|
|
 فـــر FOUR " شفط " الشامبيــون ...
|
حب الناس لي " فنانين " البلد الكبار متفق عليهو بشكل غريب ، أنت وأنا " وغيرنا " ، بنسمع عثمان حسين ، الكاشف ، وردي والقائمة تطول " حيين وميتين " ، حب جعلنا نتجاوز عن زلاتهم وغطي على نكاتهم الليلية الخاصة !! ، جمال أصواتهـم " ومزيكتم البتكتم نفس باقي الأحاسيس " .
غُناهم " برَد " جوف الناس المخلوقة بي طبع عاطفي ، اتفاق شامل في المحبة ، كلماتهم تمثل حاجاتنا ، موسيقاهم تأخذكـ إلى أيتها جهة أردت . ملاذ لراحة ، تلخيص لحاجة ومتنفس لغيظ أياً كان .
الاتفاق في بعض الأِشياء " كالخواص مثلاً " منطقي ولا خلاف عليه ، فأنا وأنت ننوم ونأكل و" نتغوط " بذات الحاجة ونختلف في الكيفية .
ونتفق في أِشياء أخرى ليست من الخواص وغير ملزمة ولكننا رغم ذلك نتفق فيها .
انت تكره أن ترى الفنان ( س ) سكران من حبكـ له ، حتى أنكـ لا ترى ذلكـ " حُرمة السكر ليس موضوعنا " .
وتكره الفنان ( ص ) لأنه ينظر للآخرين من رأس جبل ما ، ولكنكـ تحب موسيقاه فتنسى نظرته " وعن(.........)ته " ، أحياناً تجد لها تفسير يريحكـ فهذا شخص مميز حق له فعل غريب التصرف .
_______________________________________
حساس بكري شال الكلمة والمقصود عنطسة (زين وليست سين )
|
|
  
|
|
|
|
|
|
|
 Re: فـــر FOUR " شفط " الشامبيــون ... (Re: عمران حسن صالح)
|
يكره بعض الناس الأحزاب لأنها أفقرتهم (أو لاختلافات أخرى معينة ومحددة ) ، يهمني العامة فقط
ولكنهم يمقتون سلطان اليوم لأنه قتل الناس تخويفاً لآخرين وتثبيتاً لأركان حكمه
وأفقر البعض " ترغيباً قهري "
والمقت أشد وأقوى من الكُراهية
وصلت درجة المقت لمن يتقرب إليهم من قبل الفنانين
ولن تعتبر " زلة تغتفر " لان ما قدمه أصلاً لم يشكل جديداً في دواخل الناس . " دي ناس دواخله مليانه وما بتتحمل إضافات نتنة "
لا يريدون تلويث ما تبقى من دواخلهم بما فعل وردي وإبراهيم عوض وصلاح بن البادية
وبالتالي لا مجاملة سيتم العمل بها في حق ( أيِ واحد عمل فيها فنان ) !!
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
أنت يا " هذا " تربَعت على نَفَس كراهية الناس .
استغربوا الأمر وأنت تغني " فتحسسوا ثيابهم فإذا هي من طبعها بيضاء ومكوية " ولكنهم اعتبروك امتدادا ً لسقوط واحة الغُنا ، وانك امتداد لانحلال الأشياء ، ولكنهم الآن " مقتوكـ " لأنك جزء من إعلام قتل أًصحابه الناس .
والأمر بالتالي يتواصل
ثم استغربوا عدم الجدية وأنت تردد في غنا ( الكبار ) ومستضيفكـ هرم للكلام والألحان والتاريخ .
ثم أتيتهم أخيراً تشرب الشامبيون وتغني له !!
فلو أن وردي غنى " للعرديب " مثلاً لأقبل عليه مزيد من الناس فتأثير حبه يمتد لتصرفاته ، وهذا شي نَمَى طبيعياً مع نمو الأشياء الأخرى ، لا يهم محمد احمد في أقصى البلد ما يفعله وردي لأنه كان فقط ينتظر أغنيات ما بعد العاشرة صباحاً من راديو بطاريته على وشك النفاذ ، ولكنه ينتظر ليسمع ويوجه إحساسه في الاتجاه الذي يريحه .
