|
|
 نواعير الليط واصطياد القراميط أو فيما أحب وأكره
|
كنت أعتقد أني أكره في المقام الأول الأحوال المدنية
ودوائر الجوازات والهجرة والجنسية ، ويليها بالخرطوم
مكتب الحجز على الخطوط السعودية الموجود في شارع السفارة الأمريكية!
ثم بعد ذلك أبغض الرحلة بالحافلة إلى مباني الإجهاز على شؤون السودانيين
العاملين بالخارج ، يليها كراهيتي لنزولنا بالفاو من حافلات الخرطوم-كسلا-بورتسودان
وبالعكس ، أعني نزولنا جميعا رجالا ونساء لقضاء الحاجة في الخلاء!
لكن لم يكن بحسباني أني سأقدم في الكراهية والبغض
على كل ما سبق شركة مايكروسفت !
قبل عدة أسابيع وبعد مقاومة شديدة طلبت من مكتب دعم البرمجيات
تنصيب Microsoft Office 2007 على جهازي بدل 2003
ولم يكن بي رغبة أصلا للانتقال إلى هذه الإصدارة الأعلى
لكن بسبب أن معظم الذين أتعامل معهم رسميا يستخدمون
Microsoft Office 2007 لم يعد بوسعي فتح الملفات التي تصلني منهم
إلا أن أرسلها إلى السكرتير وأطلب منه إعادة حفظها على النسق القديم 2003
ولما أصبح الأمر غير محتمل اتخذت القرار الصعب
بالانتقال إلى Microsoft Office 2007
|
|
 
|
|
|
|
|
|
|
 Re: نواعير الليط واصطياد القراميط أو فيما أحب وأكره (Re: Mohamed E. Seliaman)
|
ما أتفه Microsoft Office 2007 وما أحقره !
كنت أراجع تقريرا على محرر النصوص Word 2007
فاحتجت أن أحذف جدولا كبيرا من متن التقرير !
نظرت في الخيارات المعروضة فلم أجد شيئا !
قائمة جدول القديمة غير موجودة !
قمت بتحديد الجدول ونقرت على زر الفأرة الأيمن
أبتغي قائمة الخيارات القصيرة !
ليس من بينها خيار للحذف إذا كان الجدول محددا بالكامل!
إذا حددت بعض الجدول فإن القائمة تتيح خيارات لحذف الصفوف
والأعمدة !
ماذا أفعل استعنت بالمساعدة عبر قوقل فإذا الطريقةهي:
1-In Print Layout view , rest the pointer over the table until the table move handle appears, and then click the table move handle.
Press BACKSPACE. -2
| |
|
|
|
|
|
|
|
|
 Re: نواعير الليط واصطياد القراميط أو فيما أحب وأكره (Re: محمد البشرى الخضر)
|
المكرم / محمد E سليمان
صباحك زين
------------------------------------------------
مرت بي حالة مشابهة أول ما نتقلته لاستخدام Microsoft Office 2007
وفي الاخر مشه الحال واتأقلمته على أستخدام تطبيقاتو
لسه زملائي أكتر تطور باعتبارهم مستخدمين للويندوز الفيستا ( إن شاء الله كتبتها صاح )
وحتى ألان أظل من أنصار( الاكس بي ), باعتبار الأول تعقيداتوا بتحتاج لخبير وليس مستخدم
تخريمه :
العزيز / أمين سليمان
ياخي النواعير دي ما بتتاكل نواعير = سواقي
( السواقي النائحه نص الليل حنين الدنيا ممزوج في بكاها )
***
الصورة ادناه لنواعير حماه بسوريا
ولو طلعت غلط الله يسترنا مع سيد البوست باعتبار التنظير في بوستاتوا ضار
ولكم خوالص الود
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: عبد الناصر الخطيب)
|
الأ خ الكريم محمد البشرى
وعليكم السلام ورحمة الله
((((اخ بالغت...
خاصية الفلتر متعدد الإختيارات في الإكسل لوحدها تكفي الأوفيس 2007 تميزا))))
بالغت إنت يا ود البشرى !
أنا أقول ليك وورد وإنت تقول لي خاصية الفلتر متعدد الإختيارات في الإكسل ؟
ردك دا زي كلام ماري انطوانيت : ( ما ياكلوا كيك)(:
أو زي كلام منسوب للترابي لما قالوا ليه البلد جعانة
قال التفاح يباع في شوراع الخرطوم (:
تعرف أنا جئت رديت عليك ليه ؟
لأني كنت فاتح التقرير نفسه و ولقيت خاصية change tracking شغالة والملف كله تعديلات !
أها السؤال هو :
How to turn off change tracking
طبعا لا أتوقع أن تتعب نفسك لشرح الطريقة (:
لكن فقط أحببت أن أضع بين يديك حجم المعاناة غير المبررة (:
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Mohamed E. Seliaman)
|
يا حبشي إنت شلت حال الأوفس 2007 بي زر أبوه ما فرزت الوورد براه وانا بصراحة مكّيفاني الميزة دي في الإكسل
ما تتخيل قدر شنو إت ميد ماي لايف إيزي
فهي تحسب ميزة للأوفس 2007 على 2003
الوورد بصراحة ما اقدر افتي ليك فيه استخدامي ليه قليل لكن بصفة عامة النسخة الأحدث دايما بتستفيد من سلبيات القديمة
و بتطوّر فيها
اللنك النزلتو في مداخلتك التانية إلاّ أرجع البيت حتى أقدر ادخل عليه
Quote: ردك دا زي كلام ماري انطوانيت : ( ما ياكلوا كيك)(:
أو زي كلام منسوب للترابي لما قالوا ليه البلد جعانة
قال التفاح يباع في شوراع الخرطوم (: |
تشبيهاتك مالها زي المجلية كدا يا حبشي , ما اتعودناها منك
| |
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: محمد البشرى الخضر)
|
Quote:
العزيز / أمين سليمان
ياخي النواعير دي ما بتتاكل نواعير = سواقي
( السواقي النائحه نص الليل حنين الدنيا ممزوج في بكاها )
|
ما عارف ليه زعلتو من كلام أبو الريش عن بساطتكم و قلة ثقافتكم !!
مؤسف يا ناصر انك قاعد ساي و ما عارف إنو النواعير بتتاكل و جايب صور و سوريا و سواقي و قصه!
كان الله في عونك غايتو !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
Quote: ياأمين ماتغالط ساي ...
للمرة الأخيرة النواعير هي السواقي ...
وأول دولة اشتهرت بها سوريا ..ومنها انتقلت لباقي الدول ..
ولو ماعجبك كلامي أرمي البحر ...
|
يا رضا أغالطك للصباح :
النواعير عباره عن ساندوتش بتاع (فهيتا ) مقلي في زيت سجوك بايت ، و كدي خلي أي زول يجي يغالط !!!!!
-------
بالله يا حبشي تاني عرف كلامك بدل ما تجهجه ناس ناصر و رضا ديل !!
