|
استفتاء حول اظرف بوردابي والبوردابي صاحب الظل الثقيل
|
هذا البوست بمثابة استفتاء عن البوردابي الاثقل دما في المنبر وايضا البوردابي الاخف ظلا ( والثاني من اجل المداراة وكف العين ) فمقصدنا الرئيسي هو المسكوت عنه وهو البوردابي ( تقيل الدم ) الذي يشبه مروره علي البوستات انسكاب ( زفت الاسفلت ) . وبالمقابل البوردابي الاظرف والاخف دما الذي يشيع البهجة بمروره علي البوستات وكما اسلفت لا تركيز علي الاخير. في البداية ستكون الترشيحات من قبلي وبعدها سياتي الاستفتاء
اول المرشحين لدور اثقل البورداب ظلا ودما هو 1- عضو المنبر المحامي الاخ : محمد عثمان ابو الريش (حاصل علي وسام تقالة الدم من الدرجة الاولي من قبل بوردابية شهيرة) 2- عضو المنبر الاخ الفاضل كمال عباس ( حاصل علي نوط الملل من قبل الاخ ملاسي) 3- عضو المنبر الاخ الصحفي والشاعر خضر عطا المنان ( حاصل علي نجمة السقالة من قبل عضو المنبر نوبي)
لوحظ خلو القائمة من المرشحات هناك جهات تضغط لادخال الدكتورة ندي علي في القائمة الا ان الانحياز لصوت العقل كان هو الارجح
يفتح باب الترشيحات مباشرة , يمكن المشاركة والاكتفاء برقم المرشحح فقط و في حالة الاحساس بالاحراج يمكن المشاركة عبر الماسنجر الداخلي او الاميل [email protected] بخصوص الاستفتاء علي اظرف شخصية , تم تأجيل الاستفتاء في الموضوع لحين بت بقية الاحزاب امر مشاركتها في الانتخابات القائمة
|
|
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: tmbis)
|
Quote: الأمين دا سجّلوا طوالي!! البوست متين بدا جا فتلو لينا!! |
ود الصايم يا عمك يسجل شنو يااااااااااخ... على العموم البوست سمكرناه عند الفلبيني الشاطر داك بتاع وكالة تايوتا ... عارفه مش كده؟ عارف دي يا ود الصايم بتشبه كده تجيك كورة معكوسه وتثبتها على الصدر وعلى الطائر في القــــون طواااااالي (يعني فيرست تايم بعد الصدر) بكون أحلى قوووووووون
تحاياي
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: عبدالكريم الامين احمد)
|
Quote: يقوم به ملاسي من ثقالة دم وارجاف في هذا البوست التي هي ضد روح البوست الذي يمكن ان يمشي في اتجاهات اريحية لو ثقالته المعهودة.. |
يا كيكي .. خليك من السحبان دا .. إنت كدا حسع دي رشحت حسين ملاسي .. لو كنت شاعر أو ما شاعر .. واستخدمت حقك الديمقراطي ووجهة نظرك .. يعني بطاقتك بتاعت الترشيح استخدمتها بشكل جيد لكن كمان ما تكون زي ياسر عرماان .. تجي تقول ما دايرين .. وتسرب روح مللية للبوست .. اصلو يا كيكي البوست دا مافيش زول واحد بينو وبين نفسو .. ح يقع ليهو في جرح .. يعني البتشوفو إنت ثقيل ممكن يشوفو خليل اظرف زول في الدنيا ... ودمو شربات عشان كدا خلي البوست يمشي .. وخلينا من الانسحاب من قطاع الشمال دا .. كمال عباس ليهو ناس بتحبو ودا ما بيمنع إنو ليهو ناس بتستثغل دمو .. وفي النهاية الاحترام محفوظ ..
