|
Re: أغرب الكتابات في البورد(أمثلة وتعليقات) (Re: PLAYER)
|
Quote: لماذا لم تحظ خطوات الملك عبدالله فى تحرير المرأة والمجتمع بالإهتمام اللازم هنـا؟
هـذا الرجل يسيـر، منذ تولى السلطـة فى إتجاه الإصلاح والتجديد فى المملكة، وما أقدم عليه أخيراً بإفتتاح جامعة تتمتع بأفضل ما عند الغرب فى حرية البحث العلمى لا يمكن أن يقاس بأى عمل سبقه اليه أحد.. وصار الأن وجها لوجه أما أخطبوط الجهل والتخلف الذى بيسيطر على المجتمع السعودى. فلماذا يلوذ التقدميون والمستنيرين هنا فى المنبر بالصمت الرهيب، حين كانوا ينشرون أى تجاوز لحقوق الإنسـان فى المملكة.
الإجابـة المـرة: لأنهم يتمنون فى قرارة أنفسهـم أن لو أستمـر الملك فى نهج التخلف، حتى يظهروا هم تقدميين. بئس الطالب والمطلوب.. هـذا لا يدل على مبدأ، وإنما يدل على حب السلطـة. ولو كان المبدأ هو تحرير المجتمـع والمرأة، فيجب على الكل وضع أيديهم على يد كل من يسيـر ويدعم هـذا الإتجاه. |
لماذا لم تحظ خطوات الملك عبدالله فى تحرير المرأة وال...إهتمام اللازم هنـا؟ لان الملك عبد الله بيحكم المملكة العربية السعودية و ليس جمهورية السودان والأصلاحات في بلدو ولنسوانو..دا داير ليهو درس عصر.....عالم بتقابض ساكت.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: ومرّة اخرى اجزل الشكر لى ناس الاراضى
قوبلنا بكل ترحاب وقدمت لنا القهوة والحلوى والبلح ,,والكل هاشا باشا وتمت الاجراءات بكل سرعة وسهولة دفعنا واستلمنا عقوداتنا مرة اخرى لكم من الشكر اجزله يا ناس الاراضى |
ومرّة اخرى اجزل الشكر لى ناس الاراضى ياني لازم تمغص الناس الما ادونهم واطة وقابلوهم بالتكشيرة وموية الله ما أدوهم وطالبوهم يثبتوا انو سودانين....ياني كان لازم تورينا انو علاقتك مع الناس ديل سمن علي عسل...ياني لازم تفضحهم وبالصورة كمان انو بعاملوا الناس عجور وطبش(خيار وفقوس عند الحناكيش) ....عالم ما تسكت ساكت.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
الاعزاء نعيم يا أهلآ وسهلآ...انشاء اللة دائمآ مستمتع...بس أوعك الناس المامستمتعين يسمعوك...... تبلدينا واللة فعلآ اتعصرنا لكن لسة عندنا شوية لياقة للمواصلة ...بعد شهر بنكون بنكون قربنا نشطب...لكن بنواصل نقل البوستات هنا حيدر ولا يهمك بنقلل لحدي ما ننتهي...لكن معقول الناس ديل ما سوي شي يشكرون عليهو...طيب نبذهم للكعب العملوهو.... شكرآ لكم جميعآ
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: نظرية التطوير والتجديد في المنبر (من اجل منبر متطور)
كلنا تعودنا علي هيكليةوشكل المنبر في صورته السابقة ,,
تعودنا عليها واصبحت كانها من الثوابت التي لا يجب تغييرها,,
ولكن هل يظل المنبر هكذا الي الابد ؟
اقول وهذا رايئ لا,,
لابد من ان نتطور ويتطور شكل وهيكلية المنبر او اي مكان نعيش فيه ,,
فالعالم كله في حالة تغيير وتطور فلماذا يظل هذا المنبر ساكنا,,
والي متي..؟؟
سايكلوجيا اي تغيير او تبديل يجد في البداية عدم قبول ,,
ولكن مع مرور الوقت يعتاد الانسان ويتقبل ذلك بل ويشارك فيه,,
ومن رايئ ان كل ما جد من تغييرات لم ياتي من فراغ بل اجذم ان قد سبقته دراسة متانية,,
احداها قصيرة واخرى بعيدة المدى ,,
ولا اظن ان ردة الفعل هذه الا اول اضاءة نحو نجاح الفكرة والتخطيط والتنفيذ ,,
واظن ان الادارة قد وضعت ذلك في الاعتبار للاستفادة من كل رائ كتب في ذلك,,
لنعطي الاخ بكرى الفرصة كاملة لتقييم التجربة نحو التطوير والتجويد,,
ولنكن معه مساندين حتي تكون سودانيزاونلاين في المكانة والشكل الذى نريد ,,
كاملة التميز في كل شئ..
ولي عودة دون التفاصيل... |
نظرية التطوير والتجديد في المنبر (من اجل منبر متطور) الحاصل في البورد ما تطور...دا اسموا تغير شكل البورد ...والتغير نوعين...نحو الأفضل او نحو الأسوة...الثانية ياهو الحاصل في البورد....عالم تذغرد وماعارفة انوا بكا.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: ما قادر إتخيّل إنُّو دة أنا - معقولة بس !!!!؟
عضو في المنبر العام مركِّب مكنة متنوضل 55 سلندر فور ويل درايف فٌل أُتوماتِك إنجكشن فاكِر نفسو مُناضِل و يضع صورة المناضِل الإفريقي نلسون مانديلا في بروفايله أكيد بيسألوهو بيقولو ليهو وين مكانك من الإعراب؟ حيقول: أنا مناضل كبير. - وين اللخو؟ يعني في ياتو حزب و ما هو برنامجك النضالي حيقول: أنا مناضِل في سودانيز أون لاين ، و برنامجي ثااااااااااااااااااااااابت (كوبي بيست) الودعامِل فيها معّاط و خلاااااااااااااااص مقطِّعة للجماعة في راسم و ما عِندو كبير و راسو نظام صخرٌ جلمود و كدة و حكمتو إنو لا يُشارِك من يناكفهم رأياً سديداً أو عقيما بس فرمالة يختارها بعشوائية قوقلية غبِيّة زهرة ، كلام ركيك ، نقطة أي حاجة زي ما تجي تجي شايفو ليهو زمن و ما شغّال بيهو خالص خالص لا قبل ما يترفد ولا بعد ما رجع بس قدرو جابو في سكتي هبش ليهو بت ناس و بتلميحات غريبة و إيحاءات مٌقرِفة و أصبحت شغله الشاغِل ما يشوف ليها بوست و إلا تووووووووووووووووشك في نصو و يجدع جدعتو و يبقى متخارج لحين عودة بذات الجدعة أها الحركة دي ما عجبتني يعني كيف يعني كمان يصل مرحلة إنو يطاعن البنات بكلمات مُضلِّلة؟ بعدين هبِش زي دة زي الهبشني أنا أها و شعاري البقول (العين بالجوز و السِن بالطقِم كلللللللللللللللللللللللللللو و البادي حقُُو راح) لازم يتم تفعيله في مثل هكذا حالات و بعد فتوحي ليهو الزمان داك كلللللللللللللللللللللو و إعتباره سابقاً لا يُشكِّل بعباطاته أي حاجة بالنسبة لي ، و لكن ........... و بسبب ما حدث منه وهو حدث لا يمت للأخلاق و لا للأعراف و لا للتقاليد و المجتمعات السودانية بِصلة من زول فاقد البوصلة فجعلته هدفاً و ختيتو في راسي و لقيت إنو أحسن سلاح هو توجيه بارجاته الصدئة المثقوبة و نيرانه الباردة و أسلحته القذرة إليه ، و قد كان. لكن ما لم يكن في حسباني إنو أنا أتقمّص هذا الدور بهذه الطريقة المُريعة البشِعة لدرجة إنو أنا حاسي هسي بإمتعاض شديد جداً من روحي و إنو فُتُّو في المعِط و العبط لدرجة إنو هو ذاااااااااتو روحو إتشحتفت و بقى يشوفني رهاب رهاب و أصبح دائم التذمُّر مني و من مداخلاتي و أجمل ما في الموضوع إنو بقى يتّهمني كل التُهم المتهوم هو بيها و هي تُهمة تخريب البوستات و حرفها عن مسارها و كوبي بيست في الفارغة و المليانة و أصبح يستجدي "الوطنيين" بتاعنو حسب تعبيرو و مفهومو للوقوف ضد هجمتي الشرسة عليه كما بدا عليه حاله و ياخي واللهِ حسّيت ليك بنفس إحساس الزول المشى لبتاع العرايض يقدِّم شكوى في المحكمة ضد زول ظلمو ، بتاع العرايض إتقطّع ليهو في صياغة الشكوى ، الراجل قرأ الشكوى بتاعتو بصياغة بتاع العرايض و قعد يبكي و يبكي و يبكي ، سألوهو مالك يا زول في شنو؟ قال ليهم بالله دة أنا؟ معقولة بس ؟ دة كللللللللللللللو حاصِل لي و أنا ما حاسِّي!!!!!!!؟