------
قال السواقي قال !!!
| |
|
|
|
|
|
|
|
|
 Re: نواعير الليط واصطياد القراميط أو فيما أحب وأكره (Re: Ridhaa)
|
تعرف ياأمين سيبويه من أساطين اللغة العربية مرة حائم بي كتبوا
ولمح غراب يقول ( قاق ...قاق ..قاق ) ..صاحبنا سيبويه قام جاري
نحو الغراب وقاعد يقول يا غراب ( غاق وليس قاق ) ..الغراب قام
طار ومستغرب ولازال يردد ( قاق..قاق ) وعمنا سيبويه جاري وينظر
للغراب فوق ويردد ( ياغراب غاق وليس قاق ) لحدي ماوقع وكسر رجله ..
دي قصة ماحقيقية دي من نسيج الخيال ..
عاوزين من الأخ محمد إي سليمان يفهمنا معنى عنوان البوست ..
عشان أنا وعبدالناصر ما نكسر رجلين ساي ..
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Elawad Eltayeb)
|
الأخ محمد والاخوان
السلام عليكم ورحمة الله
بالنسبة لموضوع الأوفيس 2007 كلامك صحيح ، قد يكون هناك مشكلة لأي مستخدم جديد في البرامج الجديدة
وشاهدت ناس مازالوا بستخدموا اوفيس 97 وبعللوا على عدم قدرتهم على عدم اقتناعهم بالنسخ الحديثة من برنامج الاوفيس
تحتاج اي نسخة من الاوفيس جديدة لدورة تدريبية لشرح المميزات الجديدة للاستفادة من كل الأمكانات والميزات والإضافات
وأظن أن 2007 افضل من 2003 لكن بالنسبة للمستخدم المتعود على 2003 يكون هناك صعوبة حيث تم تغيير شامل في الشكل
العام للبرنامج وخصوصاً الورد فالاوفيس 2003 يشابه ويقارب سابقيه
وأظن الاوفيس 2007 سيلاقي نفس مصير اوفس اكس بي حيث واجه المستخدمين
أقترح عليك الأحتفاظ بنسخة 2003 في جهازك ونسخة محمولة من ويندوز 2007 يمكن أن أمدك بها أن طلبت تعمل من خلال الفلاش ميموري
أو من الجهاز ولا تحتاج لتنصيبها في الجهاز وأنتظار النسخة النهائية من اوفيس 2010 أو تنصيب البرنامج الذي تحتاجه بجانب الاوفيس 2003
ولك شكري وأحترامي
| |
|
|
|
|
|
|
|
|
 Re: نواعير الليط واصطياد القراميط أو فيما أحب وأكره (Re: Elawad Eltayeb)
|
Quote: ما عارف ليه زعلتو من كلام أبو الريش عن بساطتكم و قلة ثقافتكم !!
مؤسف يا ناصر انك قاعد ساي و ما عارف إنو النواعير بتتاكل و جايب صور و سوريا و سواقي و قصه!
كان الله في عونك غايتو !!! |
والله يا امين سليمان أنا أبدا ماكنت من الناس الزعلو من مقولة أبوالريش _ قدس الله سره _ حول ثقافة أعضاء سودانيز اون لاين , وماظن اصلو قبل كدة طرحت نفسي مثغف , ياخي انا زول عنقالي ولو عملت لى شوية ثفاقة في الزمن القديم زمن التلمذة والبال الرايق هسه بقت (فيرشن ) قديم , وأهو زمني ده كلو قائل النواعير = سواقي طلعت (هوت دوق) ولا ... المهم شي بياكلو .... ياخي ابو الريش أصلو ما بالغ فينا
وانا بقول سيد البوست مالو مطنش المداخلة تاري الراجل بضحك في سرو من جهلى بالنواعير ... زي قبل يومين برضوا سيد البوست هّز لي ثقافتي بالأكلات السعودية البلد المخترب فيها ولافيها من غربه لشرقه وقائل الحكاية كبسة وبس طلع فيها مطاميز كمان ........ ويا رضا ياخوي الواحد بقي أصلوا ما بحكم بمعرفتوا القديمة للحاجات الدنيا دي كلها بقت مركبه ويندوز إصداره حديثة محتاجين زمن عشان نسستم نفسنا معه
ويا أمين ورضا ربنا يجيبكم البلد دي عشان نقوم بواجبكم ونضيفكم كبسة ومطاميز 
والنبطل هرجلة ونحاول نستفيد من محتوي البوست التقني ليكم التحية
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ahmed Yousif Abu Harira)
|
ضيوفنا الكرام جميعا
السلام عليكم ورحمة الله وبركاته ،،،
الأخ الكريم أمين محمد سليمان
البوست كان مخصصا للنواعير وأسرار القراميط !
لكن بسبب القرف من الأوفيس انحرف البوست عن مساره !
سأطلب من مركز تقنية العلومات حذف إصدارة 2007 وإرجاع إصدارة 2003
------------------------
العزيزان عبد الناصر وود البشرى
شكواي من الأوفس سببها أني لا أحتاج لأي من المزايا الجديدة في نسخة 2007 ويضيع وقتي وجهدي في البحث عن الوظائف القديمة !
تعاملي مع الملفات والوثائق يقتصر في الغالب على المحتوى والنصوص!
أما التصميم والتنيسق والإخراج فتلك مهام يقوم بها مختصون وفنيون باستخدام برامج متخصصة مثل إن ديزاين
--------------------
الحبيب العوض الطيب
شكرا على الشرح بس يظل الألم ياهو الألم
-----------------------------
الأخ الكريم عبدالعزيز حسين عبدالرحيم
وعليكم السلام ورحمة الله
شكرا لدعمك وجهدك وبذل وقتك ومعرفتك
اقتراحك بالعودة إلى 2003 مقبول
_______________
الأخ الكريم Ridhaa
هذا الأمين ما أتى هنا لحوار
شكرا لك
______________________
حبشتيانو( :عبد الناصر الخطيب(:
(((ومطاميز)))) مطازيز مطازيز وليس ((ومطاميز))
(:
تعرف يا عبد الناصر ناس ود الصائم القـــــــــــــــــــ(بضم القاف)ــــــــــرار ما عرفوه !
والقـــــــــــــــــــ(بضم القاف)ــــــــــرار طبق شعبي معروف في الشرق
قريب من السجوك كدا
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Mohamed E. Seliaman)
|
Quote: عاوزين من الأخ محمد إي سليمان يفهمنا معنى عنوان البوست ..
عشان أنا وعبدالناصر ما نكسر رجلين ساي |
الله يفتح عليك يا رضا !
الحبشي ده من قلائل المثقفين الهنا الما فاكنها في روحم ، لكنو شكلو كده داير يفكها فينا بنواعيرو و الياطو دي !!