الآن صار الأمر مختلفاً فالشركة صاحبة المصانع الكثيرة والأموال يهمها أن تظهر أليسا وهي تلبس مجوهراتها ، وقد دفعت لها دولارات تكفي لبناء مراحيض بطول طرق ولاية الخرطوم ويعرفون تأثيرها على التسويق . " فها كان ذلكـ سبباً " لشفطكـ الشامبيون " ؟؟!!
هل تعتقد بأنني الآن حريصاً أن أشرب شامبيون ؟؟
تلكـ آخر سقطاتكـ
و ( دقسة ) لمن استخدمكـ للترويج لأشيائه .
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وجن)
|
Quote: برغم اني كنت بسمع ليه في يوم من الايام
لكن زعلت شديد لما عمل عملتو دي |
عملاتو كُتار يا وجن ، انت قاصده ياتو واحده ؟؟
_______________________
وبلاش استاذيات معاكـ نحن زملاء منتدى 
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
Quote: عملاتو كُتار يا وجن ، انت قاصده ياتو واحده ؟؟
|
الاخ عمران كلهن كعبات والله ليه الناس تبيع نفسها بثمن بخس دراهم معدوده
وبعدين ياعمران الشى السمح كل الناس بتحسو
والحاجه الما لافقه كل الناس بتحسها ايضا
والله انا كان عندى نفس الشعور سبحان الله
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: خالد المحرب)
|
الأخ عمران، التحية.
هو لا يخلو من موهبة،
يعشقه الكثيرين، ونحترم ذلك لهم
كأعتراف بالحريات، وبنظرية (حب الناس مذاهب)،
لكن الذى لا افهمه كيف تورط فرفور فى تلك الدعاية،
الخالية من روح الإبداع؟؟!!!
(خليك منو هو المعروف، والله لقد حزنت، وخجلت حتى
على الكورس الذى ضم وجوه مجهولة، فكيف يسيرون
فى مناطق سكنهم، أو عملهم، أو دراستهم من بعد ذلك العبط
الذى فعلوه، وتردده الشاشة الفضية (عمّال على بطّال)؟؟؟.
يعنى ليهم حق بتاعين الأثاث ديك يجيبوا (المبدع) شعبولآ)،
ولا يكونوا دقسوا وجابوا شعبولآ بقلوس وقدرها، وما عارفين
إنه فى شعبولآت راقدييين، وصناعة محلية كمان.
لو كنت فى إدارة الدعاية والإعلان لتلك المصانع لما قمت ببث
هذا الإعلان الفضيحة.
ملحوظة: شفت فرفور بطنه طامة كيف وهو يغنى ، التقول سقوه قزازة قبل الإعلان!!!
شكراً يا عمران، فقد طرحت أمر إستفز الكثيرين وأنا فيهم.
إحتراماتى يا رجل
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
نسيت أن أقول بأن اهتمامات الاستماع وسط الشباب لا تستمر طويلاً مع فناني اليوم ..
يظل الواحد ماسكـ الشباكـ ومن ثم يجي واحد غيرو يستلم الشباب والشباكـ معاهم ..
ويظهر كل يوم اسم جديد
ويقل العداد
ويبدأ الواحد في تحسس أبواب جديدة تدر دخلاً
| |
|
|
|
|
|
|
|
|
 Re: فـــر FOUR " شفط " الشامبيــون ... (Re: heba Elmahi)
|
ياعمران
غايتو ح نختلف فى واحدة ونتفق فى التانية (طوالى تحضر عكازك وتقوُم نفسك وتشاكلنى فى الأولى) كما هو الحال هنا.
رغم انى من محبى عثمان حسين و زيدان إبراهيم (ودى أمثلة ليس إلا) لأنو لوقعدت أعد ليك , ح تحرد لى البوست وتمش.
