حبيبنا نورالهدي حبابك وشكرا لهذه الكلمات الرائعة ..
Quote: العوض علي الله صاحب العوض سنن دولاب مفتوح ضلفتين وترباسو حالج والافق يمتد بقدر امكان التأمل والخاطر بشوف القلب وعيونو ماظنيت يرمشن يرسمن من غير قلم
يوسطن غيم المنى والطيور الماده الجناح يقبضن
ياحريق لو تنطقي ويامسافة لو تنطوي
كائن براهو عشق البلد وأهل البلد وريدة العوض
قولو معاي وأندهو ياسيدي الحسن ويا ابوي ابشر يقطع طاريهو السفر
07-20-2010, 02:57 AM
محمد النيل
محمد النيل
تاريخ التسجيل: 10-08-2009
مجموع المشاركات: 5899
Quote: العوض أخوي ما تشوف شر إن شاء الله باقي الفراق صعب بالحيل اسأل مجرب وعشان جِرستك دي بهدي ليك فصيدة في بوست منفصل إن شاء الله تعجبك ولو عايز تغنيها كمان غنيها ههههههههه اها قصرت معاك
حاشاك التقصير اخي هاشم وفعلا قصيدتك كانت خير زاد واعطيتها هدية للحبيبة وكانت اسعد الناس بيها .. وتوقع تلحينها قريبا اخي هاشم .. رائك شنو يا المجرب ؟ والجرسة للرجال في مواقف كتيرة انتصار ..
07-11-2010, 04:37 PM
Khalid Saeed
Khalid Saeed
تاريخ التسجيل: 12-12-2005
مجموع المشاركات: 2605
إهداء إلى كل الذين تعمدوا أن يورثونا شوقاً وحزناً وحسرة .. إلى كل الذين نشتاقهم في أوقاتنا .. إلى كل الغياب الذين ذهبوا بخاطرهم .. أو دون خاطرنا .. إلى الذين تعمدوا أن يلهبونا بسياط الأشواق ..
الف مرحبا باخونا دينق وحباب مرورك .. قلت لي بتاع مقصات ؟؟ حرام عليك فالقلوب دي بالذات ما بتعرف المقصات ,, ويا دينق لو تعرف الذي عنيته بالذي اخذ قلبي لعذرتني فيما ابوح واقول .. دينق القلب منوسر ونازف فلا تؤلمه اكثر بل عليك الدعاء لي بالتوفيق ..
07-13-2010, 08:13 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
Quote: إهداء إلى كل الذين تعمدوا أن يورثونا شوقاً وحزناً وحسرة .. إلى كل الذين نشتاقهم في أوقاتنا .. إلى كل الغياب الذين ذهبوا بخاطرهم .. أو دون خاطرنا .. إلى الذين تعمدوا أن يلهبونا بسياط الأشواق ..
صاحب السعادة اخو السيد الوزير وشقيقي معتز حبابك وحباب المعاك .. اكيد حاسي رغم ان احساسي بالبعد قاتل وبعدم التواصل حائر .. ولكن زي ما بقول اخونا الانسان نعيم علي بكرة احسن ...
07-13-2010, 04:26 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
وينك يا سمؤال ؟ ومشتاق ليك كتير .. يا سمؤال قلبي ويشهد الله خارج حدود الوطن العربي .. ويازول ده ممكن تقول شرق لشرق اسيا ولا ضرب غرب اوربا .. بالله بطل حركات وكان كترت كلامك بجي الرفاعي بفتك هنا زي الما حصل حاجة ..
07-13-2010, 04:20 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
يا ذواليد حبابك وسعيد بتواصلك ... رغم انه الحبيب لاحس ولا خبر حتي هذه اللحظة .. اتراها بعد المسافة ولا تعب السفر ولا ارهاق القلب .. ذواليد ما تشوتها لي بقصيدة تجيب خبرها , ياربي هي بتفهم في الشعر ؟؟
07-14-2010, 09:34 AM
أيمن الطيب
أيمن الطيب
تاريخ التسجيل: 09-19-2003
مجموع المشاركات: 5845
ايمن الطيب يا ذوق تحياتي .. ما اتقول اتجهجهت وبس !! يازول انا من فراق الحبيب فقدت البوصلة وبقيت اتلفت يمين ويسار بلا محصلة ومشيت افتش في امدرمان بلا نتيجة وفي بحري تهت بين شمبات والصبابي وفي الخرطوم بحثت شمال ويمين بدون حبيبتي الاقي ...
07-14-2010, 11:05 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
كلما اطل فجر جديد تذهب يداي الي جوالي لارسال رسالة الصباح ,, وقبل ان اكمل ارسالها ياتين الرد كما لو ان الرسالة وصلت ,,, وكل يوم يكون من حظ جوالي ان يسمع صوت حبيبي قبل اي صوت اخر .. ويظل القلبان قلب واحد يتلقيان الرسائل والتحايا قبل ان تصل علي الجوال ,, ويكون هناك توارد خواطر اكاد اجزم بانه لايوجد في عالمنا هذا ... تعودنا ان نفطر سويا وان بعدت المسافات وتعودنا ان نذهب سويا وان كان كل واحد منا في مدينة اخري .. وشهدت بحري وجدة وطوكيو وملبورن لقاء قلوبنا قبل ان تلتقي الارواح .. ذهبت امس لامدرمان والخرطوم وبحري فكان اللقاء عبر الاطلال وكانت حلو الذكريات ... كنت لا انام الا بعد ان اسمع تصبح علي خير حبيبي ..
