|
|
 وين عيونك ؟؟
|
( ليه عيونك خاصمنّي
الفيها كم قلتا الأغاني
هن براهن جننّي
وشالن الريد والأماني
ليه عيونك توهنّي..
وكنتا عايش فيها هانئ)
****
قلتا مابتبعد دقيقة..
وخليتني في بعدك أعاني
وقلتا برضو الريد حقيقة
لفيتو وعدك بالأماني
ومن حكاويك الحديقة..
أزهرت فيني الأغاني
شلتا أشواقي الدفيقة
البيها كم..ريدك شجاني
مسنودة بي لهفة وصديقة
سميتا في دنياك زماني
ومن حروف صادقة وأنيقة
نسجتا فيك شوقي وحناني
****
جاي بتستغرب خصامي ؟؟
إنتا ياالريدك شقاني
كان هواكا زمان مرامي
وين عيونك ؟؟هل تراني
****
وين الرموش الظللتني
وبرضو فيها الشوق أذاني
قلتا صادق أدمنتني؟؟
أم إنتا غيّرتا المعاني
وين عيونك جرحنّي
ووين شِفاك المارجاني
****
إنتا لو فارقتو ريدو
قلبي في ريدك أناني
بس غرامك هوّ سيدو
وزي عيونك مافي تاني
إنتا بس وحدك نديدو
مهما غيرك ..ريدو جاني
|
|
 
|
|
|
|
|
|
|
|
Re: وين عيونك ؟؟ (Re: الطاهر ساتي)
|
يا اخوانا نوبي والطاهر ديل الحصل ليهم شنو بالضبط؟؟
واحد يتسلبط في العيون والتاني في الاهداءات 
دة كلو من بابا*
*سيد البمبي والفلجة
| |
|
|
|
|
|
|
|
|
|
Re: وين عيونك ؟؟ (Re: Dina Faisal)
|
هسة في داعي تجى تتحشرى بيناتنا يادينا فيصل ..؟؟
يعنى بقى مستحيل نفرين يتبادلو المشاعر الطيبة بيناتم بدون مازولة تعكر مزاجم ..؟؟
غايتو عالم فضولي بشكل ..!!
معليش ياخنساء .. ماتشتغلى بيها .. واصلي ..!!
ديل ناس حاسدين ساكت .!
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
خلاص قلتى كدة ( سلبطة ) ..؟؟
ده ماكان كلامك من الاول ..
لكن مافي مشكلة .. عارف دينا غيرت افكارك ..
ظاهريا بنستحمل .. لكن الفي قلب في قلب ..!!
لاحظى انا مااستخدمت اى ايقونات ( لا وجه باسم لا وجه ساخر )
وحقو دينا كانت تقدر الحتة دى ..........
| |
|
|
|
|
|
|
|
|
|
Re: وين عيونك ؟؟ (Re: فيصل نوبي)
|
نوبي انت جيت ...؟؟
كرهتوناالعلاقات الاذلية ذاتا ...
قال طمطم قال
امشي شوف ليك طوشان ولا مصيبة زمان ياخى ..........
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
إحترت فيك وإحتار معاي كل الخلق
ما كل كلمة بتكتبيها تدخل عديل جوه القلب
هذه كلمات إرتجلتها وقد تكون بداية لقصيدة .
متعك الله بالصحة والعافية يا تامضر الخنساء , ومنك نستفيد .
| |
|
|
|
|
|
|
|
|
|
Re: وين عيونك ؟؟ (Re: هاشم أحمد خلف الله)
|
نحن ندخل كيف
مع السلبطة والسلباطين ديل
وبعدين انا قسما ما بستحمل العيون الحلوة زي عيوني ولا الكلام الحلو في العيون
عجبني الشعر والكلام البسيط بقتلني الكلام البسيط
ومابحب لويي الكلام ولا الإستعلراض بالألفاظ ياجماعة
حصلو الكومبيوتر بتاعي ألجن
الخنساء مودتي وليك جميل الأماني
| |
|
|
|
|
|
|
|
|
|
Re: وين عيونك ؟؟ (Re: هاشم أحمد خلف الله)
|
Quote: إحترت فيك وإحتار معاي كل الخلق
ما كل كلمة بتكتبيها تدخل عديل جوه القلب |
إحتار معاك برضو الكلام..