لكن جمال, يملك صوت فيه القدرة على التطريب , كونو ماطور نفسه وبقى داير فى حلقة مفرغة دة شىء تانى. غايتو أنا فى أغانى كتيرة لفنانين غيرو بحب أسمعا عندو (بس الله يهديهو ويخلى الكواريك الشديدة)
أما موضوع الشامبيون , لاحول ولاقوة إلا بالله , قعدت اكتر من 3 دقايق , بغالط نفسى فى إصرار وأقول أنا الـ بتهيأ لى, لما أمى علقت بكل بساطة وتلقائية وقالت (بالغت يافرفور)
غايتو فرفور بالغ وشديد كمان.
سلامو ياخ
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: ندى عثمان حسن)
|
أهلاً وسهلاً ندى عثمان عشان العكاكيز دي حطيت أيقونة  قدام الموضوع | Quote: كونو ماطور نفسه وبقى داير فى حلقة مفرغة دة شىء تانى |
) عييييييييييييييييكـ | Quote: لما أمى علقت بكل بساطة وتلقائية وقالت (بالغت يافرفور) |
ده ياهو حالنا نحن الناس ( الدقة القديمة ) ، غايتو الشباب يعزرونــا نسوي شنو مُخنــا قديم .
شاكر مروركـ يا ندى
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وجن)
|
لما شفت الدعاية للمرة الأولي
كنت متخيل إنو فرفور ح يعمل قيمة إضافية للمشروب
لكن والله تاني بقيت ما بستحمل الدعاية نهائي وطوالي بحول القناة لاي
قناة تانية أول ما تظهر الدعاية دي
لا كلمات
ولا لحن
ولا أداء
لو ناس البرير بقيسوا العائد علي المبيعات
بعد الدعاية دي
ح يلقوا نفسهم خسروا الكتير
فرفور مسح ما بناهو بي صبر سنوات كتيرة في دقائق معدودة
وبستغرب ليهو ،،، مكسبو شنو من الدعاية دي
قروش ؟؟؟؟؟ أكيد ما حاجة تلف الرأس
زيادة شهرة ،،،، أكيد النتيجة عكسية
غايتو أنا لو محلو ،،، براي بطالب بوقف الدعاية دي
شكراً يا عمران علي التعبير عن البي جوانا
وربنا يسامحك علي إنك ذكرتنا بعد ما حاولنا ننسي
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وجن)
|
كلامي عن غنا الناس الكبار كيف بيكون ريحني فيهو سمير عطا الله ( وهو بريحني كل يوم ) ، قال عن فيروز :
| Quote: تتوقف الموسيقى بجميع آلاتها: الكمان، والناي، والقانون.. ويترك لفيروز أن تصدح بمفردها، دون أي مرافقة، لتصنع لحظات «على دلعونا وعلى دلعونا، هوا الشمالي غير اللونا». ويلتهب السامعون في بعلبك، كأنما عصا قائد الأوركسترا أشارت عليهم هم هذه المرة. وفيروز تتظاهر بأنها تشيح بوجهها عن الجمهور الخافق، لكنها تتأمل بطرف عينيها، كيف دب السحر في المكان. قمر يضيء، وقمر يغني، باعثا في المشاعر خدرا مثل نسيم مفاجئ في ليلة صيف قصيرة. |
هنــــــا
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
ورسالة أخرى لخصها يوسف السباعي : Quote: ظهرت المذاهب الشمولية: الشيوعية والنازية والفاشية، التي ترى الإنسان لا قيمة له إلا إذا كان عضوا في حزب أو في نقابة، وخارج الحزب لا قيمة له، وإذا دخل الحزب نزل عن حريته، أي نزل عن نفسه.. عن وجوده؛ «لأنني أساوي حريتي بأن أقول لا ونعم وأن أختار..»، أما في النظم الشمولية فالدولة هي التي تتولى كل شيء نيابة عن المواطن.