07-14-2010, 12:14 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
بعد طول غياب وحسن توقع مني لاني متاكد من ان التواصل سيتمر لان الذي يسري في قلوبنا من الحب الكبير زادا للايام والدهور ,, وصلتني هذا الصباح لا اقول رسالة ولكنها نبض من الحياة المتجدد وامل بلقاء بكرة وسعد قادم في كلمات معبرات قليلات بعدد الحروف عظيمات المعاني طيبات الحشاء ,, رسالة لا اقول ابكتني ولكن اعادت السرور لقلبي ولحياتي ... رسالة تنبض بالحب والامل والعشق المتجدد ...رددت علي الرسالة ليس كتابة ولكن شعورا جميلا وبوحا خاصا متاكد من انها تسمعه ...
____________________ عدلت لحذف حروف اليوتيوب ولم تفلح ..
Quote: إن لم تكن بين القلوب فواصل *** ففواصل الايام غير مهمة ..
فعلا عفاف الصادق فالفواصل والحساب والارقام لاتعني شئ امام القلوب التي تحابت وتالفت ... عارفة يا عفاف وصلت التالف بين قلوبنا اننا نشعر ببعض رغم بعد الزمان والمكان ...
07-14-2010, 01:31 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
انعام يازعيمة كيفك ,, ماما دومة علي العين والراس .. وكم يشهد الله انني اعزها معزة لا تدانيها معزة ... ولكن ما عنيته بهذا البوست شخص غير كان جبت اسمه الناس بتعرفو وكان جبت حرفو الهوا بقسمو ... وبالمناسبة هذا البوست يا دوب حيبدأ ...
07-14-2010, 01:47 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
عندما اتت هذه الساعة في هذه الليلة غلبني النوم وكنت مثل هذا الوقت امضيه شربا للشاي علي ضفاف النهر ,,, هل تذكرين حبيبتي كيف كنا نضحك من اعماقنا وكيف تمضي اللحظات سراعا ... لن انساك رغم ان المسافات قربت او بعدت لاتبعد بين قلوبنا .. هذه الليلة تحديا لن انام ولا اريد من احد ان يسالني لماذا ؟ حبيبتي تعرف وهذا يكفيني ...
07-18-2010, 05:36 PM
Hadeer Alzain
Hadeer Alzain
تاريخ التسجيل: 07-13-2008
مجموع المشاركات: 3530
واحشني يا الخليت ملامحك في حياتي يا الرسيت مراسيك جوه ذاتي الا باكر لما ترجع انا بحكي ليك عن الحصل عن بعد المسافة وقربها لمن يفارق زول عيون غاليات عليهو كتير وبحبها والله احكام يا قدر والله احكام يا مسافة وياسفر
*** واحشني بس تاني لما بتسيبني وتسافر خت في بالك انو دنياي في مدارك جد لفافات الصبر دخنتها وحتى المقاطع في غناي طوعتها وغريبة غنت فرقة لا لا مش فرقة الله الله تقصد شنو ؟؟ ما عرفتها بس ممكن اقول تجربة خطيرة جد واجتزتها لسه واحشني _______
07-19-2010, 07:42 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
واحشني يا الخليت ملامحك في حياتي يا الرسيت مراسيك جوه ذاتي الا باكر لما ترجع انا بحكي ليك عن الحصل عن بعد المسافة وقربها لمن يفارق زول عيون غاليات عليهو كتير وبحبها والله احكام يا قدر والله احكام يا مسافة وياسفر
*** واحشني بس تاني لما بتسيبني وتسافر خت في بالك انو دنياي في مدارك جد لفافات الصبر دخنتها وحتى المقاطع في غناي طوعتها وغريبة غنت فرقة لا لا مش فرقة الله الله تقصد شنو ؟؟ ما عرفتها بس ممكن اقول تجربة خطيرة جد واجتزتها لسه واحشني
شكرا هدير الزين علي وقفتك معانا في هذه اللحظات .. ويارب نردها ليك في الخير ..
07-14-2010, 10:27 PM
ذواليد سليمان مصطفى
ذواليد سليمان مصطفى
تاريخ التسجيل: 12-14-2008
مجموع المشاركات: 9551
Quote: ذواليد ما تشوتها لي بقصيدة تجيب خبرها , ياربي هي بتفهم في الشعر ؟؟
هاك يالحاج هي بتفهم سبب الغياب كلمات/ذواليد سليمان مصطفى
ورينى ايه سبب الغياب
ولى متين يدوم فينى العذاب
اروينى من نبع الرباب
لوحتى يويوم تهطل سحاب
بقت النجوم من غير جمال
بفرقتك صبح الجمال زى الضباب
برسل عليك شوقى الحريق
لو بس ينوب عن الخطاب
اه يا زمن من جور زمن
فات الحبيب والعين تساب
حتى الفرح ضل الطريق
والسكة تاهت بين سراب
كفانى حرمان من هواك
والليل طويل مشحون عباب
سفرك اكيد جواه سر
وانا بالفراق كم نجم غاب
يا ساكنه جوه عيون شوف
كل الخصال ضامه العتاب
كلمه وداع سالت دموع هزت شعور كل الصحاب رغم البعاد زاملى المصير هزت شعور كل الصحاب ريحه الدعاش عبق النفس طل العشم من كل باب احكيه كيف الم الالم عالم وهم من غير صواب عاشق اسير كايس العبير شايف الزهور تحكى الخراب
07-15-2010, 05:30 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
شكرا ذو اليد علي القصيدة ... واقول لحبيبتي صباحك خير وامل بكرة وريحة الدعاش ذكرتني عجيب وولده ذاتوووووووو ... مازال عقلي وقلبي يحدثاني بانك موجودة وانك لم تسافري وان سفرك مجرد اشاعة من العوازل ... حسبت عدد رسائل يوم الخميس الماضي فوجدتها تسعة وخمسون رسالة اقل ما فيها قولك انني حياتك ... اكيد غدا احلي وبكرة هو المرتجي ....
