خليكّ ساكت..ما تَ قول بالله ...شئ!

Quote: ولاتقولّي كيف. ذي سكات الحِس إذا نطق الغرام.

Quote: خليك ساكت. ما تَ قول بالله شئ! كان قلت بتغيب الحواس وياني بلبسني الخدر. بيصيب وداري حنين و ماس بِبقى متكهرّب قليبي..هناك ممدّد ..ومنبسط.

Quote: انت ياموسم خريف مرّات تجينا مع المطر نسمات تخاطر بين رذاذو ال حِِس..حريف ومرّات طيوفك.. تبقى لي أحلامي..ضيف .. طوّالي مستعجل نسيمو كيفن يسيبنا بلاهو ..صيف! ولاتقولّي كيف. ذي سكات الحِس إذا نطق الغرام.

Quote: أسكت إذا طلع الصباح وأنا بين يديك غرقان وما كايس المروق لاني قادر أقول كفاي لا شوقي هاجس ودار يروق الشوق بصحي الروح أنينو وفي الوكت أصلو ما راعى الفروق يشلع بروق جواي تهضرب فرحتك ومني بتبلل عروق يا بت موَشَح سمرتك تعالي نتلاقى المسا في صحو أشواقي ونداك خليو نهارنا وإفتراقك وإنتشار الشلهتة الليل بتاوقك كل ما اتأخر صباح وأنا كيف بصُم خشم الحنين ؟؟ لو هو صنقر في ضليل الروح وصار ينده عليك شتت حروف الإشتهاء وفرتق حناياهو وطلعتي كيفن بصُم خشم الحنين ؟؟ والإشتها فارض بدايتك إنتها وانا شلتها نبرات حنانك صميتا جوايَّ ولبدت وأصلي ما غنيتا شان الإلتها فريتا شوق ضميتا حِن فرتقتها وصميتا في جملة غناي بدر إكتمل يوم بُحنا بالعشق الغرام وسكتنا عن باقي الكلام مين اللي قال مني بيجيك الملام يا سلااااااااااام كان يوما تاريخ اندهاش أو قولي كان موسم الرشاش يوم مطرت غميات هواك بلّت عروق اللهفة فيني وإنتشت كل السماوات الملانات قهقهة ونفت الطشاش لتَّق رشاشك خضرتي واست حروفك نبرتي شافت رويحتك فرحتي وإنتي وبنيات الكلام تتشاورن مين البصابقني الضحك ماااااااااا بتقدرن ... أنا أصلي مبسوط فوق شعوركن بتقدرن تلفنِّي لي آخر الضحك ؟؟ مااااااااااا بتقدرن ... وحيات عويناتكن هديك ماااااااااا بتقدرن ... هسة الضحك ما ضحك كل الخلوق فوق التساب إنفرَّ شوقي وفي الأرض كل النسيمات بتشيلو وشوقي وتنفرد ما بتنطرد الداخلة لي بتقدرن ؟؟ مااااااااااا بتقدرن ... وحيات عويناتكن هديك ماااااااااا بتقدرن ...

Quote: وقد قلت يوماً للقمر : ( إن شئت فأنزل علني أمنحك الاقامةَ أو ربما امنحك السفر في نميقي المسحور بالسحرْ .. الشمس نصف قامتي وعندما أطل ُ تختفي في غابةِ الأصيل)

Quote: مين كبَّرك ؟ وإنتي واقفة علي مقامات العشق مين رتَّلك ؟ وكتين وقوفك كان خشوع والعين بتتأمل قدرة الخالق جمالك ومين سبحك ؟

Quote: آز يو سيد

Quote: ولاتقولّي كيف. ذي سكات الحِس إذا نطق الغرام

Quote: خليكّ ساكت..ما تَ قول بالله ...شئ!

Quote: كان قلت بتغيب الحواس وياني بلبسني الخدر. بيصيب وداري حنين و ماس بِبقى متكهرّب قليبي..هناك ممدّد ..ومنبسط.

Quote: ماتنده الأشواق كمان.. أنا شوقي ماقدر المشي.. الواطة مابتحمل ..خُطاهو..

Quote: خليكَ ساكت, وماتَ قول بالله شئ!

Quote: لو تقول تبقى جد مسؤول عن كل شعور الليلة حام

معزّتي

Quote: سكتنا يا تماضر...بالذات بعد دما قرينا دي..

Quote: ساوينا بين فكرة نغيب ونكون هنا رتبنا أشواق الزمن والمننا وخاوينا أرواحنا وقعدناك ننضلل الإلفة ومجيك نستغرب الغربة المسافات الفواصل ولسة بنواصل إندهاش الرحلة ليك يا فينا منك فكرتك إضنينا مازالت بتسمع نبرتك يا وكتين يرافقنا التذكر لي طلة القمرة ومجالسة الحراز والنيم الغيم ماسك سقايتو ومعترض كيفن تفوتي بلا سلام عطَّش رويحاتنا وسكت بعد الكواريك النداءات وإنتي ماسامعة الحلوق الليك بتنده أن تعالي علي البيوت الروح تشمِّك تقلدك كل البيوتات تشتهيك أدخلي شفع الحلة البنادوك هودنة قرِّبي جرية المغرب ونطيط الحبال بت من حشاهم صوروك قمرة سمر ضل الهجير بت يا مصير وينك تفتشك الحواس