|
Re: سلمى الشيخ سلامة.. سلامتك (Re: Hololy)
|
Hololy يا الهى وكيف انك يا صديقى ؟ عارف كما احس بوخز القلب اذكر احبتى فتمشى الوخزات طائعة واغنى يا قلبى المكتول كمد اعصر دموع هات غنوة لى سيد البلد او هكذا قال الشاعر الرقيق عثمان خالد او تجدنى اردد يا قلبى مين ظلمك وما حس بالمك ترد عشرات الاغنيات عن القلب وخاصة قال لى المس قلبى داب وداب قلبى او طار قلبى كل القلوب كانت ترفرف لحظة ان مدونى بتلك المذيبات للجلطة وجاءت محمولة على تلك المناديل التى ترسمها الصبايا لمحبين قد تراهم وقد لا ومرسوم فى ذيل القلب سهم والسهم يقطر دما يا للقلب حين يتحدث يا صديقى كل القلوب تلتف حولك وهكذا وجدتنى ملفوفة (بعلم) ا لمحبة من الذين جاء من كل فجاج المحبة ناحيتى يسعى واسعدتنى تلك المحبة قطعا وخففت غربتى ووحشتى خفت على ابنتى اولا لانها تعيش فى بلد غريب واناس اشد غرابة لم يصلنى منهم احد خفت ان تضيع منى او اضيع منها فى بلاد لابد ان تكون فيها حتى لو كنت سودانيا او فليصمت وهكذا اليت على الصمت يا صديقى لكنكم من رفع حزنى عن مدارج نزوله ومن رعانى حتى فى بعاده الجغرافى ومن حدثنى فى وحشتى فلكم ارفع القبعات كلها ولكم احتشد حبا يفيض به قلبى ناحيتكم
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
Quote: سلمى الشيخ سلامة.. سلامتك |
سلمى ... سليمة أنت بحول الله من كل سوء بت الشيخ ... تبراك بركة الشيخ وشيوخه حجاباً وغطاء بت سلامة .... سلامة لا تفارق دارك ولا ديار أحبابك سلامتك ..... نتمناها من أعماقنا فأنت إنسانة من جمال وجمال
أسامة عبدالجليل
كمية من السلام والشوق
| |
|
|
|
|
|
|
Re: سلمى الشيخ سلامة.. سلامتك (Re: عاطف عمر)
|
عاطف عمر اعطف على وانصب على القلب واكسر قليلا ولكن لا عليك من همزة الوصل فهى الباقية ابدا وارفع يدك بالدعاء لنا ولك الف المد واحيانا الجزر كن كما تريد ابدا لك ودى
| |
|
|
|
|
|
|
Re: سلمى الشيخ سلامة.. سلامتك (Re: انعام حيمورة)
|
هيا انعام مالقيت الرسالة واريتنى كان كنت قاعدة واحرقتى من انى ما لاقيتك وزى ما بقول الرمحوم الفاضل سعيد مول وسفة اسفا شديد لكن الشلاقة ما بتريح على سيدها اليوم التانى مشيت الشغل اسوى كيف بت امى الفواتير يا الفواتير ما بتريح علينا الزولة رئيستى فى الشغل لمن انهجمت الجابك شنو ؟ هسى كنا بنتكلم مع بتك وعملتها موال اى واحدة تتلكلك فى الشغل اسمعى هنا سلمى سلامة كانت امس فى المستشفى وهسى جات الشغل وشنو كمان ؟ تقوم ليك عليهن المهاجرين احسن منكم وانا بقلبى اقول ليها يالحاجة نحنا الانصار عديل كان ماك عارفة وحات شيخى ساكنين جنب القبة الليلة المهدى المهم يا زولة الجاتك فى قلبك سامحتك
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
الطيبات من التحايا لأبو مهيار
ومثلهُن وأكثر " شَحَمَاً " : الأماني العذبة ترتدي حُلل الرقص في فرح أن تعود إلينا سيدة القلم المُبهرج ضوءاً وعطرا : الأستاذة سلمى الشيخ سلامة .
رب أمنية بالسلامة تُحدِث شرحاً في جدار البؤس ، وينطلق الفرح بالسلامة .