يا حبشي ياخي سيدنا أبو الريش قال لازم تكتب كلام بسيط عشان البسطاء الهنا ديل يفهمو ، بوستك ده عصر علينا عصره عجيبه جدا !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
| Quote: والنبطل هرجلة ونحاول نستفيد من محتوي البوست التقني ليكم التحية |
ناصر يا حبيبنا
البوست ده لا تقني و لا الله قال !!! البوست ده عن (نواعير الليط واصطياد القراميط ) و عنوانو هداك واضح !!! العايز يتكلم في الموضوع ده حبابو ، الما عايز يمشي يفتح ليه بوست براو !!!
ومن هنا بوجه رجاء و نداء خاص للاخ ود البشري و لبقية الأخوان البتكلمو عن الوندوز و المايكروسوفت : بالله ما تبوظو لينا البوست ده ، و نداء أخر للاخ الحبشي : عندك مشاكل تقنيه أفتح ليها بوست منفصل ، عايز تكلمنا عن ( نواعير الليط واصطياد القراميط ) والله حبابك الف ، ما عايز ، أنا عندي كلام كتير جدا عن نواعير الليط ، وممكن الأخ الصائم يجي يكلمنا عن اصطياد القراميط !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
| Quote: هذا الأمين ما أتى هنا لحوار |
أتيت لحوار جيت لقيتك شلتو و عملتو لينا مايكروسفت و اكسل و كلام غير مفيد علي الاطلاق !!!
و عشان أثبت ليك إنو أنا أتيت لحوار ، مشيت راجعت كل المراجع و الوثائق عن النواعير و اكتشفت إنو عندها معاني تانيه غير المعني الأوردتو في أول البوست ، الكلام ده إن شاء الله حا أقدمو بالتفصيل في ورقه خاصه عن النواعير .
و إن شاء الله حا أفتح بوست بعنوان (نواعير البورد ... !! ) عشان نعمل اسقاطات واقعيه لتعريفاتنا دي !!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
| Quote: النواعير عباره عن ساندوتش بتاع (فهيتا ) مقلي في زيت سجوك بايت |
غلط ..
ما بتعرف تاكل و كمان غالات !! ؟؟
........
يا سيد .. النواعيرعبارة عن ساندوتش بتاع ( بخيتا ) مفلي في زيت سجوق بقري ( و تُكتب سجوق بالقاء .. هكذا ) .. واضح ؟؟
فولستوب .. إنتهى .
أعرفوا في الأول أكلوا .. بعدين تعالوا غالتو .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Emad Abdulla)
|
الأخ عماد عبد الله سلام Quote: غلط ..
ما بتعرف تاكل و كمان غالات !! ؟؟
........
يا سيد .. النواعيرعبارة عن ساندوتش بتاع ( بخيتا ) مفلي في زيت سجوق بقري ( و تُكتب سجوق بالقاء .. هكذا ) .. واضح ؟؟
فولستوب .. إنتهى .
أعرفوا في الأول أكلوا .. بعدين تعالوا غالتو . |
لعلك تعلم انك واحد من كتابي المفضلين في هذا المكان و أكن لك من الحب و الاحترام بما لا يقاس إلا بمقياس رختر !!
لكن هذا لا يمنعني من الاختلاف معك في تعريفك الفطير للنواعير ، و يبدو انك لم تطلع علي أي وثائق أو أبحاث أو حتي مجلات ماكولات في هذا الشان لذا جاء تعريفك غير دقيق مما أخل بمعني و مبني بل و بطعم النواعير !!!
تعريفي هو التعريف العلمي :
(النواعير عباره عن ساندوتش بتاع (فهيتا ) مقلي في زيت سجوك بايت !!) *
---------
*التعريف ده يا عمده من كتاب خالتك (بخيتا ) الانت قايلها سندوتش دي .
---------
السجوك تكتب بعدة طرق لكن أشهرها ما اوردته أنا : سجوك و تنطق سجووك و منها جاء القول المشهور كتلوك ولا سجووك سجووك .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
أمين ياخي غالات ..
و لعمري أنني مبسوط منك ظاهر و باطن - كيتاً في أهل الكرين داك حق بحري .. من الكباشيين و المسلميين و ذوي الشيشات -
و النقول ليك : لعمري - تاني برضو - أن فريتك في شأن نواعيرك هي كلام بيش .. و أقرب ما يكون لخستكة العوام .
و قد غالطنا زماااان صاحباً لينا و نحنُ نطارد كورجة البقر البتقطع حلتنا نازلة على سوق الديم ..
نهتف نحنا : التور أب جاعوووورة .. شمّ الدم و قال حرّم .
فيقول هو : التور أب تاعوووورة .. كبّ الدم و قال حرم , حتى جاء خالنا أبو الحسن فصمطو ليك كف جهجه به حنانهو .. حتى فاستعدل لسانو من اليوم داك لي يوم الليلة .
فصرنا طوالي منذ الحادثة تلك نعرف أن السجوق من البقر .. أي و الله ..
و كذلك الناعورة ( و تجمع ناعورات أو نواعير أو نُعَر .. أيهما أقرب ليك ) .. فهي جاية من البقر, مافي كلام ..
على ذلك فإن بخيتا ما جابت سيرة الناعورة كلو كلو .. لا في كتابها الأولاني بتاع " الإن هاوس ريسيبيز " في القطع المتوسط .. و لا التاني حق ( الأمرُ قد بتّ , في شأن الفته ) .. و هو من بحر الطويل .
و أيضاُ كذلك فإن زيت السجوق ( بالقاء ) ما بيبيت .. قولي لي ليه ؟؟ .. لأنه بيتقَش بالليل بالليل بعد نهاية الإرسال مباشرة .. و أصلو الشمش ما بتصبح عليهو .
و هذا يدحض مقولتك الفشنك و يهدمها مفرطقاً لها و يدخلك بذلك في بشتنة اللامنهجية في البحث .
فارعوي يا هذا الله يهدينا و يهديك .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
خدر يا حبيبنا سلام | Quote: عاجباني عنقدة امين دي كيف |
عنقدة شنو لا سمح الله ، دي اسمها (المعرفه أم دق ) و أنا اليت علي نفسي نشر المعرفه في منبر بكري ده ، ممكن تعتبرو رد جميل للشعب السوداني الشقيق ، عشان كده ما قدرت استحمل كمية المعلومات الغلط البقولو فيها ناصر و رضا و عماد عبد الله عليه من الله الرحمه و الرضوان !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
Quote: عشان نستفيد كلنا لازم تشرح لينا عنوان بوستك ولو ماعارف ورينا ..
|
يشرح شنو يا رضا ياخي ؟! هو لو بعرف يشرح كان عملها مايكروسوفت ؟!!
موضوع ( نواعير الليط واصطياد القراميط ) ده موضوع معرفي في المقام الأول ، الحبشي حبيبنا لو قامتو المعرفيه أقصر من تناول مواضيع بهكذا خطوره ما كان يحشر نفسو و يحشرنا في المكان الضيق ده .