07-15-2010, 05:37 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
في هذا الصباح لا اقول تحققت احلامي ولكن اقول الفرح قرب لبابي شفتك والدنيا بقت ملك يدي شفتك وتاكدت انه السعد راجيني شفتك والامل في بكرة ماليني حياتي انتي وبيك تسعد كل ايامي شفتك وبيك زال كل همي وبعد عرفتك دخل الامل والنور حياتي
07-15-2010, 01:16 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
الجميل ابو امنية حبابك وبركة الرجعت لاولادك بخير .. وعقبال ما ربنا يرد لاخوك حبيبة قلبه التي فارقته ويسعد ايامك وايام صديقك الذي بالبعد اتالم ويازول اخوك ثابت بس مع اول مطرة برقد رز !! هل تسمعني يا حبيبي ؟؟ تسمعني لاني اكتب من قلبي تسمعني لاني صادق في حبي تسمعني لاني لا اضيع دربي تسمعني لاني اعرف نفسي
ساكتب الكثير حتي يحتار الكل ساقول الشعر والنثر حتي يكتمل العقد منتظرك يا حبيبي وان طال السهاد منتظرك يا حبيبي وان تحول الكون الي رماد منتظرك يا حبيبي لو اختلط الابيض بالسواد
املي في بكرة والامل اكيد منتظر الطلة والشوق شديد حياتي بيك تعني كل جديد ومصيرنا يوم نلاقي اليد بالليد
07-16-2010, 05:55 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
طيب اقول شنو وانا اشوف هذه الكلمات ارد كيف والقلب اصبح مافيه غيرك حديثك يروي الظمأ ويرد الروح
من يوم ما فارقت عيونك لي الليلة عيوني بتبكي وروحي معاك هناك وحبك ماليهو قلبي شيل من اسمك حرفين وخت حرفينك في اسمي بتقرا الروح في كفة يدك وتقرا الوعد الجاييك بكرة[/B]
07-16-2010, 10:45 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
نام السهر خاطري لي دوحك أصل مـ الشوق من روحي انتهل جسمي العليل بهواك ضل حبك كبير قلبي العزير ما بيحملو ناديت عليك أحضاني بي صوتك غلو بهواك يا بلسم حشاي وقلبي عندك تبتبو
07-17-2010, 06:21 AM
Tragie Mustafa
Tragie Mustafa
تاريخ التسجيل: 03-29-2005
مجموع المشاركات: 49964
Quote: تحياتي لك أيها العم المبجل وأنت تخبرنا بأن العشق لا يخضع لمقاييس الأعمار ولا تضاريس الزمن
حليله يا يمه العوض المسلمي هو ود ميتن؟؟؟ سوتهوا عم يا رجال البورد؟؟؟بتبالغوا؟؟؟
العوض امانه عليك لو ما جيتنا كندا قبل( الناوي عليه ده) نعمل لك برنامج جيم وراحة بال واكل صحي بلا قندهار بلا بلاء ترجع لعمرك الحقيقي لما تخاف على روحك من العين.
07-18-2010, 05:16 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
Quote: حليله يا يمه العوض المسلمي هو ود ميتن؟؟؟ سوتهوا عم يا رجال البورد؟؟؟بتبالغوا؟؟؟
وصدقت تراجي فيما قالت ..
Quote: العوض امانه عليك لو ما جيتنا كندا قبل( الناوي عليه ده) نعمل لك برنامج جيم وراحة بال واكل صحي بلا قندهار بلا بلاء ترجع لعمرك الحقيقي لما تخاف على روحك من العين.
ما اتعودت اخاف الا معاك حسيت بالخوف .. اصبحت هذه الكلمات تتردد في لساني وفي كل لحظة فما تري دلالتها ؟؟ هل هو الخوف من بكرة ؟؟ طبعا لاخوف من بكرة فما يجمع بين قلبينا يستحيل ان ينتهي الا بكل الخير والتواصل الابدي .. هل هو الخوف من الفراق ؟ بالتاكيد لا لان القلوب المتحابة لا تتفارق ولا تفصل بينها مساحات ولا ازمنة .. فكرت كثيرا ووصلت الي هذا الخوف شئ رباني وضع في قلوبنا حتي نحس بكريم حبنا وتقديرنا للاخر . وان هذا الخوف يزداد كلما اقتربت القلوب اكثر ولكم ان تنظروا في الزهاد الذين زهدوا في الدنيا فتجدهم اخوف الناس لانهم احبوا الله فخافوه ...
07-19-2010, 11:00 PM
سارة علي
سارة علي
تاريخ التسجيل: 07-08-2008
مجموع المشاركات: 4413
لا يا سارة عليك الله ما تحبطيني .. حبنا ده غير كل الحب ده فيه تفاهم وانسجام فيه توارد خواطر فيه كلام وسط الصمت .. شفتي كيف ؟؟ مرات يا سارة برفع تلفوني في يدي بلا اي مناسبة وعندما اضعه بين يدي تاتيني رسالة من قلبي .. وحتي الرسائل نكتبها في نفس اللحظة وبتوارد غريب جدا ... وانا ما بقول الحب مرض ولكن بقول هو شفاء وهو بلسم وهو روح النفس وحياتها ...
Quote: حالتك متأخرة .. شديد ..
وبعد ده علاج ما بنفع صاااح ؟؟ كلامك هنا جد اياهو الحقيقة ...
تحياتي سارة وشاكر تواصلك ونجيك في ساعة فرح ...
07-19-2010, 11:00 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
صحوت من النوم مبكرا وذهبت لعملي علي غير العادة بحوالي ساعة او تزيد .. مررت علي الطريق اتلفت يمنة ويسرة فكنت متاكدا انني ساشاهد من احب .. فعلا دخلت اول شارع غ=علي يميني لاجد في ذلك الصباح حبيبتي وسط زميلات لها تمسك بجوالها تريد ارسال رسالة , اعرف انها قادمة الي ورددت علي تلك الرسالة قبل ان تصلني .. تلفتت حبيبتي نحوي وكاننا علي موعد وتبسمت .. عند تلك اللحظات اغمضت جفوني قرحا بذلك اللقاء .. وعندما فتحت عيوني وجدت نفسي بالقرب من الصبابي علي شاطئ النيل ولا احد غيري في ذلك المكان .. ضحكت مليا وقلت اللهم اجعله حلما ولا تجعلني مجنونا ..