ما تخلينا (نشكك) في القائمة الجاية ساكت
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: محمد عبد الماجد الصايم)
|
Quote:
وعشان البرشح مفروض يقدم نموذج حي فاجدني اقدم ثقالته ومحاولته الممجوجة هنا للنيل من الاخ كمال عباس صاحب القلم الراقي العميق الفاهم... شاء من شاء او ابا من ابا..!! كمال عباس في هذا المكان بقدم محاضرات وتحليلات تتقف او تختلف معها ولكنها دوما تستند علي جهد وانضباط وثقافة عالية... والسودان البلد الضاج بالجرنبدية لو اتلمو في سماء قضاياه ناس علي شاكلة كمال عباس فحتما لن نحتاج الي كثير لولوة وعناء كونها تاتي في ارضية تحترم الاخريين وتجتهد بنكران ذات من اجل التحاور والتفاكر ودفع الاشياء بوعي وادراك ومثابرة... |
يا سلام عليك يا كيكي
لو كان التنافس على الموضوعية والثقافة..لكان كمال عباس اقوى المرشحين
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: tmbis)
|
سلام عليكم أساسي وضيوفه ___________ (((((كمال عباس في هذا المكان بقدم محاضرات وتحليلات تتقف او تختلف معها ولكنها دوما تستند علي جهد وانضباط وثقافة عالية...))))) _______________ جاء على ظهر كتاب " لماذا العلم؟" للدكتور جيمس تريفيل ما يلي: نحو مواطنين مثقفين علميا.... يعنى هذا الكتاب بتعليم العلم لغير المشتغلين بالعلم ، ويهدف إلى تحسين الرصيد القومي من المواطنين ذوي الكفاءة والأهلية لممارسة الديموقراطية، ومناقشة القضايا القومية ، تأسيسا على فهم علمي للقضايا والعالم من حولنا. فالديموقراطية لا تستقيم في مجتمع تسوده أمية علمية ، بينما يواجه قضايا قومية وعالمية تكتسب-أكثر فأكثر- أبعادا علمية وتقنية. والسؤال هو:كيف نخلق مواطنين قادرين على ممارسة حقهم الديموقراطي بكفاءة, والمشاركة الإيجابية الواعية بفضل الثقافة العلمية ؟ كيف تختارين أفضل شريك لحياتك/كيف تختارأفضل شريكة لحياتك...اضي لا يناسب الجندر)
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: tmbis)
|
Quote: هلا يا تمبس.. وانا يازول مشارك في الثقلاء ومقاطع في الظرفاء..وكويس انو قاطعت في الظرفاء لاني كنت ح اغلط غلطة تاريخية واعطي شرعية لابوصلعة احمد التجاني كظريف ... ودي حكاية لو تدري فهي الوجع وضد قيم الشعب الكيكوي......!!! |
والقيم حقتى ياكيكى تلزمنى ان احييك على مابذلتموه لنا من اطراء مستحق (ولا على كيفك) انت ما ملاحظ انى اليومين دى راخيك شوية وتاركك تبرطع على كيفك تعرف ليه؟ اكتشفت ان محمد E بيبرع وبيستمتع ويمتع الجماهير بمداقراتك الاسفيرية وخصوصا لو كان المزاج رايق
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: عبدالوهاب علي الحاج)
|
شهادتي مجروحة في الاخ الصديق كمال عباس ولكن ان كانت العلمية والموضوعية والشفافية والثقافة العالية (ثقالة) فما اجملها ومرحبا بها ... محاولة البعض النيل من الاخ كمال عباس من طرف خفي بائنة بينونة كبـــــــــــــــــــرى .. العمق والتحليل في مداخلات وبوستات الاخ كمال لا يمكن مقارنتها ب(كليمات) و(روشتات) ملاسي التي لا تغني ولا تثمن ... ابشر بطول سلامة يا عزيزي كمال ودمت باذلا للعلم والموضوعية ...
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: محمد الشيخ أرباب)
|
يا اساسى ؟ انت خجلان ياخ تقول ليهم انى اظرف بوردابية ؟!!! ،، انا،، من غير ( مشترك ) دا انتا اللى جايى تقول عليه ؟ اما استفتاءك دا موصو واشرب مويتو !! بالاضافة لى انه بطاقاتك كلها تالفه ..
استفتاء مزور تنقصة الشفافية والنزاهه !
ـــــــــــــــ ياود يا اساسى ما تخجل قول قول !
ـــــــــــــــــــــــ غايتو لمااااا ينتهى البوست دا ما بكون عارفه نقاطعوا ولا ما نقاطعوا ..