وعلقت النظم الشمولية نفس العبارة التي وضعها الشاعر الإيطالي دانتي على باب جهنم: «أيها الداخلون اتركوا وراءكم كل أمل في النجاة!».
ما دام قد دخل الحزب فلا دخول ولا خروج ولا حياة له. - لأنه بلا حرية. |
وذلكـ كان المقصد ( الـ Main)
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وليد عبد اللطيف)
|
| Quote: على طول اتصلت على صاحبك الصادق عثمان (كراكة) |
وليد العزيز
صحبة صاحبي الصادق لي زولنا عارفه منذ أن كان غير معروف ، الحقيقة ترددت عشان خاطر الصادق أقول الحكاية الفوق دي ، بس ( الحموضة ) كانت عالية
فما قدرت غير اتحمل تبعاته وتظل رأي يخصني طبعاً . أرى أنكـ متفهم ذلكـ وهذا أراحني كثيراً . | Quote: وهذا تاني بوست يفتح عنه في نفس اليوم |
وياريت الرابط
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
Quote: نسيت أن أقول بأن اهتمامات الاستماع وسط الشباب لا تستمر طويلاً مع فناني اليوم ..
يظل الواحد ماسكـ الشباكـ ومن ثم يجي واحد غيرو يستلم الشباب والشباكـ معاهم ..
ويظهر كل يوم اسم جديد
ويقل العداد
ويبدأ الواحد في تحسس أبواب جديدة تدر دخلاً |
أمسكـ عندكـ يا عمران :
Quote: عزا الفنان أحمد الصادق فشل حفلاته الأخيرة الي مااسماه لسوء التنظيم وعدم إختيار الوقت المناسب، مشيراً الي حفله في عيد الحب الذي قال عنه أن الوقت كان غير مناسب لذا كان الحضور ضعيفاً.
وحسب صحيفة " فنون "كشف أحمد عن سفره للمملكة العربية السعودية في الأيام القادمة وعودته في الخامس عشر من أبريل، وقال إن زيارته تأتي ضمن برنامج إجازته السنوية التي يبعد فيها عن الفن ويتفرغ للعبادة وأعرب عن نيته في أداء العمرة لهذا الموسم في فترة إجازته.
ويري البعض ان اجازة احمد الصادق تمثل فرصة عمل جيدة لعدد كبير من زملائه من المغنيين الشباب. |
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: هيثم درار)
|
Quote: علوبة ده انا قايلو الرقاص
طلع الهكر
والله غايتو بكرى تعب مع الهكر والارشفة على الابواب |
انت من زمن علوبه يا هيثم ، حسي ظهرت زينب
غايتو قلنا نرد عليكـ ومنها نشيكـ على العده ..
تحيايتي يا مان وتعال راجع تاني
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
Quote: غايتو قلنا نرد عليكـ ومنها نشيكـ على العده ..
تحيايتي يا مان وتعال راجع تاني |
يازول بوست العدة بتاعك داك خوفنا قلنا ندخل كمان يلحسوا
عدتنا
ياخي بيني وبينك العدة الصينية زي ماقلت مافيها عمار
مهندس بكري دا مايقع الياباني
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وليد عبد اللطيف)
|
Quote: الباب البجيب الريح
د.عادل الصادق المكي
فــرفــور.. والشامبيون.. الريدة لا زم تستمر!
كان مشروب الشعير.. سئ الذكر و المدعو البيرة.. ما لقي زول يعمل ليهو دعاية دعايتو منو وفيهو... غنية " البيرة ام جمل والشراب اسكوب.. كُب يا علي في كبابي الشوب"...الغنية دي كانت تغنا في بيوت الافراح خلسة... وهي دعاية مجانية لشراب الشعير الوحيد والاوحد في السودان انذاك والمعروف بالبيرة ام جمل كانت في قزاز والقزازة مرسوم فيها جمل يفنجط. اما علي البيكب في كبابي الشوب قطعا يكون كان زول فنجري واخو اخوان.... وكان الزمن داك الزول المارق من اللليد وما ساعل من صفاته شراب البيرة وشراب السجاير وسف الصعوط والبيمشي السينبا ويلعب الكشتينة...وزول فيهو الصفات دي ما كان بيعرس باخوي واخوك.. وكان يمارس عليه ضغط من المجتمع لكي يرعوي.. ويرجع الي صوابه... وفي الصلاة يدعو ليهو ربنا يهديهو من مشي السينما ولعب الكشتينة...وقد كان احدهم مولع بلعب الكتشينة والدته شكته لاحد المشايخ.. فاخذ الشيخ يضربه ويقول ليهو" تاني بتمشي السينما؟... تاني بتمشي السينم؟ا".... فرد عليهو المسخوت السينمائي" يا شيخنا الشي مو سينما... الشي كشتينة"..صلح الشيخ عشان الضرب ينفعو او ربما يكون دق لعب الكشتينة اخف من دق مشي السينما فيخفف الشيخ من الدق!!... و كما وانه يريد ان يبدي انه في غاية التعاون لعلاج نفسو من لعب الكشتينة...الليمات دي تطالعنا دعاية .. شراب شعير .. بيرة منزوعة الجمل والكحول وسميت شامبيون...لكن في النهاية بيرة ان طارت السما...فرفور.... غنا ليها في دعاية.... مجموعة بتاعت رجال يسدو عين الشمش.. وكل واحد شايل ليهو قزيزة شامبيون و يغنو و يشيلو ورا فرفور" شامبيون شامبيون"...المحيرني انو فرفور يغني و هو زعلان.. ما عارف المزعلو شنو؟ والعجيب انو الشيالين فرحانين بالشامبيون ويورو في الناس في القزازة قادم الكميرا...زول بيغني لبيرة ولشراب في رايو انو سمح زي دا... حقو يطرح وشيهو شوية... عشان الناس تفتنع بانو البيرة دي بت كلب ومافي زيها اتنين...ونبقى نحن ما عندنا شغلة في الدنيا دي غير نشرب شامبيون وندشا ونقول" ارقد يا عيش انا جرابك"..... ونباري باقي الدعايات ونمشي نشتري عناقريب وطرابيز من المحلات العاملة دعاية..ونمشي ونحن شبعانين ورويانين شامبيون .. و علي حس الشبعة دي العنقريب ان قالو لينا بمليون نمرق القروش من جيبنا ونقول لهم ادونا اربعة عناقريب وطربيزتين....قلت يا ريت يعيدو تصوير الدعاية ويقولو لفرفور.. اطرح وشيك واضحك.. شوية.. والفلهمة في الغنا ال للبيرة ما جاية.... ويعتذرو لجمهور الشامبنيوناب... عن زعل فرفور ومقابلتو ليهم وهو صاري.. ويشوفو اي عذر لفرفور..يعني ممكن كان راسو موجعو وقت التصوير... او اي حاجة تنفي التهمة عن الشامبيون وانو فرفور زعلان من الشامبيون...اقو قولي هذا متمنيا لفرفور النجاح .. والتقدم... وللشامبيون دوام التالق وان يحافظ على انو منزوع الكحول والجمل..وان لا تصغر نفسو ويدس لو عقاب كحول في قزازة ويجينا مارق بيهو.... |
هنـــا
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: خالد المحرب)
|
والله يا عمران يا اخوي وما طالني حليفي
الاعلان دا طمم بطني عدييييل كده ,,مع اني بحب صوت فرفور جدا ,, 
واكتر حاجه عبيطه فيهو (شاااااااااامبيون مافي غيرك شاااااامبيون) ..!!!
اسي الكلام دا يعني شنو ..؟؟؟
والغريب في الموضوع انو فر فور دا صاااااااري وشو الاعلان كلو
ساره اختي قالت الزول دا كانو دايرين منو قروش وماقدر يديها ليهم
قام عملها ليهم اعلان ولا شنـــو ..؟؟ 
--------------
قلت لي ابي صديغــي وكده ..!!
