|
|
|
 Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
المتعددة، سلمى...
صباح بشوش...
لعزة، تعود عزة
لمريم بت الحسين:
| Quote: عزة بختك، قالوا الخرطوم غيوم كتيره ومطره من امبارح.. بس الله يعينك مع الطين |
يحن الطين لرجليها، إنها حنة الوطن، لفجره الآتي..
عزة...
فلتسعد عينك بالبسطاء، لا شك ذاكرتك محتشدة برؤية شعوب الآخر، ولكنك الآن، وعلى مدى الأفق، سترين بسطاء، بسطاء، بسطاء، كخراف المسيح، المذكورة في الانجيل، وضمائر الشعراء...
للوطن،
هاهو نغم يعود لأغنيتك الكبرى..
| |
 
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Rawia)
|
الأستاذة سلمى، حمد لله على سلامة وصول عزوز لأرض الوطن بعد طول غياب، والله ياسلمى ماطالباني حليفة، عزوزة دي رغم صغر سنها، أصلو مامفروض تشفقي عليها من السفر وحدها، والله بت عقلها يوزن بلد، وعلى الرغم من إني أنا فى سن خيلانها (سن احمد تقريباً  ، وبالمناسبة ألف مبروك لأحمد الشيخ الزواج الميمون) بس كل ماإستشير عزوزة فيهو، ألقى عندها المشورة اليقينة، وربنا يحفظها ويغطيها، وإن شاء ربنا يرجعها ليك بالسلامة، موش وترجع ليك براها وبس، وكمان معها عريسها قولي معاي آمين.
عزوزة، والله فرحي بيك وإنت تطأئين أرض الوطن لايوصف، بعد طول غييييييييييييييييييييييييييييييياب، وإن شاء الله أياكم كلها سعد وهناء، وعليك الله ماتنسي ترسلي لينا رقم تلفونك فى السودان، علشان نهيئك فيه، والكتابة أصلو مابتكفى هذا الحدث المفرح العظيم.
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Rawia)
|
Quote: نزار حسين ايها الحبيب
ذكرتنى زمن ما برجع تانى
وياريت يرجع
بس مستحيل
لانه كل شئ تبدل
وما قلت لى انت وين عشان نجيكم
بالجد ممكن بس ما تكون حته ممنوعة
لك مودتى |
برجع الزمن الجميل
يا سلمي ما اظن مستحيل
المكرفون هو المكرفون
وكان طرتي ما بجيب صوت هديل
والرادي بي حجارو القدام
مستني بس صوت الحمام
مترجي سلمي الشيخ سلام
وتحية من قلبا وفي
وعاشق لموسيقي الكلام
(ومن خلف المايكرفون سلمي الشيخ سلامة)
نفديك بالروح يا موطني...
ويا موطني...
لما كل ما انبتّ زهرة
برحيق يدمن المخلوق عطره
تكتب فيه للتصدير مجانا
وتهدينا بديلا شوك كتره
(انا في بلاد...من شطها صيدت تلك اللؤلؤة البضة)
ويا مليون مراحب بك
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: النذير حجازي)
|
| Quote: هسى لمن اكمل كتابة اسمك تكون الطيارة وصلت |
عارفه ياسلمي إسمي ده الفيرست نيم بس نص الإسم ..
حالتو كده أنا مختصره علي إسمي وإسم أبوي وإسم العيله ..
إسم الجد أسقطه ( طبعا للتكرار كعادة السودانيين ) ..
عارفه إسمي ده أنا ما حسيت بى طوله وكرهنى الكتابه إلا لما كنت شغال في القضائيه ..
علي زمنا القضاة كانوا هم المشرفين علي التحريات ..
ناس البوليس ما كانوا يجوني بيوميات التحري الا بعد أرجع البيت ..
كان عزرهم إني بكون أثناء ساعات العمل مزحوم بسماع الدعاوي ..
تعالي شوفي إسمي كرهني الكتابه كيف ..
بعد كل أمر او قرار اكتبه لازم اكتب إسمي وأوقع ، وإذا القرار إتكتب في عدد من الصفحات ، بكون ملزم أوقع علي كل صفحه بمفردها ..
ضيفي علي الكلام ده التوقيعات العملتها في محاضر الدعاوي طوال ساعات العمل ..
عارفه اخر توقيعاتي المختصره كانت كيف ؟
حرف م مشقلب ذي علامة @ .
عموما أديتك إذن تكتفي بي محمد او ود الملك ذي ما بكتبو الأخوه .
..
إنشاء الله البنيه تعود ليك بالسلامة ..
بذكرك ده تار الحجه ربنا يرحمها ..
نسيتي لما كانت بتقول ليك ( أنا البصبرني شنو )
عموما بطلي الجرسه واللفيت جو البيت ..