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: دينا خالد)
|
Quote: كمال عباس في هذا المكان بقدم محاضرات وتحليلات نتفق او تختلف معها ولكنها دوما تستند علي جهد وانضباط وثقافة عالية... والسودان البلد الضاج بالجرنبدية لو اتلمو في سماء قضاياه ناس علي شاكلة كمال عباس فحتما لن نحتاج الي كثير لولوة وعناء كونها تاتي في ارضية تحترم الاخريين وتجتهد بنكران ذات من اجل التحاور والتفاكر ودفع الاشياء بوعي وادراك ومثابرة...
|
تعرف ياكيكى بالرغم من كمية الهلام الفارغ الاغرقت بيه الاسافير وماسببه ذلك من هدر للموارد الا اننى والحق يقال اجدك قد اظهرت مهارة وبراعة فائقة فى انتاج الاسطر اعلاه اولا بحق الاخ كمال عباس وثانيا لما حوته من تحليل دقيق لواقع الحال السودانى الموغل فى الجربندية كما تفضلت وان وجدتك مستقرا بانتظام على شاكلة هذه الكتابات فلك منى وعد باحتمال المتابعة (ايها الموهوم)
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: احمد التجانى احمد)
|
Quote: تفضلت وان وجدتك مستقرا بانتظام على شاكلة هذه الكتابات فلك منى وعد باحتمال المتابعة (ايها الموهوم) |
بالطريقة دي يا احمد تجاني احتمال تخليني ارجع للقاعدة بتاعتي في حكاية الانسحاب دي وارجع وارشحك علني كظريف اسفيري رعديد... لكن موهوم دي خربت ليك كل شي وحتخليك قابع لسنين طويلة في خانة ظريف مع (تاجيل الاعلان).. الجربندية خربو البلد يا ود التجاني ...بس الله يدي خالك يدو فيهم في بوست مفترع عشان اعمل ليهم رفع مساحي ابن لذينة كده نتفشي شوية ياااخي.. وكن بخير والف ظرافة رعديدة لن تري الطريق الي الاعلان ابدا ابدا.. (يا ابو صلعة)
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: داليا الكباشى)
|
دا شنو يا اخوانا دا ؟
دا بوست انتخاب واستفتاء , عالم مغرمة بالونسات في احلك الظروف
علي العموم مطلوب من الجميع المشاركة بفاعلية والاصوات حتي الان هي كالتالي
محمد عثمان ابو الريش ( صوتان )
خضر عطا المنان ( صوتان )
كمال عباس ( صوتان )
ــــــ والمتفوق حسب ملاسي حتى الان هو الاخ كمال عباس الا ان المنافسة مشتدة بين الجميع قد اعود بالرد علي القيل والقال وكثرة السؤال في البوست
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: كمال عباس)
|