07-19-2010, 11:08 PM
سارة علي
سارة علي
تاريخ التسجيل: 07-08-2008
مجموع المشاركات: 4413
تاني بقول ليك الله يشفيك من الحب ابو قرحة دة .. دة من اعصي الامراض .. انت مفروض يختوك في (كرنتينة) براااك .. ومن هنا اناشد بكري بفتح منبر خاص للحالات المستعصية .. عشان نقدر نحاصر الفايروس دة .. قبل ما ينتشر في المنبر .. وحاتك لو انتشر يا بكري علي الدنيا السلام.. حيبقي قلوب اون لاين دوت كوم
تاني بقول ليك الله يشفيك من الحب ابو قرحة دة .. دة من اعصي الامراض .. انت مفروض يختوك في (كرنتينة) براااك .. ومن هنا اناشد بكري بفتح منبر خاص للحالات المستعصية .. عشان نقدر نحاصر الفايروس دة .. قبل ما ينتشر في المنبر .. وحاتك لو انتشر يا بكري علي الدنيا السلام.. حيبقي قلوب اون لاين دوت كوم
عارفة ياسارة اقسم بالله العظيم انها كانت ستقراها فرحا ولن تنظر الي هذه النقطة الزائدة .. القراية بالقلوب يا سارة .. بس استشارة ابو تفة ياسر ما بناباها .. بالله المرض عنده كرنتينة ؟؟ الله يسهل امرنا قبال ندخل فيها لانه لو دخلت تاني الله اعلم امرق منها تاني .. كلامك ريحني في حناني ذاتو لانه ابوتفة ده كان فايت علي ..
07-20-2010, 04:38 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
لن اكثر من القول في خصوصيات قد لاتعني غيري في شئ ولكن شعور الانسان اي الزول الواحد مننا انه وجد ما ينقصه ووجد ضالته التي تاخر كثيرا في لقائه فماذا يفعل ؟؟ ما اظن في شئ ممكن يتعمل الا يشكر ربه ويشكر مجتمعه ويشكر حبيبته .. فهذا يعني الرضاء رغم انه رضاء تاخر كثيرا .. ماذا لو تقابلا قبلا وفي ظروف غير هذه الظروف ؟ ام هي المحن والمصائب التي تاتي لكي توضح كيف ان تلك القلوب التقت علي الا تفترق .. ام هي الحياة تبتسم لي بعد طول عبوس ؟؟ مواقف كثيرة تسعدك بانك عرفت انسانا بمعني كلمة انسان ...
07-20-2010, 07:18 AM
الصادق خليفة
الصادق خليفة
تاريخ التسجيل: 12-13-2003
مجموع المشاركات: 2351
عزيزي الصادق ما احلي لحظات اللقايا وما احلي الدموع واجملها عندما تاتي صادقة في وداع او استقبال الحبيب ... عارف يا الصادق انه اليوم في السودان جو خريفي موووووبالغة يجعلك تبكي وانت كنت جالس لوحدك فكيف ان كنت جالس وطيف حبيبتك معك لايفارقك ... حلوة هي الحياة بالحب وجميلة بان تشعر انك عايش لغد احلي ولصباح قادم بكل خير وجديد ... جو الخرطوم رزاز اتعب الشعراء في الصمت فقالوا شعرا ونثرا , وانا المسكين بالصمت باكي ...
07-21-2010, 05:23 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
صباحك خير وبركة وامل وعشق كنت بين الزهج والقلق وكنت بين التوقع والتصديق حتي سمعت صوتك بل سمعت الحنان والامل منك في لحظة تبدل حالي من زهج وارق الي سرور وفرح .. الم اقل لك كثيرا انك روح الروح اتذكرين قولي لك بان الحياة بلاك عدم
07-21-2010, 05:29 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
ما أجملك أخي وأنت وبشهادة الجميع ينبوع من العطاء الثر وقلب دافيء جميل ما حمل إلا الحب والمودة للجميع .. وما أبهاك وأنت تبوج بما تضج به الأعماق .. ياخي بالذات لمن سمعت (الأبيض ضميرك) لم أتمالك نفسي من الـ..... ، وتذكرت حاجه قديمه كده كنت كتبتها زماااان ... أهديك إياها علها تخفف ولو قليلاً مما تعاني منه إيها الرجل النبيل ... رغم قناعتي التامة بأن هذه أجمل معاناه وألذ ألم ...
حلم العشــم ….
إدريس محمد إبراهيم
لو مره بس سقتي العشم ... وفيتي حق اللهفه فيني ... وانداح عبيرك في السكون ... ترتاح عيونك في عيوني ... تحضن رذاذ يروي العطش ... تنساب خواطر كامنه في جوف الشقا ... وتطفي جمراً شبّ يوم عز اللقا ... وترطب الجاي من سنيني ... تسقي الجفاف الحلّ يوم حسي انبهم ... لو مره بس سقتي العشم ... *** يا ساكنه في قلب القصيده الحالمه بالصبح الجميل ... يازارعه ترنيمة أمل في المستحيل ... شايلك معاي عمق الجراح الغرزت ... تعويذه للحزن النبيل ... في نظرة الريد المضمخ بالأسى ... في طلعة النفس البيحلم كل ليل ... في زفرة الآهه البتسكب حزني ويل ... في حبة الذكرى القبيل ... في الزفره لمن حشرجت ... وقت الصراخ فيني انكتم ... لو مره طاوعني العشم ..