***
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
على البسيطة من هذا الكون مخلوقة ضعيفة، تغلب عليها العاطفة الحانية، والرقة الهاتنة، لها من الجهود والفضائل لا يتجاهلها الا من لهم أعين لا يبصرون بها، ولهم آذان لا يسمعون بها، ولهم قلوب لا يفقهون بها، هي جندية حيث لا جند، وهي حارسة حيث لا حرس، لها من قوة الجذب ومَلَكة الاستعطاف ما تأخذ به لبَّ الصبي والشيخ ، وتملك نياط العاطفة دقّها وجلِّها، وتحل منه محل العضو من الجسد، بطنها لنا وعاء، وثديها لنا سِقاء، وحجرها لنا حِواء، إن لها علينا حق الرحمة والحنان، لكمالها ونضجها، وهي أضعف خلق الله إنساناً، إنها مخلوقة تسمى سلمى الشيخ سلامة .
قرأت هذه الكلمات عن احدى الامهات فى عيد الام ووجدت انها تنطبق تماما على الحبيبة الانسانة سلمى الشيخ سلامة . كفارة وسلامتك والف عزيز كرامتك ,,,, ما تشوفى شر
وعذرا صاحب هذه الكلمات الجميلة اهديتها نيابة عنك لمن تستحقها بعد اذنك ,, لك الود ام وضاح
| |
|
|
|
|
|
|
Re: سلمى الشيخ سلامة.. سلامتك (Re: رأفت ميلاد)
|
رافت يا ميلاد ازيك وسلاماتك وتسلم يا ابو سلمى اقول لو عندك اى وكت فى الاسبوع الاول من مايو تجى (متلب فى لندن ) حاكون هناك واشوفك ضرورى لانى من يوم تلفونك داك وكلى لهفة انى الاقيك تسلم تانى وعاشر كمان
| |
|
|
|
|
|
|
Re: سلمى الشيخ سلامة.. سلامتك (Re: essam&amal)
|
الحبيبة امال يسلم عمرك بت امى وما قدرت القى كلمة تناسب حضورك غير انى احبك جدا ما لقيت اليعبر عن كلامك الا انى احبك تانى دايما جميلة ويخليك يارب لكل جميل فى الدنيا يغشاك تسلمى يا غالية
| |
|
|
|
|
|
|
Re: سلمى الشيخ سلامة.. سلامتك (Re: أحمد طراوه)
|
شيخ الاغنية المفكك لقواعدها والعارف لبواطنها وببواطنها احمد طراوة تسلم وما نجيك فى شينة وبيننا ستنعقد كثير من المداخلات والمعارف حول الاغنية التى احسها تملك عليك وجدانك شكرا اخى وتسلم من كل شر
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
سلوم بركة يمة الشفناك طيبة
ود امي دا ما تشكيه علي ما زي ما قلت ود امك اها عوسي عوسك معاهو ليكم اللحم ولينا العضم
Quote: اسامة كان معانا امس وكان بلعب فى الجيتار كمان |
مستعدة لمقايضة قلبي بجلسة مع أنسه .. لطفه ..فوح محبته و عوده / جيتاره أحي يا قلبي 9 سنين يا سلمى 9 القلب كان وقف ما خاتي
| |
|
|
|
|
|
|
Re: سلمى الشيخ سلامة.. سلامتك (Re: الجندرية)
|
الجندرية حلاوة لبن تسلمى ويسلم عمرك اسامة دا ما خوك براك كلنا اخواته عارفة قبل كم يوم كان معانا بالتلفون وقلت ليهو يا اسامة ياخ حرام عليك ترمى ال(حمل )كله على ؟ فضحك وقال لى ـ حاجيك يا بت الشيخ طولى بالك المهم يا امانى مافى عوجة طب وما بيناتنا وتتلاقوا يارب وينبلّ الشوق
| |
|
|
|
|
|
|
Re: سلمى الشيخ سلامة.. سلامتك (Re: Mohammed Haroun)
|
العزيزة سلمى ،
ألف كفارة وسلامتك ،وماتشوفي شر أبداً. وأسأل الله أن يدثرك بثياب العافية دوماً.
وأزيد قليلاً فأقول لك كما قال ابن الرومي :
(أذن الله في شفائك وتلقى داءك بدوائك ومسح بيد العافية عليك ،ووجه وفد السلامة إليك) .
و.. (جعل الله أولها كفارة وآخرها عافية ولا أعدمك على الأولى أجراً وعلى الأخرى شكراً) ،
أو .. كما قال الخوارزمي قديماً .
