|
|
 عزاء واجب... وفاة السودان الجديد (توجد اسماء)
|
ايها الا خوة الكرام ..
بمزيد من الحزن والاسي انتقل الي جوار ربه يوم امس الخميس الموافق الاول من ابريل 2010 بالعمارات ش 33 المغفور له بأذن الله مشروع السودان الجديد..
لقد كان الفقيد يمثل امل الكثيرين ومبتغي البعض ..
ونحن اذ ننعيه هنا فأننا لحرصنا علي ان يجد الراحة والطمانينة في مسواه الأخير ..
ونسأل الله تعالى أن يتقبل موتانا قبولاً حسناً ويسكنهم جميعاً فسيح جناته مع النبيين والصديقين والشهداء والصالحين وحسن أولئك رفيقا ..
وعليه ولتوفير الجهد والمشقه فسوف اقوم بتوضيح كافة ما يلزم لمن يريد المشاركه في مراسم العزاء ..مع العلم ان العزاء انتهي بالامس بانتهاء مراسم الدفن ..
حقا لم نشاهد ميتا لطمت له الخدود وشقت له الجيوب بهذا العنف والاخلاص في تاريخنا الحديث كما رأينا يوم امس ..
لقد تكندكت نساء الحركة بالأمس بالتراب ولطمن الخدود وشققن الجيوب وفعلن فعل الجاهلية الاولي ولكني اجد لهن العذر فيما فعلن ..
تمنيت ان يقوم باقان بمواساتهن والتخفيف عليهن لولا ذهابه وتعلله بأنه يعاني من وعكة صحيه اتضح لاحقا انه عاني من اوجاع في البطن واسهال حاد..وامنياتنا له بعاجل الشفاء ..
نواصل بعد قليل ..
|
|
 
|
|
|
|
|
|
|
 Re: عزاء واجب... وفاة السودان الجديد (توجد اسماء) (Re: omer osman)
|
| Quote: الصور ...... الصور ياعمك |
يا جنابو في مثل كيني بقول صور الميت حرام قياسا علي الضرب علي الميت حرام ..
اود من هذا المنطلق ان اوجه الشكر لكل من ساهم في التطبيب ومواساة نساء الحركة اللاتي ازهلهن ما حدث ..
نشكر كل من الاتيه اسماءهم :
1- الاستاذ ياسر جعفر
2- الاستاذ مكي حامد
3- الاستاذ طارق الامين
4- الاستاذ عبد الباقي مختار
لقد قامو بدور هام في مراسم العزاء حين تخارج واندس اصحاب الصف الاول وتركوهم وحدهم وحولهم النواح ..
....
سنعود بعد قليل لمراجعه الاحداث خصوصا الاسهال الذي اصاب باقان وانسحب بموجبه من ذاك الجمع وما قاله ين ماثيو وادور لينو ..
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: omer osman)
|
| Quote: سمعنا تحت تحت انو المرحوم (بلع لسانو) |
والله يا جنابو كان علي اللسان كان هينه ..المشكله انهم قال ما لاقين الراس ..
وانت قايل الناس الداقين السكليبه ديل مالهم ؟ ما ديل قالو ان ما شفنا الراس ما بندفن ..
واهو سلفا قبل شويه جاب الراس ..
بعد كده مفروض نقول ليهم بيووووت ..
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: omer osman)
|
| Quote: وصاحبنا داك الجنو علاءالدين يوسف خبرو شنو ... نعل ماجاتو عوجة |
حسب مصادرنا يا جنابو انه هسه الزول ده ببلع في فانسدار واحتمال يعملو ليه عمليه قيصريه لو اضطرو ..
وكاااااااااااااااااك ...
المحيرني يا جنابو صاحبنا نزار اكسفورد ..
هسه يجي يقول لينا جملتينو الما عنده غيرهم ديل : (من يضحك اخيرا يضحك كثيرا..والمعارك تكسب قبل شاي المغرب باللقيمات) ...وكاااااااااااااااااك ظووووووووووووط كلتش
| |
|
|
|
|
|
|
|
|
 Re: عزاء واجب... وفاة السودان الجديد (توجد اسماء) (Re: humida)
|
Quote: المهم التعويضــات يا عمك ..