مع خالص تحياتي وحبي للجميع ؛؛؛
07-21-2010, 08:29 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
Quote: ، وتذكرت حاجه قديمه كده كنت كتبتها زماااان ... أهديك إياها علها تخفف ولو قليلاً مما تعاني منه إيها الرجل النبيل ... رغم قناعتي التامة بأن هذه أجمل معاناه وألذ ألم ...
الاخ الشاعر ادريس يا سلاااااااااام يشهد الله لو اني طلعت من هذا البوست بهذه الهدية لكفتني ... وانا بدوري بعد اذنك اهديها لقلبي الذي اتمني ان يكون قريبا ليتقبل اغلي هدية ..
حلم العشــم ….
إدريس محمد إبراهيم
لو مره بس سقتي العشم ... وفيتي حق اللهفه فيني ... وانداح عبيرك في السكون ... ترتاح عيونك في عيوني ... تحضن رذاذ يروي العطش ... تنساب خواطر كامنه في جوف الشقا ... وتطفي جمراً شبّ يوم عز اللقا ... وترطب الجاي من سنيني ... تسقي الجفاف الحلّ يوم حسي انبهم ... لو مره بس سقتي العشم ... *** يا ساكنه في قلب القصيده الحالمه بالصبح الجميل ... يازارعه ترنيمة أمل في المستحيل ... شايلك معاي عمق الجراح الغرزت ... تعويذه للحزن النبيل ... في نظرة الريد المضمخ بالأسى ... في طلعة النفس البيحلم كل ليل ... في زفرة الآهه البتسكب حزني ويل ... في حبة الذكرى القبيل ... في الزفره لمن حشرجت ... وقت الصراخ فيني انكتم ... لو مره طاوعني العشم ..
حبيبتي هؤلاء اصدقائي يهدونني اجمل ما كتبوا ويهدونني افخم واغلي الهدايا .. كل يوم اشعر بانني ابن هذا المكان الجميل ...
07-21-2010, 10:20 PM
السيد المسلمي
السيد المسلمي
تاريخ التسجيل: 11-27-2008
مجموع المشاركات: 4954
شكرا ابو السيد علي الهدية الباحية للقلب النابض بالحب والحنان .. تصدق يا ابوالسيد انه الانسان ده بلا قلب وزول يحبه بيكون عايش بس علي وهم ,, يعني شنو اكل وشراب وجري وراء العيش ؟؟ ده كله بيكون ساهل وميسور اذا كان هناك حب حقيقي ,, كمان الحب ذاتو لابرتبط بزمان ولا مكان لانه اذا ارتبط اصبح زي جدول المذاكرة تاتيه بلا رغبة ,, الحب سر عظيم يحي الروح الميتة والحب سر كبير يجعلروح الكبار شبابية ,, ما يفعله الحب في البني ادم لايفعله سحر ولا جان ... الحب اخلاص للحبيب والحب صدق في القلوب والحب امل لغد قادم جميل .. وعندما يطرق الحب قلب فانه بلا شك يحول ذلك القلب الي قلب حالم يعيش في سعادة لايذوق طعمها الا من شرب شربة من معين الحب .. وقلبي الذي حدثتكم عنه قلب كبير وعظيم يساعد المحتاج ويعاون الضعيف ياكل لقمة صغيرة ولكنه يتنفس حنان وعطف .. اذا قابلته مرة فذلك دليل السعادة في بقية الحياة .. ان تبسم قلبي فانه ابتسامته فتح للكون بالسلام والامان .. تجده يصرف ما في يده اسعادا لغيرة وان نام جائعا ولكنه لايشعر بجوع لانه اسعد انسانا .. حبيبتي انا سعيد بان التقيت بك .. حبيبتي انا لا اتحدث عن شئ دنيوي فما اعرفه عنك السمو فوق الصغائر ولكن اعلن لك انني ما عرفت احدا في قدرك وانسانيتك ... حبيبتي رغم ان الوقت عندكم ظهر او عصر الان ولكن عندنا هو الفجر الذي اشرقت شمسه الان اقول لك صباحك زين وسوداني وام تي ان ذاتوووو...
07-22-2010, 05:45 AM
معتصم محمد صالح
معتصم محمد صالح
تاريخ التسجيل: 07-14-2007
مجموع المشاركات: 7293
Quote: اذا قابلته مرة فذلك دليل السعادة في بقية الحياة .. ان تبسم قلبي فانه ابتسامته فتح للكون بالسلام والامان .. تجده يصرف ما في يده اسعادا لغيرة وان نام جائعا ولكنه لايشعر بجوع لانه اسعد انسانا .. حبيبتي انا سعيد بان التقيت بك .. حبيبتي انا لا اتحدث عن شئ دنيوي فما اعرفه عنك السمو فوق الصغائر ولكن اعلن لك انني ما عرفت احدا في قدرك وانسانيتك ...
العوض أخوي ..صراحة كده وبعد أن قرأت وصفك أعلاه لهذا الإنسان الجميل .. ياني المحكّر ليك في بوستيك ده وماني ماشي .. أيوه البنبر ده جميل وشكلو مريح .. وعليك الله ياالعوض أخوي أطلب لينا جبنه سكر خفيف لأن القعده محتاجه إنعاش الراس بعد أن أنعشت القلب بوصفك الجميل هذا لهذه الزوله الاستثناء .. فانثالت الزكريات الجميلة المنسابة مع شعاع الصبح الجميل المؤتلق .. فدعني وحتى ما أجيكم إيدي فاضيه أهديكم هذه القصيدة علها تساهم ولو قليلاً في وصف الوضع الراهن ...
مع خالص حبي وتقديري يا زول عسل عديل كده ... رغم إني لم أتشرف بلقياك ولكن خصالك الجميلة أخي العوض تتحدث عنك .. وأشهد الله إن هذا ليس (كسير تلج ولا حاجه) ... ولكن حباً في الله كده أخوي العوض ...
