|
|
|
 Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: omer osman)
|
اظنه نابليون يا جانبو ...
فلنحاول ونناطح المستحيل ...
تحيتي لوليد المبارك فقد اعطانا درس في ان التغيير ليس بالكلام وحده ولكن بالفعل قد قد يتحقق .
ووليد قال ما ىمن به ثم سعي لتحقيق كل اقواله ...
لكم احب هذا الشاب وىمن واتيقن بان البلد بخير وفيها من يُرجا منه..
قولي لوليد المبارك ..
حقيقة لو جلتّ منك الآن فصدقاً بالمستقبل لن تجلي خاصة وقد عرف الكثيرون ان قولك هو فعلك وطموحك..
أسعي يا وليد ولا تركن لأي مُحبط لفعلك وستري ما تتنتجه مستقبلاً فكراً ومضموناً لنا...
وقلتها قبلاً لو ترشحت انت للرئاسة لبذلت دمي وما املك لتكون يا وليد المبارك الشاب الذي يمثلني ...
ومعك ومع ياسر بيناوي وحاتم شناب ونور الدين صلاح وغيرهم لآخر الخط لنوصل صوتنا كشباب مقهورين ومهمشين.......
| |
 
|
|
|
|
|
|
|
 Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: وليد محمد المبارك)
|
وليد يا مبارك ..
شكرا على الدرس البليغ ليتهم يتعلمون ....
درس فى قمة البلاغة وقمة الاحترام للناس الساندتك وحتى المساندتك ,,
تفكتر يا وليد حاجة زى العملتها انت دى صعبة ؟؟
صعبة يقول لينا صرفنا كم ...؟
صعبة يقولو لينا قروشكم دى قاعد تمشى وين ؟؟؟
اعتقد ياوليد انك كسبت احترام الجميع ....
تعرف خسارات الانتخابات لا تعنى شئ مقابل احترام الذات
مكسب يا وليد لجيلنا ويحق لنا نفتخر كجيل بهذه الشجاعة
وهذه الروح الجديدة التى تبثها انت وبيناوى وبقية الشباب
كامل احترامنا ومحبتنا ...
_____________________________
يشهد الله سالت منى دمعة يا وليد
شفت نحن شعب بسيط كيف؟ ..
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: عمر سعد)
|
| Quote: سلام الاخ وليد والله لحدى اليوم انا كنت قايل الكلام ده هظار بورد بالرغم من انو قبال كده سالتك وقلت لى انا جاد لكن قلت جاد بتاع البورد هااهاهاه |
هاهاهاهاهاهاهاها
الاخ عمر سعد تحياتي
يا زول جادي للدين
| Quote: ولكن عشان خاطرك لو فى اى طريقه ددعم حاضرين يا وليد وعشان اكون عملى رسل لى فى الخاص كيف احول ليك .... |
يا زول يديك العافية وما بتقصر
وانا اقبل منك اي حاجة
لكن سبقك الاخ حيدر الزين فوق وتبرع بمبلغ 300$ دولار
اعتقد انها كافية لتغطية البنزين والفطور ( بوش ) للفرد في الحملة
وهي كلها ثلاثه ايام
عليه ببقى موضوع تحويلك ما مجدي
لو حصل انه القروش قصرت صدقني حا اراسلك في الخاص اول زول
شكرا يا زول يا كريم
________________
الاخوه الزملاء باب التبرع فقل .. وشكرا لكل من تحمس للفكره لكلن كده الامور ماشة تمام واي قروش زيادة حا تبقى فائض ما حا نعرف نصرفها وين
العنده قروش عاوز يرسلها
يوجهها للاخوان المرشحين في البورد الاخرين وهم كتار وم شليقين زي
معاوية عوض الكريم
ياسر بيناوي
صلاح نور الدين
انا متاكد انه كل زول فيهم محتاج لدعمكم
| |
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: عمر سعد)
|
وليد
لمزيد من الشفافية ارجو
1- الطلب من كل من شارك معك وصرف أى شيء مادى أن يكتبه لك فى نهاية الحملة ( ليس منّا منه و اكن لمزيد من الشفافية) من رفض يمكنك تقييمه لوحدك .
2- نقييم كل التبرعات المادية غير النقدية ( التبرع بسيارة أو حافلة أو ميكرفون أو طباعة ) و تسجيلها كمعادل مادى .
