|
Re: سلمى الشيخ سلامة.. سلامتك (Re: بكرى الخليفة الكتيابى)
|
عزيزتي سلمى سلامات ... سلامات ..... سلامات ما تشوفي شر .. وأن شاء الله أجر وعافية قد تذكريني وقد لا .. التقيتك لقية عابرة بقسم الكمبيوتر بصحيفة الخرطوم بمكتب الخرطوم وقلت لك أنني زميلك بمكتب جدة ، وأنني كنت أسمع اسمك بالراديو زمان ، وقد اعتبرتها لحظة حلوة وتوقف بها الزمن لأرى ذلك الزول الذي يحمل ذلك الاسم الرنان سلمى الشيخ سلامة الذي كنا نسمعه بالراديو . مرةثانية تسلمي ويسلم قلبك تحياتي وطاقم الصحيفة بمدينة جدة
| |
|
|
|
|
|
|
Re: سلمى الشيخ سلامة.. سلامتك (Re: وجدي الكردي)
|
وجدى الكردى ازيك ومافى ليك لا نص ولا (كاملة ) اها شنو ليك ؟ وبعدين ياخ عملتها ظاهرة تلفونى دا اى زول بتصل هسى قبل شوية كان معاى ناس من (السيعودية) ومن السودان كمان وعييييييك اها دى حركة منك ساكت بس ياخ معليش سخنت معاك مش؟ ولا يهمك عشان بنريدوك تسلم
| |
|
|
|
|
|
|
Re: سلمى الشيخ سلامة.. سلامتك (Re: سلمى الشيخ سلامة)
|
صباح الخير أستاذة سلمى .. أنا ما من الأبيض .. أنا خليط بين الدينكا والجعليين .. الوالد جعلي من أمدوم بشرق النيل والوالدة دينكاوية من مدينة يرول بولاية البحيرات مسقط رأس المناضل البطل علي عبداللطيف. مع تجديد دعواتنا لك بعاجل الشفاء وتسلمي من كل ألم ومن كل شر. صلاح المليح
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
العزيزة الغالية سلمى
سلامتك الف سلامة وربنا يملاك عافية بحق الرسول الكريم وأهل بيته.
ماتشوفي شر ياغالية علينا جميعاً ودعواتنا ليك في أوقات إستجابة الدعاء وربنا يتقبل.
اللهم رب الناس إذهب البأس وأشف أنت الشافي يارحمياً بعبادك ياقائلاً في محكم تنزيلك : وإذا مرضت فهو يشفين.
بسم الله الذي لايضر مع إسمه شئ في الأرض ولا في السماء وهو السميع العليم.
أعيذك بعزة الله وقدرته من شر ماتجدين وتحاذرين.
الف سلامة وإن شاء الله دائماً سالمة من كل شر وأذى يارائعة وطيبة القلب .
| |
|
|
|
|
|
|
Re: سلمى الشيخ سلامة.. سلامتك (Re: ALazhary2)
|
العزيز الازهرى لقد ابكتنى كلماتك واحسست بعظم المسؤولية تجاه كل هذه الناس التى طالما احببتها يا الهى افى هذا العالم من هو بكل هذه الانسانية ؟ حقا يااخى لقد احسست دفق انسانيتك وابكتنى كلماتك الصادرة من قلب كبير اتمنى ان تكون دائما بخير ولك تقديرى وودى
| |
|
|
|
|
|
|
Re: سلمى الشيخ سلامة.. سلامتك (Re: Adil Osman)
|
عادل عثمان يا جميل دى ياربى مستشفى ايوا؟ كنت فى الطابق الرابع فيها ناس القلب وحكمة الله زى ما قال صديقنا عبد الله قلب زاتو ما عندى كان عندى قلب كان دى حالتى ؟ يسلم قلبك وعمرك
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
سلامتك الف سلامة و بعد الشر عليك..