هاك أنا بريت ليك القلم ..
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: محمد على طه الملك)
|
الملك محمد او الملك حقا
تعرف اسمى برضو فيهو مشكلة لكنها مشكلة طريفة
لما اشتغلت فى الاذاعة
فى الاوراق الرسمية اسمى طبعا مكتوب رباعى
سلمى الشيخ احمد سلامة
طويل مش ؟
صلاح الفاضل كان بغنى لى على وزن (مين قساك مين قسى قلبك)
بتبقى (سلمى الشيخ احمد سلامة ) مش ؟
قمت قلت ياخ دا اسم طويل
لمن يتم بكون برنامج براهو قمت قطعت الاسم بتاع عم احمد زى ما بقول ابوى لابوه
بقى الاسم الهسى دا
ودا زاتو ما ريحوه
عميرى كان بسلم على بقول (سلمى الشيخ سلامة يا بلال على )
وصديقى الجميل الصادق شيخ الدين كان بسلم على (سلمى الشيخ سلامة سر ما بنفهمو )
وزول صديقنا كان معانا فى جريدة الاتحادى فى القاهرة بقول (سلمى الشيخ سلامة وسيروأ)
وكل زول بقول اغنية حسب الايقاع
اطرف امر فى موضوع الغنا
مرة كنا فى اجتماع مع الراحل دكتور جون قرنق فى القاهرة وكان موجود الفنان محمد وردى
والاجتماع طال شديد(اكتر من حداشر ساعة )
المهم قلت لوردى تعال نتجادع بى غناك
قمت بديت قلت ليهو :
ـ بريدك والله بريدك
فرد لى
ـ لو طلعت القمرة وجيت ولو حلفت برب البيت
لئيم مش ؟
لكن ضحكنا كتير وكان حاضرا جمع جميل منهم من قضى ومنهم من ينتظر
تسلم يا ملك
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
Quote: محمد على يسن
زمان امى لمن اجى مسافرة بتقول لى عافية منك
والكلمة دى او الجملة دى ما هينة
لانه رضى الوالدين نعمة
ودايما بنقول الله يرضى عنك والديك
ورضى الام دا بالدنيا
وعافية منها عفويا يغتيها وينجيها ويزح كل عثرة
ويقيف ليها سد من كل عوجة
كتر خيرك عمر بيتك ويرضى عنك والديك |
شكرا استاذة سلمى
وعزوز محظوظة انها كسبت رضى والدتها
عشان كده ما تخافي عليها
سيحفظها الله في كل خطوة
ولك ولها سلام وسلام
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Mohamed Abdelgaleel)
|
يا محمد الجليل
ياسلام على الجملة دى(والله ناس الخطوط بشيلو قروش في
الوزن لكين لو كانوا بشيلوها في المشاعر
قروشنا ما كانت كفت !!!)
تعرف اجمل حاجة فى الدنيا المشاعر الصادقة مهما كان الزول (مفلس ) ماديا لكنه بكون اثرى من كل اثرياء العالم بالمشاعر
ولولاها لما كنا
ودا عصبنا البنقيف عليهو
وركازتنا فى زمن الموات واللهاث فى درب الحياة الصعب
تسلم من كل اذى (ونسمة ما تعتر ليك)
دا تعبير خاص بى بالمناسبة
وما بمرق الا للناس العزاز
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: عبد الدائم سيد أحمد)
|
Quote:
وخلى بالك من زهورك ومن وطن باقيهو عندى
ويا ناس الخرتوم اتوصوا بالبنية
|
نتوصى بس ياسلمى...؟؟ حتى اتفقنا مع عزة على كم حاجة .. بس هى تصل
وبعدين يا سلمى نهاية اليوم نركب ركشة مع بعض انا انزل محطة 4 وهى تنزل محطة 5
وندى بتاع الرقشة 3 جنيه بحسابك انتى و3 الف بحسابى انا؟؟؟ رايك شنو..؟؟
سلمى ...ازيك شدييييييييييييييييد يااااخ...
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: دورنقاس)
|
يا دور نقاس اخوى
وحاتك اليوم العلينا دا هسى هى فى انبساطة
حاسداها عليها
والبورداب ملمومين فى حوش بيتنا
مشهد فاتنى
ناس ابراهيم الجريفاوى ووديدى بحندكوا فينى
شفت كيف ؟
وهى تشيل وتبكى
مرة اضحك ومرة ابكى ومرة تغلبنى القراية
ولما اكتب لك وصية
يا صبية الريح ورايا
خلى من حضنك ضرايا
او كما قال محجوب حبيبنا
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Amira Elsheikh)
|
امييييييرة
شفتى الجرة دى كيف ؟
مشتاقة للبقعة وناس البقعة
ومشتاقة للمسرح وناس المسرح
واول حاجة مشتاقة ليك اكتر من اى حاجة
وقولى لعصام عبد الحفيظ صورنا ما طلعتها
العملناها تحت الشجرة فى البيت ومعانا صلاح الزين
واكتبى الى وطمنينى عليك
وسلمى لى على محمود عبد العزيز
وجعفر سعيد ومنعم الطويل
وخلى عزة تمشى تتعرف على الناس السمحين ديل كلهم
وابقى الف على المحبة
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Emad Abdulla)
|
عزوزه يا عسل
قطعتي قلب امك
Quote: Hiiiiiiiiiiiiiiiiiiiiiiiii From Bahrain
Will be home soon!!