بنيــة العــز إدريس محمد إبراهيم
صعب يجتمعوا في إنسان …. كرم أخلاق صفات عاليه وجمال فتان … علو في الهامه كلو إباء وعفة نفس … وينبوع حب بيتفجر يفيض تحنان … قليباً شال جميع الحوله بالترحاب .. يواري عذاب سنينو المره في الكتمان … يشاطر في مآسي الغير ويتعذب … ويتصبّر يدس آلامو في الأحزان … بنية العز فريده خصالك العذبه … وبين أعطافك العذبه … يشع تاج الجمال مزدان … بريدك فال جميل أخضر سحابة شوق نزل هتان … بريدك معنى فاق الحد … وشكّل من وجودي معان بريدك روح تشع اشراق يبدل خوف سنيني أمان بريدك ساريه تنبض عز .. تزغرد فوق ربى الأوطان .. وبلقاك في بشاشة طفل .. رشف حلم الطفوله حنان … واشوفك في عيون نجلاء .. بتعزف للجمال ألحان .. وطلة زهره صبحيه … تسوق أشواقها للبستان … وشهقة مدحه صوفيه .. تسبح هايمه للرحمن .. جمال انسانه حوريه .. بنيه تشرف السودان … إدريس محمد إبراهيم الرياض في 05/07/2003م
07-22-2010, 07:36 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
شاعرنا وحبيبنا ادريس محمد حبابك والف مرحب بيك والبوست بوستيك والمنبر ذاتو تحت ايديك ..
Quote: العوض أخوي ..صراحة كده وبعد أن قرأت وصفك أعلاه لهذا الإنسان الجميل .. ياني المحكّر ليك في بوستيك ده وماني ماشي .. أيوه البنبر ده جميل وشكلو مريح .. وعليك الله ياالعوض أخوي أطلب لينا جبنه سكر خفيف لأن القعده محتاجه إنعاش الراس بعد أن أنعشت القلب بوصفك الجميل هذا لهذه الزوله الاستثناء .. فانثالت الزكريات الجميلة المنسابة مع شعاع الصبح الجميل المؤتلق .. فدعني وحتى ما أجيكم إيدي فاضيه أهديكم هذه القصيدة علها تساهم ولو قليلاً في وصف الوضع الراهن
وانا اهدي هذه الرائعة لذات القلب الكبير ...
بنيــة العــز إدريس محمد إبراهيم
صعب يجتمعوا في إنسان …. كرم أخلاق صفات عاليه وجمال فتان … علو في الهامه كلو إباء وعفة نفس … وينبوع حب بيتفجر يفيض تحنان … قليباً شال جميع الحوله بالترحاب .. يواري عذاب سنينو المره في الكتمان … يشاطر في مآسي الغير ويتعذب … ويتصبّر يدس آلامو في الأحزان … بنية العز فريده خصالك العذبه … وبين أعطافك العذبه … يشع تاج الجمال مزدان … بريدك فال جميل أخضر سحابة شوق نزل هتان … بريدك معنى فاق الحد … وشكّل من وجودي معان بريدك روح تشع اشراق يبدل خوف سنيني أمان بريدك ساريه تنبض عز .. تزغرد فوق ربى الأوطان .. وبلقاك في بشاشة طفل .. رشف حلم الطفوله حنان … واشوفك في عيون نجلاء .. بتعزف للجمال ألحان .. وطلة زهره صبحيه … تسوق أشواقها للبستان … وشهقة مدحه صوفيه .. تسبح هايمه للرحمن .. جمال انسانه حوريه .. بنيه تشرف السودان … إدريس محمد إبراهيم الرياض في 05/07/2003م
07-22-2010, 07:12 AM
سارة علي
سارة علي
تاريخ التسجيل: 07-08-2008
مجموع المشاركات: 4413
دوس الفرامل ... طريق الريدة خطر وفيه مطبات ..ما تزود السرعة ... ومن الافضل تلبس النضارات عشان تزيل ليك الغشاوة الفي النظر(ان وجدت) .. سوق بي حكمة وبدون تهور .. ولو واثق في سواقتك ما تثق في سواقة المعاك في الشارع .. خليك منتبه وصاحي .. في التأني السلامة وفي العجلة الندامة ..
ــــــــــــــــــــــــــــــــ التقول انا شغالة في المرور
07-22-2010, 04:40 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
Quote: دوس الفرامل ... طريق الريدة خطر وفيه مطبات ..ما تزود السرعة
يازولة أحب أبشرك .. أول حاجة الفرامل شغالة بنظام الــ ABS .. لذا لا خوف علينا من المطبات والتقاطعات الغير مرئية ( حلوة دي .. صاح) أما عن السرعة فحدثي ولاحرج لأنو الماكينة شغالة بــ 8 بستم .. وقوتها 25000 حصان .. شفتي كيف ! دا عني أنا .. أما المعاي .. فهو من كوكب أخر .. يمكن يقود ماكوك عديييل كدا .. قالت خليك منتبه قالت .. أنا شايف حاجة عشان أنتبه
07-22-2010, 04:47 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
جمعة مباركة عليك حبيبتي وكل الاحباب .. اول ما اشرقت شمس هذا اليوم الجمعة تذكرت انني قابلتك فيه في تلك المناسبة التي ضمت اهلنا لا سابق موعد .. سالتك فيها عن اخوانك لو تذكرين !! كان ردك انك وحيدة امك وابيك فلا اخ ولا اخت لك الا ان والدتك هي اختك وحبيبتك . وان اباك قد عوضك عن فقد اخ او اخت .. وكم كنت فخورا بان اعرف انسان يتحدث عن والديه بفخر عظيم وسعادة منقطعة النظير دون الغضب بانه يحتاج لاخ او اخت ....