وحروفي مالبست أرق
إنتا لو ضاريتو ريدنا..
تلقى فينا الشوق دفق
وتلقى برضو الفيو كلامنا
نبضو لي نبضك سبق
إحنا عشناك زي غنانا
وشلنا من ذكراك ألق
لافِتر مرة الهيام
لاشفنا ذي ذيّك عِشق
مودتي هاشم
| |
|
|
|
|
|
|
|
|
|
Re: وين عيونك ؟؟ (Re: ملكة سبأ)
|
Quote: إحتار معاك برضو الكلام..
وحروفي مالبست أرق
إنتا لو ضاريتو ريدنا..
تلقى فينا الشوق دفق
وتلقى برضو الفيو كلامنا
نبضو لي نبضك سبق
إحنا عشناك زي غنانا
وشلنا من ذكراك ألق
لافِتر مرة الهيام
لاشفنا ذي ذيّك عِشق |
أنا عشقي خالد للابد
رؤيان معتق بأدب
وشرابه من النيل دواما
وكاساته خمرها ما اندفق
اصلو عشقي براي بعرفو
وريدي للسمحة انكتب
| |
|
|
|
|
|
|
|
|
 Re: وين عيونك ؟؟ (Re: هاشم أحمد خلف الله)
|
الأخت العزيزة تماضر
الود كله لك
وهج وألق من مقل نجلاء سبين عزم كل من تفاخر بقوة الشكيمة فقهرته نظرة وقيدته أسيراً .. لله درك أختي جميل هذا العذب الفرات.. نمير نمر عليه ولا بد أن نغترف غرفة .. أهنيك
| |
|
|
|
|
|
|
|
|
|
Re: وين عيونك ؟؟ (Re: هاشم أحمد خلف الله)
|
Quote: أنا عشقي خالد للابد
رؤيان معتق بأدب
وشرابه من النيل دواما
وكاساته خمرها ما اندفق
اصلو عشقي براي بعرفو
وريدي للسمحة انكتب |
إنتا لو عاشق عيونو..
إحنا عشقنا دون سبب
وإنتا لو عشقك مُخلّد
وباقي ذي لون الدهب
إحنا عشقنا فات حدودك
وفيهو كم قالوا العجب
حتّى لو النيل شرابو
شلنا المنابع والمصب
إنتا لو أسكرتا ريدو
إحنا عقلنا شالو تب
لو معاك مكشوف غرامنا
ماكنتا لي غيرنا بتحب
| |
|
|
|
|
|
|
|
|
|
Re: وين عيونك ؟؟ (Re: هاشم أحمد خلف الله)
|
| Quote: دوامي عملي هسع إنتهي و ما عندي رد . |
إحنا عاذرنك دوام
لو مالقيت الليلة رد
ماقلنا في صمتك كلام
وفي السكات بيجينا ود
إنتا لو غلبك تجينا
مابنقول الجانا صد
كان مشيت راجع إلينا
مابقيف بيناتنا سد
إنتا فينا وحاة عِنينا
وفيك غرامنا الباقي جد
هاشم ..قول غلبك بس ..
فزتا أنا..
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
Quote: هاشم ..قول غلبك بس ..
فزتا أنا.. |
الأساتذة الأجلاء تماضر ست الحوش وهاشم خلف الله...
متاااااااااابع وبتاوق من بعيد لا بعيد... ومسجل حضور دائم...
وما عندي شئ أقولو غير الإندهاشة وقمة الإستمتاع!!!
لكن يا تماضر... الراجل إتصل علي من الرياض وقال لي أبلغك الرسالة دي...
دوامو إنتهى... وهو سائق في السيارة إتصل عليهو واحد من بورداب الرياض برضو دوامو منتهي... وحلييييييييييلي أنا السايق فجراوي وعشاوي (يعني دوامين) قالو لي أكلمك وأقولك هاشم دا دوامو إنتهى وبي يجي بكرة يوريك الكلام الما سمعو بيهو لا عادل جبارة ولا أمير الجمري ولا حتى محدثك جمال أبريــــدة ...
