نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مجدى النور ........الولد النيل (Re: عبدالأله زمراوي)
|
اخى عبد الاله
مجدى كان زى ماقال هو
زى نجم
سحابة تودعو
يرتاح فى رموشا
تفوتو باكية
توجعو
يضارى من ليل
صدودا
يجيباشوق
وتفتشو
يا بت
دريب الشوق
طويل
زى غرقان
احزانو شادا
تغرقوا
وشوق اليابسة
ساقووطفحو
لوعةالنيل
فى الغروب
موجة
داير تعكسو
الضى يفوت
الموج يفوت
ضفاف مناها
تقالدو
وتحضرو
ماهمس
الهمس بوح
ما قادر اهمسو
الحب كده
شلال
وعابر روح
مجنون
لو تسبحو
مجنون
عشق البعشقو
هو ذا مجدى النور
يحملنا بين دفتى النيل حبا
ويدفننا بين نهدى النيل
ونمضى الى حيث رحيقه
نقتفيه
ونصطفيه
ونرتجيه ان يبق قليلا
لكنه يسدر فى المدى
يروح منا فى ساعة ان احتجناه
يغيب عنا فى الابد
لكنه باق هنا فى هذا القلب
والروح ابد
رحم الله مجدى النور رحمة عرضها السموات والارض
سعتها عدد كل من عاش ومن مات
و كل نفس عاشت على ظهر هذا الكون من الان والى الابد
| |
 
|
|
|
|
|
|
|
|
Re: مجدى النور ........الولد النيل (Re: محمد عبدالغنى سابل)
|
الاخ سابل
ولمجدى نخترق السدف
وله نجترح الحزن او هو قائم فينا لا يريد اجتراحا
هو حزننا المخيم ابدا مادمنا على ظهر هذا الكون
هو نخلاتنا العالية الباسقة
السامقة
هو مجدى ابو مازن ومصطفى
علمنا فى حضوره ان نكون
وفى غيابه ان نكون
علمنا معنى ان نعيش للاخرين وبهم ولهم
فيالمدرسته
ويا لنا من تلاميذ فى حضرته
لله ما اعطى ولله ما اخذ
وانا عليه لمحزونون
| |
|
|
|
|
|
|
|
|
|
Re: مجدى النور ........الولد النيل (Re: سلمى الشيخ سلامة)
|
نحن اهل الفرحه جينا
لاالمدامع وقفتنا ولاالحكايات الحزينه
لما درب الرايحه جابنا جابنا في هادى المدينه
ياولدى الدروب شقاقا بحر التيه
ليك درب ولا دربين مساك الدروب ضهاب
ليك قلب ولا بالين وسواى القلوب كضاب
ليك ضهر ولاسرجين ركاب السروج وقاع
شق ياولدى بحر التيه بتتدردر وتتودر
ولامن يوم علي تايتنا ديك ترسي
نعزك بالقبيل داخرنو ليك
الشوق بحر ياولدى بحراً تيه
قت ليك العليك ادرابو لا تنغش ولا ترضابو لاتنغش
في الزمن الزمين والكي يسوهو خلاف عشان الني
عليك الدور وتصريف الليالي بدور تشيل ما شلنا من الهم
ولا من دمعه ترمي الدمعه فوق دربك
روح يابا .. وابق قفاك لاتعاين ولاتعاين علي موطاك
ولا تندم علي خطوا تملي مشيتو لى قدام
وابقي العاتي زى سنطتنا زى صبرا نلوك فوق مرو زى الزاد
لاشيتاً نزل في الجوف ولابرجع ولا بنزاد
واركز للبجيبها الريح تقيف انت ويشيلها الريح
وابقي العاتي والدرب الوراك مسدود و شيل شيلتك
بقيت للنص لاحلما بجيب البر ولا حدود
وانبليتا اختا الرمله ما تقع البكان الهش
هي الممطوره مابتبالي من الرش
النعمه بتعرف عاطيها والجمره بتحرق واطيها
بالكيله عطانا و ما لقينا فوق جمر خطانا وما لقينا
يوم الوعد... ياحليوه فيك الدنيا ما كانت شروق
الا الارض متكشفه متبلمه نعمنو من خير الخريف
لافحالها شال منطرحه خضرا وفرحه دوب تتشابي لي عين الشمس
من بت حليوه النفس بيضا كذا الحليب
والروح مشحتفه في البلود الفيها ريحتك
للبعود من فزعة الغربة البساسق فوكا
موراجع ولا بالحيل قريب
الروح مشحتفه في الحبيب القلب بكر الدنيا ما شافت جديدو
ولا الحزن دقالو باب
وشفتي كيف يوم الوعد كيفنو مترامي الغمام