تسلمي لناأختي ، فأنت نور المنبر وست الحوش المبجلة .. ليك التجلة والمحبة.
مودتي،
( ليمو)
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
الأستاذة سلمى الشيخ سلامة..
ألف لا بأس وزي ما قال خطاب مسربعاً: سمدالله على الحلامة.. أو سمدلالك بالحلامة..
عليك بالتفكير في مسألة التأجير القلتيها ديك...
ونقترح عمل مزاد هنا في صفحات المنبر المضيء حباً ووفاء لأمثالك..
قال جانا قلب قال..
عندي ملاحظة صغيرونة ، أسماء الزملاء البتكون زي القلم المبري بالجنبتين كتيرة هنا.. مثلاً أنا محمود مصطفى محمود.. هنالك يوسف محمد يوسف..بشير حسن بشير.. الحاج حمد الحاج.. علي عمر علي...والأخ الكريم/ سلمى الشيخ سلامة..
آخر كلمة: (كلمة الشيخ كلامة)؟؟؟
تاني ما تعملي حركة زي دي.. فعلاً ما في داعي.. هسي أمانة في ذمتك دي.. ما فترتي من الردود الكتيرة دي؟؟
| |
|
|
|
|
|
|
Re: سلمى الشيخ سلامة.. سلامتك (Re: خالد حاكم)
|
خالد حاكم يا قريبى ولا يهمك لانه الزول مرات بطش من بيتهم انقر ما كنت بطش من البيت فى المرة الاخيرة الرجعت فيها السودان؟ كل يوم بجى الدموع عشرة عشرة وتسالنى امى ـ مالك وشك معفرت ؟ والرد مضحك طبعا ـ ما رحت من البيت يا قريبي ولا يهمك وتسلم
| |
|
|
|
|
|
|
Re: سلمى الشيخ سلامة.. سلامتك (Re: محمد خليل ساني)
|
محمد خليل ياخ خلعتنى عديل ياخ اول حاجة سعيدة جدا انى اتكلمت معاك تانى حاجة ما تتخيل انى فرحانة كيف انك مع حسان اخوى سلم لى عليهو وبلغه اشتياقى الزايد حبى ليهو وتسلم حبوب وماتنقطع مننا تانى شكرا
| |
|
|
|
|
|
|
Re: سلمى الشيخ سلامة.. سلامتك (Re: محمد أبوالعزائم أبوالريش)
|
محمد ابو العزايم عليك (النمل) كان ما سلفتنى صورة البت ولا الولد الفى البروفايل بتاعك دى تكشيرة يا ربى ؟ ولا ابتسامة ؟ ولا زعل ؟ غايتو ما لقيت ليها تفسير غير انها عسل امكن لانه مؤخرا بقى عندى ضعف شديد تجاه الاطفال (لارتباطى بالعمل فى الحضانات حقت الجهال ) ياخ دا عالم لذيذ كيف ؟ وما اظن حاخليهو لانه دخلنى فى حالة من المتعة والانسانية لمن غلط تسلم ياخ
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
الحبيبة سلمي
اختنا وحبيبتنا العافيةتبراك وتخطو كل خطاك الف بعد الشر عليك وكما قال لي احد اصدقائي الاطبأ ياسهيرالبعيش هنا in North America كل السنين دي وما يمرض الا يكون حيوان وانت قمة الانسانية وبؤرة الاحساس فهي ضغوط الزمن والدتي فلا تأبهي اجر وعافية يلا شدي حيلك وخلي الدلع انا والنصري منتظرين دعوة عرس عزة عشان نجي نغني ليك حسي وحضري البيبسي محبتي لكم وكل ودي
| |
|
|
|
|
|
|
Re: سلمى الشيخ سلامة.. سلامتك (Re: خالد حامد الجزولي)
|