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
| |
|
|
|
|
|
|
Re: سلمى الشيخ سلامة.. سلامتك (Re: ابو جهينة)
|
سلامتك وبعد الشر عليك امبارح كنت على نافذة بص سياحى قادم من الابيض الى امدرمان كان معى العميرى وزهاء الطاهر ووجوة تتشابة بالحنين تذكرت ملامحك وكتاباتك الرائعة .ابشرى بالعافية سلمى
| |
|
|
|
|
|
|
Re: سلمى الشيخ سلامة.. سلامتك (Re: Bannaga ELias)
|
بانقا عباس الامين او رامبو لك محبتى ولكل من اتصل هاتفيا او ارسل ايميلا او كتب فى هذا المنبر له ولها ولك اعذب الامانى ان تكونوا جميعا دائما بخير فلقد اسرتنى كل كلمة وكل حرف اسرنى لكننى مثلما احببتمونى ازيد وهجا بكم وحبا لكم اجمعين
| |
|
|
|
|
|
|
Re: سلمى الشيخ سلامة.. سلامتك (Re: Elkhawad)
|
خواض وليدى الحبيب ابدا ازيك وتسلم ويسلم عمرك حاجيكم يوم اتنين مايو ابقى راجينى فى سلم الطيارة بوريك المواعيد فى المسنجر تمام ؟ اقعد عافية وسلام حار للوليد الصغيرونى وامه
| |
|
|
|
|
|
|
Re: سلمى الشيخ سلامة.. سلامتك (Re: nourelhadi awad)
|
نور الحبيب ياخ ما تزعل بقينا تمام التمام وحات سيدى ما بكضب وبعدين وين انت من الصباح مستنية فى المسنجر بتاع الياهوو(داك ) ولا انت ولا اى زول فى شنو ؟ غايتو جنس حالة ؟ اطمن تماما اننا بخير وعلى خير واحب اهدى (الغنية للاولاد فى السعيودية واولادى فى كل بكان فى الدنيا) واقول ليهن انى بحبهم جدا جدا جدا دا ما كلام زول بقى نصيح ؟
| |
|
|
|
|
|
|
Re: سلمى الشيخ سلامة.. سلامتك (Re: محمد عبد القادر)
|
يا محمد عبد القادر الزول السمح ازيك وسلامات وما تشوف شر يارب هسى على راى العرب بتاعنكم فى قطر بقيت (اشوا) مرة اتصلت واحدة صديقة زوجة حسان اخوى من الدوحة فى الخرطوم بتسال عن صحة حسان قالت لى وكنت اتلقيت المكالمة ـ حسان اشوا ؟ قلت يا ربى دا هندى دا ولا ياتو لغة المهم ماعرفت اشوا قلت امكن انقلبت عندها الحروف ولمن قامت زوجة حسان اخوى بالترجمة لاحقا عرفت انها تعنى (احسن ) هسى الصعبة ياتا ؟ ويقول ليك امة واحدة شنو كده ماعارف ليك اقعد عافية ودامى
| |
|
|
|
|
|
|
Re: سلمى الشيخ سلامة.. سلامتك (Re: Ahmed al Qurashi)
|
العزيز احمد القرشى ازيك وشكرا ليك وتسلم من كل شر ولو سمحت خلينى اكون انتهازية واقول ليك بلغ عنى استاذى وصديقى عز الدين هلالى انى بخير والحمد لله لانى لقيت منه رسالة صوتية وما عندى تلفونه شكرا ليك ود امى
| |
|
|
|
|
|
|
Re: سلمى الشيخ سلامة.. سلامتك (Re: محمد عبد الماجد الصايم)
|
