|
Re: والله خجلت ليك ياعمر البشير !! (Re: معاوية محمد الحسن)
|
شوف يا عاطف مكّاوى ...
Quote: الغريب يا كمال أن تجد من يقول لك أنه ليس من المهم أن يتحرك رأس الدولة
خارج البلاد ليكون مؤهلا للقيادة ................ ويقولون ذلك وهم يقارنون بلادنا (المليون
ميل مربع وأكثر من 300 لغة وكم لا يحصي من القبائل المتداخلة وأطول نهر في العالم
وبلاد تتوسط حضارتي العرب والأفارقة بدولة مثل سلطنة عمان وقابوسها الذى لا يتحرك)
طيب المتريس ليها شنو ؟ |
موضوع العدالة الدولية دا - وخصوصاً المحكمة الجنائية الدولية - موضوع طويل وشائك ... ومن الغباء إننا نعاين ليهو من منظور أزمتنا السياسية المحلية فى السودان ...
انا شخصياً ما بنتظر "أبلة ظاظا" (أو خالتى فرنسا كما صوّرتها الممثلة القديرة عبلة كامل وللمعلومية انا ما جبت سيرة أى زول تانى والكلام دا ما يتحسب جزؤ من عمايلى)
ما بنتظر ابلة ظاظا تحدد لى اكون طرف فى المحكمة الجنائية ام لا ... والحد من حركة الرئيس بى حجة انو مطلوب جنائياً هو حد من تمثيل السودان واستفزاز للسودان يضاف لى استفزاز محاولة فرض المؤسسة الظالمة والملتوية وغير المحايدة الإسمها المحكمة الجنائية الدولية ...
صدقنى ... لو أنا عندى أدلة مادية على إنو البشير مذنب جنائياً (سكّين فيها دم وبصمات مثلاً) حأقعد اهتف ليهو لغاية ما "ابلة ظاظا" تطلع منها ... تمشى تشوف ليها حنك بيش مع غينيا الفرنسية ولاّ أى داهية ... بعد داك انا والبشير بنصطفل ...
انتو ما بتخجلوا من الجقلبة عند من لا يهمه امركم بتاتاً ... أياً كان موقف البشير منكم ... لو ما عندكم تاريخ مشرق ولا زؤية جاذبة للشعب ولا حتى بصيص أمل سياسى؛ موقف أو تحالف أو شجاعة تقلعوا بيها السلطة ما عندكم؟
حلّكم الوحيد التباكى عند ابلة ظاظا؟
والله انا ارحم لى مليون مرة انو شعبى يرزح كدا للدين ... تحت نير الظلم البشيرى ...
تحت تحت ... يا شماتة ابلة ظاظا فينى انا دا ....
... المهم ...
|
|
|
|
|
|
|
العنوان |
الكاتب |
Date |
والله خجلت ليك ياعمر البشير !! | كمال سالم | 03-23-10, 00:55 AM |
Re: والله خجلت ليك ياعمر البشير !! | كمال سالم | 03-23-10, 01:14 AM |
Re: والله خجلت ليك ياعمر البشير !! | محمد زكريا | 03-23-10, 01:15 AM |
Re: والله خجلت ليك ياعمر البشير !! | تبارك شيخ الدين جبريل | 03-23-10, 01:37 AM |
Re: والله خجلت ليك ياعمر البشير !! | نصار | 03-23-10, 01:57 AM |
Re: والله خجلت ليك ياعمر البشير !! | عاطف مكاوى | 03-23-10, 03:16 AM |
Re: والله خجلت ليك ياعمر البشير !! | معاوية محمد الحسن | 03-23-10, 06:56 AM |
Re: والله خجلت ليك ياعمر البشير !! | تبارك شيخ الدين جبريل | 03-23-10, 01:01 PM |
Re: والله خجلت ليك ياعمر البشير !! | عمر عشاري | 03-23-10, 11:49 PM |
Re: والله خجلت ليك ياعمر البشير !! | كمال سالم | 03-24-10, 02:40 PM |
Re: والله خجلت ليك ياعمر البشير !! | BAKTASH | 03-24-10, 08:27 PM |
|
|
|