عموما رغم زمني الضيق ، إن شاء الله حا اواصل في شرح الموضوع مركزا علي النواعير لانها أشد اهميه بالذات في أيام الانتخابات المافيها مرشحين دي !
------
الناس المتابعه من بره و عايزه تضيف في الموضوع ، يمكنهم مراسلتنا علي [email protected]
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
..
.
عارف الممتع شنو فى الفيرشن يا حبشي
لو انك نزلت داتا فى الاكسل وحللتها
باى نوع من صور التحليل ..
ونقلتها لبوربوينت ورجعت عدلت فى الاكسل لسبب ما
تلقها اتوماتيكى اتعدلت فى البوربينت والله الحاجة
دى ممتعنى ليها شهور ..
وما خفى كان اعظم....
-------------
بس برضو ما قلت لينا وين نواعير الليط
والقراميط هنا ..
عموما ركز فى شوربة القراقير :)
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Tabaldina)
|
يمين لقيتكم لوايق لياقة..
الزول دا رد عليكم زمان وبي داتا كمان ..
الرسالة وصلت ..
واصحاب الشأن ردوا عليه في بوست آخر ..
..
يا ود البشري أهو درعها ليك في رقيتك ..
عشان تاني تجي تقول اكسل ومكسل..
عارف قبل كده سأل سؤال ..
مشيت شايل المراجع ورديت عليه..
آخرتها شيلني مراجعي..
والأدهي تعب ناعوري لقيته ضاربو البوده..
ياجماعة الزول ده الميموري بتاعته في سودانيز ما بتعمل سيف الا لتلاته اشخاص..
عشان كده البرامج الجديده دي بتتعبه..
..
يا أمين ..
لقيتك اكضب من المتنبي ..
..
انا مارق.
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: محمد على طه الملك)
|
قبل أن اشرح أو استعرض المعاني المتداوله للنواعير عايز أرد علي كلام أخونا عماد عبدالله أخو أخونا صلاح عبدالله الفي قطر و جابو ليهو ولد اسمو عبدالله و بدلعو جدو !
يا أخونا عماد عبدالله أخو أخونا صلاح عبدالله الفي قطر و جابو ليهو ولد اسمو عبدالله و بدلعو جدو تقول : Quote: و كذلك الناعورة ( و تجمع ناعورات أو نواعير أو نُعَر .. أيهما أقرب ليك ) .. فهي جاية من البقر, مافي كلام ..
|
الكلام ده ما بشبهك لانو ما عهدنا منك الخفه المعرفيه و القاء القول علي عواهنه :
الناعوره تجمع نواعير و ناعوراء و يمكن جمعها بصيغة شتيمه (يا نواعيرين ) بمعني (يا كلبين ...!!!) و هناك عدة صيغ أخري سنتطرق لها في حينها إن شاء الله .
Quote: على ذلك فإن بخيتا ما جابت سيرة الناعورة كلو كلو .. لا في كتابها الأولاني بتاع " الإن هاوس ريسيبيز " في القطع المتوسط .. و لا التاني حق ( الأمرُ قد بتّ , في شأن الفته ) .. و هو من بحر الطويل .
|
لم أطلع علي كتاب ماما بخيتا ( الأمرُ قد بتّ , في شأن الفته ) لو عندك منو نسخه بالله لزو لي ، لكني اطلعت علي كتابها (بخيتا و خليفه لاصول العليفه ) و اللي كتبتو مع علم الطبخ في عالمنا المعاصر (خليفه هناي) أرجو انك تكون اطلعت عليهو .
تقول يا عماد عبدالله أخو أخونا صلاح عبدالله الفي قطر و جابو ليهو ولد اسمو عبدالله و بدلعو جدو :
Quote: و أيضاُ كذلك فإن زيت السجوق ( بالقاء ) ما بيبيت .. قولي لي ليه ؟؟ .. لأنه بيتقَش بالليل بالليل بعد نهاية الإرسال مباشرة .. و أصلو الشمش ما بتصبح عليهو .
و هذا يدحض مقولتك الفشنك و يهدمها مفرطقاً لها و يدخلك بذلك في بشتنة اللامنهجية في البحث .
|
ما عندي إعتراض علي ادعائك بان زيت السجوق ( بالقاء ) ما بيبيت ، لانو أنا ما بتكلم عن السجوق ( بالقاء ) أنا بتكلم عن السجوك ( بالكاء ) ! و الفرق بيناتهم واضح لا يحتاج إلي بيان أو دليل .
-----------
يؤلمني جدا يا عماد عبدالله أخو صلاح عبدالله الفي قطر و جابو ليهو ولد اسمو عبدالله و بدلعو جدو أن نختلف هكذا علي الملأ لكنه إختلاف معرفي لفائدة البسطاء و قليلي الثقافه في هذا المكان .
قدرنا أن نحترق عسي أن ننير الدرب للبسطاء .
و تقبل فائق احترامي.
أخوك أمين محمد سليمان : مفكر ، قاص ، أديب و صحفي ناشط في حقوق الانسان .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
يا أمين*
اترك الغلاط رجاءا
النواعير هي السواقي .. بلا خلاف.
والشواهد كثيرة،أهمهاالقول الشائع ـ الذي أخطأ عماد** عبد الله في إيراده في عملية تصحيف واضحةـ (التور أب ناعورة كب الدم وقال حرم)، فالمعروف أن الثيران التي تجر النواعير لها شرف عن الثيران التي لا تجر النواعير، لذلك تضاف النواعير للثيران تشريفا لها، وليس العكس يعني: لا يصح أن تقول الناعورة أم ثور، لأنه من البديهي أن للناعورة ثورا، أو زوجة ثور، أو نحوه ـ حسب ثقافة المنطقةـ
وثانيها القول المحدث: (اللاعب الفلاني دة ناعورة كبيرة) قياسا على ماسورة، راجع كتاب (المواسير والنواعير ..الكسب و الإخفاق).
ـــــــــــــ
* والله من بدري داير أقول ليك إني معجب بكتاباتك، لكن لمن ذكرتني ضمن الكتاب العميقين، تمكنت مني العماقة ورأيت أن تداخلي مع العوام لا يناسب، فأضمرتها ليوم كريهة وسداد نعر (نعم هكذا) .. ورفعت شعار: لي ان أرد إساءة بإساءة *** لو أنني أرضى ببرق خلّب. وتركت التعليق على كثير مما أعجبني من كتاباتك، لكنك بصراحة زودتها لذلك وجدت نفسي مضطرا للتداخل.
** برضو محاولة لإظهار الإعجاب بالذكر (الخطافي) الذي يوحي بأحمدية البساط... وهذه تقنية نافعة ومجربة.
*** عارف إنو العلامة دي فوق مافي، لكني متأكد أنها دارت في رأسك، والجواب: أيوة نحن كدة.
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
يا نزار الدين ..
أراك تلوي أعناق الحقائق لياً عجيباً جدن ..