أها أنا هسي جاني نفس الإحساس دة بعد ما معطّتة الزول المعّاط دة لمن بكى و شكى أتاريني أنا معّاط كدة؟ معقولة بس!!! |
ما قادر إتخيّل إنُّو دة أنا - معقولة بس !!!!؟ ناس المنبر العام متاكدين دا انت لانو ما زول بيعمل عمايل زي دا غيرك...الناس ما متخيلة انو تكون فرحان جدآ بالعملتوا دا....ناس ما بتفتخر بالعمايل البيضاء ........وأخرون يفتخرون بالعمايل السوداء....وكمان علني.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: أريد أن أختار إسم شركة أسفيرية .. ساعدونا بخبراتكم فى أختيار الأسم المناسب
أولاً لا أريد أن أسس أىّ شركة الأن .. لكن فى نفس الوقت عايز الأسم يكون أسم شركة مستقبلية .. وسوف أوريكم السبب: أريد أن يكون الأسم يحمل المواصفات التالية:
- سهل لناس السودان والدول العربية - سهل للأمريكان ..
- يكون الأسم يدل أن الشركة شركة برمجة .. يعنى ربما يدخل فى الأسم كلمة Professionals, Developers Designer, Web Developer, Programmer وهكذا ..
- ربما يكون إسم علم .. مثلاً Sun .. ويحتمل إسم أنسان أو حيوان أو نبات .. لقد أخترت ضمن ما أخترت إسم Dombaya Systems والديمبويا .. هى شجرة معروفة فى كردفان.
- أن لا يحمل الأسم أسم أمريكا أو السودان ..
نوريك بعض الخيارات التى أخترتها ..
DevArts DevApps DevProf
DevTeam
ProfessionalDeveloper
Advanced Techs
Nilcom nilotica
وهكذا وكل هذه الأسماء وغيرها .. فترة يعنى فتر عدييل كلها مسجلة أو محتفظين بها ..
هنا أكبر شركتين لتسجيل الدومين نيم .. www.godaddy.com www.register.com
وأىّ أختيار الواحد فيكم يختاره أرجو أن يتختبره هل هو موجود أم تم أخذه ..
الغرض الأساسى .. إننى أريد أن تكون الصفحة خاصة بى فى هذه الفترة وأضع فيها خبرتى العملية ..
وأعدكم كحافز لكم ولى .. سوف أعمل صحفة للجميع.. أى أنسان يمكن أن يرفق سيرته الذاتية.
يلا أيدكم معانا ولن يضيع الله أجر عامل ..
والشكر لكم مقدماً
بريمة |
أريد أن أختار إسم شركة أسفيرية .. ساعدونا بخبراتكم فى أختيار الأسم المناسب ما دام حضرتكم جهز كل حاجة حتي الأسم جهزت أكثر من واحد..طيب فاقع مرارتنا بالبوست دا مالك ياخ....ما تختار اي واحد وتريحنا...والله داير توري العالم انك حتعمل شركة...عالم غريب ...تحب تتمظهر باي طريقة.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: الساده اعضاء المنبر ومتصفحية
تحياتي وسلامي احساس غريب ينتابي وانا في المنبر في الفتره الاخيرأن هنالك مجموعات بعينها تتداخل مع بعضها البعض في جميع البوسطات لهم كل الاسماء متكرره في كل بوسط احساس شله اتفاق لا اعرف المهم اننا نكتب وننزل بووسطات محاولة منا في طرح ما نحمل من افكار او ما يدور في خواطرنا من احساس ولكن ليس هنالك من مهتم او راد لنا بنصف كلمة وانا ليس وحدي لكن هنالك اخرون تندثر بوسطاتهم تحت الارشفة وطي النسيان لا احد يهتم لا اذا كان البوسط يحمل صور وتم التنبيه الي ذلك في العنوان اما هنالك من هم يردون علي حسب الانتماء السياسي والرياضي والنوعي وانا اقصد اذا كان كاتب البوسط (ذكر او أنثي ) هل هذه الطريقة المثالية لتعاطي ما يفكر او يكتبه الاخرون الانتقائية الكاملة؟؟؟ هنالك اسماء بعينها لها شعبية كبيره جدا تجد البوسط بعد نزولة بساعة وصل الي اكثر من ثلاثمائة مشاهدة وعشرين رد وتجد الموضوع لا يرقي لذلك الكم الهائل من الردود والمشاهدات حاولت ان اصل لذوق الاخوة الاعضاء والزائرين بانزال بوسطات في الفن - نثريات - كورة - اخري - من كل الطبقات والامزجة والنتيجة واحدة هي عدم التصفح والرد عليك بجيد او سيئ ؟؟؟ لان اسمي ليس مشهور او يدل شي(سياسي - رياضي - او نجم في اي شي ) نتمني ان يحاول الاخوه الاعضاء تغير الفهم العام لقراء المنبرية والردود علي المواضيع وعدم الزج بالامزجة والانتماء والمعرفة الشخصية لحوار داخل المنبر نجعل المشاركة اساسا لمحبة والتعارف وليس الخصام وهنالك كثر تركوا المنبر واخرون في الطريق لاسباب اعلاه مع ودي وسلامي |
هل انت راضي عن طريقة التصفح لمنبر عن طريق الاسماء وليس ...ناوين والمضامين ؟؟؟؟ شفت جنس الكلام الزي دا يــــاهوا البطفش الناس من بوستاتك ويكرهم اي حاجة باسمك....صلح كلامك وحسن مواضيعك اولآ...عالم تكتب حاجات عجيبة وتكورك وتلوم في الأخرين.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
PLAYER كل انت راضي عن كتاباتك في المنبر ؟؟؟
بنسخ ما قال الناس وتحليلة بصورة فكاهية انت لديك فكرة اصلاح المنبر وانا لدي نفس الفكرة انت تصلح بفكاهة وتطلب تغير وانا اوجهة الاشياء بصورة مباشرة و اطلب تغير
كتاباتي سئية لم لم تدخل وتعلق عليها فقط تنسخ وتلصق حتي الاخبار هل هي البوسطات الناجحة عندك لص ونسخ ؟؟؟ مثلا:- عجائب وغرائب وطرائف الآخبار
مع ودي وسلامي وتمتد الرؤيا بعد الرؤيا الي الابد
| |
|
|
|
|
|
|
Re: أغرب الكتابات في البورد(أمثلة وتعليقات) (Re: محمد ابو القاسم)
|
المحترم محمد تحية طيبة
Quote: PLAYER كل انت راضي عن كتاباتك في المنبر ؟؟؟ |
نعم.........راضي عن البعض وغير راضي عن أخر ....الكمال لله
Quote: بنسخ ما قال الناس وتحليلة بصورة فكاهية انت لديك فكرة اصلاح المنبر وانا لدي نفس الفكرة انت تصلح بفكاهة وتطلب تغير وانا اوجهة الاشياء بصورة مباشرة و اطلب تغير |
نتشابه في الهدف ونختلف في الطريقة...اتمني ان تفكر مرتين في طريقة المواجهةالمباشرة من ناحية السلبيات والايجابيات ........بعدين مادام انت عارف انو قصدي أصلاح البوست...زعلان مالك?