خالد الجزولى يسلم شيخ العرب وكل سكرتارية تحرير الخرطوم وين ما كانوا وبالجد ناس رايعة جدا وكم حبيت اكون معاهم على طول لكن حلوة لكن دى ؟ تحياتى للجميع ومتى ما اتصلت بالخرطوم فى الخرطوم سلم لى عليهم كلهم
| |
|
|
|
|
|
|
Re: سلمى الشيخ سلامة.. سلامتك (Re: suhair elsheikh)
|
الابنة الحبيبة سهير البيبسى جاهز وكلو تمام بس تجونا وما تتاخروا بعدين بالجد القصة ماتوتر احسن زول مركلس ياهو خالتك دى لكن الكبر دخل والقصة ميراث بت امى يعنى الوالدة كانت تعانى من المشاكل فى القلب ويا قلب ما تشيلى هم امك تمام هسى وبحاول انت عارفة حكاية ضغوط وشنو دى ما ليها دخل بى ولا عندى شغلة بيها اجمل حاجة انه الزول بعيد منها ما لاى سبب غير انها بتقصر العمر بضحك حتى من مرضى اها الضغوط دى وين ؟ غايتو الله يدى العافية وتجونا ونشوفكم حبيبتى
| |
|
|
|
|
|
|
Re: سلمى الشيخ سلامة.. سلامتك (Re: Abdulbagi Mohammed)
|
يا بقة عقود السم عبد الباقى مختار او ما تشاء من الاسماء لك المحبة وما بتقصر خلينا نسمع صوتك مشتاقين ياخ منتظرة تلفونك بعاين بعيونى وما بشكى لى غيرك بعاين الى اخره وما زلت اؤمن بالمقولة البايخة ان الكلاب طويلة الاعمار تسلم مع انى ما كلب لكن (قلب) عارف عندى نص قلت فيه قلب المراة يصارع طويلا لكنه لايموت وهذه بت الشيخ برضو ؟؟؟
| |
|
|
|
|
|
|
Re: سلمى الشيخ سلامة.. سلامتك (Re: ASHRAF TAHA)
|
اشرف طه دمك زى العسل يعجبنى عارف زمان عميرى عليه الرحمة كان بقول لى لو زول او زولة ما بفهموا النكتة ولا تصاحبيهم هسى انت زول بفهم النكتة ودايرين نسجلك فى حزبنا رايك شنو ؟ تسلم وكرامة وسلامة من هسى وزع الكرامة تمر وفول مدمس ما كتيرة مش ؟ زى احتفالات ناس الحكومة جنهم فول مدمس وبلح تقول عازمين (جكس ) تسلم
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
الأخ أبو مهيار ألف سلامة لأستاذة سلمى اللهم أشفيها وشافيها وعافيها وأعفو عنها وأكشف ما بها من ضرّ يا عزيز يا ذو الجّلال والإكرام وألبسها لباس الصّحّه والعافية عاجلاً غير آجلاً يا ربّ العالمين اللهمّ يا مجيب الدّعوات أشفي سلمى من كُلّ مرضٍ ومن كُلّ سوءٍ وعافيها وأعفو عنها يا ربّ العرش العظيم يا ربّ السماوات والأرض يا حيّ يا قيّوم اللهم ربّ النّاس أذهب البأس عنها وأنت الشّافي اللهم أشفيها
| |
|
|
|
|
|
|
Re: سلمى الشيخ سلامة.. سلامتك (Re: لؤى)
|
يا سلمى سلامتك ، وبختك !! سلامتك من المرض الما عندو نظر ده ، ما لقى الا بت الشيخ يجيها ؟؟ المهم حمد الله على السلامة وكفارة وأجر وعافية ان شاء الله ..
وبختك من الزحمة بتاعت الناس الجاتك دي والخلتني أجي متأخر .. بختك بحب الناس ليك يا سلمى ، وعينى باردة ( وفيها عود ) ..