3- تقييم الزمن الذى صرفه كل من أستقطع من زمنه بقيمة أجرة اليوم و رصده ( لزمن كل منا قيم= المرتب او الدخل ÷ 30 اليوم ÷ 8 ساعات )يديك قيمة الساعة× عدد الساعات التى عملها معك ) كذا تستطيع تقييم جهد كل شخص .. و تقيييم الحملة بشفافية.
تسليم مل ذلك كمحاسب عارف و رصده لك كميزانية ..
ربنا يوفقك
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: معتصم الطاهر)
|
الاخ معتصم الطاهر
يا زول حاضرين
انا مستجد في الامور دي وما عندي فيها خبره .. شغال بالبركة وسايقاني الهاشمية .. ياهو بنقوم التجربة بنصائحكم عشان تكون لي قدام درس مستفاد للجميع
الاخوان عادل ورحاب تحت تبرعوا بدعم فكرتك دي وتمليكي الطرق العلمية لفعل ذلك
انا حا اتصل بيهم
وربك يهون
حسب مخاطباتي مع عادل في الخاص . حا نعمل تقرير متكامل في النهاية فيه كل التفاصيل .. ممكن نستصحب فيه كلامك ده .. بعد عادل يرسل لي الجدول ونتشاور فيه مع رحاب .. ونرجعوا ليك عشان تفاكر فيه قبل عرضه
يا ريت لو ترسل لي ايميك في الخاص
شكرا كتير ياخ
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: ashraf mukhtar)
|
مرحب اشرف مختار
Quote: انا ساكن في الدائرة مالقيت ملصق واحد ليك
احتمال تركيزك كان في التانية وحلتكم اكتر من بقية
الدائرة |
كلامك صحيح
كنا مركزين على الحملة المباشرة والزيارات الميدانية وطرق ابواب المنازل
طبعا ما حا نقدر نغطي دائرة مداها من مقابر احمد شرفي وحتى الكلية الحربية
في الامر ده
بالنسبة للملصق
اخرته لاسباب اهمها نعرف الانتخابات دي قائمة ولا مأجلة
عشان تمويلنا محدود وما بنقدر نعيد الحملة تاني لو حصل و اتاجلت وكنا نشرنا الملصقات
ببقى صعب علينا نعيد الامر ده تاني
من ناحية مادية ومن ناحية مجهود
هسع الشباب شغالين تعليق في المصقات وبدوا الامر ده من امس الاول
خالص الشكر
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: محمد مكى محمد)
|
وليد محمد المبارك ... الرجل المقلوب ... ومؤخراً شفاف ...
وكما قالت المغنية:
(يا الاخدر الشفاف ..
طولت ما بتنشاف ...
زولى العليهو بخاف ...
طوى قلبى شالوا لحاف ...)
أول حاجة نحييك تحية المودة ... مرسولة من الباطنية عبر ظلط النص (حسب جغرافيا أمدرمان المعاصرة) ...
ثم تانياً (كما يقول المثل)
ننتقدك ... (حيث لا ينفع النقد ...)
فقد قال الشاعر (ما حفظت زمامى ... وجيت جلست أمامى ...) وهو نقد يستبطن انحاءة احترام لى بت القبايل (حسب حغرافيا ام در أمان)
...
تحدثنا - انت وانا - عبر الهاتف حول البرنامج والخطوط العريضة للترشيح ... وأبديت لك وجهة نظرى ... ووجدت ترحيباً من جانبك ...
المحادثة لم تكن ضمن منشورات سودانيزاونلاين ... لك خيارات تصحيحى فى النقل .. أو عدم الخوض فى الحوار بحجة ضعف المرجعية لمحادثة خاصة ... ولكن إن اتفقنا على ما أنقل من محتوى المحادثة ... فإليك نقدى:
أولاً اتفقنا فى المحادثة على أن عمل المرشح البرلمانى ينحصر فى سن القوانين ورقابة أداء الحكومة الفدرالية بشكل رئيسى ...
وهأنتذا ... تقدم وعوداً محلية كـ"إيجاد فرص عمل جديدة للشباب" لا أدرى كيف ستحققها بصلاحياتك كنائب برلمانى منتخب؟
وتعد بترحيل المنشآت العسكرية فى المنطقة والإفادة من البنى التحتية الموجودة ... وأنت ستتحوّل لنائب برلمانى منتخب ليست الشؤون المحلية من صلاحياته!