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: داليا الكباشى)
|
عمران يا..
فرفور دي كاتبها باللغة الهيروغليفية
انت ما بتحب فرفور ولا ما بتحب الشامبيون ولا تكون ما بتحب اولاد البرير ، لو الاجابات دي كلها صحيحة تبقى بالغت
بعدين دي سياسة تجارية بتتبعها الشركات للترويج عن منتجاتها وبصراحة نجمك المفضل ح يؤثر عليك يعني حيؤثر عليكـ ..
علي الطلاق تشوف دعاية شامبو بانتين عند منى زكي تمشي تربي شعرك توصلو رقبتكـ
اثم انو... الفنان شن طعمو كان ما سكر
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
| Quote: انت ما بتحب فرفور ولا ما بتحب الشامبيون ولا تكون ما بتحب اولاد البرير ، لو الاجابات دي كلها صحيحة تبقى بالغت |
ديل كلهن مافي يا اختنا بت النور | Quote: بعدين دي سياسة تجارية بتتبعها الشركات للترويج عن منتجاتها وبصراحة نجمك المفضل ح يؤثر عليك يعني حيؤثر عليكـ .. |
متفقين | Quote: علي الطلاق تشوف دعاية شامبو بانتين عند منى زكي تمشي تربي شعرك توصلو رقبتكـ |
بررررررررررضو متفقين هاهاهاهاها دي ضحكة الوش الأخدر ما بتوصله يا شمايل ، علا مسعولة من الخير ( اثم انو ) دي داليا الكباشي إلا تشرحيها ليها
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
| Quote: قلت لي ابي صديغــي وكده ..!! |
نسيت يا داليا أقول ليكـ
انتي قايلاهو ما صديغي ولا ما صديغي يعني ؟؟
____________
وجن شابكاني ليكـ يا أستاذ
الشامي شابكني ليكـ يا عم
وكمان خربه ممدوح أبارو قال لي يا جدو
انا عارف سوقي برد لكن كمان ياخي حاااااااااااره
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: عمران حسن صالح)
|
| Quote: قبل أن ترى احمد يمشي برجليه أول خطواته |
والله ليهم حق ناس وجن وابارو يقولوا ليك جدو ..!!
انت خرفتا يا عمران ..؟؟
انا موش كنت معاكم في البيت واحمد دا مشى قدامي خطوتين كمان ..؟؟
----------
النبي حمودي عمران كيف.؟؟ ياخ الولد دا شعرو سمح .. سلامه كبيره انك ما ورثتوا مساله الشعر دي ..
| |
|
|
|
|
|
|
|
|
|
Re: فـــر FOUR " شفط " الشامبيــون ... (Re: وليد عبد اللطيف)
|
وينكـ يا أيمن دياب
دي شنو الشردة دي ؟؟ | Quote: والله يا عمران.. أبوك ما شاف الأولاد البتمايلو مع الاغنية دي.. |
تصدق يا أيمن أبوي في الغُنا حقااااااااار ، والله أنا بذكَر لامن كنا صغار لو لقى كابلي يغني في الراديو ولا التلفزيون يقول لينا ( أقفلو الباطل ده )
مع احترامي وحبي والله للأستاذ الكبير الكابلي
______________________________________________
يا وليد عشان كمان ندي فرفور ( صاحب كراكة ) حقو
في أغاني هو صراحة ( بضجضمه ) ...
دي من ضمنها :
أضغط للإستماع
| |
|
|
|
|
|
|
| |
عمران حسن صالح
وجن
خالد المحرب
عبدالله شمس الدين مصطفى
ندى عثمان حسن
Fadl Karrar
محمد عبد الماجد الصايم
وليد عبد اللطيف
خالد عبد الله محمود
خدر
هيثم درار
طارق جبريل
ممدوح أبارو
داليا الكباشى
شمائل النور
بكري عباس علي
فيس بوك
تويتر
انستقرام
يوتيوب
بنتيريست