فما أنا بالقائل : التور أب ناعورة ، أبيت اللعن ..
بل جل ما ذهبت إليه في دلوي الذي دلدلته هو : التور أب جاعورة .. أرأيت !! .. أب حاعووووووره .. !
فللنواعير ناساتها ( و الحمد لله الذي أذهب عنا الأذى ) ..
ثم أن التور بس بيشم الدم ياخ و لا يكبه كلو كلو .. فما بالك تجعل منه مخلوقاً كباباً آخر عمرو ياخي !! الكلام ده عيب منك !
أنت و صاحبك أمين ناس راقدين حُنبُك في شأن النواعير ( و يصح أيضاً أن تُنطَق : نُعَرْ ، أو نواعر ، أو نُعُعَّر - لجمع الجمع - ) .
هذا ، و النقة معاكم زاتو تدخل في باب السفسطة المقدودة ..
و ما أنا بصاحبها .. بلا فقر معاكم .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Emad Abdulla)
|
أستاذنا / محمد E سليمان
تحية وتقدير
------------------------------------
Quote: حبشتيانو( :عبد الناصر الخطيب(:
(((ومطاميز)))) مطازيز مطازيز وليس ((ومطاميز))
(:
تعرف يا عبد الناصر ناس ود الصائم القـــــــــــــــــــ(بضم القاف)ــــــــــرار ما عرفوه !
والقـــــــــــــــــــ(بضم القاف)ــــــــــرار طبق شعبي معروف في الشرق
قريب من السجوك كدا |
الصحيح حبشتوني كما قال السوبر أستار هباني ... وبالمناسبة لما يتزوج السوداني الحبشية بمر وقت ببقي الحبشي المتزوج السودانية لأنو كل واحد محبة وتقدير حيكون عوز يعرف ثقافة التاني ويتعمق فيها بعد شوية الحكاية بتبقي معكوسة ....
وأعذرني لو ثقافي بماكولات البلد دي محدودة , عشان كده متفاجي أنو في أكل أسمو مطازيز .
أشتغلته زمن في شرق السودان وعرفته شوية من ماكولاتهم القرار معروف بس معظمنا مركزين على اللحم السلات وكأنهم ناس الشرق ديل ما عملوا أكل غيروا
-------------------
الأخوة المتحاورين هنا نتابع باهتمام جدلكم المعرفي ... قف نرجو لكم التوفيق والفائدة خصوصا ما يقدمه أمين سليمان هنا كفرصة لا تعوض للاحتكاك بأهل المعرفة مما يزيد ويعمق ثقافة الفرد .... وبالمثابرة والإجتهاد حيلقي نفسوا طلع من قائمة أبو الريش  للبسطاء ومحدودي الثقافة بالمنبر العام
أكيد تقديري
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Emad Abdulla)
|
يا عماد عبد الله
والله رديت رد ضافي لكن النت ضيعوا، وما بقدر أعيدو، لكن أقتبس منو:
Quote: بل جل ما ذهبت إليه في دلوي الذي دلدلته هو : التور أب جاعورة .. أرأيت !! .. أب حاعووووووره .. !
فللنواعير ناساتها ( و الحمد لله الذي أذهب عنا الأذى ) .. |
أولاً: للنواعير ناساتها نعم، وأرجو أن أكون منهم، مش أحسن من بتاعين الدلو
ثانيا: ومتى زعمت أنك قلت التور أب ناعورة يا هذا.. لقد قلت إنك صحفت .. راجع كلامي بعد أن تعيد فحص النظر وتغير النظارة.
ثالثا: نعم بشم الدم وليس يكبه أنت محق في هذه، وذلك تحريف سببه طول العهد بذلك النظم(أما الذاكرة فما فيها كلام)
رابعا: ما داير اكتر الكلام لأنه احتمال تاني النت يخذلني .. هـ
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
Salam and appreciation to all of you
I don’t have Arabic labeled keyboard at home
I will be back in Arabic In Shaa Allah
___________________
Quote: الأخ محمد إي سليمان ...
لازم تشرح لينا نواعيرك دي قاصد بيها شنو ..... |
I think brother Ali Basheer and my self wrote about this and explained in depth
Our innovative text was lost as a victim of censorship
Can you testify ya Ameen
Most importantly can we discuss the censorship and freedom of writing inhere ?
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
Quote: يا أمين*
اترك الغلاط رجاءا
النواعير هي السواقي .. بلا خلاف.
والشواهد كثيرة،أهمهاالقول الشائع ـ الذي أخطأ عماد** عبد الله في إيراده في عملية تصحيف واضحةـ (التور أب ناعورة كب الدم وقال حرم)، فالمعروف أن الثيران التي تجر النواعير لها شرف عن الثيران التي لا تجر النواعير، لذلك تضاف النواعير للثيران تشريفا لها، وليس العكس يعني: لا يصح أن تقول الناعورة أم ثور، لأنه من البديهي أن للناعورة ثورا، أو زوجة ثور، أو نحوه ـ حسب ثقافة المنطقةـ
وثانيها القول المحدث: (اللاعب الفلاني دة ناعورة كبيرة) قياسا على ماسورة، راجع كتاب (المواسير والنواعير ..الكسب و الإخفاق).
ـــــــــــــ
* والله من بدري داير أقول ليك إني معجب بكتاباتك، لكن لمن ذكرتني ضمن الكتاب العميقين، تمكنت مني العماقة ورأيت أن تداخلي مع العوام لا يناسب، فأضمرتها ليوم كريهة وسداد نعر (نعم هكذا) .. ورفعت شعار: لي ان أرد إساءة بإساءة *** لو أنني أرضى ببرق خلّب. وتركت التعليق على كثير مما أعجبني من كتاباتك، لكنك بصراحة زودتها لذلك وجدت نفسي مضطرا للتداخل.
** برضو محاولة لإظهار الإعجاب بالذكر (الخطافي) الذي يوحي بأحمدية البساط... وهذه تقنية نافعة ومجربة.
*** عارف إنو العلامة دي فوق مافي، لكني متأكد أنها دارت في رأسك، والجواب: أيوة نحن كدة. |
نزار محمد عثمان عندما لا ياتي لحوار !!