Quote: كتاباتي سئية لم لم تدخل وتعلق عليها |
لم اقل ان كتاباتك سيئة...لقد قلت ان ذاك البوست غريب لانك بتهاجم الجميع بدون تحديد ..الذي تشتكي منو الحل بسيط جدآ.......وفي يدك.
Quote: فقط تنسخ وتلصق حتي الاخبار هل هي البوسطات الناجحة عندك لص ونسخ ؟؟؟ مثلا:- عجائب وغرائب وطرائف الآخبار |
كل شي في البورد فن وذوق وحسن أختيار الموضوع والاسلوب(واحيانآ التوقيت المناسب) لجذب القراء والمشاركين سواء كان الكتابة ام القص واللصق للاخبار او الاغاني والفيديوهات...اما في بوست(عجائب وغرائب وطرائف الآخبار)...فالأخبار وليس القص واللصق هو سبب جاذبيتها للقراء....أذن القص واللصق وحده ليس ضمان لنجاح البوست.........وكذلك الكتابة او الطرح.
Quote: وتمتد الرؤيا بعد الرؤيا الي الابد |
هذا هو الاهم
تسلم يا غالي ملحوظة الظاهر انك ما فهمت تعليقي لبوستك ...كدا ارجع ليهو وبرواقة اقراهو..بتلقي الحل لموضوعك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: يااخوانا ساعدوني ، اسمي محيرني، والعارف معناه ومعلومات عنه يلحقني بيها
فقت الي هذا العالم وانا احمل هذا الاسم( اليسع) فلقد سماني والدي الله يطول في عمره ويمتعه بالصحه والعافيه بهذا الاسم وحينما سالته عن سر ومعني هذا الاسم قال لي بأنه أسم احد الانبياء وان اسمي مذكور في القرآن في احدي الايات من احدي الصور ولكنه لم يتكرم ويعلمني معني الاسم او الي اي مله بعث هذا الرسول او هذا النبي. للحقيه ينتابني شعور غريب حينما أسال عن معني اسمي ولا اجد لذلك اجابه
فالرجاء من كل المتصفحين والمتداخلين العالمين ببواطن الاسماء ومعانيها مدي باي معلومه في هذا الشأن. واكون للحظ دوام شاكر |
يااخوانا ساعدوني ، اسمي محيرني، والعارف معناه ومعلومات عنه يلحقني بيها عندي أحساس بانو في علاقة قويية بين البوست دا والمثل القائل:لما شاب ودوهو الكتاب...........يا ربي العلاقة شنو?
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: احب الزلابية زاتو .. توجد صور واشياء اخرى !
كمان الصور عندها زلابية !
اقصد الزلابية عندها صور ؟
بالمناسبة الموضوع ما عندو اى علاقة بعنوان البوست
يعنى العنوان في بلد والموضوع في بلد وانا في بلد!
ياخ البوستات دي بى قروش ؟ |
احب الزلابية زاتو .. توجد صور واشياء اخرى ! يا بكري المفروض تعمل امتحان لكل الأعضاء...اي زول ما حافظ جدول تلاتة ومابيعرف الفرق بين الواو الضكر والواو الانتاية تشطبوا من البورد...يا أهلنا لو الواحد فارقة او قافلة معاهو او طايرة ليهو ما يجي يعكر مزاجنا في البورد...نحن عارفين انو البوستات ببلاش لكن مزاجنا بنظبتوا بقروش.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: تمبلة لبنى !!! حسي في ذمتك دا موضوع راجل بشنب ودقن وفي العشرة الأواخر من رمضان يشغل بيهو بالوا وبال الأخرين
|
بلير ..! كيف حالك ؟ ما دخل شنبى وذقنى وهيئتى بما أكتب هنا؟؟ وما علاقة رمضان بما يكتب هنا ؟ ألم يكن هناك من يبشر بالمسيحية فى العشرة الآواخر من رمضان ؟Quote: كل شي في البورد فن وذوق وحسن أختيار الموضوع والاسلوب(واحيانآ التوقيت المناسب) لجذب القراء والمشاركين سواء كان الكتابة ام القص واللصق للاخبار او الاغاني والفيديوهات... |
أليس هذا كلامك ؟ أعنى بالتحديد ما بين القوسين والقوسين ديل عاملم إنت !!
| |
|
|
|
|
|
|
Re: أغرب الكتابات في البورد(أمثلة وتعليقات) (Re: صلاح أبودية)
|
مرة أخرى لك التحية ! ومن غير زعل برضو إنت فى ناس هنا أفرغ من الفارغة وبوستاتم كلها هبل وعبط وجوفاء مليئة بالأزهار والصور المستفزة والفيديوهات أراك تتجنبهم .. أين ذهبت شجاعتك فى النقد مع هؤلاء ؟ ــــ بوست مفيد .. لو بقى شامل وموضوعى فى النقد!!
| |
|
|
|
|
|
|
Re: أغرب الكتابات في البورد(أمثلة وتعليقات) (Re: صلاح أبودية)
|
المحترم صلاح يا الف هلا بيك
Quote: ما دخل شنبى وذقنى وهيئتى بما أكتب هنا؟؟ وما علاقة رمضان بما يكتب هنا ؟ |
كلامي انا ما قاصد هيئتك...قصدت بيهو الجندر ياني راجل يركز حديثه في الحتة ديك عند المراة ويلفت انتباه الاخرين ليهو..ما ظريفة وخاصة في شهر رمضان...المفترض في نظري انو الكتابات تراي حرمة الشهر. علي قول المتنبي: لوكان ما بي من حبيب مقنع لعذرته...........ولكن ما بي من معمم
Quote: أليس هذا كلامك ؟ أعنى بالتحديد ما بين القوسين والقوسين ديل عاملم إنت !! |
انا مقتنع ومؤمن بالكلام داك...وحسب فهمي للبورد دا من أكبر العوامل المساعدة لنجاح البوستات........نعم توقيتك سليم لكن هل اختيارك للموضوع موفق?
