|
|
|
 Re: آمنتَ بيكـ ياإله.. (Re: تماضر الخنساء حمزه)
|
ماكفاية أقول ياملاك..لمتين تجيني تعود
ولو تزيد في جفاك.. جفاكَ ليّ محمود
قول ليَّ أيه ضرَّاك..لو بالوصال بتجود
شايفين سماكَ العالي وفيك العناد محبوب
لاتسأل كمان عن حالي وإنتَ الجواب مرغوب
إنتا ..إنتا .. وداري وفي هواكَ بذوب
لو شفت اولو حالي ..شايل المحبة ذنوب
لو تبقالي إنتا التالي ..بلزم هواك وأتوب.
كما آمنا بالأله، فأنني أعلن على الملأ انني أؤمن بشاعرية ندر وجودها في هذا الزمن الغيهب! فتدفقي سلسبيلا، ولا تتوقفي!
لو تبقالي انتا التالي
بلزم هواك وأتوب!
أغنية بحالها يا تماضر. شكرا على هذا الجمال!
| |
 
|
|
|
|
|
|
|
|
Re: آمنتَ بيكـ ياإله.. (Re: Alsa7afa_30)
|
الخنساء تماضر
سلام على روحك الطيبة:
تقولين:
آمنتَ بيك ياإله زيادة ياالمعبود
شفتا الكمال في حبيبي
وحبيبي زادني صدود
وكلما أبيت ناسيك..
تصبح معاي..موجود
قول ليَّ أيه الحل..
وفي حلمي شوق ممدود
بقدِّم ليك فؤادي وفي الريدة لازمو لحود
ثمة تفكّر شعري ومكابدة، مهارات واقتراحات، في هذا النوع من الكتابة. إنها كتابة تمزج بين تلقائية الألم الذاتي، والتقنيات الأسلوبية التي تصنع لهذا الألم نبرته وتجلياته المختلفة ولعل الألم ولد من رحمه جمل متينة وثراء معجمي واستعارات مستجدّة. هذه هي أكثر الصفات التي يلمسها القارئ ..الأرجح أن جعل القصيدة تحلّق بجناحي الكثافة والاسترسال معاً، يفاقم الجهد الشعري المبذول في كتابة القصيدة. أبدعت أيتها الخنساء آمنت بالله ثم مقدرتك التصويرية على المشاعر الإنسانية التي أودعها الله في بني البشر!!
| |
|
|
|
|
|
|
|
|
|
Re: آمنتَ بيكـ ياإله.. (Re: تماضر الخنساء حمزه)
|
ما شوفتي كيفن حالي
بعد البعاد محروق
لا ناوية ترحمي حالي
ولا بالرد علي تجود
سبتيني في نيراني
حافي وقلبي كلو جروح
كيف ترضي مني تغيبي
وحبك في الفؤاد موجود
لو قلبك انتي صفي لي
ولغيري ما مجذوب
ببقاك في نفسك
وابقاك حبيب الروح
شوفتا الجمال جواك
نادي ومخضر عود
قوليلي كيف انساك
يا واحة المغلوب
ولو قلبك خلاس إختار
واعلن وفاهو سجود
بركع واصلي قيام للرب
آمنت بالمكتوب
| |
|
|
|
|
|
|
|
|
|
Re: آمنتَ بيكـ ياإله.. (Re: هاشم أحمد خلف الله)
|
هبَّ النسيم شاغلني وأنا عنُّو بيو مشغول
قال ليَّ مالك ساهي..قول ليَ مالك قول
قول ليَّ أيه أحوالك..وأحكيلي عنو الزول
وشاغِلك ليه عنِّي..وعني هو المسؤول
سبَّب أذايَّ وبعدك..وليك قريب الحول
جاوبتو بي عينيَّ وفيها بتشوف الزول
والله واضح رسمو..وشخصو مامعقول
كل المحاسن إسمو ياريتني ألقى حلول
عن شخصي طبعاً بِسمو..الفي علاهو رسول
يأسرك بي بَسمو..تسرح بعيد..ماتنول
زايد سماح في سماح وشوقي ليهو بِطول
ومهما يبعد عنِّي ..أنا ليو بغني وأقول
| |
|
|
|
|
|
|
|
|
|
Re: آمنتَ بيكـ ياإله.. (Re: ملكة سبأ)
|
Quote: قالوا الجمال مقصور بيهو الطبيعة تجود
وفيك بنالو قصور وسمح الخصال منضود |
البيتين ديل فيهم العجب العجاب
الطباق اللفظي في مقصور و قصور عملوا موسيقى وجدانية
ثم الجمال المقصور في الطبيهة .. و ذاك الذي بنى له في المحبوب
جميل يا بنت العم
| |
|
|
|
|
|
|
|
|
|
Re: آمنتَ بيكـ ياإله.. (Re: تماضر الخنساء حمزه)
|
أختنا /تماضر..
