هل انضم عادل عبدالعاطي للاخوان المسلمين

Quote: 20 م Abdel Aati تاريخ التسجيل: 13-06-2002 مجموع المشاركات: 4162 Re: بعاعيت اليسار بالبورد وحفلات الشواء الآدمي (Re: فرح) اللذيذ فرح وصباحك بنكهة الورود البرضو كانوا بجيبوها لي في السجن؛ ودي يمكن يكون القاصدو من كلامك حليك ايام السجن والحبيبهه ووالثوريه المجانيه صديقى عادل؛ وطبعا انا لسه حبيب؛ يعنيبحب كتير؛ مش برضو دا كانت واحدة من علامات فشلي الاجتماعي القلتوها؟ والثورية ما بخليها لو مجانية لو بقروش؛ ولو كانت ممكن تكون مجانية ندفع فيها ليه؛ لكن تقول شنو عن الناس الثوريين الماتو في السجون وتحت التعذيب؛ ورؤسائهم بيمشوا يقابلوا بعد خمسين سنة ناس السي آي ايه؟غايتو دي نحن ناس الثورية المجانية ما عملناها وما حنعملا. القراي اها دي قصتو؛ انت رايك فيها شنو؛ والا عندك برضو وثائق زي صاحبكم خالد؛ القال انا قاتل ومجرم وهارب من العدالة؛ وفي النهاية ما قدر يجيب منها اي وثيقة؛ [B]يخسي علي دا شيوعي - كوز؛ زيو وزي 85% من جماعة حزبكم اسه!! طبعا احتمال بسيط انو انا لو كملت القانون او ما كملتو اصبح نائب عام؛ بالله عليك الله انا تصرفاتي دي تصرفات زول ممكن يخلوهو يبقي وزير في السودان؛ يا اخو ابو حريرة العاقل ما خلوهو يقعد؛ فكيف بي زول مهتز نفسيا زي ما بتقول انت ؛ وحاقد زي ما بيقولوا رفاقك؛ يكون نائب عام؛ بعدين سبدرات دا ما كان في حزبكم زمان؛ واهو حزبكم دا نص الناس البيكونوا فيهو بيصبحوا كيزان او انتهازية؛ ونص القاعدين فيهو امنجية زي ما بتكلمنا الميدان كلو شهرين؛ وربع القيادة بتحج للبيت الابض بعد ما خلت حج الكرملين؛ فانت يا فرح تخلي الناس ديل كلهم وتجي تقابلني انا؛ يا اخي ما تصبر علي لمن ابقي زي سبدرات؛ الشفقة العليك شنو ؟ وفي الوقت دا حقو تمشيو تسأل زعيمك التجاني الطيب مشي امريكا يعمل شنو؛ ومخصصاتو بتجي من وين؟ اما قصة القرية دي؛ فهي اطربتني كثير عشان كدي متذكرها؛ طبعا بالنسبة ليك عطبرة قرية؛ ولكن حتي لو كنت من قرية فما في مشكلة؛ انا اهلي من القري ونص حياتي قضيتها في القري؛وناس القري احلي واصدق ناس؛ اما عن الصدمة الحضارية فلو الخرطوم عملت لي صدمة حضارية وخلتني اهتز نفسيا؛ زي ما قلتا انتا؛ اوربا حتعمل شنو؟ اما التواضع وكده فزي ما قلتا دي طباع اهل عطبرة وكمان اهل القري؛ وعموما دائما نحنا متواضعين وما عندنا شي نتكبر بيهم علي خلق الله؛ ولو كان عندنا ما حنتكبر؛ لانو ما يتكبر الا الجاهل؛ وطبعا ناس عطبرة كلهم مفكرين ومحنكين؛ وعشان كده هم متواضعين. سلم لي باللاهي علي ا غوربا وقول ليهو عادل بيقول لك استمر وكون زول مبدئي؛ وموت علي المبادئ الحقيقية الاتفقنا عليها؛ وما تبقي زي الناس البيهتفوا باسم الشهيد ويتحدثوا باسم ماركس؛ ويبيعوهم بالليل بالدولار الامريكي او بالجنيه المصري؛ واذا كان نقلك عنو صحيح؛ انو هو ما زيي؛ ودا طبعا اتوفعا نجرة منك؛ فقول ليهو عادل قال ليك الزمن بيجي وحنشوف مين الباع المبادئ ومين الباع القضية والشهداء؛ومين الباع البلد مين الباع الناس؛ ومين مسك جمرو قوي؛ولا باع ولا اشتري؛ واتمني ليهو انو يكون من الاخيرين. اهو العفو والعافية. -------------------------------------------------------------------------------- الحقيقة فوق العقيدة .. والعدل قبل الاحسان