Quote: ومن غير زعل برضو إنت فى ناس هنا أفرغ من الفارغة وبوستاتم كلها هبل وعبط وجوفاء مليئة بالأزهار والصور المستفزة والفيديوهات أراك تتجنبهم .. أين ذهبت شجاعتك فى النقد مع هؤلاء ؟ |
الحكاية مع بوستات كثيرة مش عدم شجاعة او جبن او مجاملة(الجداد بنمرر ليهم بوستين عشان ما نهبطهم من البورد في بدايتهم)...لكن غير كده الا اكون ما شوفتوا(من حقك تشير عليهم او قول وينهم)... عندي ناس عزاز جدآ علي ما خليت بوستاتهم...الشعار هو:المصلحة العامة قبل الخاصة.
Quote: بوست مفيد .. لو بقى شامل وموضوعى فى النقد!! |
تحت أمر:بس قول كيف يكون مفيد أكثر....او قول لي أعمل شنو يا ريتك توريني وتشرح لي كيف أخليهو أكثر شمولية وموضوعية.. شكرآ جزيلآ للصراحة الشديدة .
| |
|
|
|
|
|
|
Re: أغرب الكتابات في البورد(أمثلة وتعليقات) (Re: HAIDER ALZAIN)
|
الاعزاء نعيم تسلم يا غالي
حيدرQuote: هسع بوست عمران بتاع تاجير التاكسي مشكلتو شنو ؟! |
مشكلتو انو بتكلم عن تاكسي هباني مش أفكار هباني...نحن مالنا ومال التاكسي
Quote: أسمع يا عمكــ ما تجيب سيرة للبوستات المعنونة بالاسم والا دافن دقن برضك |
ه ما تخاف علي عندي كادوك خلصني كارب ...وبتاع المحبة شغالين لي فيهو. الله يديك العافية
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: من هــــو بكـــري ابوبكــــــــر؟؟؟
الاخوة الاعزاء لا يشك احداً من ان سودانيز أون لاين منارة ٌ من المنارات التى ساهمت في عكس وجهات النظر الفكرية و المختلفة و المتباينة لكل ااطياف المجتمع السوداني وصار الموقع يتربع على عرش وقمة المواقع السودانية وفاقت شهرته انحاء الدنيا واصبح الانضمام له شرف كبير لكل بوردرابي انا في هذا الموقع من العام 2002 . وتعرفت على اصدقاء اتشرف بهم ولاكن للاسف معلوماتي قليلة جدا عن الاخ /(بكري ابوبكر) سيد الحوش ولاحظت انه مروره على البوستات قليل جدا ونادر وكل ما اعرفه عنه انه مهندس سوداني مقيم بامريكيا فهل تكرم الاخ بكري او اي احد نيابة عنه بتعريفنا من يكون بكري وقصة هذا الموقع وكيف جاءت الفكره حتى وصل الي ما وصل اليه .
قرصة صغيرة * ما عارف ليه كل ما اشوف صورة بكري بتزكر الزعيم رقم صفر الزعيم الذي لا يعرف حقيقته احد |
من هــــو بكـــري ابوبكــــــــر؟؟؟ في بروفايلو:أميلو وعنوانو ورقم تلفونو..ياني بالعربي كده رسل ليهو جواب او ايميل يرسل لك سيرتو الذاتية وأحدث صورة ليهو....بعدين من 2002 يدوبك فكرت تعرفوا في 2009....عالم تخلي الملاريا تطلع الراس.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
.. . غايتو كل ما اخش هنا .. واتفقد البوستات وما القى اسمى ولا بوست لى .. بقول الحمدلله .. محافظين على لياقتنا ومستونا ما فى هبوط
_______
عليك دينك رش لى البرالمة البكتتبو بوستات تقول جريدة حائطية فى مرحلة اساس ديل
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: ناس المنبر العام متاكدين دا انت لانو ما زول بيعمل عمايل زي دا غيرك...الناس ما متخيلة انو تكون فرحان جدآ بالعملتوا دا....ناس ما بتفتخر بالعمايل البيضاء ........وأخرون يفتخرون بالعمايل السوداء....وكمان علني. |
علني و فوق راسك كمان عاجبك ولّ ما عاجبك شوف يا زول هوي عايز تعمل مِن مواضيعنا موضوع مافي مُشكلة عايز تتهكّم علينا بنجي و نرد ليك بنفس أسلوبك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: علاء الدين يوسف علي محمد)
|
المحترم علاء الدين
Quote: علني و فوق راسك كمان |
يا ريت لو فوق راسي براي..دا فوق رؤوس الالاف من القراء والأعضاء...رفقآ بهم.
Quote: عاجبك ولّ ما عاجبك |
أكيد ما عاجبني..وما عاجب ناس كتار غيري...المحيرني انت العاجبك فيهو شنو?...ولا الحكاية القرد عند امو غزالة.
Quote: شوف يا زول هوي عايز تعمل مِن مواضيعنا موضوع مافي مُشكلة |
يا زول هوي موضوع شنو البتعمل من كلامك داك....انت شايف كلامك داك موضوع....والله انت زول متفائل جدآ.............لعلمك المواضيع ما بيعملوا منو مواضيع بستفيدو منو...الماموضوع ياهو البنعمل منو موضوع عسي ولعل ...........
Quote: عايز تتهكّم علينا بنجي و نرد ليك بنفس أسلوبك |
اولآ:ما قصدي التهكم...معليش لو فهمتو كدا ثانيآ:رد لي بالاسلوب البريحك ثالثآ:طول بالك مع الراي الاخر. تحياتي
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
و إشمعنى يا بلير ما جِبتة Sample من حق الزول القادي البورد دة كللللللللللو بصور مقوقلة زهرة بص نقطة صور تركيب و المنبر نصو بيكورك مِنُّو وهو الزول اللي بسببو أنا فتحت بوستي كيل بمكيال العدل لو غلطانين نقيف معاك لكن طريقتك و إنتقائيتك تتحكم فيها أهواءك و ناساتك لذلك لا تصلُح لتقييم أمر المنبر عليه تاني بقول ليك إتناول أي كلام بنقولو مافي مُشكِلة تناول صُلب الموضوع و سببو مافي مشكلة غير كدة في مشكلة سلام
| |
|
|
|
|
|
|
Re: أغرب الكتابات في البورد(أمثلة وتعليقات) (Re: علاء الدين يوسف علي محمد)
|
المحترم علاء الدين
Quote: و إشمعنى يا بلير ما جِبتة Sample من حق الزول القادي البورد دة كللللللللللو بصور مقوقلة زهرة بص نقطة صور تركيب و المنبر نصو بيكورك مِنُّو وهو الزول اللي بسببو أنا فتحت بوستي |
والله ما عرفتك قاصد منو.......لو انا قريت له شي ما موضوعي بجيب لك خبرو...ولو ساعدتني وجبت لي واحد من كتاباتو الغريبة تكون ما قصرت.