والقمري زغرد للبلوم النسمه هبت مرتين
يا حليوه يوم دقيت بارضك فاس خصيب والتانيه في
يوم الوعد والايد تسالم في الايدين
والام تقالد فوق جناها تشمو زين
وحليوه صاحيه حليوة ضاحيه كذا النسيم
والدنيا غيم وحليوة جد جد ياولد قول للبلد
قايل غناوي الحزن ليش شايل مساديرك مجامر دمع ليش
ليش يا بلد والناس تريد والدنيا كل ما نريد تزيد
تملا الايدين تفرح تهش
لو صحيح غنينا بالدمعه الحميمه ولو دموع الفرحه ما لاقت غنانا
بكره نرجع تاني للكلمه الرحيمه شان هنانا شان منانا
شان عيون اطفالنا ما تضوق الهزيمه/font>
| |
|
|
|
|
|
|
|
|
|
Re: مجدى النور ........الولد النيل (Re: محمد مكى محمد)
|
يقف مجدى بين الاثنين محجوب شريف ومحمد طه القدال
يا مكى اخوى
علامة
يقف بين باب السنط واهل الفرحة
مشرورا بطول النيل
ملموما بحب النيل
نفاجا يفتح على قلوبنا
هو مجدى
النقى السريرة
يضحك كطفل
ويبكى كطفل
ويحبك كطفل
يوقد اصابعه كيما ينير لك الطريق
لكنها لا تحترق
بل
تخترق الروح وتقعد
يفج الدواخل همبريبه
ويدخل الى رواكيب بيوت الطين
نقبا كسريرته
حزينة لرحيله
بكيت وابكيت البكاء نفسه
لكنه ابى ان يعود
جاوزت الخنساء
لكنه لن يعود
وبقيت على امل ان يبقى داخلى ابدا
يبقى كطفلى الابدى
وسيبقى ابدا مجدى النور
نصير الضعفاء
وماسح دموع البؤساء
وصانع الفرح حضورا لانهاية له
| |
|
|
|
|
|
|
|
|
|
Re: مجدى النور ........الولد النيل (Re: سلمى الشيخ سلامة)
|
ود باب السنط والدكة والنفاج
والحوش الوسيع للساكنين افواج
واللمة التى ربت جنا المحتاج
والنار الدغش
والريكة جنب الصاج
والسكسك المنضوم
حول الجبينة نجوم
والفنجرية تقوم
تقهوج الحجاج
طق طرق يا بن
القهوه كيف ومزاج
طق طرق يا بن
خلي النعدل الراس
ونحصل الترماى
| |
|
|
|
|
|
|
|
|
|
Re: مجدى النور ........الولد النيل (Re: سلمى الشيخ سلامة)
|
العزيزة سلمي ... تحياتي ياوسيمة
معاي نسخة من سي دي (النفاج)
الإشتغلو الراحل مجدي النور
كتوثيق لجزؤ من حياة محجوب شريف
حأجتهد جداً عشان أرسلو ليكي
وين ماكنت .
ودي هديتي ليكي ياجميلة وعشان
مجدي النور يكون معاك صوت وصورة
دائماً ....
بس ورينا السكة البتوصل ياسلمي
وسلامات سلامات
| |
|
|
|
|
|
|
|
|
|
Re: مجدى النور ........الولد النيل (Re: محمد عبدالغنى سابل)
|
يا ولد يا نيل
حنيت ضهر الكلام بعدك
وحنف وشو الكلام زعلان
حميت الكلمة ما تمرق
ومرقت فى الدغش احلام
مشيت يا زول ؟
وكيف تمشى
وكان بيك الكلام معدول
يا وحيح القلب ما تزيد العلى مشيول
مشيتك كانت العترة البقت فى الجوف
وغيبتك بتقطع من شرايين القلب والشوف
وشوفتك باقية امنية
وطلت وشك الباسم تزيد عمر الزمن غنوة
يا ولد يا نيل
عترت
ووقفت طويل من العترة
واتمنيتك تكون ايدى البترفع للسلام بكره
ومشيت يا زول؟
كيف تمشى وبيك كان الكلام معدول
بقت حرقة حروف الدنيا ما بتتوصف
وكانت بيك حروف الدنيا مبتهجة
نامت عين بتتوجع وراجيا التكمل الحكوة
وما كملت
تعال كمل كلام الشوق
تعال كمل فرح ايامنا يا فرحان
يا مشتول من الفرح الدخل جحر القلب
الوكت مافات
لسه ايامك كتيرة بيناتنا تعال ونكمل الغنوات
وفات وفات
ولسه هدينى منتظرة
يعود ونكمل الغنوات
| |
|
|
|
|
|
|
| |
سلمى الشيخ سلامة
محمد مكى محمد
خضر حسين خليل
فيس بوك
تويتر
انستقرام
يوتيوب
بنتيريست