كم بيت ناصية كدا + خمسة لاندكروزر وارد الدوحة .. بتسد الغرض ..
|
تعويضات شنو يا عمك ..
انت ما بتعرف ليك زول في استراليا معقول؟
بتبالغ يا حميده ياخ ما ممكن تطلع فاره كده ...
ياخ الناس دي حساباته هناك عاوزه تطرشق تقول لي بيوت ..وناصيه ..وشهادة بحث ..
انت قايل ديل ناس تراجي وستيف الماعارفين يلعبو علي وين؟؟
ديل شفوت كبار من مليون دولار وانت ماشي ..
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: بشير أحمد)
|
Quote: وعد ياسر عرمان لاخونا الدكتور/عمر محمود خالد
بإنو ح يرجع برنامج صحة وعافية في التلفزيون القومي |
هم الوعدهم شويه يا بشير ..
اسأل نزار اكسفورد راعي حملة عرمان في البورد قول ليه وعدوك بي شنو؟
ومرسال الشوق قال ليك شنو ؟؟
انت ما شايفه قايم سداري كيف ..فكه ناس خليل ومسك في عرمان ..
لا لمه في خليل وجاب الجلا لي عرمان ..
البركه في الجميع يا خوي (:
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
يا علاء الدين ..
نحن متربيين في حارات .. الشخصيات البتنطط في المشهد دا كلها مرت علينا و عارفين مويتها شوية ..
ما ممكن بعد ستين سنة قعاد في ناصية الشارع .. يجي ( منتصر دراي كلين ) يقول لي انا مترشح لرئاسة الجمهورية ..
اخلاقنا ما بتسمح بتمرير هذه العوارة ..
..
..
عمك نقد مثلا ..
و الله يا علاء .. لا يفرق كثير من عم عطية و شلته .. احسن حاجة ممكن يعملوها يكون عندهم حق اتنين كيلو فلتو .. و عود ..
| |
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: humida)
|
| Quote: و يا خرطوم جوطي جوطي .. لكن يحكمنا ( الباقي تموه خيال ) .. |
ضحايا الفعل الفاحش في طفولتهم (من قبل اقربائهم في اغلب الاوقات) بالمجتمعات السودانية التي تنتشر فيها تلك الظاهرة المشينة يميلون الي الاتيان بالتلميحات التي تعكس ارثهم التربوي
وهو ما نسميه بال Displacement
| |
|
|
|
|
|
|
|
|
 Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
نسيت أخي فيصل الرشيد أن تُوجِّه كُلّ من شارك في التشييع أو مراسِم العزاء و تخُص بالشكر من أهل المُتوفِّي النائب الأوّل سلفا و الذي (لم يدِس المحافير) و قام بتشييع الجُثمان إلى مثواه الأخير من ولاية البحيرات بالأمس حينما قام بدعوة أهل ولاية البحيرات بالتصويت لِمُرشّح الحركة الشعبِيّة لرئاسة السودان المُشير عُمر البشير.
و قد قام سيادته بدق أوّل المسامير في نعش المرحوم في واو وهو بجانب الرئيس البشير حينما قالها عاااااااااااااااااالِية (مؤتمر وطني وي يييييييييييييييييييييييه شراكة وي يييييييييييييييييييييييه)
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: أبو عبيدة البصاص)
|
قالت لنا العُصفورة أنّ من شاركن في لطم الخدود و شقّ الجيوب و خمّ التُراب كُلاّ مِن علوية كبيدة – صِيام – بِلِّيّة – تغريد شمبات – شاهيناز
و كان النُواح عبارة عن:
وااااااااااااا خسارة نِصالنا
إنتو ضيّعتونا
بِعتوا مشروع السودان الجديد
و تمّت توجيه إتِّهامات لرياك مشار ببيع القضِيّة و إبرام صفقة مع الوطني.
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
| Quote: و تمّت توجيه إتِّهامات لرياك مشار ببيع القضِيّة و إبرام صفقة مع الوطني. |
بالله شوف الدنيا دي بت كلب كيف ..
يعني بعد 30 سنة تمرد ومن غابه لي غابه ومن جحر لي شق يجو شوية المنتفعين الجدد ديل يقولو ريك مشار باع القضية ..