ساعود للرد كان الله مد في العمر .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
يا عبد الناصر، امين ، رضا، نزار و ود الصايم و تموهاعماد و خدر
غايتو دروشة اكتر من الفي بوست ده هنا، ماا لاقتني
يقول ليكم "تحليل الخائلية a. التاثير التناظري و الحالة الاجتماعية من ثلاثة مواقع" و يجيبو ليكم قراف فيهو عبدالكريم، ود الباوقة و ود الصايم و انتو تتناعروا؟
هو السودان ده راح من هين؟
[\quote](بخيتا و خليفه لاصول العليفه ) و اللي كتبتو مع علم الطبخ في عالمنا المعاصر (خليفه هناي) Quote:
------------------
الخائلية دي شنو يا محمد الحسن عليك الله، كان بالعربي كان بالانجليزي
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
الفصول الخائلية
الفصول الخائلية : Virtual Schools
نظرا لأهمية الفصول الخائلية كمفهوم جديد في التعليم الالكتروني واختلافها الجذري عن الفصول التقليدية في التعليم التقليدي المتعارف عليه سنقدم بعض الملاحظات وشرحا مبسطا لدور الفصول الخائلية في التعليم الالكتروني:
ففي الحقيقة الفصل الخائلي هو فصل بكل المكونات والعناصر المتعارف عليها ففيه معلم وطلاب ومادة تعليمية ووسائل إيضاح وامتحانات وتقييم وتكلفة مالية وقواعد وقوانين تحكم العملية التعليمية, فقط لا يوجد فيه مكان واقعي, فهو عبارة عن موقع علي الشبكة الدولية الانترنت أو الشبكة المحلية الانترانت و يحتوي علي صفحات من المعلومات وتوجد علي تلك الصفحات العناصر التعليمية التي سبق ذكرها وترتبط جميعها من خلال الشبكة ويرتبط أيضا من خلال الشبكة بجميع المواقع الاخري والتي تحتوي بطبيعة الحال علي فصول أخرى خائلية أو فصول أخري حقيقية مرتبطة بالشبكة بها عدد محدود من الطلاب في مكان واحد في مدرسة واحدة. ويتميز الفصل الخائلي بمميزات عديدة نذكر منها:
· توفير اقتصادي.
· توفر العدد والأنواع الهائلة من مصادر المعلومات.
· توليد القدرة علي البحث لدي الطلاب.
· القدرة علي التركيز مع المعلم حيث لا يشعر الطالب بوجود الطلاب الاخرين إلا اذا أراد ذلك.
· الحرية الكاملة في اختيار الوقت والمادة التعليمية والمعلم مما يتيح للطالب القدرة علي استيعاب أكبر.
· استخدام الحوار ( الوسائل الاخري مثل التلفزيون والإذاعة والاسطوانات الالكترونية المدمجة والكتب لا تتيح للطالب الحوار مع المعلم أو مع الآخرين).
وقد تكون هناك بعض نقاط الضعف مثل:
· ضرورة أن يكون للطالب القدرة علي استخدام الحاسب الالكتروني.
· ضرورة أن يكون المعلم علي قدر كبير من المعرفة بالتعامل مع الفصول الخائلية وكيفية التعامل مع الطلاب من خلالها.
· ضرورة توفر شبكة الانترنت أو شبكة معلومات محلية الانترانت.
· ضرورة توفر محتوي تعليمي مناسب للنشر علي المواقع باللغة التي يستوعبها الطلاب.
· ضرورة وجود نظام إدارة ومتابعة لنظام الفصول الخائلية .
وبهذا يتضح أن العنصر الأساسي في هذه النقاط هو عنصر تأهيل المعلم وهو العنصر الحاكم. وطبعا فإن تعليم أو تدريب المعلم على استخدام الفصول الخائلية و استخدام التعليم الالكتروني عموما يعتبر من أهم مقومات النجاح للتعليم الالكتروني وهناك بعض العناصر يجب التركيز عليها نذكر منها ما يلي:
· تأهيل المعلمين على التكنولوجيا الحديثة.
· تأهيل المعلمين على المناهج الجديدة المطورة.
· تحديث خبرات المعلمين وتثقيفهم.
· تأهيل المعلمين على التعامل مع الفصول الخائلية .
· تحقيق عدالة تدريب المعلمين وخصوصا في المناطق النائية والتركيز علي الإناث
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Rihab Khalifa)
|
النواعير بلغة الأمهرا تعني السليقة التي طبخت بلا لحم ..
والليط يعني البصل غير مكتمل النمو ( بالعربي كدا قاؤرمة )
وعليه ممكن تفسير نواعير الليط بالسليقة التي طبخت ببصل غير صالح للطبخ !
ولك عزيزي القارئ أن تتخيل طعمها ..
ـــ
المرجع ..
جعابير اللوباز في علم الخباز ..
لكن النصيحة ماعارف الكاتبو منو 
| |
|
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: محمد على طه الملك)
|
سلام يا نزار | Quote: النواعير هي السواقي .. بلا خلاف. |
ياخي (قل هاتو برهانكم إن كنتم صادقين )
ما ممكن أنا أجيب في الادله و البراهين و شي طنطك بخيتا وشي عمك خليفه و شي سجوك ب (الكاء) و شي خال أخونا عماد عبدالله (أخو أخونا صلاح عبدالله الفي قطر و جابو ليهو ولد سمو عبدالله و بدلعو جدو) البكفت الناس بلا سبب و تجي إنت بكل بساطه تقول لينا (النواعير هي السواقي .. بلا خلاف ) و هو الخلاف ده إلا نمرق فيه سكاكين ؟ | Quote: والشواهد كثيرة،أهمهاالقول الشائع ـ الذي أخطأ عماد** عبد الله في إيراده في عملية تصحيف واضحةـ (التور أب ناعورة كب الدم وقال حرم) |
أخطاء أخونا عماد عبدالله (أخو أخونا صلاح عبدالله الفي قطر و جابو ليهو ولد سمو عبدالله و بدلعو جدو) واضحه لا تحتاج إلي بيان ، و النقطه دي بالتحديد إن شئت مزيد من المعلومات عنها راجع الفصل السابع من (شكيناك علي الله يا عماد عبدالله ) و اللي كتبوه أسرة و جيران و أصدقاء و معارف أخونا عماد عبدالله أخو أخونا صلاح عبدالله الفي قطر و جابو ليهو ولد سمو عبدالله و بدلعو جدو !!!! لكن هل الأخطاء دي بتبرر كمية العنف اللفظي الاستعملتو ده ؟ اللهم لا !!!!!
Quote: لكنك بصراحة زودتها لذلك وجدت نفسي مضطرا للتداخل.
|
واحده من أهم أسباب إعتلائي سلم الفكر السوداني و نبوغي كعلم معرفي يشار له بالبنان إنو أنا لا أفتي فيما لا أعلم !!!
موضوع الزائده ده ممكن أخونا دكتور سيف النصر يكلمنا عنو فزادي فيه قليل !
العايز أقولو ليك يا أخ نزار إنو في المواضيع المصيريه زي البنتكلم فيها دي لا بد من التسلح بمعرفه ممزوجه بطولة البال ، هجومك و تعديك الغير مبرر علي أخونا عماد عبدالله (أخو أخونا صلاح عبدالله الفي قطر و جابو ليهو ولد سمو عبدالله و بدلعو جدو) قد ينسف الحوار في هذا البوست و بالتالي تضيع فرصه حقيقيه من فرص تحسين (العليفه) في السودان الشقيق .
