|
|
 امام جامع يسرق جوكرا وقبل ما اجر الخمسين يؤذن الآذان
|
امام جامع بلعب معانا الحريق في الميز بالدس وطوالي حارقنا ومطلع زيتنا
ولكنا اكتشفناه في خطبة من خطبه يوم الجمعة انو ما كان حريف ..... كان بسرق الجوكر ...
في اليوم داك جانا بدررري قبل صلاة الجمعة بكتير وقال يلا عشرة عشرتين قبل الصلاة
عشان ابكيكن هنا ولبعدين عندي خطبة حارة ابكيكن في الجامع ...
.
.
وطوالي مسك الكشتينة التلاتة سبعات ديك .. اها
وزع الستة كروت ... كنا ستة وسابعنا اب تكة العولاق
|
|
 
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: عبدالله ود البوش)
|
زي ما قلت ليكن الزول دا بجيب معاهو تلاتة اربعة جواكر في جيبو
في اليوم داك اللهو يوم الجمعة جايب معاهو خطبتو في جيبو سوا سوا مع الجواكر
اها بعد ما حرقنا في العشرة اللولى قلنا ليهو لسع الصلاة بدري ناخد عشرة تانية
والعشرة التانية جرت اها في نصها كدا وقبل ما ادخل جواكرو في الورق الاذان اذن
فووووووو فك الورق وقام جاري على الجامع وقال الحقوني هناك برضو ببكيكن
.
.
وطلع المنبر العام ..... دخل ايدو في جيبو عشان اطلع ورقة الخطبة
وتلاتة جواكر متعنكشة في الورقة وكف جنن ناطات مع ورقة الخطبة ومنهن اتنين واحدة وقعت فوق راس
الموذن والتانية وقعت فوق راس جدي حاج ملود .....
.
.
قام طوالي دنقر عليهن وقال ليهن ارفعوا لي الجواكر دي بالله
ورفع التلاتة جواكر فووووووووووووق
وقال اوتدرون ما هذا
قال المصلين انها جواكر
قال انها سبب دمار شبااااااااابنا
انها سبب دمار اقتصادنا
انها سبب تخلف طلابنا
انها سبب غتاس حجرنا
وتموا الباقي خيال
وسير سير يا عمي عمر ود عمي حاج عباس
ويا ابو السيف ات كيف ؟
| |
|
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: عبدالله ود البوش)
|
امانة في ذمتكن شوفتو ليكن زول البايظ اللول يجدعو سنبهار وفي التاني كررررررررر اجرك
لو ما كان جوكرين واي كرت خمسين .... بت الكلب الشعيرية ... اصلا ما بتدي حريفا
كان بتدي حريفاعمي عبيد بنغلب ؟
ياخي عمي عبيد دا البقعد وراهو اتعقد لانو اصلوا مابرص الورق بعرفو من لمحة كدا بس
لكن خائنة .. لو ماخائنة ود عراااااك اقوم واقعد زي الطرولي ....
ياخي ود عراك دا بمسك الورق واكفي على ضهروا واقول ليك جر .. واجر والبايظ جاهز
والعجب العجيب بلولة ود علوبة لاحولااااااااا دا ماسك ورقو وورق في الخدرة ...
قال قافل ومنتظر الخمسين قال
| |
|
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: عبدالله ود البوش)
|
حبيبنا عبد الله ود البــوش
صـــباحاتك بيض،،
Quote: وطلع المنبر العام ..... دخل ايدو في جيبو عشان اطلع ورقة الخطبة وتلاتة جواكر متعنكشة في الورقة
وكف جنن ناطات مع ورقة الخطبة ومنهن اتنين واحدة وقعت فوق راس
الموذن والتانية وقعت فوق راس جدي حاج ملود ..... |
السترة والفضيحة قالو متباريات ... وزولك ده اتفضح فضيحتين
واحـــــــدة في الجامع
والتانية هنـــا انت هنا ما قصرت معاهو
غايتو الله يكون في عونه
تحاياي
| |
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: الامين موسى البشاري)
|
Quote: وطلع المنبر العام ..... دخل ايدو في جيبو عشان اطلع ورقة الخطبة
وتلاتة جواكر متعنكشة في الورقة وكف جنن ناطات مع ورقة الخطبة ومنهن اتنين واحدة وقعت فوق راس
الموذن والتانية وقعت فوق راس جدي حاج ملود ..... |
ود البوش والله مابسالك يا رائع
بطل لعب الكتشينة وانتبهوا لمصلحة بلدكم الله بسالكم منها بعدين لما يدخلوكم الجحيرالمظلم!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
(كلكم راع وكلكم مسئول عن رعيتة )
اللهم هل بلغت فشهد
| |
|
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: عبدالله ود البوش)
|
ذهبت للمدينة المنورة بغرض الزيارة وانكربت على الحرم عشان احصل صلاة العصر
دخلت الحرم والصلاة انتهت وقفت اتلفت في ساحة الحرم الشريف
عشان القى لي ناس اصلي معاهم جماعة
بعد شوية جو تلاتة باكستانيين ومصري وبعدهم جا اخونا سوداني عندو دقن
وطوالي استلم الامامة واقام الصلاة وقال استو ...