Quote: كيل بمكيال العدل لو غلطانين نقيف معاك لكن طريقتك و إنتقائيتك تتحكم فيها أهواءك و ناساتك |
والله الحكاية ما انتقائية ولا أهواء ولا ناسات لانو أصحابي ما خليتهم...الحكاية ببساطة انو ما بقدر اخش في كل البوسات...وكمان في كتابات عناوينو موضوعي وانا مرات ما بخشها...ياهوا بحاول بقدر الامكان ان لا اظلم زول.....
Quote: لذلك لا تصلُح لتقييم أمر المنبر |
تعرف تقييم البورد ما ساهل لكن تقييم بعض الكتابات أسهل شويه...انا قصدي الفت النظر فقط...اما مهمة أصلاح الكتابات والتي تقود الي أصلاح البورد دا مسئولية كل منا......
Quote: عليه تاني بقول ليك إتناول أي كلام بنقولو مافي مُشكِلة تناول صُلب الموضوع و سببو مافي مشكلة غير كدة في مشكلة |
أحيانآ يصعب فهم صلب بعض المواضيع....عشان ما يحصل سوء الفهم فعلي الكاتب ان يوضح مقصده........أنشاء الله ما تحصل اي مشكلة. تسلم
| |
|
|
|
|
|
|
Re: أغرب الكتابات في البورد(أمثلة وتعليقات) (Re: walid shingrai)
|
المحترم وليد
Quote: يا player الواحد يعمل شنو عشان ما تكتب عنه |
ما تكتب برلوم3
خليك متابع بلقي نفسك جوه قريب...آصلك ماشي كويس مكنتنا ما خفت بس الناس بقت حريفة في الكتابة.... بنمشي السوق وبالله الله عشان نلقي بوست غايتو اذا الحالة استمرت كدا الا نشوف شغل تاني...
| |
|
|
|
|
|
|
Re: أغرب الكتابات في البورد(أمثلة وتعليقات) (Re: عاطف عبدون)
|
المحترم عاطف
وعليكم السلام
Quote: ياخي انا محيرني زول اسمو معاويه الزول دا بلقاهو في اي بوست وما حصل لقيتو مره كاتب جمله مفيده ولو بالصدفه يبدو انو في سباق لي جمع اكبر عدد من المشاركات حاول تركز علي مداخلات الزول دا |
في ناس في البورد بفتكروا ان الشهرة في البورد بكميات المشاركات...وبعتقدوا بان أسهل طريقة لكسب الصداقات هي الرد في بوست(عامل فيهو أجتماعي جدآ)...ناسين انو الردود الماموضوعية دا بخلي سيد يكرهو...وان حب واحترام الناس لا تنال الا بالكتابات المفيدة...
Quote: وفي زول اسمو مين كدا تاج السر ياخي دا لو بت قحت ساي بجي داخل وبرص كلام نوع الكنا بنكتبو في المتوسطه في دفاتر الذكريات (كلامك المعسول ارهق دواخلي وذبحني من الوريد الي الوريد .... الخ ) |
والله ضحكتني....انت عارف دا النوع البكره البنات يكتبوا المواضيع(بعرف كم واحدة في البورد بكرهن النوع الزي دا موت)..لان ردودو ما ليهوا علاقة بالموضوع...ودائمآ بحول النقاش لونسة فارغة لا بتودي ولا بتجيب ...ما عارف زي دا يسمو مراهق كبير ولا ..... حتي لو فرضنا انو الواحد كايس بت الحلال دا ما الطريقة الصحيحة..المسنجر احسن بكتير.
تعرف بعد كدا حاجيب الردود الغريبة والعجيبة والماموضوعية في البوست هنا واعلق عليهوا شكرآ لك
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: توضيح نهائي
اقسم بالله العظيم ان هذه الفرية كلها كذب في كذب
وكان هذا العمل المنظم من عدة اعضاء يمثلون اتجاها معينا وواضح في هذا المنبر
واتصل بي عدد مقدر من الاخوة الكرام بهذا بهذا المنبر وهم يؤكدون لي تفهمهم
لموقفي الواضح ولقد طلبوا مني التوقف نهائيا من المداخلة في هذا الموضوع
واحتراما مني لرايهم الذي اجله اعلن انني لا ولن اتداخل او ارد علي هذه العناصر المدفوعة الاجر
وسوف لن اعطيها الفرصة للقيام بما هو مطلوبا منها
هذا وعدا مني وسف انفذه .............................................................. المسائل دي مافيها هظار ولا من مصلحتي اني اخلي سيرتي على كل لسان ودا ما معناه انو نحن نسكت على الغلط لكن اقول ليك حسبي الله ونعم الوكيل فيك وارجى الراجيك لو بتعرف قيمة الدعاء دا واليك به
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
اللهم يا منان يا منتقم يا جبار اصيب هذا الرجل في عرضه وسلط عليه من يهتك عرضه حتى يعرف معنى ان يتحدث عن عرضك فيمن يحبهم اكثر
وحسبي الله ونعم الوكيل ...............................................
Quote: ساري الليل says: عملو معاك شنو Mayada kamal„ says: سياتك ما شايف المنبر ولا ما بتعرف تقرا ساري الليل says: انا مابقرا ساكت انتي وريني حقيقتك شنو Mayada kamal„ says: حقيقة شنو ساري الليل says: هل عندك علاقة غير شرعية باحد Mayada kamal„ says: يا وقح دي شنو الوقاحة دي احترم نفسك وشوف انت بتتكلم مع منو ساري الليل says: ميادة انا سيف مساعد بحكي ليك السمعتو وبس انتي اختي واكثر Mayada kamal„ says: سمعت شنو ومن منو ساري الليل says: كان ممكن اسكت واخليك زي الماعارف حاجة Mayada kamal„ says: دا استفزاز جديد منكم ولا شنو ساري الليل says: لا والله من منو ما عاذ الله Mayada kamal„ says: قول سريع طيب منو البتكلم عني اني عندي علاقة غير شرغية ووووو دا كلام سخيف ساري الليل says: كلام كعب انا والله ماقبلتو وسبيت للزول طوالي وقفلت الخط في وشو Mayada kamal„ says: اتكلم قال شنو ما تحرق اعصابي ساري الليل says: لانو عندي اخوات وبنات Mayada kamal„ says: احترم نفسك وما كل البتقال بيتصدق ساري الليل says: عم وبنات خال وبنات عمات وكلو Mayada kamal„ says: يا زفت انت حتتكلم ولا اعمل ليك بلووق واطلع قول الزول قال شنو ساري الليل says: قال انتي ماكويسة والله العظيم صدقتي Mayada kamal„ says: والله انا اشرف منك ومن القال ليك ساري الليل says: عشان كده سالتك Mayada kamal„ says: امشي يا معفنيني انتو ساري الليل says: وعارفك بت رجال Mayada kamal„ says: تلقاك اسع شارب المصيبة البتشربوها دي انا ضفري وشعره في راسي بي قبيلتكم كلها يا وقحين ساري الليل says: عيب ياميادة عيب Mayada kamal„ says: وما عيب عليك الكلام البتقول فيه دا ساري الليل says: انا ود عوج الدرب Mayada kamal„ says: صحي دربك عوج يا ما محترم انتو قايلين كل البنات البتعرفوهم واحد يخسي عليكم يا ما محترمين ساري الليل says: انا سالتك ووصلت معلومة عشان تعرفي بقولو فيك شنو Mayada kamal„ says: القال دا اكيد واحد زيييك كدا ولو انت صدقته انت كمان زيييييييه ساري الليل