تحدثنا عن أن الحملة الإنتخابية - نجحت أو فشلت - ستكون تنويرية ... توضح للعامة دور النائب البرلمانى (سن القوانين ورقابة أداء الحكومة) وأهمية هذا الدور فى حياتهم اليومية وواجبهم السياسى فى حسن الإختيار .. وهأنتذا تتجاوز هذا الدور التنويرى ... ولا تشير للمهمة الأساسية التى تترشح من أجلها لا فى مطبوعات ولا فى ندوات ... وأشرت لها بطريقة سطحية أثناء اللقاء المقتضب مع قناة الجزيرة (ولا غبار على ذلك، فحسابات زمن البث التلفزيونى تختلف) ...
ثانيا هنالك بعض الإختلافات المبدئية من حيث النظرة للممارسة الديموقراطية ... فالبرنامج الإنتخابى الذى طرحته للنقاش هنا سابقاً ... يحتوى على مطفئة قلوب ومنغصة احلام اسمها "الديمووقراطية الحزبية البرلمانية" تنادى بها بديلاً للنظام الرئاسى الجمهورى ... وكأن تاريخ أزمة الحكم فى السودان، وما أنتج من حروب وتهميش وتبعية وتخلف تنموى ... لم يكن بسبب أزمة الحكم .. وتلك الحزبية البرلمانية الشائهة ....
فى الأسبوع الماضى ... عندما حصل التيار الصدرى على 39 مقعداً فى البرلمان العراقى ... تمكن من الحصول على وزن ترجيحى فى تشكيل الحكومة المقبلة فى نظام البرلمانية الحزبية الذى يحكم العراق الآن ... فقام مقتدى الصدر بإقامة انتخابات - أخرى - مفتوحة فى المساجد لنورى المالكى وعلاوى وثلاثة مرشحين آخرين ... مبرراً أن كلمة الشعب العراقى هى التى تحدد من سيتولى حكومة العراق وليس صفقة حزبية يعقدها معه علاوى أو المالكى ...
نحن لدينا نظام رئاسى يصوت فيه كل الشعب على من يتولى أمور الحكومة؛ لماذا تريد إعادتنا لآزمة حكم الحزبية البرلمانية السحيق؟
هذا قيض من فيض ... ولا يعنى أننا ضد ترشيحك مائة بالمائة ... فأنا أفضل لاعب جديد ... لا يخاف التجريب ... وحر فى اختياراته ... وأمين ... وشفاف ...
على أى حزبى مغرض ... تعميه دوقما العقائدية الحزبية ...
فأنت لا زلت خيارنا الأفضل ....
... المهم .....
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: تبارك شيخ الدين جبريل)
|
تبارك يا صاحب اجدع لينا تلفونك وكت قاعد هنا
| Quote: فقد قال الشاعر (ما حفظت زمامى ... وجيت جلست أمامى ...) وهو نقد يستبطن انحاءة احترام لى بت القبايل (حسب حغرافيا ام در أمان) |
هاهاهاهاهاهاهاهاها
وصلت يا معلم
ووصلنا الانحناءة مع احترامها لستهم
Quote: تحدثنا - انت وانا - عبر الهاتف حول البرنامج والخطوط العريضة للترشيح ... وأبديت لك وجهة نظرى ... ووجدت ترحيباً من جانبك ...