|
ناسنا الفيها الايام دي في السودان كان عزمناك عندهم
لكن حددي الرجعه واكيد ما بيقصروا.
وعاد عليك الله يا بورادبلاالخرطوم كان ما خليتوا عزوز دي تغني لكم
اصلا البت دي صوتها خرافي,انا ماعرفه سلمة لابده بالموهبه دي ليها.
ويا سلمى يا اختي ربنا يصبرك
عارفه اول مره ادحل اولادي الديكير وكانت اول مره افارقهم
بقيت ماشه اتلفت ..واحس انه ناقصاني حاجه لاني كنت مصاقراهم طوالي.
انت حسه اديتيني الاحساس ده.
ربنا يغتي عليها وعليك...ويابختك شكلك مرسلها تحضر استعدادات رمضان
وتجيب لك الفيه النصيب..ويا بختك يا عزوز بريحة الحلومر.
تحياتي لكم معا.
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Tragie Mustafa)
|
العزيزة تراجى مصطفى
اول حاجة(وعاد عليكم الله يا بورادب الخرطوم كان ما خليتوا عزوز دي تغني لكم
اصلا البت دي صوتها خرافي,انا ماعرفه سلمة لابده بالموهبه دي ليها)
الكلام دا لى فيهو سنين بحنس فيها
واقول ليك سر
الفنان محمد وردى
مش ما بعجبو العجب ولا الصيام فى رجب وعجبو قاسى
مرة كنت معاهو فى كاليفورنيا
وسمع صوتا قام ضرب ليها تلفون واداها كلام اخير منه لبيع العصى
عن صوتها وجماله
لكن مين يسمع
لغاية الجيتار اشترينا
ومافى زول شغال بيهو الشغلة
بعد دا الا اسعى لى كرباج
وايدكم معانا دفرة
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: Emad Abdulla)
|
العمدة الزين
ليك وحشة
وبالجد ما خايفة عليها لكن داقه جرس عديل
امس الليل كلو سهرانه
لكن الليلة اتيقنت لمن سمعت صوتها
ونصه بكا ونصه سلام
لكنها فى ادفا حضن مع اخواتها زى ما بتقول
لكن عارف فكرة انها تمشى وما تلاقى امى دى داخلة عليها شديد
كانت كل مرة اسمع ليك صوت بكاهافى الاوضة ادخل عليهاتقول لى :
ـ امى يا ماما انتى شفتيها وانا ما شفتها
واشيب واقلد وامسح الراس وارد مسح الراس
يا عماد اخوى ما زال فى القلب شئ من غياب امى
لكنها مشيئة الله
كنا فى سيرتك امس مع محى الدين الزين الفنان جدا
بسلم عليك
اقعد عافية ود امى
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: عبدالله داش)
|
عبد الله الشاعر الببكينى
عارف انه شعرك فيهو حاجة ما
بتخلى شعر الجسم كله يقيف
اول مرة بكيت فى شعر حق زول كان
شعر عثمان بشرى
بكيت اليوم داك فى مصر لمن شهقت
وبقينا اصحاب من يوماداك
كل ماتهف ليهو عصيدة ولا قراصة يجينى
هو وطارق محمد عثمان الجميل
كانت ايام فى مصر ما بترجع
وقرينا شعر الجن
كان عندنا شبه ندوة اسبوعية
نتقاسم فيها الشعر والغناء بصوت عزة وهيبة العميرى
وعلاء الدين ابراهيم وياسر بسطاوى
الله على تلك الايام
الله يخليك يا زول لينا بشعرك وجمالك والقك
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: willeim andrea)
|
كل الارض منفى
يا وليم اندريه
زمان الفرقة والتبريح بسيبو عشان تشيلو الريح
بسيبو عشان صحيح الذكرى بتوه عمرنا صحيح
وانتى معاى لابندم
ولا بقضى العمر تبريح
اصلو العمر كان دربا مشيتو كسيح
كان غرسا سقيتو بكى وقبضت الريح
لكننا لن نقبض الريح بل الامل
دائما هناك امل
دائما فى نهاية النفق ثمة ضوء
تابع ذلك الضوء وستصل
اكيدة من ذلك ولك كل الامل والحياة القادمة
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