says: حرام عليك Mayada kamal„ says: تحرم عليك عيشتك ساري الليل says: hkjd ltv,q jqf'd huwhf; a,di انتي مفروض تضبطي اعصابك شويه هم قالو انتي في المقرن حاته الكلوش Mayada kamal„ says: يا زفت انت احترم نفسك واتخارج من الماسنجر دا وتاني ما تخشي معاي ماسنجر غلطانة انا الاضفتك من الاول يا وقح يا ما محترم وديني وايماني انا ما احسكت ليكم Mayada kamal„ says: وان شاء الله طعلوني عندي علاقة مع منو ساري الليل says: عندك صور في المقرن Mayada kamal„ says: مقرن وين ساري الليل says: مقرن النيلين Mayada kamal„ says: صور كيف يعني ساري الليل says: معاك زول في وضع كعب Mayada kamal„ says: تفه عليييييك يا قليل ادب انا بت ناس ومحترمه جيب الصورة لو عندك والزول القال ليك دا اكيد زول زيك يا وقح يا قليل ادب حرام اضيع وقتي مع زول زيكم تاني بحزرك شئ يلمني معاك في منبر مافي ساري الليل says: معليش الايام كفيلة توضح مين مين Mayada kamal„ says: وايااااااااااااااااااااااااااااااك تخش لي بوست او مداخلة واقسم بالله حاحفتظ بالماسنجر دا وانزله ليك بي صمته بي هناك ساري الليل says: انا بت ما محترمة ما عايز معها علاقة Mayada kamal„ says: انا محترمة غضبن عن عين كل اهلك يا كلب العدل والمساواة ساري الليل says: نزليهو عشان نضع النقاط في الحروف Mayada kamal„ says: يلا سلام انا حزرتك تاني تراسلني في الماسنجر حانزل ماسنجراتك كلها بي هناك يلا سلام يا مناضل |
توضيح نهائي لا حول ولا قوة الا بالله..يا عالم اذا بليتم فاستتروا واذا شفتوا البلوة فاستروا وكمان اذا سمعتم ببلوة فاسكتوا ,دا برضوا سترة......عليكم الله ما تبلونا ببلوتكم...والله لو كان ديل شفع باجلدهم جنس جلد........لكن نعمل شنو ديل ناس كبار....رجال اخر الزمن
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: شايفك بتكتب في السخافة الكان بكتب فيها سيف مساعد لي زميلة المنبر ميادة تعال ورينا قاصد ببنات المقرن شنو ؟ حقيقي ما حصل ختيت لي راي في زول وقع واطه ورائي فيك انك زول ما تمام ونص كم بدليل انت بتتفاصح على اخوات كريمات في المنبر تتسافه عليهن لمجرد الاختلاف السياسي وحقيقي تفووووووووووووووووووووووه القلتاه ليك كنت تستاهلها تمام اخر ما توصلتو ليه مساككة البنات والقدح في سمعتهن وشرفهن اخ تفووووووووووووووووووووو |
Mustafa Mahmoud بعد ما غلبك التعامل مع الرجال شايفك قبلت على النسوان ساعدونا بالأســـــلوب لانوا معانا شفع واجانب....ما تفضحونا مع الاجانب وكمان ما تبوظوا لينا شفعنا.................عالم بتطرش الكلام طراش
| |
|
|
|
|
|
|
Re: أغرب الكتابات في البورد(أمثلة وتعليقات) (Re: Mustafa Mahmoud)
|
المحترم مصطفي شكرآ لك الكلام واللغة المستعملة في عنوان البوست خطا وغير مقبول مهما كانت المبررات والدوافع, لان الخطا لا يعالج بالخطا ...واستعال الخطا ضد خطا اخر لا يجعله صحيحآ, بل يجعله اسوء منه ,بحكم ان هناك احتمال ان يكون الخطا الاول غير مقصود. ..لكن المؤكد ان الخـطا الثاني متعمد ومقصود...بذلك تمتد الخطا لكن من يأيد ذلك الخطا او يسكت عنه. اخيرآ مهما كان آختلافنا فلنحترم القراء باستعمال اللغة الجميلة في الحوار.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: "فالعربي المسلم درجة اولى والمسلم غير العربي درجة ثانية، والجنسيات الاخرى درجة ثالثة والجنوبي درجة رابعة" وليس كما ذكر العسكري سلفا كير |
"فالعربي المسلم درجة اولى والمسلم غير العربي درجة ثانية...والجنوبي درجة رابعة"
Quote: اذا كان معظم الجنوبيين المسيحيين ملزمون بنظام بنكى اسلامى فهم لا ريب مواطنيين من الدرجه الثانيه ,,,
اذا كان الجنوبيين ملزمين بترك عاداتهم فى الماكل والملبس والشراب لصالح قانون يخص المسلمين اسمه النظام العام .. فهم لا ريب مواطنيين من الدرجه التالته ...
اما اذا كان الجنوبيين ملزمين بتادية واجب الجهاد فى القوات النظاميه وهم يشكلون نسب مقدره منها ... فهم لا ريب مواطنيين من الدرجه الرابعه !!!
اما اذا كان الجنوبيين ملزمين بدفع الجزية فى وطنهم ،، او الملاحقه بقوانيين اسلامية دون التمتع بحق المواطنه كحق اصيل فى سن الحقوق والواجبات فهم مواطنين من الدرجه الطيش !! |
نعم الجنوبييين مواطنين درجة تانية ! يا ربي درجات التصنيف دا للجنوبين بس من ما قبل الاستقلال لحدي حسي?......الله يكون في عونكم يالجنوبين مهما عملتوا فنظرتهم ثابتة فيكم. هل هذا دليل للحقد ام كراهية ام عنصرية..........................ام مجرد مرض ليس منه شفاء?
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
shibka...كل سنة و انت طيبة ياربي ليـــــه بس رجال البورد بهتموا شديد كدة باعياد ميلاد بنات ونساء البورد....البكتب ليها بوست براهو...والبنزل اغنية خليهوا ساكت..والبنزل فيديو(مرات تلاتة ما بتقدر تسمع فيهم واحد..)...والبيجيب ورد ...والبجيب كرت أهداء...للبجي يغني هابي بيرث داي....التقول منافسة.....عالم كبكابة بشكل مبالغ....يابختك لو كنت بنت او عندك اسم مراة في البورد.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
PLAYER يا حبيبنا التعليق علي كتابات الناس و نقدها ، بيطلب (عماقه) و فهم و قرايه ما بين السطور أحسب إنها ما متوفره لديك . بوست الجيلي بتاع ((الدينكا والنوير,عرب, وهذا تاريخهم .!)) ده من أهم البوستات ، كونك ما فهمت المغذي و إفتكرتو لمة ناس بتهزر ، فده بيثبت كلامي الفوق ! الشي التاني كونك تفهم كلام دينا خالد الإقتبستو من بوستها ((نعم الجنوبييين مواطنين درجة تانية ! )) إنو عنصريه و حقد و مرض و بقيه النعوت دي بتوري السطحيه و عدم الفهم في أعلي تجلياتها ! أرقد عافيه يا سعادتك
حكمة اليوم : ارحمنا يا PLAYER !
| |
|
|
|
|
|
|
Re: أغرب الكتابات في البورد(أمثلة وتعليقات) (Re: أمين محمد سليمان)
|
المحترم أمين محمد سليمان مادام انت ما صاحب البوستين ما اخش في تفاصيل دقيقة عن السبب الخلاني اكتب التعليق داك وعشان ما ابوظ لك نشوتك بيهم..