المحادثة لم تكن ضمن منشورات سودانيزاونلاين ... لك خيارات تصحيحى فى النقل .. أو عدم الخوض فى الحوار بحجة ضعف المرجعية لمحادثة خاصة ... ولكن إن اتفقنا على ما أنقل من محتوى المحادثة ... فإليك نقدى: |
خُد راحتك يا صاحب فهو بوست عنوانه الشفافية
وفي الاخر عاوزين نرسخ تجربة كاملة تامه بكل اتفاقاتها واختلافاتها
دعمها وخزلانها
وحبابو نقدك ككا هو دعمك
| Quote: وهأنتذا ... تقدم وعوداً محلية كـ"إيجاد فرص عمل جديدة للشباب" لا أدرى كيف ستحققها بصلاحياتك كنائب برلمانى منتخب؟ |
غير صحيح
محاور برنامي الثلاث بداتها بـ
المستوى الوطني : الوقوف مع كل القوى السياسية والاجتماعية والسلطات التي تعمل من اجل التالي وتقديم اقتراحات ومشاريع قوانين تضمن الآتي:
مستوى الولاية : التعاون مع سلطات الولاية وجميع القوى الاجتماعية والسياسية والمنظمات المدنية والثقافية لانجاز التالي:
مستوى الدائرة : سأقوم باقتراح وإعداد وتقديم مشاريع قوانين ومبادرات ودراسات والتعاون مع كل الجهات التي تتفق معي على الخطوات التالية التي اعتبرها مهمة لتطور الدائرة وسأقوم الدفاع عنها والعمل من اجل تحقيقها بوصفي ممثل الدائرة:
انا ما وعدتيا تبارك الا بالوقوف مع من يساند هذا ثم فصلت تحت كل محو بتلقى التفاصيل هنا http://www.votefuture.org
بالنسبة لموضوع ترحيل الثكنات العسكرية ورد في معرض هذا
Quote: على مستوى الدائرة:
سأقوم باقتراح وإعداد وتقديم مشاريع قوانين ومبادرات ودراسات والتعاون مع كل الجهات التي تتفق معي على الخطوات التالية التي اعتبرها مهمة لتطور الدائرة وسأقوم الدفاع عنها والعمل من اجل تحقيقها بوصفي ممثل الدائرة:
•إنشاء جامعة المهدية لدراسات الوسائط المتعددة.
•إقامة نظام متطور للصرف الصحي ودعم برامج صحة البيئة وتقديم اقتراحات في هذا الصدد لسلطات الولاية والمنظمات الطوعية والتعاون معهم لضمان صحة البيئة في الدائرة.
•العمل على إقامة مجمع ثقافي رياضي متكامل في المنطقة الواقع شرق الحارة 20 وذلك بالتعاون مع سلطات الولاية والمانحين والفرق الرياضية والجمعيات الثقافية بالدائرة يستوعب طاقات الشباب وأهل الدائرة.
•العمل على ترميم المدارس والشفخانات والمؤسسات الصحية بالدائرة ودعم رياض الأطفال بالوسائط الحديثة وزيادة التمويل بالتعاون مع سلطات الولاية والمنظمات المدنية المحلية والعالمية.
العمل على إخراج المناطق العسكرية من نطاق الدائرة وذلك إيمانا أن القوات المسلحة يجب أن تكون في الحدود والثغور وليس داخل المدن .
•جذب الاستثمار عن طريق التعريف بالدائرة وإمكانياتها والاتصال في ذلك برجال القطاع الخاص والمستثمرين الأجانب وتحفيزهم على ذلك والاستفادة من البني التحتية للمناطق العسكرية بعد تفريغها لتكون مناطق استثمارية (السجن الحربي، المطبعة العسكرية ، المدرعات أمدرمان الخ) والعمل على توظيف أبناء المنطقة أولا في هذه المشاريع التنموية
•إقامة ودعم مشاريع تشجير الدائرة والاستفادة من الساحات والميادين العامة لتحويلها لساحات رياضة وترفيه بالتعاون مع السلطات والمنظمات الشبابية والمدنية.
•تنظيم حملات التوعية الصحية والوقاية الصحية والتطعيم بالتعاون مع السلطات والمنظمات المختصة والمدنية. |
موضوع ترحيل الثكان ده تحديدا موضوع قوانين يعني من صميم اختصاصات البرلماني لانها لن ترحل الا بقانون يسن لذلك
| Quote: تحدثنا عن أن الحملة الإنتخابية - نجحت أو فشلت - ستكون تنويرية ... توضح للعامة دور النائب البرلمانى (سن القوانين ورقابة أداء الحكومة) وأهمية هذا الدور فى حياتهم اليومية وواجبهم السياسى فى حسن الإختيار .. وهأنتذا تتجاوز هذا الدور التنويرى ... ولا تشير للمهمة الأساسية التى تترشح من أجلها لا فى مطبوعات ولا فى ندوات ... وأشرت لها بطريقة سطحية أثناء اللقاء المقتضب مع قناة الجزيرة (ولا غبار على ذلك، فحسابات زمن البث التلفزيونى تختلف) ... |
اصبر وبكره قريبة .. بس يا تبراك موضوع هل هي قايمة ولا ماجلة جهجه كل الحسابات بكره مفروض في شغل يترفع زي حق الجزيرة ده لكن شغل شباب هسع في المنتاج
| Quote: ثانيا هنالك بعض الإختلافات المبدئية من حيث النظرة للممارسة الديموقراطية ... فالبرنامج الإنتخابى الذى طرحته للنقاش هنا سابقاً ... يحتوى على مطفئة قلوب ومنغصة احلام اسمها "الديمووقراطية الحزبية البرلمانية" تنادى بها بديلاً للنظام الرئاسى الجمهورى ... وكأن تاريخ أزمة الحكم فى السودان، وما أنتج من حروب وتهميش وتبعية وتخلف تنموى ... لم يكن بسبب أزمة الحكم .. وتلك الحزبية البرلمانية الشائهة .... |
دي عاوزه شوف عين وترمسة شاي وعلبة برنجي وونسة دقاقة تتخللها كواريك
المهم هو انك ترمي لينا تلفونك
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: تبارك شيخ الدين جبريل)
|
تبارك يا صاحب اجدع لينا تلفونك وكت قاعد هنا
| Quote: فقد قال الشاعر (ما حفظت زمامى ... وجيت جلست أمامى ...) وهو نقد يستبطن انحاءة احترام لى بت القبايل (حسب حغرافيا ام در أمان) |
هاهاهاهاهاهاهاهاها
وصلت يا معلم
ووصلنا الانحناءة مع احترامها لستهم
Quote: تحدثنا - انت وانا - عبر الهاتف حول البرنامج والخطوط العريضة للترشيح ... وأبديت لك وجهة نظرى ... ووجدت ترحيباً من جانبك ...
المحادثة لم تكن ضمن منشورات سودانيزاونلاين ... لك خيارات تصحيحى فى النقل .. أو عدم الخوض فى الحوار بحجة ضعف المرجعية لمحادثة خاصة ... ولكن إن اتفقنا على ما أنقل من محتوى المحادثة ... فإليك نقدى: |
خُد راحتك يا صاحب فهو بوست عنوانه الشفافية
وفي الاخر عاوزين نرسخ تجربة كاملة تامه بكل اتفاقاتها واختلافاتها
دعمها وخزلانها
وحبابو نقدك ككا هو دعمك
| Quote: وهأنتذا ... تقدم وعوداً محلية كـ"إيجاد فرص عمل جديدة للشباب" لا أدرى كيف ستحققها بصلاحياتك كنائب برلمانى منتخب؟ |
غير صحيح
محاور برنامي الثلاث بداتها بـ
المستوى الوطني : الوقوف مع كل القوى السياسية والاجتماعية والسلطات التي تعمل من اجل التالي وتقديم اقتراحات ومشاريع قوانين تضمن الآتي:
مستوى الولاية : التعاون مع سلطات الولاية وجميع القوى الاجتماعية والسياسية والمنظمات المدنية والثقافية لانجاز التالي:
مستوى الدائرة : سأقوم باقتراح وإعداد وتقديم مشاريع قوانين ومبادرات ودراسات والتعاون مع كل الجهات التي تتفق معي على الخطوات التالية التي اعتبرها مهمة لتطور الدائرة وسأقوم الدفاع عنها والعمل من اجل تحقيقها بوصفي ممثل الدائرة:
انا ما وعدتيا تبارك الا بالوقوف مع من يساند هذا ثم فصلت تحت كل محو بتلقى التفاصيل هنا http://www.votefuture.org
بالنسبة لموضوع ترحيل الثكنات العسكرية ورد في معرض هذا
Quote: على مستوى الدائرة:
سأقوم باقتراح وإعداد وتقديم مشاريع قوانين ومبادرات ودراسات والتعاون مع كل الجهات التي تتفق معي على الخطوات التالية التي اعتبرها مهمة لتطور الدائرة وسأقوم الدفاع عنها والعمل من اجل تحقيقها بوصفي ممثل الدائرة:
•إنشاء جامعة المهدية لدراسات الوسائط المتعددة.
•إقامة نظام متطور للصرف الصحي ودعم برامج صحة البيئة وتقديم اقتراحات في هذا الصدد لسلطات الولاية والمنظمات الطوعية والتعاون معهم لضمان صحة البيئة في الدائرة.
•العمل على إقامة مجمع ثقافي رياضي متكامل في المنطقة الواقع شرق الحارة 20 وذلك بالتعاون مع سلطات الولاية والمانحين والفرق الرياضية والجمعيات الثقافية بالدائرة يستوعب طاقات الشباب وأهل الدائرة.
•العمل على ترميم المدارس والشفخانات والمؤسسات الصحية بالدائرة ودعم رياض الأطفال بالوسائط الحديثة وزيادة التمويل بالتعاون مع سلطات الولاية والمنظمات المدنية المحلية والعالمية.
العمل على إخراج المناطق العسكرية من نطاق الدائرة وذلك إيمانا أن القوات المسلحة يجب أن تكون في الحدود والثغور وليس داخل المدن .
•جذب الاستثمار عن طريق التعريف بالدائرة وإمكانياتها والاتصال في ذلك برجال القطاع الخاص والمستثمرين الأجانب وتحفيزهم على ذلك والاستفادة من البني التحتية للمناطق العسكرية بعد تفريغها لتكون مناطق استثمارية (السجن الحربي، المطبعة العسكرية ، المدرعات أمدرمان الخ) والعمل على توظيف أبناء المنطقة أولا في هذه المشاريع التنموية
•إقامة ودعم مشاريع تشجير الدائرة والاستفادة من الساحات والميادين العامة لتحويلها لساحات رياضة وترفيه بالتعاون مع السلطات والمنظمات الشبابية والمدنية.
•تنظيم حملات التوعية الصحية والوقاية الصحية والتطعيم بالتعاون مع السلطات والمنظمات المختصة والمدنية. |
موضوع ترحيل الثكان ده تحديدا موضوع قوانين يعني من صميم اختصاصات البرلماني لانها لن ترحل الا بقانون يسن لذلك
| Quote: تحدثنا عن أن الحملة الإنتخابية - نجحت أو فشلت - ستكون تنويرية ... توضح للعامة دور النائب البرلمانى (سن القوانين ورقابة أداء الحكومة) وأهمية هذا الدور فى حياتهم اليومية وواجبهم السياسى فى حسن الإختيار .. وهأنتذا تتجاوز هذا الدور التنويرى ... ولا تشير للمهمة الأساسية التى تترشح من أجلها لا فى مطبوعات ولا فى ندوات ... وأشرت لها بطريقة سطحية أثناء اللقاء المقتضب مع قناة الجزيرة (ولا غبار على ذلك، فحسابات زمن البث التلفزيونى تختلف) ... |
اصبر وبكره قريبة .. بس يا تبراك موضوع هل هي قايمة ولا ماجلة جهجه كل الحسابات بكره مفروض في شغل يترفع زي حق الجزيرة ده لكن شغل شباب هسع في المنتاج
| Quote: ثانيا هنالك بعض الإختلافات المبدئية من حيث النظرة للممارسة الديموقراطية ... فالبرنامج الإنتخابى الذى طرحته للنقاش هنا سابقاً ... يحتوى على مطفئة قلوب ومنغصة احلام اسمها "الديمووقراطية الحزبية البرلمانية" تنادى بها بديلاً للنظام الرئاسى الجمهورى ... وكأن تاريخ أزمة الحكم فى السودان، وما أنتج من حروب وتهميش وتبعية وتخلف تنموى ... لم يكن بسبب أزمة الحكم .. وتلك الحزبية البرلمانية الشائهة .... |
دي عاوزه شوف عين وترمسة شاي وعلبة برنجي وونسة دقاقة تتخللها كواريك
المهم هو انك ترمي لينا تلفونك
| |
|
|
|
|
|
|
|
|
 Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: ناصر المحسى)
|
Quote: ايهاب صلاح عباس
سارة ابراهيم
نادية على جعفر
مالك امير
نزار احمد حامد
عز الدين عثمان
المرضي تاج الدين
المعز زيتونه
معتز محمد نور
محمد باولو
مصعب الشبر
ود السيمت الصغير
ود الحاجة
وجميع شباب حلة الحريقة
والفرد في جمعية الرباط الاجتماعي |
اللستة مفروض اسمي يكون فيها بحكم اشياء كتيرة و علاقات صداقة
و جيرة و رباط ليه قرابة العشرين سنة ( في حد سامع عشرين سنة دي ؟ )
بس نقول شنو لعنة الله علي الغربة داااايما" تباعد بينا و بين من نحب
ربنا يوفقك يا وليد و ثقتي كبيرة في كل من ذكرتهم و شكرتهم بأنهم باذن
الله بسًدوا الفرقة .. و الله معاك يا صاحب
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: ALZOLZATOO)
|
| Quote: شايف القائمة تحتوي على عملة اجنبية ودعم من الخارج الله يستر من الخمور كاااااااك |
دي مسئولية تبارك
جايبها معاه من هناك عشان الجوده وكده
حقت الخليج ضاربة
| Quote: ياخي كدي اول حاجة ورينا الدائرة بتاعتك دي شاملة ياتو حارات لانو سالت اخوي قال لي ياخي اصلو ماشفت مرشح بالاسم ده |
والله بتبالغوا انت واخوك ما عارفين روحكم تابعين لي ياتو دائرة
هاهاهاهاهاهاهاهاهاهاهاهاهاهاها
الاتين خلف الله ؟
انا مترشح في الدائرة 12 يا الزول زاتو
خش هنا بتلقى تفاصيل كاملة عن الدائرة http://www.votefuture.org/
كل التفاصيل موجوده
ويا خلف الله
عزبتناااااااااااااااااااااااااا
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: طارق جبريل)
|
لاخ وليد
الشعب السودانى ذاكرتو ذاكره دجاجه يعنى داير زل يشوفو قريب قبل التصويت عشان يتذكرو
اقترح بكره تلف لفه طويله خلال الدائره كلها وتكون فلى عربيه ومعاك شعاراتك وصورك ولتكثيف فى النهايه بجيب نتيجه
اقترح انو بكره ما تنوم ابدا واصل اى زول وما تدخل فى نقاش مع زول الايام دى مهما حصل كلو سمع فقط لانو اى كلام محسوب عليك اعمل حسابك اى كلمهاوزنه قبل ما تطلع
اقسم ورقه الاى 4 قسمين عشان تنشر اكبر كميه وصغر الحجم
لبسك خليهو بسيط مافى داعى لبدله الان لانو بتدى انطباع برجزه البس بنطلون اسود وقميص ابيض او ازرق فاتح ............
لحدى ما تخش البرلمان بعدداك بدل بس .
والله يا وليد انحنا بعيددين ده كل البنقدر عليهو معليش .................. او البس تى شيرت فيهو صورتك ولو قدؤته تعمل كم تى شيرت كده يكون احسن لى ناس تكون راكبه عجلات وتتحرك بى التى شيرتات دى
.............................................ولسه عند وعدى .
| |
|
|
|
|
|
|
|
|
|
Re: الشفافية .. كشف بتفاصيل مصادر تمويل حملتي واوجه الصرف .. نشوف منو البقدر يكون شفاف؟! (Re: الأمين عثمان صديق محمد)
|
** ابو محمد (ود محمد المُبارك)..
** صباحك خير ,,
** مع الامانى أن تكون من يُمثل قطاع الشباب فى هذه الإنتخابات ..
** ماقدمته من درس بليغ فى هذا البوست عن الشفافيه هو مانفتقده مُنذ ان وعينا على كلمة إنتخابات فى ستينات القرن الماضى ..
** وكونك مُستقل لايملك حزب او سيد أن يُملى عليك شروطه متى تتحدث ؟؟ ومتى تصمت ؟؟
### هذه الباقه هــديــتــى ولو سارت الامور الإنتخابيه فى دائرتك بمثل شفافيتك فى هذا البوست لاأتوقع أن تكون خارج أعضاء البرلمان القادم..
(ودام الود والإحترام بين الجميع)
(ابو محمد فؤاد)
| |
|
|
|
|
|
|
| |
وليد محمد المبارك
HAIDER ALZAIN
ALZOLZATOO
omer osman
ناصر احمد الامين
عزام حسن فرح
داليا الكباشى
أبو عبيدة البصاص
عمر سعد
كمال سالم
معتصم الطاهر
عاطف عمر
أيزابيلا
Rihab Khalifa
Abdel Aati
ashraf mukhtar
محمد مكى محمد
تبارك شيخ الدين جبريل
amir jabir
محمد زكريا
محمد قرشي عباس
AnwarKing
Elawad
الصادق ضرار
ناصر المحسى
heba Elmahi
Elsanosi Badr
Abdelmuhsin Said
طارق جبريل
عبدالكريم أحمد الامين
فيس بوك
تويتر
انستقرام
يوتيوب
بنتيريست