محمد عبد الماجد يا فنان شكرا ليك لكن امكن ود البشرى ما داير كده؟ مش احتمال ؟ خليك ديمقراطى واساله امكن (غير رايه ) او حتى امكن مكجنى زاتو اها يبقى لى كرامة كيف ياخ ؟ انت معليش عفيناك من الكرامة لانك صغنتوتى لسه يا زول اقول ليك وما تزعل منى ؟ ابيت ما دايرة كرامة الا بابو اربعة وبقول باااااااااع دا شنو يكون ياربى ؟
| |
|
|
|
|
|
|
Re: سلمى الشيخ سلامة.. سلامتك (Re: ناهد علي)
|
ناهد على ياخ ازيك ياخ اولن شى ما فى جنس حاجة عندى كلام حكما ساكت واحدة حبوبة زولة صحبتنا قالت مشت ال(حكيم ) عندها الام كلى وحسب الرواية انها اتهموها (بالكلو ) اها لمن جات راحعة من الاستبالية سالوها ناس البيت واخواتها ـ الدكتور قال ليك شنو ؟ ـ قال لى ماعندك حتة كلوة كدى هسى كمان يا بت امى ما عندى حته قلب كدى وتمام التمام تانيا شى كتر خيرك يا الحبيبة وما تنقطعى مننا ودعتك الله
| |
|
|
|
|
|
|
Re: سلمى الشيخ سلامة.. سلامتك (Re: adel alsaed)
|
يا عزة في بت عمرها في التلاتينات سمممممحه قاعدة جوة تلفونكـ كل ما اضرب ليكم تقولي the mailbox بتاع عزوز ده is full وبعد شوية تاني تقول لي are you still there ? وانا ما صدقت .. بقيت كل شوية اضرب و انتطرها تسألني وانا من جني و غباي اهز رأسي بلإيجاب كل مره
فيا ادوني سلمي الاقيها و اطمئن عليها او كلمو البت السمحة دي قولوا ليها انا منتظرها لسه
| |
|
|
|
|
|
|
Re: سلمى الشيخ سلامة.. سلامتك (Re: خدر)
|
خدر ود امى فضينا ليك الانسرمشين ( ماشين وين ؟) قاعدين حارسينك يالمشتهنك فى غيابك بالنا غيرك ما انشغل النوم وراك يبقالنا شر عارف قاسم نصر قال الزولة القلتها دى لمن تخش فى محادثة ويكون بتكلم مع اهله طبعا هى بتخش بالسويدى وتعلن انتهاء المحادثة قال لى ـ طوالى بقول لناس البيت دى مرتى شفت كيف ؟ اها يا سيدنا فضينا ليك العلبة تب كنك ضارب لكن ما تضرب طناش منتظرين ونسال متين قطرك يصل كايسين شويفعا يجيب رسالة يجيب امل
| |
|
|
|
|
|
|
Re: سلمى الشيخ سلامة.. سلامتك (Re: الجندرية)
|
الجندرية حلاوة لبن ازيك حبيبة والحمد لله الواحد بقى كويس خالس لكن النشتكى ليك ودامك وامى اولن شى كتب البوست وخلع يعنى حيرنى حيرة مبالغ فيها يعنى اخد الحبوب ولا ارد ؟ لكن بينى بينك احلى الردود على الحبايب مليون مرة من طعم الحبوب دى زى طعم الدروس تحياتى لعثمان
| |
|
|
|
|
|
|
Re: سلمى الشيخ سلامة.. سلامتك (Re: Abomihyar)
|
ابو مهيار الشباب الحلو الحمد لله بقيت كويثة وهسى فى البيت تسلموا من كل شر وبجيكن واحد واحد غاليين على فرحت لمن لقيتكم معاى الالم خف وحات الله ما عندى شى بقولو عليهو لكن الخواجات الله يديهن العافية لمن يخوفوك يسالوك من جنس حاجة وبكترت الاسئلة لمن سميتن منكر ونكير يعنى جنس لياقة الحمد لله زال الالم وبرد الجو نحمد الله على كل حال والجاتك فى( قلبك) سامحتك
| |
|
|
|
|
|
|
|