Quote: بوست الجيلي بتاع ((الدينكا والنوير,عرب, وهذا تاريخهم .!)) ده من أهم البوستات ، كونك ما فهمت المغذي و إفتكرتو لمة ناس بتهزر ، فده بيثبت كلامي الفوق ! |
ادناه الثلاثة ردود الجيلي البدا بيهو البوست(راجع ردودك وطلع لي شي مفيد للاخرين)...دا قمة اللاموضوعية
Quote: :D والهولنديين والألمان زااتهم عرب الجيلى ضارب "عبارين" |
برضو انا سطحي .....ولا انت عاطفي كده وريني المهم والمفيد الانا مافهمتوا شنو?
Quote: الشي التاني كونك تفهم كلام دينا خالد الإقتبستو من بوستها ((نعم الجنوبييين مواطنين درجة تانية ! )) إنو عنصريه و حقد و مرض و بقيه النعوت دي بتوري السطحيه و عدم الفهم في أعلي تجلياتها ! |
اما بوست دينا فالموضوع الرئيسي للبوست فوق...كدة برواقة اسال نفسك كالاتي: ديل جنوبيين سنة كم البتتكلم عنهم{1950 ولا 1982} لان الجنوبيين النهاردة عندهم أكثر من ثلت وزراء ,دخل بترول,صناعة القرار الداخلي والخارجي....بالاضافة للحكم الذاتي في الجنوب....برضو تجي انت ودينا وتصروا انو الجنوبين لسة درجة ثانية وثالثة ورابعة(الحاجات الذكرتهم دينا الجنوبي ممكن يرفضو بكل بساطة)..... يا راجل انا برضوا سطحي ولا انت..............(ما تقول انو دينا بتستعمل التورية ولا تشبيه في كلامها...) اقول حاجة:نظرة التقليل ضد الجنوب والشرق والغرب ثابتة في عقول البعض بالتوارث والتربية.....حتي الواقع لن يغيرها... نرحمكم انا ولا ترحموناانتو بقليل من الموضوعية حكمة اليوم البأييد صاحبو في اللا موضوعية بيبقي لا موضوعي كمان
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
حبيبناPLAYER Quote: مادام انت ما صاحب البوستين ما اخش في تفاصيل دقيقة عن السبب الخلاني اكتب التعليق داك وعشان ما ابوظ لك نشوتك بيهم..
|
يا سعادتك ، ما أهو إنت فاتح ليك بوست ليك أكتر من شهرين (منداح ) في بوستات الناس بالحق و الباطل ، الما بخليني ادافع عن البوستات دي و أبين سطحيتك و عدم فهمك ليها شنو ؟!!!
Quote: ادناه الثلاثة ردود الجيلي البدا بيهو البوست(راجع ردودك وطلع لي شي مفيد للاخرين)...دا قمة اللاموضوعية
|
و عشان كده بالظبط أنا قلت ليك إنك سطحي : لانو بريمه عامل ليه بوست (المساليت عرب .. وهنا تأريخهم! ) ، الجيلي فتح بوستو بنفس الإسم مع تغيير القبيله . سخريه من الإدعاء و بيانا لعدم اهميتو ! مش للمساليت بس ، لكن لينا نحن كلنا كشماليين . شغلة إنك تنتقد بوستات الناس غير (العمق) و الفهم و المقدره علي القرايه ما بين السطور محتاجه متابعه عشان تفهم منو قال شنو و ليه . تناول مواضيع جاده و مهمه باسلوب ساخر ده شغله معروفه و موجوده في كل الوسائل المعرفيه . إنت كان ما سمعت بيها و ما بتعرفها ده شيتا تاني ! اللاموضوعيه يا سعادتك إنك تكون أقصر قامه من فهم الناس البتنتقد مواضيعم بإسم الموضوعيه ! دي ممكن تعملها حكمة بكره Quote: ديل جنوبيين سنة كم البتتكلم عنهم{1950 ولا 1982} لان الجنوبيين النهاردة عندهم أكثر من ثلت وزراء ,دخل بترول,صناعة القرار الداخلي والخارجي....بالاضافة للحكم الذاتي في الجنوب....برضو تجي انت ودينا وتصروا انو الجنوبين لسة درجة ثانية وثالثة ورابعة(الحاجات الذكرتهم دينا الجنوبي ممكن يرفضو بكل بساطة)..... يا راجل انا برضوا سطحي ولا انت..............(ما تقول انو دينا بتستعمل التورية ولا تشبيه في كلامها...)
|
يا سعادتك ، كيف تقول (تجي انت ودينا وتصروا انو الجنوبين لسة درجة ثانية وثالثة ورابعة...) و أنا بوست دينا ما كتبت فيهو حرف ؟! سطحيتك البائنه يا بلير يا أخوي صورت ليك نقدي لكلامك عن بوست دينا إنو أنا متبني رأيها : ياخي أنا كل القلتو ليك إنو ما ممكن تطلع دينا خالد عنصريه و حاقده و مريضه و...الخ عشان كلامها الإنت ما فهمتو ده ، لكن أنا ما متفق معاها في رأيها ، و في الحقيقه رأيي في موضوعها ده أنا ما قلتو : لا في بوستها ده ولا غيرو ! كل القلتو إنو فهمك إنت لما قالتو دينا غير صحيح !! و إتهاماتك ليها - كان بس ياها دي دلايلك عليها - تبقي بهتان يمشي علي قدمين !! دينا ما قالت كلام يخليها عنصريه و حاقده و مريضه و...الخ و ماأظن في زول ممكن يكون فهم فهمك الخلاك تبذل ليها الاتهامات المجانيه دي : عشان كده كررت ليك إنو ما أي زول عندو الوسائل المعرفيه و الإمكانيات الشخصيه لنقد الناس !!
Quote: حكمة اليوم البأييد صاحبو في اللا موضوعية بيبقي لا موضوعي كمان |
أها شوف بالله ! قلت لي الجيلي و دينا خالد أصحابي ؟!! و مش أصحابي و ساي : بدافع عنهم لانهم أصحابي !!
