|
|
 Re: المنقة (Re: العوض المسلمي)
|
| Quote: جربناها والله صاح خضراء زي ما بحبها انا بس عادية والليان فيها شوية ..يعني ما مايعة عشان تتلحس |
كدى زحو لي النقعد جمبكم 
| |
 
|
|
|
|
|
|
|
|
Re: المنقة (Re: محمد البشرى الخضر)
|
Quote: يا عوض يا عمك
المثل بقول ادي العيش لخبازه, و حبيبها خبير خبيز وكدا |
يا زول حبيب بقي يجليها واقفة ما تعتمد عليه
هسي تاني في امل في العجب يخيب اقوان زي زمان ؟ حبيبها كرتة فكت
| |
|
|
|
|
|
|
|
|
|
Re: المنقة (Re: محمد عبد الماجد الصايم)
|
يا جماعه اها المنقة اخبارها شنو ؟
شيخ العوض تخلينا نتمطق ساكت محل طرتا ماعرفناك!!
بعدين ود الباوقة ومحمد المسلمى الظلاميين ديل وجودهم غير مرغوب فيه
بتعاملوا مع المنقة بعنف وسادية فظيعة ، تلقى الواحد مجحم فى المنقه وهى معروضة
وجارى فيها نور طويل تقول يقدها ،المثل بقول ليك ما تلولح كرعيك قبل ما تركب
يعنى اول شى اقتنيها و بعدين اتعامل برفق معاها...
من الحاجات البايخه فيهم بقعدو يعفصوا فى المنقه ويعصروا فيها لما ترقد خل ما معقول..
هى المنقه الزول بعصرها لكن ما بالفظاظة دى
ما بتعرفوا بشويش انتو؟ عصير المنقه ده شىء اشبه بالقردنه
حاجة كده باطراف الاصابع .. وحتى لما تجى تأكل برضو ما تكجم كجم
يعنى خلى وقعك عليها كوقع حلمات الشفاه على ظامى الخدود ، بنفس الطريقه
البتبوس بيها طفل مولود ياخى دى منقة ما عنكوليب عشان تشفط ...
اها وشوف الحته المهمه الكرف حقهم مؤذى ياخى خلى ريحة المنقه تجيك
من بعيد استنشقها بتلذذ ، ماتقوم تدس انفك فى قلب المنقه ياخى ..
اقول ليكم حاجه ما عندنا منقة زاتو ممكن تفرتقوا غير نماسوف عليكم،،،
| |
|
|
|
|
|
|
|
|
|
Re: المنقة (Re: صديق الموج)
|
شيخ العوض
اسبشلي ريكوست
بالله يومي الانزل الخرطوم تشرفني في بيتي
ومعاك كرتونتين منقة
واحدة ابو سمكة
والثانية دبشة
الوصية في ذمتك
يوم الانزل ....
لانو شكلك منقاوي كبير
رد على التلفون يا اخ ...
| |
|
|
|
|
|
|
|
|
|
Re: المنقة (Re: ود الباوقة)
|
شيخ العوض سلام
مداخلتى دى هاك ليها:
،Quote: طارق جبريل وحبيب نورة بالله يجب ان توغلوا برفق
خلو البوست ياخد ليه اسبوع كرهتونا المنقة زاتو!!
ديل شنو الاوغاد ديل ؟؟
العوض اسمع كلامى دهـ خليك من الاولاد قليلات الادب دول
شيخ العوض المنقه دى داير تستمتع بى اكلها يجب ان تستوفى الشروط
اول شى المنقه جنى وجن الزول البياكل المنقه وقافى ..
المنقه بتدور الجابرة السرير يكون ماهل والمكيف ضارب فيك
اول شى المنقه بتبقى ساقطه وكلما بردت بتزيد حلا..
تجى لقريف المنقه وده امتع من الاكل زاتو
براحه براحه جنبه جنبه وقطعه قطعه
اها المسكه مهمة جدا يا العوض
لازم تملى فيها يديك الاتنين عشان كان فلتت من يديك بتقع منك
اهم شى اللحس يعنى لابد مره مره تلحس ... يعنى ما طوالى
تلحس ايديك (يا اصلحكم الله) ايديك قلنا
اخر شى تجى للكد لازم تكدها لامن تبقى بيضاء تسر الاكلين...
