن كتير وقام جاب سيرة الاستمارة الفيها اسم القبيلة وكدا .. و..والله شوف عيني عوض الجاز الوقت داك وشو انقلب زي الفشفاش والغبينة نطت ببي برة ولو في سكري يكون وصل 400 المهم صاحبك (أو والدكم) اتماسك ورد بالنفي ما قاله جار النبي لكن بعد داك جار النبي ما ضاق عافية (لي الليلي) والطفشة الياها! لانو مرقوا ليهو بعض اوراق البنوك - يعني قروض كدا بي رهن المصفاة الثانية وحكاية سداد وسدد وبعد شوية سحبوا ليك منو الحصانة البرلمانية وجردوه من منصبوا (رئيس الهيئة البرلمانية لنواب المؤتمر الوطني) وحاجات كدا ما عارفها ..وأخونا شتت . وأظن لحدي كدا كفاية ويا دار ما دخلك غاز!!!!!!!!!!!!!!!!!

Quote: نشرت منظمة الشفافية الدولية بيانا اذاعت لندن جزءا منه امس واليوم ـ الخميس ـ ويضع التقريرالسودان ضمن اسوأ ثلاث دول عربية سجلا فى التصرف فى عائدات النفط بجانب العراق واليمن http://www.transparency.org/pressreleases_archive/2003/...ssrelease.arabic.doc

Quote: وقد عرف عن محاسب الكنز بأنه يأخذ عمولة مقدمة علي كل عقد جديد ، وهناك عقد تم توقيعه مع شركة نمساوية بمبلغ 200 مليون دولار أمريكي ولكن الشركة سددت للحكومة السودانية مبلغ 175 مليون دولار والفرق طبعا....؟؟اللبيب بالاشارة يفهم ويذكر أن عوض الجاز اصبح من اهم المستثمرين في سوق العقار والمدن السياحية في دبي وماليزيا، ويأتي في المرتبة الاولي النائب الثاني والذي يملك العديد من الشركات الوهمية وباسماء مستعارة ويذكر أن عائدات النفط اصبحت مناصفة بين الطرفين حيث يحددان مسبقا أوجه الصرف وهذا هو الذي يفسر اصرار عوض الجاز علي الاحتفاظ بهذه الوزارة حتي وان أدي ذلك الي اغلاق اتفاقية السلام مع الحركة الشعبية، وهناك حملة تزوير يقوم بها بنك السودان الان من أجل مطابقة العقود الموقعة في مجال النفط مع المبالغ الفعلية التي دخلت خزينة الدولة ،