والله يا ريك مشار كان سكته ليهم شويه الشفع ديل تكون بالغته ..ا
بالله يا علاء شفته البكا ده كيف ؟
وهسه البحصل شنو ... سلفا وختاها ليهم طاخ في زول\ة تاني عنده كلام ..(يمعني الحركة دي فيها زول ارجل من سلفا ؟ يجي يقول لينا هنا بالواااضح)..عشان ناكل ليه اضانه التانيه ..
ـــــــــــــــــــــــــــــــ
اخر نكته : عرمان بعد (سحبه ) يفضل الذهاب الي امريكا لاكمال دراسته الجامعية والا شنو كده ما عارف ...كاااااااااااااااااااك
شفته المعارك بكسبوها كيف يا علاء ..قبل خوضها كما قال نزار نزوح قرقرقرقرقرقر
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
Quote: وااااااااااااا خسارة نِصالنا
إنتو ضيّعتونا
بِعتوا مشروع السودان الجديد |
ياعلاء عاوز الجد ولا الجنبو
والله هو احساس مرير انه تحس انك بدعم في زول ماقدر المسئوليه
وكم هو مرير انك تعلق على آمالك وتخطط مشاريعك في بحور السراب
وانت كل يوم تسمع وعود ما اعسل صوت الوعود وكتين تدغدغ في الحواس
واااااااااااااااااااااا خسارة نضالن
يابناتي شيلن وخمن في الرماد
لانو اقسى شي موت العشم و خيبه الرجاء
في المابعرف امانه
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
السلام عليكم بنو كاك
فعلا السودان قديم وجديد ضاع .. ليتكم بعد الشرعية المفقودة تتحملوا تبعات ومآلات ضياع السودان ... يعني أنا زول جزيرة فقدت كل شيء ، وفي البال معركة حتمية مع وافدين جدد تم بيع المشروع لهم ، هل سأقبل الرحيل عن أرضي حواشتي وقريتي طوعا ؟؟ وإن تم إرغام وإجبار أهلي على الخروج من المشروع وترحيلهم لقرى نموذجية في الشرق مثلا لا أقول الشمال وأنتم تعرفون ذلك ... أنا قناعتي لن ولم تتغير بأن اللا وطني لقيط والحركة كذلك وهما لا يمثلان أحد سوى شخوص بعينهم نجحوا في شراء آخرين ، وفي كل الأحوال لا شرعية ولا أرضية تمنحهما حق حكم السودان ذلك القارة المتنوعة الأعراق والثقافات والديانات .. التاريخ لن يرحم ، وعين الله ولطفه يكون في عون السودان قديم وجديد ... نفس كلامي ده بل واشد مرارة وألما ممكن يكتبه الدارفوري والشرقاي والغرباوي ضحايا اللا وطني في الشمال ناهيك عن ابناء بقية قبائل الجنوب ..
غدا لناظره قريب
الشفيع إبراهيم
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
Quote: لكن القالوا ليهم أصحوا
شِويّة يا بصّاص؟ |
تعرف ياعلاء الدين
انا هسي بتخيل كيفية ان تميد الاراضي الفكريه والانتماءات الحزبية
هن كن شجاعات في التعبير الصادق بنكوص من باعوهن السراب
لكن ل تأملت الوحيح هنا في العناونين وبين الحروف
لعرفت كيف تبكى الرجال تبكي الرجال ايضاً ...
فقط اعلم ان الاراضي الحزبية بعد الاول من ابريل
لن تكونابداً كما كانت قبله والجموع لن تكون هي ذات
الجموع ولا الانتماءات هي ذات الانتماءات
مرحب بكم تحت مظلة الحزب العملاق للوطن العملاق
حزب يعرف كيف يقرن القول بالفعل
البصاص
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: أبو عبيدة البصاص)
|
ود الرشيــد سلام ..
السؤال :
الجماعة ديــل حركة شعبية عديل كــدى ولا مشجعيــن للعبة الحلوة ؟
Quote: نشكر كل من الاتيه اسماءهم :
1- الاستاذ ياسر جعفر
2- الاستاذ مكي حامد
3- الاستاذ طارق الامين
4- الاستاذ عبد الباقي مختار |
عــلا الكلام بعدو كلام ...
هــل يمكن ان توجــد نذر تمرد فى صفوف الحركة الشعبية قطاع الشمال ولصالح بعض القيادات
الجنوبية فى الحركة الشعبية لممارســة مزيــد من الضغوط لتقليل سيطرة وانفراد ( سلفا / رياك )
بكل اللعــب ...