استوينا ... الله اكبر
وبعد شوية توافد علينا المصلين وعملوا تلاتة اربعة صفوف
اها زولنا ركعتو كدي وات يا الكشتينة فررررررررررررررر في السراميك
ومع هواء المدينة داك فجاة اشوف ليك بت الديناري جنبي عفصتها جاني طاير دو الشيرية
الخفيف داك قلبتو على ضهرو جاني طاير آس اللسود اتقول ساكي ليهو شايب
يا زول الكشتينة جوز جديدة عملت عمائل مع السراميك والهواء
تحوص يمين تشوف سبعة الهارت تحوص شمال تشوف الجوكر وجنبو بلي الديناري
اتقول داير اخاوي بيهو
وبقينا نقع ونقوم مع امامنا ولافي زول عارفو صلى بينا كم من كسوفو وخسوفنا
والسلام عليكم كيف .... وشو ما حصل التقرقوة حقتو وعديل علي البقيع ....
غايتو شعرة جلدنا كلبت زي الكلب كما قال الترابي ما عرفنا نعمل شنو
خلينا الكشتينة مشتتة كرت مقلوب وكرتين عدال وشتتنا على البقيع
امكن نحصلوا هناك نشوفو كياشتو دي
| |
|
|
|
|
|
|
|
|
|
Re: امام جامع يسرق جوكرا وقبل ما اجر الخمسين يؤذن الآذان (Re: SHIBKA)
|
| Quote: قلت لي سبب دمار شبابنا واقتصادنا!!!! |
عشرين سنة يا شبكة بتي ما ساهلة .......
انتو البنات لشنو مابتعرفوا تلعبوا كشتينة
والبتعرف بتكون كيشة .
اريج بتي بتلعب معانا حريق
مما تقول خمسين .... طوالي فريد اقبض ورقها وقبل ما تنزلو القاهو اكتر من ورق نقد 18 ورقة ولي فوق
.
.
شبكة مرورك له نكهة خاصة
تحياتي واحترامي الشديد
| |
|
|
|
|
|
|
|
|
 Re: امام جامع يسرق جوكرا وقبل ما اجر الخمسين يؤذن الآذان (Re: عبدالله ود البوش)
|
** ود البوش
** مساءك خير
## إبداع فى وصف الحال والمآل..
** أها قلنا نساعدك بدى:-
** جماعه لاعبين مع واحد حريق فى بيتو والعشره مطعمه طعام خفيف ,, واحد من اللعيبه ورقو شديد وسيد البيت فى الزون وورقو لحمة رأس ,, الورقو شديد عطشان قال عايز مويه ,, سيد البيت قام يجيب ليهو المويه وعندو 14 كرت خاتيهم فى التلاجه (فتوح جاهز) ,, ادى صاحبنا المويه وجر من الصندوق وكب ليهم الفتوح..
** لكن فى كرت متلصق مع اخوهو فى واحده من التربيعات ,, سيد الورق الشديد بيهبش عشان يشوف التربيعه.
## وقعد يضحك قال ليهو :- فتوحك صاح لكن مالو ورقك ساقط وبيختلف عن الكوتشينه البنلعب بيها..
** غايتو كان دى طريقة اللعب والفتوح من التلاجه,, القيم الجاى إلا فى لاس فيجاس او بادن بادن..
(ودام الود واللعب النطبف)
(ابو محمد فؤاد) - الـمـاكـيـكــــى..
| |
|
|
|
|
|
|
| |
عبدالله ود البوش
فيصل أحمد سحنون
الامين موسى البشاري
Yousif A Abusinina
abdulhalim altilib
حواء سليمان ابراهيم
SHIBKA
عبدالكريم أحمد الامين
فيس بوك
تويتر
انستقرام
يوتيوب
بنتيريست