ويسعدني ان تسمعي هذه الاغنية ..
07-23-2010, 05:03 PM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
العوض أخوي يا صاحب القلب الذي يبدو أنه أحب بكل ما يملك من مضخات وأخلص .. ما قلت ليك لن ابارح هذا البوست حتى يفعل الله أمراً كان مفعولا ...
وكعادتي يا قلب .. أسوق إليك آخر ما كتبت ... قصيدة بعنوان أنا قد تعبت وهي منشورة هنا في المنبر ..
تستاهلوا .. والله ...
أنا قد تعبت ....
حاولت أن اسلك طريقاً غير دربك ما استطعت ... جربت أن أنسى هواك أميرتي .. لكني يا ويلي عجزت .. أنا قد تعبت ... لا بدرغيرك قد تلألأ في سمائي ... لا نبض قد ملك الخلايا.. يسكن في دمائي ... لا حب قد سكن الحشاشة والمرائي ... قل لي بربك ماذا قد فعلت ؟ ... ما انفك طيفك رابضاً في خاطري أنى حللت ... قدري أنا ... أن تحيا في أعماقي الحرّى مليء أنفاسي وعيني ... أن تستحيل منار عشق جارف ... يجتاح أستار التمني ... أن ترتهن في مقلتيك حبيبتي ... كل أسراري وظني ... أن ترتوي منك العروق ثمالةَ ... وقد ودعت أقداحي ودنّي ... أن تستبيح فجاج عمري عنوة ... بالرغم مني ... أنا ما فتئت أسير حبّك مرغماً ... فالترحمي ما قد أسرت ... أنا قد تعبت ... أنا قد تعبت ...
إدريس محمد إبراهيم الرياض في 8/7/2010م
07-24-2010, 01:28 PM
بدر الدين الأمير
بدر الدين الأمير
تاريخ التسجيل: 09-28-2005
مجموع المشاركات: 22961
العوض لن تسلم من الحب طال ما أنك تمشى في الاسواق وتاكل الطعام بطبعى انحاز للحب مهما كان نوعه ولونه وزى ماقال الشيخ الاكبر محى الدين ابن عربى (أدين بدين الحب ...) وطال ما انت متحرك لابد ان يداهمك الحب وتكتشف ضعفك الانسانى وإمتثالك للمحبوب وسادتنا الصوفية بقولوا (الامتثال خير من الادب ) حبيت يعنى دينك طلع كيف احكى لك عن ابن عربى حين وقع في حب بنت شيخه وسطر فيها ديوانه الشعرى (ترجمان الاشواق)
تنهدات: الله يستر مايطلع حبك زى حب اخونا دينق حين فتح نافذة بعنوان البنت التى احببتها او شىء من هذا القبيل وفي النهاية إكتشفنا أن تلك البنت كانت مدينة امريكة يزورها هذا الظلامى الجنوبى للمرة الاولى ووقع في حبها
07-24-2010, 10:56 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
استاذ بدر الدين سلام من الله عليك وسعيد جدا بان تمر علينا سواء عابر او مقيم .. ولو وجد البوست هوي في نفسك فهذا يوم المني بان تظل معنا ولا تفارق ..
Quote: العوض لن تسلم من الحب طال ما أنك تمشى في الاسواق وتاكل الطعام بطبعى انحاز للحب مهما كان نوعه ولونه وزى ماقال الشيخ الاكبر محى الدين ابن عربى (أدين بدين الحب ...) وطال ما انت متحرك لابد ان يداهمك الحب وتكتشف ضعفك الانسانى وإمتثالك للمحبوب وسادتنا الصوفية بقولوا (الامتثال خير من الادب ) حبيت يعنى دينك طلع كيف احكى لك عن ابن عربى حين وقع في حب بنت شيخه وسطر فيها ديوانه الشعرى (ترجمان الاشواق)
احكي يا بدرالدين فاكيد ستحكي بما يسعدنا ويبرد علينا ...
وتاكد انها ليست مدينة ولكنها كباقي خلق الله انسانة وضع الله حبنا في قلوبنا وتاكد انه العشق الذي لاياتي بضرر ابدا .. خلينا هنا واحكي وما احوجنا لسماعك يا اخي بدرالدين ...
وبصراحة اهديك هذه الاغنية ...
07-24-2010, 10:45 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
شاعرنا الكبير ادريس محمد تحياتي ولك ان تتخيل مدي سعادتي بان امددت هذا البوست باروع ما رائت انا واروع ما مر علي من صدق كلمات وحس فني ليس لي تقييمه ولكن الاستمتاع به يجعلني ابحر في عوالم اخريات .. وانا بدوي اهديك الذكريات لعثمان مصطفي لانها كما اعتقد ستجد لها مكانا في قلبك الكبير .. وهي تعبر عن حالي هذه اللحظة ..
07-24-2010, 10:35 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
الاستاذة فتحية شامي هلا بيك وانتي ما رائتك في هذا المنبر الا تكتبين احلي الكلام والتحية ليك وانتي تشرفينني في هذا الصالون الواسع بحضوركم .. واهديك هذه الاغنية ..
07-24-2010, 04:47 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
الف مرحبا بعمدة بورداب الخرطوم السابقة رائدة العمل الاجتماعي في المنبر بالجد سعيد بتشريفك لاني شعرت بان هذا البوست اتي بشخصيات كنت اتمني مشاركتها في ما اكتب ..لو عددت النجوم الذين مروا من هنا,, لا استطيع لان كل واحد فيهم رقم يستحق اشادة وتزكية منفصلة ....
واهدي الجميع ابراهيم عوض في رائعته بزيارتك بيتنا نور ...
07-25-2010, 07:57 AM
إدريس محمد إبراهيم
إدريس محمد إبراهيم
تاريخ التسجيل: 03-13-2006
مجموع المشاركات: 2762
Quote: وانا بدوي اهديك الذكريات لعثمان مصطفي لانها كما اعتقد ستجد لها مكانا في قلبك الكبير .. وهي تعبر عن حالي هذه اللحظة ..
