|
Re: حليلك ياالقليب النيّ.. (Re: تماضر الخنساء حمزه)
|
كدا اسأل قلبك عن حالي أسألو تنبيك عن سؤالك اشواقي اسألو كدا اسأل عيونك يا أجمل حبيب واسأل لي خدودك براها بتجيب في عيونك حياتي في حسنك بغيب قلبي الحباك .. اسألو ما حب سواك .. أسألو ما عاش لولاك .. اسألو طول عمرو فداك .. اسألو تنبيك عن سؤالك .. اشواقي أسألو في حبك متيم والشوق ليك رسول من قلبي بيطير ما بخشى العذول وحولك يا حبيبي بيطوف ليك يزور عن آمالي .. أسألو عن أحلامي .. اسألو عن آلامي .. اسألو تنبيك عن سؤالك اشواقي اسألو أنا عايش عشانك يا أملي الوحيد لو ما كان غرامك ما كان صابني ريد ما فجرت لحني وما غنيت نشيد أنا عابد جمالك ولي فنك بجيد عنك وعني .. اسألو طورك ولحني .. اسألو حسنك وفني .. اسألو تنبيك عن سؤالك أشواقي أسألو أنا ضقت السعادة وفارقني الندم قبلك كنت تايه حياتي عدم سلواي كان دموعي وسميري الألم لكن اليوم ياحبيبي دنياي ابتسم هل ربيعي .. اسألو قدت شوعي .. اسألو راحو دموعي .. اسألو تنبيك عن سؤالك أشواقي اسألو
| |
|
|
|
|
|
|
Re: حليلك ياالقليب النيّ.. (Re: محمد عثمان)
|
عويناتك..أسافر فيها ليل ونهار.. بطاقة أشيلها أدخل بيها مليون دار طلاسم بيها أنا مسحور طريق في الدنيا كنتا مشيتو وأنا مجبور عويناتك ذي نجمين يضووا بعاد أشابيلك وأناديلك وبرضو بعاد! أقول ماعاد خلاس بقيتو بعاد نشوفكم تاني لو في الدنيا إتقابلنا وانتو سعاد لو دنيتنا ماجمعتنا.. يبقى خلاس إتزودتا من عينيكي آخر زاد
Quote: اخر الزاد ليالي الفرحة في الاعياد عويناتك تعاين لي تعذبني وتبقى لي في دنياي اخر زاد.... |
| |
|
|
|
|
|
|
Re: حليلك ياالقليب النيّ.. (Re: تماضر الخنساء حمزه)
|
فرحك خرافى وانا عارف انى ما بوصلوا شتت افكارى وحبال الود قبيل اتنصلوا نجض القليب الكان نىء وودادك ما حصلوا نهر الدموع المن شراينى نابت منبعوا براى بشربوا وبيكون لى صباى ومرتعوا خليك حراز جافى المطر عشان عيونك ما يدمعوا انا قادر اعيش حزنى بلاك واغزل قماشوا افصلوا
| |
|
|
|
|
|
|
Re: حليلك ياالقليب النيّ.. (Re: نادية عثمان)
|
Quote: طم طم
اقايتو بتكتلى ليك زول يوم ياخ |
نادية عثمان انتي لسع بتقولي فيها , نحنا زمان متنا وشبعنا موت وما تريه علي هذا المنبر مجرد ارواح تطوف حول بوستات تماضر الخنساء , متعها الله بالصحة والعافية وبارك لها في بيتها ( زوجها وأولادها ) .
تخريمة :-
نادية اعرف إنك شاعرة أين أعمالك ؟؟ ولا انتي بخيلة ؟؟ ولا نحنا ما بنستاهل ؟؟
| |
|
|
|
|
|
|
Re: حليلك ياالقليب النيّ.. (Re: تماضر الخنساء حمزه)
|
نهايتك بدايه حريق تكوى وتزيد فى محنتى ما اصلوا الريد محن وريدتك بدايه فرحتى حليل زمن الحبيب السافر وبعدت عنوا خطوتى خلانى اتباكى وانوح وينك يالضاعت منك سكتى انا بى وراك ممكون خلاص يوت بفتش لى مرقتى لا لقيت معاك درب الخروج ولاعندك بقت محطتى
| |
|
|
|
|
|
|
Re: حليلك ياالقليب النيّ.. (Re: abdelgadir mustafa)
|
بتعرف إنتا أحلامنا وعارف إني بشتاق ليك منو الأدّاك قدرة ريد تشيل إنتا الغرام ذيي زاد .. وحتة روح تسافر بيهو للآمال طريق مجروح وتتخطَّى الألم جوَّاك
... عارف إني بشتاق ليك ؟؟
... منو القال ليك بحلم بيك تكون انتا الحزن جوَّاي بحلم بيك حكاية زول شايلك إنتا فرحة عيد بحلم بيك بلد ممتد كل ماتزورو تبقى سعيد كل الفيو بنادي عليك .. عارف الفيني بنده ليك؟؟
...
بحلم بيك طيفك جاي رنّة عود..بيو موعود وصوت شاشاي بحلم بيك خطاوي بتجري فوق للموية موية النيل ترشرش في ضفاف قلبي وموجك ناي بيسرح بيّ إسوقني هناكــ ويرجع بيّ وإجيبك تاني إنتا عليّ صحيح بهواك وبحلم بيك ترجع ليّ محمَّل بي حقايب الشوق مستِّف فيها أحلامنا ومرتِّب فيها كمين ريد كتير بالحيل وماهو شويّ.
| |
|
|
|
|
|
|
Re: حليلك ياالقليب النيّ.. (Re: تماضر الخنساء حمزه)
|
تماضر زمان عندنا الزول لامن يعرس ويجى يدخل على مرتوا بيقوموا بفرشوا ليهوا جزء من توب العروس وهى لابساهوا عشان يصلى ركعتين وكان بيكبر وبيقول الصلاه الجبريه لافرض ولا نيه الصلاه لله والطاعه للبنيه كان اهلنا يظنون ان هذا يجعل الزوج مطيعا للمراه وسبب زكر القصه ان نقول لم تكن نيتنا ان نجادع مثلك شعرا فشعرك اكبر من هذياننا ولكن نريد ان يكون هذا البوست فوق فقط لنوازى بعض الهم الذى نحن فيه ببعض من شعر نقى ونضيف فبالله عليك كونى هنا دايما ولو تمثلا لقول الخنساء تبكى خناس على صخر وحق لها اذ رابها الدهر ان الدهر ضرار
| |
|
|
|
|
|
|
|