و تقبل فائق الاحترام و التقدير
أخوك أمين محمد سليمان : مفكر ، قاص ، أديب و صحفي ناشط في حقوق الانسان .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: ود شاموق)
|
| Quote: ياأمين بتعرف نصر الدين ( النعير ) |
يا رضا ، نصر الدين ده عمل شنو سمو كده ؟
الراجل ده أنا ما بعرفو لكن مش الاسم ده براو بيضحد مقولتكم المتهافته (النواعير تعني السواقي ) ؟
الناس لا تسمي بالسواقي يا ساده ، لكنها تسمي بلعليفه ، و الأمثله أكثر من أن تعد و تحصي !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
Quote: قف نرجو لكم التوفيق والفائدة خصوصا ما يقدمه أمين سليمان هنا كفرصة لا تعوض للاحتكاك بأهل المعرفة مما يزيد ويعمق ثقافة الفرد .... وبالمثابرة والإجتهاد حيلقي نفسوا طلع من قائمة أبو الريش للبسطاء ومحدودي الثقافة بالمنبر العام
|
شكرا يا حبشتوني علي اطرائك و لو إنو بفتكر إنو أنا بستحق زياده !
كلامك عن إنو الناس بالمثابرة والإجتهاد ممكن تطلع من قائمة أبو الريش للبسطاء ده كلام عجيب !!!
يا سيدي : الجهل في منبر بكري ده لو أتفرغت ليكم الف سنه مما تعدون ما أقدر أزيل نصو تقول لي المثابره و الاجتهاد ؟!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
Quote: النواعير بلغة الأمهرا تعني السليقة التي طبخت بلا لحم ..
والليط يعني البصل غير مكتمل النمو ( بالعربي كدا قاؤرمة )
وعليه ممكن تفسير نواعير الليط بالسليقة التي طبخت ببصل غير صالح للطبخ !
ولك عزيزي القارئ أن تتخيل طعمها ..
|
كلامك ده يا سيدنا تقولو في المحكمه الاتنين الجاي إن شاء الله !! لانو حا أفتح فيك بلاغ تعدي علي الفكر و المعرفه !!!
و ده حالتك إنت واحد من الناس الأنا حاسبهم ما دايرين شغل كتير !!
----------
اللهم إليك المشتكي
----------
امسحها في وشي يا أبوالريش !!!
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
تأبط شراً هو ثابت بن جابر الفهمي[1] (توفي نحو 530 م), أحد شعراء الجاهلية الصعاليك الذين عاشوا في بادية الحجاز بديار قبيلة ( بني فهم ) مع الشنفرى والسليك بن السلكة وعروة ابن الورد العبسي. وهو ( ثابت بن جابر بن سفيان بن عميثل بن عدي بن كعب بن حزن بن تميم بن سعد بن فهم بن عمرو بن قيس عيلان بن مضر بن نزار ). وأمه امرأة يقال لها: أميمة، يقال: إنها من بني القين بطن من بطون قبيلة ( بني فهم ) ولدت خمسة أبناء هم :
تأبط شراً،
وريش بلغب،
وريش نسر،
وكعب جدر،
ولا بواكي له00
وقيل: إنها ولدت سادساً اسمه عمرو
..
عاوز أركز ليك على الولد الخامس الاسمو ( ولابواكي له )
دا اسم زول حقيقي ليه الناس في المنبر بيستعملوها يكتبو فلان مات
ولابواكي له ....هل هم قاصدين الزول دا أم البكاء ....
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: أمين محمد سليمان)
|
رضا يا أخوي أنا فترت منك و من معلوماتك الكلها غلط دي !!! | Quote: تأبط شراً هو ثابت بن جابر الفهمي[1] (توفي نحو 530 م), أحد شعراء الجاهلية الصعاليك الذين عاشوا في بادية الحجاز بديار قبيلة ( بني فهم ) مع الشنفرى والسليك بن السلكة وعروة ابن الورد العبسي. وهو ( ثابت بن جابر بن سفيان بن عميثل بن عدي بن كعب بن حزن بن تميم بن سعد بن فهم بن عمرو بن قيس عيلان بن مضر بن نزار ). |
جاء في كتاب ( أبكي و أعاين في محن سودانيزاون لاين ) للعلامه العوض المسلمي المقيم في (الكرين) في صفحة 143 من الفصل التاسع (تأبط شراً إسم حال إختلف المنابره في علي من أطلق ، فقيل عبدالوهاب علي الحاج في بوستات هشام هباني و قيل كيكي في بوستات ملاسي ، و قيل تراجي في بوستات أي زول !!) انتهي ...
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
بالله بعد العلم الكبيتو هنا ده و المداد اللي سكبتو لتوضيح المساله رضا و رحاب لسه بيسالو و بفتشو في قوقل !!!
أقول ليكم كلام ؟
إنت شكلكلم ما عايزين تتعلمو و أنا ما بقدر اساعد زول ما عايز يساعد رقبتو !!!
أعلن عن إنسحابي التام من هذا البوست و هذه أخر مداخله لي هنا ، و حتي نلتقي في مدارات أخري لكم مني الود بالجمله و القطاعي .
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Ridhaa)
|
السلام عليكم ورحمة الله
معذرة يا أساتذة يصعب علي الكتابة بالعربية من البيت !
__________________________
(((يمكن محمد E سليمان عنده قاموس وتعريف تاني ليها ..))))
هنالك خطأ شائع ألا وهو الخلط بين القاموس والمعجم
حتى أصبح الكثيرون يستخدمون لفظ القاموس محل لفظ المعجم !
العلاقة بين القاموس وبين المعجم كالعلاقة بين البامبرز والدايبر(أرجوها صحيحة للفوط)!
القاموس اسم "علم " لأحد المعاجم والبامبرز اسم "علم" لماركة تجارية من أشهر منتجاتها فوط الأطفال
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Mohamed E. Seliaman)
|
دقيقة...دقيقة بالله!
يعني دايرين تقنعوني إنّو أمحد الحسن داقّي ليهو "يا أبو مروّة" اسفيرية هنا في الساحة الشعبية بتاعت "نواعير الليط" دي وحضراتكم قاعدين تشتّتوا ليهو في الكورة! الزول قطع شك راقدلو فوق راي غير كدا تكون كورتو فكّت فَـدْ مرّة ولا دائم إلاّ الله.
ياخي الزول دا عندو لئامة ظريفة مفادها طالما إنّك مركّب دِرِب الانترنيت دا، ما عندك طريقة غير تعمل جهدك في البحث...تقول لي أوفيس تو ثاوزاند سيفين! طبعاً كان ممكن يكون ظريف ويستثني من ذلك حالات الكسل والاستكبار والاستصغار (استصغار ما يخوض فيه المنتدون من الشرر) لكنّ الرجل لئيم نعمل ليهو شنو عاد أكان بِقى لا يستثني منكم أحداً فقديماً مرّ أبوي على جماعة منتدين (زي تناديكم دا) عصراً قدّام دكان شيخ قريب الله، عليه رحمة الله، وفيهم أمحمّد ود الطاهر (عليه رحمة الله) وهو زول ضو وعم أبوي دا ذاتو فشاغلوه (أي؛ شاغل المنتدون أبوي...أكان ما يجيك أمحد الحسن هسّع يقول ليك "الصواب أباي" وألاّ حماي ما بعرفو!)...البعرفو إنّكم تطمئنوا فالزول لئامتو مخلّياهو أحرص من أن يقع في مثل هذا الفخ. المهم يا زول، الجماعة شاغلوا أبوي فقال ليهم: حرّم كلّكم لخباتين...فقيل: يا زول "استثنى"* فقال: حرّم ما بستثنى!
