مجال للضحك أو التأمل: ما يكتب على حائط المرهاض يطابق ما يكتب علي الأنترنت، أقرأوا هذا السجم!

Quote: أسمع با تيسة المنبر بريمة أنا متأكد ناذر بكون فهم كلامي الفوق و متأكد جدا إنو ضحك على ردك لكن لانو زول مدردح و ما حا يقول ليك كدي لأنو أنت نازل عليه ضيف في البوست ده. و صيتي ليك تاخد إجازة صيفية و تمشي تاخد كورسات تقوية في معهد بانت سينما الإنعكس العالي بطولة أب شخطة. و لوالكورس ده طلع فوق المستوى ممكن نقدم ليك في معهد القومي المسرحي الإنعكس العالي بطولة أبو الروس. ما تهم من حق الإقامة الأخوان كتار و هم زاتم حا يساعدوك في التقوية. عمنا تمبس ما حا يمانع يوفر ليك حق الإقامة و البامبي و المارسدس و كمان الموز أبو نقطة. و الكرمبا المستضيفك هنا في هذا البوس ما أظن يقدر يساعدك في الأوقات البتدبلع فيها (الشمش) حتى قيامها. لكن ممكن تلم فيه في سوق العكو و كبدة النياق بين و قتين: لمن ضل الضحا يبقا طولو عشره أمتار بنظام حيطة معهد أم درمان الرياضة دار الإنعكس العالي- الحيطة الغربية. الوقت التاني لمن الضل يتلحس و الجزارين مشو يشو هناك. و لو ما داير كورس التقوية ده حا نديه لأبو طالب. كمان ما تنسا أبو طالب ماخد كويرس بتاع خبرة قبل كده أون لاين. يعني ما حا يتعبنا ذيك و كمان تذكرة سودانيرو أرخص. يا زول أنا غيرت نصيحتي ليك, خليك في سجمك ده. أنا تب كورسات التقوية دي مديها لود الطالب. و ود الطالب لو نجح في إمتحانات كورس التقوية و قطع البحر من تحت كبري شمبات مرتين بدون التوقف عند العلب, حا نرسلو لأمريكا بالتونسية لكورسات التقوية العليا يا مررررسي. (عدل بواسطة Kostawi on 19-03-2006, 07:26 م)