|
|
 Re: سلمى الشيخ سلامة .... خمسون عاما اضيئوا معى شمعة جديدة (Re: سمية الحسن طلحة)
|
الاخت العزيزة سمية يا سيدة المسدار
افرحنى دخولك الى هنا
وانتى تحملين هم ان يندثر ذاك الفن الرفيع وتوثقين له
لا املك سوى ان ارفع القبعات اجلالا لك وانتى تفعلين
لان ذاك فن نخشى ان يندثر بالفعل فى ظل فورة الشباب وعزوفهم عن تلك البدائع
وكثيرا ما كنت اتساءل هل يفهم ابناؤنا الصغار عظمة تلك المسادير واغانى الحماسة ويرقصون لها طربا كما نفعل ؟
كنت مرة قد اشرت الى ذلك فى معرض مقال كتبته فى صحيفة الخرطوم
وتساءلت هل تحرك اغان مثل (اسد الخشش )وغيرها همة اطفالنا كما نفعل ؟
وحلقت بذلك التساؤل وسط الفتيات والفتيان فبادرونى وماهو الخشش ؟ وماهو الاسد تساءل بعضهم ؟
قادنى هذا بدوره لغياب حديقة الحيوان التى كانت شاهدا على وجود (كائن اسمه الاسد )
كم ان الامور متشابكة كانها خيط مسبحة لاتنفصل
فالسياسى مرتبط الى الثقافى والاجتماعى والاقتصادى وكلها تشكل نسيج ما يمكن تسميته بالمجتمع الانسانى لذلك صديقتى لاتتوانى ان وجدت فرصة الى طباعة تلك الفنون من المسدار لانها واقعنا وحياتنا وفيها نرى ما لاتراه عين (السياسى) القاصرة وكثيرا
| |
 
|
|
|
|
|
|
|
|
Re: سلمى الشيخ سلامة .... خمسون عاما اضيئوا معى شمعة جديدة (Re: Ali Alameen)
|
Ali Alameen
خلينى احيى باسمك الزميل والصديق نجيب نورالدين صاحب (نجوم بعيدة) الخلاك تعرفنى
بعد كدى ازيك يا المليح زيك
دا كلام حبوبات
ارجع ليك لنجوم بعيدة
تعرف يوم التلفون رن
رفعت السماعة
ـ ازيك يا بتنا
ـ حبابك
ـ انتى ما بتعرفينى
ـ اهلا بيك ابوى
ـ معاك القاضى محمد ابو زيد
ـ تشرفنا
ـ سمعتك فى برنامج نجوم بعيدة وحبيت اسلم عليك
طلع رئيس ديوان الحسبة والمظالم
لكنه لم يرد الى مظلمتى وكنت اتعشم ان اعود الى الاذاعة
ربما حالت ظروفه دون ان يفعل لكننى سعيدة بمعرفته
فهو فنان يعشق الغناء
وبخاصة الفنان احمد المصطفى الذى طفق يكتب كتابا عنه اشهدنى على بعض من اجزائه
وغيره كثيرون لم تتح لى فرصة ان التقيهم
وانت ياصديقى احد الذين دلفوا الى معرفتى عبر ذلك البرنامج
فلنجيب محبتى التى تزيد ولكل من استمع الى نجوم بعيدة خالص اعزازى
| |
|
|
|
|
|
|
|
|
|
Re: سلمى الشيخ سلامة .... خمسون عاما اضيئوا معى شمعة جديدة (Re: Dr. Faisal Mohamed)
|
Dr. Faisal Mohamed
اتمنى لك دوما اعظم النجاحات فيما تقدمه للانسانية
واتمنى ان يكون العام القادم عاما يشهد سطوع علمك اكثر
خاصة فى مجال بات الان واحد من هموم الانسان فى بلادى
بخاصة الاطفال الذين يحصدهم السرطان بانواعه
رايتهم يا صديقى وهم يكابدون الالم بلا امل فى الشفاء
نسال الله ان تجرى ابحاثك مجرى النيل لتغسل كل حزن وكل الم اعترى اهلنا
وانت تعلم مصدر الشقاء الذى حاق بهم
لك الامنيات بكل النجاح ودمت ايها العالم الجليل
| |
|
|
|
|
|
|
|
|
|
Re: سلمى الشيخ سلامة .... خمسون عاما اضيئوا معى شمعة جديدة (Re: Abuelgassim Gor)
|
قاسم قور ياكوز يا معفن
انت عاجباك الفكرة مش؟
لكن ما بعرس راجل المرة كان بقى حتى (حلو حلاة )
وانت (مر ) قبل ما تعرس
حسى يعنى اقول لحوا شنو ؟
عشان هى حتقول لى
ـ امشى يا ختافة الرجال
هسى الكلام دا ما اعوج منك ؟
بعد الملح والملاح يخسى عليك يا كوز (زير السبيل )
وبعدين (ثيبس )
مش عندو خيمة بحوم بيها
يعنى دايرنى ابقى مشردة؟
انا لن اعيش مشردة
وتانيا شى ما حاشتغل ليك كورس
لانى بغنى براى
غناك بلا يخمك
ابيت ياقاسم ولسانى حالى
ما بدورو الكوز دا
الكوز دا الله بينو وبينو
الكوز دا ابرة تقلع عينو
اصلو عينك طايرة من الاول اها وكتين تنقد كيف ؟
ياخ احبك ياخ لكن ما بعرسك الا تجيب لى وظيفة تانية غير الزوجة المرتقبة وظيفة من وظايفك البتسافر بيها دى مهر ما غالى مش؟
| |
|
|
|
|
|
|
|
|
|
Re: سلمى الشيخ سلامة .... خمسون عاما اضيئوا معى شمعة جديدة (Re: سلمى الشيخ سلامة)
|
ياسلمى والله بالغتى , بنات حواْء ديل الواحده لما تقول عمرى
خمسين يعنى ستين , دايما ماكلين عشره سنوات , يعنى كده نقول
عليك دخلتى عمر النبوه .
كل سنه وانتى طيبه ودائما صبيه ,,, تحياتى ,,,
واهنئك ايضا بالعام الواحد وخمسين من هسه لانى شايف البوست داخل
على السنه التانيه , ( عمر مديد انشاء الله )
| |
|
|
|
|
|
|
| |
سلمى الشيخ سلامة
Adam Mousa
Abuelgassim Gor
على عمر على
نادر الفضلى
Souad Taj-Elsir
kamal ali
فيس بوك
تويتر
انستقرام
يوتيوب
بنتيريست