حراماً عند أمحد الحسن ما بتلقوهو إلا "لا أستثني منكم أحداً" وقيل "لا تغادر منهم أحداً" بشبّعكم منّها.
تحيّاتي لكم أجمعين و"متاعبين" إن شاء الله.
* لصق لقب "استثنى" بأبي دهراً، وإن كان ذلك في دوائر مغلقة.
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: محمد حيدر المشرف)
|
وعليكم السلام ورحمة الله يا أستاذ عادل البدوي
ياخي عنوانك بتاع السيارات دا ما شغال
رسلت ليك رسالة جاتني صادة
__________________
في شأن القراءة بالنيات
_________________
جاء في بعض الروايات أن أم الحجاج كانت قبل أبيه مع ارجل آخر فطلقها بسبب أنه دخل عليها يوماً فوجدها تتخلل حين انفتلت من صلاة الصبح،
فقال لها: إن كنت تتخللين من طعام البارحة إنك لقذرة، وإن كان من طعام اليوم إنك لنهمة، كنت فبنت،
قالت: والله ما فرحنا إذ كنا، ولا أسفنا إذ بنا، ولا هو شيء مما ظننت، ولكني استكت فأردت أن أتخلل من السواك.
(((غابرييل غارسيا ماركيز))) شكرا يا أيمن الطيب
فعند غابرييل غارسيا ماركيز السمع بالنيات برضو عند التأويل
والسمع والقراءة أحيانا يتشاركان الجارحتين نفسيهما
ومما سمعته عن غابرييل غارسيا ماركيز قصة صوت الرصاصة (الطلقة )
التي انطلقت من بيت رجل وزوجته فتأول السامعون في ذلك أمرا إمرا وذهبوا مذهب أن رجلا قد راح صريع
الرصاصة جزاء الخيانة !
والحق أن الرصاصة قد حصدت روح قرد حداثي كان مطلا من النافذة !
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: Mohamed E. Seliaman)
|
الأخ الدكتور الكريم نزار محمد عثمان
السلام عليكم ورحمة الله
شرفتنا بالزبارة المفاجئة .
-------------------------------
كتبت :(((الله رديت رد ضافي لكن النت ضيعوا، وما بقدر أعيدو،
.........................................................................
رابعا: ما داير اكتر الكلام لأنه احتمال تاني النت يخذلني* .. )))
أصل الكلام الذي يلح أخونا أمين بالسؤال عنه كان قد كتبه أخونا محمد علي بشير في خيط حذف في ظروف غامضة
وهذا هو مبعث التساؤل عن حدود حرية التعبير في هذا المنبر!
___________
* أرجو أن تعود نفسك طريقة حفظ النص في الذاكرة قبل الإرسال !
فقط ضع المؤشر داخل مربع الرسالة واضغط Ctrl+A
ثم اضغط Ctrl+C
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: nazar hussien)
|
مرور لرفع البوست
وتحية الجمع الكريم هنا في جدلهم المعرفي بهذا البوست العلمي الهام
Quote: القاموس اسم "علم " لأحد المعاجم
والبامبرز اسم "علم" لماركة تجارية من أشهر منتجاتها فوط الأطفال
|
غايتو انا من ما أتداخلته هنا ... شوية شوية أبتدي المدي المعرفي بتاعي يزيد
والكلام اعلاه لمحمد E سليمان مفهوم لى ووأضح مثل تطبيقي للمعاجم القاموس المحيط
مثل تطبيقي للبامبرز البامبرز الكولا مع تشديد الالف كاحد انواع الحافظات المعروفة غالية السعر لذلك ينصح في حال الرغبة في الحصول على حفاظات بسعر أقل كنوع من الاقتصاد والتوفير بستخدام البيبي جوي ,
وبتمني من متداخلينا الاكارم الالتزام بالموضوع الاساسي
ولم نزل منه بفصل النواعير لسة منتظرين فصل الليط وفصل صيد القراميط
يبقي دي سانحة كويسة عشان نشكر البروف /امين سليمان الموجود هنا متحدث رئيسي
على جهودوا ووقتوا الببذلوا معانا في المنبر ده ... وبقول لى أها ومع انو الفهم قسم بدينا نفهم
شوية حاجات , فعليك الله ما تنسحب وتواصل عسي ولعل ... مع مراعات الشرح المبسط وتقديم الشروح والحواشي ما امكن ذلك
-------------------
تحياتي
| |
|
|
|
|
|
|
|
|
|
Re: نواعير الليط واصطياد القراميط أو فيما أحب وأكره (Re: عبد الناصر الخطيب)
|
البروف امين سليمان
حشا ان اكون لما تورد من المعدلين ولكن ملاحظة صغيرة مما اوردت أدناه :
| Quote: جاء في كتاب ( أبكي و أعاين في محن سودانيزاون لاين ) للعلامه العوض المسلمي المقيم في (الكرين) في صفحة 143 من الفصل التاسع (تأبط شراً إسم حال إختلف المنابره في علي من أطلق ، فقيل عبدالوهاب علي الحاج في بوستات هشام هباني و قيل كيكي في بوستات ملاسي ، و قيل تراجي في بوستات أي زول !!) انتهي ... |
للأمانة العلمية فقط ورد في النسخة الحديثة من نفس المصدر اعلاه ( النسخة المنقحة )
بنفس الصفحة 143
(تأبط شراً إسم حال إختلف المنابره في علي من أطلق ، فقيل عبدالوهاب علي الحاج في بوستات هشام هباني و قيل كيكي في بوستات ملاسي ، وقيل حيدر الزين في بوستات الشاعر الطموح و قيل تراجي في بوستات أي زول !!)....
------------------
وعودتك مطلوبة لهذا البوست كمفكر وقاص وصحفي وناشط
| |
|
|
|
|
|
|
|
|
| |
Mohamed E. Seliaman
محمد عبد الماجد الصايم
أمين محمد سليمان
محمد البشرى الخضر
أيمن الطيب
Ridhaa
Ahmed Yousif Abu Harira
Emad Abdulla
خدر
محمد على طه الملك
نزار محمد عثمان
Rihab Khalifa
ود شاموق
bob
doma
محمد حيدر المشرف
nazar hussien
فيس بوك
تويتر
انستقرام
يوتيوب
بنتيريست