العوض أخوي ....
عساك إت طيب بس ... لو بتعرف آالعوض أخوي زكرياتك دي أنت والرائع عثمان مطفى سوّت فيني شنو في هذا الصباح المشرق الجميل .. ياخي يمين أخوك رقد قاويق بس على قول أخونا د. طارق جبريل ... سيد شباب النخجي والليل ... على فكره الزول ده وينو ما شايفو جه اتوهط هنا .. أظنو ما عندو خبر ساهي ..
أيام الصفا والاندياح قابلت الانسانة الاستثناء ومعي بعض الأشياء لها .. ما عارف ليه الزوله دي قامت بكت زين .. وقالت بالله عليك أنا عندي رجاء .. وهو أن لا تنساني أبداً مهما حصل مني .. لأن كل خليه في دمائي تحمل اسمك يا..... وأنا ما عارفه أعمل ليك شنو بس عشان أرضيك لأنك بصراحه بالغت في الاحتفاء بي .. قلت ليها أبداً والله مهما فعلت فأن برضو مقصر معاك ...
والظاهر يا العوض أخوي أخوك ساب كل الكلام التقال ومسك في الكلام الفوق ده قوي .. غايتو نقول شنو بس .. المهم يا صاحبي حكاية التقصير دي خلتني أكتب ليها القصيدة التالية ..والتي نشرت في صحيفة الخرطوم في وقتها ... والتي اعتقد إنها تعبر عنك أيضاً يا صديقي .. وإليك يا عزيزي أسوقها هدية متواضعة علها تلقى القبول ...
قصــرت فيك …. إدريس محمد إبراهيم
لو صغت فيك كل الدرر الهايمه في الأكوان ســنا ... لو قلت فيك أحلى القصيد ... أعذب كلام لوّن مشاعري غنى ونشيد .. كل الخواطر الطرزت حرف الغنــا ... ووصلت بيك حد القمر ... نورت بيكي الأمكنه ...... هليتي ابداع في الزمان ... أذهلتي كل الأزمنــه .... رقصت حروف فرحانه بيك .. خجلانه من كوّن الوصف ما أمكنه ... خايف أكون قصرت فيك ... وأكيد بكون قصرت أنا ... *** لو جبت ليك كل النجوم ... مبهوره تتوسل لديك ... سرجّت ليك خاطر الزمن ... وفرد شراعو اتشابى ليك ... حيرت فيك كل المعاني التايهه في الآفاق سفر .. واحترت فيك ... احترت من رقة مشاعر أندى من شفق الصباح ... حيرني زمناً شذّ يومو الانجبك ثم استراح ... جمّل خصال كل العصور أهداها ليكي واستباح ... وزرع جمال اشراقو فيك ... واتباهى لمه حصادو لاح ... واتجلى وقتين ساقني ليك ... اتحدى فيني رهافة الحس المموسق ديمه بيك ... يا روعه يا ست الحسان كل المنى ... إن شاء الله ما قصرت فيك ... وأكيد بكون قصرت أنا ...
Quote: احكي يا بدرالدين فاكيد ستحكي بما يسعدنا ويبرد علينا ...
العوض شكرا للهدية وفي وجع الحب ما حانختلف هل تلعم ياعوض ان ولادة بنت المستكفي ظلت تحب وتعشق وتغامر وهي في الثمانين من عمرها ناهيك عن الوزير العاشق ابن زيدون الذى قال عن حبه لولادة ماقال ونزار قبانى صاحب (الحب لست رواية شرقية بختامها يتوزج الابطال لكنه الابحار دون سفينة وشعورنا دوما ان الوصول محال) حتى رحيلة كان بتمنى ان ايقع في حب يجهجه ويبدل كيانه وحتى النبى (ص) حين وقع في حب زينب بنت جحش زوجة ابنه بالتبنى زيد تدخلت السماء وانتصرت لذلك الحب وقوله تعالى ( إذا قضى زيد وطرا منها) العوض ياخى حب كل الاديان قايمة على الحب ناهيك عن قتل هابيل لقابيل ياخى انا حا اقتل ليك معتز القريش لوفق في طريق حبك بس ابعد من نظريات سارة على وخليك مع نظريات بدرالدين الامير هههه
07-27-2010, 10:18 PM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
عزيزي بدرالدين الامير سعدت جدا بتواجدك وتحدثك عن الارث الصوفي في الحب .. واسعدني اكثر ان حالتي قد مرت عليك وعلي السابقين قبلنا ,, يعني دليل عافية .. ويلا شوف نزار قباني قال شنو ويعبر عن توصيف للحالة تماما ... ماعارف ليه كل ما القي شعر حلو اقو لده قاصدني بيه ؟
07-27-2010, 09:46 AM
العوض المسلمي
العوض المسلمي
تاريخ التسجيل: 11-27-2007
مجموع المشاركات: 14076
مالي غيرك حياة يا اسمر يا رمز الضياء انت حياتى يا فاهم يا دارس معنى الحياة من ادبك ليك حارس من غير رياء يا باسم ياناعس يا ملاك يا لابس توب الحياء انت حياتى في حسنك الملون وكم من سحر مكون واحي النعاس الفي جفونك واحي الظهر في عيونك اعجبتا بيهو ونظمتا فيهو انت حياتي مع لونك الاسمر ورد الخدود محمر لا بودرة لا احمر الوان محاسنك زى ماءالحياة ماشوهوك بفصادة على الخدود السادة طبيعى خلقة ربك ما داير زيادة
07-27-2010, 10:05 AM
السمؤال بدرالدين
السمؤال بدرالدين
تاريخ التسجيل: 02-17-2007
مجموع المشاركات: 1989
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة