|
|
|
 Re: الف مبروك .......عزة بتى وعلى طاهر الخطوبة (Re: إسماعيل وراق)
|
مبرررروك يا سلمي ليك ولي البنية
{ المعفوصة ده } ... العيال كبرت,
فيما نصغر نحن معشر الأباء شأنا وقدرة
حين نختار { الغربة } ... فإتخيلي
يا سلمى كل مقدمتك الشاعرية الجميلة
والمعبرة والوافية ده ... إلا أقولا
{ بالإنقليزي } عشان ما تجد موقعا في
صدور عيالي ... المرشحين عمرا لذات
التجربة ... شفت العذاب ده.
فرحي بعزة وبإقترانها الرائع وبمجرة
توالينا التاريخي وهي تسخر أحاسيسنا
الإنسانية بصدق يعجز عن إستيعابه واقعنا
الإجتماعي { المعتقل سياسا }
إتم على خير ... ونسمع زغاريد الفرح
وهي تعبر بقوتها المحطيات الساخنة
والباردة ... لتشنف آذاننا وهي فقرى
للطيبوبة السودانية الدافقة, وهي بالمثل
غفرى ... من تيه الصحارى الناشفة.
فهنا مزودة معنوية آلقة ...
وكل الود.
| |
 
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: HAYDER GASIM)
|
الحبيب حيدر قاسم
(كل مقدمتك الشاعرية الجميلة
والمعبرة والوافية ده ... إلا أقولا
{ بالإنقليزي } عشان ما تجد موقعا في
صدور عيالي ... المرشحين عمرا لذات
التجربة ... شفت العذاب ده.)
دى حلها بسيط يا حبوب
تنكرب الاجازة الجاية وتقطع (البحر ) تقعد ليك كم شهر
غسيل مخ نضيف وكل الكلام الدايرن يفهموه ليك ينفهم زى الترتيب
مافى مشكلة ماعندها حل
ويارب نتلاقى فى السودان عشان عزوز تديهم الدروس اللهى
اكتر حاجة عاجابانى فيها انها حافظة حاجات امى احسن منى
شفت كيف
القصة زى ما قلت ليك ضل ضحوية ولعب فى تراب الحلة الرايح كلو بجمع ود امى
اقعد عافية
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: أبو ساندرا)
|
ام العروس الف مبروك
وبيت مال و عيال و سمح الفال
اها يلا ح اقول ليك ذى ما و احد صاحبنا قال لابتسام اختى لما حددو عقد بنتها فى العيد الجاى (من هسه معزومه)
المهم قال ليها " يا ابتسام انت بعد ده وجبت عليك صلاة الجمعه فى الجامع.. وانا من بكره ح ارسل ليك توب ابقجيجه ابيض)
طبعا الشكله عجاجها قام للسما
اها دحين يا ختى ابقجيجه علىِ
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: Siham Elmugammar)
|
سهام المجمر
اصبرى يختى
مالك ما شفتى كلام ابوساندرا
قال لى عقبال عندك
انتى تجى تقولى لى توب ابو قجيجة؟
غايتو الفيك انعرفت
لكن بينى بينك وتحت تحت
بقيت زولة اخرة
وفاضل لى الحج والموت
بس الموت دا مخسماهو لمن اعرس لى بتى وبعد داك ماعندى مانع
وعرس بت ابتسام خلى عزة تجيكم
ما بتابى وكمان كان غنت ليكم دا المطلوب
بس كيف تسخى
لك حبى دائما ومبروك على بنية اختك
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: اسعد الريفى)
|
اسعدالريفى الحبيب
اجمل حاجة الدعوات القلتها
لكن حكاية اولاد اولاد دى فى فيه قولان
يعنى يا اسعد اخوى تحرانى بقعد للزمن داك؟
زمان كان سمعت الكلام كان اتحقق الكلام دا
لكن ما كنت حاكون الزولة دى زاتا
كنت حاكون مابعرف حتى الواو فى النت
الحمدلله على كل حال
وتسلم ويسلم عمرك ود امى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: خالد العبيد)
|
الحبيب الغالى خالد العبيد
اولن شى سرانى فرحك ومحرية فيك يا حبيب
وتانين شى
يعنى ياخالد اخوى كيفن ما ابقى حبوبة
وحاتك ياالغالى متمنية اليوم دا من زمن طويل
اجمل حاجة تكون الواحدة مننا تكون حبوبة
طبعا عارفة فى واحدات ناكرات القصة دى
لكن اليوم الببقى فيهو حبوبة د اسعد يوم بكون فى حياتى
شفت الحكاية دى عند امى عليها كل الرحمة
يوم ميلاد عزة ولغاية ما رحلت كانت عزة اول حفيداتا
وما كانت عزة بتنادى امى بحبوبة
بل انها كانت وما زالت تقول امى
شفت القصة حلوة كيف؟
لما يجى الحفيد او الحفيدة ويقول لى امى
دا يوم السعد
وربنا يحضرك جديد وليداتك يا غالى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: Elkhawad)
|
الابن الحبيب خواض
اهم حاجة الحكايات والحجوات لعيال عزوز
وبديت بالفعل اجمع فى كتاب الاحاجى كنت بديت الكتابة فيه من سنوات
لكن هسى بقى واجب
وامر ضرورى
قصص حفظتها من امى وقصص كتبتها براى
وقصص كنت بحكيها لعزة لمن تعمل حاجة غلط
ولمن تعمل حاجة صاح
وحكايات الدنيا والعالمين
شكرا ليك حبيبنا
وتانى شكرا ليك
ويارب تشوف جديد وليدك ونجاحه
خلى بالك من نفسك
وكلمنى مرة مرة
عارفاك مشغول
لكن برضو ما تنسى امك
ودعتك الله
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: ماجدة عوض خوجلى)
|
ماجدة الحبيبة
ياختى النادى دا دخلناه من ناس عفراء وهند اخواتى بقوا متزوجات
وبقينا خالات مش الخالة ام؟
وحاتك النادى سمح بلحيل
وناديا يجيب الحبايب حبابو بت امى
مشتاقين
وعارفة كل ما انوى اجيكم تقيف حاجات بايخة ضدى
لكن بجيكم
وقريب
تحياتى لامنا جارة
وليك ياغالية
حبى وشوقى
| |
|
|
|
|
|
|
|
|
|
Re: الف مبروك .......عزة بتى وعلى طاهر الخطوبة (Re: سلمى الشيخ سلامة)
|
أمي الحبيبة
تأخري عن الحضور هنا كان بسبب وجودي في موضع الجمال
كنت وعلي وعزة وآمنة وبت سناده وقاسم وكبويتا وكان السودان زاهياً بهم فلقد صنعوا أيامي القليلة التي قضيتها هناك
وكنت سعيداً بالرباط الجميل بين عزة بت أمي وعلى صاحبي الذي كان من أكثر الناس تشجيعاً لي لموافاتته في الخرطوم وقد كان وأعلم أن عزة وعلى من صناع الحياة وأهل لتشكيل مؤسسة زوجية تُحجب من العين وتُظهر للإقتداء .
أمي الحبيبه دعوات. . أماني. . تبريكات. . حب مطلق ليك ولي على وعزة وبيت حب وجمال وراحة وهداوة بال .
مبروك لي عزة, علي, ليك ولي
طارق المكي
| |
|
|
|
|
|
|
| |
سلمى الشيخ سلامة
Sabah Hussein
قاسم المهداوى
Inaam Saad
jini
إسماعيل وراق
HAYDER GASIM
معتصم دفع الله
Ahmed Yousif Abu Harira
أبو ساندرا
Siham Elmugammar
ملكة سبأ
nadus2000
يحي ابن عوف
wd al geran
محمد علي ياسين
وليد محمد المبارك
حسين محي الدين
AnwarKing
اسعد الريفى
عواطف ادريس اسماعيل
خالد العبيد
JAD
عبد الدائم سيد أحمد
بخاري عثمان الامين
اساسي
الملك
عصام علي أحمد
ماجدة عوض خوجلى
tarig almakki
Haydar Badawi Sadig
Agab Alfaya
د.محمد حسن
حاتم هاشم
Elmoiz Abunura
بدر الدين الأمير
الطاهر عثمان
فيس بوك
تويتر
انستقرام
يوتيوب
بنتيريست