| |
|
|
|
|
|
|
Re: سلمى الشيخ سلامة.. سلامتك (Re: خالد عويس)
|
خالد عويس تسلم ود امى وقدر ما حاولت ادخل عالمك من خلال الرواية القاك صادينى رسلت ليك كم مرة دايرة اقرا نصوصك وبرضو ما عبرتنى عبر المسنجر تحديدا قبل ما يتعطل المرة الفاتت لكن احنا فيها اخى العزيز اتمنى ان نتراسل ويهمنى ان اعرف الاصوات الجديدة فى الرواية رغم انك ماجديد لكن جدبد على شخصيا لك مودتى
| |
|
|
|
|
|
|
Re: سلمى الشيخ سلامة.. سلامتك (Re: Salah Abdulla)
|
صلاح اخوى تسلم من كل بلى عارف حكاية انك جيت متاخر دى ذكرتنى قصة واحدة قالو من اهلنا فى عطبرة قومى يالمرة موتى وشايلنها على المقابر ترترب قعدت على حيلها المهم يا زول ودوها البيت اها اول حاجة سالت بناتها (طبعا كنت مستغربة انه بناتها اتذكروا كيف الجا والماجا ؟ وحات الله يوم امى ماتت ماشفت زول وما متذكرة جنس زول لانى ما كنت شايفة غير السواد ) المهم سالتهن ـ الجات والجنازة حارة وشايلنها منو ؟ والاجابات تجى حاااارة المهم يا زول قالو والعهدة على الرواى انه الزولة دى عاشت كم سنه كانت بتتعامل مع النسوان على اساس الجية يوم البكا حقها (حلوة البكا حقها دى ) عليك الله ما زى قصص جورج امادو ؟ بس الفكرة دحين يا صلاح اخوى الجية وكت ما تتسهل اخير من عدمها مش ؟ تسلم ويسلم كل الذين احبهم والجونى والماجونى زاتو تانى تسلم
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
بت الشيخ سلامة...المرض بشتهوا ....والله اريتنا نحن ...لكن الا استلف منك الناس ديل يكفروا لي....البوست ده داخل على الخمسة صفحات عوووووووك يا شباب الموضوع ده ما انتهى بت الشيخ سلامة بقت تمام التمام...كدي قبلوا كفروا لينا انحنا..
| |
|
|
|
|
|
|
Re: سلمى الشيخ سلامة.. سلامتك (Re: حنين للبلد)
|
حنين يا حنينة يعنى قايلة ما تعبت لكن تعب الاحبة ليهو العمر كلو امس كنت بتكلم مع اسامة ابو مهيار وشاكلتو انت ترمى القنابل وانا انضف من الالغام ؟ من الالغام يا حبيبى يا غال غايتو مستمتعة بالضيوف لانها عادة عندنا فى البيت البيت ان بقى ما فيهو ضيوف اخير يتقفل بس يجوا فى الخير مرة يا حنينة كنت عاملة حفل خاص فى البيت لاحد اخوتى والمعزومين كانوا محدوديين جدا لكن انقرى ما فتحنا الابواب ؟ ناس المعهد كلهم رغم انى كنت اتخرجت ، وناس الاذاعة والصحفيين ، الكتاب باختصار بقت زى حفلة (زى حفلة العرس) اطرف حاجة كان الفنان سبت عثمان ومعاهو الفنان عبد القادر سالم اها الزول بتاع الايقاع ماجا وكان عندنا (ساون سيستن )زى ما بتقول حبوبة سعيدة المهم يا زولة الحفلة سرحت سرحة حلوة جدا وما انسى كان اليوم داك معانا لاخر مرة الراحل البديع حامد عبد الرؤوف وناس كتار المهم لما الحفلة انتهت وبودع فى الشباب ليه طارق كبلو ما ينبشنى ـ والله حفلة لذيذة لكنها تامنها صفقة مش قلت بتاع البنقز ما جا ؟ اها بتاع البنقز هسى (ابو مهيار ) ياخ تعال ياخ
| |
|
|
|
|
|
|
Re: سلمى الشيخ سلامة.. سلامتك (Re: محمد أبوعاقلة الطريفي)
|
الاستاذة سلمى طابت اوقاتك أحد القراء المعجبين جداً والمتابعين لكتاباتك بالخبر بالمنطقة الشرقية للمللكة العربية السعودية واسمه [U]سلامة سيد أحمد اتصل على أمس الجمعة 18/4/2008م عصراً بعد ان طالع لك موضوع بصحيفة الخرطوم (فياقة حريم) بعد طول انفطاع وطلب مني رقم تلفونك - علماً بأنني لم التق هذا الشخص من قبل ولا أعرفه ومستغرب كيف حتى حصل على رقم موبيالي ومن الذي قال له أنني أعرف رقم الهاتف الخاص بك عموماً أوضحت له الصورة وقلت له أنني لا أعرف هاتفها ولكني يمكن ان انقل لك تحياتك عبر سودانيز أونلاين لأني امتلك باس وورد فرحب بذلك وطلب نقل تحياته واعجابه وقد ابدى قلقاً كبيراً عندما لم بخبر وعكتك الصحية والوصيةفي الذمة قالو طلب منك رقم الهاتف الخاص بك وارجو أن ترسليه على بريدي الإلكتروني وبدوري سوف ارسله له [email protected] علماً بان رقم الهاتف الخاص بالأخ سلامة سيد أحمد 00966569662364
| |
|
|
|
|
|
|
|