الأخت نجــلاء سيد أحمد مجردة

Quote: يا سيدي لك الحق في تصديق ما تود تصديقه و عدم تصديق ما تود لكن تبقى الحقيقة ان العلاقة التي تربطني بنجلاء و اسرتها ليست هي روابط الايدولوجية العمياء او مطلوبات الكسب السياسي ان كنت تعنيني بحديثك هذا و جاء نشري للخبر من واقع هذه العلاقة قبل كل شيئ و في هذا يمكن لك سؤال نجلاء او بخاري انفسهم و الحمد لله كلاهما عضو هنا

ما متوفر لديك من معلومات .. حسبما فهمت بطريقتي الخاصة .. ما الغرض من الخبر ... كان بإمكانك أن تضيف ما يفيد لكن ما الواحد يدخل جوه يلقى ليهو نقط .. نقط .. ويجيك حجـــر يتم ليك النقط كمان .. حتى حجـر ذاتو جزاو الله كل خير .. فتح ليهو بوست بيسال في ناس قرفنـا والخرطوم عموم وماف زول اشتغل بيهو .. ماهي اسباب اعتقال نجلاء سيد احمد يا شباب قرفنا وياخرطوم ... .. بينما استمرت تراجي في ممارسة فعلها المعتاد عليه في مثل هذه الحالات .. بأن كالت الاتهامات لجهة محددة .. وبالاسماء .. وهذا حسب ما جاء من مصادرها أو كما اشارت زوج ساره والجهاز القضائي الفاسد هم وراء اعتقال نجلاء سي...لمقاتل بخاري الامين! .. وفي الوكت دا بالذات كانت نجلاء وبكري العجمي في وضع آخـر .. ودا الكلام الما بدخل الراس .. والواحد للاسف يكون متابع ويجي يلقى ليهو كلام مكتوب والناس متلميه .. صاح أم خطأ المهم تجي تسجل موقف زي ما قال واحد صاحبنا .. لو كانت عندكم وجهة نظر أول حاجة لازم تدخل يدك في الحبر .. ويشوفو اصبعك قبل كدا كنت شنو ..؟ ومعدل الشجب حقك في البورد بياهلك تشجب واللا .. لا .. ودي طبعا ممكن ينبري ليها نقط نقط حجــر أو عصام جبر الله .. أو دجانقوو الما بفرز .. ومؤخرا .. يطلع ليك رسام عالمي سريالي المدرسة يتكلم ليك في التجريد .. ويلطخ اصابعينو بي ألوان الزيت ويتطلب الله .. دا كلووووو .. عشان بس إنت ما عاجبم كلامك ..

نواصل ..
بالمناسبة أنا بقطع ليك في كلامي .. عشان نقط نقط حجــر كلما اكتب كتير قاعد يقولي ما تكتب كتير .. صاح يا نقط نقط حجــر .. الصغير؟ لو كضاب في الحتة دي .. قول كضاب . بعتذر ليك بي تلاتة بوستات وفي كل بوست تلاتة مداخلات وراء بعض