|
Re: قال :(بت من دمِّي).. (Re: عبدالله وداعه الامين)
|
Quote: ويا مجبول علي طبعك نحبك ياخي برضو كمان ونسال برضو عن حالك وحال الحالو من حالك اريتك تبقى طيب بس وتشرح لينا احوالك |
ود وداعة.. نحبك انت برضو كمان نحب كل البحب قلبك نحب الناس تحب الناس نرش الريدة في دربك زيح الشك..مع الوسواس حب الناس ..يكون ..شعبك وأيه يعني..لو توطّي الراس.. شان تحصل...كل من..حبّك كونك في السماء العالي ماأظنّو عُلاك..من ذنبك.
| |
|
|
|
|
|
|
Re: قال :(بت من دمِّي).. (Re: محمد عثمان)
|
محمد عثمان..
Quote: من زفة نفس مسدار وما جرتق فرح .. كانت ولا طعم الشقا الروّح خطاى هانت وإنتى معانى شايلاها القوافى معزة فى عمق الفرح .. دوبيت |
غنّى ماخلالنا..شئ.
| |
|
|
|
|
|
|
Re: قال :(بت من دمِّي).. (Re: تماضر الخنساء حمزه)
|
Quote: طمطم
انا بريدك ياااااااخ عدييييييل كدا
واوعى تقولي لي مرطبطة |
Quote: جيبيو لا جيبيو عليك الله ماتجيبيو*
* الهوا |
Quote: نعومة.. أنا بريدك جد
Quote:
_ أوعك تقولي ليّ خلّي البينا صداقة |
Quote: كيفن تكون البينا صحبة.. وروحنا واااااحدة وحات عينيك..
بريدك جد يا تماضر |
Quote: غايتو الهوا..جايّ..جاي
|
دا شنو دا ..كسير تقيل وبكا شديد .. يارشا حاتم ..أحسن أرجعي لدينا فيصل .. أخشى بعد شوي تطلعي لينا ببوست ..وداعاً رشا حاتم هوي أنا ولد ..وإسمي راشد منو كدة ماعارف ..مابعيد جنس الكسير الشايفنو دا..
لكن متعة..بوستيكم دمو خفيف شديد..
وشكرا
بشير
| |
|
|
|
|
|
|
Re: قال :(بت من دمِّي).. (Re: هاشم أحمد خلف الله)
|
Quote: أيه الشعر المرتاح (عديم المجهود الذهنى والإبداعى والغنا الهايف (عديم الـ ....أى شى دة
إنتوا ناس ما جادّين ولاّ شنو؟
يا تماضر الله يديك العافية!!!!
المهم .... |
تبارك.....الذي سواك عيون تقرانا من فوقنا وتبارك .. من زرع جواك معاني الطيبة يا ذوقنا تبارك... والذي جلاك مرايا وقدلة في سوقنا وسيرة وعرضة بيك ننقز ويزغرد ليك واسوقنا
| |
|
|
|
|
|
|
Re: قال :(بت من دمِّي).. (Re: عبدالله وداعه الامين)
|
مدح استثنائي ... مزدوج
Quote: عندي المديح جائز أكيد.. لمّا يطلع من فراغو..ويمشي للزول الصحيح. |
روحي فاقداك في الحقيقة ... قايمة كتاحــــــــة وحريقة ... وحتى نيــــــــرانك صديقة ... لم تـــدي الكلمـــــــة تشه ... ولم ندخل في قليبك ما بتعتر لينا قشه ... يا المسمِّر وجلدك أغبش ... انت وكت الضيق مساحة ... وأحلى ممشى ... .......... لو قلنا طارق ... انت عارف بابي فاتح للي بسأل وأي طارق ... (مش أي طارق أي طارق) يا المدفق روح وكلمة ... من مغاربك للمشارق ... أسمع نصيحة زول بريدك ... أرمي منديلك بعيد ... يا الشايلو طول اليوم وتبكي ... قشقش الدمعات جسارة ... إتجه لي الله اشكي ... لسه باب التوبة فاتح ... والناس تسد أبوابنا بدري ... يا المرتب وبرضو أغبش ... ................ خليتوني في لجة مكاني ... وحدة بتجابد زماني ... والصباح زي وشي أغبش ... جد بحبكم ومشتهيك ... كلو يوم في الغربة فيهو بشوف وشيك ... والحزن ما خل عادتو ... وكت يخشك أعمي وأطرش ... وكت يغشك وأنت سارح وبرضو أروش ... تلقي نفسك شايلو همك ... وقبل همك يسيح فـ دمك ... يبدا صوت الذكري يدوش ... والعذاب البصحى نص الليل يخربش ... تلجا للاحلام تشيلك ... وديمة في الاحلام مكنكش ... طايرة بي وما نسيتكم ...
| |
|
|
|
|
|
|
Re: قال :(بت من دمِّي).. (Re: محمد أبوعاقلة الطريفي)
|
Quote: خليتوني في لجة مكاني ... وحدة بتجابد زماني ... والصباح زي وشي أغبش ... |
مابتبقى قدر الوحدة..انت.. يالبراك سافرت..ليها.. ننده الأشواق برااانا ونبكي من تعذيبنا..فيها إحنا يووووومي..نسوق..خُطانا.. وبرضو نرمي اللوم عليها!
كلما تبعد مسافة سايق الأشواق وفاكِر.. زمنك انت براهو..أغبش؟؟ أيّ راحل عن حبايبو بي وراهو الناس تفتّش عن تواريخو الحنينة..وعن وجودو الكان بيدهِش. أي راحل..عن ديارو.. كل فجّة..عليو..بتسأل.. كل غيمة..عليو..بتبكي.. مابراك...الوشّك..أغبش.
Quote: والحزن ما خل عادتو ... وكت يخشك أعمي وأطرش ... وكت يغشك وأنت سارح وبرضو أروش ... تلقي نفسك شايلو همك ... وقبل همك يسيح فـ دمك ... يبدا صوت الذكري يدوش ... والعذاب البصحى نص الليل يخربش ... تلجا للاحلام تشيلك ... وديمة في الاحلام مكنكش ... طايرة بي وما نسيتكم ... |
هذا الحزن..
إنت راجي..تقِل عوايدو؟؟ ليه احنا دايماً في المحطات الحزينة وبيها..نقنع! يلا ودّع انتظارك..وأفرد الخطوات..وأسرِع يلا شوف الفرحة وينا ..ويلا قبّل بس قُصادا وأبقى..أسمع شايف قِطارها عليك..صفّر ماكفانا الريدو..أعمش.. ال من..منافذ الفرحة..طفّر.
أمّا همّك.. أوعى ترمي.. كفاهو ضهرك.. كفاهو جدّا.. الرميتو من همّك..وراهو ختّو في خاطرك..أمامو..وأبقى أفرِد في حكاياتو..المعاهو.. أبقى شوف من وين بيبدأ.. أكيد..حتعرف وين..هو آخرو وين نهاياتو..فــ عياهو ماتخلّي همّاً بي وراك..إلا عارِف ليو..دواهو وأوعى لاتفارق الأحلام..طريقا فيها بنحقق أماني.. استصعبت .. في واقع..الأيّام حقيقة.. ومديحك في بدايتو.. كان شرارات الحريقة أبقى أقدر..كان ..تطفّي.. و
Quote: روحي فاقداك في الحقيقة ... |
| |
|
|
|
|
|
|
| |