الابيض ** كرفان ** السودان 00

(عدل بواسطة معتز تروتسكى on 12-28-2005, 06:31 AM)

(عدل بواسطة معتز تروتسكى on 12-28-2005, 11:51 AM)

Quote: ..... Quote: ... tabaldy صنفور .. تفاتيف الفول المدمّس طبق سعف تحتو القديح راجي الجني يركز ويعقل كراعو ويثبتو حبابكم عشرة بلا كشرة .. وكان كنك فندي زول رغيف علّا ترجى حجّوج ود النضيف يجي من الأبيض .. صوت الحجوج ما سامعو معتز يالفندي بصرخ في القويز ؟ يكون لحق دقيل فوتي ولا البديرية .. ولو ختا يااللفندي بيت علي ود الشرتاي سماعين بصلك الحجوج قبل نجيمة الضيف ما تمرق .. علا خليني أخبّـر البنية كان بتشرب يالفندي روب , شايف بخستها سميني .. وكان بتصبر نضبحلك العنبلوق إلليل الجني شن سموهو المسيخيت , ياسين أي ياسين في ليلك ده .. أصلو خالتك قالت تضبحو باكر دغيش .. لالا , لا تقول بكري رايح دغيش دار صعيد , إن صبرت شوي يالفندي يومين كمان تحضر عيزيمة ود الشرتاي سماعين .. قالولك ده ضابحلو كمين تور ما انعرف , وليد الشرتاي سمعاين علي رجع يعقد لي أخوهو الصغير شن سموهو , اها ضبح الضبايح والحريم يعوسن ويطبخن ليهن سبوع وشوي , يا زول قالولك شيتن كتر وزين وما خمج , وعلي ود سماعين ما بقصر في شي , كل شي يدوروهوا يديهم حقو كاش علي داير المليم وما بقول علّاحتى جاب المكني بتاعة النور , خلى الحلي منوري ليها سبوعين يمكن , ريّحنا من نقة جاز الكنتين كل يوم نغالطو جازك ابيض ضمير سميري ولا لون زينب مخلوط بي جازولين .. والسيخيت يضحك , اها ودسماعين الشرتاي ريحنا منو ده حتى قالولك جايب لي ناس البندر فنانين بندر , وكان درت الرزمي الصحي بوصيك تخلي غناوين البندر وتعال اسمعلك جنس نضمي من بت ام ختير , دي قاطعالا كتر غني في اب جبة .. واب جبة ينقز سااااي متركش طويقيتو الحميرة متل فتيردمور ويضحك ماخلالو سن ما مرقو .. علا صحي يالفندي اب جبة مسافر السنة دي الحجاز ؟ شن فضل في الحلة يالفندي ؟ مين فضل ؟ صحي إنكسر المرق إنشتت الرصاص وبقينا راجين صدتكم في كل درت ومرات الدرت والزينة مابتجيبكم بقت ما بتلمكم الا الشينة والكره الله لا قدر .. تعرف .. كلكم بتقولوا صادين الشهر التالا الدرت والبعد منو وما بترجعوا .. علا جد وليد سماعين الشرتاي المك عاجبني نضميهو حيل وجيتو كل كمين شهر , بجي ويقسم لينا الفيها النصيب ويعرس للوليدات اخوانو الما عرسوا ويرميلو كم نقيط في البنوت ويفرحن ويخلي زغاريدن داقشات فوق النجم , يجي يصل العيان وان شاف حوجتو شيتن كتر يرسل الخرتوم يجيبوهوا من السبتاليات هناك , اصلو الشفخانة عدمت الحبي مافيها قالولك الحبة والحكيم شالو حشاشة وحرد الدكترة وشايفو السنة دي بدري حرت زرع الشرتاي سماعين الوراني مقابيل ترب الزناهير .. اها فوتك في وداعة الله وكل سني وانتوا طيبين وينعاد العيد عليكم تامين وسالمين وان درت العرس اقع حوش عم عبد الرحيم , بنوتو بقن بنوت عرس سااي كان الكبيري سلمي او الشويطيني التانية ديك .. ما تقطع من أمك , بتجننا في رويسنا ده وطلعة الحجوج القويز وقبال يلحق تبلدية نقطة البوليس في درب اب زبد الابيض تقوم لي الثكلي وولدي وضهري وعيوني وودوني الحكيم ونقعد نفتش لي الحكيم في زرع وادي الزناهير وبي ياللا وياميين نقلع منو الحشاشي ويرضي يجي يشوف شن خبرها ويطلع يضحك يقول المري دي علاجا جناها ما عندي ليها الحبة , تقول الشفخاني فيها الحبي .. اها تاني فوتك بي عافية وحكينا بقي يالفندي زي ونسة قيديم امك وخالتك في باب الحويش .. اها بي حديس الحويش إنشاالله زربت الحويش لي امك السنة دي ؟ شايف امك بتهرج من غنم الحلي , غنم الحلة مرة دقشن الصريف أكلنلها خمير عجين , شاكلت وهرجت في الراعي وحلفت بالتكتلا علا ياكل الكسري فطير وبراهو , الا حجزناهو منها وقلنالو المرة دي فنجرية وام فنجري ان لمت فيك ما بتخليك وبيتناهوا الخلي يومتا ولمينا بوش وزربنالا الحوش ووريناها كلمنا الجني يسوق البهم بدري من الحلة حتين ريحت رويسنا من الهرجي .. اا زول كل سنة والحلة بخير اا زول العرس العرس شن بدوربها الدكترة اا زول يافنجري يالفندي فتك عافية والعفو ابنوسي Re: الابيــــــــــــض.... .. ... ابنوسى صديقى هاك الوصيه من صديقك الجرارى( تروتسكى ).. الابيـض فيها الوسامه مجلى رسامها.. وبناتنا عديل يكاد قلبى ان يطير من تلك الاميره التى فى الصيد.. ربك يرجعنها ويرجعك ليها يوم نقعد فى نقرشه تسالى ساعة الضهريه .. تتذكر!!!! ولما تكون بينا مشاوير فى خريف من خياها لى خيالنا.. ونتلم مع الصحاب مش فى قويز بس ...نتربع ونحوم فى المدينه ..يوم تجيك الدعيشه من دار ريح ..ومره من دار صباح ...تخليك داجى ساهى ...صبرك اذا واذنك ياضابط السجن اتزود بنظره وارجع انسجن... فالطين ذاك الوعد الخريفى المسكون بهاجس بدايتنا القريبه من شاطئ عينيها وتبدو هى بكامل القاها وبكامل جنونها؛ حيث لانكون الا من الطين وللطين وبالطين حين يحترق المدى ملائكيا باصرار المكان والفتاة (البلده) على الاستعانه بمشاوير الاحلام فى صياغة طين الوطن... وماتبقى من معانى الانسانيةالمحترقه ..من شرب من طين الجروف ..من اكل من حوض البصل .. من اتعب الاشواق فى درب السفر ... من وقف فى صف الهموم جميعها ..من فصل الاحشاء دستورا لتثبيت الحقوق جميعها و ماكتفى...الابيض معقود بنواصيها الخير الى يوم القيامة... ريحة المدينه ويطق منها دخان الملاحات (ويكاب وحاجات تانيه حاميانى).. وذكريات فى رحلة قويز لى عند الجبل ... ياحليلك يا ابنوسى الطيب..حنين كلك طيبه .. تعرف شكل اللغه من طين البلد ليهو نفس وشهيق بختلف كتير فلازلت امتلك احساسا خاصا تجاه اشياءها..هو ذلك الخليط المتجانس من الحب والتوبه ؛ الحب السرى لاوعية الجمال السريه؛ تلك المستكينه بامعان فى الخضره ولطفولة والماء ومرابط النقاء الاخرى... رغم الغبار الذى فى الخبز ؛ ورغم لحن اغنية التعب المستبده على مواويل السكون ؛ لم يحتدم احساسى على الرصيف خارج نطاق الجمال والحقيقه... (ياوليد تر لى غادى خلى الناس تجب الضبيحه ماتعارض الباب؛ولا شيل اللحمه وديها للعوين جوه ..واها الوليدات جوه من البندر من الجامعه للعيد ؛ جو راجعين يابنوسى كان شفتهم حاجة تفر القلب ؛ وفجاء ياتى صوت من وصت اللمة ياوليد انت موك نصيح ؛شيل الابريق ده غسل لى اعمامك وامشى بعد داك دخل البهايم الزريبه ؛ قوم تقوم فيك صبره).. وذهب صديقى ابنوسى وبجلبابه المتسخ من اثار ده الضبيحه (جلبايه تملا كيف) ووسخانه مشى ابنوسى وكان شى لم يكن ماهو راسو ناشف زى دليبه واقوى ؛ وكان يريد فرصه ان يذهب ليلعب لكن اين لك ياصديقى الضيفان مالين الحيشان ... البعض بتخيل انه صديقى هذه صغير السن (لا) لان هناك لافرق مابين بين ابنوسى الكبير وابنوسى الصغير جميهم سواسيافى ان تخدم الاكبر سنا .. يازول قول جاى من البندر والجامعه؛ وشغال فى البيت نظافة للعيد واليوم الاول ده يعديهو بس اها لمن تجى الضهريه والناس تروق يلم البرشات وبعد داك ... بقول ليك نتم الباقى فى قعر التبلديه؛ اتم ليك باقى الهترشات وكلام اهلك الحُنان ديل ... والابيض غرد حبابها دره رايعه وقايد الكمال.. يابلومى شيل السلام .. ------------------------- الرحمن عبدالله - ودبارا متعه الله بالصحه... ...

(عدل بواسطة معتز تروتسكى on 12-29-2005, 09:55 AM)

Quote: ... Quote: ... على اسماعيل عيـــــــــــــدكم مبارك انشــــــــــــــاء الله وربنا يحقق انمانيكم جميعا . فوووووووووووووق لحدى ما نجى من اجازة العيــــــــــــد Re: الابيــــــــــــض.... ... استاذنا والاخ الاكبر ابن العم على (الكباشى)... مشينا العيد ولكن وهو شن طعمو فى الغربه دى... (يذهب الوتر المصفح بالضجيج ؛ ثم عفوا ياسفر ؛ وليحيا الق المشرقين فى تلك الرقعه الطيبنه .. بشر طالعين منك بُشاش ونُضاف ..) ععموما نصيحتى ليك ؛من خلال الصوره دى بقول ليك... ياوليد البس نعالك من الضريسه وامشى بلاد عمك جيب لينا بطيخ فقع. . يسعالك الله رجلينك ما سودن من طعين دحين. .. ولك الود .. ...

(عدل بواسطة معتز تروتسكى on 12-29-2005, 10:35 AM)