اهم شى المنقه ما تكلفتها تكدها بجنباتها الاربعه لما هى زاتا تتكيف
اخيراً هنئياً مرئياً شيخ العوض وبقيت الكدادين بالمنبر،،، |
| |
|
|
|
|
|
|
|
|
|
Re: المنقة (Re: صديق الموج)
|
Quote: شيخ العوض
اسبشلي ريكوست
بالله يومي الانزل الخرطوم تشرفني في بيتي
ومعاك كرتونتين منقة
واحدة ابو سمكة
والثانية دبشة
الوصية في ذمتك
يوم الانزل ....
لانو شكلك منقاوي كبير
رد على التلفون يا اخ |
ود الباوقة انت المنقة برضو بتمص مثنى وثلاث ورباع؟؟
| |
|
|
|
|
|
|
|
|
|
Re: المنقة (Re: صديق الموج)
|
Quote: شيخ العوض المنقه دى داير تستمتع بى اكلها يجب ان تستوفى الشروط
اول شى المنقه جنى وجن الزول البياكل المنقه وقافى ..
المنقه بتدور الجابرة السرير يكون ماهل والمكيف ضارب فيك
اول شى المنقه بتبقى ساقطه وكلما بردت بتزيد حلا..
تجى لقريف المنقه وده امتع من الاكل زاتو
براحه براحه جنبه جنبه وقطعه قطعه
اها المسكه مهمة جدا يا العوض
لازم تملى فيها يديك الاتنين عشان كان فلتت من يديك بتقع منك
اهم شى اللحس يعنى لابد مره مره تلحس ... يعنى ما طوالى
تلحس ايديك (يا اصلحكم الله) ايديك قلنا
اخر شى تجى للكد لازم تكدها لامن تبقى بيضاء تسر الاكلين...
اهم شى المنقه ما تكلفتها تكدها بجنباتها الاربعه لما هى زاتا تتكيف |
رغم انك متربي في المدن ولكن طريقتك تقليدية خااااالص !
انت ما شفت خواجة بياكل ليه في منقة ؟ يا زول ديل اول شئ بكملوا النقة مع المنقة وبعد ان تتلبد الاجواء بالسكينة تبدأ مرحلة الاكل ,
والاكل موش ختف زي البسوي فيه ودالباوقة ده اكل بمزاج ويصل محلة اكلك منين يا منقة ..
وما تنسي المنقة ذاتها عندها طقوس لازم تتخت في مكان محدد وبصورة تليق بيها وبين الأكل لها ..
ولحدي ما تصل مرحلة الاكل لازم تمسح علي خدودها برفق وتلمس قشرتها بومانسية ( ما خواجة )..
وتلقي الخواجة بعاين في المنقة يصنقع ويدنقر تقول عاوز يصورها !!
| |
|
|
|
|
|
|
|
|
|
Re: المنقة (Re: العوض المسلمي)
|
| Quote: والاكل موش ختف زي البسوي فيه ودالباوقة ده ا |
اخي منقاوي
كنا في الاجازات المدرسية نذهب الى نادي المخازن بالباوقة
للمسامرة
وعند رجوعنا الى منازلنا نمر بجنينة عمنا عبد الرؤوف وبها
كل انواع المنقة تقريبا . يقوم كل واحد منا بتسلق شجرة
من اشجار المنقة انا دائما اتسلق المانجو من نوع الزبدة
لانها خاليه من الالياف وسهلة الكد
غالبا يكون ذلك في الليالي القمرية حيث يكون لون المنقة
مع ضوء القمر لون واحد
مما يضطرنا لعصرها عصرة خفيفة حتى نعرف المستوية من غيرها
ايام والله
ليتها تعود
شكرا شيخنا منقاوي
| |
|
|
|
|
|
|
|
|
|
Re: المنقة (Re: ود الباوقة)
|
رائت فيما يري النائم ان احد البورداب اتي الي ليلا وقال انه متابع هذا البوست وبخبرته في المنقة وحلاوتها وانها لمن تعود عليها فسيكون مدمنا لها كحالتي كما قال واهدي الي قطعة منقة لم اتذوق طعما مثلها من قبل بل وجدت فيها الياف تكاد تظهر من فوق قشرة المنقة وعشت مع هذه المنقة احلي لحظات ,,حاي قام رفيقي بايقاظي با صلاة الفجر قد جاء وقتها وعليه انا شاكر للجميع حسن ضيافتهم وحضورهم لهذا البوست الحبيب الي نفسي ... والي لقاء في حديقة اخري مع ثمرة نستسيغ طعمها ونستمتع باكلها .. كونوا بالف خير .... مع محبتي للجميع
| |
|
|
|
|
|
|
| |
العوض المسلمي
محمد عبد الماجد الصايم
صديق الموج
فيس بوك
تويتر
انستقرام
يوتيوب
بنتيريست