Quote: تحياتي لكل من تداخل وكتب حرفا موجبا في حقي أتداخل هنا لأميط اللثام عن عملية تذاكي وخبث وتصفية حسابات معينة عرض فيها صاحب البوست نفس المسرحية والتي سبق أن عرضها عدة مرات في هذا المنبر !! لست هنا بصدد الدفاع عن أسلوبي في الكتابة لأني أعل جيدام أن المادة المكتوبة وأسلوب الكتابة محل خلاف دوما فهناك من يهضم ما تكتب وهناك من لا يهضم أو يستسيغ ما تخطه فالناس أذواق وميول و أمزجة مختلفة - فهناك من يستطعم التيك أوي وال junk food - والخفيف الفاقدالقيمةالغذائية وهناك من يفضل الوجبةالغنية وا لمسبوكة جيدا والمعدة بصورة محترمة... .. القضية المطروحة هنا سادتي ليست تقييما لظرف وثقل أقلام البعض وما أتي به أساسي ليس إستفتاء للظرف أو الثقالةوإنما إستهداف مبطن وللأسف أن مخرجه ومؤلف مسرحيته قد قام بإنتقاء بعض الاسماء ووضعها بجوار إسم كمال عباس ذرا للرماد فالمقصود ليس أبو الريش أو خضرعطاالمنان !! المقصود هو شخصي!!! لن أنشغل بأساسي فهو مجردمخلب قط ومرسال ومنفذ لاأكثر!! فمن يمتهن كرامته الإنسانية ويرتضي القيام بهذا الدور الوضيع والقذر لا يستحق أن نهدر مدادا في الرد عليه !! ومن يقبل القيام بدوركلب الصيد الذي يتحرك بالريموت كنترول ليحارب نيابة عن الأخريين وذلك علي حساب ضميره و علي حساب العلائق الانسانية لا يستحق أن نبددطاقتنا في مواجهته ... ونعود لموضوعنا لنقول لمخرج ومؤلف المسرحية سئية الاخراج وباهتة المظهر وخبيثة الجوهر : قليلا من الابداع والتجديد والأبتكار حتي تكون السبكة مبلوعة وحتي تكون الحبكة ماهرة والعقدة مدفونة في طيات وجبةأدبية !! ....... تحلي بشئيا من الشجاعة ياملاسي وأترك التخبئ وراء الدمي والكومبارس والسذج الذين تمرر أجندتك وخبث طويتك عبرهم و وكف عن لعب دورك المرسوم خلف واجهات بشرية لايهمك أن تخسركل شئ لتكسب أنت ومن تساند!!........ هل تظن أنك ( ومن تؤيد ) وبهذه الأساليب القذرة والتي تتوهم أنها ستغتال الشخوص هل تظن أنك بهذا سوف تقلل من حجم إسهام البعض أو ستشكل رأئياعاما تجاه ما يكتبون أو تحرق أقلامهم ? هل تظن أن الضرب تحت الاحزمة وتعدي الخطوط الحمراء والفجور في الخصومة سيكسبك رصيدا في ميادين فشلت فيها>? ...... كمال عباس صاحب رأي وقضيةوفكرة ومبدأ يتعامل بإحترام مع أعتي خصومه لم يطرح نفسه مهرجاأو أرجوازا ولم يرتدي مسوح المهرج ولم يمارس التخفف والتظارف أو يستغل التظارف المزعوم لتصفية حسابته مع أخريين بصورة سمجة وفجة وبوسيلة قذرة ....... الرأي يواجه برأي والفكرة بنقيضها فلماذالا يتحاور الناس بإحترام ولماذا لا يترك الناس الحكم علي مايكتب للقارئ ? ولماذا تلجاء بعض الجهات أو الأفراد للأسفاف والتهاتر والضرب تحت الاحزمة وللوسائل الرخيصة والاساليب المنتهية الصلاحية? ......... هل يعجز إنسان -وبالحق- في إنتهاج هذه الوسائل ?لا فالتجريح سلعة رخيصة و إستهداف شخص ما- بالحق - لأسكاته خيار في متناول اليد !! فليتصدي الناس لهذه الاساليب و يحاربوها لأنها تسمم الاجواء وتفسد العلائق الإنسانيةوتخلق إحقاد وإحن ومرارات .... |
عشان تصدقوا ..!!
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: Hussein Mallasi)
|
انا لله وانا اليه راجعون , شنو يا كيمو اعصابك ياخ لو تابعت ملاسي البرسلني دا حيجيك شلل اطفال , بعدين بيني وبينك كدا ارجع المداخلات الفوق دي كلها واقرا حقتك مرة تاني عليك الله ما بترشح رقبتك براك , بعدين ارجوك رجاء خاص ما تشكك في امكانيات ابو الريش او الشاعر خضر عطا المنان , دا بمثابة اهدار لطاقتنا فيك وامكانيات الجماعة ديل خليك متواضع ياخ حتي تقلة الدم داير تستفرد بيها براك ؟ ملاسي عليك الله كان ترسلني ليهو تاني زولك دا خانقاهو كرفتة مطلعة روحه
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: اساسي)
|
Quote: ..... لله وانا اليه راجعون , شنو يا كيمو اعصابك ياخ لو تابعت ملاسي البرسلني دا حيجيك شلل اطفال , بعدين بيني وبينك كدا ارجع المداخلات الفوق دي كلها واقرا حقتك مرة تاني عليك الله ما بترشح رقبتك براك , بعدين ارجوك رجاء خاص ما تشكك في امكانيات ابو الريش او الشاعر خضر عطا المنان , دا بمثابة اهدار لطاقتنا فيك وامكانيات الجماعة ديل خليك متواضع ياخ حتي تقلة الدم داير تستفرد بيها براك ؟ ملاسي عليك الله كان ترسلني ليهو تاني زولك دا خانقاهو كرفتة مطلعة روحه |
.......مداخلتي ضربتك ومن أرسلك في مقتل !! فدع هذه اللزاجة والتخفف وأحترم نفسك وأسمك بدلا من القيام بدور الجرسون وساعي البريد !! ... عموما أناأصلا لم آتداخل في بوستك البائس هذا لأخاطبك فمثلك لا يستحق التقريع واللوم وأنما الشفقة والاحتقار!! أنا تداخلت لأوضح الهدف من إعادة عرض هذه المسرحية السمجة في هذاالتوقيت ولأطعن في الفيل لا في الظل.........وأعتقدأني قد قلت كل ماعندي ولست علي أستعداد للهبوط في القيعان والمستنقعات الفكرية فدي ليها ناسا!! .......
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: محمد الشيخ أرباب)
|
Quote: ذا البوست بمثابة استفتاء عن البوردابي الاثقل دما في المنبر وايضا البوردابي الاخف ظلا ( والثاني من اجل المداراة وكف العين ) فمقصدنا الرئيسي هو المسكوت عنه وهو البوردابي ( تقيل الدم ) |
ياراجل مسكوت عنه كيف و والبورد ماسكاه حمى اللئامة والشفتنة حتى اصبح المنبر مقصد لكل ذو لسان سليط او محــــــــــــــــــــــــــــــــــــــــــــــــاول
اقتراح : استفتاءك دة دخلو في خلاط مع بوست ود الصايم
تحياتي
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: اساسي)
|
Quote: 2- عضو المنبر الاخ الفاضل كمال عباس ( حاصل علي نوط الملل من قبل الاخ ملاسي) |
Kamal is one of the most respectable member of this board and I believe that many of us are below his league … reading his comments and deep insights, make you rest assured that Sudanese people are not brain-washed and there is still hope to hear sound opinion .
! Hats off to Kamal, and he is above the mocking indeed
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: عزاز شامي)
|
اساسي اعمل لينا بوست لأغبياء المنبر خلينا نتجدع شوية _______________________________
أخونا أساسي سلامات يا أخي ... استفتاء دي كلمة بقت تعمل لينا حساسية والله.
لا حولا يا وهبة عاوز تتجدع أكتر من كدا!!!!!!!!!!!! يا أخي ما في زول غبي في المنبر دا أبداً ... إنت نسيت إنو لازم يزكوك 2 أذكياء عشان تكون عضو هنا؟
بصراحة إنت وملاسي وكيكي أكتر ناس متجدعين في المنبر دا.
تحياتي
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: هشام المجمر)
|
يا اساسي
دينا خالد حسمت الامر بتاع بوستك ده:
Quote: استفتاء مزور تنقصة الشفافية والنزاهه !
|
بالله يا ود الصايم ينوبك ثواب جيب لينا تابوت ناس قرفنا ديلاك بتاع نزاهة المفوضيه وخلينا نشيع نزاهتكم يا كيزان!(ههههههه)!
دينا يا عسل لقيتك كالعاده حاضرة البديهه وثقافتك انتخابيه عاليه.
نتفق او نختلف مع كمال عباس ولكنه شخص محترم.
ويا كمال ما تزعل وحياتك ملاسي ده قلب طيبه بس كاواي خلاص.
اما بلدياتي ابو الريش فارفعوا ايديكم عنه.
اما خضر عطا المنان فحلال عليكم امعطوا ريشه كله يا اخي ده مشى يقابل مناضلين دارفور بفنادق الدوحه جانا شايل حالهم اللابس سفنجه ما خالهو و اللابس شورت ما خالهو ما فضل الا يجيب لينا اخبار ملابسهم الداخليه! عليكم الله ده حال صحفي؟؟افكار الناس خلاها وبقى في مناظرهم!
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: احمد التجانى احمد)
|
Quote: Kamal is one of the most respectable member of this board and I believe that many of us are below his league … reading his comments and deep insights, make you rest assured that Sudanese people are not brain-washed and there is still hope to hear sound opinion .
! Hats off to Kamal, and he is above the mocking indeed |
عاجبك كدة يا اساسى
هسع ح تلتل معاك ناس كندا ساى بالليل دة ترجموا لى الكلام دة والبنت دى تقصد شنو؟
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: خدر)
|
كمال عباس زول محترم . . مثقف . . هادئ . . موضوعي . . عميق الخ دي محسومة و لا يتناطح فيها اثنان ما قريت غير كدا لا في البوست دا لا في غيرو و البقول غير كدا يتحسس ضميرو و يستحسن يكون ليهو غرض . . عشان ما يكون من الرؤس الغبية الحان قطافها و وهبة لصاحبها و مسنن سكينو و جااااااااهز
لكن نسألكم سؤال ؟ منو الشكك في كل الفوق دا ؟ و كدي واحد ختيييييييير كدا يجيب لي صفة واحدة من اعلاه بتتناقض مع " الثقالة " - لا يفهم انو رأيي انو كمال سقيل حاشا لله ، انا واقف في صف الجوقة و الله - و عشان ما اضيف للنشيد سوى النشاز مرقت بالكلام دا براها . لكن مش دا الكلام الثبتو كمال هميسلف ؟ . . مش حق اي زول يشوف اي حاجة في اي زول ؟
يا كمال يا سيدي . . الاتهامات ما برموها جزافاً كدا . . دي اظنها من المرات القليلة الزول يختلف معاك فيها و بكل الاحترام ، يا زول قد افتريت على اساسي و ايم الله . . ملاسي مرق ليك عريان ، اطلع ليهو في سهلة المنبر دا ، اساسي دخلو شنو ؟ كمان كان تحت السواهي دواهي ، نحن علينا بالظاهر . . و لا شنو ؟ ياخ البوست دا ما خفي غرضو و روحو الا عليك شخصياً تقريباً ، بالتالي مشاركتك فيهو اكبر خطأ بوجهتك دي !!
-------------
يا اساسي خطأك في اختيار الشخصيات و لو بتقبل امرق الزول دا و ختني محلو ، بضمنك ليك مثني . . قلت شنو ؟
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: قيقراوي)
|
.. .
Quote: استفتاء حول اظرف بوردابي والبوردابي صاحب الظل الثقيل |
هل هذا هو جوهر الموضوع ..!! ام وراء الاكمه ما ورائها .. وان كان كذلكـ فأننى اتفق مع الغالبية واشهد مقتبسا من قيقا ..
Quote: كمال عباس زول محترم . . مثقف . . هادئ . . موضوعي . . عميق ...دي محسومة و لا يتناطح فيها اثنان |
-------
اساسي صراحة زعلتنى وشايفك من اتزوجت كورتك مش فكت لكن قعدت كنب وما وريت البرالمة صولاتك فى الحوار وجولاتك فى المنطق .. ولو كان قمت طقطقت لينا الحركة وبقية الرهط لكان لكل شأن لا يخفى على القدامى بصراحة : كبر ملكـ الفرس وعجز عن عمله ..
صديق من الزمن الجميل؛
| |
|
|
|
|
|
|
Re: استفتاء حول اظرف بوردابي والبوردابي صاحب الظل الثقيل (Re: خالد العبيد)
|
المداخلات انصفت كمال عباس وشارك عدد كبير من البورداب بالانحياز للحقيقة والموضوعية كمال عباس كاتب موضوعى ومهذب وعميق
ارفض كذلك الاساءة لخضر وابو الريش
سبق ان كتب اساسى بوست مطابق لهذا البوست بعنوان اسخف بوردابى وانبرى ملاسى لتوجيه الاساءة الشخصية والاشارة بالاسم لعدد كبير من اعضاء البورد بصفة االسخف
توجيهه الاساءات من خلف كى بورد عمل غير كريم
| |
|
|
|
|
|
|
|