ترمــة :
طارق الاميــن دى حيواصــل برنامج الفنون والاحزاب ولا خلاص ( مولــد وانفـض ) ؟
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: السيد المسلمي)
|
| Quote: شكراُ للحركة شكراً للمعارضة لعدم منحها الشرعية لمن لا يستحقها |
قرقرقرقرقرقرقرقرقرقرقر ومعاها كاااااااااك
معليش ايها الشعب السوداني الفوق ...داير ارد علي فايز ود القاضي البهضرب ده وارجع ليكم واحد واحد ...
قلت لي يا فايز الحركة والمعارضه سحبو الشرعية من الانتخابات ؟؟
انت بي صحك والا عامل حاجه كده والا كده؟
لو عامل حاجه انصحك تمشي تشرب ليك كباية جبنه تقيله او تمشي شارع 33 تتدردق هناك كويس واعمل حسابك في غطا بلاعه مكسور في ناصية المقر بتاعهم ما تقوم تقع لينا جوه ..
الايام دي نحن محتاجين ليك والله ..
قال شرعيه قال ..
وان كنت بي صحك وده ياهو فهمك فيا اخوي انت الظاهر ما بتحضر التلفزيون ومقاطع الاخبار ..
تكون يا ود طلعته بتاع تكفير وهجره والا شنو ؟؟
والله دي تكون مصيبه كمان علي اخر عمرك عاوز تكفر الناس وتسحب الشرعيه من الناس ..
هسه يعني الواحد يقوم يدس شرعيته عشان ما تجي تشيله منو والا كيف ؟؟..
يعني تاني من صلاة العشا اي واحد ياخد شرعيته ويدخله في كيس ويربطه بي حبل ويحفر ليه حفره تحت السرير ويدفنه ..
يا فايز ..
قوم لف عليك الله ما تقفله معانا من الصباح ..
ــــــــــــــــــــــــــــــــــــــ
وين نزار بتاع المعارك التي تكسب قبل المغرب وبعد الشاي باللقيمات ..
| |
|
|
|
|
|
|
|
|
|
Re: عزاء واجب... وفاة السودان الجديد (توجد اسماء) (Re: Faisal Elrasheed)
|
Quote: سلام يا فيصل
وضيوفه
ما شايف أهل المرحوم في بوست البكا دا
الناس ديل لسة راجين (جنازة البحر) ؟؟ |
يا عبود سلامات ..
الناس دي يا عبود دخلو في صدمات واسهال وسكري بعد قرار سلفا بسحب عرمان ..
وقبال ما يستعدلو كويس من كلام سلفا هجمهم السيد اسكوت غرايشون وختاها ليهم واااااااضحه...
يعني
تأجيل مــــــــــــــــــــــــــــــــــــــــــافي
تعديل مــــــــــــــــــــــــــــــــــــــــــــــافي
اي واحد عنده حاجه يمشي يسويها ..
لن تجدو غير المغسه وحراق الروح والاسهال وصدمات السكري ..
| |
|
|
|
|
|
|
|
|
 Re: عزاء واجب... وفاة السودان الجديد (توجد اسماء) (Re: علاء الدين يوسف علي محمد)
|
Quote: و سلفا قال
مؤتمر وطني وي يييييييييييييييييييييييييي
فمن تكون أنت أمام سلفا
ياخ باقان و عرمان طلعوا أي كلام
يعني إيه حتكون إنت
و أسمع هِنا رئيسك سلفا بقولا كيف
مؤتمر وطني وي يييييييييييييييييييييييييييييييييه
|
أوكامبو ويييييييييييييي
عندك اعتراض
وبعدين حزب مؤتمر الوطني مرشح ان يذهب الي الجحيم بذهاب البشير كما كان نميري !!!!
| |
|
|
|
|
|
|
| |
Faisal Elrasheed
omer osman
humida
بشير أحمد
علاء الدين يوسف علي محمد
صديق عيسى صالح
أبو عبيدة البصاص
بدر الدين اسحاق احمد
عبود عبد الرحيم
فايزودالقاضي
mayada kamal
JOK BIONG
فيس بوك
تويتر
انستقرام
يوتيوب
بنتيريست