مع كميات مودتي... وشدو حيلكم ونحن متابعين ولو دايرين فزعة جاهزين...
أبو الحســـــــين...
| |
|
|
|
|
|
|
|
|
|
Re: وين عيونك ؟؟ (Re: أبو الحسين)
|
أبو الحسين ..بركة الشفناك هنا..
يعني ماغلبو ؟؟ رميتوها في الدوام
ربي إوصلو بالسلامة ..
تحيّاتي للرياض بالفيها ..
كل الود..
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
وين عيونك!!!
عارفة يا طمطم
أمبارح في البوست بتاع الصلاة في مصلاية الروح
انا نجضت عديل كدة
قلت فلانات دي الليلة ناوية علي
وحالفة ألا تخليني أعلن أفلاسي الشعري
علي اليمين قمت جاري صوف
انا عندي أستعداد أرد عليك في أيي زمن
عشان بتدهشيني
وبتعجبني تلقائيتك الأنيقة
ناس كتار برد عليهم مجاملة
لكن ما كتير البخلوني أرد عليهم وانا حاسس أني بديهم حاجة مني
حاجة مني !
نفسي أتعرف عليك
عشان انتي فوق العادة
بجيك بيهناك
سمح!!!
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
الاخت الخنساء سلام
اخوي هاشم خلف الله دا انا بعرفو كويس
كان بكاء ما بسكت لسبب واحد
انو الملهمة جنبو وممكن يذيد جنو
ولو استمريتو في المجاراة دي اربعين سنة ما حتفك منو!!
اساليني انا ناقشو كويس
تسلمو ومعاكم الملهمة
| |
|
|
|
|
|
|
|
|
|
Re: وين عيونك ؟؟ (Re: ahmed agooz)
|
Quote: إحنا عاذرنك دوام
لو مالقيت الليلة رد
ماقلنا في صمتك كلام
وفي السكات بيجينا ود
إنتا لو غلبك تجينا
مابنقول الجانا صد
كان مشيت راجع إلينا
مابقيف بيناتنا سد
إنتا فينا وحاة عِنينا
وفيك غرامنا الباقي جد
هاشم ..قول غلبك بس .. |
أنا قلت بس ما عندي رد
خلص الدوام والله جد
والشوق بحر ماليهو حد
وكان الغرام الفينا باقي جد ؟؟
وحات عيونك أنا تاني مابهوي حد
وأبقي في جواك وأحد أحد
حافظ الغرام حافظ العهد
ولو بيناتنا مافي سد ؟؟
وحات أسم الله يالسمحة ببقاليك سند
وأقضي عمري في هواك ابداً ابد
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
تماضر الخنساء
سلامات
قمة الروعة والسلاسة والنكهة البلدية الأصيلة
شعرك بكسر (الشين) لذيذ وظريف واجمل ما فيهو البساطة
البتخلّي اي زول يتناولو ويبلعو ويهضمو بسهولة .. متعينا
بهذه النفحات المريحة دوماً .
هاشم خلف الله الزول الفنان المرهف المليان كلام بملهمتو
مشاعرو فيّاضة وسايلة كب فينا وننهل منها الكتير والذيذ.
مجاراة غاية في الروعة والجمال يا تماضر وهاشم وطبعاً يا تماضر
هاشم صحبي شدييييييييييد لكن في المنافسة الحلوة دي انا معاك
للطيش .. تماضر تماضر تماضر تماضر تماضر اررروووووووووووك
اوعة عادل جبارة يجي حايم بي هنا !!!
| |
|
|
|
|
|
|
|
|
|
Re: وين عيونك ؟؟ (Re: امير عوض الجمري)
|
Quote: سمية الحنينة ..
ياخي أنا بحبك عشان حاجات كتير ..
منها شعر الهمباتة ..
ومساديرك الحنينة ذيّك..
أبقي عافية.. |
حب وحنية ياخناس !!!
هم البخلونى أصابح وأماسى كل مكان انت فيها
لك حبى
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
Quote: وين الرموش الظللتني
وبرضو فيها الشوق أذاني
قلتا صادق أدمنتني؟؟
أم إنتا غيّرتا المعاني
وين عيونك جرحنّي
ووين شِفاك المارجاني |
الرائعة تماضر الخنساء
ان لغة العيون وحوار العيون 00
والقصيد في العيون 00
وكلام العيون 00
ووين عيونك 00؟
كلمات في روعة من كتبها 00 يا خنساء
ووين عيونك جرحني 00
( عيونك زي سحابة صيف تجافي بلاد وتسقي بلاد 00
زي فرحا بشيل مني الشقا ويزداد 00
وزي عيدا غشاني وفات وعاد عم البلد أعياد 00 )
رائعة التيجاني سعيد والأروع أداء العملاق محمد وردي 00
( ضي عيونك يا بنية يضوي من بلدا بعيدة 00
تجمل لينا الغمامة وبكتمل للروح نشيدا 00
الدروب اليك تودي نسرج الخيل العنيدة 00
والحزن من ضي عيونك بلبس الفرحة الجديدة 00 )
وهذه ( مزيكة الحواري ) رائعة أخرى من روائع
الراحل المقيم مصطفى سيد أحمد 00
ايتها الخنساء
لك التحية علي هذه الكلمات الرائعات
والحديث يحلو عن العيون وجمال العيون 00
ووين عيونك 00
ونلتقي عبر حديث العيون 00
مع مودتي 000
| |
|
|
|
|
|
|
|
|
|
Re: وين عيونك ؟؟ (Re: عثمان سيد أحمد)
|
Quote: هاشم ..
إنتا لو قادر تفارق ..
إحنا جد بتعبنا بعدك ..
يا إجينا الليلة حِنّك..
أو نشيل الشوق نجيك.. |
شوقي ليك يا أسمي غايا
أقوي من فعل المحايا
أقوي من هوج العواصف
السائرة دائماً في خطايا
| |
|
|
|
|
|
|
|
|
|
Re: وين عيونك ؟؟ (Re: انور تاج السر)
|
أنور..
عيونك كانوا في عيوني ..
وِدرتا وتاني ماهميت
مِحل ماهما ودوني
وشلتا حنيني من البيك
عيونك برضو حبوني
وأصلي مابحمل عينيك
لهفة وشوق
إنادوني
وأبقى تايه
ومابراي
معاي ريداً ملا عيوني
| |
|
|
|
|
|
|
|
|
|
Re: وين عيونك ؟؟ (Re: تماضر الخنساء حمزه)
|
| Quote: اوعة عادل جبارة يجي حايم بي هنا !!! |
أنا غايتو أحمد ربي مستممممممممتع ومتحكر...
وتعظيم سلام الثنائي الخطير هاشم وتماضر ست الحوش...
وياااا ربي الواحد كان باصر بالدريب التحتاني ماب يلقالُو فرقة معاكم؟؟؟
كميات مودتي...
أبو الحســــــــين...
| |
|
|
|
|
|
|
|
|
|
Re: وين عيونك ؟؟ (Re: أبو الحسين)
|
Quote: عيونك كانوا في عيوني ..
وِدرتا وتاني ماهميت
مِحل ماهما ودوني
وشلتا حنيني من البيك
عيونك برضو حبوني
وأصلي مابحمل عينيك
لهفة وشوق
إنادوني
وأبقى تايه
ومابراي
معاي ريداً ملا عيوني |
تماضر
عيناك سر غامض لا يجيب
كظهور الشفق عند المغيب
فيهما نور وسحر مريب
عيناك المع من برق قريب
عيناك بحر جارف السيل عميق
ليس لهما مرفاء من قريب او بعيد
| |
|
|
|
|
|
|
| |
الطاهر ساتي
فيصل نوبي
هاشم أحمد خلف الله
محمد سنى دفع الله
ملكة سبأ
عبد المنعم سليمان
أبو الحسين
حبيب نورة
الفاتح يسن
abubakr
امير عوض الجمري
عثمان سيد أحمد
فيس بوك
تويتر
انستقرام
يوتيوب
بنتيريست