حكمة اليوم (زي حكمة امبارح ) ------ ارحمنا يا PLAYER !
| |
|
|
|
|
|
|
Re: أغرب الكتابات في البورد(أمثلة وتعليقات) (Re: أمين محمد سليمان)
|
المحترم امين
Quote: اللاموضوعيه يا سعادتك إنك تكون أقصر قامه من فهم الناس البتنتقد مواضيعم بإسم الموضوعيه ! دي ممكن تعملها حكمة بكره |
يا اخوي انا نقدت الكلام الكتبوا.....وانت لو رجعت للبوسات ديل بتلقي في ناس نقدوهو ..... لو كان راي براي كان بكون قصير.. لكن كتار شايفنها ما موضوعية.... انت الفهمتها اشرح لينا الكلام دا
Quote: :D والهولنديين والألمان زااتهم عرب الجيلى ضارب "عبارين" |
عشان نعترف بقصر فهمنا ...ونستفيد معاك Quote: لكن أنا ما متفق معاها في رأيها ، و في الحقيقه رأيي في موضوعها ده أنا ما قلتو : لا في بوستها ده ولا غيرو |
اظبط كلامك دا ....بتدافع عن كلام انت ما متفق معاهو...معقولة دي...لانوا البيعرفوا خلق الله كلوا انك بتدافع عن الكلام البتتفق معاهوا(في الحالة دي ما ضروري تكتب رايك لان الكاتبة كتبت لك...ما لك الا مواصلة الدفاع)
Quote: كل القلتو إنو فهمك إنت لما قالتو دينا غير صحيح |
ما بتتفق ما دينا ....وكلامي ما صحيح...............حيرتنا....انت شايط وين طيب طيب ورينا الفهم الصحيح شنو(من تنسي انك قلت انك ما تتفق معاها) - كان بس ياها دي دلايلك عليها - تبقي بهتان يمشي علي قدمين !! شكلك كدا من الجماعة اياهم(ناس الجنوبيين درجة ثانية حتي لوحكموا السودان) ...العبد عبدآ ولو لبس الحرير Quote: ماأظن في زول ممكن يكون فهم فهمك الخلاك تبذل ليها الاتهامات المجانيه دي . |
انا جنوبي.......كده فهمت اقول حاجة: انت ماعندك موضوع في دفاعك عن دينا...لانك مادام مابتتفق معاها تكون في صفي لاني ما بتفق معاها كمان.....لكن الظاهر انك من ناس الكبكبة. نصيحة: خلي دينا تدافع عن نفسها حكمة اليوم افهم الموضوع البتدافع عنو عشان ما تحرج نفسك ساكت
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: فلانة بايرة !! أشمعنى البورة مرتبطة بالمرأة بس مافي رجال بايرين ولا شنو ؟! البورة تعني التأخر عن سن الزواج موش ؟!! طيب ليه بيقولوا (بايرة) ومايقولوا (باير )؟!! البوست ده للرجال الإتاخروا في سن الزواج يجوا يورونا الأسباب هل : مادية فقط ؟؟ نفسية ؟ مرضية ؟ ولا بيكون نسى الموضوع وإتذكرو متأخر ؟!! ممكن نقول رجل عانس برضو ولا صعب ؟!! العنوسة موش للجنسين ؟!! و كدا يعني !! |
بوست خاص بـ ( بورة ) الرجال فقط .. الأسباب والحلول من وجهة نظرك كبوردابي !! زمان قالوا في راجل حامل...امبارح قالوا... الرجل عندوا دورة شهريا...الليلة بقولوا الراجل ببور...والله خايق يقولو بكرة يقولوا الراجل اصل كان امراة.....تعريف البايرة:من لم تتقدم لها احدآ وفي رواية اخري قيل:من رفضت من تحبها وارادت من لا تحبها فبارت....يا ربي سبب بورة الرجال بكون عشان النسوان ما اتقدموا ليهم?........سجمي كان كدا انا زاتي باير..................................تحيرو والله.
| |
|
|
|
|
|
|
Re: أغرب الكتابات في البورد(أمثلة وتعليقات) (Re: PLAYER)
|
Quote: ما بتتفق ما دينا ....وكلامي ما صحيح...............حيرتنا....انت شايط وين طيب طيب ورينا الفهم الصحيح شنو(من تنسي انك قلت انك ما تتفق معاها)
|
Quote: اظبط كلامك دا ....بتدافع عن كلام انت ما متفق معاهو...معقولة دي...لانوا البيعرفوا خلق الله كلوا انك بتدافع عن الكلام البتتفق معاهوا(في الحالة دي ما ضروري تكتب رايك لان الكاتبة كتبت لك...ما لك الا مواصلة الدفاع)
|
يا PLAYER ياخي والله زعلتني ! معقول كلامي في موضوع دينا ده ما فهمتو بعد شرحي بالتفصيل الممل ده ؟ طيب اشرحو ليك في جمله وحداه ، عسي و لعل : أنا ما متفق معاها في رأيها ، لكن رأيها ده بالنسبه لي ما بيعني إنها عنصريه و حاقده و مريضه و بقيه نعوتك دي !! لو ما فهمت كلامي بالأحمر ده ، أديني خبر بشرحو ليك تاني .
Quote: شكلك كدا من الجماعة اياهم(ناس الجنوبيين درجة ثانية حتي لوحكموا السودان) ...العبد عبدآ ولو لبس الحرير
|
طبعا ما عندك سكه غير ما تبهتني ، لانو بالمنطق و الحجه ما عندك طريقه ، و ده ذاتو بيوريني إنك غير إسترخاصك لبهت الناس ، ما عارف منو شايت وين و فاتح نفسك تنتقد في الناس و بوستاتها ، لانك لو بتقرا بوستات الناس كان عرفت أنا واقف وين في موضوع الجنوب ده .
Quote: انا جنوبي.......كده فهمت
|
ما فهمت والله ! كلامي معاك علاقتو شنو بإنك جنوبي ولا هندي ؟!!
Quote: اقول حاجة: انت ماعندك موضوع في دفاعك عن دينا...لانك مادام مابتتفق معاها تكون في صفي لاني ما بتفق معاها كمان.....لكن الظاهر انك من ناس الكبكبة.
|
كبكبه و ساي هي ! يا أخوي للمره المليون : قبل ما تبهت الناس أعرف الناس دي شايته وين ، في بوست فتحو صديق الموج عن دينا خالد و بعديهو في زي مية بوست إتفتحو في الموضوع ده ، فتشهم و أقراهم عشان تعرف كبكبتي في دينا خالد !
حكمة اليوم ----- الفهم السطحي و عدم متابعة البوستات و فتح بوستات لنقد و (بهت) الناس بجبيبو ليك الهوا .
| |
|
|
|
|
|
|
Re: أغرب الكتابات في البورد(أمثلة وتعليقات) (Re: أمين محمد سليمان)
|
المحترم امين
Quote: يا PLAYER ياخي والله زعلتني ! معقول كلامي في موضوع دينا ده ما فهمتو بعد شرحي بالتفصيل الممل ده ؟ طيب اشرحو ليك في جمله وحداه ، عسي و لعل : أنا ما متفق معاها في رأيها ، لكن رأيها ده بالنسبه لي ما بيعني إنها عنصريه و حاقده و مريضه و بقيه نعوتك دي !! لو ما فهمت كلامي بالأحمر ده ، أديني خبر بشرحو ليك تاني . |
عشان ما تزعل بس............فهمت كلامك بـس دا راي فيها في البوست داك.........معليش لو راي فيها أختلف مع رايك. بعدين انا ما ببهت في الناس...لكن...بقول راي بصراحة وبدون مجاملة او خوف ........................زيما الناس بقولوا رايهم. حكمة اليوم الاختلاف او الاتفاق في الاراء يحددها اشياء كثيرة......اهمها زاوية الرؤية للموضوع.
| |
|
|
|
|
|
|
|