ده يبقى ظلم عديل كده......ولاهاى جنبك...
وكيف ترضى إنتَ تريد
ومعاك زول بهواك
كيف ترضى ليهو يعيش
آلام هواهو معاك
وحاول أنسى الزول
لو..فارقك..خلاك..
وماتدي إحساسك
لي زول هواهو سواك ................
عجيب وغريب هو فى ناس كده يا رب؟
سلمتى ومودتى..
إسماعيل محمد احمد عباس.........
| |
|
|
|
|
|
|
|
|
|
Re: آمنتَ بيكـ ياإله.. (Re: تماضر الخنساء حمزه)
|
أختنا/تماضر
اسماعيل مساءك ورد
الاحتكار في الريدة ال زي دي بالذات حلو
طلتك تسعدني كثيرا
ابقى عافية ........................يعنى نكنكش بيدينا وكرعينا بالعندنا..والله ما بنبدلهم أبدآ.....عاش ألأحتكار....فى الريدة لآختنا تماضر..عاش عاش..
وبعدين إنتى لو ودوك لاهاى والله محامى واحد ما بنفعك..لآنك ملكتينا بأدبك وشعرك..وأخلاقك..
سلمتى أختنا...
إسماعيل محمد احمد عباس........
| |
|
|
|
|
|
|
|
|
|
Re: آمنتَ بيكـ ياإله.. (Re: تماضر الخنساء حمزه)
|
كم عشقت قصيد منك بجود بالكوم
انا ياريتى اكون محامى غرام فد يوم
شان البس القفطان اقدل فى محاكمنا احوم
اترافع باحساس اثبت انى انا المظلوم
يحاكمنى جلادى ماصوت الظلم مكتوم
انا والمتهم سيان قاضينا يوت مكلوم
من بين ثنايا الريد يبقى القرار قاتم
ما جاهو نور الحق يضوى ويشع باسم
ويتفرتق القانون ويسود كلام بالكوم
يشرح ويقول للناس زمنا قريب قادم
| |
|
|
|
|
|
|
|
|
|
Re: آمنتَ بيكـ ياإله.. (Re: تماضر الخنساء حمزه)
|
Quote:
تماضر
مسكاقمى
يا اخوانا شنو الشاعرية اللى نزلت دى على غير الناطقين بها؟ الحاصل شنو؟
عبدالاله وتماضر نموزج! |
معقولة يا (خال) هي بلردو من أندنا؟؟
والله ما كنت بعرف...
برو تمادر
هيكيرفي
ويا فينا
ار سدونا؟
هل تصلح هذه كقصيدة؟
| |
|
|
|
|
|
|
|
|
|
Re: آمنتَ بيكـ ياإله.. (Re: عاطف عمر)
|
Quote: قبلك هل بكون حبيت؟ ..أعلن قليبي سجود.
وفي طبعك إنتَ حكيت ..مثالي مامعهود
في لحظة ليكَ هويت..وهل بكون موعود
نتشابى ليكَ وليت تدينا برضو عهود
هل بنسمو إليك..أم بينّا تبني سدود
سباني ريد عينيك..وعينيك معايَّ شهود
وكلما أقول بتريد يغلبني فيكَ صمود
|
تماضر العينين أتًئدي صرعي جفنيك بلا عدد
هل ليَ برجوعك من أمل جـرَحْت بهجرك عهــد
وفوق الخدين بدأ شققٌ دامي الأعماق من الحسد
والوردةٌ قد نثرت دمها عطرا للصدر وللنهـد
مايوما عشتُ إذاخفرت نفسي للخلوةُ من عهـد
دنياي لأنت فداك العمر وروحي وماملكته يد
وسيبقي الحبٌ يا(...)من عهد صباي إلي لحـد.
،،،،أبوقصى،،،،
| |
|
|
|
|
|
|
| |
ماجدة عوض خوجلى
Alsa7afa_30
هاشم أحمد خلف الله
عبد المنعم سليمان
ismeil abbas
ملكة سبأ
ابو جهينة
خالد حاكم
Ishraga Mustafa
mohanad haimoura
Abdel Aati
bushra suleiman
عاطف عمر
مجدي عبدالرحيم فضل
شهاب الفاتح عثمان
فيس بوك
تويتر
انستقرام
يوتيوب
بنتيريست