شرم الشيخ سلامة 00 وعزة توصل بالسلامة بدون عنى00آه بدون عنى 00 الصديقة الحبيبة سلمى بطلى جرسة وسيبك من الشفقة الزائدة والخانقة وعزوزة الان كبرت 0 تعرفى اخر مرة شفت فيها عزة كانت قبل نحو 17 عاما سافرنامعا من الخرطوم الى مدنى وكانت برفقة والدها الصديق جعفر نصر وكنت انت يومها فى اثنيا كما عرفت منها 00 شفت الزمن كيفن بسو
عادل السعيد
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: adel alsaed)
|
عادل السعيد
مشتاقة ليك
عارف شرم الشيخ دى قصة طريفة
عندنا بت صحبتنا فى القاهرة يوم جاهم زول متعود يزورهم باستمرار وانقطع منهم
فسالته البت المفعوصة
قالت ليهو
كنت وين انت ماشفناك طولنا
قال ليها كنت فى شرم الشيخ
قالت ليهو دى اخت خالتو سلمى الشيخ ؟
كيف ايامك
وكيف احوالك
طمنى عليك ولكل المعاك فى الغربة قاعدين
يسلم عمرك
عزوز وصلت بالف سلامة وتسلم اخوى السمح
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
اقعدى فى العافية تغتيك وتضاريكى
اللهم آمين
دى اجمل دعوة من ام
ابقى الف على حب الناس
ودى اجمل وصية
ابقى زى ما قلت ليكى
اكيد قلتى ليها الكلام السمح البشبهك
وخلى بالك من زهورك ومن وطن باقيهو عندى[
/U] مدام باقى الوطن عندك نحن نرقد مطمنين سااااكت
ويا ناس الخرتوم اتوصوا بالبنية
الوصية امانة وعزة فى عيوننا قبال ما نشوفها
وتجينى بالامل اليفرح كل زول
اكيييييد
مدام انت الامل ومنك الامل وبيك الامل وبنيتك الامل
العزيزة سلمى انا زعلانة لانى شفت البوست متاخر وما فات شىء
نحن فى انتظارها وعاوزين نشوفها لازم اكتبى لينا عنوانها ضرورى وان شاء الله تكون فى ام درمان
تخياتى
ام وضاح
| |
|
|
|
|
|
|
|
|
 Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
العزيزه سلمى
يا سلام عليك يا اجمل ام ... جرستك حنينه وتبكى
بالله ما شاء الله الزوله العسل دى بنتك
ربنا يحفظها ويقطيها ليك من كل شر
وتمشى وتجيك مليانه حنيه
والله بالرغم من انى حزينه جدا هذه الايام , وما قاعده اخش البورد, لكن حنانكم دا كسر فينى ضلعه
وخلانى توشك اخش
ذكرتينى يا سلمى اختى سلوى الحبيبه ما بتخلى اولادها يبيتو فى بيت ناس جدهم لانها ما بتقدر والغريبه هى عندها بتين وولد .. بقول ليها دائما بناتك الحلوات القلاص ديل بعرسو ويحيروك بعدين تعملى شنو
تحياتى ووحمد لله على سلامته
حليمه
| |
|
|
|
|
|
|
|
|
|
Re: بعدك الفريق اصبح خلا ..........عزة بتى يوصلك الله سالمة (Re: سلمى الشيخ سلامة)
|
لاحولاااااااااااااااااااااااااااااااا
تقريباً كده البوست إتقفل .... والواحد ياخد نفسو..
الأخت/ سلمى ...
جديد في البورد .... وتابعت بوست سفر (عزه بتي) من قولة تيت ..
مابعرفك .... لكن حقو ناس البورد ديل كلهم يتحالفوا ... وكل يومين يسفرو (عزة بتي) تاني
السودان ... عشان نقعد نسمع في كلامك الحنيييييييييييييين ده
--
-
| |
|
|
|
|
|
|
| |
سلمى الشيخ سلامة
عبدالغني كرم الله بشير
تيسير عووضة
Rawia
النذير حجازي
الملك
وبرضو حضرنا الكورة فوق رأس الحكومة المعفنة دى
nazar hussien
Soumeta
Raja
محمد على طه الملك
محمد علي ياسين
Mohamed Abdelgaleel
فيصل نوبي
عبد الدائم سيد أحمد
Adil Osman
دورنقاس
Emad Abdulla
Tragie Mustafa
ضحيه ابراهيم
عوض حمزة
willeim andrea
adel alsaed
essam&amal
Halema2
kamalabas
Hatim Yousif
فيس بوك
تويتر
انستقرام
يوتيوب
بنتيريست